Qor, yomg‘ir, momaqaldiroq: 27-sentabr kuni O‘zbekistonda havo qanday bo‘ladi

27-sentabr kuni O‘zbekistonning katta qismida yog‘ingarchilik kutilmaydi. Kunduzgi harorat 20–25 daraja atrofida bo‘ladi. Tog‘oldi va tog‘li hududlarda esa qisqa muddatli yomg‘ir va momaqaldiroq kuzatilishi mumkin.

Hududlarda yog‘ingarchilik kutilmaydi

Bugun kunduzi respublikaning aksariyat hududlarida yog‘ingarchilik bo‘lmaydi. Shamol sekundiga 7 – 12 metr tezlikda esadi. Havo harorati 20–25 darajani tashkil etadi.

Toshkentda havo 23–25 daraja bo‘ladi

Poytaxtda ham yog‘ingarchilik kutilmaydi. Shamol sekundiga 3 – 8 metr tezlikda esadi. Kunduzgi harorat 23–25 daraja bo‘ladi.

Tog‘larda yomg‘ir va qor yog‘ishi mumkin

Tog‘oldi va tog‘li hududlarning ayrim joylarida qisqa muddatli yomg‘ir yog‘ishi va momaqaldiroq kuzatilishi mumkin. Baland tog‘larda yog‘ingarchilik qorga aylanishi ehtimoli bor.

Shamol sekundiga 7 – 12 metr tezlikda esadi, ayrim joylarda esa 13 – 18 metrgacha kuchayishi mumkin. Bu hududlarda havo harorati 13–18 daraja atrofida bo‘ladi.

Avvalroq Kursiv Uzbekistan nashri 26-sentabr kuni qanday ob-havo kuzatilishi haqida yozgan edi.