O‘zbekiston va Qirg‘iziston harbiy razvedka sohasida hamkorlik qiladi

Qirg‘iziston Vazirlar Mahkamasi O‘zbekiston Mudofaa vazirligi bilan harbiy razvedka sohasida hamkorlik to‘g‘risidagi kelishuvni tasdiqladi. Hujjat 2026-yil 30-iyul kuni Cho‘lpon-Otada imzolangan. Bu haqda 24.kg xabar berdi. 

Kelishuv kuchga kirishi uchun zarur tartiblar yakunlanmoqda

Qirg‘iziston hukumati qarori kelishuvning kuchga kirishi uchun mamlakat ichida bajarilishi kerak bo‘lgan tartib-taomillarni yakunlash maqsadida qabul qilingan.

Qirg‘iziston Tashqi ishlar vazirligiga zarur ichki tartiblar bajarilgani haqida O‘zbekiston tomonini xabardor qilish topshirilgan.

Harbiy razvedka bo‘yicha nimalar kelishilgani ochiqlanmagan

Hujjatda O‘zbekiston va Qirg‘iziston o‘rtasidagi harbiy razvedka sohasidagi hamkorlikning aniq yo‘nalishlari, axborot almashish mexanizmlari va tomonlarning majburiyatlari batafsil ochiqlanmagan.

Kelishuv Qirg‘iziston tomonidan zarur ichki tartiblar bajarilganidan so‘ng belgilangan tartibda kuchga kiradi. Hujjat qoidalariga ko‘ra, u o‘n kun o‘tgach amal qila boshlaydi.

Bu kelishuv O‘zbekiston va Qirg‘iziston o‘rtasidagi mudofaa hamda xavfsizlik sohasidagi hamkorlikning yangi yo‘nalishlaridan biri bo‘lishi mumkin.

Qirg‘iziston parlamenti – Jogorku Kenesh 24-sentabr kuni navbatdagi prezidentlik saylovini 2027-yil 27-yanvar kuni o‘tkazish to‘g‘risidagi qarorni qabul qilgani haqida xabar berilgandi.