Samsung Galaxy S27 Ultra smartfoni taqdimotidan bir necha oy oldin uning ehtimoliy rang variantlari haqida ma’lumot paydo bo‘ldi. Yangi flagman kamida beshta rangda chiqarilishi mumkin.
Besh xil rang kutilmoqda
Manbaga ko‘ra, Galaxy S27 Ultra uchun Violet rang varianti ham tayyorlanmoqda.
U avvalroq tilga olingan Black, Blue, Light Pink va White ranglariga qo‘shiladi. Shunday qilib, smartfon kamida beshta rangda taklif qilinishi mumkin.
Samsung ranglar qatorini o‘zgartirishi mumkin
Ma’lumotlarga ko‘ra, kompaniya Galaxy S26 Ultra bilan taqqoslaganda asosiy ranglar to‘plamini ham yangilaydi.
Xususan, amaldagi avloddagi yorqin Cobalt Violet o‘rnini standart ranglar qatorida Light Pink egallashi mumkin.
Violet esa alohida yangi rang sifatida saqlanib qolishi kutilmoqda.
Taqdimot 2027-yilda kutilmoqda
Samsung Galaxy S27 Ultra’ning rasmiy taqdimoti 2027-yilda o‘tkazilishi kutilmoqda. Smartfonning ranglari, texnik xususiyatlari va sotuvga chiqish sanasi bo‘yicha Samsung hozircha rasmiy ma’lumot bermagan.
Avvalroq Kursiv Uzbekistan nashri Samsung Galaxy Z Fold 9 yanada yupqa bo‘lishi mumkinligi haqida yozgan edi.
