Honor 21-oktabr kuni Xitoyda taqdim etiladigan Honor Win 2 smartfonining boshlang‘ich narxini ma’lum qildi. Bu haqda Gizmochina xabar bermoqda.
Oddiy chakana narx bundan yuqori bo‘ladi, biroq Honor hozircha aniq summani oshkor qilmagan.
Snapdragon 8 Elite Extreme Gen 6 o‘rnatiladi
Honor Win 2 yangi Snapdragon 8 Elite Extreme Gen 6 protsessori bilan jihozlanadi. Smartfon o‘yinlarga mo‘ljallangan bo‘lib, qizib ketishni kamaytirish uchun ikki ventilyatorli faol sovitish tizimini oladi.
Bu avvalgi Honor Win’dagi bitta ventilyatorli tizimga nisbatan asosiy yangilanishlardan biri bo‘ladi.
Batareya 10 100 mA/soatga yetdi
Honor Win 2 10 100 mA/soat sig‘imli batareya bilan jihozlanadi. Avvalgi Honor Win modelida bu ko‘rsatkich 10 000 mA/soat edi. Displey 2K aniqlikka va 185 Hz yangilanish chastotasiga ega bo‘ladi. Yangilanish chastotasi oldingi avlod bilan bir xil qolgan.
Besh xil xotira versiyasi bo‘ladi
Honor Win 2 Xitoyda beshta konfiguratsiyada sotuvga chiqarilishi rejalashtirilgan:
12 GB tezkor va 256 GB doimiy xotira, 16/256 GB, 12/512 GB, 16/512 GB hamda 16 GB RAM va 1 TB xotirali versiyalar taklif qilinadi. Honor hozircha har bir konfiguratsiyaning alohida narxini e’lon qilmagan.
Uchta rangda sotiladi
Smartfon Quick Black, Designated Win va Red/Blue Buff ranglarida taklif qilinadi. Orqa panelda gorizontal Matrix Deco kamera bloki, sovitish ventilyatori yonida RGB yoritish va bulutga o‘xshash bezak ishlatilgan.
Taqdimot 21-oktabrda
Honor Win 2 seriyasi uchun Xitoyda oldindan buyurtmalar allaqachon boshlangan.
21-oktabrdagi Honor Win Gaming Universe Carnival tadbirida Win 2 bilan birga Win RT 2, Win Turbo 2 va yangi Honor Win Tablet ham namoyish etilishi kutilmoqda.
Hozircha Honor Win 2’ning Xitoydan tashqaridagi bozorlarga chiqishi tasdiqlanmagan.
Avvalroq Kursiv Uzbekistan nashri Honor Win 2 smartfoni sinovdan o‘tkazilgani haqida yozgan edi.
