Yaqinda Apple Pay Özbekistonda işga tuşirilişi kutilmoqda

Özbekistonda Google Pay xizmati işga tuşirildi, Apple Pay’ni ham yaqin kunlarda joriy etiş rejalaştirilmoqda. Bu boradagi texnik işlar Markaziy bank, tijorat banklari, HUMO va Uzcard tomonidan olib borilmoqda, deya xabar berdi Turizm qömitasi.

Endilikda xorijiy sayyohlar Özbekistonda smartfon orqali kontaktsiz tölovlarni amalga oşirişi mumkin. Bu turizm sohasida xorijiy mehmonlar uçun qulayliklarni oşiriş va xalqaro tölov tizimlarini milliy infratuzilmaga integratsiya qiliş doirasida amalga oşirilmoqda.

Yaqin kunlarda Apple Pay xizmatini ham işga tuşiriş kutilmoqda. Bu orqali sayyohlar Özbekistonda özlari odatlangan va işonçli deb bilgan tölov vositalaridan foydalaniş imkoniga ega böladi.

Alipay+ orqali tölov qiliş mumkin

Xitoy va Hindistondan keluvçi sayyohlar uçun ham alohida tölov yeçimlari joriy etilmoqda.

Avgust oyida HUMO infratuzilmasida Alipay+ tölov şlyuzi işga tuşirilgan. Natijada Alipay va unga ulangan elektron hamyonlardan foydalanuvçilar Özbekistonda UZQR orqali tölov qilişi mumkin.

Hindistonning UPI tizimi bilan integratsiya qilinadi

Mumbayda ötgan Global Finteç Fest 2026 doirasida HUMO va NPCI International rahbariyati transçegaraviy QR-tölovlarni joriy etiş masalalarini muhokama qilgan.

Loyiha UZQR va Hindistonning UPI tizimini birlaştirişni nazarda tutadi. Natijada hindistonlik sayyohlar Özbekistondagi savdo va xizmat körsatiş şoxobçalarida özlari foydalanuvçi ilovalar orqali QR-kodni skanerlab tölov qilişi mumkin böladi.

Mazkur çoralar xorijiy sayyohlarning naqd pul va xalqaro kartalarga boğliqligini kamaytirişga qaratilgan.

Eslatib ötamiz, avvalroq muddatli tölov xizmatlarida mijozlarni raqamli identifikatsiya qiliş majburiy bölişi haqida xabar berilgandi.