Botkin qabristonida devor qulaşi natijasida qabr toşlariga zarar yetdi

Toşkentdagi Botkin qabristonida quriliş işlari vaqtida devor qulab, bir neçta qabr toşlariga şikast yetdi. Şahar hokimligi qurilişni töxtatdi va mas’ul şaxslar aniqlanganini ma’lum qildi.

Devor quriliş vaqtida qulagan

Dastlabki örganişlarga köra, sobiq şampan vinolari zavodi hududida olib borilgan quriliş işlari vaqtida obyektni Botkin qabristonidan ajratib turgan devor qulagan. Oqibatda qabristonning 15-sektoridagi sönggi qatorda joylaşgan bir neçta qabr toşiga zarar yetgan. Hokimlik qabrlarning özi oçilmaganini ta’kidladi.

Quriliş işlari töxtatildi

Toşkent şahar hokimligi va Şahar obodonlaştiriş boşqarmasi vaziyat nazoratga olinganini bildirdi. Qoidabuzarliklar bilan olib borilgan quriliş işlari töxtatilgan, mas’ul şaxslar aniqlangan. Hodisa tafsilotlari hamda mas’ullarning xatti-harakatlariga huquqiy baho berilişi aytilmoqda. Agar ayb tasdiqlansa, mas’ullar qonunçilikda belgilangan tartibda javobgarlikka tortiladi.

Qabr toşlari hafta oxirigaça tiklanadi

Buyurtmaçi va pudrat taşkilotiga devor qulaşi oqibatlarini bartaraf etiş hamda şikastlangan qabr toşlarini tiklaş majburiyati yuklatilgan. Ular hodisa uçun uzr sörab, tiklaş işlarini hafta oxirigaça yakunlaşlarini bildirgan. Şahar hokimligi işlarning borişi va qabr toşlarini tiklaş jarayoni nazoratda bölişini ma’lum qildi.

Avvalroq «Kursiv» Toşkent aholisi endi poytaxtdagi noqonuniy qurilişlar haqida maxsus Telegram-bot orqali tezkor xabar berişi mumkinligi haqida yozgan edi.