Özbekiston toğ-kon sanoatida Eldridge Industries bilan hamkorlik qiladi

Prezident Şavkat Mirziyoyev 23-oktabr kuni AQŞning Eldridge Industries kompaniyasi hammuassisi, raisi va boş ijroçi direktori Todd Boelini qabul qildi. Uçraşuvda toğ-kon sanoati, metallurgiya, quriliş va şahar infratuzilmasida yirik qöşma loyihalarni amalga oşiriş istiqbollari muhokama qilindi.

Hamkorlikning ustuvor yönalişlari belgilandi

Uçraşuvda Eldridge Industries bilan kooperatsiyani kengaytiriş imkoniyatlari körib çiqildi.

Xususan, toğ-kon sanoati va metallurgiya, quriliş sohalaridagi şeriklikni rivojlantiriş hamda şahar infratuzilmasiga zamonaviy raqamli yeçimlarni joriy etiş ustuvor yönalişlar sifatida belgilandi.

Muzokaralar yakunida tomonlar köp qirrali hamkorlikni rivojlantiriş böyiça qöşma «Yöl xaritasi»ni qabul qilişga kelişib oldi. Mazkur hujjat doirasida yangi loyihalar va hamkorlik yönalişlarini belgilab oliş közda tutilmoqda.

Kompaniya $75 mlrddan ortiq aktivlarni boşqaradi

Eldridge Industries AQŞning investitsiyaviy xoldingi bölib, aktivlarni boşqariş, suğurta, köçmas mulk, infratuzilma, texnologiyalar, sport va media sohalarida faoliyat yuritadi.

Kompaniya boşqaruvidagi aktivlarning umumiy qiymati $75 mlrddan ziyod.

Eslatib ötamiz, avvalroq Özbekistonda atom energetikasi uçun mutaxassislar tayyorlanişi haqida xabar berilgandi.