Yangiliklar

Google o‘zining sun’iy intellekt (AI) bo‘yicha etik tamoyillarini yangilab, ilgari texnologiyani qurol-yarog‘ va kuzatuv uchun ishlatmaslik haqidagi va’dasini olib tashladi. Bu haqda CNN axborot agentligi ma’lum qildi.

Unga ko‘ra, 2018-yilda kompaniya AI’ni insonlarga zarar yetkazishi yoki xalqaro normalardan tashqari kuzatuv uchun ishlatmaslikni kafolatlagan edi. Hatto o‘sha yili Google Pentagon bilan 10 milliard dollarlik shartnomadan voz kechgan va minglab xodimlar harbiy texnologiyalar yaratishga qarshi petitsiya imzolagan edi.

Biroq AI texnologiyalarining jadal rivojlanishi fonida Google o‘z tamoyillarini qayta ko‘rib chiqdi. Kompaniya rahbarlari demokratik mamlakatlarning AI bo‘yicha tamoyillari ularga texnologiyaning imkoniyat va xavflarini yaxshiroq tushunishga yordam berganini ta’kidlamoqda. Endi Google AI’ni «odamlarni...

O‘zbekistonda noqonuniy yo‘l bilan yirik miqdordagi mablag‘larni qo‘lga kiritgan jinoiy guruh aniqlandi. Bu haqda Davlat xavfsizlik xizmati matbuot xizmati ma’lum qildi.

Unga ko‘ra, ushbu guruh Farg‘ona viloyatida faoliyat yuritgan. DXX tomonidan e’lon qilingan videoda 32 nafar shaxsning qo‘lga olingani aks etgan. Tekshiruv natijasida firibgarlarning uchta Call-markaz orqali ishlagani aniqlangan: ularning ikkitasi Farg‘onada, biri esa Toshkent shahrida joylashgan bo‘lgan.

«RIA Novosti»ning videoyozuvga tayanib xabar berishicha, sxema tashkilotchisi Farg‘ona viloyati fuqarosi bo‘lgan. U boshchiligida Rossiya fuqarolarining mablag‘larini noqonuniy egallashga ixtisoslashgan butun bir tarmoq faoliyat olib borgan.

Tergov jarayonida ma’lum bo‘lishicha, firibgarlar internet orqali biologik faol qo‘shimchalar sotib olgan rossiyaliklarning shaxsiy...

Bugun mamlakat hududida havo biroz bulutli bo‘lib, yog‘ingarchilik kutilmaydi. Ayrim joylarda tuman tushishi mumkin. Shamol sharqdan 5-12 m/s tezlikda esadi, deya ma’lum qilmoqda «O‘zgidromet».

Unga ko‘ra, Toshkent shahrida havo biroz bulutli bo‘lib, kechasi harorat 0-2 daraja iliq, kunduzi esa 10-12 daraja iliq bo‘ladi.

Qoraqalpog‘iston Respublikasi va Xorazm viloyatida kechasi 5-10 daraja sovuq, kunduzi 5-10 daraja iliq bo‘lishi kutilmoqda.

Buxoro va Navoiy viloyatlarida havo ochiq, kechasi harorat 1-6 daraja sovuq, kunduzi esa 9-14 daraja iliq bo‘ladi.

Toshkent, Samarqand, Sirdaryo va Jizzax viloyatlarida havo biroz bulutli, ayrim joylarda tuman kuzatilishi mumkin. Harorat kechasi 3 daraja sovuqdan 2 daraja iliqqacha...

Ferrari joriy yilning 9-oktabr kuni Italiyadagi Maranello bazasida o‘zining birinchi to‘liq elektr avtomobilini taqdim etadi. Bu haqda Reuters axborot agentligi ma’lum qildi.

Kompaniya bosh direktori Benedetto Vinyaning so‘zlariga ko‘ra, yangi model «o‘ziga xos va innovatsion tarzda» namoyish etiladi.

Bu elektr avtomobil Ferrari’ning 2024-yilda chiqarilishi rejalashtirilgan oltita yangi modelidan biri bo‘ladi. Kompaniya 2025-yilda daromadini kamida 5% ga oshirishni ham maqsad qilgan.

Ferrari 2019-yildan beri gibrid modellarni ishlab chiqarmoqda va 2023-yilda ularning savdosi umumiy avtomobil sotuvlarining 51% ini tashkil etdi. Xitoy bozoridagi elektr transport vositalariga bo‘lgan yuqori talab Ferrari uchun yangi imkoniyatlar yaratishi mumkin.

Eslatib o‘tamiz, avvalroq BYD Denza N9 mart...

Toshkent – Andijon va Toshkent – Samarqand pullik avtomagistrallarini qurish 2025-yilda boshlanadi. Bu haqda Transport vaziri Ilhom Mahkamov «O‘zbekiston 24» telekanali efirida ma’lum qildi.

Vazirning so‘zlariga ko‘ra, Andijongacha bo‘lgan yo‘l qurilishiga 30 ta kompaniya qiziqish bildirgan. Tenderda ishtirok etish bo‘yicha arizalar qabul qilish jarayoni joriy yil yanvar oyining oxirida boshlangan.

Toshkent – Andijon yo‘lining uzunligi 314 km bo‘lib, u oltita harakat yo‘lagiga ega bo‘ladi. Loyiha qiymati $4,28 mlrd.ni tashkil etadi.

Tender g‘olibi bilan davlat-xususiy sheriklik shartnomasi 49-yil muddatga tuzilishi rejalashtirilgan. Tanlangan kompaniya yo‘l qurilishi, uning ta’miri va ekspluatatsiyasi bilan shug‘ullanadi.

Toshkent – Samarqand yo‘li ham oltita harakat yo‘lagiga ega...

Shavkat Mirziyoyev 4-fevral kuni rasmiy tashrif bilan Malayziyaga yetib keldi. Bu haqda davlat rahbari matbuot xizmati ma’lum qildi.

Unga ko‘ra, Kuala-Lumpur xalqaro aeroportida Mirziyoyevni Malayziya parlamenti spikeri Johari bin Abdul va rasmiy shaxslar kutib oldi.

Tashrif doirasida prezident Malayziya parlamenti spikeri bilan uchrashib, ikki mamlakat o‘rtasidagi hamkorlik masalalarini muhokama qildi. Parlamentlararo aloqalarni mustahkamlash va qo‘shma loyihalarni amalga oshirish masalalariga alohida e’tibor qaratildi.

5-fevral kuni O‘zbekiston prezidenti Malayziya bosh vaziri Anvar Ibrohim bilan oliy darajadagi muzokaralar o‘tkazadi hamda O‘zbekiston – Malayziya biznes forumida ishtirok etadi. Tashrif yakunida qator muhim hujjatlar imzolanishi rejalashtirilgan.

Eslatib o‘tamiz, avvalroq Shavkat Mirziyoyev yirik transport infratuzilmasi...

Xitoy 2026-yilda Oy janubiy qutbiga uchuvchi robot yuborishni rejalashtirmoqda. Bu haqda CNN axborot agentligi ma’lum qildi.

Unga ko‘ra, ushbu «uchuvchi detektor» Oy yuzasidagi chuqur g‘orlarda muz mavjudligini aniqlash va kelajakda Oyda ilmiy baza qurish rejasiga hissa qo‘shish uchun ishlatiladi.

Chang’e-7 missiyasi doirasida Oyga orbiter, qo‘nuvchi modul, rover va uchuvchi robot yuboriladi. Ushbu robot soyali kraterlarga sakrab o‘tib, muzning joylashuvi va miqdorini aniqlashga harakat qiladi.

Eslatib o‘tamiz, avvalroq NASA zondi quyoshga eng yaqin masofada uchib omon qolgan edi.

O‘zbekistonda kredit tarixini muzlatish xizmatlaridan foydalanayotgan fuqarolar soni keskin oshmoqda. Bu haqda 4-dekabr kuni Markaziy bankda bo‘lib o‘tgan media-muloqotda ma’lum qilindi.

Kredit-axborot tahliliy markazi kredit byurosining ma’lumotlariga ko‘ra, 2024-yilning to‘rtinchi choragida Freeze xizmati orqali 48,4 ming fuqaro o‘z kredit tarixini bloklagan. Joriy yilning uchinchi choragida bu ko‘rsatkich 7,5 ming nafarni tashkil qilgan bo‘lsa, jami foydalanuvchilar soni deyarli 56 mingga yetdi.

Shuningdek, yana bir kredit byurosi – CRIF kredit-axborot xizmatlarining bosh direktori Mirsardor Usmonovning Kursiv Uzbekistan’ga ma’lum qilishicha, hozirda ularda xuddi shunday xizmat – Kredit Lock’ni 10,2 ming kishi yoqib qo‘ygan. Ushbu xizmatlar firibgarlikning oldini olishga qaratilgan bo‘lib, kredit tarixi...

Avstraliyaning Yangi Janubiy Uels Transport vaziri Jo Haylen davlat mablag‘lari hisobidan ajratilgan avtomobilni shaxsiy safarlari uchun ishlatgani haqidagi tanqidlardan so‘ng iste’foga chiqdi. Bu haqda The Guardian nashri ma’lum qildi.

Unga ko‘ra, Haylen Avstraliya kuni munosabati bilan e’lon qilingan dam olish kunlarida do‘stlari bilan Hunter Valleydagi vino zavodiga borish uchun 446 km masofani bosib o‘tgan shaxsiy haydovchisidan foydalangani oshkor bo‘ldi. U, shuningdek, farzandlarini sport mashg‘ulotlariga olib borish va boshqa shaxsiy safarlar uchun ham vazirlik avtomobilidan foydalangani uchun tanqid qilindi.

Bosh vazir Chris Minns ushbu harakatni oqlab bo‘lmasligini aytib, vazirlar uchun yangi qoidalar joriy etilishini e’lon qildi. Endilikda xizmat avtomobillari faqat...

Janubiy Koreyaning Hyundai kemasozlik kompaniyasi bilan hamkorlikda tashkil etilgan 3 oylik o‘quv kurslariga hujjat topshirish muddati 6-fevralgacha uzaytirildi. Bu haqda Migratsiya agentligi ma’lum qildi.

Unga ko‘ra, ushbu loyiha doirasida O‘zbekistondan 350 nafar ishchi jalb qilinadi, shundan 100 nafari E-7 vizasi asosida ishga joylashtiriladi. Oylik maosh $2,5 minggacha bo‘lib, qo‘shimcha ishlar uchun ustama to‘lanadi.

Shu kungacha 93 nafar nomzod ariza topshirgan. Jarayon hujjatlarni tekshirish, intervyu, tanlab olish, o‘quv mashg‘ulotlari va yakuniy baholash bosqichlaridan iborat. Nomzodlar uchun TOPIK, mutaxassislik sertifikatlari va EPS-TOPIK imtihonlarida 80 balldan yuqori natija ustunlik beradi.

Ro‘yxatdan o‘tish ushbu havola yoki agentlikning...

Statistika agentligining ma’lumotlariga koʻra, 2025-yil yanvar oyida iste’mol narxlari indeksi yillik 9,9 foizga yetdi. Dekabr oyiga nisbatan bu koʻrsatkich 0,1 foizga oshdi.

Yil davomida eng katta narx oʻsishi xizmatlar sohasida kuzatildi – 27 foiz. Ayniqsa, elektr energiyasi, gaz va boshqa yoqilgʻi turlari 2024-yil yanvariga nisbatan 68,4 foizga qimmatlashdi. Kommunal xizmatlar narxi 29,1 foizga, uy-joy ijarasi esa 13,1 foizga oshdi.

Ta’lim va sogʻliqni saqlash xizmatlarining narxlari ham sezilarli darajada koʻtarilib, mos ravishda 17,7 foiz va 21,1 foiz oʻsish qayd etildi.

Mahsulotlar narxining oʻsishi nisbatan past boʻldi. Nooziq-ovqat mahsulotlari yil davomida 7,7 foizga qimmatlashgan boʻlsa, oziq-ovqat mahsulotlari narxi atigi...

O‘zbekistonning Buyuk Britaniyadagi elchisi Ravshan Usmonov Londonda «Manchester Siti» futbol klubi himoyachisi, yosh o‘zbekistonlik futbolchi Abduqodir Husanov bilan uchrashdi. Ushbu uchrashuv futbolchining Premyer-ligadagi debyutidan so‘ng bo‘lib o‘tib, unda uning kelajak rejalari va o‘zbek futbolining rivoji muhokama qilindi. Bu haqda «Dunyo» axborot agentligi ma’lum qildi.

Uchrashuvda O‘zbekistonda futbolni rivojlantirish, yosh futbolchilarni qo‘llab-quvvatlash va ijtimoiy loyihalarni amalga oshirish bo‘yicha imkoniyatlar muhokama qilindi. Tomonlar kelajakda o‘zaro hamkorlikni mustahkamlash, sport sohasi rivojiga hissa qo‘shish va yosh iste’dodlarni tarbiyalash bo‘yicha hamkorlik qilishga kelishib oldilar.

Elchi Ravshan Usmonov Abduqodir Husanovning yuksak natijalarga erishayotganini alohida ta’kidlab, uning «Manchester Siti» safidagi faoliyati nafaqat O‘zbekiston futboli, balki...

Qishloq xoʻjaligida yer islohotlarini amalga oshirish loyiha ofisi tashkil etiladi. Bu haqda Adliya vazirligi xabar berdi.

Prezidentning 3-fevral kuni «Qishloq xoʻjaligi ekin maydonlari unumdorligini oshirish, tarmoqqa investitsiyalar jalb qilish uchun qulay shart-sharoit yaratish boʻyicha navbatdagi chora-tadbirlar toʻgʻrisida»gi farmonni qabul qilgan.

Unga koʻra, yer uchastkalarini ajratish ishlari 2025-yil 1-martgacha toʻliq yakunlanadi. Yangi tizim birinchi bosqichda 2025-yil bahorgi ekish mavsumigacha belgilangan hududlarda tuman hokimliklari tasarrufida turgan, 2025-yil va undan keyingi yillar hosili uchun paxta va gʻalla ekinlarini yetishtirish nazarda tutilmagan boʻsh turgan yer uchastkalarida joriy etiladi.

Shuningdek, yangi tizim samaradorligini muntazam ravishda tahlil qilgan holda, zaruratga koʻra, uni 2025-yilgi kuzgi ekish...

4-fevral kuni AQSh dollarining rasmiy kursi 13,90 soʻmga koʻtarilib, 12 998,91 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 900 – 12 950 soʻmdan sotib olayotgan boʻlsa, 12 980 – 13 060 soʻm oraligʻida sotmoqda.

Shu bilan birga, yevro 154,61 soʻmga ortib, 13 439,57 soʻmga yetdi. Rossiya rubli esa 1,45 soʻmga ortib, 131,29 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.   

Bugun, 4-fevral kuni Elit chempionlar ligasi yettinchi tur doirasida Toshkentning «Paxtakor» jamoasi Dohada Qatarning «Al-Garafa» klubi mehmoni boʻladi. Kursiv Uzbekistan mazkur uchrashuv haqida futbol mutaxassisi Alisher Nikimbayev bilan suhbatlashdi.

«Yanvar oyida Qatar chempionatida davra oʻyinlari boshlandi. “Al-Garafa» allaqachon bir nechta oʻyin oʻtkazishga ulgurdi va kuchli toʻrtlikdan joy olib turibdi. Jamoa keyingi yilgi Elit chempionlar ligasida ishtirok etish uchun yaxshi imkoniyatlarga ega. «Paxtakor» esa hozirda yangi mavsumga tayyorgarlik koʻrmoqda. Soʻnggi rasmiy oʻyinni dekabr oyida oʻtkazgan. Oʻrtoqlik oʻyinlari orqali jamoaga xolis baho berish qiyin, lekin jamoaning yana gol ura olmasligi xavotirga solmoqda. Shundan kelib chiqib «Al-Garafa»ning imkoniyatlari...

Bugun Toshkent metropoliteni vagon parkini boyitish maqsadida yana uchta yangi zamonaviy metro poyezdlari olib kelindi. Bu haqda «Toshkent metropoliteni» DUK ma’lum qildi.

Yangi harakat tarkiblari belgilangan yo‘riqnomaga muvofiq, 7 – 10 kun davomida sinovdan o‘tkaziladi. Texnik tekshiruvlar yakunlanganidan so‘ng ular muntazam yo‘nalishlarga chiqarilib, Toshkent metropolitenida xizmat ko‘rsata boshlaydi.

Bundan tashqari, joriy yilning fevral oyi davomida yana shu turdagi uchta metro poyezdi olib kelinishi rejalashtirilgan.

Avvalroq Kursiv Uzbekistan Toshkent metropoliteni 270 milliondan ortiq yo‘lovchilarga xizmat ko‘rsatgani haqida xabar bergan edi.

Foto: anitasstudio / www.depositphotos.com

Oʻzbekiston 2024-yil yanvar – dekabr oylarida xorijga 85,7 ming tonna xurmo eksport qilgan. Ushbu mahsulotning umumiy qiymati 57 million dollarni tashkil etgan. Bu haqda Statistika agentligi xabar berdi.

Eng ko‘p xurmo eksport qilingan davlat Rossiya bo‘lib, 64,3 ming tonna xurmo yetkazib berilgan. Qozog‘istonga esa 15,3 ming tonna xurmo eksport qilingan. Turkmaniston (3,3 ming tonna), Qirg‘iz Respublikasi (1,7 ming tonna) va boshqa davlatlar (deyarli 1 ming tonna) ham O‘zbekistondan xurmo sotib olgan.

Avvalroq Kursiv Uzbekistan qalampir eksporti 2024-yilda $8,9 mln.ni tashkil etgani haqida xabar bergan edi.

Joriy yilning yanvar oyi oxirida Olimjon Zokirov Uzcard ijrochi direktori lavozimidan ketgan edi. Xabar kompaniya saytida e’lon qilindi.

Zokirov Uzcardʼdan ketganidan soʻng toʻlov tizimi va boshqa kompaniyalarni boshqaradigan UCMG’ga oʻtdi. U yerda Zokirov tijorat direktori lavozimida ishlaydi.

Uzcard kompaniyasi manfaatlarini UCMG bosh direktori David Melikidze himoya qilishini ta’kidladi.

Eslatib oʻtamiz, toʻlov tizimi mamlakatimiz moliya sektoriga sun’iy intellektni joriy etishni rejalashtirmoqda.

Avvalroq Kursiv Uzbekistan Uzcard Qirgʻizistonning «Elkart» tizimi bilan integratsiyalashuvni rejalashtirayotgani haqida yozgan edi.

Oliy Majlis Qonunchilik palatasining navbatdagi majlisida iste’molchilarning huquqlarini himoya qilishga yo‘naltirilgan qonun loyihasi ikkinchi o‘qishda moddama-modda ko‘rib chiqildi.

Ushbu qonun loyihasi sotuvchilarga tovarni belgilangan muddatlarda topshirmaganlik uchun penya to‘lash majburiyatini yuklaydi. Sotuvchi tovarni yetkazib berishda kechiktirilgan har bir vaqt birligi (kun, soat, daqiqa) uchun 0.5% penya toʻlanishi belgilanmoqda.

Penya summasi yetkazib berilmagan tovarlarning bahosidan ortiq bo‘lmasligi, sotuvchining to‘lovni amalga oshirishi shartnoma majburiyatlarini buzganligini yengillashtirmasligi belgilangan.

Bunday holatlarda agar sotuvchi tovarlarni yetkazib berish muddatining kechikishini iste’molchining aybi bilan bog‘lashga muvaffaq bo‘lsa, penya to‘lashdan ozod qilinishi mumkin.

Majlisda qonun loyihasining ikkinchi o‘qishga tayyorlash jarayonida mas’ul qo‘mita tomonidan o‘tkazilgan yig‘ilishlar...

Toshkent shahri Shayxontohur tumanida faoliyat yuritgan hokim yordamchisi tomonidan jami 635,4 mln so‘mlik kredit mablag‘lari talon-toroj qilingani aniqlandi. Bu haqda Bosh prokuratura ma’lum qildi.

Ma’lum qilinishicha, u 20 nafar fuqaro nomiga elektron tarzda tavsiyanomalar bergan va ulardan foydalanib, 427,7 mln so‘mlik kredit mablag‘larini qo‘lga kiritgan. Ushbu mablag‘lar oilaviy tadbirkorlikni rivojlantirish, hunarmandchilik, kasanachilik, tomorqadan foydalanish va boshqa faoliyatlarni yo‘lga qo‘yish o‘rniga shaxsiy ehtiyojlariga sarflab yuborilgan.

Shuningdek, yordamchi o‘zining qarindoshlari va mahallada yashamagan boshqa 5 nafar fuqaroga qalbaki tavsiyanomalar orqali 207,7 mln so‘mlik kredit ajratilishiga erishib, ushbu mablag‘larni o‘zlashtirish yo‘li bilan talon-toroj qilgan.

Hozirda mazkur holat bo‘yicha Jinoyat kodeksining 168-moddasi...

Samsung tez orada Galaxy S21 smartfonlari uchun oylik xavfsizlik yangilanishlarini bekor qiladi. Kompaniyaning qaroriga ko‘ra, Galaxy S21, S21+ va S21 Ultra modellari bundan buyon faqat har chorakda yangilanadi.

Shunga qaramay yaqin orada smartfonlari uzoq kutilgan Android 15 texnologiyasiga ega boʻladi. Kuzatuvchilarning fikricha, foydalanuvchilar jadval o‘zgarishidan oldin yana bir yoki ikki oylik xavfsizlik yangilanishini olishi mumkin. Shundan so‘ng Samsung qurilmalarni yiliga to‘rt marta yangilash tizimiga o‘tadi.

Biroq Galaxy S21 FE modeli hozircha oylik yangilanishlarni olishda davom etadi, chunki u seriyaning boshqa modellaridan bir yil keyin chiqarilgan.

Avvalroq Kursiv Uzbekistan Samsung’ning Galaxy S25 seriyasi barcha smartfonlari Wi-Fi 7 standartini qo‘llab-quvvatlashi...

Raqobat qo‘mitasi 2024-yilda yuqori likvidli va monopol mahsulotlarning birja savdolarida sotilishida ayrim tadbirkorlik subyektlari tomonidan manipulyatsiya holatlari sodir etilganini aniqladi. Bu haqda qo‘mita matbuot xizmati ma’lum qildi.

Kunlik belgilangan hajmda mahsulotni birjaga qo‘ymaslik va savdo grafiklariga rioya qilmaslik kabi qonunbuzarliklarga quyidagi korxonalar yo‘l qo‘ygan:

Hududiy boshqarma maxsus komissiyasi tomonidan ushbu kompaniyalarga nisbatan ish qo‘zg‘atilib, «Raqobat to‘g‘risida»gi Qonunning 29-moddasi va Vazirlar Mahkamasining 170-sonli qaroriga muvofiq...

«Oziq-ovqat xavfsizligi to‘g‘risida»gi yangi qonun qabul qilindi. Ushbu qonun oziq-ovqat xavfsizligi sohasidagi munosabatlarni tartibga solish, aholining oziqlanish xavfsizligini ta’minlash va samarali bozor mexanizmlarini shakllantirishga qaratilgan.

Mazkur qonun aholining oziqlik qimmatiga ega bo‘lgan oziq-ovqat mahsulotlari bilan xavfsiz ovqatlanishini ta’minlash uchun tatbiq etiladi. Shuningdek, u oziq-ovqat mahsulotlari va xomashyosini ishlab chiqarishni yanada samarali tashkil qilishga xizmat qiladi.

Oziq-ovqat xavfsizligini ta’minlashda bir qancha davlat organlari faoliyat yuritadi. Vazirlar Mahkamasi ushbu sohada yagona davlat siyosatini amalga oshiradi va oziq-ovqat mahsulotlari tanqisligi yuzaga kelganda tezkor choralarni ko‘rish uchun mas’uldir. Qishloq xo‘jaligi vazirligi esa oziq-ovqat xavfsizligi bo‘yicha vakolatli davlat organi hisoblanadi.

Davlat tomonidan qo‘llab-quvvatlashning asosiy...

1954-yilda ishlab chiqarilgan noyob poyga avtomobillaridan biri Mercedes-Benz W196 R Streamliner Shtutgartdagi auksionda $52,7 mlnga sotildi. Bu avtomobil auksion tarixidagi ikkinchi eng qimmat avtomobil sifatida qayd etildi. Bu haqda motor1 nashri ma’lum qildi.

Eng qimmat avtomobil rekordi hali ham Mercedes-Benz kompaniyasiga tegishli bo‘lib qolmoqda. 2022-yilda 300 SLR Uhlenhaut Coupe modeli $143 mlnga sotilgan edi.

Streamliner shassi № 00009/54 ilgari Indianapolis Motor Speedway muzeyiga tegishli bo‘lgan. Ushbu muzeyga avtomobilni Mercedes-Benz kompaniyasi 1965-yilda sovg‘a qilgan edi. Avtomobil 1955-yilda Argentinadagi musobaqalarda debyut qilgan.

Uning texnik xususiyatlari ham e’tiborga loyiq. Kapoti ostida 3,0 litr hajmdagi M196 dvigateli joylashgan bo‘lib, u besh bosqichli mexanik...