Yangiliklar

Prezident Shavkat Mirziyoyev farmoniga binoan Oʻzbekiston Vazirlar Mahkamasining yangi tarkibi tasdiqlandi. Bu haqda prezident matbuot xizmati xabar berdi.

Hukumat a’zolari ro‘yxati:

Ochilboy Ramatov — bosh vazir o‘rinbosari;

Jamshid Qo‘chqorov — bosh vazir o‘rinbosari — iqtisodiyot va moliya vaziri;

Jamshid Xo‘jayev — bosh vazir o‘rinbosari;

Zulayxo Mahkamova — bosh vazir o‘rinbosari — Oila va xotin-qizlar qo‘mitasi raisi;

Laziz Qudratov — investitsiyalar, sanoat va savdo vaziri;

Botir Zohidov — kambag‘allikni qisqartirish va bandlik vaziri;

Ibrohim Abdurahmonov — qishloq xo‘jaligi vaziri;

Shavkat Hamroyev — suv xo‘jaligi vaziri;

Sherzod Hidoyatov — qurilish va uy-joy kommunal xo‘jaligi vaziri;

Ilhom Mahkamov — transport vaziri;

Jo‘rabek Mirzamahmudov — energetika vaziri;

Bobir Islamov — tog‘-kon sanoati va geologiya vaziri;

Din ishlari boʻyicha qoʻmita Umra tadbirlarini tashkil etish huquqiga ega boʻlgan 12 ta turfirma roʻyxatini ma’lum qildi.

Litsenziya Tanlov komissiyasi qarori asosida berilgan boʻlib, ruxsat olgan firmalar quyidagilar:

Qoʻmita litsenziyada belgilanmagan manzil yoki shartlar asosida faoliyat yuritish taqiqlanganini aytib o‘tdi.

Shuningdek, Umra tadbirlarini noqonuniy tashkil etish huquqbuzarliklari uchun yuridik shaxslarga 75 million soʻmgacha jarima belgilangan.

Avvalroq Kursiv Uzbekistan Umra faoliyati bilan shug‘ullanishga yangi talablar qo‘yilgani...

Xalqaro jinoyat sudi Isroil bosh vaziri Benyamin Netanyaxu va sobiq mudofaa vaziri Yoav Gallantni hibsga olishga order berdi, deyiladi sud bayonotida.

“Benyamin Netanyaxu va Yoav Gallantni kamida 2023-yil 8-oktabrdan 2024-yil 20-maygacha sodir etgan harbiy jinoyatlar uchun hibsga olish uchun order berildi», – deyiladi Xalqaro jinoyat sudi bayonotida.

Shuningdek, sud Isroilning order berish vakolatiga ega emasligi haqidagi dalillarini ham rad etdi.

Avvalroq Kursiv Uzbekistan 2023-yilning 7-oktabridan 2024-yilning 7-oktabrigacha G‘azo sektorida 40 mingdan ortiq falastinliklar halok bo‘lgani haqida yozgan edi.

Davlat aktivlarini xususiylashtirish jarayonlari doirasida Lotte City Hotel Tashkent Palace va International mehmonxonalari ochiq savdolar orqali sotildi. Bu haqda Davlat aktivlarini boshqarish agentligi xabar berdi.

Lotte City Hotel Tashkent Palace

Xususiylashtirish jarayoni Davaktiv agentligi va xalqaro konsalting kompaniyalari – KPMG va Deloitte yordamida amalga oshirildi. Savdolarda 15 nafar xalqaro va mahalliy investorlar ishtirok etdi.

Yakuniy bosqichda 3 nafar talabgor taklif berdi. G‘olib sifatida «Alfa Invest Sug‘urta Kompaniyasi» AJ tanlandi. Kompaniya mehmonxona uchun $20 million to‘lovini to‘lash sharti bilan savdo g‘olibi, deb topildi.

Qayd etilishicha, yangi investor zimmasiga mehmonxonaning tashqi arxitekturasini saqlash shartlariga qat’iy rioya qilishi belgilangan.

International mehmonxonasi

O‘zbekistonning Kobuldagi elchisi Oybek Usmonov Afg‘oniston Tashqi ishlar vazirligi rahbari Abdul Qahor Balxiyga ishonch yorliqlarini topshirdi, deb xabar berdi Sputnik.

Usmonov ikki tomonlama hamkorlikni rivojlantirishga tayyorligini ta’kidladi.

Eslatib oʻtamiz, avvalroq Tolibon harakati Abdul Gʻaffor Taraviyni Afgʻonistonning Oʻzbekistondagi elchisi etib tayinlagan.

Avvalroq «Kursiv» O‘zbekiston va Tolibon o‘rtasida hamkorlikni kengaytirish masalalari muhokama qilingani haqida yozgan edi.

21-noyabr kuni O‘zbekiston Respublikasi valyuta birjasida dollarning rasmiy kursi 11,72 so‘mga pasayib, 12 844,21 so‘mni tashkil qildi.

Respublikadagi banklar dollarni 12 780 – 12 840 so‘mdan xarid qilishmoqda va 12 870 – 12 920 so‘mdan sotishmoqda.

Eslatib o‘tamiz, mamlakatda 20-noyabr kuni AQSh valyutasi deyarli 12 so‘mga qimmatlashgan edi.

Joriy yilning 22-noyabr kuni soat 10:00 da Chevrolet Cobalt GX-STYLE AT PLUS va GX-MIDNIGHT AT avtomobillari uchun kontraktatsiya boshlanadi. Bu haqda «UzAuto Motors» AJ matbuot xizmati xabar berdi.

Ma’lum qilinishicha, avtomobillarni xarid qilish uchun shartnoma savdo.uzavtosanoat.uz sayti orqali tuziladi.

Shuningdek, Telegram-bot hamda UzAvtosavdo ilovasi navbatni kuzatish xizmatini hamda mavjud avtomobillar haqida ma’lumotni taqdim etadi.

Bundan tashqari, avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozim.  

Eslatib o‘tamiz, avvalroq Kursiv Uzbekistan Chevrolet Cobalt’ning yangilangan ko‘rinishi GX-MIDNIGHT AT taqdim etilgani haqida xabar bergan edi.

2024-yilning yanvar – oktabr oylarida xizmatlar sohasi hajmi 651,2 trln so‘mni tashkil etdi va o‘sish sur’ati 13,1 foizni ko‘rsatdi. Bu haqda Statistika agentligi hisobotida ma’lum qildi.

Unga ko‘ra, moliyaviy xizmatlar eng katta ulushga ega bo‘lib, hajmi 110,3 trln so‘m bilan 20,2 foiz o‘sishni qayd etdi. Aloqa va axborotlashtirish xizmatlari 44,8 trln so‘mni tashkil qilib, 25,2 foizlik eng yuqori o‘sish sur’atiga erishdi.

Transport xizmatlari (94,5 trln so‘m) va savdo xizmatlari (72,7 trln so‘m) sohaning boshqa muhim yo‘nalishlari bo‘lib, mos ravishda 11,8 foiz va 12,2 foiz o‘sishni qayd etdi.

Shuningdek, yashash va ovqatlanish xizmatlari hajmi 26,6 trln so‘mni tashkil qilib...

Nurafshon shahrida maktabgacha va maktab taʼlimi xodimlari uchun malaka oshirish instituti qurilmoqda. Bu haqda Toshkent viloyat hokimligi matbuot xizmati xabar berdi.

Ta’lim maskani Nurafshon business city hududida 8 gektar yer maydonida qurilmoqda. Shuningdek, «A», «B», «V» bloklardan iborat majmuada maʼmuriy hamda 650 oʻrinli oʻquv binolari, 200 oʻrinli yotoqxona, 100 oʻrinli oshxona, dam olish hududlaridan iborat boʻladi. 

Qurilish qiymati dastlabki hisob-kitoblarga koʻra, 50,7 milliard soʻm etib belgilangan. Mazkur maskan 2025-yilning sentabr oyida foydalanishga topshirilishi reja qilingan.

Eslatib o‘tamiz, avvalroq Kursiv Uzbekistan Samarqand yaqinida $100 millionlik turistik majmua qurilishi rejalashtirgani haqida xabar bergan edi.

O‘zbekiston 2024-yil yanvar – oktabr oylari davomida $6,6 milliardlik oltin eksport qilgan. Bu haqda Statistika agentligi hisobotida xabar berdi.

Qayd etilishicha, ushbu ko‘rsatkich 2023-yilning xuddi shu davriga nisbatan 3,5 foizga kamaygan.

21-noyabr holatiga ko‘ra, oltinning qiymati bir troya unsiya uchun $2,655 ni tashkil etdi. Yil boshidan beri qimmatbaho metallning narxi deyarli 29 foizga o‘sdi, besh yil ichida esa 80,45 foizga o‘sishga erishdi.

Qimmatbaho metallning narxi Rossiya va Ukraina o‘rtasidagi harbiy nizoning kuchayishi sababli oshdi. Bu haftaning boshida Rossiya Mudofaa vazirligi AQShning ATACMS raketalari RF hududida ilk bor qo‘llanilganini ma’lum qildi.

Eslatib o‘tamiz, avvalroq Kursiv Uzbekistan kelasi yil...

Tarmoqda mashhur «Ajdar o‘rgatuvchilar» animatsion filmining tizerli remeyki paydo bo‘ldi. Birinchi kun ichida Universal Pictures YouTube-kanalida rolik 6 milliondan ortiq ko‘rildi va 20 ming izoh to‘pladi.

Asosiy qahramon oʻz xalqining an’analariga qarshi borib, Tishsiz ismli tundagi furiya bilan doʻstlashadi. Ularning gʻayrioddiy doʻstligi nafaqat qahramonlarning taqdirlarini oʻzgartiradi, balki vikinglar jamiyatida ajdaholarga boʻlgan qarashlarni tubdan oʻzgartiradi.

Platforma foydalanuvchilari Tishsizning animatsion versiyasiga o‘xshashligini ta’kidlab, videoni faol muhokama qilmoqda.

Oʻyin remeykining premyerasi 2025-yilning 13-iyunida boʻlib oʻtadi. Eslatib oʻtamiz, animatsion trilogiyaning birinchi qismi 2010-yilda namoyish etilgan va kult maqomiga ega boʻlgan. Ushbu franshizaning finali 2019-yilda taqdim etilgan boʻlib, butun dunyo boʻylab tanqidchilarning yuqori bahosiga sazovor...

Shavkat Mirziyoyev Samarqand viloyatini ijtimoiy-iqtisodiy rivojlantirishga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Yig‘ilishda viloyatni investitsiya jalb qilish va yangi loyihalarni amalga oshirish orqali yanada rivojlantirish masalalari muhokama qilindi.

Kelgusi yilda viloyatda $1,85 milliard investitsiya o‘zlashtirilib, 20 mingta ish o‘rni yaratish, 1,2 trillion so‘mlik mahsulot ishlab chiqarish rejalashtirilgan. «Chimboyobod» hududida maxsus sanoat zonasi, Darg‘om kanali bo‘yida turistik yo‘lak va boshqa yirik loyihalar amalga oshiriladi.

Bulung‘ur, Ishtixon va boshqa hududlarda qishloq xo‘jaligini rivojlantirish, uzumchilikni yaxshilash va eksport hajmini oshirish bo‘yicha takliflar bildirildi. Samarqand viloyatida innovatsion texnologiyalarni joriy qilish va yangi ishlab chiqarish korxonalarini tashkil etish orqali...

BYD yangi BYD Han 2025 sedanining sotuvi boshlanganini e’lon qildi. Bu haqda ithome.com manbalarga tayanib xabar berdi.

Ma’lum qilinishicha, Han 2025 modeli ikki xil variantda taqdim etiladi: toʻliq elektr va gibrid. Elektr versiyasi 506 dan 701 km gacha (CLTC sikli boʻyicha) masofani bosib oʻtishi mumkin va tezkor zaryadlash tizimiga ega boʻlib, batareyani 30 daqiqada 80 foizgacha quvvatlash imkonini beradi. Gibrid versiya esa DM-i texnologiyasi bilan jihozlangan boʻlib, benzin va elektr dvigatellarini birlashtirib, 1350 km.gacha masofani bosib oʻtish imkonini taqdim qiladi.

Mashinada 31 ta turli xil sensor bor bo‘lib, yoʻlning notekisliklarini yumshatuvchi aqlli podveska va haydovchiga yordam beradigan koʻplab tizimlar...

Dubayda rekord darajadagi 300 kg og‘irlikka ega bo‘lgan oltin quymasi tayyorlandi. Bu haqda Dubay hukumati matbuot xizmati xabar berdi.

Emirates Minting Factory tomonidan ishlab chiqarilgan quyma taqdimoti Dubai Metals konferensiyasining yopilish marosimi bo‘lib o‘tdi. Marosimda mahsulot tarixdagi eng katta oltin quyma sifatida Ginnesning rekordlar kitobiga kiritildi.

Ma’lumot uchun, yangi oltin quymasi Mitsubishi Corp tomonidan 2005-yilda 250 kg oltin quymasi tomonidan o‘rnatilgan rekordni yangiladi.

Eslatib o‘tamiz, avvalroq Kursiv Uzbekistan 2025-yil oxiriga kelib oltin narxi $2,9 mingga koʻtarilishi haqida xabar bergan edi.

Volkswagen Tiguan uchinchi avlodi avtomobili taqdim etildi. 2025-yilgi model tashqi ko‘rinish va salondagi yaxshilanishlar hamda yanada kuchli motor bilan jihozlangan. Bu haqda motor1 xabar berdi.

Ushbu avtomobil yangilangan 2,0 litr hajmli turbo dvigatel EA888 bilan jihozlangan. U 201 ot kuchiga ega bo‘lib, sakkiz pog‘onali avtomatik uzatmalar qutisi bilan ishlaydi.

Volkswagen kompaniyasining ta’kidlashicha, yangi Tiguan 2025 modelining yoqilg‘i sarfi pasaygan (aniq ko‘rsatkich keltirilmagan). Qo‘shimcha quvvatdan tashqari, Tiguan 2025 modeli ikkinchi avlodga nisbatan taxminan 77 kg yengilroq.

Avtomobilning standart jihozlanishida 17 dyuymli g‘ildiraklar mavjud bo‘lib, 19 va 20 dyuymli variantlar ham taklif etiladi.

Shuningdek, ikki zonali avtomatik iqlim...

Joriy yilda Raqobat qoʻmitasiga biologik faol qo‘shimchalar (BFQ) va shu kabi mahsulotlardan foydalanish natijasida salomatligi yomonlashgani haqida mingga yaqin murojaatlar kelib tushgan. Iste’molchilarga yetkazilgan zarar uchun 118 mln soʻm qoplab berilgan. Bu haqda qo‘mita axborot xizmati xabar berdi.

Ijtimoiy tarmoqlar va Telegram messenjerida ovqatga qoʻshiladigan biologik faol qoʻshimchalar, malhamlar, damlamalar va suvlarni turli kasalliklarni davolash yoki oldini olish uchun samarali vosita sifatida reklama qilish holatlari kuzatilmoqda.

Ba’zi reklamalarda «moʻjizakor» yoki «ming bir xastalikka davo» kabi yolgʻon va boʻrttirilgan iboralardan foydalaniladi. Shuningdek, taniqli shaxslar yoki diniy blogerlarning tavsiyalari orqali iste’molchilarning ishonchi oshirilmoqda. Bu esa koʻpincha an’anaviy davolashdan voz kechishga va...

Avstraliya hukumati ijtimoiy tarmoqlar foydalanuvchilarining yoshini cheklovchi qonunni qabul qildi. Bu haqda TASS agentligi xabar berdi.

Ushbu Qonunning qabul qilinishi borasida bosh vazir Entoni Albanese rasmiy bayonot berdi. Uning ta’kidlashicha, mazkur qonun 16 yoshgacha bo‘lgan o‘smirlarning ijtimoiy tarmoqlarga kirmasligini belgilab beradi.

«U joriy onlayn xavfsizlik qonunchiligiga o‘zgartirishlar kiritadi, bu yosh avstraliyaliklarni rivojlanishning muhim bosqichlarida ko‘proq himoya qilishni ta’minlaydi», – deyiladi bayonotda.

Bundan tashqari, vazir mamlakat hukumati texnologiya kompaniyalari va ijtimoiy tarmoq ma’muriyatlaridan 16 yoshgacha bo‘lgan foydalanuvchilar akkaunt va sahifalar yarata olmasligini ta’minlash uchun oqilona choralar ko‘rishni talab qilishini ta’kidlagan.

2024-yilning yanvar – oktabr oylarida O‘zbekiston Respublikasi bo‘yicha chakana savdo tovar aylanmasi 294,1 mlrd so‘mni tashkil etib, o‘tgan yilning shu davriga nisbatan 2,2 foizga o‘sishni ko‘rsatdi. Bu haqda Statistika agentligi hisobotida ma’lum qilindi.

Unga ko‘ra, yirik korxonalar tovar aylanmasi 51,927 mlrd so‘mni (108,9 foiz), kichik biznes va xususiy tadbirkorlik subyektlarining ulushi esa 242,160 mlrd so‘mni (109,6 foiz) tashkil qilgan.

Hududlar orasida eng yuqori ko‘rsatkich 115,548 mlrd so‘m bilan Toshkent shahrida qayd etilgan bo‘lsa, undan keyin Samarqand (22,869 mlrd so‘m) va Andijon (20,591 mlrd so‘m) viloyatlari joylashgan. Eng past ko‘rsatkich esa Sirdaryo viloyatida (4754 mlrd so‘m) kuzatildi.

Eslatib o‘tamiz...

O‘zbekistonning 2022 – 2024-yillardagi yirik savdo hamkorlari bilan tashqi savdo aylanmasi o‘sishda davom etmoqda. Bu haqda Statistika agentligi ma’lum qildi.

Unga ko‘ra, Xitoy O‘zbekistonning eng yirik savdo hamkori bo‘lib, umumiy savdo hajmi 2024-yilda $10,2 mlrd.ga yetgan. Shu bilan birga, eksport hajmi kamayib, $1,7 mlrd.ni tashkil qilgan, import esa $8,5 mlrd ko‘rsatkich bilan sezilarli darajada oshgan.

Rossiya bilan savdo aylanmasi $9,9 mlrd.ga yetib, eksport va importda barqaror o‘sish kuzatilgan.

Qozog‘iston, Turkiya va Koreya Respublikasi bilan savdo hajmi ham ortgan. Bunda Turkiya bilan eksportning yuqori ko‘rsatkichlari ijobiy holatni namoyon qilmoqda. Germaniya, Hindiston va boshqa davlatlar bilan ham savdo ko‘rsatkichlari o‘sishda...

Joriy yilning yanvar – oktabr oylarida respublikada yengil avtomobillar ishlab chiqarish hajmi o‘tgan yilga nisbatan deyarli 3 foizga ortgan. Bu haqda Statistika agentligining hisobotida ma’lum qilindi.

Qayd etilishicha, 2024-yilning yanvar – oktabr oylarida 317,6 ming dona yengil avtomobil (maxsus yengil avtomobildan tashqari) ishlab chiqarilgan. Ushbu ko‘rsatkich o‘tgan yilning mos davrida 308,4 ming donani tashkil qilgan.

Bundan tashqari, avtomobil dvigatellari ishlab chiqarish hajmi o‘tgan yilda 206,1 ming donani tashkil qilgan bo‘lsa, joriy yilda ushbu ko‘rsatkich 214 ming donaga yetgan. Dvigatel ishlab chiqarish hajmi o‘tgan yilga nisbatan 3,8 foizga yoki salkam 8 mingga oshgan.

Eslatib o‘tamiz, avvalroq «Kursiv» O‘zbekistonda Chery...

Dunyoda litiy narxlari tushishda davom etmoqda. Bu haqda akkumulyatorlar uchun metall ishlab chiqaruvchi eng yirik kompaniyalardan biri hisoblangan Chilining SQM kompaniyasi ma’lum qildi, deya xabar bermoqda Bloomberg agentligi.

SQM kompaniyasining ma’lumotiga koʻra, 2024-yilning uchinchi choragida litiy narxlari avvalgi uch oyga nisbatan 24 foizga tushgan. Kompaniya foydaning keskin kamayganini ma’lum qildi. Kelajakda metall narxi yanada arzonlashishi kutilmoqda.

Litiy narxining pasayishi bozorning haddan tashqari to‘yingani bilan bog‘liq. Hatto Xitoy iqtisodiyotining biroz tiklanishi ham bu muammoni hal qilishga yordam bermaydi.

«Talab tez sur’atlar bilan o‘sishda davom etayotgan bo‘lsa-da, bu asosan Xitoyda elektromobil sotuvining o‘sishi bilan bog‘liq. Biz vaqtinchalik ortiqcha taklif tufayli narx...

21-noyabr, payshanba kuni bitkoin yana bir tarixiy rekordni yangiladi. Kriptovalyuta narxi $95 mingdan oshdi. Bu haqda CoinDesk xabar berdi.

Bitkoinning eng yuqori narxi $95 mingga yetgan. Toshkent vaqti bilan soat 7:05 da uning qiymati $94 669 ga teng bo‘ldi.

Ommaviy axborot vositalari bitkoin AQShning yangi prezidenti Donald Trampning kriptovalyuta bozorini tartibga solishni soddalashtirish haqidagi va’dalari fonida o‘sib borayotganini ta’kidladi.

Avvalroq Kursiv Uzbekistan bitkoin narxi $94 mingdan oshgani haqida yozgan edi.

Xitoyning yirik elektron tijorat kompaniyasi Alibaba ikki xil valyutada korporativ obligatsiyalar chiqarib, $5 mlrd mablagʻ jalb qildi. Bu haqda South China Morning Post portali xabar berdi.

Qimmatli qog‘ozlar AQSh dollarida ($2,65 mlrd) va Xitoy yuanida ($2,35 mlrd) muomalaga chiqarilgan. Ushbu tashabbus Gonkongning xalqaro moliyaviy markaz sifatidagi mavqeyini mustahkamlashga qaratilgan.

Kompaniya jalb qilingan mablagʻlarni aksiyalarni sotib olish va qarzdorlikni toʻlashga yoʻnaltirishni rejalashtirmoqda. Portal ma’lumotiga koʻra, bu yilgi korporativ obligatsiyalar boʻyicha eng yirik emissiya Osiyo-Tinch okeani mintaqasida amalga oshirildi.

Alibaba Group – Xitoy kompaniyasi bo‘lib, AliExpress, Alibaba.com, Taobao.com portallariga egalik qiladi. Uning asosiy faoliyat yo‘nalishlari chakana onlayn savdo va kompaniyalar o‘rtasidagi...

Bugun, 21-noyabr kuni O‘zbekistonning aksariyat hududlarida yomg‘ir yog‘adi. Qoraqalpog‘iston Respublikasi, Xorazm, Buxoro, Navoiy viloyatlarida esa yog‘ingarchilik kuzatilmaydi. O‘rtacha havo harorati 10-15 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo bulutli bo‘lib tuman tushadi. Kunning birinchi yarmida yomg‘ir yog‘adi. Kunduzi harorat 11-13 daraja iliq, kechasi esa 6-8 daraja iliq bo‘ladi.

Tog‘li hududlarda ham yomg‘ir yog‘adi, balandliklarda qor yog‘ishi va kuchli yog‘ingarchilik kuzatilishi mumkin. Kunduzi 2-7 daraja iliq, kechga kelib 2 daraja sovuq bo‘ladi.