Yangiliklar

AQSh va Xitoy o‘rtasidagi savdo urushi hamda Turkiyada bodom hosilining nobud bo‘lishi O‘zbekiston bozorida bodom narxining keskin oshishiga sabab bo‘ldi. Bu haqda EastFruit mutaxassislari xabar berdi.

AQShning Xitoy mahsulotlariga bo‘lgan bojlarni oshirganidan so‘ng, Xitoy javoban AQShdan import qilinadigan qishloq xo‘jaligi mahsulotlariga 15 foizlik boj joriy etdi. Bu Kaliforniya uchun sezilarli zarba bo‘ldi, chunki u global bozorga bodom yetkazib beruvchi asosiy hududlardan biri bo‘lib, Xitoy bu bozorning eksport yo‘nalishlarida to‘rtinchi o‘rinda turadi.

Shu sababli, Xitoy bodom importchilari ushbu mahsulot uchun alternativ yetkazib beruvchilarga e’tibor qaratmoqda. Biroq joriy mavsumda global bozor vaziyatini yanada murakkablashtirayotgan omil — dunyodagi eng yirik bodom yetishtiruvchi...

O‘zbekiston prezidenti Shavkat Mirziyoyev jurnalistlar uchun o‘tkazilgan brifingda O‘zbekiston va Ozarbayjon birgalikda mini-futbol bo‘yicha jahon chempionatini o‘tkazishni rejalashtirayotganini ma’lum qildi. Bu haqda Azertag xabar berdi.

«Ozarbayjon va O‘zbekiston ushbu toifadagi futbol bo‘yicha jahon chempionatini birgalikda tashkil etishi uchun FIFAga birgalikda chiqishga qaror qildi», – dedi O‘zbekiston prezidenti.

Ozarbayjon mini-futbol terma jamoasi joriy yilning may oyi oxirida Bokuda o‘tkazilgan jahon chempionatida ilk bor g‘olib bo‘ldi. Final uchrashuvida ozarbayjonliklar vengriyaliklarni 4:2 hisobida mag‘lub etdi. Musobaqaning bronza medali serbiyalik futbolchilarga nasib etdi.

Umuman olganda, Ozarbayjon poytaxtida bo‘lib o‘tgan ushbu sport tadbirida 32 ta davlatning terma jamoalari...

1-iyul kuni Ozarbayjon poytaxti Boku shahridagi «Turk savdo markazi»da Made in Uzbekistan brendi ostida doimiy ishlaydigan shou-rum ochildi. Bu haqda Investitsiyalar, sanoat va savdo vazirligi xabar bermoqda.

Ochilish marosimida O‘zbekiston investitsiyalar, sanoat va savdo vaziri o‘rinbosari Xurram Teshabayev hamda Ozarbayjon iqtisodiyot vaziri o‘rinbosari Samed Bashirli ishtirok etdi.

1500 kvadrat metr maydonga ega shou-rumda elektrotexnika, to‘qimachilik, charm, qurilish materiallari va mebel mahsulotlari namoyish etilmoqda.

Tadbir yakunida «O‘zsanoatqurilishmateriallari» assotsiatsiyasi va Okuglu Holding kompaniyasi o‘rtasida kelishuv imzolandi. Unga ko‘ra, joriy yil oxirigacha O‘zbekistondan Ozarbayjonga 1 mln kvadrat metr kafel va keramogranit mahsuloti yetkazib beriladi.

Eslatib o‘tamiz, Kursiv Uzbekistan nashri Bokuda O‘zbekiston elchixonasining...

19 yoshli AQShlik bloger va uchuvchi Ethan Guo yetti qit’ani yakka holda aylanib uchish maqsadida parvoz qilayotgan edi. Biroq u Antarktidaga ruxsatsiz qo‘ngani uchun Chili hukumati tomonidan hibsga olindi, deya yozmoqda CNN.

Chili prokuraturasiga ko‘ra, Guo parvoz rejasini oldindan xabarsiz o‘zgartirib, Chili da’vo qiladigan hududda qo‘nish orqali bir nechta xalqaro va milliy qoidalarni buzgan. U Punta Arenas shahridan uchib chiqib, Rodolfo Marsh bazasiga ruxsatsiz yetib borgan.

Guo hozircha Antarktidadagi Chili sektorida qolmoqda. Sud tergov yakunigacha uni mamlakat hududida ushlab turishga qaror chiqardi. Guo bu parvozni «sinov parvozi» deb atagan.

Eslatib o‘tamiz, avvalroq Amerikalik YouTube-bloger Cleetus McFarland Chevrolet Spark avtomobilini...

Bir nechta banklar, yonilg‘i quyish shoxobchalari, mehmonxona va turagentliklarga reklama qonunchiligini buzgani uchun moliyaviy jarima qo‘llanildi. Bu haqda Raqobat qo‘mitasi xabar berdi.

Qo‘mita tomonidan o‘tkazilgan o‘rganishlar natijasida respublika bo‘yicha yigirmaga yaqin tadbirkorlik subyektlarining reklama faoliyatida qonun buzilishi holatlari aniqlangan. Bunda, asosan, internetdagi va tashqi reklama vositalaridagi kontentlar qonunchilikka zid bo‘lgan.

Hududlar kesimida qonun buzilishi aniqlangan ayrim subyektlar quyidagilardir:

Xiaomi kompaniyasi yangi Mijia 550L Side-by-Side muzlatkichini taqdim etdi. 550 litr hajmga ega bo‘lgan model JD.com’da $265 sotilmoqda. Bu haqda Gizmochina nashri ma’lum qildi.

Muzlatkich ikki kameraga bo‘lingan: 332 litrlik sovitish va 218 litrlik muzlatish bo‘limi. U invertorli sovitish texnologiyasi, antibakterial kumush ion moduli, havo sovitish tizimi va past energiya sarfi (yiliga 8,3% tejash) bilan ajralib turadi.

Eslatib o‘tamiz, avvalroq Xiaomi Mijia 271L uch eshikli muzlatkichini taqdim etgan edi.

Ozarbayjon Fan va ta’lim vazirligi tomonidan mamlakatdagi maktablarda rus tilida o‘qitishni to‘xtatish bo‘yicha rasmiy ma’lumot taqdim etilmagan. Bu haqda APA agentligi xabar berdi.

Vazirlik rasmiy bayonotida aytilishicha, davlatning ta’lim siyosati haqida xabar berishda faqat rasmiy manbalarga tayanish zarur. Mazkur masala yuzasidan hozircha hech qanday rasmiy ma’lumot taqdim etilmagan.

Avvalroq Kursiv Uzbekistan Ozarbayjonda rus tilida ta’lim beruvchi maktablar yopilayotgani haqida xabarlar tarqalgani haqida yozgandi.

Ijtimoiy tarmoqlarda ota-onalar maktablar bilan bog‘liq WhatsApp guruhlarida bu borada rasmiy bildirishnomalar olganini ma’lum qilmoqda, deya yozgandi Oxu nashri.

Iyun oyi mobaynida 136 milliard so‘mlik energiya resurslaridan noqonuniy foydalanilgan. Bu haqda «Oʻzenergoinspeksiya» xabar berdi.

Xabarga ko‘ra, iyun oyida iste’molchilar tomonidan energiya resurslaridan noqonuniy foydalanilgan 234 ta holat aniqlandi.

Mazkur holatlar natijasida 50,6 million kVt⋅soat elektr energiyasi (103 mlrd so‘m) va 12,4 million metr kub tabiiy gaz (32,6 mlrd so‘m) talon-toroj qilinishi oqibatida tizimga jami 135,7 mlrd so‘m zarar yetkazilgani qayd etildi.

Shuningdek, iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarliklar bo‘yicha 471 ta ma’muriy ish rasmiylashtirilgan. Bundan tashqari, tegishli hujjatlar huquqni muhofaza qiluvchi organlarga taqdim etilgan.

Avvalroq Kursiv Uzbekistan Qoraqalpog‘iston Respublikasi va Qashqadaryo viloyatida elektr energiya...

iPhone Fold nihoyat sinov bosqichiga kirdi. GSMArena nashrining xabariga ko‘ra, Apple iyun oyida bukiluvchi iPhone prototipini ishlab chiqib, uni tekshirishga kirishgan.

Prototip sinovlari 2025-yil oxirigacha yakunlanishi kutilmoqda. Shundan so‘ng, qurilma muhandislik sinov bosqichiga (EVT) o‘tadi. Agar hammasi rejadagidek kechsa, bukiluvchi iPhone 2026-yil sentabrda iPhone 18 seriyasi bilan birgalikda taqdim etiladi.

Hozircha Apple bukiluvchi iPad ustidagi ishlanmalarni to‘xtatgan. Sababi ishlab chiqarishdagi murakkabliklar va xaridorlar talabining pastligi.

So‘nggi ma’lumotlarga ko‘ra, bukiluvchi iPhone 7,8 dyuymli Samsung ishlab chiqargan OLED ekran bilan jihozlanadi. Kamera displey ostida joylashadi, Face ID bo‘lmaydi, lekin yon tomonda Touch ID bo‘ladi. Ekran bukilgan joyi deyarli ko‘rinmas bo‘lishi aytilmoqda...

Naji Benxasin Jahon bankining Markaziy Osiyo bo‘yicha yangi mintaqaviy direktori etib tayinlandi. Bu haqda bank rasmiy sahifasida ma’lum qildi.

Benxasin 2021-yildan joriy yilning iyunigacha ushbu lavozimda ishlagan Tatyana Proskuryakova o‘rniga Markaziy Osiyo bo‘yicha mintaqaviy direktor lavozimini egalladi.

Bankning Markaziy Osiyodagi vakolatxonasini boshqarishdan oldin Benxasin 2020-yildan 2025-yil iyunigacha Jahon bankining Pokistondagi vakolatxonasini boshqargan.

«Men uchun Jahon bankining Markaziy Osiyodagi faoliyatini – aholisi 80 milliondan ortiq bo‘lgan va iqtisodiy hamda demografik jihatdan jadal o‘zgarib borayotgan mintaqada – boshqarish katta sharaf», – deydi Benxasin o‘z tayinlovi yuzasidan.

Hozirda Jahon banki Markaziy Osiyoda ijtimoiy-iqtisodiy sohani modernizatsiya qilishga...

Nothing kompaniyasi Nothing Headphone (1) modelini namoyish qildi. Bu haqda 4pda nashri ma’lum qildi.

Odatdagidek brend o‘zining tanilgan shaffof dizaynini saqlagan va unga yuqori sifatli audio funksiyalarni jamlagan. Qurilma Britaniyaning mashhur KEF audiobrendi bilan hamkorlikda ishlangan.

Headphone (1) 40 millimetrli nikellangan poliuretan diafragmali dinamiklar bilan jihozlangan. Ular fazoviy tovush, 8 chiziqli ekvalayzer, AAC, SBC va LDAC kodeklarini qo‘llab-quvvatlaydi. Aktiv shovqin so‘ndirish tizimi 42 dB gacha kuchga ega bo‘lib, 2000 Gs chastotalarni filtrlashi mumkin. Shuningdek, shaffoflik rejimi ham mavjud.

Quloqchinlar Bluetooth 5.3 orqali ulanadi, boshqaruv esa tugmalar va aylantiriluvchi g‘ildirak yordamida amalga oshiriladi.

Avtonomlik jihatdan ham qurilma kuchli:

Infinix kompaniyasi tomonidan yangi Infinix Hot 60i smartfoni taqdim etildi. Bu haqda GSMArena nashri xabar bermoqda.

Hot 60i’ning narxi 6/128 GB modeli uchun $115, 8/256 GB modeli uchun esa taxminan $135 etib belgilangan. U oldingi modelga qaraganda yupqaroq, lekin batareyasi katta va tezroq zaryadlanadi. Hozircha telefon Bangladesh va Keniya bozorida sotuvda.

Hot 60i 6,7 dyuymli IPS LCD ekranga ega. Ekran yangilanish tezligi 120 Hz, yorqinligi esa 700 nitgacha oshirilgan. Ekran 720p+ sifatida qolgan. Always On funksiyasi mavjud.

Smartfon Helio G81 Ultimate protsessori bilan jihozlangan. U 4, 6 yoki 8 GB tezkor xotira va 128 yoki 256 GB doimiy xotira bilan...

Hindistonning yirik texnologik kompaniyasi HCLTech va OpenAI korporativ sohada generativ sun’iy intellektni keng joriy etish bo‘yicha strategik hamkorlikni e’lon qildi.

Hamkorlik doirasida HCLTech mijozlariga ChatGPT Enterprise va OpenAI API kabi texnologiyalarni o‘z yechimlari bilan birgalikda taqdim etadi. Kompaniya bu texnologiyalarni o‘z ichki tizimlariga ham integratsiya qiladi, natijada 223 mingdan ortiq xodimlar zamonaviy SI vositalaridan foydalanish imkoniyatiga ega bo‘ladi.

Ma’lumot uchun, HCLTech 60 mamlakatda faoliyat yuritadi va 2025-yil mart holatiga ko‘ra $13,8 mlrd daromadga ega.

Eslatib o‘tamiz, avvalroq OpenAI AQSh mudofaa sohasida $200 millionlik shartnomani qo‘lga kiritgan edi.

Tesla China 2025-yil iyun oyida 71,5 mingta avtomobil sotdi. Bu may oyiga nisbatan 16,1 foizga, o‘tgan yilning shu oyiga nisbatan esa 0,8 foizga ko‘pdir. Bu haqda CarNewsChina xabar bermoqda.

Ushbu ko‘rsatkich oktabr oyidan beri davom etayotgan yillik kamayishlar seriyasiga yakun yasadi. So‘nggi bor o‘sish 2024-yil sentabr oyida kuzatilgan edi.

2025-yilning birinchi yarmida Tesla China jami 364,5 mingta avtomobil sotgan. Bu 2024-yilning shu davriga nisbatan 14,6 foizga kam. Bu ko‘rsatkichlar Xitoy Yo‘lovchi avtomobillari assotsiatsiyasi (CPCA) tomonidan Shanghai zavodidan butunlay chiqarilgan, ichki savdo va eksportni o‘z ichiga olgan raqamlar sifatida e’lon qilingan.

Tesla’ning Shanghai zavodi ikkita model ishlab...

Oʻzbekiston terma jamoasi sardori Eldor Shomurodov «Roma»dagi faoliyatini yakunlab, Turkiya Superligasiga yoʻl olishga yaqin turibdi.

Turkiyalik jurnalist Salim Manavning xabar berishicha, «Istanbul Bashakshehir» klubi «Roma» va 30 yoshli hujumchi bilan dastlabki kelishuvga erishgan va hozirda muzokaralar yakuniy bosqichda.

Eldorning «Roma» bilan amaldagi shartnomasi 2026-yilgacha moʻljallangan boʻlsa-da, rimliklar UEFAning moliyaviy feyr-pley talablari doirasida tarkibni qisqartirish va yangi transferlarga mablagʻ yigʻish maqsadida uni sotishga qaror qilgan.

Bungacha Istanbul klubi Shomurodov uchun Rim jamoasiga 8 million yevro toʻlashga tayyor ekani haqida ma’lumotlar tarqalgan edi.

Ma’lumot uchun, Shomurodov oʻtgan mavsumda «Roma» safida barcha musobaqalar doirasida 37 ta oʻyin oʻtkazib, 7 ta gol urdi...

Shavkat Mirziyoyev Ozarbayjonga tashrifi doirasida prezident Ilhom Aliyev hamrohligida Kaspiy sohilidagi «Sea Breeze» dam olish majmuasi faoliyati bilan tanishdi. Bu haqda davlat rahbari matbuot xizmati ma’lum qildi.

Taqdimot chog‘ida davlat rahbarlariga kurortdagi dam olish zonalari, plyajlar, mehmonxonalar, sport maydonchalari va yashash majmualari haqida ma’lumot berildi.

Zamonaviy «Kaspiy riverasi» deb nom olgan majmua 500 gektar maydonni egallagan bo‘lib, 6,5 km plyaj, 150 gektarlik yashil hudud va 700 ming daraxt va butalarni o‘z ichiga oladi.

Eslatib o‘tamiz, avvalroq Bokuda O‘zbekiston elchixonasining yangi binosi ochilgan edi.

Tramp ma’muriyati Kosmik taraqqiyot agentligining sun’iy yo‘ldosh dasturini to‘xtatib, uning o‘rniga SpaceX’ning Starlink tarmog‘iga asoslangan yangi tizim – pLEO Satcom(yoki Milnet)ni joriy etishni rejalashtirmoqda. Bu haqda Ars Technica nashri ma’lum qildi.

Unga ko‘ra, Pentagon bu loyiha uchun 2026-yilgi budjetdan $277 mln ajratishni taklif etdi.

So‘nggi olti yil davomida agentlik past Yer orbitasida harbiylar uchun raketa uchirish, portlash va yong‘inlarni erta aniqlovchi sun’iy yo‘ldosh tarmog‘ini yaratib kelayotgan edi. Bu tizim qimmatbaho geostatsionar sun’iy yo‘ldoshlarni to‘ldirishi kerak edi.

Yangi Milnet loyihasi Tramp ma’muriyati ilgari surgan «Oltin gumbaz» raketaga qarshi mudofaa tizimini texnik jihatdan qo‘llab-quvvatlashi ko‘zda tutilmoqda.

Kosmik kuchlar rahbari general Chans...

Shavkat Mirziyoyevning Ozarbayjonga davlat tashrifi chog‘ida Bokuda O‘zbekiston elchixonasining yangi binosi tantanali ochildi. Bu haqda davlat rahbari matbuot xizmati ma’lum qildi.

Marosimda Mirziyoyev hamda Ozarbayjon prezidenti Ilhom Aliyev ishtirok etdi.

Yetakchilar ramziy tasmani kesib, yangi diplomatik vakolatxonani ochdilar va yaratilgan sharoitlar bilan tanishdilar. Elchixona zallari O‘zbekiston hududlari nomi bilan atalgan bo‘lib, Shavkat Mirziyoyev zallardan biriga Qorabog‘ nomini berishni taklif qildi.

Tadbir so‘ngida ikki davlat rahbarlari Faxriy mehmonlar kitobiga tilaklarini yozib qoldirdilar.

Eslatib o‘tamiz, avvalroq Bokuda qad rostlayotgan «O‘zbekiston» bog‘iga tamal toshi qo‘yilgan edi.

Samsung o‘zining Galaxy A06 4G smartfoni uchun Android 15 asosidagi One UI 7 barqaror yangilanishini taqdim etdi. Bu haqda GSM Arena ma’lum qildi.

Unga ko‘ra, yangilanish A065FXXU4BYF6 raqamli versiyada bo‘lib, hajmi 3 GB atrofida. U foydalanuvchi interfeysining yangi dizayni, qo‘shimcha funksiyalar va 2025-yil may oyi uchun xavfsizlik yamoqlarini o‘z ichiga oladi.

Dastlab Filippin, Indoneziya va Malayziyada tarqatila boshlangan ushbu yangilanish yaqin kunlarda boshqa mintaqalarda ham paydo bo‘lishi kutilmoqda. Shu bilan birga, Samsung allaqachon Android 16 asosidagi One UI 8 beta-versiyasini ham sinovdan o‘tkazmoqda.

Eslatib o‘tamiz, avvalroq Samsung Galaxy Z Fold7 dizaynini eski versiyalar uslubiga qaytarishi haqida yozgan edik.

3-iyul kuni O‘zbekiston hududida yog‘ingarchilik kutilmaydi, harorat kunduzi 35-46 daraja atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

2-iyul kuni Telegram Android va iOS uchun 11.13-versiyasini chiqardi. Yangilanishda bir qator yangi funksiyalar taqdim etildi. Vazifalar uchun chek-listlar, kanallarga postlar taklif qilish imkoniyati hamda Toncoin va Telegram Stars orqali monetizatsiya qilish shular jumlasidandir.

Chek-listlar endi chatlar va guruhlarda bevosita yaratilishi mumkin. Telegram Premium foydalanuvchilari ularni boshqalar bilan bo‘lishishi, tahrirlovchilarni belgilashi va bajarilgan bandlarni belgilangani mumkin bo‘ladi.

Kanallarda esa yangi «taklif etilgan postlar» funksiyasi ishga tushdi. Endi obunachilar o‘z postlarini yuborishi, administratorlar esa ularni tahrirlab e’lon qilishi mumkin.

Ammo yangilanish bilan birga ayrim muammolar ham paydo bo‘ldi, deb xabar bermoqda @tginfo.

Telegram Desktop 5.16 dagi muammo:
Yangilanishdan so‘ng ko‘plab foydalanuvchilar...

Shavkat Mirziyoyevning Ozarbayjonga davlat tashrifi doirasida Boku shahrida «O‘zbekiston» bog‘ining qurilishiga bag‘ishlangan tantanali marosim bo‘lib o‘tdi. Bu haqda prezident matbuot xizmati ma’lum qildi.

Unga ko‘ra, bog‘ shaharning jadal rivojlanayotgan «Oq shahar» hududida, 8,5 gektar maydonda barpo etiladi. U yerda O‘zbekiston madaniyati va me’morchiligini aks ettiruvchi obidalar, sayilgohlar, mehmonxona, savdo va ko‘ngilochar maskanlar joy oladi.

Tadbirda ikki davlat rahbarlari ramziy kapsulani qo‘yib, mazkur do‘stlik timsoli bo‘lgan loyihaga rasmiy start berdilar.

Eslatib o‘tamiz, avvalroq O‘zbekiston va Ozarbayjon o‘rtasidagi savdo hajmi $1 milliardga yetkazilishi haqida yozgan edik.

Boku shahrida Shavkat Mirziyoyev va Ozarbayjon prezidenti Ilhom Aliyev o‘rtasida Oliy davlatlararo kengashning ikkinchi yig‘ilishi bo‘lib o‘tdi. Muzokaralar yakunida ikki mamlakat o‘rtasidagi strategik sheriklikni mustahkamlovchi muhim hujjatlar imzolandi, deya xabar bermoqda prezident matbuot xizmati.

Unga ko‘ra, hujjatlar orasida 2025 – 2029-yillarda ittifoqchilik munosabatlarini amalga oshirish bo‘yicha «Yo‘l xaritasi», savdo hajmini $1 mlrdga yetkazish dasturi, sanoat, qishloq xo‘jaligi, ta’lim, ekologiya va ijtimoiy himoya sohalaridagi hamkorlik rejalarini o‘z ichiga olgan bitimlar mavjud.

Mirziyoyev Ozarbayjonning hududiy yaxlitligini tiklash va qaytarib olingan hududlarni rivojlantirish borasida erishgan yutuqlarini e’tirof etdi. Shuningdek, rus tiliga berilgan e’tibor, tarixiy qadriyatlar va madaniy aloqalar ikki xalqni yanada yaqinlashtirayotgani...

Ilon Mask asos solgan xAI kompaniyasi sun’iy intellekt sohasidagi faoliyatini kengaytirish uchun umumiy $10 mlrd investitsiya jalb qildi. Bu haqda Reuters axborot agentligi ma’lum qildi.

Unga ko‘ra, mazkur mablag‘ning $5 mlrd qismi qarz, yana $5 mlrd miqdori esa strategik kapital investitsiyasi shaklida kiritilgan.

Morgan Stanley ma’lumotlariga ko‘ra, qarz bitimi garovli obligatsiyalar va muddatli kreditlar orqali amalga oshirilgan bo‘lib, global investorlar tomonidan katta qiziqish bilan kutib olingan.

Jalb qilingan mablag‘lar xAI’ning AI yechimlari, ma’lumot markazlari va asosiy mahsuloti – Grok platformasini rivojlantirishga yo‘naltiriladi.

Shuningdek, kompaniya qo‘shimcha $20 mlrdlik investitsiya jalb qilish bo‘yicha muzokaralar olib bormoqda. Bu xAI qiymatini $120 mlrddan...