Yangiliklar

Yoshlar tadbirkorligini rivojlantirish uchun $100 million ajratiladi. Ushbu mablag‘ hisobidan tadbirkor yoshlarga 2,5 milliard so‘mgacha imtiyozli kredit beriladi, shuningdek, startap loyihalariga 2 milliard so‘mgacha investitsiya yo‘naltiriladi. Bu haqda prezident Shavkat Mirziyoyev yoshlar bilan uchrashuvi davomida e’lon qildi.

Davlatimiz rahbari yoshlarga o‘z biznesini ochish, startaplarni rivojlantirish va oliy o‘quv yurtlari bitiruvchilarini ish bilan ta’minlashga ko‘maklashishga qaratilgan uchta qarorni imzolaganini ma’lum qildi.

Birinchi hujjatga muvofiq, Yoshlar agentligi huzurida Yoshlar tadbirkorligini rivojlantirish jamg‘armasi tashkil etiladi va unga $100 million ajratiladi. Ushbu jamg‘arma orqali tadbirkorlik faoliyatini boshlamoqchi bo‘lgan yoshlarga 2,5 milliard so‘mgacha imtiyozli kreditlar beriladi. Shuningdek, startap loyihalariga 2 milliard so‘mgacha investitsiya kiritish...

Prezident Shavkat Mirziyoyev Koʻksaroy qarorgohida yoshlar bilan uchrashuvi chogʻida yoshlarga biznes boshlash va rivojlantirish uchun qoʻshimcha moliyaviy imkoniyatlar yaratishga oid yangi tashabbuslarni e’lon qildi.

Davlat rahbari imzolagan qarorga muvofiq, «Aloqabank» yoshlarning biznes loyihalarini qoʻllab-quvvatlovchi tayanch «yoshlar banki»ga aylantirilib, ushbu maqsadlar uchun $200 million ajratiladi.

Yangi tashabbus doirasida bank oʻzini oʻzi band qilgan yoshlar loyihalarini moliyalashtirish uchun 100 million soʻmgacha boʻlgan imtiyozli mikroqarzlar ajratadi. Ushbu kreditlar 7-yil muddatga beriladi. Shuningdek, yakka tartibda tadbirkor boʻlgan, kamida 20 nafar yoshni ishga olgan va kichik korxona yoki oʻquv markazi tashkil qilgan yosh tadbirkorlarga 5 milliard soʻmgacha boʻlgan imtiyozli kreditlar ajratiladi.

Ajratiladigan kreditlarning kamida...

Xitoyning Chery brendi O‘zbekiston bozoriga plug-in gibrid Tiggo 9 PHEV modelini olib kelishga tayyorgarlik ko‘rmoqda. Yangi model o‘z segmentida KIA Sorento, Chevrolet Traverse, BYD Song PHEV va Hyundai Santa Fe kabi mashinalarga raqobatchi bo‘ladi. Bu haqda Avtostrada telegram kanali ma’lum qildi.

Rossiya bozorida 2024-yilgi Tiggo 9 ning benzinli versiyasi $42 – 50 ming oralig‘ida baholanmoqda. O‘zbekistonda esa gibrid modelining narxi taxminan 500 – 600 mln so‘m atrofida bo‘lishi kutilmoqda. Bu ADM Jizzax zavodida Chery avtomobillarini yig‘ish uchun berilgan bojxona va qayta ishlash to‘lovlari bo‘yicha imtiyozlarga qaramay shakllangan narx hisoblanadi.

Avvalroq Kursiv Uzbekistan Chery Exeed Exlantix ES EREV avtomobilining rasmiy...

O‘zbekiston Respublikasi Mehnat kodeksiga kiritilgan o‘zgartirishlarga ko‘ra, homiladorligi yoki farzandi borligi sababli xodimni ishdan bo‘shatish qat’iyan taqiqlanadi.

Shuningdek, «Yagona milliy mehnat tizimi» orqali elektron shaklda mehnat shartnomalarini rasmiylashtirish tartibi joriy qilinadi. Ishga qabul qilish jarayonida davlat organlari ishga kirayotgan shaxsning pasport yoki ID-kartasiga oid ma’lumotlarni mustaqil ravishda axborot tizimlari orqali so‘rab olishi mumkin bo‘ladi.

Bundan tashqari, davlat fuqarolik xizmatchilarining mehnat munosabatlariga oid qonunchilik «Davlat fuqarolik xizmati to‘g‘risida»gi Qonun bilan tartibga solinmagan qismi bo‘yicha tatbiq etilishi belgilandi.

Mazkur qonun rasmiy e’lon qilingan kundan e’tiboran kuchga kiradi.

Avvalroq Kursiv Uzbekistan 2025-yildan yolg‘iz ota yoki onaga bolalar bog‘chasi uchun moddiy yordam berilishi...

Isroil hukumati O‘zbekiston mutaxassislari uchun bir qator treninglar tashkil etishga tayyor. Bu haqda O‘zbekiston Respublikasi Tashqi ishlar vaziri maslahatchisi Munira Aminova va Isroil elchisi Gideon Lustig o‘rtasidagi uchrashuvda ma’lum qilindi, deb xabar beradi «Dunyo» axborot agentligi.

Treninglar savdo, qishloq xoʻjaligi, turizm, ta’lim, innovatsiyalar va farmatsevtika sohalari boʻyicha oʻtkazilishi rejalashtirilgan. Mashg‘ulotlarga ushbu yo‘nalishlar bo‘yicha mutaxassislarni taklif etish rejalashtirilgan.

Tadbirlar Isroil xalqaro hamkorlik agentligi tomonidan tashkil etiladi.

Avvalroq Kursiv Uzbekistan mamlakat Isroil bilan Svi Kogan ishi bo‘yicha hamkorlik qilayotgani haqida xabar bergan edi.

O‘zbekiston Tojikiston bilan ittifoqchilik munosabatlari to‘g‘risidagi shartnomani ratifikatsiya qildi. Hujjatni tasdiqlovchi qonunni O‘zbekiston prezidenti Shavkat Mirziyoyev imzoladi.

Tomonlar o‘tgan yilning aprel oyi o‘rtalarida Dushanbeda ittifoqchilik shartnomasini imzolagan edi. Hujjat shu yilning noyabr oyi oxirida Oliy Majlis Qonunchilik palatasi tomonidan qabul qilingan. U shu yilning yanvar oyida Senat tomonidan ma’qullangan edi.

Eslatib oʻtamiz, Oʻzbekiston va Tojikiston oʻrtasida 1992-yil 22-oktabrda diplomatik munosabatlar oʻrnatilgan.

2024-yilda ikki davlat o‘rtasidagi tovar ayirboshlash hajmi $702,7 mln.ni tashkil etgan bo‘lsa, 2023-yilda mazkur ko‘rsatkich $760,9 mln.ni tashkil qilgan.

Avvalroq Kursiv Uzbekistan Freedom Tojikistonda raqamli bank ochishi haqida xabar bergan edi.

Markaziy bank taqdim qilgan ma’lumotlariga koʻra, besh grammlik oltin quymasining narxi 6,27 million soʻmdan oshdi. Bundan oldingi rekord 11-fevral kuni oʻrnatilgan boʻlib, besh grammlik quymaning narxi 6,23 mln soʻmni tashkil qilgan edi.

14-fevral holatiga koʻra, oʻn grammlik quyma narxi 12,55 million soʻmga, yigirma grammlik quyma narxi esa 25,1 million soʻmga yetdi. 50 va 100 grammlik quymalarning narxi mos ravishda 62,74 million va 125,49 million soʻmni tashkil qildi.

Bir yil ichida (2024-yil fevral oyidan boshlab) respublikada qimmatbaho metallar narxi 50 foizga oshdi.

Oʻzbekiston Markaziy bankining oltin quymalari narxi jahon kotirovkalari ortidan oʻsib bormoqda. Hafta oxiriga kelib, xalqaro platformalarda troya unsiyasi...

Angliya kubogining 4-davra yakunlaridan so‘ng Sofascore ramziy terma jamoani e’lon qildi. Unda «Manchester Siti» jamoasida o‘ynayotgan o‘zbek himoyachisi Abduqodir Husanov ham bor.

U 7.8 ball to‘pladi, bu esa uni bosqichning eng yaxshi o‘yinchilari orasiga kiritdi. Jamoada eng yuqori reytingni «Millwall» jamoasining darvozaboni L. Roberts oldi – 9.2 ball.

Ramziy terma jamoada, shuningdek, «Newcastle», «Tottenham», «Aston Villa» va «Cardiff City» jamoalari o‘yinchilari ham bor.

Eslatib o‘tamiz, avvalroq Ronaldu 2024-yilda eng ko‘p daromad olgan sportchi deb topilgan edi.

O‘zbekiston Respublikasi Oliy Majlisi Qonunchilik palatasida aholiga ijtimoiy xizmatlar ko‘rsatish tizimini takomillashtirishga qaratilgan qonun loyihasi birinchi o‘qishda ko‘rib chiqildi.

Mazkur qonun loyihasi fuqarolarning davlat pensiya ta’minotiga oid qator o‘zgarishlarni o‘z ichiga oladi. Xususan, erkaklar 60 yoshga, ayollar 55 yoshga to‘lganda, yoshga doir pensiya tayinlash uchun alohida murojaat qilish talab etilmaydi. Bu jarayon avtomatik tarzda amalga oshiriladi.

Shuningdek, ijtimoiy himoyaga muhtoj qatlamlarga nafaqalarni tayinlash va to‘lash bo‘yicha vakolatlar Ijtimoiy himoya milliy agentligiga o‘tkaziladi. Shu munosabat bilan «Davlat boji to‘g‘risida» va «Aholi bandligi to‘g‘risida»gi qonunlarga ham tegishli o‘zgartirish va qo‘shimchalar kiritilishi belgilandi.

Deputatlar tomonidan muhokama etilgan qonun loyihasi birinchi o‘qishda ma’qullandi.

Timur Rahmonov Oʻzbekistonning Litvadagi yangi elchisi etib tayinlandi. Bu haqda «Dunyo» axborot agentligi xabar berdi.

11-fevral kuni Rahmonov Litva prezidenti Gitanas Nausedaga ishonch yorliqlarini topshirdi. Rasmiy marosimdan soʻng oʻtkazilgan uchrashuvda Oʻzbekiston va Litva oʻrtasidagi hamkorlikning bugungi holati va istiqbollari muhokama qilindi.

Litva prezidenti Nauseda ikki davlat oʻrtasidagi siyosiy muloqot va savdo-iqtisodiy aloqalarning izchil rivojlanayotganini qayd etdi. 2024-yil yakunlariga koʻra, Oʻzbekiston Litvaning yirik savdo hamkorlaridan biriga aylangani ta’kidlandi.

Bundan tashqari, Litva Oʻzbekistonning YI doirasidagi tashabbuslarini hamda Jahon savdo tashkilotiga a’zo boʻlish jarayonini qoʻllab-quvvatlashini bildirdi.

Ma’lumot uchun, Oʻzbekiston va Litva oʻrtasidagi diplomatik munosabatlar 1992-yil 5-avgustda oʻrnatilgan.

Avvalroq «Kursiv» Oʻzbekistonning Islandiyadagi birinchi...

2024-yilda eng ko‘p maosh olgan sportchi Krishtianu Ronaldu bo‘lib, uning daromadi $260 mln.ni tashkil etdi. Ro‘yxat Sportico tomonidan tuzildi.

Unga ko‘ra, futbol yulduzi Ronalduning yuqori daromadlari $215 mln maosh va mukofot pullaridan kelib chiqqan. Bu summa «Al-Nasr» klubida (Saudiya Arabistoni) va Portugaliya terma jamoasidagi o‘yinlaridan olingan, shuningdek, $45 mln sportdan tashqari reklama shartnomalaridan ishlab topilgan.

40 yoshli futbolchi Saudiya Arabistoniga ko‘chib o‘tganidan keyin o‘z karyerasida qayta tiklanish davrini boshdan kechirdi, «Al-Nasr» bilan o‘tkazgan 90 ta o‘yinda 82 gol urdi va o‘tgan yil sentabr oyida 900 ta gol urgan birinchi futbolchiga aylandi.

Ronaldu Saudiya Arabistoniga katta mablag‘larga olib kelingan uchta...

Samsung Galaxy S25 Ultra Snapdragon 8 Elite tufayli ilovalar va o‘yinlarni ishga tushirish tezligida iPhone 16 Pro Max’dan oldinda ekanligi allaqachon ma’lum edi. Endi PhoneBuff mutaxassislari ushbu ikkita flagmanning batareya quvvatini solishtirib ko‘rishdi.

Natijalar shuni ko‘rsatdiki, iPhone 16 Pro Max rasmiy g‘olib deb topilgan bo‘lsa-da, ikkala qurilma orasidagi farq atigi 11 daqiqani tashkil etdi. 12 soatlik ekran vaqti fonida bu juda kichik tafovut, ya’ni amalda natija teng chiqdi.

E’tiborli jihati, ba’zi sinovlarda har ikkala smartfon ham turli vazifalarda turlicha energiya sarf qilgan. Samsung Galaxy S25 Ultra 5000 mA/soat, iPhone 16 Pro Max esa 4685 mA/soat akkumulyatorga ega bo‘lishiga qaramay...

Apple kompaniyasi 19-fevral, chorshanba kuni yangi gadjetining taqdimotini oʻtkazishni rejalashtirmoqda. Bu haqda Apple rahbari Tim Kuk ma’lum qildi.

«19-fevral, chorshanba kuni “yangi oila a’zosini» kutib olishga tayyorlaning”, – deb yozdi Kuk X tarmogʻidagi sahifasida.

Apple rahbari tafsilotlarni ochiqlamadi, biroq fevral oyi boshida Bloomberg agentligi kompaniyaning sun’iy intellekt funksiyalariga ega yangi iPhone SEʼni bozorga chiqarish rejalari haqida xabar bergan edi.

Kursiv Uzbekistan iPhone SE 4ʼning ilk tasvirlar internetda paydo boʻlgani haqida xabar bergan edi.

Hukumat qarori bilan «Elektr energetikasi sohasidagi faoliyat turlarini litsenziyalash tartibi toʻgʻrisida»gi nizom tasdiqlandi. Ushbu nizom elektr energetikasi sohasidagi faoliyatlarni litsenziyalash, litsenziya toʻlovlarini hisoblash, toʻlash, shuningdek, litsenziatlar faoliyatini nazorat qilish tartiblarini belgilaydi.

Nizom «Elektr energetikasi toʻgʻrisida»gi qonuniga muvofiq litsenziyalanishi lozim boʻlgan faoliyat turlariga tatbiq etiladi. Har bir kichik tur uchun alohida litsenziya olinadi.

Biroq quyidagilarga nizom talablari tatbiq etilmaydi:

Litsenziyalash jarayoni Energetika bozorini rivojlantirish va tartibga solish agentligi tomonidan «Litsenziya» AT orqali elektron shaklda amalga...

Chery va Aimoga kompaniyalari DeepSeek tizimi bilan jihozlangan yangi robotlarini yaqinda sotuvga chiqarmoqda. Bu haqda Mobile Review nashri ma’lum qildi.

Dastlab ular avtomobil salonlarida mijozlarga yordam berish uchun ishlatiladi. 2025-yilning birinchi yarmida xalqaro bozorga chiqishi rejalashtirilgan robotlar, odamlar, robotlar va transport vositalarini birlashtiradigan intellektual ekotizim yaratishni maqsad qilmoqda.

Hamkorlikning maqsadi Aimoga robotlarining ovozli boshqaruv imkoniyatlarini rivojlantirish uchun DeepSeek platformasining ilg‘or AI modellari yordamida ishlashdir. Garchi Tesla va Ilon Mask o‘zining Optimus robotlari bilan kechikib qolgan bo‘lsa, Chery’ning DeepSeek tizimli robotlari tez orada bozorga kiradi.

Eslatib o‘tamiz, avvalroq Chery Tiggo 5x Excellence Edition sotuvga chiqarilganini yozgan edik.

AQSh, Ukraina va Rossiya hukumatlari vakillari Ukrainadagi harbiy konfliktni hal qilish yo‘llarini muhokama qilish uchun Myunxenda xavfsizlik bo‘yicha konferensiyada ishtirok etadilar. Bu haqda AQSh prezidenti Donald Tramp ma’lum qildi, deya yozmoqda TASS agentligi.

«Ertaga Myunxenda uchrashuv bo‘ladi. Kim bo‘lishini aniq bilmayman, ammo Rossiya, Ukraina va AQShdan yuqori lavozimli rasmiyning ishtirok etishi kutilmoqda», – dedi Tramp.

Davlat rahbari, shuningdek, yaqin kelajakda bu uchrashuv bo‘lmasligini aytgan holda, Rossiya prezidenti Vladimir Putin bilan Saudiya Arabistonida uchrashishni rejalashtirayotganini bildirgan.

Eslatib o‘tamiz, avvalroq Tramp Zelenskiy va Putinga qo‘ng‘iroq qilib, Ukrainadagi urush bo‘yicha muzokaralar o‘tkazgan edi.

Toshkentda havo biroz bulutli bo‘lib, yomg‘ir yog‘ishi mumkin. Shamol g‘arbdan 3-8 m/s tezlikda esadi. Harorat kechasi 0-2° iliq, kunduzi esa 7-9° iliq bo‘ladi, deya xabar bermoqda «O‘zgidromet» agentligi.

Qoraqalpog‘iston Respublikasi va Xorazm viloyatida havo biroz bulutli bo‘lishi kutilmoqda, yog‘ingarchilik kutilmaydi, faqat Qoraqalpog‘istonning ayrim joylarida qor yog‘ishi va tuman tushishi mumkin. Shamol g‘arbdan 7-12 m/s tezlikda esadi. Harorat kechasi 3-8° sovuq, kunduzi esa 2° sovuqdan 3° iliqqacha bo‘ladi.

Buxoro va Navoiy viloyatlarida havo biroz bulutli, yog‘ingarchilik kutilmaydi, faqat Navoiyda qor yog‘ishi va tuman tushishi mumkin. Shamol g‘arbdan 7-12 m/s tezlikda esadi, ba’zi joylarda 15-20 m/s gacha kuchayishi mumkin. Harorat kechasi...

Samarqand shahridagi oilaviy korxonasi rahbari va korxonaga qarashli mebel ustaxonasining ustasi o‘zboshimchalik bilan tarmoqqa ulanish orqali noqonuniy mayning faoliyatini olib borgani aniqlandi. Bu haqda Bosh prokuratura matbuot xizmati ma’lum qildi.

Unga ko‘ra, ustaxona bu orqali 1,8 mlrd so‘mlik elektr energiyasini o‘g‘irlik yo‘li bilan talon-toroj qilishgan.

Mazkur holat yuzasidan korxona rahbari va ustaga nisbatan Jinoyat kodeksining 169-moddasining 4-qismi «a» bandi bilan jinoyat ishi qo‘zg‘atildi.

Huquqni muhofaza qiluvchi va nazorat organlari tomonidan tabiiy gaz va elektr energiyasidan noqonuniy foydalanish holatlarini fosh etishga qaratilgan kuchaytirilgan reyd tadbirlari davom etmoqda.

Eslatib o‘tamiz, avvalroq ham Samarqandda mayning ferma deyarli 29 mlrd so‘mlik elektr energiyasi...

Streetpark Systems kompaniyasi poytaxtning yagona avtoturargoh tizimini ishlab chiqish va texnik qo‘llab-quvvatlash bo‘yicha tenderda g‘olib bo‘ldi. Bu haqda Respublika tovar-xomashyo birjasining elektron davlat xaridlari tizimi ma’lum qildi.

Unga ko‘ra, shartnoma qiymati 7,6 mlrd so‘mni tashkil etadi.

Auksion 2024-yilning dekabrida boshlandi. Lotning boshlang‘ich narxi auksionda 8,22 mlrd so‘m qilib belgilangan edi. Streetpark Systemsdan tashqari, tenderda yana bir kompaniya – «Intermobiliti» ishtirok etdi. Shartnoma 10 yilga mo‘ljallangan.

Ilgari, 17-dekabrda Streetpark Systems Toshkent shahrining 86 ta ko‘chasida pullik avtoturargohlarni tashkil etish bo‘yicha takroriy auksionda g‘olib bo‘ldi. Kompaniya boshlang‘ich narxdan 10% ko‘proq, ya’ni 62,93 mlrd so‘m taklif qildi.

Birinchi auksion, 25-noyabrda o‘tkazilgan, Balcomuz...

Turkiyaning Prefabrik & Celikyapı kompaniyasi «Yangi Namangan» hududiga $20 mln sarmoya kiritadi. Bu haqda O‘zA agentligi ma’lum qildi.

Unga ko‘ra, investitsiyalarni jalb etish bo‘yicha memorandum Yangi Namangan tumani hokimi Jobir Abdullayevning kompaniya vakili bilan uchrashuvida imzolangan.

Ma’lumot uchun, Yangi Namangan tumani 2021-yilning may oyida O‘zbekiston Hukumatining qarori asosida tashkil etilgan.

Eslatib o‘tamiz, Turkiya O‘zbekistonliklar tomonidan eng foydali hamkorlik qilinadigan beshta mamlakatdan biri sifatida tan olingan.

Myunxenda avtomobil byudjet xodimlarining norozilik namoyishiga kirib bordi. Bu haqda Bayerischer Rundfunk nashri xabar qildi.

Unga ko‘ra, hodisa natijasida kamida 20 kishi jarohat oldi. Ularning ba’zilari og‘ir ahvolda. Hodisa joyida politsiya, yong‘in o‘chiruvchilar va qutqaruvchilar ishlamoqda.

Guvohlardan biri Bayerischer Rundfunk nashriga bergan intervyusida, avtomobil atayin norozilar guruhiga kirib borganini aytdi. Shuningdek, politsiya ikki erkak bilan otishmalarga kirishgani, ulardan biri o‘ldirilgani haqida ma’lumot berilgan.

Politsiya vakili Tomas Shelxorn esa ushbu hodisa yuzasidan tergov olib borilayotganini ma’lum qildi.

2034-yilgi Saudiya Arabistonida bo‘lib o‘tadigan Jahon chempionatiga tashrif buyuruvchilarga alkogol ichimliklari ichish taqiqlanadi. Bu haqda mamlakatning Buyuk Britaniyadagi elchisi Xalid bin Bandar LBC nashriga bergan intervyusida ma’lum qildi.

Unga ko‘ra, bu qarorni madaniy qadriyatlarni hurmat qilish zarurati bilan izohlagan. Saudiya Arabistonida alkogol hozirgi paytda mavjud emas, ammo tashrif buyuruvchilar tadbirdan keyin ichimlik iste’mol qilishlari mumkin.

Shuningdek, elchi har bir millatning o‘z madaniyati borligini ta‘kidlab, Saudiya Arabistonining madaniyati o‘zgarmasligini bildirgan. Bu qaror Qatar 2022-yildagi tajribasidan keyin musobaqalarda alkogol sotilishi masalasidagi muhokamalarga o‘xshash holatni yodga soladi.

Eslatib o‘tamiz, avvalroq Saudiya Arabistonida besh yulduzli lyuks poyezd qatnovi yo‘lga qo‘yilishi haqida...

Xiaomi bosh direktori Ley Zun Weibo ijtimoiy tarmog‘idagi sahifasida hali rasman taqdim etilmagan Xiaomi 15 Ultra smartfonining kamerasi yordamida olingan ilk suratni e’lon qildi. Ushbu flagman Samsung Galaxy S25 Ultra va iPhone 16 Pro Max bilan raqobatlashib, eng yaxshi kamerali smartfon bo‘lishga da’vogarlik qilmoqda. Bu haqda ITHome nashri ma’lum qildi.

Xiaomi 15 Ultra 200 megapikselli periskop moduli, EGF 100 mm va F/2,6 diafragmali obyektiv bilan jihozlangan. Bu esa 4,3x optik kattalashtirish imkonini beradi.

Qurilmaning texnik xususiyatlariga kelsak, u Qualcomm Snapdragon 8 Elite protsessori, 16 Gb tezkor va 512 Gb flesh-xotira, 6000 mA/soat akkumulyator bilan ta’minlanadi. Smartfon 90 Vt simli...

Oliy Majlis Qonunchilik palatasi yangi qonun loyihasini birinchi o‘qishda qabul qildi. Unda tadbirkorlik subyektlariga tegishli 12 turdagi litsenziya, ruxsatnoma va xabarnoma olish talabini bekor qilish taklif etilgan.

Shuningdek, litsenziyalash va ruxsat berish jarayonlarini yanada soddalashtirish maqsadida arizalarni Davlat xizmatlari markazlari orqali ham taqdim etish imkoniyati yaratilishi belgilanmoqda.

Loyiha amaldagi 3 ta kodeks va 5 ta qonunga tegishli o‘zgartirish va qo‘shimchalar kiritishni ko‘zda tutadi. Shu bilan birga, 4 ta litsenziya va ruxsatnoma xabardor qilish tartibiga o‘tkazilishi, 1 ta xabarnoma ruxsat berish tartibiga aylantirilishi, 2 ta litsenziya uchun xulosa olish talabi bekor qilinishi rejalashtirilgan.

Shuningdek, 3 ta ruxsat berish tartib-taomili «Litsenziyalash...