Yangiliklar

2025-yilgi O‘zbekistondan yangi gilos eksport mavsumi oldingi yillarga nisbatan ancha qisqa — 15 – 20-iyun atrofida yakunlanishini taxmin qilinmoqda. Bu o‘tgan yilga nisbatan deyarli bir oy oldinroq tugaydi degani, deya xabar bermoqda EastFruit mutaxassislari.

Xabarga ko‘ra, o‘tgan hafta davomida O‘zbekistondan xalqaro bozorga yangi gilos jo‘natmalari qisqargan va hozirda ichki bozorda eksport uchun mavjud hajmlar juda kam.

Dastlabki hisob-kitoblarga ko‘ra, bu yilgi eksport mavsumi atigi 1-1,5 oy davom etadi. Solishtirish uchun, 2024-yilda gilos eksport mavsumi may boshidan iyul o‘rtalarigacha davom etgan, deya eslatib o‘tadi EastFruit tahlilchilari.

Ispaniyaning PSB Produccion Vegetal kompaniyasining O‘zbekistondagi vakili Farrux Abduxalimov mavsumning qisqarishiga sabab bo‘lgan...

Yaqin Sharqdagi vaziyat keskinlashgani sababli Uzbekistan Airways Saudiya Arabistonining Jidda shahridan ziyoratchilarni olib chiqish bo‘yicha reyslar jadvaliga o‘zgartirishlar kiritadi. Bu haqda aviakompaniya matbuot xizmati Kursiv Uzbekistan’ga ma’lum qildi.

«Bizda Haj dasturi doirasidagi Jidda yo‘nalishi bo‘yicha ziyoratchilarni olib chiqish reyslari jadvalida o‘zgarishlar bo‘ladi. Shuningdek, Sharm al-Shayxga (Misr) borish/kelish reyslari bo‘yicha ham jadvalda o‘zgarishlar bo‘lishi kutilmoqda», – deya izoh berdi Uzbekistan Airways matbuot xizmati.

Aviakompaniya vakillari agar parvoz jadvalida jiddiy o‘zgarishlar bo‘lsa, yo‘lovchilarga rasmiy sahifalari orqali xabar berilishini ta’kidladi.

Avvalroq Kursiv Uzbekistan Erondagi vaziyat sababli Toshkent aeroporti bir nechta xalqaro reyslarni qabul qilgani haqida yozgan...

Isroil va Eron o‘rtasidagi keskin vaziyatda O‘zbekiston fuqarolarining jabrlangani haqida ma’lumot kelib tushmadi. Bu haqda Tashqi ishlar vazirligi Kursiv Uzbekistanga ma’lum qildi.

Ma’lumot o‘rnida, joriy yilning 13-iyun kuni Isroil Eronning yadro inshootlari, ballistik raketa zavodlari va harbiy qo‘mondonlariga qarshi «Bosh ko‘targan sher» nomli harbiy operatsiyani boshlagan edi. 

Eron rasmiylariga ko‘ra, Tehrondagi hujumlarda Inqilobiy gvardiya qo‘mondoni Husayn Salami halok bo‘lgan, aholi yashaydigan hududga zarba tufayli bolalar halok bo‘lgan.

Mazkur voqealar fonida O’zbekiston hukumati ushbu davlatlardagi fuqarolardan raketa hujumlari vaqtida bombadan saqlanish joylariga zudlik bilan kirishni, Isroil va Eron hukumatlari, bundan tashqari O‘zbekiston elchixonasi tomonidan berilayotgan rasmiy ogohlantirishlarga qat’iy amal qilishni so‘radi...

Huawei kompaniyasi Huawei Pura80 smartfonlarini namoyish qildi. Eng kuchli model – Pura80 Ultra deb nomlanadi. Smartfon Kirin 9020 chipida ishlaydi.

Taqdimot vaqtida Huawei an’anaviy tarzda chip haqida rasmiy ma’lumot bermadi. Faqatgina yangi modellarning avvalgi Pura70 seriyasidan 36% tezroq ishlashi aytilgan. Kirin 9020 avval Huawei Mate 70 Pro modelida ham ishlatilgan edi.

Kirin 9020 – bu HiSilicon kompaniyasining chipi bo‘lib, u uchta turdagi yadro klasterlariga ega:

Bunday tuzilma tufayli chip 12 yadroli deb baholanadi. Grafik protsessori Maleoon...

So‘nggi yillarda ijtimoiy tarmoqlarda iPadkid atamasi keng tarqaldi. Bu so‘z ingliz tilidagi iPad (Apple plansheti nomi) va kid (bola degani) so‘zlarining birikmasidan olingan. Bu atama ko‘proq kichik yoshdan boshlab planshetlar bilan katta bo‘lgan, ya’ni raqamli dunyoda ulg‘aygan «Alfa avlodi» bolalariga nisbatan ishlatiladi. Farzandingizni gadjetlardan qanday qutqarish mumkin? Ushbu maqolada shu haqda bilib olasiz.

Alfa avlodi bolalari tug‘ilganidan beri ekran qarshisida ulg‘aymoqda. Multfilmlar YouTube’dan, ertaklar planshetdan, rivojlantiruvchi o‘yinlar esa sensorli ekranda bo‘lgan. Planshet ko‘plab ota-onalar uchun arzon va oson «raqamli enaga»ga aylangan. Natijada bu bolalar uchun ekran real dunyodan ko‘ra tanish va yaqin muhit bo‘lib qolgan.

Statistikaga qaralsa:

Prezidentning 2024-yildagi qaroriga asosan tashkil etilgan O‘zbekiston davlat sport akademiyasi joriy yildan o‘z faoliyatini boshladi. Bu haqda Sport vazirligi ma’lum qildi.

Akademiya sport sohasi bo‘yicha yuqori malakali kadrlar tayyorlash, xalqaro standartlarga mos o‘quv va ilmiy-tadqiqot jarayonini yo‘lga qo‘yish maqsadida tashkil etilgan bo‘lib, Sport vazirligiga bo‘ysunuvchi davlat oliy ta’lim muassasasi hisoblanadi.

2025/2026-o‘quv yili uchun abituriyentlardan hujjatlar qabul qilinmoqda. Jahon, Osiyo va O‘zbekiston chempionatlarida so‘nggi bir yil ichida g‘olib yoki sovrindor bo‘lgan bitiruvchilar 14 ta sport turi bo‘yicha qabul jarayonida ishtirok etmoqda.

Saralash jarayoni sportchilarning yutuqlari va musobaqalardagi ko‘rsatkichlari asosida seleksiya tamoyiliga ko‘ra amalga oshiriladi. Nomzodlar O‘zbekiston Milliy olimpiya va paralimpiya...

O‘zbekiston milliy terma jamoasi o‘z tarixida birinchi marta jahon chempionati yo‘llanmasini qo‘lga kiritdi. Jamoaning yutug‘i ko‘pchilik xorijiy OAV va blogerlarini diqqat markazini egalladi. Sport jurnalisti va bloger Nobel Arustamyan jamoa bilan suhbat o‘tkazdi. Suhbatda Abbosbek Fayzullayev «Real» yoki «Barsa»da o‘ynashni orzu qilishini qayd etgan.

«Real» yoki «Barsa»da o‘ynashni orzu qilaman… Ayni paytda men «SSKA» futbolchisiman va ushbu klub bilan amaldagi shartnomam bor. Lekin har doim Yevropada o‘ynash aniq maqsadim bo‘lgan. Vaqti kelib, Yevropada o‘ynashni xohlayman. Albatta, top-klublarda”, – deya ta’kidlagan Fayzullayev.

Eslatib o‘tamiz, Kursiv Uzbekistan nashri O‘zbekiston milliy terma jamoasi va «SSKA» futbolchisi...

Shu yilning 10 – 12-iyun kunlari poytaxtda o‘tkazilgan IV Xalqaro investitsiya forumi (TXIF) yakunida umumiy qiymati $30,5 milliardga teng investitsiya va savdo bitimlari imzolandi. Bu haqda Investitsiya, sanoat va savdo vazirligi xabar berdi.

Forumda Shavkat Mirziyoyev ishtirok etib, u Xorijiy investorlar kengashining 3-sessiyasiga raislik qildi.

Shuningdek, tadbirda sakkiz mingdan ortiq delegatlar ishtirok etdi, ulardan uch ming nafari 97 ta davlatdan kelgan xorijiy mehmonlar bo‘ldi. 150 dan ortiq taniqli spikerlar qatnashgan 36 ta panel sessiya tashkil etildi. Forum doirasida ilk bor sanoat ko‘rgazmasi ham o‘tkazildi.

Ushbu sanoat ko‘rgazmasi 12 ming kvadrat metr maydonda tashkil etilib, 100 ga yaqin mahalliy korxonalar...

Tashqi ishlar vazirligi huzuridagi Isroil va Eron Islom Respublikasidagi elchixonalarining rasmiy xabarlariga ko‘ra, ushbu hududlardagi harbiy-siyosiy vaziyat keskinlashib bormoqda. Xususan, raketa hujumlari xavfining ortgani munosabati bilan fuqarolarimizdan hushyorlik va ehtiyot choralariga qat’iy rioya qilish so‘ralmoqda.

Isroil hududida istiqomat qilayotgan fuqarolarimizga raketa hujumlari vaqtida bombadan saqlanish joylariga zudlik bilan kirish, Isroil hukumati va O‘zbekiston elchixonasi tomonidan berilayotgan rasmiy ogohlantirishlarga qat’iy amal etish tavsiya qilinadi. Shuningdek, shaxsni tasdiqlovchi hujjatlar va diplomatik vakolatxonalar bilan bog‘lanish ma’lumotlarini doimo olib yurish lozim.

Eron hududida yashayotgan O‘zbekiston fuqarolaridan ham shunga o‘xshash ehtiyot choralariga rioya qilish so‘ralmoqda. Ayniqsa, hukumat va elchixona tomonidan berilayotgan rasmiy...

Yil boshidan beri global elektromobil (EV) savdosi 7,2 million donaga yetdi. May oyida esa butun dunyo bo‘ylab 1,6 million dona elektromobil sotilgan. Bu o‘tgan yilga nisbatan 28% o‘sishdir. Bu haqda EV bo‘yicha tahlillar bilan shug‘ullanuvchi Rho Motion kompaniyasining so‘nggi hisobotida keltirib o‘tildi.

Lider – Xitoy

Xitoy EV bozorida may oyida bir million elektromobil sotib, yangi rekord o‘rnatdi. Bu o‘tgan yilning shu davriga nisbatan 33%, aprelga qaraganda esa 10% ko‘p.

Yevropada yil boshidan beri 1,6 million EV sotilib, 27% o‘sish qayd etildi. Germaniya (45%) va Buyuk Britaniya (32%) yetakchilik qilmoqda. Ayniqsa, Ispaniya (72%) va Italiya (58%) kuchli o‘sish...

Rossiyadagi nazorat ostidagi shaxslar reyestrida 3-iyun holatiga ko‘ra 772 mingga yaqin chet el fuqarosi haqidagi ma’lumotlar mavjud. Bu haqda Rossiya Ichki ishlar vazirligining migratsiya masalalari bo‘yicha bosh boshqarmasi boshlig‘i o‘rinbosari Vitaliy Yakovlev ma’lum qildi, deb xabar berdi TASS.

Ushbu reyestrga Rossiyada qonuniy yashash asoslarini yo‘qotgan xorijiy fuqarolar va fuqaroligi bo‘lmagan shaxslar kiritiladi. Dastlabki farmon talablari bo‘yicha ular 30-aprelgacha Rossiyadagi maqomini qonunlashtirishi yoki mamlakatni tark etishi lozim edi. Biroq 28-aprel kuni Rossiya prezidenti Vladimir Putin ushbu muddatni 10-sentabrgacha uzaytirdi.

«3-iyun holatiga ko‘ra, nazorat qilinadigan shaxslar reyestrida qariyb 772 ming xorijiy fuqaro haqida ma’lumot mavjud. Shu bilan...

Rossiya dilerlari tomonidan Chevrolet Tracker narxlari pastlatildi. Bu haqda Rossiyaning «Avtonovosti dnya» nashri xabar bermoqda.

Chevrolet Tracker modelining Rossiyadagi narxi 1,65 mln rublni ($20 ming) tashkil etadi. Bir qator rus nashrlari avtomobilni o‘rta segmentdagi hamyonbop sedan sifatida baholamoqda. Ularning fikricha, xuddi shunday qulaylikka ega boshqa modellar nisbatan qimmatroq.

Ammo ushbu avtomobil Ufadagi dilerda 2,1 mln rubldan ($26 ming) sotilayotgan bo‘lsa, Moskvadagi dilerda 2,49 mln ($31 ming) rubl qiymat belgilangan.

Rossiya bozorida sotiladigan avtomobil 165 ot kuchiga ega 1,3 litrli uch silindrli turbo dvigatel va CVT bilan jihozlangan. O‘zbekistondagi model esa 1,2 litrli uch silindrli turbo dvigatelga bo‘lib...

Ijtimoiy tarmoqlarda Buxoro viloyati hokimi Botir Zaripovning go‘yoki «xususiy bog‘chani buzish» topshirig‘i aks etgan video tarqalib, jamoatchilik e’tiborini tortdi. Viloyat hokimligi holat yuzasidan rasmiy bayonot berdi.

Ma’lum bo‘lishicha, 22-may kuni hokim boshchiligidagi ishchi guruh Buxoro shahridagi 2-sonli davlat bog‘chasida qurilish-ta’mirlash ishlarini o‘rgangan. 1961-yilda qurilgan ushbu bog‘chada kapital ta’mirlash ishlari olib borilmoqda. Hokim qurilishni jadallashtirish va xavfsizlikni ta’minlash yuzasidan topshiriqlar bergan.

Videodagi «buzib tashla» iborasi bog‘cha hududida noqonuniy qurilgan kirish yo‘lagi haqida aytilgan bo‘lib, xususiy bog‘chani buzish bilan hech qanday aloqasi yo‘q. Noqonuniy yo‘lak allaqachon bartaraf etilgan. Shuningdek, holat bo‘yicha mas’ullarga intizomiy chora ko‘rilgan.

Hokimlik mazkur holatni noto‘g‘ri talqin qilmaslikka...

Apple 2025-yilgi WWDC konferensiyasida iOS 26 bilan birga kutilgan Apple Intelligence funksiyalarini namoyish qildi. Bu haqda Sammobile nashri ma’lum qildi.

Biroq bu yangilik kompaniya foydalanuvchilari orasida katta umidsizlikka sabab bo‘ldi. Sababi — sun’iy intellekt faqat iPhone 15 Pro, iPhone 15 Pro Max va iPhone 16 seriyasi uchun mavjud. Ya’ni, Apple Intelligence ko‘pchilik uchun mavjud emas.

Apple Intelligence faqat yangi iPhone’larda ishlaydi

Kompaniya bu cheklovni texnik sabablarga, xususan, eski qurilmalarda kuchli protsessor va yetarlicha tezkor xotira yo‘qligi bilan izohlamoqda. Apple Intelligence funksiyalari ko‘p hollarda sun’iy intellekt algoritmlarini lokal (qurilmada) ishlatishni talab qiladi. Shuning uchun, deydi kompaniya, faqat 8 Gb...

13-iyun kuni tongda Eron havo hududining yopilishi tufayli bir nechta xalqaro aviareyslar Toshkentga yo‘naltirildi. Bu haqda Uzbekistan Airport xabar berdi.

Favqulodda holat tufayli quyidagi samolyotlar Toshkent xalqaro aeroportiga qo‘nishga majbur bo‘lgan:

Yo‘lovchilarga parvoz holati haqida aniqlik kiritish uchun o‘z aviakompaniyalariga murojaat qilish tavsiya etiladi.

Avvalroq Kursiv...

Nvidia kompaniyasi sun’iy intellekt asosida ishlovchi haydovchisiz transport vositalari uchun mo‘ljallangan Drive platformasining ommaviy ishlab chiqarilishini boshladi. Bu haqda kompaniya rasmiy saytida e’lon qilindi.

Bu tizim avtomobil ishlab chiqaruvchilarga moslashuvchan yechimlar taklif etib, 2+ va 3-darajadagi avtonomlik funksiyalarini – avtomatik yo‘l almashtirish, to‘xtash, xavfsizlik tizimlari va 360° ko‘rish imkonini beradi.

Nvidia vakillari to‘liq haydovchisiz 5-darajadagi avtomobillar hali yaqin o‘n yillikda paydo bo‘lmasligini bildirgan bo‘lsa-da, kompaniya bu yo‘nalishda faol ishlamoqda. Drive platformasi inson omili ishtirokini kamaytirish, xavfsizlikni oshirish va mashinaviy o‘rganish orqali real haydovchi xatti-harakatlarini taqlid qilishga asoslangan.

Yangi tizim sezish, rejalashtirish va boshqaruv funksiyalarini birlashtirgan holda, haqiqiy va...

2025-yil 13-iyun kuni Isroil Eronning yadro inshootlari, ballistik raketa zavodlari va harbiy qo‘mondonlariga qarshi «Bosh ko‘targan sher» nomli harbiy operatsiyani boshladi. Bu haqda Reuters axborot agentligi ma’lum qildi.

Isroil bosh vaziri Benyamin Netanyaxuning ta’kidlashicha, bu operatsiya Eronning atom quroliga ega bo‘lishiga yo‘l qo‘ymaslik maqsadini ko‘zlaydi.

Eron rasmiylariga ko‘ra, Tehrondagi hujumlarda Inqilobiy gvardiya qo‘mondoni Husayn Salami halok bo‘lgan, aholi yashaydigan hududga zarba tufayli bolalar o‘lgan. Isroil esa Natanzdagi uran boyitish markazi hamda o‘nlab strategik obyektlarga hujum uyushtirganini ma’lum qildi.

AQSh bu hujumda ishtirok etmaganini bildirgan. Hozirda Isroilda favqulodda holat e’lon qilinib, javob zarbalari xavfi kuchaygan. Neft narxlari oshib, global bozorlar...

O‘zbekistonning Maldiv Respublikasiga (qarorgohi Dehli shahrida) tayinlangan birinchi elchisi Sardor Rustamboyev Maldiv prezidenti Muhammad Muizzu huzuriga chiqib, ishonch yorliqlarini topshirdi. Bu haqda «Dunyo» AA xabar berdi.

Tantanali marosimdan so‘ng o‘tgan muloqotda ikki davlat o‘rtasidagi siyosiy, savdo-iqtisodiy, investitsiyaviy va madaniy-gumanitar sohalardagi hamkorlik istiqbollari muhokama qilindi.

Prezident Muizzu O‘zbekiston bilan xalqaro maydonda, xususan, BMT va boshqa tashkilotlar doirasidagi hamkorlikni kuchaytirish tarafdori ekanini bildirdi. Suhbatda turizm, oliy ta’lim, viza tartibini soddalashtirish hamda to‘g‘ridan to‘g‘ri reyslar yo‘lga qo‘yish masalalari ham ko‘rib chiqildi.

Ma’lumot o‘rnida, O‘zbekiston va Maldiv o‘rtasida diplomatik aloqalar 1994-yil 7-dekabrda o‘rnatilgan. Sardor Rustamboyev 2024-yil yanvaridan buyon Dehlidagi elchixonada faoliyat yuritib kelmoqda.

13-iyun kuni mamlakatimizning katta qismida havo harorati kunduzi 34-40 darajagacha ko‘tarilishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

12-iyun kuni Toshkent xalqaro aeroportida Haj ziyoratini ado etgan ilk yurtdoshlarimiz tantanali kutib olindi. Bu haqda Uzbekistan Airports ma’lum qildi.

Unga ko‘ra, Uzbekistan Airways aviakompaniyasining Jidda – Toshkent yo‘nalishidagi HY-5304 reysi bilan 245 nafar ziyoratchi Vatanga qaytdi. Samolyot mahalliy vaqt bilan soat 17:30 da poytaxtga qo‘ndi.

Aeroportda ularni yaqinlari va qarindoshlari iliq kutib oldi. Viloyatlardan kelgan ziyoratchilar esa zal oldida maxsus avtobuslarga o‘tqazilib, tegishli manzillariga jo‘natildi.

Joriy yil 12 – 30-iyun kunlari davomida Jiddadan Toshkent, Namangan, Qarshi, Samarqand, Buxoro, Urganch va Nukusga jami 62 ta reys amalga oshiriladi. Bu orqali 15 150 nafar yurtdoshimiz Haj safaridan yurtga qaytadi.

Eslatib...

Ilon Mask Texas shtatining Ostin shahrida Tesla’ning birinchi robotaksi xizmatini ishga tushirishini e’lon qildi. Bu haqda CNN axborot agentligi ma’lum qildi.

Tesla sun’iy intellekt asosida ishlaydigan haydovchisiz avtomobillar xizmatini yo‘lga qo‘ymoqchi. Bu loyiha kompaniyaning kelajagi uchun juda muhim, chunki Tesla hozir moliyaviy muammolarga duch kelmoqda: 2024-yilda daromadi 53 foizga kamaydi va savdolar ham birinchi marta pasaydi.

Mask robotaksilarni eng yirik moliyaviy imkoniyat deb ko‘radi. U Tesla’ning avtopilot tizimi kameralarga asoslangan, radar va lidar kabi murakkab datchiklar ishlatilmaydi. Mask bunday datchiklarni qimmat va keraksiz deb hisoblaydi, biroq mutaxassislar lidar yordamida odam va to‘siqlarni aniqroq aniqlash mumkinligini ta’kidlamoqda.

Bu orada raqobatchilar...

Boks olamidagi muhim jang – Murodjon Ahmadaliyev va Naoya Inoue o‘rtasidagi bahs 2025-yil 14-sentabr kuni Yaponiyaning Tokio shahrida bo‘lib o‘tadi. Bu haqda Boks federatsiyasi ma’lum qildi.

Bu jang super-bantam vazn (122 funt yoki 55,34 kg) toifasidagi mutlaq jahon chempionligi unvoni uchun o‘tkaziladi.

Murodjon Ahmadaliyev – O‘zbekistonning eng muvaffaqiyatli bokschilaridan biri. U 1994-yilda tug‘ilgan bo‘lib, 2016-yilgi Olimpiya o‘yinlarining bronza medali sovrindori hisoblanadi. Ahmadaliyev 2020-yilda atigi sakkizinchi jangida WBA (Super) va IBF kamarlarini qo‘lga kiritib, tarixga kirgan. U kuchli zarbalari, tajovuzkor uslubi va chidamliligi bilan tanilgan. Professional faoliyatida 12 dan ortiq g‘alabaga (jumladan, bir nechta nokautlar bilan) ega va faqat bitta...

Toshkent xalqaro investitsiya forumida Boeing’ning Yevrosiyo bo‘yicha tijorat savdolari direktori Mario Antonio Ebchim O‘zbekistonning e-tijorat salohiyati ortib borayotganini ta’kidladi. Uning aytishicha, mamlakatda chakana savdodagi onlayn savdo ulushi 2023-yilda 3 – 5% ni tashkil etgan bo‘lsa-da, 2027-yilga kelib bu ko‘rsatkich 9 – 11% gacha o‘sishi kutilmoqda. Bu esa yuk havo transportiga ehtiyojni keskin oshiradi.

Ebchim O‘zbekistonning logistik salohiyatiga e’tibor qaratdi. Unga ko‘ra, dunyo bo‘yicha elektron tijorat savdosi 2026-yilga borib $8 trillionga yetadi, bu esa jadal rivojlanayotgan mintaqalar uchun katta imkoniyatlar yaratadi.

«Biz Markaziy Osiyo uchun yillik 33 foizlik o‘sishni kutmoqdamiz. O‘zbekistonda esa e-tijorat ulushi 2027-yilgacha 10% dan...

Andijon va Xorazm viloyatlarida qalbaki aksiz markali alkogol mahsulotlarini noqonuniy tarzda savdoga qo‘ygan savdo nuqtalari aniqlandi. Bu haqda Bosh prokuratura departamenti ma’lum qildi.

Unga ko‘ra, departamentning Baliqchi tumani bo‘limi, IIB va Soliq inspeksiyasi ishtirokida o‘tkazilgan tezkor tadbirda Gulshan mahallasidagi oziq-ovqat do‘konida fuqaro 2 dona alkogolli ichimlikni sotgan vaqtida qo‘lga olingan. Do‘kondan 1 997 dona hujjatsiz alkogol mahsulotlari ashyoviy dalil sifatida olingan.

Shuningdek, Urganch tumanidagi MChJga qarashli do‘konda 1 052 dona qalbaki aksiz markali spirtli ichimliklar savdoga qo‘yilgani aniqlangan.

Mazkur holatlar yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq departament tomonidan Toshkent...