O‘zbekiston valyuta birjasi ma’lumotlariga ko‘ra, 1-may kuni dollarning o‘rtacha kursi 12 900 so‘mni tashkil etib, oldingi kun bilan solishtirganda 20,16 so‘mga tushdi.

30-aprel kuni esa o‘rtacha kurs 12 920,16 so‘m bo‘lib, 13 so‘mga tushdi.

Dollar kursi bu haftani keskin pasayish bilan boshladi: 28-aprel kuni o‘rtacha kurs 12 948,10 so‘m bo‘lib, 9,04 so‘mga tushgandi. 29-aprel kuni esa kurs 12 933,36 so‘m bo‘lib, 14,94 so‘mga oshdi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 86,12 soʻmga tushib, 14 595,06 soʻmga yetdi. Rossiya rubli esa 1,29 soʻmga pastlab 157,32 soʻmga teng boʻldi.

Mamlakatdagi tijorat banklari 1-may kuni bir AQSh dollarini...

«Moliyaviy va boshqa xavflarni aniqlash, baholash va boshqarish tartibi to‘g‘risida«gi nizom tasdiqlandi. Ushbu hujjat vazirlik va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari kabi davlat organlarida moliyaviy va boshqa turdagi xavflarni tizimli boshqarish jarayonlarini belgilashga qaratilgan.

Nizomga muvofiq, har bir organ faoliyatida yuzaga keladigan xavflarni aniqlash va baholash bo‘yicha alohida Xavflarni boshqarish qo‘mitasi tashkil etiladi. Ushbu qo‘mita xavflarni aniqlash, ularning ehtimolini va ta’sirini baholash, shuningdek, umumiy xavf darajasini hisoblash uchun javobgar bo‘ladi.

Xavflarni baholash quyidagi bosqichlarda amalga oshiriladi: avval xavfning ta’siri va ehtimoli aniqlanadi, so‘ngra ularning ko‘paytmasi orqali umumiy xavf darajasi hisoblanadi. Xavf ta’sirini aniqlashda...

Xorazmdagi 130 gektar maydonda barpo etilayotgan Al-Xorazmiy shaharchasida Xorazmiy monumenti o‘rnatiladi. Bu haqda prezident matbuot xizmati xabar qilmoqda.

2022-yil avgust oyida ushbu shaharcha qurilishi poydevoriga tamal toshi qo‘ygandi. O‘tgan yillarda shaharchada 1,7 mingta xonadonli 72 ta ko‘p qavatli uy foydalanishga topshirilgan.

Joriy yilda yana mingta xonadondan iborat 28 ta turarjoy qurilishi rejalashtirilmoqda. Natijada hududdagi xonadonlar soni 5 mingdan ortiq bo‘ladi.

Bu shaharcha hududi 130 gektardan ziyod bo‘lib, Urganch xalqaro aeroporti yaqinida qurilmoqda.

«Samolyotdan tushgan mehmonlarning ko‘z o‘ngida avvalo mana shu go‘zal maskan namoyon bo‘ladi. Shaharcha markazida Xorazmiy bobomizning muazzam haykali o‘rnatiladi», – dedi davlat rahbari.

Bugun, 1-may kuni Shavkat Mirziyoyev Xorazm viloyatiga tashrifi davomida Urganch xalqaro aeroporti modernizatsiyasi loyihasiga $223 mln yo‘naltirilishini ma’lum qildi. Bu haqda prezident matbuot xizmati xabar berdi.

Ushbu aeroport hozirda soatiga 400 nafar yo‘lovchiga xizmat ko‘rsatmoqda. Xizmat ko‘lamini kengaytirish maqsadida 2024-yil 1-avgustda aeroportni modernizatsiya qilish va boshqarish bo‘yicha tender e’lon qilinib, sakkizta davlat qatnashgandi.

Yakuniy natijalarga ko‘ra, Janubiy Koreyaning Incheon International Airport Corporation kompaniyasi g‘olib deb topilgani haqida xabar berilgandi.

Prezident ushbu loyiha jarayoniga to‘xtalib, kompaniya va loyiha rahbarlari bilan suhbatlashdi.

«Xorazmda ko‘plab zamonaviy mehmonxonalar, dam olish va savdo markazlari barpo etayapmiz. Kelajakda sayyohlar oqimini...

Shveytsariyaning nufuzli IMD biznes maktabi TBC Bank Group’ning mahalliy bankdan mintaqaviy yetakchi moliyaviy xizmatlar provayderiga aylanish jarayonini tahlil qilgan tadqiqot e’lon qildi. Bu haqda TBC Kursiv Uzbekistan’ga ma’lum qildi.

Tadqiqot «TBC Group: Future-Proofing a History of Success» nomi ostida chop etilib, kompaniyaning Gruziya va O‘zbekistonda raqamli bank ekotizimini muvaffaqiyatli rivojlantirish yo‘lini o‘rganadi. Unda TBC Bank Group’ning O‘zbekiston bozorida qisqa muddatda ishonchli pozitsiya egallab, 18,4 mln foydalanuvchiga yetgani va bankning 2024-yilgi sof foydasi $41 mlnni tashkil qilgani qayd etiladi.

Tadqiqot kompaniyaning xalqaro kengayish strategiyasi va IMD uni rivojlanayotgan bozorlarda texnologiyaga asoslangan moliyaviy xizmatlar uchun o‘quv materiali sifatida qo‘llashini ham ta’kidlaydi.

Avvalroq...

Shu yilning aprel oyida O‘zbekistonda inflyatsiya yiliga 10,3 foizdan 10,1 foizgacha pasaydi. Milliy statistika qo‘mitasi ma’lumotlariga ko‘ra, iste’mol narxlari bir oyda 0,7 foizga teng bo‘ldi.

Oziq-ovqat mahsulotlari narxi bir oyda 0,8 foizga, nooziq-ovqat mahsulotlari va xizmatlar narxi esa 0,4% va 1 foizga o‘sdi. O‘tgan oyda bu yo‘nalishlar 1,5%, 0,3% va 0,7 foizga oshgandi.

Eng yuqori oylik inflyatsiya Namangan va Farg‘ona viloyatlarida qayd etilib, har ikkala viloyatda o‘sish sur’ati 0,9 foizni tashkil etdi. Keyingi o‘rinni esa narxlarning o‘zgarishsiz ko‘rsatkichi – 0,8 foiz bilan Buxoro egalladi. Mart oyida yetakchi uchlikni Surxondaryo (1,2%), Navoiy (1%) va Jizzax (1%) egallagandi.

Respublika oziq-ovqat tovarlari orasida o‘simlik...

Samsung Hindistonda Galaxy A26 smartfonining 6 GB operativ va 128 GB doimiy xotiraga ega bo‘lgan yangi, arzonroq variantini taqdim etdi. Bu haqda Sammobile nashri ma’lum qildi.

Ushbu modelning narxi 23 499 rupi (taxminan $278 ) etib belgilandi va u shu kungacha taqdim etilgan eng qulay narxli Galaxy A26 bo‘ldi.

Bu smartfon 6,7 dyuymli Super AMOLED displey, Exynos 1380 protsessori, 5000 mA/soat batareya va 50 MP asosiy kamera bilan jihozlangan. Telefon Android 15 va One UI 7.0 operatsion tizimi asosida ishlaydi hamda 6 ta asosiy yangilanishni oladi.

Yangi model Samsung.com, Samsung Shop ilovasi va Hindiston bo‘ylab vakolatli do‘konlarda sotuvga...

Toshkent yonilg‘i quyish shoxobchalarida metan narxi 1 kub metr uchun 5,2 mingga ko‘tarildi. Bu haqdagi ma’lumotni Energetika vazirligi matbuot xizmati «Kursiv»ga tasdiqladi.

1-maydan yoqilg‘i quyish shoxobchalariga metan gazi yetkazib berish narxi 1,8 ming so‘mdan 2,5 ming so‘mga ko‘tarilgan.

«Natijada yoqilg‘i quyish shoxobchalarida ham chakana narxlar yuqorilamoqda – 4,1 ming so‘mdan 5,2 ming so‘mgacha. Bu taxminan 26,8 foizga o‘sganini bildiradi», — deyiladi xabarda.

Vazirlik har qanday narx o‘zgarishi savollar tug‘dirishini ta’kidladi. Shuningdek, vazirlik energiya resurslarini qazib olish, qayta ishlash va yetkazib berish bilan shug‘ullanishini, narxlar esa Iqtisodiyot va moliya vazirligi tomonidan tartibga solinishini qayd etdi.

Avvalroq...

Bir kilogramm palov tayyorlash uchun o‘rtacha 106,7 ming so‘mni tashkil qiladi. Bu haqda statistika qo‘mitasi xabar bermoqda.

Ma’lumotga ko‘ra, palov tayyorlash bo‘yicha eng qimmat xarajatlar Toshkent shahri (112,5 ming so‘m), Farg‘ona (112,3 ming so‘m) va Toshkent viloyatlariga (108,9 ming so‘m) to‘g‘ri keladi. Eng kam xarajat Qoraqalpog‘iston Respublikasida bo‘lib, taxminan 95,7 ming so‘mni tashkil etadi.

Barcha hududlar bo‘yicha quyidagi grafikadan ma’lumot olishingiz mumkin:

Eslatib o‘tamiz, Kursiv Uzbekistan nashri 2025-yilning I choragi yakunlariga ko‘ra, O‘zbekiston yalpi ichki mahsuloti (YIM) hajmi 333,5 trln so‘mga o‘sgani haqida yozgan edi.

Leapmotor C10 avtomobili 2025-yilda yangilandi. Uning narxi Chevrolet Tracker narxiga teng. Bu haqda CarNewsChina nashri xabar bermoqda.

Yangi modelda 800V yuqori voltli tizim va 74,9 kVt·soat LFP batareya o‘rnatilgan bo‘lib, bu 605 km CLTC masofasini ta’minlaydi. Elektr motorining maksimal quvvati 220 kVt (295 ot kuchi)ga yetgan, bu avvalgi modelga nisbatan 50 kVt (67 ot kuchi) ko‘p. 0 dan 100 km/soatgacha tezlanish vaqti 5,9 soniyani tashkil etadi.

Yangilangan model quyidagi funksiyalar bilan ta’minlangan:

Texnik...

O‘zbekiston va Afg‘oniston dori-darmon ishlab chiqarish hamda ularni import qilishni boshqarish bo‘yicha kelishuv imzoladi, deb xabar bermoqda Tolo News Afg‘oniston Sog‘liqni saqlash vazirligi rahbari Nura Jalol Jaloliyga tayanib.

Shunga o‘xshash hujjatni Afg‘oniston rasmiylari Eron bilan ham imzolagan. Hindiston, Turkiya va Pokiston bilan farmatsevtika sohasida bitimlar tuzish rejalashtirilgan.

Jaloliyning qo‘shimcha qilishicha, uning idorasi 103 ta farmatsevtika korxonasiga Afg‘onistonda ishlash uchun ruxsatnoma bergan.

2025-yilning birinchi choragida O‘zbekiston va Afg‘oniston o‘rtasidagi tovar ayirboshlash hajmi yillik 68,6 foiz o‘sish bilan $402,8 mlnga yetdi.

Avvalroq Kursiv Uzbekistan Alohida dori vositalari klinik tadqiqotsiz ro‘yxatga olinishi haqida xabar bergan edi.

Samsung korporatsiyasi 2025-yilning birinchi choragida eng yirik smartfon ishlab chiqaruvchisiga aylandi. Bu haqda Canalys hisobotida ma’lum qilindi.

Samsung jahon bozoriga 60,5 mln dona yetkazib berdi, bu bozor ulushining 20 foizini tashkil qiladi. Keyingi o‘rinda Apple qayd etildi.

Amerika kompaniyasi 55 mln dona smartfon yetkazib berib, uning ulushi 19 foizga yetdi.

Xiaomi 14 foizlik ulushga ega bo‘lib, 41,8 mln dona qurilma yetkazib berib, uchinchi yirik smartfon ishlab chiqaruvchisi deb topildi.

Canalys ma’lumotlariga ko‘ra, 2025-yilning birinchi choragida 296,9 mln dona smartfon sotilgan. 2024-yilning birinchi choragiga nisbatan o‘sish atigi 0,2 foizni tashkil etgan. Yetkazib berishda eng kuchli o‘sish Xitoy va Qo‘shma Shtatlarda...

2025-yilning birinchi choragida General Motors (GM) kompaniyasi sof foydasi kamayganini ma’lum qildi. Bu haqda kompaniya moliyaviy hisobotlarida e’lon qildi.

Unga ko‘ra, yanvar – mart oylaridagi sof foyda $2,78 milliardni tashkil etdi. Bu ko‘rsatkich o‘tgan yilning shu davrida $2,98 milliard bo‘lgan. Biroq aksiyaga to‘g‘ri keladigan foyda 2024-yilgi $2,56 dan oshib, $3,35 ga yetdi.

Kompaniyaning choraklik daromadi $44 milliardga yetib, o‘tgan yilga nisbatan $1 milliardga oshdi. Bu natija bozor kutilmalaridan yuqori bo‘ldi. Bozor o‘rtacha $43,2 milliard daromad kutgan.

Avvalroq Kursiv Uzbekistan General Motors 900 mingga yaqin avtomobilini chaqirib olayotgani haqida yozgandi.

Honda yangilangan 2026-yilgi CR-V TrailSport gibridini namoyish qildi – kompaniya ilk bor CR-V modelining off-road gibrid versiyasini taqdim etdi. Bu haqda 32cars nashri ma’lum qildi.

Model Continental yo‘ltanlamas shinalari, kulrang 18 dyuymli g‘ildiraklar, eksklyuziv Ash Green Metallic kuzov rangi va yaxshilangan tortishish tizimi bilan jihozlandi. 204 ot kuchiga ega gibrid dvigatel, isitiladigan o‘rindiqlar va rul, 9 dyuymli displey, Apple CarPlay va Android Auto qo‘llab-quvvatlashi bilan ta’minlandi.

AQShda savdo yaqin oylarda boshlanadi, TrailSport gibridi taxminan $37 mingdan sotilishi kutilmoqda.

Avvalroq Kursiv Uzbekistan Honda yangi arzon P7 krossoverini taqdim etgani haqida xabar bergan edi.

2024-yilda global harbiy xarajatlar 9,4 foizga o‘sib, $2,7 trlnga yetdi. Bu Sovuq urushdan keyingi eng yuqori ko‘rsatkichdir, deya yozmoqda CNN.

Stokgolmdagi Xalqaro tinchlik tadqiqotlari Instituti hisobotiga ko‘ra, urushlar va ziddiyatlar kuchayayotgan bir paytda dunyo tobora qurollanmoqda.

Eng ko‘p harbiy mablag‘ sarflagan davlatlar orasida AQSh birinchi o‘rinda turib, 2024-yilda deyarli $1 trln ajratgan. Xitoy esa $314 mlrd bilan ikkinchi o‘rinda. Isroil, Rossiya, Hindiston va NATO davlatlari harbiy budjetlarini sezilarli darajada oshirgan.

Xitoyning harbiy kuchini kuchaytirishi Osiyo mintaqasida ham qurollanish poygasini jadallashtirmoqda. Yaponiya, Filippin, Janubiy Koreya va Tayvan ham xarajatlarini ko‘paytirdi.

Mutaxassislar global qurollanish poygasi xavfli tus olayotganini ta’kidlamoqda. SIPRI vakili...

Yangi o‘quv yilidan boshlab Toshkent axborot texnologiyalari universitetining (TATU) Urganch filiali Urganch davlat universiteti (UrDU) tarkibiga qo‘shiladi. Bu haqda prezident qarori qabul qilindi.

Qarorga muvofiq, TATU Urganch filialida tahsil olayotgan barcha talabalar o‘z o‘qishlarini UrDUning mos bakalavriat ta’lim yo‘nalishlari va magistratura mutaxassisliklarida davom ettiradi.

Shuningdek, Muhammad al-Xorazmiy nomidagi ixtisoslashtirilgan maktabning Urganch filiali tashkil etiladi. Yangi maktab Al-Xorazmiy majmuasi hududida joylashadi va 7 yillik STEM modeli asosida faoliyat yuritadi.

Ta’lim dasturi quyidagicha tuziladi:

Maktabga 4-sinfni tamomlagan, matematika va informatika fanlari...

1-may kuni Toshkent shahridagi «Yakkasaroy» kichik sanoat zonasida joylashgan sintetik plomba ishlab chiqaruvchi korxonada yong‘in sodir bo‘ldi. Bu haqda Favqulodda vaziyatlar vazirligi xabar berdi.

O‘t o‘chirish xizmatlari yong‘in joyiga soat 7:04 da yetib kelgan. Ularning harakatlari tufayli yong‘in bir soat ichida o‘chirilgan.

«Yong‘in bartaraf etilgandan so‘ng yong‘in joyini o‘rganish davomida ikki nafar fuqaroning jasadlari aniqlangan. Shuningdek, 5 nafar fuqaro tan jarohati bilan shifoxonaga yuborilgan», – deyiladi vazirlik axborotida.

Yong‘in ishlab chiqarishda texnologik jarayonning buzilishi natijasida yuzaga kelganligi taxmin qilinmoqda.

Eslatib o‘tamiz, Kursiv Uzbekistan nashri 17-aprel kuni kechqurun Toshkent shahri Yalang‘och mavzesida Tesla rusumli elektromobilda...

Xpeng 2025-yilgi Shanxay avtosalonida o‘zining eng so‘nggi odamsimon roboti «Iron»ni namoyish qildi. Bu haqda CarNewsChina nashri ma’lum qildi.

Bu robot allaqachon kompaniya avtomobil ishlab chiqarish liniyalarida ishlay boshladi va elektromobil yig‘ishda yordam beradi.

«Iron» 1,73 metr bo‘y, 70 kg vaznda bo‘lib, 60 ta bo‘g‘in, 200 daraja erkinlik va 3000 TOPS hisoblash quvvatiga ega. U Xpeng’ning «Turing AI chip» va «Tianji AIOS» tizimi asosida ishlaydi, ilg‘or «Eagle Eye» ko‘rish tizimi bilan jihozlangan.

Kompaniyaning aytishicha, robot nafaqat ishlab chiqarishda, balki chakana savdo, ofis va uy muhitida shaxsiy yordamchi sifatida ham xizmat qilishi mumkin.

Avvalroq Kursiv Uzbekistan Kawasaki kelajak...

UEFA Chempionlar ligasi yarim finalining dastlabki uchrashuvi «Barselona» va «Inter» jamoalari o‘rtasida gollar jangi bilan durang yakunlandi. «Olimpik Lui Kompanis» stadionida bo‘lib o‘tgan bahsda har ikki jamoa uchtadan gol kiritdi – 3:3.

Garchi kataloniyaliklar to‘liq ustunlik qilgan bo‘lsa-da, g‘alabani ushlab qola olmadi. Javob uchrashuvi 6-may kuni Milanda bo‘lib o‘tadi.

Uchrashuv tafsilotlari

Birinchi daqiqadayoq «Barselona» hisobda ortda qoldi – Markus Tyuram o‘ng qanotdan uzatilgan to‘pni tovon bilan darvozaga yo‘lladi.

21-daqiqada esa Denzel Dumfris «Inter» hisobini ikki barobar oshirdi – Acherbining uzatmasidan so‘ng u akrobatik zarba bilan gol urdi.

Ammo Flikning shogirdlari tezda o‘ziga keldi. 100-o‘yinini nishonlayotgan Lamin Yamal yakka harakatdan...

30-aprel kuni rossiyalik qo‘shiqchi Filipp Kirkorov o‘zining 58 yoshini nishonladi. Faoliyati yillarida «pop qiroli» kolleksiyasiga noyob raqamlar va maxsus buyurtma asosida yig‘ilgan avtomobillar kiritilgan. Autonews nashridagi maqolada Kirkorovning avtoparkidagi mashinalar haqida so‘z boradi.

Kirkorovning mashinalari uning sahna qiyofasi va shaxsiyatining aksidir: yorqin, obro‘li va qimmat. Ammo san’atkorning garajida nafaqat zamonaviy flagmanlar va noyob modellar mavjud.

VAZ 2109

Xonandaning birinchi mashinasi VAZ-2109 edi. U 1980-yillarning oxirida xarid qilingan. Kirkorovning aytishicha, kulrang xetchbek 9 ming rubl (1,4 mln so‘m) turadi. Bu avtomobil o‘z vaqtida juda qimmat bo‘lgan.

Porsche

Kirkorovning eng taniqli avtomobillaridan biri 4,8 litrli, 500 ot kuchiga ega dvigatelga ega...

AQSh va Ukraina iqtisodiy hamkorlik to‘g‘risidagi muhim bitimni imzoladi. Bu haqda CNN axborot agentligi ma’lum qildi.

Ushbu kelishuvga ko‘ra, AQSh Ukrainadagi noyob yer minerallariga kirish huquqini oladi, evaziga esa Ukrainada investitsiya jamg‘armasi tashkil etiladi.

Bitimga ko‘ra, yer osti boyliklariga egalik va nazorat to‘liq Ukrainada qoladi. Ikkala davlat jamg‘armaga teng miqdorda hissa qo‘shib, uni birgalikda boshqaradi. Kelishuv Ukrainani iqtisodiy tiklash va rivojlantirishga qaratilgan bo‘lib, ayni paytda AQSh kompaniyalari uchun yangi imkoniyatlar yaratadi.

Ukraina 22 turdagi strategik mineral resurslarga ega bo‘lib, ular elektronika, toza energiya va harbiy sanoat uchun muhim sanaladi. Bu bitim G‘arb davlatlari uchun Xitoyga alternativ manba yaratadi.

Eslatib...

AirPlay texnologiyasida – mediafayllarni simsiz tarzda televizorlar va karnaylarga uzatish uchun qo‘llaniladigan tizimda jiddiy zaifliklar aniqlandi. Bu haqda Wired nashri ma’lum qildi.

Unga ko‘ra, mazkur zaifliklar orqali xakerlar qurilmalarga faqatgina shu Wi-Fi tarmog‘iga ulanib olish orqali kirishlari mumkin. Bu holat, masalan, kafelar yoki aeroportlar kabi jamoat joylarida ayniqsa xavfli bo‘lishi mumkin.

Mazkur tizimdagi «teshiklar» orqali qurilmaga zararli dasturlar, josuslik dasturi yoki hatto tovlamachi viruslar (ransomware) o‘rnatilishi mumkin. Natijada butun dunyo bo‘ylab millionlab qurilmalar, jumladan, Apple’ning iPhone va MacBook’lari, shuningdek, boshqa ishlab chiqaruvchilarning texnikalari xavf ostida qolmoqda.

Oligo kompaniyasi texnik direktori Gal Elbazning ta’kidlashicha, bu muammoni to‘liq bartaraf etish yillarni...

1-may kuni O‘zbekistonning bo‘ylab havo biroz bulutli bo‘ladi. Yog‘ingarchilik asosan tog‘oldi va tog‘li hududlar hamda Farg‘ona vodiysining ayrim qismlarida kuzatiladi, deya yozmoqda «O‘zgidromet».

Toshkent shahri va unga tutash viloyatlarda – Toshkent, Sirdaryo, Jizzax, Samarqand – havo ochiq, kunduzi harorat 28-33 darajagacha ko‘tariladi. Qashqadaryo va Surxondaryoda esa iliqlik 35 darajagacha yetadi.

Qoraqalpog‘iston va Xorazmda tong salqin, 8-13°, kunduzi esa mo‘tadil 21-26° issiqlik bo‘ladi. Buxoro va Navoiy viloyatlarida shabada bilan birga 28° atrofidagi harorat bahavo sayrlar uchun ayni muddao.

Farg‘ona vodiysi – Andijon, Namangan, Farg‘onada kunning ikkinchi yarmida qisqa muddatli yomg‘ir yog‘ishi va momaqaldiroq kuzatilishi mumkin. Bu hududlarda havo harorati...

BMT Bosh Assambleyasi O‘zbekiston tashabbusi bilan 29-aprelni Xalqaro zilzila qurbonlarini xotirlash kuni deb e’lon qilish to‘g‘risida rezolyutsiyani bir ovozdan qabul qildi. Mazkur hujjatga 80 dan ortiq davlatlar hammualliflik qilgan, deya ma’lum qildi O‘zR Tashqi ishlar vazirligi.

Unga ko‘ra, mazkur tashabbus O‘zbekiston prezidentining xalqaro birdamlik va zilzila qurbonlariga hurmat ko‘rsatish g‘oyasiga asoslangan bo‘lib, ilk bor 2026-yil 29-aprel kuni, Toshkent zilzilasining 60 yilligi munosabati bilan nishonlanadi.

Rezolyutsiya BMT a’zolari va tashkilotlarini aholini xabardor qilish, tayyorgarlik va chidamlilikni kuchaytirish bo‘yicha sa’y-harakatlarga chaqiradi. Ushbu qaror O‘zbekistonning xalqaro nufuzini mustahkamlashda muhim qadamlardan biri bo‘ldi.

Eslatib o‘tamiz, avvalroq BMT O‘zbekiston tashabbusi bilan O‘rmonzorlash va O‘rmon tiklash...