Yangiliklar

O‘zbekistonda dollar rasmiy kursi pasaydi. Bu haqda Markaziy bank ma’lum qildi.

Regulyator ma’lumotlariga ko‘ra, AQSh dollari endilikda 12 940,44 so‘mga baholanmoqda, ya’ni kurs 22 so‘m 54 tiyinga pasaygan.

Eslatib o‘tamiz, 8-dekabr kuni dollar rasmiy kursi rekord darajaga yetib, 12 962,98 so‘mga ko‘tarilgan edi.

Bundan avval, dollar kursi 7-yanvarda 12 948,10 so‘mga va 4-yanvarda 12 942,01 so‘mga ko‘tarilgan edi.

Kursiv Uzbekistan avvalroq ekspertlardan 2025-yilda dollar kursining qanday o‘sishi mumkinligi haqida so‘ragan edi.

2025-yil boshida so‘mning dollarga nisbatan 13 000 so‘mli psixologik chegaradan o‘tishi ehtimoli mavjud, deydi Alif Uzbekistan rahbari Nuriddin Lafizov. Uning so‘zlariga ko‘ra, yil oxirida...

Prezident qarori loyihasiga ko‘ra, 2025-yilda ekologik rivojlanishga oid yangi chora-tadbirlar amalga oshiriladi. Samarqand va Farg‘ona viloyatlarida ekologik mahsulotlar ishlab chiqarishga ixtisoslashgan sanoat zonalari tashkil etilishi rejalashtirilgan.

Atrof-muhitga ta’siri yuqori sanoat korxonalari uchun imtiyozlar joriy qilinadi. Havo monitoringi stansiyalarini o‘rnatgan korxonalar ekologiyaga yetkazgan zarar to‘lovlarining 50 foizgacha qismini qaytarib olishi mumkin. Chang yig‘uvchilar, gaz va suv filtrlarini o‘rnatish uchun esa kompensatsiyaning 70 foizigacha qaytariladi.

2025-yil 1-avgustdan texnik jihatdan ekologik normativlarni qabul qilish tartibi belgilanadi. 1-oktabrdan energetika, kimyo sanoati va qurilish materiallari tarmoqlarida ekologik standartlarni joriy etish boshlanadi.

Bundan tashqari, kamida 5 ta yirik sanoat korxonasi ESG hisobotlarini nashr etishi lozim...

O‘zbekiston AQSh bilan strategik sheriklikni chuqurlashtirishni rejalashtirmoqda. Bu haqda jamoatchilik muhokamasiga qo‘yilgan 2025-yilga mo‘ljallangan davlat dasturi loyihasida ko‘zda tutilgan.

Loyihada AQSh Kongressi yetakchi a’zolarining O‘zbekistonga tashriflarini tashkil etish nazarda tutilgan. Shuningdek, Amerika qit’asi mamlakatlaridan investorlarni jalb etish va biznes-forumlar orqali savdo-investitsiya hamkorligini jadallashtirish ko‘zda tutilgan.

Unga ko‘ra, Toshkent shahrida AQSh yangi ma’muriyati vakillari bilan yaqin hamkorlik o‘rnatish rejalashtirilgan. Oliy darajadagi tashrifni tashkil etish va strategik sheriklik bo‘yicha muloqotning birinchi bosqichini o‘tkazish ham ko‘zda tutilgan.

Bundan tashqari, joriy yil yakuniga qadar S5+1 formati doirasidagi hamkorlikni faollashtirish rejalashtirilgan. Bu doirada vazirlar uchrashuvlari va ishchi guruhlar yig‘ilishlarini o‘tkazish mo‘ljallangan. Shuningdek...

Geely’ning elektr brendi Zeekr, CES 2025 ko‘rgazmasi arafasida Zeekr RT’ni tanishtirdi. Bu miniven Waymo’ga moslashtirilgan avtonom haydash uchun maxsus ishlab chiqilgan. Zeekr RT «avtonom haydash uchun yaratilgan birinchi ommaviy avtomobil» sifatida e’tirof etiladi. Bu haqida Carnewschina nashri ma’lum qildi.

Zeekr RT ommaviy ishlab chiqarilishi 2025-yilda boshlanib, AQShda foydalaniladi va bu bozorga kirgan birinchi Xitoy avtomobil brendiga aylanadi. Kompaniya bosh direktori Endi An Ces oldidan bu yangilikni taqdim etdi.

Zeekr Mix mikroavtobusining o‘lchamlari 4668/1995/1775 mm (uzunlik/kenglik/balandlik). G‘ildirak bazasi 3008 mm, burilish radiusi esa 4,95 metr. Mix 310 kVt (415 ot kuchi) quvvatli elektromotor bilan jihozlangan. 6,8 soniyada 100 km/soat tezlikka...

Samsung Galaxy S25 smartfonlariga Qualcomm Snapdragon 8 Elite mobil chipini oʻrnatadi. Bu haqda SamMobile xabar berdi.

Bu haqdagi ma’lumotlar bir necha joylarda paydo boʻldi. Shu bilan birga, ba’zilar smartfon Samsung Electronics kompaniyasining Exynos protsessorlari bilan chiqarilishi mumkinligidan xavotirda edi. Janubiy Koreya kompaniyasining ishlanmasi Qualcommʼga unumdorlik va energiya samaradorligi boʻyicha sezilarli darajada yutqazadi.

Qualcomm 2024-yil oktabr oyida Snapdragon 8 Eliteʼni taqdim etdi. Kompaniyaning ta’kidlashicha, u dunyodagi eng tez mobil protsessorga aylangan. Chip 3 nanometrli texnologik jarayon boʻyicha tayyorlangan. U sakkiz yadroli Oryon markaziy protsessor va Adreno 830 grafik protsessor bilan jihozlangan.

Sun’iy intellekt bilan ishlash uchun Snapdragon 8 Elite...

Qozogʻiston prezidenti Qosim-Jomart Toʻqayev mamlakatni yadro energetikasi sohasida jahon yetakchilaridan biriga aylantirish maqsadida atom elektr stansiyalari qurilishini jadallashtirish zarurligini ta’kidladi. Bu haqda davlat rahbari matbuot xizmati xabar berdi.

«Atom stansiyalarini qurishni tezlashtirishimiz kerak. Avvalgi intervyuda ikkita, balki uchta stansiya quramiz, deb aytgandim. Qozogʻistonni rivojlangan yadro energetikasi, sun’iy intellekt va toʻliq raqamlashtirishga ega mamlakatga aylantirish bizning vazifamiz», – dedi Toʻqayev Ostonadagi Loyiha ofisiga tashrifi davomida.

Eslatib oʻtamiz, 2024-yil 6-oktyabr kuni Qozogʻistonda atom elektr stansiyasi qurilishi boʻyicha referendum boʻlib oʻtdi. Unda qatnashganlarning 71,12 foizi mazkur tashabbusni qoʻllab-quvvatladi.

Avvalroq Kursiv Uzbekistan Oʻzbekistondagi AES loyihasiga Rosatomʼdan tashqari...

Telegram messenjeri 2024-yil davomida AQSh huquqni muhofaza qilish organlarining 900 ta soʻroviga javoban 2 253 foydalanuvchining IP manzili yoki telefon raqamlarini berdi. Bu haqda Forbes xabar berdi.

«Yanvardan 30-sentabrgacha Telegram AQShdan jami 108 foydalanuvchiga ta’sir qilgan IP manzillar va yoki telefon raqamlari boʻyicha bor-yoʻgʻi 14 ta soʻrovni bajargani inobatga olinsa, bu 2024-yil avgustida Fransiyada messenjer asoschisi Pavel Durov hibsga olinganidan soʻng taqdim etilgan ma’lumotlarning katta oʻsishidan dalolat beradi», – deyiladi 404 Media nashri xabarida.

Federal tergovchining soʻzlariga koʻra, Telegram politsiyaga ma’lumot yetkazishni boshlagach bolalarga nisbatan jinsiy zoʻravonlik materiallarini tarqatgan ayrim foydalanuvchilar platformani tark...

Misrning Luksor shahrida 18-sulola malikasi Xatshepsutning vodiysidagi ibodatxonasi qoldiqlari va uning buvisi Teti Sherining maqbarasi topildi. Bu haqda Reuters axborot agentligi ma’lum qildi.

Arxeolog Zahi Havas boshchiligidagi jamoa ibodatxona yaqinida 1,5 mingdan ortiq naqshli tosh bloklarni kashf etdi.

Topilmalar orasida Xatshepsutning ibodatxonasini qurishda ishtirok etgan me’mor Senmutning ismi tushirilgan ohaktosh plastinka ham bor. Teti Sherining maqbarasi oddiy usulda toshga o‘yilgan va devorlariga qizil suratlar chizilgan.

Eslatib o‘ramiz, avvalroq Misr zargarlari o‘zbekistonlik hamkasblariga hunarmandchilik sirlarini o‘rgatishi haqida yozgan edik.

BMW Brilliance zavodi G48 kuzovida yangi BMW X3 krossoverining seriyali ishlab chiqarilishini boshladi. Bu haqda Autohome nashri ma’lum qildi.

Xitoyda tayyor mashinalar mijozlarga yetkazib berilishi joriy chorakda amalga oshiriladi.

Mazkur model Xitoy uchun maxsus ishlab chiqilgan bo‘lib, Evropada yoki AQShda mavjud emas. Cho‘zilgan versiyaning uzunligi 4865 mm, kengligi 1920 mm va g‘ildirak bazasi 2975 mmni tashkil etadi. Bu ko‘rsatkich oddiy BMW X3 bilan solishtirganda 110 mm uzunroq va BMW X5 bilan bir xil bazaga ega ekanligini ko‘rsatadi.

Hozirda Xitoy bozorida faqat bitta variant e’lon qilingan: 2,0 litrli benzinli dvigatelga ega, 287 ot kuchiga ega BMW X3 30Li. Ushbu model...

O‘zbekistonga 2024-yilning yanvar – noyabr oylarida umumiy qiymati $11 millionga teng bo‘lgan 2,3 million kvadrat metr gilam import qilindi. Bu haqda Statistika agentligi ma’lum qildi.

Bu davrda mamlakatga gilam asosan Xitoy, Turkiya, Qirg‘iziston, Qozog‘iston va Eron kabi davlatlardan olib kirilgan. Statistika ma’lumotlariga ko‘ra, Xitoy O‘zbekistonga import qilinadigan gilamlar bozorida yetakchilik qilmoqda, bu davlatdan 1 million kvadrat metrdan ortiq mahsulot keltirilgan.

Shuningdek, Turkiyadan 471 ming kvadrat metr, Qirg‘izistondan 362 ming kvadrat metr, Qozog‘istondan 151 ming kvadrat metr va Erondan 92 ming kvadrat metr gilam import qilingan. Boshqa davlatlardan esa 163 ming kvadrat metr hajmdagi mahsulot yetkazib berilgan.

Avvalroq Kursiv...

Energetika vazirligida elektromobillarni quvvatlash stansiyalarida yuzaga kelayotgan muammolarni o‘rganishga bag‘ishlangan ochiq muloqot tashkil etildi. Bu haqda vazirlik matbuot xizmati ma’lum qildi.

Unga ko‘ra, vazir o‘rinbosari Umid Mamadaminov boshchiligida o‘tgan tadbirda turli davlat idoralari va xususiy kompaniyalar vakillari ishtirok etdi. Yig‘ilishda so‘nggi vaqtlarda Toshkent shahrida quvvatlash stansiyalarining o‘chirilishi haqidagi mish-mishlarga aniqlik kiritildi va kompaniyalar duch kelgan muammolar muhokama qilindi.

Energetika vazirligi ekologiyani asrashga va elektromobillarni ommalashtirishga sodiq ekanini yana bir bor ta’kidladi. Shuningdek, tadbirkorlardan qonun-qoidalarga rioya qilish talab qilindi.

Eslatib o‘tamiz, avvalroq Fargʻonada elektromobillar uchun zaryadlovchi stansiya qurilmalarini ishlab chiqarish yoʻlga qoʻyilishi haqida yozgan edik.

Qozogʻistonlik yuk tashuvchilar Oʻzbekistonga kirishda to‘lanadigan yigʻimlarni toʻlashdan ozod etilgan. Bu haqda Qozogʻiston Transport vazirligi matbuot xizmati xabar berdi.

Vazirlikning ma’lum qilishicha, ikki davlat oʻrtasida 2007-yildan buyon avtomobil qatnovi toʻgʻrisidagi bitim amal qilib kelmoqda. Unga koʻra, oʻzbekistonlik va qozogʻistonlik yuk tashuvchilar yigʻim va toʻlovlarni toʻlashdan ozod qilingan.

Bunga qadar ijtimoiy tarmoqlarda qozogʻistonlik tashuvchilar Oʻzbekistonga kirishda yigʻimlarni toʻlashi kerakligi haqida ma’lumotlar tarqalgan edi.

Ma’lumot uchun, 2024-yilning 11 oyida Oʻzbekiston va Qozogʻiston oʻrtasidagi tovar ayirboshlash hajmi yillik 5 foizga pasaygan boʻlsa-da, $3,8 milliarddan oshgan. Qozogʻiston Oʻzbekistonning eng yirik savdo hamkorlari uchligiga kiradi.

Avvalroq «Kursiv» «Oʻzbekiston temir yoʻllari» yuk tashish tariflarini...

2025-yilning yanvar oyida O‘zbekiston Markaziy banki oltin quymalari narxlarini xalqaro bozor dinamikasiga mos ravishda oshirdi. 9-yanvar holatiga ko‘ra, 5 grammli oltin quymaning narxi 5,7 mln so‘mni tashkil etmoqda, bu esa 4-yanvar narxiga nisbatan 46 ming so‘mga yoki 0,81% ga yuqori. Xuddi shunday 50 grammli quymaning narxi 465 ming so‘mga oshib, 57 mln so‘mga yetdi.

Narxlarning o‘sishi xalqaro qimmatbaho metallar bozoridagi tendensiyalarga bog‘liq. Shunga qaramay o‘tgan yilning dekabrida xalqaro bozorda oltin narxining pasayishi sababli O‘zbekiston xalqaro zaxiralari $290 millionga kamaygan edi. Natijada dekabr oyida zaxiralar umumiy miqdori $41,1 milliardni tashkil etdi.

Shu bilan birga, 2024-yil davomida O‘zbekistonning xalqaro...

«Toshkent» Respublika fond birjasining qaroriga ko‘ra, 2025-yil 9-yanvardan boshlab «Sarbon-Neftegaz» AJning oddiy aksiyalari birja savdolariga qo‘shildi (listing). Ushbu aksiyalar SANE tiker kodi ostida Stock Market segmentiga kiritildi.

«Sarbon-Neftegaz» AJ transport xizmatlari ko‘rsatish, jumladan, yuk va yo‘lovchilarni tashish faoliyati bilan shug‘ullanadi.

Qayd etish joizki, ushbu kompaniya 2024-yil 7-fevral kuni «Toshkent» Respublika fond birjasining qaroriga ko‘ra delisting qilingan edi.

Avvalroq Kursiv Uzbekistan «O‘zikkilamchiranglimetall» va yana sakkizta kompaniya «Toshkent» fond birjasidan haydalgani haqida xabar bergan edi.

Toshkent hayvonot bog‘ida jirafaning me’da shishishi oqibatida halok bo‘lgani haqida rasmiy bayonot berildi. Bog‘ning Telegram-kanalidagi xabarga ko‘ra, hayvonning o‘limiga me’dadagi shish sabab bo‘lgan va barcha ko‘rsatilgan tibbiy yordamga qaramay, uni qutqarishning iloji bo‘lmagan.

«Bu biz uchun katta yo‘qotish», – deyiladi bayonotda.

Hayvonot bog‘i xodimlari bu muammoni hal qilish uchun xorijlik veterinarlardan yordam so‘rashgan. Ammo jirafalarning anatomik xususiyatlari tufayli ularning oshqozon-ichak traktida jarrohlik operatsiyalarini o‘tkazishning imkoni bo‘lmagani ta’kidlandi.

Bu Toshkent hayvonot bog‘ida birinchi holat emas. 2022-yilda yana bir jirafa miya ishemiyasi sababli vafot etgan edi. Ushbu ketma-ket yo‘qotishlar hayvonot bog‘i uchun og‘ir zarba bo‘lib, jamoatchilik...

Oliy sud diniy ekstremizm, terrorizm va aqidaparastlik g‘oyalari bilan yo‘g‘rilgan materiallar ro‘yxatini e’lon qildi. Bu haqda Oliy sud matbuot xizmati ma’lum qildi.

Ushbu ro‘yxatga internetdagi mazkur kontentlarni O‘zbekiston hududiga olib kirish, tayyorlash, saqlash, tarqatish va namoyish etish taqiqlangan.

Ma’lumot uchun, O‘zR Jinoyat kodeksining 244-1-moddasiga binoan, jamoat xavfsizligi va tartibiga xavf tug‘diruvchi materiallarni tayyorlash, saqlash, tarqatish yoki namoyish qilish uchun – BHMning 200 baravarigacha jarima yoki sakkiz yilgacha ozodlikdan mahrum qilish jazosi tayinlanadi.

Eslatib o‘tamiz, avvalroq Surxondaryoda noqonuniy diniy ta’lim berib kelgan ayol qo‘lga olingani haqida xabar bergan edik.

Oʻzbekistondan Xitoy, Rossiya va Markaziy Osiyo davlatlariga avtobus qatnovi yoʻlga qoʻyiladi. Bu haqda Transport vazirligi matbuot xizmati xabar berdi.

Mamlakatning turli hududlaridan quyidagi xalqaro yoʻnalishlarda avtobus qatnovlarini tashkil etish rejalashtirilmoqda:

Qozogʻistonga

Tojikistonga

Qirgʻiz Respublikasiga

Rossiyaga

Xitoyga

Nukus – Urganch...

O‘zbekistonda ekologiyani muhofaza qilish va aholining yashash sifatini yaxshilash maqsadida ekofaol oilalar uchun yangi dastur taklif etildi. 2025-yil uchun davlat dasturi loyihasida «Bir million yashil oila» umummilliy harakatini tashkil etish ko‘zda tutilgan bo‘lib, ushbu harakat ekofaol turmush tarzini targ‘ib qilishga qaratilgan.

Dasturga ko‘ra, kunlik 10 ming qadam yurishni targ‘ib qilish, velosiped kabi yashil transportni qo‘llab-quvvatlash, plastik mahsulotlardan foydalanishni qisqartirish, oziq-ovqat isrofgarchiligining oldini olish va energiya resurslaridan oqilona foydalanish asosiy tamoyillar sifatida belgilangan.

Mazkur harakat doirasida maxsus raqamli platforma ishga tushiriladi. Bu platforma fuqarolarni ekofaol bo‘lishga rag‘batlantirib, yuqori natijalarga erishganlarga «Ekofaol fuqaro» maqomi berilishini ta’minlaydi. Ushbu maqom egalariga davlat xizmatlari...

Janubiy Kaliforniyada kuchli shamol va quruq ob-havo sharoitida yuzaga kelgan yong‘inlar oqibatida kamida besh kishi halok bo‘ldi, ko‘plab odamlar jarohat oldi. Bu haqda ABC News ma’lum qildi.

Unga ko‘ra, Los-Anjelesdagi Palisades yong‘ini 16 ming gektardan ortiq hududni yoqib yubordi va 300 dan ortiq inshootlarni vayron qildi.

Altadenada yuzaga kelgan Eaton yong‘ini esa 10 ming gektardan oshib, hali bir foiz ham nazorat ostiga olinmagan. Gollivud tepaliklaridagi Sunset yong‘ini tez tarqalib, aholining evakuatsiya qilinishiga sabab bo‘ldi.

Jo Bayden yong‘inlarga qarshi kurash uchun Italiyaga rejalashtirilgan safarini bekor qildi va federal yordam to‘liq ta’minlanishini bildirdi. Yong‘inlar bilan kurash davom etayotgan bir vaqtda mahalliy...

Daniya tashqi ishlar vaziri AQShning Grenlandiyani sotib olishi haqida istagiga munosabat bildirdi. Bu haqda Reuters axborot agentligi ma’lum qildi.

Unga ko‘ra, Grenlandiya orolning AQSh tarkibiga qo‘shilishi ehtimoldan yiroq. Ushbu bayonot AQSh prezidenti lavozimiga kirishish arafasidagi Donald Trampning Grenlandiyani harbiy yoki iqtisodiy yo‘llar bilan egallash ehtimolini istisno etmaganidan keyin bildirildi.

Grenlandiya, Daniyaning tarkibiy qismi sifatida, 600 yildan buyon ushbu davlatga qarashli bo‘lib keladi, ammo 57 ming aholiga ega orol o‘z ichki ishlarini mustaqil ravishda hal qiladi. Bosh vazir Mute Egede Grenlandiyaning mustaqillikka erishishini asosiy maqsad sifatida belgilagan.

Daniya vaziri Lars Lyokke Rasmussenning ta’kidlashicha, AQShning Arktikadagi xavfsizlikka bo‘lgan qiziqishi Rossiya va...

O‘zbekiston bo‘ylab havo ochiq va biroz bulutli bo‘lishi kutilmoqda, yog‘ingarchilik esa kuzatilmaydi. Aksariyat hududlarda kechasi va ertalab tuman tushishi ehtimoli yuqori, deya xabar qildi «O‘zgidromet».

Toshkent shahrida kun iliq kechadi – kunduzi harorat +3…+5°C oralig‘ida bo‘lsa, kechasi termometr -3°C gacha tushadi. Shamolning sharqiy yo‘nalishi esa asta-sekinlik bilan 3-8 m/s tezlikda esib turadi.

Qoraqalpog‘iston va Xorazmda qishning salqin nafasi seziladi: kechasi -5…-10°C, kunduzi esa 0…+5°C oralig‘ida bo‘ladi. Bu hududlarda ham tuman tushishi va shamolning biroz kuchayishi kuzatilishi mumkin.

Buxoro va Navoiy viloyatlarida shamol kuchayishi ehtimoli bor – 13-18 m/s gacha. Harorat esa kechasi -2…-7°C, kunduzi +2…+7°C orasida bo‘lib, nisbatan iliq...

IT Park delegatsiyasi Binghalib Group kompaniyasining bosh direktori Muhammad Bingalib bilan O‘zbekistonda ofis ochish va biznesning katta qismini mamlakatga ko‘chirish rejalari bo‘yicha muzokaralar o‘tkazdi. Bu haqda IT Park ma’lum qildi.

Unga ko‘ra, 1982-yilda tashkil etilgan va elektrotexnika sohasida ixtisoslashgan Binghalib Group kompaniyasi, O‘zbekistonda arzon va malakali ishchi kuchi mavjudligini ta’kidlab, mamlakatni biznesni ko‘chirish uchun jozibador yo‘nalish sifatida ko‘rmoqda.

Muzokaralar davomida, IT Park vakillari O‘zbekistonda biznes yuritish qulayliklari, xususan, soddalashtirilgan jarayonlar va maxsus iqtisodiy zonalardagi imtiyozlar haqida ma’lumot berishdi. Bu kompaniyalar uchun operatsion xarajatlarni kamaytirish va xizmat sifatini yaxshilashga imkon beradi. «Binghalib Group»ning O‘zbekistonda 3-5 yil ichida 2 ming ish...

2025-yil 7-yanvarda Fort Lauderdale-Hollywood xalqaro aeroportida JetBlue samolyotining g‘ildirak tagida ikki kishining jasadi topildi. Bu haqda CNN axborot agentligi ma’lum qildi.

Aviakompaniya ma’lum qilishicha, jasadlar samolyotga texnik tekshiruv vaqtida, parvozdan so‘ng aniqlangan. Jasadlarning shaxsiyati hozircha noma’lum va ular qanday qilib samolyotga kirgani bo‘yicha ham tergov olib borilmoqda. Samolyot so‘nggi marta New Yorkdan Fort Lauderdalega uchgan.

Broward okrugi sherifiga ko‘ra, jasadlar og‘ir darajada chirigan. Ushbu hodisa, aviaxavfsizlikka oid jiddiy xavotirlarni yanada kuchaytirgan bir qator stowaway (yashirin yo‘lovchi) holatlaridan dalolatdir.

Ma’lumot uchun, tashqi bo‘limlarda yashirin parvoz qilganlarning 80 foizi halok bo‘ladi.

Eslatib o‘tamiz, avvalroq bort kuzatuvchiga tegajogʻlik qilgan yoʻlovchi besh...

Londonning Cross Works kompaniyasi «Yangi Toshkent» loyihasini taqdim etdi. Bu haqda Arch Daily nashri ma’lum qildi.

Ushbu loyiha Toshkentning sharqida, Chirchiq va Qorasuv daryolari oralig‘idagi 25 ming gektar hududni qamrab oladi va kelgusida 2,5 mln aholini qabul qilishga mo‘ljallangan.

Loyihaning birinchi bosqichida 6 ming gektar maydonni rivojlantirish rejalashtirilgan.

Loyihada yashil hududlar va kanallar tarmog‘i bilan barqaror infratuzilma yaratilishi, mahallalarda esa jamoat xizmatlari va piyodalar uchun qulayliklar nazarda tutilgan.

Shuningdek, Cross Works raqamli egizak texnologiyasini joriy qilib, loyiha boshqaruvi va hamkorlikni yengillashtirmoqda.

«Yangi Toshkent» aholining o‘sishi va ekologik barqarorlikni muvozanatlashtirishga qaratilgan yirik tashabbus sifatida namoyon bo‘lmoqda.

Bundan...