Yangiliklar

Foto: Global times

Xitoy turizm agentliklari bilan hamkorlikda sayyohlarga atom elektr stansiyalariga (AES) tashrif buyurish imkonini beruvchi masofaviy bron qilish tizimini yaratadi. Bu haqda China General Nuclear Power Group (CGN) xabar beradi.

Sayyohlar endigina ishga tushirilgan onlayn bron qilish tizimi orqali mamlakatdagi to‘qqizta AESga tashrif buyurishlari mumkin.

Birinchi ekskursiya Ninde stansiyasida amalga oshirildi. Xabarga ko‘ra, ushbu tashrif sinov ekskursiyasi sifatida amalga oshirildi. Qiziqqon sayyohlar to‘rtta CPR-1000 reaktorining ishlashi bilan tanishtirildi.

«U yerda qiziquvchan sayohatchilar to‘rtta CPR-1000 reaktorining ishlashi bilan tanishdi. Texnik ekskursiya yaqin atrofda joylashgan oq choy plantatsiyalariga ekskursiya bilan birlashtirildi», deyiladi xabarda.

Mutaxassislar...

G‘azo sektorida o‘t ochishni to‘xtatish bo‘yicha muzokaralar Eronni Isroilga zarba berishdan to‘xtatmoqda, deya xabar beradi Reuters manbalari.

Ismini oshkor etmagan Eron xavfsizlik xizmati xodimiga ko‘ra, agar G‘azodagi vaziyat bo‘yicha davom etayotgan muzokaralar muvaffaqiyatsizlikka uchrasa yoki Isroil jarayonni kechiktirayotgani aniq bo‘lsa, mamlakat hujum qiladi. Biroq Eronning bu muzokaralarni qancha davom ettirishi noma’lum.

Eron Falastin HAMAS yetakchisi Ismoil Haniya Tehronda o‘ldirilganiga javoban Isroilga zarba berishga va’da berdi. Iyul oyi oxirida, uning o‘limidan so‘ng darhol tahdid qilinganiga qaramay, mamlakatda hozircha amaliy chora ko‘rilmagan.

Reuters xabariga ko‘ra, so‘nggi kunlarda G‘azoda Amerika Qo‘shma Shtatlari ishtirokida o‘t ochishni to‘xtatish bo‘yicha faol muzokaralar jarayoni davom etmoqda.

Oʻzbekistonda sun’iy intellekt (SI) sohasini tartibga solish boʻyicha qator me’yoriy hujjatlar yaratish rejalashtirilmoqda, deb xabar qildi mamlakat prezidenti Shavkat Mirziyoyev matbuot xizmati.

Kuni kecha davlat rahbari respublikada axborot texnologiyalari sohasini rivojlantirish yo‘llari muhokamasiga bag‘ishlangan yig‘ilish o‘tkazdi.

Shu tariqa sun’iy intellektni joriy etish strategiyasi va ushbu sohadagi loyihalarni amalga oshirish bo‘yicha ikki yillik dastur ishlab chiqilishi rejalashtirildi. Mamlakatda sun’iy intellekt texnologiyalari markazi ham tashkil etiladi.

Rasmiylar bunday vositalardan bank va moliya, kadrlar tayyorlash va malaka oshirish sohalarida foydalanish imkoniyatlarini ko‘rib chiqmoqda.

Avvalroq «Kursiv» nashri O‘zbekistonga qancha Big Data mutaxassislari kerakligini e’lon qilgan edi.

Hozirgi kunda O‘zbekistonga Big Data va til modellari bo‘yicha 600 nafar mutaxassis kerak. Kelgusida bu raqam yanada ortib boradi, deb xabar qildi mamlakat prezidenti Shavkat Mirziyoyev matbuot xizmati.

Kuni kecha davlat rahbari yig‘ilish o‘tkazdi va unda axborot texnologiyalari sohasini rivojlantirish yo‘llari muhokama qilindi.

Ayni paytda O‘zbekistonda to‘rtta oliy o‘quv yurtida bu borada kerakli kadrlar tayyorlanmoqda.

Avvalroq «Kursiv» Huawei O‘zbekistonda AKT sohasida iste’dodlarni qanday rivojlantirayotgani haqida e’lon qilgan edi.

O‘zbekistonda turli sohalarda raqamlashtirish bo‘yicha yuzdan ortiq loyihalar amalga oshirilmoqda. Bu haqda mamlakat prezidenti Shavkat Mirziyoyev bilan uchrashuvda ma’lum qilindi.

Sog‘liqni saqlash, ta’lim, qurilish, energetika, transport, qishloq va suv xo‘jaligi kabi sohalarda tashabbuslar amalga oshirilmoqda.

2024-yil boshidan buyon O‘zbekistonda raqamli xizmatlar hajmi 21 trln so‘mdan oshdi. Dekabr oyi oxirigacha bu ko‘rsatkich 43 trln so‘mga yetishi kutilmoqda.

IT-xizmatlari eksporti $367 millionni tashkil etdi. Oʻzbekistonda axborot texnologiyalari sohasida ishlayotganlar soni 32 ming nafarga yetdi, IT-parkda ikki ming rezident faoliyat yuritmoqda.

Eslatib o‘tamiz, 110 ta kompaniya IT Park rezidenti maqomini yo‘qotgan.

Bugun, 14-avgust kuni O‘zbekistonda quruq va issiq ob-havo kuzatiladi. Qashqadaryo va Surxondaryo viloyatlarida havo 43-darajagacha ko‘tarilishi mumkin. Janubiy hududlarda chang-to‘zonlar yuzaga keladi. Havo harorati o‘rtacha 35-40-daraja issiq bo‘ladi. Bu haqda «Gidrometeorologiya» xizmati agentligi xabar beradi.

Toshkent shahrida havo biroz bulutli bo‘ladi, biroq yomg‘ir yog‘maydi. Kunduzi havo 39-daraja isishi mumkin, kechasiga 23-25 daraja issiq bo‘ladi.

Tog‘li hududlarda ham havo bulutli bo‘ladi. Yog‘ingarchilik kuzatilmaydi. Kunduzi havo harorati 30-darajagacha ko‘tarilishi mumkin, kechga kelib 14-19-daraja iliq bo‘ladi.

Shahnoza Mirziyoyeva Milliy paralimpiya qo‘mitasi raisining birinchi o‘rinbosari lavozimiga saylandi. Bu haqda Qo‘mita rasmiy sahifasida xabar berildi.

Unga ko‘ra, qo‘mita Ijroqo‘m yig‘ilishining tegishli qaroriga asosan Mirziyoyeva Shahnoza Shavkatovna O‘zbekiston Milliy paralimpiya qo‘mitasi raisining birinchi o‘rinbosari lavozimiga saylandi.

Hozirda Shahnoza Mirziyoyeva O‘zbekiston Respublikasi Prezidenti huzuridagi ijtimoiy himoya milliy agentligi direktorining birinchi o‘rinbosari lavozimida faoliyat yuritib kelmoqda.

Eslatib o‘tamiz, avvalroq «Parij – 2024» yozgi Olimpiya o‘yinlari sarhisobi haqida yozgan edik.

Oʻzbekistonda fuqarolarning omonatlarini kafolatlash tizimi isloh qilinmoqda. Bu haqda parlament matbuot xizmati xabar berdi. Oliy Majlis Qonunchilik palatasi tegishli qonun loyihasini birinchi oʻqishda qabul qildi. Loyihaga koʻra, omonatlarga boʻlgan kafolat miqdori cheklanadi. «Kursiv» nashri bu borada mutaxassislar bilan suhbatlashdi.

Kafolatlangan omonatlarning maksimal miqdori 200 million soʻmni tashkil etadi. Parlament quyi palatasining xabariga koʻra, bu qaror iqtisodiy inqirozlarning salbiy oqibatlarini kamaytirishga yordam beradi. Oʻtkazilgan tahlil natijasiga koʻra, belgilangan 200 million soʻm miqdori hozirgi sharoitda omonatlarning 99,7 foizini toʻliq kafolatlaydi.

Nima o’zgaradi

Qonun loyihasi tashabbuskorlarining tushuntirishicha, belgilangan limitga qaramasdan, banklar mijozlar oldidagi fuqarolik javobgarligidan ozod boʻlmaydi. Omonatchilar bankdan belgilangan miqdordan...

Oʻzbekistonda 1-oktabrdan bir oylik harbiy xizmat toʻlovi miqdori oshiriladi.

Avvalroq prezident farmoni bilan joriy yilning 1-oktabrdan boshlab mehnatga haq toʻlashning eng kam miqdori 1,155 mln soʻm etib belgilandi.

Oʻzbekistonda bir oylik harbiy xizmat uchun toʻlov miqdori eng kam oylik ish haqi miqdoridan kelib chiqib tayinlanadi. Shundan kelib chiqib 1-oktabrdan boshlab bir oylik muddatli harbiy xizmat uchun toʻlov 7,350 mln soʻmdan 8,85 mln soʻmga oshiriladi.

Avvalroq «Kursiv Uzbekistan» 1-sentabrdan pensiya va nafaqalar miqdori 15 foizga oshirilishi haqida xabar bergan edi.

Bolgariya hukumati Qora dengizning Burgas portida 436 kilogrammga yaqin geroinni musodara qildi. Bu haqda «Associated Press» xabar beradi.

Giyohvandlik vositalarini tashish qiymati 35 mln yevroga baholanib, 434 ta o‘ramda saqlangani aytiladi xabarda.

Ushbu narkotik moddalarni tashigan treyler (transport) iyul oyi oxirida Qirg‘izistondan Gruziyaning Qora dengizdagi Batumi portiga quruqlikdagi yo‘ldan yetib kelgan. Keyin u yerda kemalarga yuklangan va Bolgariyaning Burgas portiga jo‘natilgan.

Ivan Sokolov (giyohvandlik vositalariga qarshi kurash bo‘limi boshlig‘i)ning ta’kidlashicha, treyler kabel olib ketishi rejalashtirilgan, biroq ushbu treyler portda uzoq muddat qolib ketgani shubha uyg‘otgan. Shundan so‘ng treyler rentgendan o‘tkazilgan vaqti giyohvandlik vositalari aniqlangan.

«Hozircha hech qanday hibsga olinganlar...

Oʻzbekistonlik futbolchi Eldor Shomurodov faoliyatini AQSh klubida davom ettirishi mumkin. Bu haqda italiyalik taniqli insayder Fabritsio Romano oʻzining ijtimoiy tarmoqlardagi sahifasida ma’lum qildi.

Unga koʻra, AQSHning «Atlanta Yunayted» jamoasi «Roma»ga oʻzbekistonlik futbolchi borasida soʻrov yuborgan. Uning ta’kidlashicha, hozirda muzokaralar davom etmoqda.

Ma’lumot uchun, Eldor Shomurodov Italiyaning «Roma» klubi futbolchisi hisoblanadi. Shuningdek, u Italiyadagi faoliyati davomida «Jenoa» va «Spetsia» klublarida ham toʻp surgan.

Avvalroq «Kursiv Uzbekistan» futbolchi Abbosbek Fayzullayev Olimpiada oʻyinlaridagi taomlardan norozi boʻlgani haqida xabar bergan edi.

Har bir tazyiq va zo‘ravonlik qilgan shaxs huquqni muhofaza qiluvchi organlar tomonidan rasmiy ro‘yxatga olinadi. Bu haqda Oila va xotin-qizlar qo‘mitasi raisi Ozoda Parpiboyeva xabar berdi.

Unga ko‘ra, jarayon yagona milliy ijtimoiy-himoya axborot tizimi orqali amalga oshiriladi. Ushbu axborot tizimi «Inson» ijtimoiy xizmat markazlarida ham mahalla fuqarolar yig‘inida ham bo‘ladi.

«Asosiy maqsad sodir bo‘lishi mumkin bo‘lgan jinoyatchiliklarni oldini olish», deyiladi xabarda.

Zo‘ravonning nechchi marta va qanday shaklda tazyiq amalga oshirgani ro‘yxatga qo‘shib boriladi.

Huquqni muhofaza qiluvchi organ inspektorlari, «Inson» ijtimoiy xizmat markazi xodimlari va mahalla faollari bunday shaxslar bilan alohida suhbatlar olib...

13-avgust kuni O‘zbekiston Respublika valyuta birjasida dollarning o‘rtacha narxi 11 so‘mga pasaydi va 12 619,96 so‘mni tashkil qildi.

Respublika tijorat banklarida AQSh valyutasi 12 580–12 640 so‘m oralig‘ida xarid qilinmoqda va 12 665–12 705 so‘mdan sotilmoqda.

Eslatib o‘tamiz, 13-avgust kuni dollarning o‘rtacha tortilgan narxi 12,04 so‘mga pasaygan edi.

Hukumat qarori bilan «Tazyiq va zo‘ravonlikka uchragan xotin-qizlar va ularning voyaga yetmagan farzandlariga ijtimoiy xizmat ko‘rsatishning ma’muriy reglamenti» tasdiqlandi. Bu haqda Oila va xotin-qizlar qo‘mitasi xabar berdi.

Unga ko‘ra, avval tazyiq va zo‘ravonlikdan jabrlangan shaxslar ichki ishlar organlari navbatchilik qismining 102 telefon raqamiga (yoki bevosita profilaktika inspektoriga) yoki 112 yagona dispetcherlik xizmatiga murojaat qilishi mumkin edi. Endi esa ular 1146 qisqa raqamiga qo‘ng‘iroq qilib, zo‘ravonlik haqida xabar berishlari mumkin.

Shuningdek, «Inson» ijtimoiy xizmatlar markazlari yoki ijtimoiy xodimlari ham shu kabi murojaatlarni qabul qiladi.

Eslatib o‘tamiz, avvalroq O‘zbekistonda so‘nggi yillarda qancha ayol zo‘ravonlikka uchragani haqida yozgan edik.

Namangan viloyati Pop tumanida sodir etilgan jinoyatda ona va ikki nafar bola qasddan o‘ldirilgan. Bu haqda Bosh prokuratura matbuot kotibi Hayot Shamsutdinov «Kursiv»ga ma’lum qildi.

Jinoyat joriy yilning 9-avgust kuni soat taxminan 21:40 larda sodir bo‘lgan. Voqea tafsiloti – gumonlanuvchi Muhamatjonov Abobakr qarindoshi (marhum) Raxmatova Mohiraning yashash xonadoniga borgan. Shundan so‘ng avvaldan mavjud bo‘lgan mulkiy nizo sabab janjal yuzaga kelgan. Gumonlanuvchi Muhamatjonov jabrlanuvchi Raxmatovani hamda uning ikki nafar farzandini tanasining turli qismlariga pichoq bilan urib o‘ldirgan va voqea joyidan yashiringan.

Hayot Shamsutdinov Jinoyat kodeksining 97-moddasi bilan jinoyat ishi qo‘zg‘atilgani haqida ma’lumot berdi.

«Mazkur holat yuzasidan...

2024-yilning yanvar–iyun oylarida 91,8 ming nafar Oʻzbekiston fuqarolari Turkiyaga turistik maqsadlarda safarga chiqqan. Bu haqda Statistika agentligi axborot xizmati xabar berdi.

Ma’lum qilinishicha, bu koʻrsatkich oʻtgan yilning mos davriga nisbatan 16,1 ming nafarga, ya’ni 21,2 foizga oshgan.

Sayyohlarning asosiy qismi dam olish maqsadida (70,7 ming nafar) tashrif buyurgan. Shuningdek, qarindoshlarni yoʻqlash (17,5 ming nafar), davolanish uchun (1,6 ming nafar), oʻqish maqsadida (1 ming nafar), xizmat yuzasidan (893 nafar) oʻzbekistonliklar Turkiyaga borgan.

Eslatib oʻtamiz, Turkiya fuqarolari Oʻzbekistonga asosan qarindoshlarini yoʻqlash, sayyohlik maqsadida kelgan.

Avvalroq «Kursiv» Oʻzbekistonga 2024-yilning dastlabki olti oyida 3,5 mln nafar sayyoh tashrif buyurgani haqida xabar...

Germaniyaning Frayburg shahrida xalqaro o‘zbek oshxonasi va madaniyati festivali bo‘lib o‘tdi, deb xabar berdi «Dunyo».

Tadbirni asli o‘zbekistonliklar Yevgeniy va Yuliya Shats, O‘zbekiston elchixonasi va «Vatandosh» jamg‘armasi tashkil etdi.

Festivalda O‘zbekiston va Yevropa davlatlaridan 200 nafarga yaqin ishtirokchi qatnashdi. Ishtirokchilar uchun somsa, palov, mastava kabi o‘zbek milliy taomlari tayyorlandi.

Marosimda O‘zbekiston hayoti va madaniyatiga bag‘ishlangan suratlar ko‘rgazmasi ham tashkil etildi.

Avvalroq «Kursiv» shu yilning iyun oyida Londonda O‘zR madaniyati va milliy taomlariga bag‘ishlangan festival bo‘lib o‘tganini e’lon qilgan edi.

Statistika agentligi ma’lumotlariga koʻra, 2024-yilning birinchi yarmida Oʻzbekistonda sugʻurta bozori hajmi 4,2 trln soʻmga yetdi. Yil davomida bu ko‘rsatkich 18,5 foizga oshdi, deya qayd etdi agentlik.

Sug‘urta bozorining eng katta hajmi poytaxtda – 3,02 trln so‘m, Farg‘ona va Qashqadaryo viloyatlarida – 129 mlrd va 117,7 mlrd so‘mni tashkil etdi.

Eslatib o‘tamiz, 2023-yilda o‘zbekistonlik sug‘urtachilarning umumiy ustav kapitali 2,3 trln so‘mdan oshdi. Korxonalar investitsiyalari 29,4 foizga oshib, 6,2 trln so‘mni tashkil etdi.

Avvalroq «Kursiv» joriy yilning 1-avgustidan sug‘urta polislarini uydan chiqmasdan rasmiylashtirish mumkinligini e’lon qilgan edi.

Prezident suyultirilgan gaz yetkazib berishda xususiy sektorni jalb qilish haqida takliflar kiritishni topshirdi. Hozirda aholi 47% suyultirilgan gazdan foydalanadi.

O‘zbekistonda suyultirilgan gazni xususiy sektor yordamida aholiga yetkazib berish imkoniyati ko‘rib chiqilmoqda. Prezident Shavkat Mirziyoyev bu masalani 12-avgust kuni o‘tkazilgan yig‘ilishda o‘rganish hamda takliflar kiritishni topshirdi.

Eslatib o‘tamiz, fevral oyida davlat rahbariga O‘zbekistonning energetik xavfsizligini ta’minlashga oid chora-tadbirlar taqdim etilgan edi. Taqdimotda, 1-oktabrga qadar kamida beshta tumanda aholiga suyultirilgan gaz (propan) yetkazib berish funksiyasini xususiy operatorga o‘tkazish taklifi berilgan.

2024-yilgi davlat dasturida gaz bozorida raqobatni kuchaytirish va xususiy sektorni jalb qilish rejalashtirilgan.

24-may holatiga ko‘ra, O‘zbekistonda 4,26 million...

2024-yilning yanvar–iyun oylarida O‘zbekistondan yeryong‘oq eksporti o‘tgan yilning shu davriga nisbatan 50,7 foizga oshdi, deya xabar berdi Statistika agentligi.

Unga ko‘ra, joriy yilning birinchi yarmida O‘zbekiston chet davlatlarga $6 mln 4,4 ming tonna yeryong‘oq sotdi.

Oʻzbekiston yeryongʻoqlarining asosiy xaridorlari Ozarbayjon (0,9 ming tonna), Qozogʻiston (0,6 ming tonna) va Rossiya (0,6 ming tonna) boʻldi.

Avvalroq «Kursiv» 2024-yilning yanvar–iyun oylarida O‘zbekistonning tashqi savdo aylanmasi 31 mlrd dollardan oshgani haqida yozgan edi.

Sentabr oyi boshidan O‘zbekistonda bazaviy hisoblash miqdori (BHM) 340 ming so‘mdan 375 ming so‘mga oshirilmoqda, bu esa yo‘l harakati qoidalarini buzganlik uchun jarima miqdori oshishiga olib keladi.

Xavfsizlik kamarini va mototsikl shlemini taqmaganlik uchun jarima 187,5 ming so‘mni tashkil qiladi.

Ro‘yxatdan o‘tmagan yoki texnik ko‘rikdan o‘tmasdan avtomashinani boshqarganlik uchun jarima 187,5 ming so‘mni tashkil etadi.

Agar avtomobil raqamlari bo‘lmasa, jarima 1,87 mln so‘mni tashkil qiladi.

Texnik reglamentga to‘g‘ri kelmaydigan avtomobil oynalarini «tonirovka» qilgan holda boshqarganlik uchun endilikda 9,3 mln so‘mdan ortiq to‘lash kerak bo‘ladi.

Tezlikni 20 km/soatdan oshirib yuborsa – 1,87 mln so‘m to‘lash kerak bo‘ladi.

Avvalroq «Kursiv» joriy yilning...

Amerika Qoʻshma Shtatlaring xususiy kompaniyasi Sierra Nevada Co. Oʻzbekiston uchun oltita Pilatus PC-12 samolyotini tiklash boʻyicha shartnoma oldi. Bu haqda AQSh Mudofaa vazirligi saytida e’lon qilindi.

Maʼlum qilinishicha, shartnoma qiymati $64,2 mln tashkil etadi. Kompaniya PC-12 samolyotini restavratsiya qilish, soha vakillarini qoʻllab-quvvatlash va logistika yordamini koʻrsatish koʻzda tutilgan.

Ish jarayonlari Oʻzbekistonda amalga oshiriladi va 2027-yilning 7-avgustiga qadar yakunlanishi belgilangan.

Shartnoma imzolanayotgan vaqtda AQSh xorijiy harbiy savdo dasturi (The Foreign Military Sales Trust Fund) $26 mln miqdorida mablagʻ ajratgan.

Avvalroq «Kursiv» NATO mutaxassislari O‘zbekiston Qurolli Kuchlari kursantlari uchun brifing o‘tkazganini yozgan edi.

«Zomin» turistik-rekreatsion zonasida joylashgan osma dor vaqtincha yopildi. Bu haqda Jizzax viloyati hokimligi rasmiy veb-saytida ma’lum qilindi.

Unga ko‘ra, zonada profilaktika ishlari olib borilayotgani sabab osma dor yoʻli 18-avgustgacha yopilgan. Osma dor 18-avgustdan so‘ng yana o‘z faoliyatini boshlaydi.

Eslatib o‘tamiz, avvalroq Zomin aeroporti xalqaro reysni amalga oshirayotgani haqida yozgan edik.

Foto: Foxbuniness.com

Ford Motor Company elektr velosipedlarining yangi avlodini namoyish etdi. Bu haqda Fox Business nashri xabar qildi.

Unga ko‘ra, elektron velosipedlar Mustang avtomobillari va o‘ziga xos uslub va quvvatga ega Bronco SUVlaridan ilhomlangan holda yaratilgan.

Mustang e-velosipedi $4 mingdan, Bronkodan ilhomlantirilgan versiyasi esa $4,5 ming dollardan boshlanadi, deyiladi xabarda.

Ikkala velosiped ham 3,5 soat quvvatlanish bilan 60 milya masofani bosib o‘tadi.

Fordning ta’kidlashicha, zaryadlash vaqtlari batareyaning yoshi, texnik xizmat ko‘rsatish va haydash harakati kabi tashqi omillarga qarab farq qiladi.

Velosipedchilar qo‘shimcha $390 evaziga Mustang versiyasining standart kulrangdan tashqari 10 ta rangidan birini tanlashlari mumkin.

Eslatib o‘tamiz, avvalroq...