Yangiliklar

Amerika Qo‘shma Shtatlari (AQSh) prezidenti Jo Bayden bo‘lajak prezidentlik saylovlaridan o‘z nomzodini olganidan so‘ng ilk bor vatandoshlariga murojaat qildi. U prezidentlik davrida oxirigacha lavozimda ishlashning ustuvor yo‘nalishlari haqida gapirdi, deb xabar berdi CNN.

«Men G’azodagi urushni tugatish, garovga olinganlarni vatanga qaytarish, Yaqin Sharqda tinchlik o’rnatish uchun harakat qilaman», dedi amaldagi davlat rahbari. Uning qo‘shimcha qilishicha, uning qo‘l ostida Amerika rasmiylari Rossiya bilan qarama-qarshilikda Ukrainani qo‘llab-quvvatlashda davom etadi.

Bundan tashqari, Bayden iqtisodiyotni rivojlantirish, aholining fuqarolik huquqlarini himoya qilish va ekstremizmga qarshi kurashga va’da berdi.

U saylovoldi poygasini tark etish sababini «mash’alani yosh avlodga topshirish» istagi bilan izohladi.

Eslatib o‘tamiz...

UzAuto Motors Chevrolet Onix va Tracker avtomobillari uchun chegirma va foizsiz muddatli toʻlovlarning yangi shartlarini eʼlon qiladi. Bu haqda kompaniya axborot xizmati xabar berdi.

Maʼlum qilinishicha, Chevrolet Onix avtomobili uchun 40 foiz oldindan toʻlovni amalga oshirib, avtosalondan darhol olib ketish mumkin. Qolgan summani esa oyiga 2,9 mln soʻmdan 3 yil davomida toʻlash mumkin.

Chevrolet Tracker uchun boshlangʻich 50 foiz toʻlov bilan xarid qilish mumkin. Qolgan summani oyiga 4,6 mln soʻmdan 2 yil mobaynida boʻlib toʻlash imkoniyati taqdim qilinmoqda.

Shuningdek, chegirmalar Tracker MY2024 avtomobili uchun ham ochildi. Avtomobillarni 25 million soʻmgacha foyda bilan xarid qilish imkoniyati bor. Faqat bunda...

O‘zbekistonning Buxoro viloyati va Rossiyaning Voronej viloyati o‘rtasida hamkorlik memorandumi imzolandi, dedi Voronej viloyat gubernatori Aleksandr Gusev.

 «Turizm, agrosanoat kompleksi va sanoat – O‘zRning Buxoro viloyati bilan hamkorlikni rivojlantiradigan tarmoqlardan faqat boshlanishi. Bu haqda viloyat hokimi Botir Zaripov bilan bo‘lib o‘tgan yig‘ilishda muhokama qildik», deb yozdi Gusev o‘zining Telegram-kanalida.

Uning qo‘shimcha qilishicha, uchrashuv Buxoro viloyati hokimiyati delegatsiyasining Rossiya viloyatiga tashrifi doirasida bo‘lib o‘tgan. Voronej viloyati ma’muriyati vakillarining Buxoroga tashrifi 2024-yilning kuzida rejalashtirilgan.

O‘zbekiston Voronej viloyatidan tovar ayirboshlash hajmi bo‘yicha «TOP-3″ga kiradi. 2023-yilda tomonlar salkam $50 mlnlik tovar ayirboshlashdi.

Avvalroq «Kursiv» Rossiya Federatsiyasining Ulyanovsk viloyatidan O‘zbekistonga import hajmini...

Bugun, 25-iyul kuni respublikaning barcha viloyatlarida havo harorati +40 daraja issiq bo‘ladi. Janubiy hududlarda kuchli shamol tufayli chang-to‘zonlar ko‘tariladi. Farg‘ona vodiysida yomg‘ir yog‘adi va momaqaldiroq bo‘lishi ehtimoli bor. Bu haqda «Gidrometeorologiya» xizmati agentligi xabar beradi.

Poytaxtda havo bulutli bo‘lsa ham, biroq yog‘ingarchilik kuzatilmaydi. Kunduzi havo harorati 39-41 daraja issiq va kechasi 24-26 daraja bo‘lishi kutilmoqda.

Tog‘li hududlarda esa havo bulutli bo‘ladi, ayrim joylarda yomg‘ir yog‘ishi va momaqaldiroq bo‘lishi mumkin. Ba’zi hududlarda sel kelishi xavfi bor. Kunduzi havo harorati 27-32 darajagacha isiydi, kechasiga kelib 15-20 daraja iliq bo‘ladi.

Bugun, 24-iyul kuni Parijdagi Olimpiya o’yinlari doirasida futbol bo‘yicha O‘zbekiston olimpiya terma jamoasi Ispaniyaga qarshi bahs olib bordi.

1-taymning 29-daqiqasida Ispaniya futbolchisi Mark Pibul darvozamizni ishg‘ol qildi va jamoasini oldinga chiqardi. 1- taymga qo‘shib berilgan daqiqalarda Eldor Shomurodov hisobni tenglashtirdi va 1-taym 1:1 hisobi bilan yakunlandi.

2-taymning 61-daqiqasida darvozamizga penalti belgilandi, biroq terma jamoa darvozaboni Abduvohid Ne’matov zarbani qaytardi. 63-daqiqada Serxio Gomes hisobni Ispaniya foydasiga o‘zgartirdi. Jamoamiz yaxshi o‘yin ko‘rsatdi, biroq hisob o‘zgarmadi – 2:1.

Avvalroq «Kursiv» futbol bo‘yicha O‘zbekiston olimpiya terma jamoasi Yangi Zelandiya ustidan g‘alaba qozonganini e’lon qilgan edi.

2024-yilning iyun oyida jami 14,8 mlrd soʻm imtiyozli ta’lim kreditlari ajratildi. Bu haqda Iqtisodiyot va moliya vazirligi xabar berdi.

Ushbu kreditlar 1 746 nafar talabaga ajratilgan bo‘lib, ularning 73 foiz qismi 1 278 nafar talaba xotin-qizlarga foizlarsiz  berilgan.

Tijorat banklar kesimidagi esa eng katta ulush «Sanoatqurilishbank» hisobiga to‘g‘ri keladi. Bank bir oy davomida jami 6,977 mln (1,588 mln so‘mi foizli, 5,389 mln so‘mi foizsiz) so‘m miqdorida imtiyozli ta’lim krediti ajratgan.

Keyingi o‘rindagi eng yirik imtiyozli ta’lim krediti ajratgan bank «Agrobank» bo‘lib, umumiy qiymatda 3,416 mln so‘m ajratgan.

Eng kam imtiyozli ta’lim krediti «Hamkorbank» ajratgan, bank iyun oyi umumiy hisobda...

Fransiya politsiyasi Olimpiada oʻyinlari vaqtida sodir boʻlishi mumkin boʻlgan toʻrtta teraktning oldini oldi. Bu haqda «TASS» Fransiya ichki ishlar vaziri Jerald Darmaninning soʻzlariga tayanib xabar bermoqda.

«Biz hali ham bu ish ustida ishlayapmiz. Hozircha tafsilotlar yoʻq, lekin bu Olimpiya oʻyinlariga qarshi zoʻravonlik harakatlarini rejalashtirish bilan bogʻliq deb hisoblaymiz. Bu toʻrtinchi holat», Jerald Darmanin.

Jerald Darmaninning qoʻshimcha qilishicha, bungacha maxsus xizmatlar aynan Olimpiadaga qarshi qaratilgan ikkita teraktning oldini olgan. Rejalashtirilgan yana ikkita hujum, jumladan, terroristik guruh a’zosi boʻlishi mumkin boʻlgan Jirondadan boʻlgan gumonlanuvchiga nisbatan tergov olib borilmoqda.

Avvalroq «Kursiv» futbol boʻyicha Oʻzbekiston olimpiya terma jamoasi...

Xalqaro Olimpiya qo‘mitasi (XOQ) kibersport bo‘yicha Olimpiada o‘tkazish tashabbusini ma’qulladi, deya xabar bermoqda tashkilot matbuot markazi.

Bu haqdagi qaror 2024-yilgi yozgi Olimpiya o‘yinlari poytaxti Parijda qabul qilindi. XOQ rahbari Tomas Bax xalqaro kompyuter o‘yinlari yaratilishini yangi davrning boshlanishi deb atadi.

Birinchi turnir kelasi yili Saudiya Arabistonida bo‘lib o‘tadi. XOQ Ar-Riyod bilan 12 yilga tegishli shartnoma tuzdi.

Tashkilot allaqachon ishtirokchilarni tanlash jarayoni ustida ish boshlagan. Olimpiadada Street Fighter va Rocket League kabi o‘yinlar namoyish etilishi kutilmoqda.

Avvalroq «Kursiv» O‘zbekiston kibersport bo‘yicha jahon chempionati bosqichlarini o‘tkazishni rejalashtirayotgani haqida e’lon qilgan edi.

Ertaga Markaziy bank asosiy stavka bo‘yicha qarorni qabul qiladi. Bu yil regulyator beshinchi marta bu masala bo’yicha yig‘ilish o‘tkazadi.

Oxirgi marta 13-iyun kungi yigʻilishda asosiy stavkani yillik 14 foiz darajasida oʻzgarishsiz qoldirish toʻgʻrisida qaror qabul qilingan edi. Bu haqda «Kursiv» batafsil xabar qoldirgan.

Asosiy stavkaning o’zgarishi

Markaziy bank asosiy stavkasi iqtisodiy va moliyaviy siyosatda juda muhim o‘rin tutadi.  Asosiy stavka tijorat banklari o‘rtasidagi pul bozoridagi foiz stavkalari, MB bank tizimiga likvidlik berishda ham muhim.

Markaziy bank boshqaruvi yig‘ilishida mavjud barcha vaziyatni tahlil qilib, so‘ng asosiy stavkani belgilab beradi. Odatda, inflyatsiya ko’tariladigan bo‘lsa, Markaziy bank ham...

O‘zbekistonlik arxeologlar Urgut tumanidagi Qo‘rg‘ontepa yodgorligida olib borilgan qazishmalar chog‘ida VII–VIII asrlarga oid so‘g‘d ibodatxonasini topdi, deb yozadi «Samarkandskiy vestnik».

Bu hudud Samarqand Soʻgʻdi tarkibiga kirgan. Bu yerda olimlar IX asrga oid nasroniy monastiri nekropolini va Jartepa II So‘g‘d ibodatxonasini topdilar.

Hozirgi qazishmalar paytida arxeologlar yog‘och yuzada ma’buda tasvirini topdilar.

Olimlarning fikricha, ibodatxona manixiylarga tegishli bo‘lgan. Bu din hozirgi Eron hududida paydo bo‘lgan. Quvgʻinlar tufayli manixeyizm tarafdorlari Oʻrta Osiyo va Xitoyga qochib ketishgan.

Abu Rayhon Beruniy qoʻlyozmalariga koʻra, Erondan dindorlar ketganidan keyin manixiylik markazi Samarqandda boʻlgan.

Avvalroq «Kursiv» joriy yilning iyun oyida Surxondaryo viloyatida 4 ming yillik qadimiy shahar...

Oila va xotin-qizlar qo‘mitasi AOKAda o‘tkazilgan matbuot anjumanida joriy yilning birinchi yarmida qayd etilgan ajrimlarning asosiy sabablarini ma’lum qildi.

Unga ko‘ra, oilaga uchinchi shaxsning aralashuvi, ya’ni ota-ona, aka-uka, opa-singillar, qo‘shnilarning oraga aralashishi ajrimlarga eng ko‘p sabab bo‘lgan. Keyingi sabab sifatida erta nikoh va uyushtirilgan nikohlar ko‘rsatilgan. Shuningdek, juftlarning oilaga tayyor emasligi ham sabab bo‘layotgani ta’kidlandi.

Ma’lumot uchun, mamlakatda ajrimlar soni 11,6 foizga kamaydi, 7 mingdan ziyod ajrimlar to‘g‘risida ish olib borildi. Ushbu ko‘rsatkich o‘tgan yildagi mos davrga nisbatan ajrim arizalarining 31,4 foizni tashkil qiladi.

Ma’lumot uchun, 2023-yilda 283,8 mingta nikoh shartnomalari rasmiylashtirilgan bo‘lsa, ajrimlar nomi esa 49,2 mingtani tashkil...

O‘zbekistonda so‘nggi olti oyda 416 kishi ish joyida tan jarohati oldi – 303 nafari og‘ir, 12 nafari yengil tan jarohati oldi, 101 nafar xodim halok bo‘ldi. Bu haqda Kambag‘allikni qisqartirish va bandlik vazirligi matbuot xizmati xabar berdi.

Sudlar jabrlanuvchilar va ularning oila a’zolariga tovon undirish bo‘yicha 823 mln so‘mdan ortiq da’volarni ko‘rib chiqmoqda.

Shu davrda davlat mehnat inspektorlari tomonidan 7,7 ming tekshirish o‘tkazilib, 21,4 ming qonunbuzarlik aniqlangan. 4,3 ming nafar mansabdor shaxsga nisbatan ma’muriy jarima qo‘llanildi.

254 nafar qonunga xilof ravishda ishdan bo‘shatilgan xodimlar ish joyiga qaytdi, 7,3 ming nafar ishchiga jami 31 mlrd so‘mdan ortiq ish haqi berildi.

24-iyul kuni O‘zbekiston Respublika valyuta birjasida dollarning o‘rtacha tortilgan qiymati 40,76 so‘mga o‘sdi va 12 625,04 so‘mni tashkil qildi.

Davlatning tijorat banklari AQSh valyutasini 12 525 – 12 600 so‘mdan xarid qilishmoqda va 12 545 – 12 660 so‘mdan sotishmoqda.

Eslatib o‘tamiz, 23-iyul kuni respublikada dollarning o‘rtacha narxi deyarli 9 so‘mga pasaygan edi.

Saneg Oil Italiya kompaniyasi 10 xil motor moylarini ishlab chiqarish va sotish boshlanganini e’lon qildi. Bu haqda «Kursiv»ga «Saneg» kompaniyasi matbuot xizmati xabar berdi.

Ular orasida «General Motors» tomonidan tasdiqlangan retseptura asosida yaratilgan Saneg Premium Dex 0W-20 va 5W-30 sintetik motor moylari ham bor. Avtomobil moylari BMW, Mercedes-Benz, Volkswagen, Fiat, Ford va Porsche kabi avtomobil ishlab chiqaruvchilarning talablariga javob beradi.

«Endi biz yevropalik iste’molchilarga eng zamonaviy avtomobillar uchun mo‘ljallangan mahsulotlarni taklif qilishimiz mumkin va tez orada O‘zbekiston avtomobilchilari ham ularni xarid qilishlari uchun imkoniyat yaratiladi«, deb ta’kidladi Saneg bosh direktori To‘lqin Yusupov.

Sentabr oyidan boshlab...

Oʻzbekistonda joriy yilning birinchi yarim yilligida noqonuniy ov bilan shugʻullangan qariyb 300 nafar shaxs aniqlangan. Bu haqda Ekologiya vazirligi matbuot xizmati xabar berdi.

Ma’lum qilinishicha, 2024-yilning I va II choraklarida ov qilish va baliq ovlash qoidalarini buzish bilan bogʻliq 287 ta holatda 298 nafar shaxsga nisbatan 957 mln soʻmlik jarima belgilangan.

2023-yilda esa nazorat tadbirlarida respublika boʻyicha ov qilish va baliq ovlash qoidalarini buzish bilan bogʻliq jami 997 ta holat aniqlangan va 995 nafar shaxsga nisbatan 1,7 mlrd soʻmlik choralar koʻrilgan.

Ma’lumot uchun, 28-fevraldan yurtimizda «Ov qilish va ovchilik xoʻjaligi toʻgʻrisida»gi Qonunga muvofiq ov qilish muddati yakunlangan. Taqiq 15-avgustgacha...

2024-yilning yanvar – iyun oylarida O‘zbekistonda amalga oshirilgan qurilish ishlari hajmi 79,8 trln so‘mni tashkil etdi, bu o‘tgan yilning shu davriga nisbatan 10,1 foizga ko‘pdir, deya xabar bermoqda Statistika agentligi matbuot xizmati.

Yuqori ko‘rsatkichlar poytaxtda – 19,3 trln so‘m, Toshkent va Buxoro viloyatlarida mos ravishda 8 trln va 5,8 trln so‘mni tashkil etdi.

1-iyul holatiga ko‘ra, respublikada qurilish xizmatlari ko‘rsatuvchi 2 mingga yaqin korxonalar ochildi. Mamlakatimizda jami 30 mingdan ortiq qurilish korxonalari faoliyat yuritmoqda.

Avvalroq «Kursiv» Marg‘ilonda «Yangi O‘zbekiston» turarjoy massivi qurilishi haqida e’lon qilgan edi. Bu tashabbus joriy yilning iyul oyida prezident Shavkat Mirziyoyev tomonidan aytilgan edi.

Oʻzbekistonda chet el korxonalari soni koʻpayishi, mahalliy kompaniyalar rivojlanishi va malakali kadrlarning yetishmasligi kuzatilmoqda. Bu «Ancor» kompaniyasining «Biz xohlagan ish» tadqiqotida ma’lum qilindi (Tadqiqot «Kursiv»da mavjud).

Tajribali kadrlar etishmasligi tufayli kompaniyalar chet elliklarni olib kirishga va bir-biridan kadrlarni olishga majbur. Bu harakatlarning barchasi malakali va shu bilan birga, boshlangʻich darajadagi mutaxassislarning ish haqining oshishiga olib keladi.

Shuningdek, xodimlar ish joylarini oʻzgartirishni osonlashtirdilar, bu esa xodimlar va ish beruvchilarga ijobiy ta’sir koʻrsatadi. Xususan, kompaniyalar kerak boʻlganda kerakli koʻnikmalarni jalb qilishlari mumkin va ish izlovchilar yangi tajribaga ega boʻlishadi.

Bundan tashqari, kompaniyalar ishga yollash agentliklari orqali xodimlarni topishga intiladi.

Ancor soʻroviga koʻra...

«Yandex Uzbekistan» talabalar va IT-mutaxassislarni stajirovkaga taklif etadi. Bu haqda Yandex matbuot xizmati «Kursiv»ga xabar qildi. Amaliyot kompaniyaning Toshkentdagi ofisida o‘tkaziladi.

Amaliyot front-end va back-end ishlab chiqish, ma’lumotlar tahlili va test yo‘nalishlarida o‘tkaziladi. Amaliyot muddati uch oydan olti oygacha bo‘ladi. Yandex har bir amaliyotchiga tajribali mentorni tayinlaydi – u yangi joyda moslashishga yordam beradi.

Kelajakdagi amaliyotchilar asosiy algoritmlar va ma’lumotlar tuzilmalarini bilishlari va dasturlash tillaridan birida kod yozish imkoniyatiga ega bo‘lishlari kerak.

Bo‘lajak stajyorlar asosiy algoritmlar va ma’lumotlar tuzilmalarini bilishlari va dasturlash tillaridan birida kod yozish qobiliyatiga ega bo‘lishlari kerak. Qo‘shimcha talablar yo‘nalishga qarab farqlanadi. Misol uchun, tahlilchi matematik...

Oʻzbekiston Madaniy yodgorliklarni saqlash va restavratsiya qilish bo‘yicha xalqaro ilmiy-tadqiqot markaziga (ICCROM) a’zo boʻldi, deb xabar qildi OʻzR Madaniyat va san’atni rivojlantirish jamgʻarmasi.

O‘zbekistonning mazkur tashkilotga a’zo bo‘lishi tarixiy meros obyektlarini saqlashning eng yangi usullaridan foydalanish imkonini beradi. Respublika xalqaro loyihalarda ham ishtirok etishi mumkin bo‘ladi.

ICCROM 1959-yilda yaratilgan. Tashkilotning bosh qarorgohi Rimda joylashgan. Restavratsiya, mutaxassislar tayyorlash va bu borada hamkorlik qilish markaz faoliyatining ustuvor yo‘nalishlari hisoblanadi.

Avvalroq «Kursiv» Buxorodagi tarixiy obidalarni restavratsiya qilish jarayonida 3,3 mlrd so‘m o‘g‘irlangani haqida e’lon qilgan edi.

2024-yilning yanvar – iyun oylarida O‘zbekiston korxonalari tomonidan 72,9 ming tonna o‘simlik yog‘i ishlab chiqarildi, deb xabar berdi Davlat statistika agentligi matbuot xizmati.

Yil davomida mamlakatda ushbu turdagi mahsulotni ishlab chiqarish 18,2 foizga oshdi. Iyun oyida 3,1 ming tonna mahsulot ishlab chiqarildi.

Birinchi yarim yil yakunlariga ko‘ra, O‘zbekiston xorijga $19,7 mlnlik o‘simlik va hayvon yog‘larini yetkazib berdi, bu o‘tgan yilga nisbatan 3,7 barobar ko‘pdir.

Avvalroq «Kursiv» 2024-yilning birinchi choragida O‘zRda 263 tonna sariyog‘ ishlab chiqarilganini e’lon qilgan edi.

Rosstat tadqiqotiga ko‘ra, Rossiyaga ishlash uchun ketayotgan mehnat muhojirlari soni 20 foizdan ko‘proqqa kamaydi. Natijalar haqida RBK agentligi xabar berdi.

O‘tgan yili Rossiyaga 560 mingdan ortiq odamlar kelgan. Bu o‘tgan yilga nisbatan 23 foizga kam. Bundan tashqari, bu ko‘rsatkich 2013-yildan beri eng past ko‘rsatkichdir.

Muhojirlarning umumiy sonining atigi 4 foizi O‘zbekistondan kelgan. O‘tgan yili Rossiya Federatsiyasiga tashrif buyuruvchilar soni bo‘yicha 31 foiz bilan yetakchi Tojikiston bo‘ldi. Qirg‘iziston 10 foiz bilan ikkinchi o‘rinni egalladi.

Bundan tashqari, Rossiya Federatsiyasiga kirgan migrantlarning yarmidan ko‘pi 55 foizi erkaklardir. Xorijiy fuqarolarning qariyb 76 foizi mehnatga layoqatli yoshdagilar.

Avvalroq «Kursiv» Rossiya Federatsiyasi Davlat Dumasi chet...

Oʻzbekiston prezidenti Shavkat Mirziyoyevning tavallud kuni munosabati bilan xorijiy davlatlar, hukumatlar va parlamentlar, nufuzli xalqaro va mintaqaviy tashkilotlar rahbarlaridan samimiy qutlovlar kelmoqda. Bu haqda prezident matbuot xizmati xabar berdi.

Turkmaniston milliy yetakchisi Gurbanguli Berdimuhamedov Shavkat Mirziyoyevni tavallud kuni bilan samimiy qutlab, mustahkam sogʻliq va farovonlik tiladi.

Muloqotda ikki davlat o‘rtasidagi ko‘p qirrali, do‘stlik, yaxshi qo‘shnichilik va strategik sheriklik munosabatlarining dolzarb masalalari muhokama qilindi.

Shuningdek, Tojikiston prezidenti Emomali Rahmon ham davlat rahbarini tavallud kuni bilan samimiy muborakbod etib, unga mustahkam sog‘liq va oilaviy baxt-saodat, birodar O‘zbekiston xalqiga esa tinchlik-osoyishtalik va ravnaq tiladi.

Rossiya Federatsiyasi Prezidenti Vladimir...

Shavkat Mirziyoyev paxtachilik sohasini iqtisodiy-moliyaviy yaxshilashga qaratilgan farmonni imzoladi. Bu haqda Huquqiy axborot xabar qiladi.

Unga koʻra, 2023-yildagi paxta xomashyosi xarajatlari uchun tijorat banklari tomonidan ajratilgan imtiyozli kreditlarni 2024-yil 1-dekabr sanasigacha toʻliq yopgan klasterlar mazkur kredit foizini (bank marjasi bundan mustasno) qaytarib oladilar. Foiz 2025-yil 1-yanvargacha Qishloq xoʻjaligini davlat tomonidan qoʻllab-quvvatlash jamgʻarmasi kredit resurslari hisobidan qaytariladi.

O‘tgan yilgi xomashyo xarajatlari uchun berilgan imtiyozli kreditlarning, mos ravishda Jamgʻarmaning tijorat banklariga ajratgan kredit resurslarining qolgan qismini qaytarish 2025-yil 1-aprel muddatigacha etib belgilandi. Uzaytirish tijorat banklari tomonidan ijobiy xulosa berilsa amalga oshiriladi.

Shuningdek, 2024-yil 1-avgust sanasidan ajratilgan kredit boʻyicha klasterlar taʼsischilari uchun...

Toshkent viloyati Piskent tumanida Turkiya kompaniyasi qiymati $30 millionga teng boʻlgan kon ishlari va oltin qazib olish zavodini quradi. Bu haqda viloyat hokimligi matbuot xizmati xabar berdi.

Ma’lum qilinishicha, tuman hokimligi mutasaddilari Turkiya safari vaqtida oltin qazib olish va konchilik faoliyati bilan shugʻullanuvchi «ORE MINING CONSTRUCTION TRADING» kompaniyasi vakillari bilan uchrashib, kompaniya faoliyati bilan yaqindan tanishgan.

Uchrashuv davomida Turkiya kompaniyasi hamda Piskent tumanidagi kon ishlari va oltin qazib olish boʻyicha faoliyat yuritayotgan «MULTINATIONAL MINE GROUP» MChJ oʻrtasida $30 millionlik hamkorlik memorandumi imzolandi.

Avvalroq «Kursiv» Turkiya kompaniyasi Oʻzbekistonda poyabzal ishlab chiqarish uchun $2 mln sarmoya kiritishi haqida xabar bergan...