Yangiliklar

Markaziy bank «Milliy pochta toʻlovlari» va «Qulay pul» MCHJlarning faoliyati uchun berilgan litsenziyalarni bekor qildi. Bu Markaziy bank rasmiy sahifasida ma’lum qilindi.

Eslatib o‘tamiz, «Milliy pochta to‘lovlari» litsenziyasi 2020 yilda berilgan. Kompaniya ta’sischisi «O‘zbekiston pochtasi»dir. Markaziy bank xabarida qayd etilishicha, litsenziya tashkilotning arizasi asosida bekor qilingan.

Xuddi shu asosda «Qulay pul» ishi to‘xtatildi. Kompaniya to‘lov tizimi litsenziyasiga ega edi. U 2021-yilda Markaziy bankdan ishlash uchun ruxsatnoma olgan. Korxonalar va tashkilotlarning yagona davlat reestriga ko‘ra, 2024-yil 16-iyul holatiga kompaniyaning uchta ta’sischisi bor. Asosiy egalari – Viktor Nasochevskiy va Baxtiyorjon Isamidinov. Ular mos ravishda 50 va 30% ga...

Osiyo taraqqiyot banki (OTB) imtiyozli qarz Oʻzbekistondagi homilador ayollar va chaqaloqlarga ko‘rsatiladigan perinatal xizmatlarni yaxshilash uchunligini ma’lum qildi. Bu haqda OTB rasmiy sahifasida e’lon qilindi.

Unga ko‘ra, Oʻzbekistonda onalar oʻlimi 2010-yilda har 100 mingta chaqaloqqa 38 oʻlim to‘g‘ri kelgan. Bu ko‘rsatkich keyingi o‘n  yilda har 100 mingta chaqaloqqa 30 oʻlimgacha yaxshilangan. Shunga qaramay bu Yevropa va Markaziy Osiyodagi oʻrtacha koʻrsatkichdan ancha yomon. Hozirgi kunga kelib esa tugʻilishning ortib borishi evaziga bu koʻrsatkichlar ham oshib bormoqda.

«OTB Oʻzbekistonda ayollar va bolalar salomatligini muhofaza qilish, onalar va neonatal oʻlimni kamaytirish maqsadida Oʻzbekistonda yuqori sifatli perinatal tibbiy xizmatlar...

16-iyul kuni O‘zbekiston Respublika valyuta birjasida dollarning o‘rtacha tortilgan qiymati 21,59 so‘mga pasaydi va 12 586,03 so‘mni tashkil qildi.

Banklarda AQSh valyutasi 12 545 – 12 605 so‘mdan xarid qilinmoqda va 12 650 – 12 670 so‘mdan sotilmoqda.

Eslatib o‘tamiz, 15-iyul kuni O‘zbekistonda dollarning narxi 27,65 so‘mga pasaygan edi.

15-iyul, dushanba kuni Apple aksiyalari 2,5 foizga qimmatlashdi. Morgan Stanley kompaniyaning qimmatli qog‘ozlarini «eng yaxshi tanlov» deb atadi, deya xabar beradi Reuters.

«Bu yil qariyb 20 foizga o‘sgan «Apple» aksiyalari 236,30 dollargacha ko‘tarilib, kompaniyaga bozor qiymati 3,62 trillion dollarni tashkil etdi, bu dunyodagi eng yuqori ko‘rsatkich», deb yozdi Reuters.

O‘tgan oy iPhone ishlab chiqaruvchisi «Apple Intelligence»ni taqdim etdi. Morgan Stanleyning fikricha, ushbu platforma iPhone va iPad’larning sotilishini oshirish katalizatoriga aylandi.

Tahlilchilarning fikricha, kompaniya ikki yil ichida deyarli 500 million smartfon sotishi mumkin.

Avvalroq «Kursiv» Apple aksiyalari sun’iy intellektning (AI) sekin tatbiq etilishi tufayli qiymatini yo‘qotayotgani haqida...

17-iyul, chorshanba kuni soat 10:00 da «UzAuto Motors» Chevrolet Cobalt avtomobillari uchun onlayn shartnomani ochadi, deb xabar qildi kompaniya matbuot xizmati.

Avtomobilni faqat savdo.uzavtosanoat.uz portali orqali xarid qilish mumkin, deya eslatdi UzAuto Motors.

«Telegram-bot hamda UzAvtosavdo ilovasi navbatni kuzatish xizmatini hamda mavjud avtomobillar haqida ma’lumotni taqdim etadi», deyiladi xabarda.

Ta’kidlash joizki, kompaniya ilgari sotib olinmagan avtomobillarni muntazam ravishda qayta sotuvga chiqaradi. «UzAuto Motors» mijozlarga shartnoma bo‘yicha to‘lov yetti kalendar kun ichida amalga oshirilishini eslatdi. Aks holda shartnomalar bekor qilinadi va mashinalar yana sotuvga chiqariladi.

«UzAuto Motors» kompaniyasi Cobalt’ni oxirgi...

Jinoyat kodeksining oilaviy (maishiy) zo‘ravonlik to‘g‘risidagi 126-1-moddasi bolaga nisbatan zo‘ravonlik qilganlik uchun javobgarlik ham qo‘shilmoqda. Bu haqda Oliy Majlis Qonunchilik palatasi ma’lum qildi.

Unga ko‘ra amaldagi normada er-xotin yoki oilaning boshqa a’zolariga qilingan zo‘ravonlik jinoiy javobgarlikka sabab bo‘lar edi. Ammo bolaga nisbatan qilingan zo‘ravonlik kiritilmagan edi. Endi esa bolalarga qilingan oilaviy zo‘ravonlik ham javobgarlikka tortilishga asos bo‘ladi. Bu Ma’muriy javobgarlik to‘g‘risidagi kodeksda ham nazarda tutilmoqda.

Eslatib o‘tamiz, avvalroq O‘zbekistonda bolalarga noqonuniy diniy ta’lim berish jazolanishi haqida yozgan edik.

Oliy Majlis Qonunchilik palatasi kichik hajmli elektr dvigatelli transport vositalarini va individual harakatlanish vositalarini boshqarish vaqtida  yo‘l harakati qoidalarini buzganlik uchun ma’muriy javobgarlikni nazarda tutuvchi qonun loyihasini ma’qulladi, deb xabar berdi parlament quyi palatasi matbuot xizmati.

Qabul qilingan hujjatda videokameralardan foydalangan holda huquqbuzarliklarni qayd etish bilan bog‘liq ishlarni ko‘rib chiqishni tugatish to‘g‘risidagi norma ham kiritildi.

Agar 48 soat ichida huquqbuzarlik aks etgan video mansabdor shaxsga yuborilmasa yoki videomaterialdan foydalangan holda transport vositasining egasi aniqlanmasa, ish tugatiladi.

Avvalroq «Kursiv» 2023-yilda O‘zbekistonda elektr samokatlarni cheklash taklif qilingani haqida e’lon qilingan edi.

O‘zbekistonda Yandex xizmatlari odatdagidek ishlamoqda. Mamlakatimizda yangi loyihalarni ishlab chiqish va ishga tushirishga sarmoya kiritish ham davom etadi, deya xabar qildi kompaniya matbuot xizmati «Kursiv»ga.

Yandex xizmatlar nomini o‘zgartirishni rejalashtirmaganini ta’kidladi.

Eslatib o‘tamiz, joriy yilning iyul oyi o‘rtalarida Niderlandiya kompaniyasi Yandex N.V. Yandex aksiyadorlarini tark etdi.

Rossiyaning «Kommersant» nashriga ko‘ra, Yandex N.V. nomi Nebius Group deb o‘zgartirilishi mumkin.

Avvalroq «Kursiv» «Yandex Uzbekistan» 2024-yilning kuzida Toshkentdagi vakolatxonasini ochishni rejalashtirayotgani haqida e’lon qilgan edi.

15-iyuldan Tailand O‘zbekiston fuqarolari uchun 60 kungacha vizasiz rejimni rasman joriy qildi.

Oʻzbekiston Bosh konsulligi ma’lumotlariga koʻra, ilgari 57 davlat fuqarolari Tailandga vizasiz kirishlari mumkin edi. Bu roʻyxatga Xitoy, Hindiston, Qozogʻiston va Oʻzbekiston kabi 36 ta davlat qoʻshildi.

Yangi rejim barcha chegara postlari orqali Tailandga tashrif buyuruvchilar uchun amal qiladi.

Ushbu rejimni joriy etish Tailand hukumati tomonidan iqtisodiyotni rag‘batlantirish maqsadida bir tomonlama amalga oshirildi va kelajakda bekor qilinishi mumkin.

Avvalroq «Kursiv» Tailand elektromobillar ishlab chiqarish markaziga aylanishni rejalashtirayotgani haqida yozgan edi.

15-iyul kunidan Soliq qoʻmitasi tomonidan sun’iy intellekt (SI) bazasida yaratilgan DavrOn virtual yordamchisi ishga tushirildi. Bu haqda qoʻmita abxorot xizmati xabar berdi. Virtual yordamchi qanday ishlashini bilish maqsadida unga bir qancha savollar berib koʻrdik.

DavrOn professional maslahatchi sifatida soliq va soliqqa tortish masalalarida ma’lumotlar hamda personal maslahatlar bera oladi. Virtual yordamchi oʻzbek, rus va ingliz tillarida muloqot qiladi.

Bergan savollarimizga virtual yordamchi tomonidan batafsil javoblar berildi. Biroq yordamchi har doim ham savollarga to‘g‘ri javob bera olmasligini hisobga olish kerak. Bu haqda Soliq qo‘mitasi ogohlantirdi.

«DavrOnʼning javoblari sizga ma’qul kelgani bilan birga ayrim noaniq yoki...

Samarqand viloyatida «Logopark Samarkand» deb nomlangan eng yirik multimodal transport-logistika markazi paydo bo‘ladi. Bu haqda «Kursiv»ga loyihani amalga oshirayotgan «Marakand Logair» kompaniyasi matbuot xizmati xabar berdi.

Ochilish 2025-yilning ikkinchi choragida rejalashtirilgan. Logistika markazi qurilishi joriy yilning fevral oyida boshlangan. Majmua maydoni 40 ming kv.metrdan ortiq boʻladi. Mahalliy va xalqaro e-commerce, ishlab chiqarish va logistika kompaniyalarning mahsulotlarini joylashtirish va saqlash uchun barpo etilmoqda.

«Samarqand viloyatida ham ichki, ham xalqaro tovar ayirboshlashning dinamik oʻsish sur’atlarini hisobga olgan holda, zamonaviy ombor maydonlariga boʻlgan talablar toʻliq qondirilmagan. Biz mijozlarimizga bojxona tekshiruvidan oʻtmasdan import mahsulotlarini uzoq muddat davomida saqlash uchun quruq...

Joriy yilda O‘zbekiston poytaxtida Amerika texnologiyalar universiteti ochilishi kutilmoqda. Bu haqda Shavkat Mirziyoyev raisligida boʻlib oʻtgan yigʻilishda ma’lum boʻldi, deb xabar qildi davlat rahbari matbuot xizmati.

O‘zbekiston prezidentining o‘tgan yili sentabr oyida AQSHga tashrifi doirasida ta’lim tizimi bo‘yicha ham kelishuvlar amalga oshirilgan. Shunga ko‘ra, Toshkent shahrida Amerika texnologiyalar universiteti ochilmoqda. U 2024/2025-o‘quv yilidan boshlab faoliyat yuritadi. Ushbu universitet muhandislik, arxitektura va dizayn, axborot texnologiyalari, sog‘liqni saqlash, iqtisodiyot va moliya, xalqaro munosabatlar sohalarini qamrab oladi. Universitet bitiruvchilariga Arizona davlat universiteti yoki AQSHda tan olinadigan hamkor xorijiy universitetning diplomi taqdim etiladi.

Yigʻilishda boshqa masalalar ham muhokama qilindi. O‘zbekistonda bu yil bakalavriatda...

Neft fyucherslari Xitoyda talabga nisbatan noaniqlik va AQSh dollari kursining o‘sishi fonida ketma-ket uchinchi sessiyada arzonlashdi, deb xabar berdi «Trading Economics» portali.

Seshanba kuni ertalabdan boshlab Brent nefti bir barrel uchun $84,5 arzonlashdi. WTI narxi $81,5.

Xitoyda neftga bo‘lgan ichki talabning kamligi ushbu mamlakatga xomashyo importining oylik (iyun) va yillik ko‘rsatkichlarda pasayishiga olib keldi. Investorlar iqtisodiyotni davlat tomonidan qo‘llab-quvvatlash choralariga umid qilishmoqda.

Bundan tashqari, bozorga AQSh prezidentligiga nomzod Donald Trampning hayotiga muvaffaqiyatsiz suiqasddan keyin boshlangan dollar kursining oʻsishi ham ta’sir koʻrsatmoqda.

Fond bozorida Tesla (+1,87 foiz) va Apple (+1,68 foiz) aksiyalari o‘sib bormoqda. Amazon qimmatli qog‘ozlari pasaymoqda...

2024-yilning yanvar – iyun oylarida jami 56,9 ming nafar chet el fuqarolari davolanish maqsadida Oʻzbekistonga tashrif buyurgan. Bu haqda Statistika agentligi axborot xizmati xabar berdi. Bu koʻrsatkich oʻtgan yilning mos davri bilan solishtirilganda 24,6 ming nafarga yoki 76,4 foizga oshgan.

Mazkur davrda davolanish maqsadida eng koʻp kelganlar Tojikistonga toʻgʻri keldi – 43 ming nafar. Keyingi oʻrinda 6,6 nafar bilan Qozogʻiston joy oldi.

Shuningdek, uchinchi oʻrinda 5,4 ming nafar bilan Qirgʻiz Respublikasi joylashgan boʻlsa, Rossiyadan kelganlar soni 925 nafarni tashkil etdi.

Turkmanistondan dastlabki olti oyda 462 nafar, Turkiyadan – 23 nafar, Afgʻonistondan esa 16 bemor davolanish maqsadida Oʻzbekistonga tashrif buyurdi.

Ijtimoiy tarmoqlar va ommaviy axborot vositalarida «UzAuto Motors» avtomobil ishlab chiqaruvchisi xaridlar vaqtida qoidalarni buzgani haqida xabar tarqaldi. O‘zbekiston Korrupsiyaga qarshi kurashish agentligi vaziyatga izoh berdi.

Xabarda aytilishicha, 8-iyul kuni kompaniya Nexia 2 avtomobillari uchun ehtiyot qismlarni 1,5 milliard so‘mga sotib olish bo‘yicha tender o‘tkazgan. Unda ikkita korxona ishtirok etgan, ularning rahbarlari yaqin qarindoshlar bo‘lib chiqqan.

Agentlik tergov jarayonida to‘plangan hujjatlar aybdorlarni javobgarlikka tortish uchun huquqni muhofaza qiluvchi organlarga yuborilganini ma’lum qildi.

Avvalroq «Kursiv» 2024-yil iyun oyida O‘zbekistonda avtomobillar savdosi deyarli 14 foizga kamaygani haqida yozgan edi.

Amerika Respublikachilar partiyasining qurultoyida Donald Tramp AQSH prezidentligiga nomzod sifatida ko‘rsatiladi. Delegatlarning aksariyati unga ovoz berdi.

Tadbir bir kun avval Viskonsin shtatida boshlangan. Qurultoy 18-iyulga qadar davom etadi.

O‘z nomzodini qo‘ygandan so‘ng, Tramp Ogayo shtati senatori Jey Di Vensni vitse-prezidentlikka nomzod sifatida tanlaganini e’lon qildi. Tahlilchilar qayd etganidek, bu siyosatchi barcha asosiy siyosiy masalalarda Tramp bilan hamfikr.

Tramp AQShning 45-prezidenti bo‘lgan. U mamlakatni 2017-yilning 20-yanvaridan 2021-yilning 20-yanvarigacha boshqargan. O‘sha davrda respublikachilar tomonidan nomzodi ko‘rsatilgan edi.

AQShda prezidentlik saylovlari 2024-yil 5-noyabrda bo‘lib o‘tadi.

Avvalroq «Kursiv» 13-iyul kuni saylovoldi tashviqoti paytida Trampga suiqasd uyushtirilganini e’lon qilgan edi. O‘q siyosatchining...

Oʻzbekiston Markaziy banki iyun oyida 11 ta bankka jarima sanksiyasini qoʻlladi. Bu haqda regulyator hisobotida ma’lum qilindi.

Oʻtgan oy davomida Markaziy bank bitta mikromoliya tashkiloti (MMT) va bir lombardni jarimaga tortdi.

Shuningdek, regulyator iyun oyida umumiy 42 ta masalani koʻrib chiqdi. Shundan 28 tasi roʻyxatga olish va ruxsatnomalar berish bilan bogʻliq. Mikromoliya tashkilotlariga litsenziyalar berish va ularni qayta roʻyxatdan oʻtkazish masalalari koʻrib chiqildi.

Shu bilan birga, bank nazorat qoʻmitasi tomonidan tijorat banklari va mikromoliya tashkilotlari rahbarlariga aniqlangan kamchiliklarni bartaraf etish yuzasidan tegishli topshiriqlar berildi.

Avvalroq «Kursiv» joriy yilning may oyida regulyator 11 ta tijorat bankini jarimaga tortgani haqida xabar...

Bugun, 16-iyul kuni Toshkent viloyati va Farg‘ona vodiysida qisqa muddatli yomg‘ir yog‘ishi ehtimoli bor. O‘zbekistonning janubiy hududlarida kuchli shamol tufayli chang-to‘zonlar ko‘tarilishi mumkin. Havo harorati 33-39 daraja issiq bo‘ladi, deb xabar beradi Gidrometeorologiya xizmati agentligi.

Toshkent shahrida havo bulutli bo‘ladi. Ertalab va kechasi qisqa muddatli yomg‘ir yog‘ishi va momaqaldiroq bo‘lishi ehtimoli bor. Kunduzi havo 33-35 daraja issiq va kechasi esa 20-22 daraja iliq bo‘ladi.

Tog‘li hududlarda esa havo bulutli bo‘ladi. Ba’zi joylarda yomg‘ir yog‘ishi va momaqaldiroq bo‘lishi mumkin. Kunduzi havo harorati 23-28 daraja issiq va kechasi 10-15 daraja iliq havo bo‘ladi.

BYD Uzbekistan Factory zavodi Seagull va E2 modellarini ishlab chiqarishni yo‘lga qo‘ymoqchi. Bu haqda «O‘zavtosanoat» xabar berdi.

Bayonotda qayd etilishicha, ushbu modellarning birinchi namunalari laboratoriyalarda sinovdan o‘tkazilmoqda. Sinovlar umumiy texnik reglamentlar talablari asosida amalga oshiriladi, ular tormoz tizimini, ichki va tashqi shovqin darajasini, isitish va sovitish tizimlarini va boshqalarni tekshirishni o‘z ichiga oladi.

«O‘zavtosanoat» shuningdek, avtomobillar uchun yangi standartlar ishlab chiqilayotganini qo‘shimcha qildi. Ularga xizmat ko‘rsatish va kafolat shartlari, xalqaro ekologik standartlarga muvofiqligi, xavfsizlik talablari, shuningdek, yangi energiya manbalaridan foydalangan holda avtomobil akkumulyatorlarini xavfsiz qayta ishlash va utilizatsiya qilish kiradi.

Eslatib o‘tamiz, O‘zbekistondagi BYD zavodi avtomobillarning byudjet modellarini...

Markaziy bank 2024-yilning birinchi yarmida ipoteka bozoridagi holatni e’lon qildi. Bu haqda Markaziy bankning Telegram-kanalida ma’lumot e’lon qilindi.

Diagrammaga ko‘ra, ajratilgan ipoteka miqdori jami 6,88 trln soʻmni tashkil etgan. 2023-yil bilan solishtirilganda, ushbu miqdor 7 trln so‘mgacha yetgan.

Shuningdek, ipoteka olganlar soni 31,7 ming nafardan 26,2 ming nafargacha kamaygan bo‘lsa, bitta ipotekaning oʻrtacha narxi 221 mln soʻm qiymatdan 262,7 mln soʻmga ko‘tarilgan (deyarli 19%ga).

Undan tashqari, davlat dasturi 3,88 trln soʻmdan 3,67 trln soʻmgacha, ipotekani qayta moliyalash kompaniyasi 1,09 trln soʻmdan 0,85 trln soʻmgacha qisqargan. Tijoriy ipoteka ajratish esa 2,03 trln soʻmdan 2,36 trln soʻmgacha ortgan. Davlat dasturi...

2024-yil yanvar – iyun oylarida umumiy pul tushumlari 385 trln soʻmni tashkil etib, 2023-yilning mos davriga nisbatan 30 foizga oʻsdi. Bu haqda Markaziy bank axborot xizmati xabar berdi.

Ma’lum qilinishicha, umumiy pul tushumlarida terminal orqali tushumlar ulushi 2023-yil 1-yarim yilligidagi 38 foizdan 41 foizga oʻsib, uning tarkibida savdo va xizmatlar sohasidan terminal tushumlari salmogʻi 40 foizdan 45 foizga oʻsishi kuzatildi.

2024-yil yanvar – iyun oylarida banklar orqali naqd pul aylanmasi hajmi 458 trln soʻmni (naqd pul tushumlari – 227 trln soʻm, berilgan naqd pullar – 231 trln soʻm) tashkil etgani holda, 2023-yilning mos davriga nisbatan 24 foizga oshdi.

Banklarga...

2024-yil iyun oyida Rossiya O‘zbekistondan 1,7 ming tonna olma import qildi, deb xabar berdi «TASS».

Turkiya Rossiya bozoriga asosiy olma yetkazib beruvchiga aylandi, eksport hajmi — 9,7 ming tonna, undan keyin Janubiy Afrika Respublikasi va Serbiya – mos ravishda 7,2 va 6,4 ming tonna. To‘rtinchi o‘rinda 4,2 ming tonna bilan Xitoy joylashgan. O‘zbekiston beshinchi o‘rinni egalladi.

Hammasi bo‘lib, iyun oyida Rossiya Federatsiyasi chet eldan 42 ming tonna olma sotib oldi, yillik o‘sish 1,8 baravarga etdi.

Avvalroq «Kursiv» 2024-yilning yanvar – may oylarida O‘zbekiston meva-sabzavot eksportini 10 foizga oshirgani haqida yozgan edi. Asosiy...

Birlashgan Millatlar Tashkilotining «Dunyo aholisining 2024-yilga bo‘lgan istiqbollari» hisobotiga ko‘ra, O‘zbekiston aholisi 2100-yilning yanvariga borib 74,2 mln kishiga ko‘payadi. Joriy yil boshida bu ko‘rsatkich 36 mln edi.

BMT 2100-yil 1-iyulda O‘zbekiston aholisining o‘rtacha yoshi 39 yoshni tashkil etishini taxmin qilmoqda. Bu davrga kelib O‘zbekistonda 36,8 mln ayol va 37,4 mln erkak istiqomat qilishi kutilmoqda.

Statistika agentligi ma’lumotlariga koʻra, joriy yilning 15-iyul holatiga OʻzRning doimiy aholisi soni 37,1 mln kishidan ortiqni tashkil qildi. BMT esa 2025-yil 1-iyulgacha O‘zbekiston aholisi soni 37 milliondan oshishini kutgan.

Avvalroq «Kursiv» O‘zbekiston o‘rtacha daromadi pastroq davlatlar toifasida qolganini e’lon qilgan edi.

Oʻzbekistonda joriy yilning iyun-iyul oylarida pomidor (-64,3 foiz), banan (-31,9 foiz) va bodring (-31,1 foiz) mahsulotlarining narxi arzonlashdi. Bu haqda Makroiqtisodiy va hududiy tadqiqotlar instituti (MHTI) xabar berdi.

Qayd etilishicha, MHTI mutaxassislari tomonidan Toshkent shahridagi yirik supermarketlarda 21 nomdagi oziq-ovqat mahsulotlari narxining oʻzgarishi koʻrib chiqildi.

Monitoring natijalari 12 xil mahsulot boʻyicha minimal narxlar oʻtgan oydagiga nisbatan pasayganini koʻrsatdi. 9 nomdagi mahsulotning eng past narxi oʻzgarishsiz qolgan. Guruch, bugʻdoy uni, shakar shular jumlasidan.

Ma’lumot uchun, tahlil 13-iyun va 11-iyul kunlari oʻtkazilgan monitoring ma’lumotlari asosida qilindi.

Avvalroq «Kursiv» Oʻzbekistonda meva-sabzavot narxining pasayishi fonida deflyatsiya qayd etilgani haqida xabar bergan edi.