Yangiliklar

O‘zbekistonda IT sohasining eksport geografiyasi 78 mamlakatga kengayib, IT-kompaniyalar soni 936 taga yetdi. Bu haqda IT Park Uzbekistan ma’lum qildi.

Unga ko‘ra, 2023-yilga nisbatan 170 foizga oshgan eksportchi kompaniyalar, kuchli startap ekotizimi va infratuzilma rivojlanishi hisobiga mamlakat Markaziy Osiyo yetakchisiga aylandi.

Yangi 434 nafar eksportchi rezidentlardan 223 tasi IT-xizmatlar ko‘rsatish bilan shug‘ullanadi, 190 tasi autsorsing va 21 tasi kreativ sanoatda faoliyat yuritadi. Hududlarda IT-xizmatlar eksporti 374 foizga o‘sgan. Toshkent, Samarqand va Jizzax viloyatlari eng namunali hududlar hisoblanadi.

Shuningdek, Zero Risk dasturi orqali 570 ta yangi ish o‘rni tashkil etildi. O‘zbekistonning 2024-yil 3-choragidagi umumiy eksport hajmining 45 foizi Shimoliy Amerika...

Joriy yil 31-oktabr holatiga ko‘ra, 5 grammlik oltin quymalarining narxi 5 mln 893 ming so‘mni tashkil etdi. Bu haqda Markaziy bank axborot xizmati xabar berdi.

Unga ko‘ra, oltin quymalarining narxi oy boshida 5 mln 616 ming so‘mni tashkil etgan bo‘lsa, oktabr oyi yakuniga kelib esa 277 ming so‘mga yoki sal kam 5 foizga o‘sdi.

Regulyator xizmati taqdim etgan ma’lumotlarga ko‘ra, joriy yil 3-yanvar holatida oltin quymalarining narxi 4 mln 239 ming so‘mni tashkil qilgan. Yil boshidan buyon oltin quymalarining narxi 1 mln 654 ming so‘mga yoki 39 foizga...

Tovarlarni elektron platformalar orqali sotayotgan tadbirkorlar uchun foyda va aylanma soligʻi stavkasini oshirish rejalashtirilgan. Bu haqda Iqtisodiyot va moliya vazirligi tomonidan 2025–2027-yillarga moʻljallangan Budjetnomada maʼlum qilindi.

Taʼkidlanishicha, daromad soligʻi 7,5 foizdan 10 foizga, aylanmadan esa 2 foizdan 3 foizga oshadi.

Bundan tashqari, JSTning subsidiyalar va kompensatsiya choralari toʻgʻrisidagi bitimiga muvofiq tovar va xizmatlar eksportidan olingan daromadlar uchun soliq imtiyozlarini bekor qilish koʻzda tutilgan.

Avvalroq Kursiv Uzbekistan yer va mol-mulk soligʻi boʻyicha toʻlangan soliqlar 39 foizga oshgani haqida xabar bergan edi.

Tojikiston huquq-tartibot idoralari Grand Theft Auto (GTA) va Counter Strike o‘yinlarini kompyuter klublarida tarqatishni taqiqladi. Bu haqda Sputnik axborot agentligining mahalliy byurosi xabar berdi.

Mamlakatda ushbu o‘yinlarga oid videolarni tarqatish va namoyish etish ham cheklandi.

«Ayrim yoshlar muntazam ravishda ularga (oʻyinlar — Tahr.) berilib, salbiy ta’sirga tushib, turli jinoyatlarga qoʻl urmoqda», – deydi mamlakat IIV.

Avvalroq Kursiv Uzbekistan NAVI sport jamoasining sobiq a’zosi Akbar Bo‘tayev (SoNNeikO) Dota 2 o‘yinida O‘zbekiston terma jamoasi safiga qo‘shilgani haqida yozgan edi.

AQSh G‘aznachilik departamenti O‘zbekistonning Uzstanex va The Elite Investment Group kompaniyalariga qarshi sanksiyalar joriy qildi. Bu haqda departament matbuot xizmati ma’lum qildi.

Unga ko‘ra, sanksiyalar Rossiya harbiy-sanoat kompleksiga aloqador 275 dan ortiq shaxs va tashkilotga qaratilgan.

Ma’lumot uchun, Uzstanex 2018-yilda mexanik mashinalar ulgurji savdosi bilan shug‘ullanish maqsadida tashkil etilgan bo‘lib, asoschisi Vasiliy Vitalievich Abramovdir. The Elite Investment Group esa 2024-yilda tashkil etilgan bo‘lib, u Rossiya kompaniyalariga mahsulotlar yetkazib berish bilan shug‘ullangan.

Eslatib oʻtamiz, fevral oyida AQSh Davlat departamenti Toshkentda joylashgan Polar Star Logistics transport kompaniyasini ham sanksiyalar roʻyxatiga kiritgan.

Avvalroq Alisher Usmonov rossiyalik ishbilarmonlarga nisbatan sanksiya rejimi...

Bugun, 31-oktabr kuni Toshkentning Yunusobod, Bektemir va Olmazor tumanlarida elektr ta’minoti vaqtincha oʻchiriladi. Bu haqda «Toshkent shahar elektr tarmoqlari» axborot xizmati xabar berdi.

Unga koʻra, Yunusobod tumanining «Iftixor» hamda «Naqshbandiy» MFY hududlarida soat 12:00 dan 18:00 gacha elektr ta’minotidan oʻchiriladi.

Shuningdek, Bektemir tumanining «Nurli yoʻl», «Musaffo» hamda «Sohil» MFYning ayrim hududlarida soat 10:00 dan 14:00 gacha, Olmazor tumanining «Ahil», «Moyariq», «Yangi Toshkent», «Gulzor», «Chuqursoy», «Oltinsoy», «Islom ota» hamda «Shifokorlar» MFY hududlarida esa soat 09:00 dan 15:30 gacha elektr energiyasi boʻlmaydi.

«Toshkent shahar elektr tarmoqlari» mazkur holat ta’mirlash ishlari tufayli yuz berganini ma’lum qildi.

Avvalroq Kursiv Uzbekistan chiqindidan qarzdorlik uchun...

Sharqiy Ispaniyadagi Valensiya mintaqasiga kuchli yomg‘ir yog‘di. Bu esa zamonaviy tarixdagi eng halokatli suv toshqiniga olib keldi. Bu haqda Reuters agentligi xabar berdi.

Talafot oqibatida bino va ko‘priklar zarar ko‘rgan, shuningdek, kamida 95 kishi halok bo‘lgani ma’lum qilindi.

Ma’lum qilinishicha, seshanba kuni sakkiz soat ichida Valensiyaning ba’zi hududlariga bir yillik me’yorda yog‘ingarchilik yog‘di. Ispaniyadagi barcha sitrus mevalarining uchdan ikki qismi yetishtiriladigan qishloq xo‘jaligi yerlari va yo‘llar suv ostida qoldi.

Mamlakatning boshqa qismlarida, masalan, Andalusiyaning janubida ham suv toshqinlari kuzatildi.

Eslatib o‘tamiz, avvalroq Kursiv Uzbekistan Nepalda suv toshqinlari sabab 148 kishi halok bo‘ldi va 59 kishi bedarak...

Koreya Xalq Demokratik Respublikasi (KXDR) 31-oktabr, payshanba kuni ertalab uzoq masofali ballistik raketani uchirdi. Bu haqda Reuters agentligi xabar berdi.

Janubiy Koreya tomonining ma’lumotlariga ko‘ra, uchirish mahalliy vaqt bilan soat 7:10 da amalga oshirilgan. Keyinroq snaryad Yaponiyaning eksklyuziv iqtisodiy zonasidan tashqaridagi Yapon dengiziga tushgan. Vayronalar haqida ma’lumot yo‘q.

Janubiy Koreya harbiylari KXDR uzoq masofali raketani uchirganini ma’lum qildi. Yaponiya bayonotiga ko‘ra, snaryadning uchish balandligi yetti ming kilometrni tashkil etgan, bu rekord ko‘rsatkichdir.

Avvalroq Kursiv Uzbekistan Shimoliy Koreya Janubiy Koreyaga olib boradigan yo‘llarni portlatgani haqida yozgan edi.

Rossiya parlamentining quyi palatasi – Davlat dumasi noqonuniy migratsiyani tashkil etganlik uchun jazolarni kuchaytirish to‘g‘risidagi qonunni qabul qildi. Endilikda bu huquqbuzarlik guruh tomonidan sodir etilgan taqdirda o‘ta og‘ir jinoyat sifatida baholanadi. Bu haqda «Kommersant» nashri xabar berdi.

Mazkur moddani buzganlik uchun sakkiz yildan 15-yilgacha ozodlikdan mahrum qilish va uch milliondan besh mln rublgacha (395 milliondan 659 mln soʻmgacha) jarima solish jazosi belgilangan.

Shuningdek, Rossiyada hujjatlarni soxtalashtirish yoki xizmat mavqeyidan foydalanib, noqonuniy migratsiyani tashkil etish uchun jazo kuchaytirildi. Buning uchun besh yildan 10-yilgacha ozodlikdan mahrum qilish jazosi belgilangan.

Bundan tashqari, rossiyalik deputatlar soʻnggi Davlat dumasi majlisida migratsiya siyosati sohasida yana...

31-oktabr kuni respublikada yog‘ingarchilik kuzatilmaydi. O‘rtacha havo harorati 13-18 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo biroz bulutli bo‘ladi, biroq yomg‘ir yog‘maydi. Kunduzi havo 18-darajagacha ko‘tariladi, kechga kelib 4-6 daraja iliq bo‘ladi.

Tog‘li hududlarda ham yog‘ingarchilik kutilmaydi. Kunduzi harorat 5-10 daraja iliq, kechasi esa 3 daraja sovuq bo‘ladi.

Ispaniyada kuzatilgan 28 yil ichidagi eng kuchli yog‘ingarchilik mamlakatning janubiy va sharqiy qismida yirik suv toshqinini keltirib chiqardi. Bu haqda CNN axborot agentligi ma’lum qildi.

Unga ko‘ra, Valensiya mintaqaviy hukumati suv toshqini oqibatida kamida 62 kishi halok bo‘lganini xabar berdi. Shuningdek, toshqin binolarni qoplab olgan, magistral yo‘llarni ham ancha yaroqsiz holga keltirgan. Mikroavtobuslar, avtomashinalar va axlat qutilari binolarning birinchi qavatiga to‘planib qoldi.

Ispaniya bosh vaziri Pedro Sanches chorshanba kuni uning hukumati suv toshqini qurbonlariga yordam berish uchun barcha zarur choralarni ko‘rishini aytdi.

Ispaniya mudofaa vaziri Margarita Robles suv toshqinini «misli ko‘rilmagan hodisa» deb ta’rifladi. Uning aytishicha, 1000 dan ortiq...

Oʻzbekistonning IT jamoasi bolalarda autizm xavfini aniqlashga yordam beruvchi «Bolajonim» loyihasi bilan TechWomen dasturi gʻolibiga aylandi. Bu haqda Raqamli texnologiyalar vazirligi matbuot xizmati ma’lum qildi.

Unga ko‘ra, o‘zbekistonlik jamoa tarkibi loyiha menejeri Natalya Ni, ekologiya bo‘yicha maslahatchi Dinara Rustami, texnik mahsulot menejeri Shohista Ergasheva, hamkorlik bo‘yicha menejer Ra’no Sidiqova va loyiha menejeri Dilbar Umarovalardan iborat.

«Bolajonim» loyihasi ota-onalarga autizm xavfini erta aniqlash bilan birga, Telegram orqali M-CHAT-R/F metodi bilan qulay skrining qilishda ham yordam beradi.

Loyiha doirasida pediatrlar bilan hamkorlik qilish va raqamli platforma orqali skrining uslublarini joriy etish, mutaxassislar bilan aloqa oʻrnatish borasidagi rejalar ko‘zda tutilmoqda. Bu, albatta...

Saida Mirziyoyeva Qatar sobiq amirining qizi Shayx Ol-Mayassa bint Hamad bin Xalifa Ol Soniyning taklifiga binoan Marokashda «Fashion Trust Arabia» mukofotlarini topshirish marosimida ishtirok etdi. Bu haqda Mirziyoyeva o‘z Telegram sahifasida ma’lum qildi.

«Marosimda qatnashish moda sohasining yetakchi vakillari bilan uchrashish va eng iqtidorli dizaynerlarga mukofotlar topshirilishining guvohi bo‘lish imkonini berdi», – deydi Saida Mirziyoyeva.

Mirziyoyeva Marokash malikasi Lalla Hasnaga mehmondo‘stligi uchun, Shayx Ol-Mayassa bint Hamad bin Xalifa Ol Soniyga esa taklif uchun o‘z minnatdorligini bildirgan.

Eslatib o‘tamiz, avvalroq Saida Mirziyoyeva BMT vakili bilan Orolbo‘yi mintaqasini rivojlantirish masalalarini muhokama qilgani haqida yozgan edik.

«Uzbekistan Airways» milliy aviakompaniyasi 17-noyabrdan boshlab Toshkentdan Urumchiga parvozlar sonini haftasiga toʻrt martagacha oshiradi. Bu haqda kompaniya matbuot xizmati ma’lum qildi.

Unga ko‘ra, seshanba va juma kunlaridan tashqari haftaning dam olish kunlari ham parvozlar amalga oshiriladi.

Ekonom-klass yo‘lovchilari uchun chipta narxi 6,9 mln so‘mdan boshlanadi.

Oʻzbekiston aviatashuvchisi 2023-yil yozida Urumchiga parvozlarni qayta tikladi. Ikki shahar oʻrtasidagi aviaqatnovlar koronavirus pandemiyasi tufayli toʻxtatilgan edi.

Eslatib o‘tamiz, avvalroq Uzbekistan Airways Xanchjouga to‘g‘ridan-to‘g‘ri aviaqatnovni yo‘lga qo‘ygani haqida yozgan edik.

2025-yildan boshlab Isroil Birlashgan Millatlar Tashkilotining Yaqin Sharqdagi Falastinlik qochqinlarga yordam ko‘rsatish agentligining (UNRWA) mamlakatdagi faoliyatiga taqiq qo‘ydi, deb xabar berdi DW.

Isroil rasmiylari agentlikni Falastindagi guruhlari bilan hamkorlikda bir necha bor ayblagan. Isroil razvedkasi maʼlumotlariga koʻra, 2023-yil oktabr oyida Hamas hujumida UNRWA’ning taxminan 12 nafar xodimi ishtirok etgan boʻlishi mumkin.

AQSh Davlat departamenti vakilli UNRWA taqiqidan xavotirda ekanligini aytdi. O’z navbatida, Buyuk Britaniya Tashqi ishlar vazirligi tashkilotga taqiq qo’yilganidan «chuqur taassuf» bildirdi.

Isroilning G‘azo sektorida harbiy amaliyoti boshlanganidan beri 41,5 mingga yaqin falastinlik halok bo‘ldi. Ularning aksariyati tinch aholi vakillari.

UNRWA...

«Hududiy elektr tarmoqlari» AJ ijtimoiy tarmoqlarda 1-noyabrdan chiqindini olib chiqib ketish uchun qarzi bor abonentlar elektr energiyasidan uzilishi haqida xabarlarni rad etdi.

Qayd etilishicha, oktabrdan boshlab «Hududiy elektr tarmoqlari» iste’molchilarga chiqindilarni olib chiqish uchun qarzdorlik mavjud bo‘lsa, SMS-xabar yuborishni boshlagan edi.  

Shuningdek, jamiyat hozirgi vaqtda chiqindilarni olib chiqib ketish bo‘yicha qarzini to‘lamagan iste’molchilardan to‘lovlarni qabul qilishni vaqtincha cheklash tizimini ishga tushirish bo‘yicha texnik ishlar olib borilayotganini ma’lum qildi.

«Shu о‘rinda chiqindidan qarzdor iste’molchilar elektr energiyasidan uzilishi haqidagi xabarlar mutlaqo asossiz ekanini ma’lum qilamiz», – deyiladi xabarda.

Avvalroq Kursiv Uzbekistan ehtiyojmand oilalarga gaz...

30-oktabr kuni O‘zbekiston Respublika valyuta birjasida dollarning rasmiy narxi 10,63 so‘mga pasaydi va 12 774,34 so‘mni tashkil qildi.

Banklar ushbu valyutani 12 720 – 12 765 so‘mdan xarid qilishmoqda va 12 790 – 12 845 so‘mdan sotishmoqda.

Eslatib o‘tamiz, 29-oktabr kuni dollarning narxi qariyb 10 so‘mga pasaygan edi.

O‘zbekistonda mobil aloqa uchun aksiz solig‘ini kelasi yildan bekor qilish rejalashtirilmoqda. Bu tashabbus 2025–2027-yillarga mo‘ljallangan budjetnomada qayd etildi.

Avvalroq 2023-yilda aksiz solig‘ini bekor qilish rejalashtirilgan edi, biroq keyinchalik uni saqlab qolishga qaror qilindi. Joriy yil boshida aloqa uchun aksiz solig‘i stavkasi 10 foiz darajasida edi.

Avvalroq «Kursiv» O‘zbekistonda gazsiz ichimliklarga aksiz solig‘i joriy etishmoqchi ekani haqida yozgan edi.

Oʻzbekistonda darsliklar ijarasi uchun toʻlovlar qaytarilishi mumkin. Bu haqda Iqtisodiyot va moliya vazirligi tomonidan 2025–2027-yillarga moʻljallangan Budjetnomada maʼlum qilindi.

Unda keltirilishicha, keyingi oʻquv yilidan boshlab, 2–11-sinf oʻquv materiallari uchun ijara haqini qaytarish rejalashtirilgan. Ijara narxi 80 ming soʻm boʻlishi kutilmoqda.

Ushbu to‘lovlar hisobiga shakllangan 376,6 mlrd so‘m mablag‘lar har yili o‘quvchilarni mashq daftarlari bilan taʼminlash xarajatlarining bir qismini qoplashga yo‘naltiriladi.

«Darsliklar va mashq daftarlarining toʻliq davlat byudjeti hisobidan chop etilishi ota-onalar masʼuliyati pasayib ketishi va darsliklarga nisbatan eʼtiborsiz munosabatda boʻlish holatlarini keltirib chiqarmoqda», — deyiladi loyihasida.

Eslatib oʻtamiz, respublikada 2022-yilda darsliklar uchun ijara toʻlovi bekor qilingan edi.

Toshkent va Samarqand viloyatida bir necha shaxslar tomonidan fuqarolarni chet mamlakatga ishga yuborishni va’da qilib, firibgarlik yo‘li bilan moddiy boylik orttirgan shaxslar ushlandi. Bu haqda Bosh prokuratura departamenti matbuot xizmati xabar berdi.

Samarqand viloyatida bir necha shaxslar fuqaroni Amerikaga ishga yuborish uchun $18 ming miqdorda xarajat qilganligini ta’kidlab, fuqaroning uy-joyini firibgarlik yo‘li bilan rasmiylashtirib olishga erishgani aniqlandi.

Viloyatda yuz bergan yana bir holatda esa G‘allaorol tumanida ilgari firibgarlik va boshqa jinoyatlar uchun sudlangan shaxs fuqaroni Koreyaga ishga yuborish evaziga $12,6 ming pul mablag‘ini firibgarlik yo‘li bilan qo‘lga kiritgan.

Shuningdek, Toshkent shahri Yashnobod tumanida ham shu kabi...

«Toshkent Invest» kompaniyasi 2024-yil 31-oktabrdan boshlab Toshkentga to‘rtta kirish darvozasining eskiz konsepsiyasini yaratish bo‘yicha xalqaro tanlovni boshlaydi. Bu haqda poytaxt hokimligi xabar beradi.

Yangi darvozalar eskizlari Toshkentning Roxat, Bektemir, Erkin va Uchqahramon postlari uchun ishlab chiqiladi. Arizalarni qabul qilish 2024-yil 7-noyabrga belgilangan. Finalchilar 11-noyabr kuni, g‘olib esa 30-noyabr kuni e’lon qilinadi.

Tanlov barcha uchun, ya’ni o‘zbek va xorijiy ishtirokchilar uchun ochiq. Ishtirokchilar o‘zbek mutaxassislarini jalb qilgan holda jamoalar tuzishlari mumkin.

Arizalarni info@tashkentinvest.com elektron pochta manziliga yuborish mumkin. Tanlov g‘oliblari pul mukofoti bilan taqdirlanadi. Birinchi o‘rin uchun 100 mln so‘m, ikkinchi o‘rin uchun 50 mln so‘m va uchinchi o‘rin uchun...

Istanbul — Toshkent yo‘nalishi bo‘yicha parvozga chiqqan havo kemasi Anqarada favqulodda qo‘nishni amalga oshirdi. Bu haqda Uzbekistan Airways axborot xizmati xabar berdi.

Qayd etilishicha, HY282 reysi jadvalga muvofiq Istanbuldan Toshkentga parvozga chiqqan va parvoz vaqtida yo‘lovchi o‘zini yomon his qilgani sababli samolyot Anqara xalqaro aeroportiga qo‘ngan.

«Havo kemasi Anqaraga Toshkent vaqti bilan 10:12 da qo‘ndi. Shundan so‘ng, tibbiy xizmatlar yo‘lovchini reysdan tushirib, tibbiyot muassasasiga yetkazdi. Aviakompaniya samolyoti Anqaradan Toshkent vaqti bilan 13:20 da uchib ketdi. Toshkent xalqaro aeroportiga 16:10 da yetib kelishi kutilmoqda», — deyiladi xabarda.

Eslatib o‘tamiz, avvalroq Kursiv Uzbekistan...

Oʻzbekiston va Turkmaniston kelasi yildan boshlab yuk tashuvchilardan paritet asosida toʻlov undirishga kelishib oldi. Bu haqda Transport vazirligi matbuot xizmati xabar berdi.

Ushbu kelishuvga joriy yilning 29- oktabr kuni Buxoro shahrida O‘zbekiston va Turkmaniston transport idoralari mutasaddi rahbarlari ishtirokida o‘tkazilgan uchrashuvda erishildi.

Bundan tashqari, Toshkent va Ashxobod yuk tashish muammolarini tezkor hal qilish uchun ishchi guruh tuzish hamda E-permit elektron hujjat almashinuvini joriy etishni ham rejalashtirmoqda.

Eslatib o‘tmiz, avvalroq «Kursiv» Oʻzbekiston va Qozogʻiston transportda yuk tashish hajmini 1,8 million tonnaga yetkazgani haqida xabar qilgan edi.

2024-yil 29-oktabr kuni Farg‘ona viloyati hokimi Xayrullo Bozarov qaroriga ko‘ra, viloyat shaharlari jamoat transportida yo‘lkira narxi bir nafar yo‘lovchi uchun 3 ming so‘m etib belgilandi. Bu haqda viloyat hokimligi matbuot xizmati xabar berdi.

Qarorga ko‘ra, elektron tizimlar (transport kartasi, ATTO, bank kartalari) orqali to‘lov amalga oshirilganda, yo‘lkira narxi bir nafar yo‘lovchi uchun 2,4 ming so‘mni tashkil etadi. Yo‘nalishli taksilarda (mikroavtobuslarda) esa yo‘lkira 4 ming so‘m qilib belgilandi.

Avvalroq Kursiv Uzbekistan Samarqandda avtobus va tramvayda yo‘lkira narxi ko‘tarilgani haqida yozgan edi.