Yangiliklar

Xitoyda yangi Jetour Shanhai L7 Plus avtomobili savdoga chiqarildi. Avval narxi 200 ming yuan atrofida bo‘lishi kutilgan edi, biroq boshlang‘ich narx 129,9 ming yuan ($18 ming) etib belgilandi.

Model oltita komplektatsiyada taqdim etildi. Birinchi ikkisi 5 o‘rinli, qolganlari esa 7 o‘rinli. Eng qimmat versiya narxi 179,9 ming yuanga teng. O‘lchamlari 4810×1930×1705 mm, g‘ildirak bazasi 2820 mm. Bu mashina Geely Mojaro bilan taqqoslanadi. Disk diametri 19 yoki 20 dyuym.

Salon jihozida 15,6 dyuymli ekranli media tizim, 12 dinamikli akustika, 50 vattli simsiz quvvatlash mavjud. Shuningdek, avtomobil ikkita sovitkich bilan ta’minlangan – biri podlokotnikda, ikkinchisi 20 litr hajmda yukxonada. Barcha o‘rindiqlar...

Hyundai kompaniyasi Xitoy bozorida to‘rtta mashina modeliga katta chegirma e’lon qildi. Elantra, Sonata, Tucson L va Custo avtomobillari avgust oxirigacha arzonlashtirilgan narxlarda sotiladi.

Ma’lum qilinishicha, eng katta chegirma 27 ming yuanga teng. Hyundai Elantra 18 ming yuan arzonlashib, endi 69,8 ming yuanga ($9,6 ming) sotilmoqda. Sonata esa 19 ming yuan chegirma bilan 115,8 ming yuanga ($16 ming) tushdi.

Eng katta chegirma Tucson L krossoveriga qo‘yilgan bo‘lib, 27 ming yuanni tashkil etadi. Mashina narxi $16 mingga teng. Hyundai Custo miniveni esa 26 ming yuan arzonlashib, 139,8 ming yuanga ($19,3 ming) taklif qilinmoqda. Chegirmalarga davlat subsidiyasi ham qo‘shilgan.

Eslatib o‘tamiz, Kursiv...

Xiaomi prezidenti Lu Veybing yangi Redmi Note 15 Pro+ smartfonining mustahkamligini namoyish etdi. Bu haqda ITHome xabar bermoqda.

U telefonni turli hajmdagi bolg‘alar bilan urib ko‘rdi va 1,8 metr balandlikdan tushirishni sinovdan o‘tkazdi. Natijada ekranda hatto tirnalish ham kuzatilmadi.

Smartfon Xiaomi Dragon Crystal flagman oynasi bilan himoyalangan. Bu texnologiya ilgari Xiaomi 14 seriyasida qo‘llangan edi. Orqa panel esa egilishga chidamli maxsus shishavolokondan yasalgan bo‘lib, qurilmani yengil va mustahkam qilgan. Xiaomi ma’lumotiga ko‘ra, model 10 baravar ko‘proq zarbaga bardosh bera oladi.

Rasmiy sinovlarda Note 15 Pro+ 2 metr balandlikdan granitga 50 marta tashlanganda ham butunligicha qolgan. Yangi Note 15 seriyasining...

Qozog‘iston prezidenti Qosim-Jomart Toqayev Oliy Majlis Senati raisi Tanzila Norboyevani II darajali «Do‘stlik» ordeni bilan taqdirladi. Bu haqda Senat matbuot xizmati ma’lum qildi.

Toqayev senatorning ikki xalq o‘rtasidagi do‘stlik, yaxshi qo‘shnichilik va parlamentlararo aloqalarni mustahkamlashdagi xizmatlarini yuksak baholadi.

Tanzila Norboyeva samimiy qabul uchun minnatdorlik bildirib, Shavkat Mirziyoyevning salomini yetkazdi hamda O‘zbekiston va Qozog‘iston o‘rtasidagi hamkorlikni yanada rivojlantirishga doimo hissa qo‘shishga tayyor ekanini ta’kidladi.

Eslatib o‘tamiz, avvalroq Mirziyoyev 112 nafar ishbilarmonni «Faol tadbirkor» ko‘krak nishoni bilan taqdirlagan edi.

Ijtimoiy tarmoqlarda tarqalgan o‘limga olib keluvchi muzqaymoq haqidagi video asossiz ekani ma’lum qilindi. Bu haqda Sanepidqo‘mita xabar berdi.

Qo‘mita so‘nggi yillarda O‘zbekistonda muzqaymoq iste’moli bilan bog‘liq zaharlanish yoki og‘ir salbiy holatlar qayd etilmaganini qayd etdi.

Mamlakatda ishlab chiqarilayotgan barcha muzqaymoqlar tegishli tashkilotlar nazorati ostida bo‘lib, laboratoriya sinovlaridan o‘tkaziladi. Shuningdek, O‘zbekiston oziq-ovqat xavfsizligi bo‘yicha xalqaro standartlarga amal qiladi.

Mutasaddilar fuqarolardan yolg‘on xabarlarga ishonmaslikni va faqat rasmiy manbalarga tayanishni so‘ramoqda. Muzqaymoqni faqat sertifikatlangan savdo shoxobchalaridan xarid qilish tavsiya etiladi.

Avvalroq «Kursiv» nashri O‘zbekiston yarim yilda ikki ming tonnaga yaqin muzqaymoq import qilgani haqida yozgandi.

Rossiya va O‘zbekiston qiymati qariyb $3,5 mlrdga teng loyihalarni amalga oshirish ustida ishlamoqda. Bu haqda Rossiya eksport markazi vakolatxonasi rahbari Pavel Buxanov Kursiv Uzbekistan muxbiriga ma’lum qildi.

Tomonlar 40 dan ortiq mintaqalararo kelishuvlarni amalga oshirmoqda. 2023-yildan buyon respublikada Rossiya ishtirokidagi yuridik shaxslar soni 3 mingdan oshdi.

Rossiya O‘zbekistonda ishlab chiqarish yoki vakolatxona ochgan xorijiy davlatlar orasida birinchi o‘rinda turadi. 2023-yilda Tatariston bilan hamkorlikda tashkil etilgan Chirchiq texnoparki ish boshlagan bo‘lib, uning hududlari to‘liq band etilgan, yangi maydonlarni o‘zlashtirish ishlari davom etmoqda.

Shuningdek, Navoiy viloyati va Samarqandda ham shunday zonalarni tashkil qilish rejalashtirilmoqda.

Eslatib o‘tamiz, avvalroq Rossiya korxonasi 100 nafar o‘zbekistonlikni...

Uzcosmos va BMT qurg‘oqchilikni monitoring qilish tizimini yaratmoqda. Bu haqda agentlik axborot xizmati xabar berdi.

Global iqlim o‘zgarishi oqibatida Markaziy Osiyo, jumladan, O‘zbekistonda ham qurg‘oqchilik xavfi ortib bormoqda. Bu jarayon hosildorlikning kamayishi, chorva yo‘qotilishi va aholining yashash sharoitiga salbiy ta’sir ko‘rsatishi mumkin.

Shu sababli Uzcosmos agentligi BMTning Osiyo va Tinch okeani uchun iqtisodiy va ijtimoiy komissiyasi (UNESCAP) bilan hamkorlikda qurg‘oqchilikni monitoring qilish tizimini ishlab chiqmoqda. Tizim sun’iy yo‘ldosh ma’lumotlariga asoslanib, tuproq namligi, ekinlar holati va suv havzalari bo‘yicha tezkor kuzatuvlarni olib boradi.

Loyiha 2025-yil may oyida ishga tushirilgan bo‘lib, O‘zbekiston, Qirg‘iziston va Tojikiston hududlarini qamrab oladi. Mutaxassislarning ta’kidlashicha, kosmik...

Bugun, 19-avgust kuni Azerbaijan Airlines aviakompaniyasining Toshkent – Boku yoʻnalishidagi J2-532 reysi noma’lum muddatga qoldirildi. Bu haqda Uzbekistan Airports xabar berdi.

Reys qoldirilishiga texnik nosozliklar sabab bo‘lgan. Aviakompaniya ma’lumotiga koʻra, yoʻlovchilar vaqtincha mehmonxonalarga joylashtirilmoqda. Parvozning yangi vaqti hozircha belgilanmagan.

Kompaniya batafsil ma’lumot olish uchun aviakompaniya vakillariga murojaat qilishni tavsiya etmoqda.

Avvalroq Kursiv Uzbekistan Toshkent – Moskva reyslari vaqti yana o‘zgargani haqida yozgandi.

Bo‘ka tumandagi 12 512 ta xonadon va 267 ta yirik iste’molchiga tabiiy gaz yetkazib berish vaqtincha to‘xtatildi. Bu haqda Energetika vazirligi ma’lum qildi.

Unga ko‘ra, 18-avgust kuni soat 21:40 da tuman hududidan o‘tgan yuqori bosimli yerosti gaz quvuriga ekskavator shikast yetkazgani uzilish sababiga aylangan.

Gaz ta’minoti korxonasi mutaxassislari hozirda quvurni ta’mirlash ishlarini olib bormoqda. Ishlar yakunlangach tumandagi barcha iste’molchilarga gaz yetkazib berish qayta tiklanadi.

Aholidan gaz uzilishi vaqtida xavfsizlik qoidalariga qat’iy rioya etish va gaz jihozlaridan ehtiyotkorlik bilan foydalanish so‘ralmoqda.

Eslatib o‘tamiz, avvalroq poytaxtdagi Shuhrat chorrahasidan Chilonzor metrosigacha bo‘lgan yo‘l 13 kunga yopilgan edi.

Tijorat banklari 19-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi. 

Shimoliy Koreya yetakchisi Kim Chen In mamlakat yadroviy arsenalini tezlik bilan kengaytirish zarurligini ta’kidladi. Bu haqda Reuters agentligi ma’lum qildi.

U AQSh – Janubiy Koreya qo‘shma harbiy mashg‘ulotlarini «urushga ochiqcha undov» deb baholadi.

Janubiy Koreya va AQSh bu hafta 11 kunlik Ulchi Freedom Shield mashqlarini boshladi. Pxenyan odatdagidek bu mashg‘ulotlarni bosqin tayyorgarligi sifatida ko‘rsatmoqda.

AQSh prezidenti Donald Tramp va Janubiy Koreya rahbari Li Jae Myungning yaqinlashib kelayotgan sammitida Shimoliy Koreyaning yadroviy dasturi muhokama qilinishi kutilmoqda.

Mutaxassislarning fikricha, Pxenyan denuklearizatsiyaga rozi bo‘lish niyatida emas va yadroviy qurollarni qaytarilmas darajada kuchaytirishga intilmoqda.

Eslatib o‘tamiz, avvalroq Janubiy Koreya sobiq prezidentining rafiqasi hibsga...

Hamas Isroil bilan 60 kunlik sulhga rozi bo‘ldi. Bu haqda Reuters agentligi ma’lum qildi.

Rejaga ko‘ra, garovdagilarning yarmi ozod qilinadi, buning evaziga Isroil bir guruh falastinlik mahbuslarni qo‘yib yuboradi. Muzokaralarda Misr, Qatar va AQSh vositachilik qilmoqda.

Isroil bu taklifga hali rasmiy javob bermagan. Shu bilan birga, G‘azoda janglar davom etmoqda va Isroil tanklari Sabra tumaniga kirgani xabar qilindi. Hududda tinch aholi orasida ham talafotlar ortmoqda.

Ma’lumot uchun, urush 2023-yil oktabrida boshlangan bo‘lib, Falastin sog‘liqni saqlash vazirligi ma’lumotiga ko‘ra, hozirga qadar 61 mingdan ortiq falastinlik halok bo‘lgan. Shu paytgacha garovdagilarning 20 nafari tirik ekani taxmin qilinmoqda.

Xalqaro hamjamiyat esa tomonlarni...

AQSh prezidenti Donald Tramp Oq uyda Ukraina rahbari Vladimir Zelenskiy bilan uchrashdi. Bu haqda Reuters agentligi xabar berdi.

Rossiya bilan urushni tugatishga qaratilgan kelishuvda AQSh Ukraina xavfsizligini kafolatlashga yordam berishini ma’lum qildi.

Zelenskiy bu va’dani «katta qadam» deb atab, yaqin 10 kun ichida hujjatlashtirilishini aytdi. Ukraina, shuningdek, AQShdan $90 mlrdlik qurol xarid qilish taklifini berdi.

Yevropa yetakchilari har qanday bevosita muzokaralardan avval sulh tuzilishini shart qilib qo‘ydi. Tramp esa janglar davom etayotganida ham tinchlik kelishuvi ustida ishlash mumkinligini ta’kidladi.

Rossiya NATO qo‘shinlarining Ukrainaga joylashtirilishini rad etdi. Shu bilan birga, yaqin ikki hafta ichida Putin va Zelenskiy uchrashuvi Vengriyada o‘tkazilishi...

Toshkent shahrida «Yangi O‘zbekiston» bog‘i hududida barpo etilgan zamonaviy mehmonxonalar majmuasi foydalanishga topshirildi. Bu haqda davlat rahbari matbuot xizmati ma’lum qildi.

Unga ko‘ra, 8 gektardan ziyod maydonda 12 ta 3 yulduzli mehmonxona, 375 o‘rinli konferensiya zali, 310 o‘rinli restoran, sog‘lomlashtirish markazi va ochiq sport maydoni tashkil etilgan.

Mehmonxonalar xalqaro tajribaga ega kompaniyalar tomonidan boshqariladi. Majmuada 540 yangi ish o‘rni yaratilib, yiliga 55 ming turistga xizmat ko‘rsatish rejalashtirilgan. Shu bilan birga, hudud infratuzilmasi yaxshilangan, aholi farovonligi oshirilgan.

Mirziyoyev xizmat turlarini kengaytirish va sifatini oshirish, mahalliy va xorijiy sayyohlarni jalb etish muhimligini ta’kidladi.

Eslatib o‘tamiz, avvalroq Toshkentda yangi futbol markazi ochilgani...

19-avgust kuni O‘zbekiston hududida havo kechasi o‘rtacha 15–20°, kunduzi esa 32–37° atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Kursiv Uzbekistan 18-avgustda sodir bo‘lgan voqealarni bitta maqolaga joyladi.

Google Avstraliyada $36 millionlik jarimaga tortildi

Avstraliya Raqobat va iste’molchilar komissiyasi (ACCC) Google’ni Telstra va Optus bilan tuzilgan «raqobatni cheklovchi» kelishuvlari uchun sudga berdi. Bu haqda Reuters agentligi ma’lum qildi.

Batafsil

O‘zbekiston va Polsha meva-sabzavot eksportida hamkorlik qiladi

O‘zbekiston elchixonasi diplomatlari Polshaning «Green Crops» xoldingi egasi Mateush Ritel va bosh direktori Adam Rujiskiy bilan hamkorlik uchrashuvi o‘tkazdi. Bu haqda «Dunyo» AA ma’lum qildi.

Batafsil

18-avgust kuni xorijiy valyutalarni qaysi banklarda qulay narxda almashtirish mumkin

Tijorat banklari 18-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

«Yangi O‘zbekiston» bog‘ida 1946 nafar yosh muhandis bir vaqtda 1946 ta kichik robotni yig‘ib, Ginnes rekordini yangiladi. Bu haqda Oliy ta’lim, fan va innovatsiyalar vazirligi ma’lum qildi.

Mazkur rekord yoshlarning ilmiy-texnik salohiyati, jamoaviy hamjihatligi va yangilikka intilishini namoyon etdi. Tadbir bayramona ruhda o‘tib, texnologiya va innovatsiyalar sohasida yoshlar uchun yangi marralarga yo‘l ochdi.

Ushbu tarixiy natija yoshlarimizning «Made in Uzbekistan» brendini mustahkamlash va mamlakatimizning texnologik salohiyatini dunyoga namoyish etish yo‘lidagi muhim qadamlardan biri bo‘ldi.

Ma’lumot uchun, avvalgi rekord Hindistonga tegishli bo‘lib, u 1456 ta robotni o‘z ichiga olgan edi.

Eslatib o‘tamiz, avvalroq Qozogʻiston milliy libosdagi odamlar soni boʻyicha Ginnes...

Apple kompaniyasi AQSh iqtisodiyotiga qo‘shimcha $100 mlrd investitsiya kiritishini e’lon qildi. Bu haqda Robotics & Automation News nashri ma’lum qildi.

Unga ko‘ra, kompaniyaning umumiy sarmoyasi keyingi to‘rt yil ichida $600 mlrdga yetadi. Bu tashabbus «Amerikaga sodiqlik» sifatida taqdim etilmoqda.

Yangi American Manufacturing Program (AMP) doirasida Apple Corning, Coherent, GlobalWafers America, Texas Instruments, Samsung va boshqa yirik kompaniyalar bilan hamkorlik qiladi. Kentukkida dunyodagi eng yirik smartfon oynasi ishlab chiqarish zavodi, Texasda esa Face ID texnologiyasida qo‘llaniladigan lazerlar ishlab chiqarish yo‘lga qo‘yiladi.

Apple, shuningdek, AQShda to‘liq mahalliy chip ishlab chiqarish zanjirini yaratishni maqsad qilmoqda. 2025-yilda 19 mlrddan ortiq chip ishlab chiqarilishi...

Kichik halqa yo‘lining Qatortol ko‘chasidan Bunyodkor shohko‘chasigacha bo‘lgan qismida kommunal quvurlar ta’mirlanayotgani sababli 18-avgustdan bir qator avtobus yo‘nalishlari vaqtincha o‘zgartirildi. Bu haqda Transport vazirligi ma’lum qildi.

Unga ko‘ra, 8, 34, 70, 99, 113, 114, 125, 131, 134, 135, 139-sonli avtobuslar Qatortol – Mehr – Bunyodkor ko‘chalari orqali harakatlanadi.

41, 48, 69, 116-sonli avtobuslar esa Qatortol-2 va Bunyodkor ko‘chalari orqali qatnaydi.

Rekonstruksiya davomida tirbandlik kuchayishi, avtobuslar harakat vaqti hamda intervali cho‘zilishi mumkin. Zarurat tug‘ilganda qo‘shimcha o‘zgarishlar kiritiladi.

Eslatib o‘tamiz, avvalroq Shuhrat chorrahasidan Chilonzor metrosigacha bo‘lgan yo‘l 13 kunga yopilgan edi.

Mustaqillik bayrami arafasida Toshkent viloyatida zamonaviy futbol majmuasi foydalanishga topshirildi. Bu haqda davlat rahbari matbuot xizmati ma’lum qildi.

Unda bir vaqtning o‘zida 6 ta terma jamoa mashg‘ulot o‘tkazishi uchun stadionlar, sport zallari, o‘quv binolari, mehmonxona, futzal maneji, plyaj futboli maydoni va reabilitatsiya bo‘limi barpo etildi.

Markazda to‘rtta muhim tuzilma – Futbol mutaxassislarini tayyorlash markazi, Terma jamoalar tayyorgarlik markazi, Respublika futbol akademiyasi hamda Sport tibbiyoti va reabilitatsiya markazi faoliyat boshladi.

Akademiyada yosh iste’dodlarni saralash va tarbiyalash xalqaro darajada yo‘lga qo‘yilgan. Buning uchun Argentina, Vengriya va Xorvatiyadan mutaxassislar jalb qilindi. Shuningdek, «VAR markazi» ham tashkil etildi.

Mirziyoyev markazda futbolchilar va sport...

Ispaniyada so‘nggi 20 yildagi eng katta yong‘inlar davom etmoqda. Bu haqda Reuters agnetligi ma’lum qildi.

Olov Pikos de Europa tog‘lariga tarqalib, mashhur «Santiago yo‘li» ziyorat marshrutining bir qismini yopishga majbur qildi.

Mudofaa vaziri Margarita Robles yong‘inlarni iqlim o‘zgarishi va uzoq davom etgan issiq to‘lqin bilan izohladi. Shu paytgacha mamlakatda 344 ming gektardan ortiq hudud yonib ketdi.

Yong‘inlarni o‘chirishga 1,9 ming nafar harbiy jalb etilgan, ammo qalin tutun samolyotlar ishini qiyinlashtirmoqda. So‘nggi haftada Galisiya va Kastiliya-Leon hududlarida 20 ga yaqin yirik yong‘inlar qayd etildi.

Olov oqibatida kamida to‘rt kishi halok bo‘lgan. Muxolifat hukumatni sustkashlikda ayblamoqda, bosh vazir esa iqlim o‘zgarishiga...

Chilonzor tumanida KHAY – Qatortol ko‘chalari chorrahasidan KHAY – Bunyodkor 2-darajali yo‘ligacha bo‘lgan qismda transport harakati 18 – 30 avgust kunlari vaqtincha cheklanadi. Bu haqda IIBB YHXB ma’lum qildi.

Unga ko‘ra, cheklovga ushbu hududdagi issiqlik tarmoqlari quvurlarini yangilash ishlari sabab bo‘lmoqda. Haydovchilardan aylanma va yondosh ko‘chalardan foydalanish so‘raladi.

Eslatib o‘tamiz, avvalroq Farg‘onaga yangi 24 ta avtobus olib kelingan edi.

Farg‘ona viloyatiga qo‘shimcha 24 ta Yutong avtobuslari olib kelindi. Bu haqda transport vazirligi xabar berdi.

«Farg‘onaavtotrans xizmat» MChJ tomonidan Xitoydan xarid qilingan yangi avtobuslar tez orada shahar yo‘nalishlarida aholiga xizmat ko‘rsatishni boshlaydi.

Hozirda Farg‘ona shahrida oltita yo‘nalishda 72 ta avtobus brutto-shartnoma asosida qatnovda. Shu bilan birga, yangi avtobuslar jamoat transporti tizimini yanada qulay va samarali qilishga xizmat qiladi.

Bundan avval Shahrisabzdan Kitobga qatnaydigan avtobuslar soni 20 taga ko‘paygani haqida yozgandik.

Qashqadaryoda yo‘lovchi tashish bilan shug‘ullanuvchi «Humoyun» korxonasi tomonidan 20 dona AsiaStar rusumli avtobuslar olib kelindi. Ular «Shahrisabz avtovokzali – Kitob shifoxonasi» yo‘nalishida harakatlanadi.

O‘zbekiston biznes muhiti indeksi besh pog‘ona yuqoriladi. Bu haqda Iqtisodiy tadqiqotlar va islohotlar markazi (ITIM) ma’lum qildi.

Tadqiqot natijalarga ko‘ra, tadbirkorlarning uchdan bir qismi biznes faoliyati yaxshilanganini qayd etgan, aksariyat ishtirokchilar esa yaqin oylarda talab va bandlik o‘sishini kutmoqda.

Umumiy biznes muhiti indeksi 52 bandni tashkil etib, o‘tgan yilga nisbatan 5 bandga yuqori ko‘rsatkich qayd etildi. Tadqiqotda qatnashgan tadbirkorlarning 37 foizi so‘nggi uch oyda faoliyati yaxshilanganini, 42 foizi mahsulot va xizmatlarga talab ortganini, 24 foizi esa ishchilar soni ko‘payganini ta’kidladi.

Yaqin kelajak bo‘yicha so‘rovda qatnashgan tadbirkorlarning 53 foizi esa ish o‘rinlari ko‘payishini, 25 foizi (har to‘rtinchi) narxlar oshishi ehtimolini...