Yangiliklar

TBC Bank endilikda mamlakatda yashayotgan chet el fuqarolari uchun ham moliyaviy xizmatlarni amalga oshiradi. Bu haqda kompaniya Kursiv’ga ma’lum qildi.

Endi norezidentlar bank kartalarini rasmiylashtirishi, omonat ochishi, pul o‘tkazmalari va boshqa xizmatlardan foydalanishi mumkin. Barcha jarayonlarning asosiy qismi onlayn amalga oshiriladi, ofisga borish talab etilmaydi.

Bank ma’lumotiga ko‘ra, norezidentlarga mavjud mijozlar kabi qulay ilova, shaffof shartlar va tezkor ro‘yxatdan o‘tish jarayoni taqdim etiladi. Mijoz bo‘lish uchun TBC UZ ilovasini yuklab olish, pasport va O‘zbekistondagi vaqtinchalik ro‘yxatni ko‘rsatish kifoya. So‘ng bank vakili shartnomani imzolash uchun mijozga qulay joyga keladi. Hozircha bu imkoniyat faqat Toshkentda mavjud, ammo yil yakuniga qadar geografiya kengaytirilishi...

Rossiyaning Kamchatka o‘lkasi qirg‘oqlarida yuz bergan zilzila ortidan Vladivostok shahridagi Bosh konsulxona hududdagi o‘zbekistonliklarga ogohlantirish bilan chiqdi.

Unga ko‘ra, 19-sentabr kuni Kamchatkada 7,2 magnitudali zilzila qayd etilgan. Petropavlovsk-Kamchatskiy va Vilyuchinsk shaharlarida yetti ballgacha sezilgan hamda sunami haqida ogohlantirish berilgan.

Rossiya Favqulodda vaziyatlar vazirligi ma’lumotiga ko‘ra, qurbonlar va vayronalar haqida hozircha xabar yo‘q. Favqulodda xizmatlar yuqori tayyorgarlikda turibdi.

O‘zbekistonning Vladivostokdagi Bosh konsulxonasi vazirlik va mahalliy hokimiyat bilan aloqada ekanini, fuqarolardan zarurat tug‘ilganda +7 (423) 260-48-00 yoki +7 (902) 078-70-07 raqamlariga murojaat etish mumkinligini ma’lum qildi.

Bundan oldin Rossiyaning Kamchatka yarimoroli yaqinida sodir bo‘lgan 8,7 magnitudali zilzila ortidan sunami yuzaga...

Turkiya hukumati «Milliy texnologik sakrash» dasturi doirasida o‘z yadroviy reaktorlarini yaratishni boshladi. Bu haqda mamlakat sanoat va texnologiyalar vaziri Mehmet Fotih Kajir ma’lum qildi, deb yozmoqda Kursiv Media.

Vazirga ko‘ra, loyiha asosiy strategik sohalarni – sun’iy intellekt, mudofaa sanoati, kimyo va metallurgiyani – barqaror, uglerodsiz va uzluksiz energiya bilan ta’minlashga qaratilgan. Yadro texnologiyalarini rivojlantirish Turkiyaga energiya mustaqilligini kuchaytirish va texnologik erkinlikni oshirish imkonini beradi.

«Biz atom energetikasida o‘z yo‘limizni ochamiz. Bu faqat energiya masalasi emas, bu – mustaqillik, texnologik quvvat va barqaror rivojlanish masalasi», dedi Kajir.

Dastur doirasida tadqiqot markazlari ochiladi, mutaxassislar tayyorlanadi...

Xiaomi prezidenti 19-sentabr kuni Lu Veybing Pekin vaqti bilan 19:00 da jonli efir o‘tkazadi. U Xiaomi 17 haqida savollarga javob beradi. Nega Xiaomi 16 nomi o‘tkazib yuborilgani ham tushuntiriladi.

Yangi smartfonlar Xitoyda 30-sentabrda chiqishi mumkin. Rasmiy sana hali tasdiqlanmagan. Ammo kompaniya 17 Pro haqida tizerlar bera boshladi. Bu esa yaqin fursatda anons bo‘lishini anglatadi.

Uchta model kutilmoqda. Ular — Xiaomi 17, 17 Pro va 17 Pro Max. Pro modellar haqida ko‘proq ma’lumot bor. Oddiy versiya tafsilotlari kam.

Xiaomi 17 va 17 Pro’ga Snapdragon 8 Elite Gen 5 chipi o‘rnatilishi aytilmoqda. Unda 2 ta 4,61 GHz performance va 6 ta...

UEFA Chempionlar ligasi umumiy bosqichining 1-turida Abduqodir Husanov to‘p suradigan «Manchester Siti» o‘z maydonida «Napoli»ni qabul qildi va 2:0 hisobida ishonchli g‘alabaga erishdi.

Uchrashuvdagi gollarga Erling Holand va Jeremi Doku mualliflik qildi. Norvegiyalik hujumchi 56-daqiqada hisobni ochgan bo‘lsa, 65-daqiqada belgiyalik vinger hisobdagi ustunlikni mustahkamladi.

«Manchester Siti»ning o‘zbekistonlik himoyachisi Abduqodir Husanov bahsni asosiy tarkibda boshlab, uchrashuvda to‘liq harakat qildi. Statistikaga ixtisoslashtirilgan SofaScore nashri 21 yoshli futbolchining o‘yinini 6,9 ballga loyiq ko‘rdi.

Shuningdek, Flashscore nashri ham uchrashuvdan so‘ng futbolchilarning maydondagi harakatlarini baholab chiqdi. Unga ko‘ra, Husanovga 7,1 ball qo‘yildi.

Abduqodir Husanov «Napoli»ga qarshi o‘yinda 93 marta to‘pga tegindi va jamoadoshlariga...

Vladivostokda o‘zbekistonlik fuqarolarga uyushtirilgan hujum bo‘yicha tergov ishlari davom etmoqda. Primorye Tergov qo‘mitasi ma’lumotiga ko‘ra, gumonlanuvchilardan biri ehtiyot chorasi sifatida qamoqqa olindi.

Voqea 10-sentabrga o‘tar kechasi Xabarovskaya ko‘chasida yuz bergan. Tergovga ko‘ra, spirtli ichimlik ta’sirida bo‘lgan bir guruh o‘smirlar avval avtomobilni aerozol bo‘yoq bilan buzgan, so‘ng bir necha o‘zbekistonlik fuqaroga hujum qilgan. Hodisa yuzasidan jinoyat ishi qo‘zg‘atilgan.

Huquq-tartibot organlari ikki gumonlanuvchini tezda qo‘lga oldi. Ularning biri ilgari ham bezorilik bo‘yicha jinoyat ishida ayblanuvchi sifatida tergov qilingan. Barcha figurantlar politsiya e’tiboriga tushgan shaxslar ekani qayd etildi. Uchinchi ishtirokchi esa hozircha qidiruvda.

Mazkur hodisa xalqaro rezonans uyg‘otdi. O‘zbekistonning Vladivostokdagi Bosh konsulxonasi...

Raqobat qo‘mitasining maxsus komissiyasi «1FIT» MChJga nisbatan «Reklama to‘g‘risida»gi Qonun talablari buzilishi alomatlari bilan ish qo‘zg‘atdi. Bu haqda qo‘mita xabar berdi.

Unga ko‘ra, korxona tomonidan ijtimoiy tarmoqlarda joylashtirilgan reklamalarda bo‘rttirilgan ma’no ifodalangani aniqlangan. Shu sababli MChJ ustidan ish qo‘zg‘atilib, moliyaviy jarima qo‘llash haqida qaror chiqarilgan.

Bundan tashqari, qonunbuzarlikni bartaraf etish va kelgusida takrorlanmasligi uchun ko‘rsatma berilgan.

Avvalroq bir qator blogerlar konsalting xizmatlarini noto‘g‘ri talqin qilganligi uchun jarimaga tortilgandi. Unga ko‘ra, Instagramdagi Iwash_tashkent va Abdurahmonmufid profili egalari konsalting korxonasi xizmatlarini noto‘g‘ri shaklda reklama qilganligi aniqlangan.

Joriy yilning oktabr oyida Osiyo qit’asida 2026-yilgi Jahon chempionati 4-saralash bosqichi o‘yinlari o‘tkaziladi. Ushbu bosqich doirasidagi so‘nggi tur uchrashuvini o‘zbekistonlik hakamlar brigadasi boshqarib boradi. Bu haqda O‘zFHM matbuot xizmati ma’lum qildi.

14-oktabr kuni bo‘lib o‘tadigan Qatar va BAA milliy terma jamoalari o‘rtasidagi bellashuvda Ilgiz Tantashev bosh hakam sifatida faoliyat yuritadi. Unga qanotlarda Andrey Sapenko va Timur Gaynullin yordam beradi.

VAR tizimida Ahror Risqullayev, AVAR hakami sifatida esa Firdavs Norsafarov nomlari qayd etilgan. Shuningdek, to‘rtinchi hakam vazifasini Rustam Lutfullin bajarishi belgilangan.

Eslatib o‘tamiz, avvalroq futbol bo‘yicha O‘zbekiston milliy terma jamoasi 2026-yilgi Jahon chempionatiga yo‘llanma olgani haqida xabar berilgandi.

AQSh prezidenti Donald Tramp va Xitoy rahbari Si Szinpin juma kuni muhim telefon suhbati o‘tkazishi kutilmoqda. Bu haqda Reters xabar bermoqda.

Kun tartibida ikki davlat o‘rtasidagi savdo masalalari bilan birga TikTok ilovasining AQShda faoliyatini davom ettirish masalasi ham asosiy mavzuga aylangan.

AQSh rasmiylariga ko‘ra, uch oy ichida ilk marta o‘tkaziladigan bu muloqot ikki davlat o‘rtasidagi keskin vaziyatni yumshatish uchun muhim sinov bo‘ladi. Reuters xabariga ko‘ra, tomonlar oktabr oxirida Janubiy Koreyada bo‘lib o‘tadigan Osiyo – Tinch okeani iqtisodiy hamkorlik (APEC) sammitida yuzma-yuz uchrashuv ham tashkil etishni muhokama qilmoqda.

TikTok masalasi Tramp uchun hal qiluvchi ahamiyatga ega. AQSh Kongressi yanvar...

Endi yerga oid munosabatlarda korrupsion omillarni bartaraf etish mexanizmlari yanada kuchaytiriladi. Bu haqda Adliya vazirligi ma’lum qildi.

Unga ko‘ra, Kadastr agentligining «E-Yer Nazorat» tizimi davlat yer nazoratini yuritishning yagona elektron platformasi sifatida ishlaydi. 2026-yil 1-yanvardan boshlab yer qonunchiligiga oid huquqbuzarliklarni aniqlash va choralar ko‘rish faqat ushbu tizim orqali amalga oshiriladi.

Hududlar uch toifaga ajratiladi:
«qizil» – yerlarni noqonuniy egallash xavfi yuqori;
«sariq» – xavfi o‘rtacha;
«yashil» – xavfi past hududlar.

Monitoring jarayonida «qizil» hududlar dronlar yordamida har chorakda, «sariq» hududlar esa maxsus samolyot orqali har 6 oyda kuzatib boriladi.

Eslatib o‘tamiz, avvalroq O‘zbekistonda «Oasis» yagona raqamli platformasi yaratilishi haqida xabar qilgan edik.

Portugaliyalik tajribali mutaxassis Joze Mourinyo «Benfika»ning yangi bosh murabbiyi etib tayinlandi. Bu haqda Lissabon klubi matbuot xizmati rasman e’lon qildi.

Manbaga ko‘ra, 62 yoshli mutaxassis bilan 2027-yilning yoziga qadar mo‘ljallangan shartnoma imzolangan. Taqdimot marosimida Mourinyo o‘z his-tuyg‘ulari bilan o‘rtoqlashdi.

«Menda juda ko‘p emotsiyalar bor, lekin tajriba ularni boshqarishga yordam beradi. Menga bildirilgan ishonch uchun rahbariyatdan minnatdorman. Bu klub tarixi va an’analarini bilmaydigan portugaliyalik yo‘q. Men dunyoning eng yirik klublaridan birida ishlashga muyassar bo‘ldim», – dedi Mourinyo.

Uning ta’kidlashicha, «Benfika» faoliyati davomida boshqargan boshqa klublardan ko‘ra ko‘proq g‘urur, mas’uliyat va motivatsiya beradi.

iOS 26’da paydo bo‘lgan Adaptiv quvvat rejimi iPhone fon jarayonlarini aqlli boshqarib, o‘sha kun uchun quvvatni tejashga harakat qiladi. iPhones.ru mutaxassisi rejimni bir hafta iPhone 16 Pro’da sinab ko‘rdi.

Funksiya har safar darrov emas, balki tizim keragidan ko‘p sarfni anglaganda ishga tushgani aytiladi. Ba’zan bu kunning yarmida sodir bo‘lgan, hatto beta’da ilk bildirishnoma ingliz tilida chiqgani ham qayd etilgan.

Odatiy foydalanishda kuniga o‘rtacha 1 soat, eng yengil ssenariylarda 2 soatgacha qo‘shimcha ish vaqti kuzatildi. Ayrim kunlarda farq deyarli sezilmadi, bir kunda esa telefon tongdan kechgacha bitta zaryadda ishlagan, biroq bu yengil foydalanish hisobiga bo‘lgan. Rejim yordam beradi, ammo hamisha...

Italiyaning Ravvenna porti Isroilga qurol olib ketayotgani aytilgan ikkita yuk mashinasini qabul qilishdan bosh tortdi. Bu haqda Reuters agentligi ma’lum qildi.

Unga ko‘ra, qaror port ishchilari va kasaba uyushmalarining G‘azo sektoridagi harbiy amaliyotlarga qarshi noroziliklari fonida qabul qilindi.

Ravvenna meri Alesandro Barattoni ta’kidlashicha, Italiya hukumati Isroilga qurol sotishni taqiqlagan bo‘lsa-da, byurokratik bo‘shliqlar sababli boshqa davlatlardan o‘tib kelayotgan yuklarga yo‘l ochilishi qabul qilib bo‘lmas holatdir.

Kasaba uyushmalari esa 22-sentabr kuni Genuya va Livorno portlarida ham qurol tashish faoliyatini to‘sib qo‘yishni rejalashtirmoqda. Ularning talabiga ko‘ra, Italiya hukumati Isroil bilan barcha tijoriy va harbiy hamkorlikni to‘xtatishi, G‘azodagi gumanitar blokadani bekor qilishi hamda...

Prezident Vladimir Putin Rossiyadagi mehnat muhojirlari uchun patent tizimini bekor qilish haqida o‘ylash kerakligini aytdi. Bu haqda «RBK» nashri xabar berdi.

Putin bu haqda davlat dumasidagi fraksiyalar yetakchilari bilan uchrashuv doirasida aytib o‘tgan.

«Patent tizimini bekor qilish haqida o‘ylab ko‘rish mumkin. U keng qo‘llaniladi. Hech narsani inkor etmayman. Sizlardan hamkasblaringiz bilan birga bu masalada ishlashingizni so‘rayman», dedi Putin.

Rossiya rahbari, shuningdek, migratsiya sohasi rossiyaliklar uchun sezgir ekanini aytdi.

«Bu fuqarolar uchun juda nozik soha va hokimiyat na federal darajada, na mahalliy darajada o‘zini muammo yo‘qdek ko‘rsatmasligi kerak. Bu masalalar bor, ularni...

Prezident Shavkat Mirziyoyev Yevroosiyo taraqqiyot bankining 777 777 dona aksiyasini sotib olish jadvalini tasdiqlash haqida qaror imzoladi. Tegishli qaror Qonunchilik ma’lumotlari milliy bazasida e’lon qilindi.

Qarorga ko‘ra, Investitsiyalar, sanoat va savdo vazirligi har birining nominal qiymati bir ming dollarlik aksiyalarni sotib oladi. Ulardan 168 411 tasi (21,7 foiz) to‘lanadi, qolganlari esa talab bo‘yicha to‘lanadi.

To‘lov summasi $168,4 millionni tashkil etadi. Shundan 10 millioni 23-sentabrgacha, qolgan qismi esa 2026 – 2027-yillarda teng ulushlarda — $79,2 milliondan to‘lanadi.

Avvalroq O‘zbekiston YTBga qo‘shilishi bo‘yicha qonunni ham qabul qilgandi.

Yevroosiyo taraqqiyot banki 2006-yilda Rossiya va Qozog‘iston tomonidan tashkil etilgan. Keyinchalik unga Armaniston, Tojikiston...

Samarqandda Italiyaning Tushia universiteti filiali tashkil etiladi. Bu haqda «Dunyo» axborot agentligi xabar berdi.

Universitet O‘zbekiston Qishloq xo‘jaligi vazirligi bilan hamkorlikda Samarqand agroinnovatsiya va ilmiy tadqiqot institutida qo‘shma kampus ochadi.

Filialning rasmiy ochilish marosimi 2025-yil 30-sentabr kuni bo‘lib o‘tadi, darslar esa 2026-yil yanvardan boshlanadi.

«Italiya universitetlari qatorida qishloq xo‘jaligi yo‘nalishi bo‘yicha tarixda ilk bor Tushianing birinchi xorijdagi filiali O‘zbekistonda ochiladi. Biz bundan juda xursandmiz», dedi rektor Stefano Ubertini.

Filialda o‘zbek talabalariga Italiyadagi agrar sohaning ilg‘or tajribasi va zamonaviy texnologiyalar asosida ta’lim beriladi. Tushia universiteti 1979-yilda tashkil topgan bo‘lib, bugungi kunda sakkiz mingdan ortiq...

Jenevada O‘zbekiston Argentina, Avstraliya va Gonduras bilan JSTga kirish bo‘yicha ikki tomonlama bayonnomalarni imzoladi. Bu haqda prezidentning JST bo‘yicha vakili Azizbek Urunov LinkedIn sahifasida ma’lum qildi.

Bundan tashqari, yana ikki JST a’zosi bilan asosiy kelishuvlarga erishildi. Ushbu hujjatlar O‘zbekistonning a’zolik muzokaralarini olg‘a siljitish bilan birga, yangi iqtisodiy hamkorlik yo‘llarini ochadi, savdo aloqalarini diversifikatsiya qiladi va turli mintaqalardagi hamkorlar bilan biznes aloqalarini mustahkamlaydi.

Bugungi kunga kelib, O‘zbekiston 29 mamlakat bilan muzokaralarni yakunladi, yana 2 davlat bilan asosiy kelishuvlarga erishilgan, va endi to‘liq ikki tomonlama muzokaralarni yakunlash uchun atigi 3 mamlakat qoldi.

Avvalroq Kursiv Uzbekistan Shveysariya bilan JST bo‘yicha ikki tomonlama...

Xitoyda SAIC kompaniyasi tomonidan yangi Roewe M7 DMH gibrid avtomobili taqdim etildi. Bu haqda CarNewsChina xabar bermoqda.

Model uchta komplektatsiyada sotuvga chiqdi. Uning narxi 85,8 ming yuandan boshlanib, 102,8 ming yuangacha ($12,1–$14,5 ming) yetadi. Mashinaning CLTC siklidagi umumiy yurish zaxirasi 2050 km ga teng.

Roewe M7 DMH Rolls-Royce sobiq bosh dizayneri Yozef Kaban ishlab chiqqan Pearl kontseptsiyasi asosida yaratilganl. U tik sharshara uslubidagi radiator panjarasi bilan jihozlangan. O‘lchamlari 4940x1890x1510 mm bo‘lib, g‘ildirak bazasi 2820 mmni tashkil etadi. Orqa yo‘lovchilar uchun tizzalar qismi 126 mm bo‘sh joyga ega. Avtomobilning og‘irligi 1670 kg, burilish radiusi esa 5,8 metrni tashkil qiladi.

Model...

O‘zbekistonning bir necha hududida yer maydonlarini noqonuniy sotish bilan bog‘liq jinoyatlar aniqlandi. Bu haqda DXX matbuot xizmati ma’lum qildi.

Unga ko‘ra, Jizzax viloyatida Davlat kadastrlari palatasi tuman filial boshlig‘i o‘z turmush o‘rtog‘i nomiga ajratilgan 42 sotix yer maydonini noqonuniy sotishga uringan va buning evaziga $28 ming talab qilgan. U pulni olayotgan paytda qo‘lga olingan.

Surxondaryoda esa fuqaro va kadastr muhandisi birgalikda 40 sotix yer maydonini 200 mln so‘mga sotishga uringan. Bundan tashqari, hujjatlarni rasmiylashtirish uchun 4 mln so‘m olgan vaqtida ular ham fosh etilgan.

Shuningdek, Toshkent viloyatida mahalla raisi 1 gektardan ortiq yer maydoni va xonadonni rasmiylashtirish uchun...

Tijorat banklari 19-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi. 

2026-yil 1-dekabrgacha O‘zbekistonda «Raqamli hukumat» tizimining yangi «Oasis» yagona raqamli platformasi ishga tushiriladi. Bu haqda Raqamli texnologiyalar vazirligi ma’lum qildi.

Yangi platforma davlat axborot tizimlarini yaratish va rivojlantirishda yagona texnologik yondashuvni ta’minlashga xizmat qiladi. Shuningdek, modullarga asoslangan texnologiyalar yordamida axborot tizimlarini ishlab chiqish jarayonlari soddalashtiriladi va ularning moslashuvchanligi, xavfsizligi hamda samaradorligi oshiriladi.

Qarorga ko‘ra, 2025-yil 1-noyabrdan «Raqamli startaplar» dasturi va Markaziy bankning «tartibga solish qumdoni» loyihalarida qatnashayotgan startaplarga Raqamli ma’lumotlar platformasidan 1 yilgacha bepul foydalanish huquqi beriladi.

Shuningdek, IT Park rezidentlari bo‘lgan xorijiy mutaxassislar uchun ham qulayliklar yaratiladi. Endilikda ular O‘zbekistonning xorijdagi diplomatik vakolatxonalari orqali shaxsiy identifikatsiya raqamini olish...

Germaniyada Samsung Galaxy A17 4G smartfoni savdoga chiqarildi. Bu haqda GSMArena texnologiyalar nashri xabar bermoqda.

Ushbu model Galaxy A17 5G‘ning biroz soddalashtirilgan varianti bo‘lib, narxi 200 yevro etib belgilandi. 6 GB tezkor xotira va 128 GB saqlash hajmiga ega versiya 5G modelidan 30 yevro arzonroq.

Asosiy farq chipsetida – Galaxy A17 5G Exynos 1330 bilan ishlasa, A17 4G MediaTek Helio G99 platformasiga asoslangan. Qurilma 6,7 dyuymli AMOLED ekran bilan jihozlangan, uning aniqligi Full HD+, yangilanish tezligi esa 90 Hzni tashkil etadi. Akkumulyator sig‘imi 5000 mA/soat bo‘lib, 25 Vt quvvatda tezkor zaryadlashni qo‘llab-quvvatlaydi. Smartfon IP54 darajasida himoyalangan.

Asosiy kamera uch...

Kongo Demokratik Respublikasida Ebola bilan bog‘liq 48 ta holat tasdiqlanib, 31 kishi vafot etdi. Bu mamlakatda so‘nggi uch yildagi birinchi Ebola epidemiyasi hisoblanadi, deya xabar bermoqda Reuters.

Epidemiya sentabr boshida e’lon qilingan bo‘lib, u asosan Kasai viloyatida kuzatilmoqda. Hududning zich tropik o‘rmonlari virusning tabiiy manbai sanaladi. Ebola isitma, mushak og‘riqlari, diareya kabi belgilarni keltirib chiqaradi va tuzalgan bemorlarning organizmida ham yillar davomida yashirin qolishi mumkin.

JSST ma’lumotiga ko‘ra, birinchi bosqichda 400 doza Ervebo vaksinasi yetkazilgan, mamlakat zaxirasida yana 2 ming doza mavjud. 900 dan ortiq kontakt shaxslar ro‘yxatga olinib, ularning sog‘ligi kuzatib borilmoqda.

Bundan tashqari, 14 tonnadan ortiq tibbiy...

Yevropada arzon Redmi 15C 5G smartfoni savdoga chiqdi. Bu haqda GSMArena xabar bermoqda. Modelning narxi 180 yevrodan boshlanadi.

Uning asosiy farqi 4G versiyasidan chipsetida – Helio G81 Ultra o‘rniga Dimensity 6300 o‘rnatilgan. Fransiya, Ispaniya va Vengriya aholisi endi yangi modelni xarid qilishi mumkin.

Redmi 15C 5G biroz kattaroq va og‘irroq bo‘lib, vazni 211 grammga yetadi. Smartfon 6,9 dyuymli IPS ekranga ega, HD+ aniqlikda va 120 Hz yangilanish tezligida ishlaydi. Qurilma 6000 mA/soat batareya bilan jihozlangan, 33 Vt quvvatli tezkor zaryadlashni qo‘llab-quvvatlaydi. Himoya darajasi IP64 bo‘lib, suv va changdan saqlanish imkonini beradi.

Kameralariga kelsak, old kamera 8 megapikselli, asosiy esa...