Yangiliklar

iPhone 17 Pro Max smartfoni Apple tarixidagi eng katta sig‘imli batareyaga ega bo‘lishi kutilmoqda. Lifehacker nashrining Instant Digital’ga tayanib xabar berishicha, yangi flagman qurilmaning batareyasi hajmi va avtonom ishlash muddati bo‘yicha eng yuqori bo‘lishi mumkin.

Yangi iPhone 17 Pro Max 5 000 mA⋅soat sig‘imli akkumulyator bilan jihozlanadi. Bu batareya taxminan 35 soat yoki undan ko‘proq vaqt davomida zaryadsiz ishlash imkonini beradi. Qurilmaning ishlash muddatining uzayishiga A19 Pro chipining energiya samaradorligi va yangi Qualcomm Snapdragon X80 modemi katta ta’sir ko‘rsatadi.

iPhone batareyalari quyidagi o‘zgarish bosqichlarini bosib o‘tgan.

iPhone 17 seriyasining rasmiy taqdimoti 2025-yil sentabr oyida bo‘lib o‘tishi kutilmoqda.

Avvalroq Mobil...

Nissan kompaniyasi 2026-yildan boshlab Xitoyda ishlab chiqarilgan elektromobillarini Janubi-Sharqiy Osiyo, Yaqin Sharq va boshqa mintaqalarga eksport qilishni rejalashtirmoqda. Bu haqda CarNewsChina xabar bermoqda.

Bu orqali kompaniya xorijdagi xizmat ko‘rsatish tarmog‘idan samarali foydalanishni maqsad qilgan.

Eksport qilinadigan modellardan biri – Nissan N7 sedanidir. Bu Xitoyda Nissan’ning qo‘shma korxonasi tomonidan yaratilgan ilk elektromobil bo‘lib, 2024-yil aprelida savdoga chiqdi. N7 modeli qisqa vaqt ichida 10 mingdan ortiq buyurtma to‘pladi. Uning boshlang‘ich narxi 119 900 yuanni (taxminan $16,4 mingni) tashkil etadi. U Guangjou shahridagi zavodda ishlab chiqariladi.

Mazkur modelda Xitoy kompaniyalari ishlab chiqqan sun’iy intellekt dasturi ishlatilgan. Biroq ba’zi mamlakatlarda Xitoyda ishlab...

O‘zbekiston BMTning Oziq-ovqat va qishloq xo‘jaligi tashkiloti kengashiga saylandi. Bu haqda O‘zbekiston Tashqi ishlar vazirligi xabar berdi.

2025-yil 4-iyul kuni Rim shahrida Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) Kengashining 2028–2029-yillarga mo‘ljallangan a’zoligiga saylov bo‘lib o‘tdi. Unda O‘zbekiston birinchi marta ushbu nufuzli organ tarkibiga bir ovozdan saylandi.

FAO Kengashi geografik taqsimot asosida 3 yil muddatga saylanadigan 49 ta a’zo davlatdan iborat bo‘lib, o‘z vakolatlari doirasida budjet masalalari, FAO dasturlarini muhokama qiladi. Bundan tashqari, konferensiyaga muhim qarorlar hamda tavsiyalar beradi.

FAO Kengashiga a’zolik O‘zbekiston uchun global qishloq xo‘jaligi va oziq-ovqat siyosatini shakllantirishda, normativ hujjat va standartlar ishlab chiqishda...

Toshkent viloyatida faoliyat yurituvchi «Lutfilla fayz» MChJ spirtli ichimliklar reklamasini joylashtirilgani uchun moliyaviy jarimaga tortildi. Bu haqda Raqobat qo‘mitasi xabar berdi.

Aniqlanishicha, korxona tomonidan joylangan reklamalar «Reklama to‘g‘risida»gi Qonunning 38-moddasiga zid bo‘lib, unga ko‘ra har qanday quvvatdagi alkogol mahsulotlarini reklama qilish taqiqlanadi.

Qo‘mita Maxsus komissiya tomonidan korxonaga nisbatan moliyaviy jarima qo‘llash haqida qaror qabul qilindi.

Avvalroq Kursiv Uzbekistan 17 ta tashkilot reklama qonunchiligini buzgani uchun jarimaga tortilgani haqida yozgandi.

Chevrolet Onix bugungi kunda nafaqat O‘zbekiston, balki janubiy Amerikada ham ommabop sedanlardan biri hisoblanadi. Bu avtomobil o‘zining ixcham dizayni, yoqilg‘i tejamkorligi va qulay funksiyalari bilan ajralib turadi. Ayniqsa, shaharda harakatlanish uchun qulay bo‘lganligi, arzon narxli variantlari va zamonaviy ko‘rinishi uni ko‘plab haydovchilarning tanloviga aylantirdi. Ushbu maqolada Chevrolet Onix avtomobilining dizayni haqida bilish kerak bo‘lgan mavzularni batafsil ko‘rib chiqamiz.

Chevrolet Onix Braziliya va O‘zbekistonda

Janubiy Amerika bozorida, ayniqsa, Braziliya va Argentinada sotilayotgan Onix va Onix Plus modellari O‘zbekistonda ishlab chiqarilayotgan Onix bilan bir xil GEM platformasiga asoslangan. Ular tashqi ko‘rinish va asosiy tuzilma jihatidan o‘xshash.

Biroq Janubiy Amerikadagi Onix...

Isroil bosh vaziri Benyamin Netanyahu AQSh prezidenti Donald Trampni Tinchlik bo‘yicha Nobel mukofotiga nomzod sifatida tavsiya etdi. Bu haqda The Hill nashri xabar berdi.

Tavsiya Trampning Isroil va Eron o‘rtasidagi o‘t ochishni to‘xtatish bo‘yicha ko‘rsatgan tashabbuslari bilan bog‘liq. Netanyahu bu haqda Oq uyda bo‘lib o‘tgan kechki ovqat paytida e’lon qildi va maktubni shaxsan prezidentga topshirdi.

Netanyahu Trampni «bir mamlakatdan boshqasigacha tinchlikni qaror toptirayotgan rahbar» sifatida ta’rifladi. Ularning Eron yadroviy obyektlariga qarshi uyushtirgan qo‘shma harbiy zarbalari ham muvaffaqiyatli deb baholandi.

Tramp esa bu tavsiyani «juda ahamiyatli» deb atadi va o‘zining tinchlik yo‘lidagi sa’y-harakatlarini, xususan, Hindiston – Pokiston hamda Isroil...

1-iyul holatiga ko‘ra, O‘zbekistonning doimiy aholisi soni 37 million 859 ming 698 nafarga yetdi. Bu haqda Milliy statistika qo‘mitasi ma’lum qildi.

Bu ko‘rsatkich 2024-yilning shu davriga nisbatan 2 foizga oshgan. O‘tgan yili 37 134,2 ming kishini tashkil etgan.

Hozirda mamlakatda 19,1 million nafar erkak, 18,8 million nafar ayol istiqomat qilmoqda. Shuningdek, 19,3 million kishi shaharlarda, 18,6 million kishi esa qishloq joylarda yashaydi.

Shuningdek, 1-aprel holatiga ko‘ra, hududlar kesimida esa eng ko‘p aholi Samarqand (4,3 mln) va Farg‘ona (4,1 mln) viloyatlarida qayd etilgan. Toshkent shahri aholisi 3,1 milliondan oshgan.

Shuningdek, Qashqadaryoda 3,6 mln, Andijonda 3,4 mln, Namanganda...

Qozog‘istonda quroq ko‘rpa yig‘ish bo‘yicha jahon rekordi o‘rnatildi. Bu haqda Qazaqparat agentligi xabar berdi.

Olmaotada quroq ko‘rpa yig‘ish bo‘yicha noyob madaniy tadbir o‘tkazildi. Alaman quroq jamoasi tashabbusi bilan Medeu muz maydonining butun yuzasini qamrab olgan quroq ko‘rpa yig‘ildi.

Mazkur ish Global Book of Records (GBR) Jahon rekordlari kitobi vakillari tarafidan baholandi. Kitobining Osiyo va Afrika bo‘yicha bosh inspektori Quandik Qudaybergenov ushbu tashabbus qanday amalga oshirilganini ochiqladi.

«Dunyo bo‘yicha mashhur to‘rtta jahon rekordlari kitobi bor. Shulardan Global Book of Records madaniy rekordlarga alohida e’tibor qaratadi. Bizning Mumbay va Dubaydagi ofislarimizga Qozog‘istonning Alaman quraq jamoasidan etno-rekordni ro‘yxatdan...

Fazoviy kemani avtonom boshqarish bo‘yicha o‘tkazilgan xalqaro musobaqada ChatGPT modeli yuqori natijaga erishdi. Bu haqda Space ma’lum qildi.

Tadqiqotchilar tomonidan «quvib boruvchi fazoviy apparatni boshqaruvchi agent» vazifasi yuklatilgan model ikkinchi o‘rinni egalladi.

Musobaqa mashhur Kerbal Space Program o‘yini asosida tashkil etilgan bo‘lib, unda sun’iy yo‘ldoshni quvish, tutib olish va aniqlanishdan qochish kabi topshiriqlar bajarildi.

Eksperiment kosmosni avtonom o‘zlashtirish bo‘yicha ishlanmalar yaqin yillarda amaliyotga tatbiq etilishi mumkinligini ko‘rsatmoqda.

Mutaxassislar bu yutuqqa qaramay, sun’iy intellekt hali ham to‘liq ishonchli emasligini, ayniqsa, «gallyutsinatsiyalar» – noto‘g‘ri va mazmunsiz xulosalar berish xatarini kamaytirish ustida ishlash zarurligini ta’kidladi.

Eslatib o‘tamiz, avvalroq Sun’iy intellekt texnologiyalari global...

Bugungi kunda ko‘plab zamonaviy smartfonlar mobil o‘yinlarni bemalol ko‘tara oladi. Hatto budjet modellarning ham texnik imkoniyatlari anchayin kuchli. Biroq aynan o‘yin uchun mo‘ljallangan, yuqori unumdorlik va yaxshi optimizatsiyaga ega maxsus smartfonlar ham mavjud. Quyida mobel o‘yin uchun eng ommabop smartfonlar haqida so‘z boradi.

Asus ROG Phone 9 Pro

Bu model ayni damda eng kuchli o‘yin telefoni hisoblanadi. Ichki qismlarida Snapdragon 8 Elite protsessori, LPDDR5X tezkor xotira va yaxshilangan sovitish tizimi mavjud. 6,78 dyuymli AMOLED ekran 185 Hz yangilanish chastotasi va 2500 nit yorqinlikka ega. Telefon oldindan sovutkich va maxsus ROG Tessen geymer aksessuarlari bilan ishlashga tayyor. Batareya sig‘imi...

AQSh prezidenti Donald Tramp 2025-yil 1-avgustdan boshlab Qozog‘istondan import qilinadigan mahsulotlarga 25 foizlik boj solig‘i joriy etilishini e’lon qildi. Bu haqda u o‘zining Truth Social ijtimoiy tarmog‘ida ma’lum qildi.

Unga ko‘ra, Tramp Qozog‘iston prezidenti Qosim-Jomart Toqayevni ham o‘z ichiga olgan besh davlat rahbariga rasmiy maktublar yubordi. Ularda yangi boj stavkalari kiritilayotgani haqida ogohlantirgan.

Trampning Toqayevga yo‘llagan maktubida asosiy sabab sifatida AQSh va Qozog‘iston o‘rtasidagi katta savdo nomutanosibligi ko‘rsatilgan. Bu nomutanosiblik Qozog‘iston tomonidan qo‘llanilgan tarif va no-tarif siyosatlari, shuningdek, savdo to‘siqlari bilan bog‘liq ekani aytilgan.

«Agar siz boj stavkalaringizni oshirishga qaror qilsangiz, biz belgilagan 25 foizlik...

«Nasaf» futbol maktabi tarbiyalanuvchisi Akmal Mozgovoy faoliyatini Birlashgan Arab Amirliklarida davom ettiradi. 2024-yilgi O‘zbekiston Superligasida «Eng yaxshi futbolchi» deb topilgan yarim himoyachi BAAning «Baniyas» klubi bilan shartnoma imzoladi.

Mozgovoy «Nasaf» safida uch marotaba O‘zbekiston Kubogi, uch marotaba Superkubok, oltin, kumush va bronza medallarini qo‘lga kiritgan.

Avvalroq Kursiv Uzbekistan Muhammadali O‘rinboyev Belgiyaning «Antverpen» futbol klubiga o‘tgani haqida xabar bergan edi.

Sayyohlar uchun Singapurdan O‘zbekistonga to‘g‘ridan to‘g‘ri charter reyslar tashkil etiladi. Bu haqda «Dunyo» axborot agentligi xabar berdi.

Singapurning yetakchi turoperatorlaridan biri – Chan Brothers Travel kompaniyasi joriy yilning dekabr oyidan O‘zbekistonga yuzlab turistlarni olib kelishni rejalashtirmoqda. Ushbu maqsadda Singapurdan O‘zbekistonga charter parvozlar yo‘lga qo‘yiladi.

To‘qqiz kunlik tur doirasida Singapur va Osiyo-Tinch okeani mintaqasidagi boshqa mamlakatlardan kelgan sayyohlar Toshkent, Samarqand, Buxoro va Xiva kabi qadimiy shaharlarga tashrif buyuradi. Bundan tashqari, O‘zbekistonning boy tarixi, madaniyati, betakror me’moriy yodgorliklari, go‘zal tabiati, mahalliy aholining urf-odatlari va milliy taomlari bilan tanishadi.

Charter parvozlarni targ‘ib qilish maqsadida Chan Brothers Travel kompaniyasi O‘zbekistonga bag‘ishlangan...

Xitoyda 2026-yilgi Xpeng P7 elektromobili ilk bor ochiq, ya’ni kamuflajsiz holda suratga olindi. Bu haqda CarNewschina xabar bermoqda.

Futuristik dizaynga ega yangi sedan avgust oyida rasman taqdim etilishi kutilmoqda. Model 586 ot kuchiga ega bo‘lib, ilgari sotuvda bo‘lgan P7i o‘rnini bosadi.

Yangi P7 uzunligi 5017 mm, g‘avurligi 1970 mm, balandligi esa 1427 mm bo‘lib, 5 o‘rinli katta kupe-sedan shaklida ishlab chiqilgan. G‘ildiraklar bazasi 3008 mm, boshlang‘ich og‘irligi esa 2090 kg atrofida.

Modelning bir nechta versiyalari mavjud. Eng oddiy orqa g‘ildirakdan tortuvchi (RWD) variant 270 kVtli (363 ot kuchi) elektromotor va 74,9 kVt·soat sig‘imli LFP batareyaga ega. Bu 702 km...

5-iyul kuni Turkiyaning Aydın viloyatidagi restoranda ishlagan, 35 yoshli o‘zbekistonlik ayol qurolli otishma paytida vafot etdi. Bu haqda O‘zbekistonning Istanbul shahridagi Bosh konsulxonasi xabar berdi.

Ayol bosh qismidan og‘ir tan jarohati olib, voqea joyida halok bo‘lgan. Bu hodisa yuzasidan jinoyatni sodir etganlikda gumon qilinayotgan besh nafar shaxs qo‘lga olingan.

Ayni paytda huquqni muhofaza qiluvchi organlar tomonidan tergov harakatlari olib borilmoqda.

Marhumani O‘zbekistonga olib kelish, uning yaqinlariga zarur yordam ko‘rsatish maqsadida Bosh konsulxona hamda Migratsiya agentligining Turkiyadagi vakilligi tomonidan tegishli chora-tadbirlar ko‘rilmoqda.

Avvalroq «Kursiv» Turkiyadagi deportatsiya markazlaridan 50 nafar o‘zbekistonlik ayol vatanga qaytarilgani haqida yozgandi.

Tashqi ishlar vazirligida VFS Global kompaniyasining MDH va Sharqiy Yevropa bo‘yicha direktori Mishra hamda O‘zbekistondagi vakolatxonasi rahbari bilan uchrashuv bo‘lib o‘tdi. Bu haqda vazirlik matbuot xizmati ma’lum qildi.

Uchrashuvda VFS Global’ning O‘zbekistondagi ofislarini ko‘paytirish, jamoaviy arizalar bo‘yicha sayyor qabullar joriy etish va vizalarni masofadan rasmiylashtirish imkoniyatlarini kengaytirish masalalari muhokama qilindi.

Sayyor qabullar pullik xizmat shaklida yo‘lga qo‘yilib, Toshkent yoki Samarqandga bormasdan, chekka hududlardagi fuqarolarga viza olishda yordam beradi.

Shuningdek, Kanada, Avstraliya, Argentina kabi O‘zbekistonda diplomatik vakolatxonasi bo‘lmagan davlatlarga viza rasmiylashtirish tartibini soddalashtirish, biometrik ma’lumotlarni mahalliy ofislarda topshirish va onlayn suhbat imkoniyatlarini joriy etish taklif qilindi.

Eslatib o‘tamiz, avvalroq Germaniya...

Belgradda O‘zbekistonning Serbiyadagi favqulodda va muxtor elchisi Oybek Shaxavdinov shu davlatning Tashqi ishlar vazirligi Diplomatik protokoli boshlig‘i Branko Radovanovichga ishonch yorliqlari nusxasini topshirdi. Bu haqda «Dunyo» axborot agentligi xabar berdi.

Uchrashuv davomida tomonlar ikki davlat o‘rtasidagi dolzarb masalalarni muhokama qildi. Serbiya tomoni O‘zbekistonning ushbu mamlakatdagi ilk elchisi tayinlanganini mamnuniyat bilan qarshi. Bu qadam ikki tomonlama munosabatlarga yangi sur’at bag‘ishlashini ta’kidladi.

Ma’lumot uchun, Oybek Shaxavdinov 2024-yil mart oyidan buyon O‘zbekistonning Vengriyadagi birinchi elchisi bo‘lib faoliyat yuritadi. Shu bilan birga, u o‘rindoshlik asosida Sloveniya, Xorvatiya va Chernogoriyada ham elchi vazifasini bajaradi.

Shaxavdinov Buyuk Britaniyadagi Birmingem universiteti, Toshkent davlat yuridik universiteti hamda...

AnTuTu mualliflari iyun oyidagi eng sevimli Android smartfonlar reytingini e’lon qildi. Bu haqda 4pda xabar bermoqda.

Foydalanuvchilar fikriga ko‘ra, birinchi o‘rinni Huawei Mate 70 Pro+ modeli egalladi. U 98,51 foiz ijobiy baho olgan bo‘lsa-da, undagi Kirin protsessori raqobatchilarga nisbatan ancha sust ishlaydi.

Ikkinchi va uchinchi o‘rinlarni Xiaomi 15S Pro hamda Honor Magic6 Ultimate Edition modellari band etdi. Reytingdagi yagona Xitoydan tashqari ishlab chiqarilgan model — Samsung Galaxy S24+ bo‘lib, u 94,34 foiz ko‘rsatkich bilan to‘qqizinchi o‘rinda qayd etilgan. So‘nggi Galaxy S25 Ultra esa faqat 14-o‘ringa tushgan.

AnTuTu statistikasi asosan Xitoy bozoriga asoslangan bo‘lsa-da, bu ro‘yxat smartfonlar ommabopligini ko‘rsatishda muhim...

O‘zbekiston prezidenti Shavkat Mirziyoyev 7-iyul kuni Qatar amiri Shayx Tamim bin Hamad Ol Soniy bilan telefon orqali muloqot qildi.

Tomonlar ikki mamlakat o‘rtasidagi strategik sheriklikni mustahkamlash, savdo va sarmoyaviy hamkorlikni rivojlantirish masalalarini muhokama qildi.

Shuningdek, O‘zbekiston rahbari Qatar amirining Yaqin Sharqda tinchlik va barqarorlikni ta’minlash borasidagi faol sa’y-harakatlarini yuksak baholadi.

Hozirda O‘zbekiston-Qatar o‘rtasida sanoat va infratuzilmani modernizatsiya qilish bo‘yicha yirik qo‘shma loyihalar tayyorlanmoqda va amalga oshirilmoqda.

Shu ma’noda, tomonlar muhim tadbirlar — Muvofiqlashtiruvchi kengashning birinchi yig‘ilishi, Hukumatlararo komissiya yig‘ilishi, Ishbilarmonlar kengashi va biznes-forumga tayyorgarlik ko‘rishga alohida e’tibor qaratishga kelishib oldi.

Avvalroq O‘zbekiston va Pokiston yetakchilari Transafg‘on temir yo‘li loyihasini...

Qoraqalpog‘iston va viloyatlarda o‘tkazilgan tezkor tadbirlarda bir nechta mansabdor shaxslar pora olayotgan va yer ajratishda noqonuniy harakatlar qilayotgan vaqtida qo‘lga olindi. Bu haqda DXX matbuot xizmati ma’lum qildi.

Qoraqalpog‘iston Respublikasida Beruniy tumani hokimining o‘rinbosari Taqiyatosh tumanida faoliyat yuritayotgan, qizilmiyaning ildizini qayta ishlovchi MCHJ rahbariga Beruniy tumanidan 150 gektar yer ajratish evaziga $12 ming olayotganida ushlandi

Namangan viloyatida esa Kosonsoy tumanidagi bog‘dorchilikka ixtisoslashgan fermer xo‘jaligi rahbari xo‘jalikdagi 24 gektar yer maydonini tanish mansabdori orqali xaridor nomiga rasmiylashtirib berish uchun $240 ming talab qilib, shundan $50 mingini olayotganida ushlandi

Tergov davomida uning tanishi — Qishloq xo‘jaligi vazirligi huzuridagi Agrosanoatni rivojlantirish agentligining...

2025-yil 1-iyul holatiga ko‘ra, O‘zbekistonning xalqaro zahiralari $48,5 mlrdni tashkil etdi. Bu o‘tgan oyga nisbatan $1,1 mlrdga kam.

Asosiy sabab — xorijiy valyutadagi zahiralar keskin qisqargani bo‘lib, iyun oyida ularning qiymati deyarli $1,9 mlrd kamayib, $9,6 mlrdga tushdi.

Biroq oltin zahiralari hajmi qariyb 10 tonnaga oshdi. Ularning qiymati $763 mln ko‘payib, $38,4 mlrdga yetdi.

Oltin-valyuta zahiralari mamlakat uchun muhim «xavfsizlik yostig‘i» hisoblanadi — ular tashqi qarzlarni to‘lash, importni moliyalashtirish va favqulodda holatlarda zarur bo‘ladi.

Hozirgi paytda bu zahiralar O‘zbekistonning taxminan 14 oylik import xarajatlarini qoplashga yetadi.

Eslatib o‘tamiz, avvalroq O‘zbekiston yil boshidan buyon eng ko‘p oltin sotgan davlat bo‘lgani...

2025-yil 7-iyul kuni Moskva viloyatining Odintsovo tumani hududida Rossiyaning sobiq transport vaziri Roman Starovoytning jasadi o‘qotar quroldan jarohatlangan holda topildi. Bu haqda Rossiya Tergov qo‘mitasi rasmiy vakili Svetlana Petrenko ma’lum qildi, deya xabar bermoqda TASS.

Hozirda Moskva viloyati bo‘yicha Tergov qo‘mitasining Bosh tergov boshqarmasi hodimalari hodisa joyida ishlamoqda. Voqea tafsilotlari aniqlanmoqda, asosiy versiya — o‘z joniga qasd.

Voqea aslida qanday sodir bo‘lgan

Xuddi shu kuni ertalab Rossiya prezidenti Vladimir Putin Roman Starovoytni transport vaziri lavozimidan ozod etish to‘g‘risida farmon imzoladi. Hujjat rasmiy huquqiy axborot internet-portalida e’lon qilindi. Biroq uning ishdan ketish sabablari ochiqlanmadi.

Transport vaziri vazifasini bajaruvchi etib...

Oukitel kompaniyasi tomonidan arzon narxdagi yangi Oukitel C62 smartfonini rasman taqdim etildi. Ilk bor bu model 2025-yilgi MWC ko‘rgazmasida ko‘rsatilgan edi. Bu haqda Helpix xabar bermoqda.

Tashqi ko‘rinishi Galaxy S25 Ultra’ni eslatsa-da, C62 modeli orqa panelida 1,81 dyuymli qo‘shimcha ekran bilan ajralib turadi. U vaqtni ko‘rsatish, musiqa pleyerini boshqarish va kamera vizori sifatida ishlash imkonini beradi.

Asosiy ekran 6,88 dyuym bo‘lib, HD+ aniqlik va 90 Gts yangilanish chastotasiga ega. Qurilmaga Unisoc T606 protsessori, 4 GB operativ xotira va 128 GB ichki xotira o‘rnatilgan. Orqa kamera atigi 13 MP bo‘lib, boshqa linzalar faqat dizayn uchun joylashtirilgan.

Batareya sig‘imi...

AQShning Texas shtatida ro‘y bergan kuchli toshqinlar oqibatida 80 nafardan oshgan. Bu haqda Reuters xabar bermoqda.

Kerr okrugida joylashgan Guadalupe daryosi 4-iyul kuni kuchli yog‘ingarchilikdan so‘ng toshib ketdi. Daryo suvi bir necha daqiqada ko‘tarilib, sohil bo‘yidagi Camp Mystic nomli qizlar yozgi oromgohini suv ostida qoldirdi. Bu oromgoh 100 yillik tarixga ega edi.

To‘satdan kelgan toshqin sabab oromgohdagi ko‘plab qizlar va tarbiyachilar suv ichida qolgan. Rasman tasdiqlangan ma’lumotlarga ko‘ra, oromgohda kamida 27 nafar qiz va tarbiyachilar halok bo‘lgan. Hozirda yana 10 qiz va bir tarbiyachi bedarak yo‘qolgan. Qidiruv-qutqaruv ishlari davom etmoqda.

“Nafaqat oilalar, balki butun jamoa...