Yangiliklar

AQSh prezidenti Donald Tramp va uning oʻgʻillari bilan bogʻliq World Liberty Financial (WLFI) kriptovalyuta loyihasi $590 million jalb qildi. Bu haqda CoinDesk xabar berdi.

Kompaniya akkreditatsiyadan oʻtgan investorlar uchun WLFI tokenlarini sotishning ikki bosqichini oʻtkazdi. Birinchi bosqich 2025-yil yanvarda yakunlanib, loyihaga taxminan $160 million keltirdi. Ikkinchi bosqich natijalariga koʻra, kompaniya jalb etilgan mablagʻlar hajmi boʻyicha eng yirik oʻnta kriptovalyuta loyihasi qatoriga kirdi.

Maʼlum boʻlishicha, WLFI tokenlarining yirik xaridorlaridan biri Tron kriptovalyuta ekotizimining asoschisi Jastin San boʻldi. U loyihaga $30 million kiritdi va Tramplar tangasiga boshqa investorlarning eʼtiborini jalb etdi.

Hozircha WLFI tokenlarini kriptovalyuta birjalarida sotib olish imkoni yoʻq. Kompaniya...

2024-yilda 2,9 ming oʻzbekistonlik vatandoshlarni koʻchirish dasturi doirasida Rossiyaga koʻchib oʻtdi. Bu haqda «Kommersant» xabar berdi.

Ma’lum qilinishicha, yil yakunlari bo‘yicha 3,6 ming nafar oʻzbekistonlik dasturga ariza topshirgan, ulardan 2,1 ming nafari guvohnomasini olgan. Rossiyaga koʻchib kelganlar orasida oʻzbekistonliklar uchinchi oʻrindan joy oldi.

Birinchi oʻrinni 11,1 ming kishi bilan Qozogʻiston, ikkinchi oʻrinni esa 6,1 ming bilan Tojikiston egalladi.

Umuman hisobda 2024-yilda Rossiyaga 31,7 ming kishi koʻchib oʻtgan boʻlib, bu 2011-yildan beri eng past koʻrsatkich bo‘ldi. Ishtirokchilar sonining kamayishi rus tilini bilish talabi, muhojirlarga qarshi kayfiyatning kuchayishi va dasturning demografik bazasining qisqarishi bilan izohlanmoqda.

Avvalroq «Kursiv» Oʻzbekiston va Rossiya JSTga aʼzo...

11-mart kuni Moskvada Oʻzbekiston delegatsiyasi Rossiya bilan Jahon savdo tashkilotiga (JST) aʼzo boʻlish jarayoni doirasida muzokaralar olib bordi. Uchrashuvda bosh vazir oʻrinbosari Jamshid Xodjayev va Rossiya iqtisodiy rivojlanish vaziri Maksim Reshetnikov ishtirok etdi.

JSTga qoʻshilish doirasida bozorga chiqish bilan bogʻliq hal etilmagan masalalar muhokama qilindi. Prezidentning JST boʻyicha maxsus vakili Azizbek Urunovning taʼkidlashicha, muzokaralar konstruktiv va samarali oʻtgan boʻlib, tomonlar jarayonni yanada jadallashtirishga tayyor.

Shuningdek, Rossiya va Oʻzbekiston oʻrtasidagi iqtisodiy hamkorlik muhokama qilindi. Reshetnikovga koʻra, prezidentlar erishgan kelishuvlar asosida Rossiya neft va gaz yetkazib berish hajmini oshirmoqda. Energetika infratuzilmasini modernizatsiya qilish loyihalari ham muhim yoʻnalishlardan biri sifatida belgilandi.

Eslatib...

O‘zbekiston bo‘ylab havo biroz bulutli bo‘lib, yog‘ingarchilik kutilmaydi. Respublikaning barcha hududlarida shamol sharqdan esadi, tezligi 3-14 m/s oralig‘ida bo‘ladi, deya xabar bermoqda «O‘zgidromet».

Toshkent shahrida kechasi 7-9° iliq, kunduzi 18-20° iliq bo‘ladi.

Qoraqalpog‘iston Respublikasi va Xorazm viloyatida kechasi 2-7° iliq, kunduzi 17-22° iliq bo‘lishi kutilmoqda.

Buxoro va Navoiy viloyatlarida harorat kechasi 4-9° iliq, kunduzi 20-25° iliq bo‘ladi.

Toshkent, Sirdaryo, Samarqand va Jizzax viloyatlarida kechasi 4-9° iliq, kunduzi 17-22° iliq bo‘ladi.

Qashqadaryo va Surxondaryo viloyatlarida kechasi 5-10° iliq, kunduzi 20-25° iliq bo‘lishi prognoz qilinmoqda.

Andijon, Namangan va Farg‘ona viloyatlarida kechasi 4-9° iliq, kunduzi 15-20° iliq...

Chevrolet Tracker krossoverining Yevrosiyodagi asosiy ishlab chiqaruvchisi sifatida O‘zbekistonni tanladi. Bu haqda Avtopotok nashri ma’lum qildi.

Unga ko‘ra, mamlakatda ushbu modelning ishlab chiqarilishi allaqachon yo‘lga qo‘yilib, mahalliylashtirish darajasi 50 foizga yetdi.

Xitoyda esa ushbu modelga bo‘lgan talabning pasayishi sababli ishlab chiqarish to‘xtatilmoqda. Avval Tracker SAIC-GM Norsom zavodida yig‘ilar edi, biroq kompaniyaning boshqa bozor segmentlariga e’tibor qaratishi sababli zavod yopildi.

Shuningdek, General Motors Xitoydagi qayta tuzilish doirasida Shenyang shahridagi zavodini yopishini ham e’lon qilgan edi. Bu zavod Buick GL8 minivenlari va Chevrolet Tracker krossoverlarini ishlab chiqarish bilan shug‘ullangan.

Bundan tashqari, Chevrolet Tracker faqat Yevrosiyoda emas, balki Lotin Amerikasida ham ishlab...

Apple AirPods quloqchinlariga real vaqt rejimida suhbatni boshqa tilga tarjima qilish funksiyasi qo‘shilishi kutilmoqda. Bloomberg xabariga ko‘ra, bu imkoniyat 2025-yilda iOS 19 yangilanishi bilan joriy etiladi.

Unga ko‘ra, yangi funksiya orqali foydalanuvchilar boshqa tilda so‘zlashayotgan suhbatdoshining gaplarini avtomatik tarjima qilib, o‘z ona tilida eshitishlari mumkin bo‘ladi. Bu texnologiya Google Pixel Buds singari raqobatchi mahsulotlarda ham mavjud.

Apple hozircha rasmiy izoh bermagan bo‘lsa-da, ushbu yangilik kompaniyaning keng qamrovli dasturiy ta’minot modernizatsiyasi doirasida amalga oshirilishi kutilmoqda.

Eslatib o‘tamiz, avvalroq Apple M4 chipli MacBook Air’ni taqdim etgan edi.

Butan Hindiston bilan chegaradosh Gelephu shahrida «Mindfulness» shahrini barpo etishga kirishdi. Bu haqda CNN axborot agentligi ma’lum qildi.

Unga ko‘ra, Bjarke Ingels Group tomonidan ishlab chiqilgan loyiha yog‘och modul tuzilmalarga asoslangan bo‘lib, u an’anaviy Butan me’morchiligi va zamonaviy ekologik tamoyillarni uyg‘unlashtiradi.

Gelephu xalqaro aeroporti yiliga 1,3 mln yo‘lovchini qabul qilishga qodir bo‘ladi. Mamlakat qirollik hukumatining ta’kidlashicha, ushbu loyiha nafaqat biznes markazi, balki milliy xavfsizlik nuqtai nazaridan ham muhim ahamiyatga ega.

Butan «yuqori qiymat, past ta’sir» tamoyili asosida turizmni rivojlantirib, tashrif buyuruvchilardan kuniga 100 dollar barqaror rivojlanish to‘lovini undirish orqali sog‘liqni saqlash va ta’lim sohalarini qo‘llab-quvvatlamoqda.

Eslatib o‘tamiz, avvalroq Warner...

Toshkent shahrida ichki yo‘llarni ta’mirlash uchun 12 mlrd so‘m mablag‘ ajratilishi belgilandi. Bu shahar hokimi Shavkat Umrzoqov qarorida qayd etilgan.

Unga ko‘ra, mablag‘lar Toshkent shahrini rivojlantirish jamg‘armasi hisobidan ajratilib, tumanlarning obodonlashtirish boshqarmalariga yo‘naltiriladi.

Har bir tuman 1 mlrd so‘mdan mablag‘ oladi. Qaror ijrosi va mablag‘larning maqsadli sarflanishini shahar hokimi o‘rinbosarlari nazorat qiladi.

Eslatib o‘tamiz, avvalroq Toshkentda avtomatik havo monitoringi stansiyalari ishga tushirilgan edi.

O‘zbekiston, Qirg‘iziston va Qozog‘istondan chorvachilik delegatsiyasi AQShning Montana shtati, Biling shahridagi Genex kompaniyasi bazasida bo‘ldi. Bu haqda ElDala.kz portali xabar berdi.

Unga ko‘ra, fermerlar qoramollarni sun’iy urug‘lantirish imkoniyatlarini o‘rgandilar.

Kompaniya, asosan, qora angus zotidagi naslli buqalar urug‘ini sotadi. Bazada taxminan 100 ta buqa saqlanadi. Ularning urug‘ narxi dozasi uchun $40 dan boshlanadi.

Bunday naslli buqalarning har biri $100 – 150 ming atrofida baholanadi.

Kompaniyaning shunday bazalari butun dunyo bo‘ylab mavjud bo‘lib, O‘zbekistonga eng yaqin markaz Xitoyda joylashgan.

Eslatib o‘tamiz, avvalroq chorvachilik va parrandachilik xo‘jaliklariga QQSning 50 foizi qaytarilishi haqida yozgan edik.

Shavkat Mirziyoyev Rossiya Davlat Dumasi raisi Vyacheslav Volodinni qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda ikki mamlakat o‘rtasidagi strategik sheriklik va parlamentlararo hamkorlikni rivojlantirish masalalari muhokama etildi.

Mirziyoyevga Rossiya prezidenti Vladimir Putinning salomi va ezgu tilaklari yetkazildi. O‘tgan yilgi oliy darajadagi uchrashuvlarda erishilgan kelishuvlarning ijrosini nazorat qilish uchun parlamentlararo hamkorlikni kengaytirish muhimligi ta’kidlandi.

Shuningdek, parlamentlar savdo-iqtisodiy, investitsiyaviy loyihalar, mehnat migratsiyasi hamda madaniy-gumanitar almashinuv borasidagi tashabbuslarni qo‘llab-quvvatlashi lozimligi qayd etildi.

Eslatib o‘tamiz, avvalroq Rossiya Davlat Dumasi raisi IT Park’ni yuqori baholagan edi.

Suriya muvaqqat prezidenti Ahmad al-Sharo mamlakatni besh yil davomida islomiy boshqaruv ostida qolishini belgilaydigan vaqtinchalik konstitutsiyani imzoladi. Bu haqda CNN axborot agentligi ma’lum qildi.

Unga ko‘ra, muvaqqat prezident Hay’at Tahrir ash-Shom (HTS) islomiy guruhining hokimiyatni egallashi ortidan rahbarlikka kelgan.

Konstitutsiya davlat rahbarining musulmon bo‘lishi shartligi va shariat asosiy qonunchilik manbai ekanini saqlab qoladi. Shu bilan birga, so‘z va matbuot erkinligi bo‘yicha ba’zi kafolatlarni ham o‘z ichiga oladi.

G‘arb davlatlari yangi hukumatning inklyuzivligini kutayotganini bildirgan bo‘lsa, Isroil Damashqdagi Falastin Islomiy Jihodi guruhining qo‘mondonlik markaziga zarba berdi. Suriyadagi vaziyat keskinlashishda davom etmoqda.

Eslatib o‘tamiz, avvalroq Suriyadagi eskalatsiya ko‘plab qurbonlarga olib...

Kinematografiya agentligi va Hindistonning O‘zbekistondagi elchixonasi hamkorligida O‘zbekiston Milliy kino san’ati saroyida «Hind kinosi kunlari» ochilish marosimi bo‘lib o‘tdi.

«Tadbirda Bollivudning mashhur kinoijodkorlari, jumladan, Abhishek Bachchan ham ishtirok etdi. Shuningdek, uning ko‘plab mukofotlarga sazovor bo‘lgan «Ghoomer» filmi namoyish etildi», – deb xabar bermoqda Kursiv Uzbekistan muxbiri.

Film rejissyori Balkining aytishicha, film budjeti $3,5 mlnni tashkil etadi.

«Bu film kriket haqida va biz bunga taxminan $3,5 mln sarfladik. Hozircha bu kino onlayn platformalar va bir qator kinoteatrlarda namoyish etilmoqda», – dedi kinorejissyor.

Tadbirda ushbu kinofestival ayollarga bag‘ishlanib, Hind elchixonasi va Kinematografiya agentligi bilan hamkorlikda tashkil etilganiga...

10-mart kuni Oliy ta’lim tashkilotlarida grantlarni taqdim etish va qayta taqsimlash tartibi belgilandi. Bu haqda O‘zbekiston milliy axborot agentligi xabar berdi.

Yangi nizomga ko‘ra, ta’lim grantiga talabgorlarning o‘zlashtirish ko‘rsatkichi (GPA bali) kamida 3,5 va undan yuqori bo‘lishi talab etiladi. Ushbu mezonga javob bermagan talabalar grant ajratish jarayonida ishtirok eta olmaydi va ularning grant o‘rni vakant sifatida qoladi.

Talabalar grant olish uchun oliy ta’lim muassasasining rasmiy veb-saytida onlayn ro‘yxatdan o‘tadi va o‘z yutuqlarini tasdiqlovchi hujjatlarni yuklaydi. O‘zlashtirish ko‘rsatkichi 80 ballik tizimda baholanadi, bunda GPA ko‘rsatkichi 16 ga ko‘paytirilib hisoblanadi.

Ijtimoiy faollik 20 ballik tizimda baholanadi va hisoblangan natija beshga bo‘linadi...

2025-yil 1-mart holatiga respublikada 285 mingta mas’uliyati cheklangan jamiyat faoliyat yuritmoqda. Bu haqda Milliy statistika qo‘mitasi ma’lum qildi.

Unga ko‘ra, ularning eng ko‘pi savdo sohasida bo‘lib, 105 mingta MChJ aynan shu yo‘nalishda ishlaydi. Sanoat sohasida 40 mingta, qurilish sohasida 24 mingta, qishloq, o‘rmon va baliqchilik xo‘jaligida esa 24 mingta MChJ faoliyat yuritmoqda.

Shuningdek, yashash va ovqatlanish xizmatlari yo‘nalishida 16 mingta, tashish va saqlash sohasida 14 mingta, axborot va aloqa sohasida 8,6 mingta, sog‘liqni saqlash va ijtimoiy xizmatlar bo‘yicha esa 6,9 mingta MChJ mavjud. Qolgan 43 mingta MChJ esa boshqa turli sohalarda faoliyat olib bormoqda.

Eslatib o‘tamiz, avvalroq MChJlar korporativ...

14-mart kuni oltin narxi yangi tarixiy cho‘qqiga ko‘tarilib, bir troya unsiyasi uchun $3 013,90 ni tashkil etdi. Bu haqda Apmex nashri xabar berdi.

Oltin narxi ko‘plab omillarga bog‘liq holda o‘zgarib turadi. Global iqtisodiy sharoitlar, geosiyosiy vaziyatlar, inflyatsiya darajasi va valyuta kurslaridagi o‘zgarishlar oltin narxiga bevosita ta’sir ko‘rsatadi. Masalan, iqtisodiy noaniqlik davrlarida investorlar xavfsiz aktiv sifatida oltinga murojaat qilishadi, bu esa uning narxining oshishiga olib keladi.

Oltin narxining oshishi nafaqat xalqaro bozorda, balki O‘zbekistonda ham sezilmoqda. Markaziy bank ma’lumotlariga ko‘ra, bugun bir gramm oltin narxi 1 mln 272 ming 440 so‘mni tashkil etdi. 20-fevraldagi rekordga nisbatan qimmatbaho metall narxi...

Yevropa Ittifoqi rossiyalik milliarder Alisher Usmonovning singlisi Gulbahor Ismoilovaga nisbatan sanksiyalarni bekor qildi. Bu haqda Reuters xabar bermoqda.

Ta’kidlanishicha, unga, tadbirkor Vyacheslav Kantor va Rossiya sport vazirligi rahbari Mixail Degtyarevga nisbatan sanksiyalarning bekor qilinishi Vengriya hukumati tomonidan qoʻllab-quvvatlangan. Rasmiy Budapesht milliarder Mixail Fridman va boshqalarga nisbatan sanksiyalarni bekor qilishga chaqirgan. Biroq Yevropa Ittifoqi elchilari ularning sonini 3 tadan oshirmadi.

Vengriya bilan mazkur kelishuv Yevropa Ittifoqiga Rossiya fuqarolari va kompaniyalariga qarshi sanksiyalarni olti oyga uzaytirish imkonini berdi. Bu haqdagi qaror 14-mart kuni Yevropa Ittifoqi elchilarining Bryusseldagi yigʻilishida qabul qilingan.

Avvalroq Kursiv Uzbekistan nashri YI Alisher Usmonovning singlisini sanksiyalar roʻyxatidan chiqargani...

Amerikaning Tesla kompaniyasi kelajakda bir nechta arzon elektromobillarni taqdim etishni rejalashtirmoqda. Bu haqda Xitoyning 36Kr nashri xabar berdi.

Manbalarga koʻra, kompaniya bir vaqtning oʻzida bir nechta qulay narxli elektr avtomobillarni ishlab chiqarishni maqsad qilgan. Ulardan birinchisi Model Y krossoverining soddalashtirilgan versiyasi boʻladi. Model Y 2020-yildan beri AQSh bozorida sotilmoqda va uning narxi $31,5 mingni tashkil etadi.

Yangi arzon model Xitoyning Gigafactory Shanghai zavodida yigʻiladi va standart versiyadagi motor, shassi hamda akkumulyator bilan jihozlanadi. Jurnalistlar uni Model 3’ga qiyoslashmoqda. Tesla ushbu modelni 2024-yil avgust oyida soddalashtirib, ba’zi funksiyalarni olib tashlagan holda Meksika bozorida arzonlashtirilgan narxda sotuvga chiqargan edi.

Hozircha yangi...

«O‘zbekiston temir yo‘llari» infratuzilmasini rivojlantirish doirasida rekonstruksiya qilinishi rejalashtirilgan ikki lokomotiv Xitoyning Horgos shahriga muvaffaqiyatli yetkazildi.

Ushbu jarayonda «Temiryo‘lkargo» AJ yuqori darajadagi logistika hamkorligini amalga oshirdi. Maxsus avtotransport vositalari yordamida Toshkentdan Xitoyga transport operatsiyasi muvaffaqiyatli yakunlandi.

Qiziqarli jihatlar shundaki, har biri 23 metrlik bo‘lgan ikkita lokomotiv va ularning to‘rt qismdan iborat telejkalari maxsus to‘rtta avtotransport vositasi orqali yetkazildi. Ushbu jarayon bor-yo‘g‘i 10 kun davom etdi va belgilangan manzilga o‘z vaqtida yetib bordi. Bu hamkorlik temir yo‘l infratuzilmasini modernizatsiya qilish va logistika samaradorligini oshirish yo‘lidagi muhim qadam bo‘ldi.

Eslatib o‘tamiz, avvalroq temir yo‘l transportida bojxona tekshiruvi uzaytirilishi zarur bo‘lgan holatlar...

2024-yilda O‘zbekistonda uy-joy qurilishi sur’ati sezilarli darajada oshdi. Bu haqda Iqtisodiy tadqiqotlar va islohotlar markazi tahlilida keltirib o‘tilgan.

Uy-joy bozoridagi umumiy vaziyat

2010 – 2016-yillarda qurilgan kvartiralar soni 400 ming donani tashkil etgan bo‘lsa, 2017-yildan boshlab bu ko‘rsatkich 1,65 mlnga yetdi. 2024-yilda esa 100 mingdan ortiq yangi xonadonlar qurilib, respublikadagi umumiy turarjoy fondi 7,6 mlntaga yetdi.

2012 – 2017-yillarda esa har yili o‘rtacha 11 mln kvadrat metr uy-joy foydalanishga topshirilgan bo‘lsa, 2018 – 2023-yillarda mazkur ko‘rsatkich 14 mln kvadrat metrni tashkil etgan. Natijada aholini uy-joy bilan ta’minlash darajasi 2017-yildagi 15,7 kvadrat metrdan 2024-yilda 19 kvadrat metrga ko‘tarildi.

O‘tgan...

Jomboy tumanida oilaviy korxonasi hisoblagichdan tashqari gaz tarmogʻiga tijorat maqsadida oʻzboshimchalik bilan ulangani aniqlangan. Bu haqda Bosh prokuratura matbuot xizmati xabar bermoqda.

Tabiiy gazdan noqonuniy foydalanish natijasida 124,2 mln soʻmlik zarar yetkazilgan. Mazkur holat yuzasidan Jinoyat kodeksining 169-moddasi bilan jinoyat ishi qoʻzgʻatildi.

Eslatib oʻtamiz, Kursiv Uzbekistan Bosh prokuratura 475 mln soʻmlik noqonuniy elektr energiyasi iste’molini fosh etgani haqida yozgan edi.

15-mart, shanba kuni muborak Ramazon oyining oʻn beshinchi kuni boʻlib, Toshkent shahrida saharlikning tugashi soat 5:17 ni tashkil qiladi. Iftorlik esa 18:33 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan.

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu

Eslatib oʻtamiz, Kursiv Uzbekistan roʻza tutishda salomatlik uchun qanday qoidalarga amal qilish haqida yozgan edi.

17-martdan AQSh dollarining rasmiy kursi 15,09 so‘mga oshib, 12 953,20 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 875 – 12 930 so‘mdan sotib olayotgan bo‘lsa, 12 950 – 13 000 so‘m oralig‘ida sotmoqda.

Shu bilan birga, yevro 18,55 so‘mga tushib, 14 058,11 so‘mga yetdi. Rossiya rubli esa 1,14 so‘mga oshib, 151,13 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.       

Yevropa Ittifoqi Alisher Usmonovning singlisi Gulbahor Ismoilovadan sanksiyalarni olib tashlashi mumkin. Bu haqda «Sistema» loyihasi oʻz manbalariga tayanib yozmoqda.

Gulbahor Ismoilovaga nisbatan sanksiyalar 2022-yilning aprel oyida kiritilgan. «Sistema» ma’lumotlariga koʻra, u Usmonov xorijiy aktivlarining bir qismiga egalik qilishi mumkin.

Rossiya prezidenti Vladimir Putin bilan yaqin aloqada boʻlishi mumkin boʻlgan Vyacheslav Kantor ham sanksiyalar roʻyxatidan chiqarib tashlanadi. Roʻyxatga Rossiya sport vazirligi rahbari Mixail Degtyarev ham kiritilgan.

Yaqin orada Ismoilova, Kantor va Degtyarevlar boʻyicha ijobiy qaror qabul qilinishi kutilmoqda.

Eslatib oʻtamiz, Kursiv Uzbekistan Shveysariya Alisher Usmonovning 6,5 mln yevrolik aktivlarini blokdan chiqargani haqida yozgan edi.

O‘zbekistondagi yuridik shaxslar endilikda elektr energiyasi va tabiiy gaz uchun to‘lovlarni mobil ilovalar orqali amalga oshirishlari mumkin bo‘ladi. Bu haqda Markaziy bank qaror qabul qildi.

Ushbu qaror bilan 2021-yil aprel oyida tasdiqlangan «O‘zbekiston hududida bank kartalarining chiqarilishi va muomalada bo‘lishi qoidalari» to‘g‘risidagi nizomga o‘zgartirish kiritildi.

Yangi tartibga ko‘ra, yuridik shaxslar milliy valyutadagi korporativ bank kartalaridan foydalangan holda kommunal to‘lovlarni onlayn shaklda amalga oshirishlari mumkin bo‘ladi. Bu esa korxonalar va tashkilotlar uchun to‘lov jarayonlarini yanada qulay hamda tezkor bo‘lishini ta’minlaydi.

Avvalroq Kursiv Uzbekistan auksion orqali yer uchastkasini ijaraga olgan yuridik shaxslar yer solig‘idan ozod etilishi haqida yozgandi.