Yangiliklar

Kongo Demokratik Respublikasida Ebola bilan bog‘liq 48 ta holat tasdiqlanib, 31 kishi vafot etdi. Bu mamlakatda so‘nggi uch yildagi birinchi Ebola epidemiyasi hisoblanadi, deya xabar bermoqda Reuters.

Epidemiya sentabr boshida e’lon qilingan bo‘lib, u asosan Kasai viloyatida kuzatilmoqda. Hududning zich tropik o‘rmonlari virusning tabiiy manbai sanaladi. Ebola isitma, mushak og‘riqlari, diareya kabi belgilarni keltirib chiqaradi va tuzalgan bemorlarning organizmida ham yillar davomida yashirin qolishi mumkin.

JSST ma’lumotiga ko‘ra, birinchi bosqichda 400 doza Ervebo vaksinasi yetkazilgan, mamlakat zaxirasida yana 2 ming doza mavjud. 900 dan ortiq kontakt shaxslar ro‘yxatga olinib, ularning sog‘ligi kuzatib borilmoqda.

Bundan tashqari, 14 tonnadan ortiq tibbiy...

Yevropada arzon Redmi 15C 5G smartfoni savdoga chiqdi. Bu haqda GSMArena xabar bermoqda. Modelning narxi 180 yevrodan boshlanadi.

Uning asosiy farqi 4G versiyasidan chipsetida – Helio G81 Ultra o‘rniga Dimensity 6300 o‘rnatilgan. Fransiya, Ispaniya va Vengriya aholisi endi yangi modelni xarid qilishi mumkin.

Redmi 15C 5G biroz kattaroq va og‘irroq bo‘lib, vazni 211 grammga yetadi. Smartfon 6,9 dyuymli IPS ekranga ega, HD+ aniqlikda va 120 Hz yangilanish tezligida ishlaydi. Qurilma 6000 mA/soat batareya bilan jihozlangan, 33 Vt quvvatli tezkor zaryadlashni qo‘llab-quvvatlaydi. Himoya darajasi IP64 bo‘lib, suv va changdan saqlanish imkonini beradi.

Kameralariga kelsak, old kamera 8 megapikselli, asosiy esa...

O‘zbekistonda sog‘liqni saqlash tizimiga sun’iy intellekt asosidagi yangi loyiha — «Shifokorning raqamli yordamchisi» joriy etiladi. Bu haqda Raqamli texnologiyalar vazirligi ma’lum qildi.

U shifokorlarga bemorlarga tashxis qo‘yishda ko‘maklashadi va nutqni avtomatik tarzda matnga aylantirib, tibbiy ko‘rik jarayonini yengillashtiradi.

Prezident qaroriga ko‘ra, dastur 2026-yil yakunigacha to‘liq ishga tushiriladi. Shu bilan birga, 2026-yil 1-maydan nogironlikni belgilash bo‘yicha davlat xizmati ko‘rsatishda yo‘llanmalarni shakllantirish va elektron navbatga qo‘yish kompozit shaklda amalga oshiriladi.

Yangi tizim shifokorlarning ishini samarali tashkil etish, bemorlar uchun qulaylik yaratish hamda sog‘liqni saqlash tizimida xatoliklarni kamaytirishga xizmat qiladi.

Eslatib o‘tamiz, avvalroq O‘zbekistonda ilk bor unikal yurak jarrohligi amalga oshirilgani haqida...

Chery kompaniyasi tomonidan yangi Chery Fulwin X3L avtomobili taqdim etildi. Bu haqda Autohome xabar bermoqda. Mashina to‘rt xil komplektatsiyada chiqadi. Narxi $21 mingdan boshlanadi.

Avtomobil 1,5 litrli turbomotor asosidagi gibrid tizim bilan ishlaydi. Oddiy versiyada 251 ot kuchiga ega bitta elektromotor, yuqori toifalilarda esa 428 ot kuchiga ega ikkita elektromotor o‘rnatilgan. Kuchli versiya 100 km/soat tezlikka 4,7 soniyada chiqadi. Batareya sig‘imi 33,68 kVt/soat bo‘lib, faqat elektrda 215 km yuradi, umumiy zapas esa 1200 km. Qimmat versiyalar adaptiv osma tizimiga ega.

Fulwin X3L dizayni keskin chiziqlardan iborat, L shakldagi faralar bilan jihozlangan. Uning o‘lchamlari 4545x1950x1815 mm, bazasi 2783 mm. Yo‘l...

Yevropa Chempionlar ligasi umumiy bosqichining birinchi turidan oʻrin olgan bir qator uchrashuvlar boʻlib oʻtdi.

Dastlab, «Nyukasl» maydoniga safar qilgan «Barselona» 2:1 hisobida gʻalabaga erishdi. Bellashuvda Markus Reshford dublni rasmiylashtirgan boʻlsa, Antoni Gordon mezbonlarning javob to‘piga mualliflik qildi.

YChL. 1-tur
«Nyukasl» – «Barselona» 1:2
Gollar: Gordon (90) — Reshford (58, 67)
Nyukasl – Pope, Trippier, Shar, Born, Livramento, Gimarayesh, Tonali, Joelinton, Elanga, Gordon, Barnes.
Barselona – Garsiya, Kunde, Arauxo, Kubarsi, Martin, De Yong, Pedri, Rafinya, Lopes, Reshford, Levany.

Shuningdek, oʻz maydonida «Napoli»ni qabul qilgan «Manchester Siti» ham 2:0 hisobida gʻalaba qozondi.

Dastlab, 56-daqiqada Holand hisobni ochgan boʻlsa, 65-daqiqada Doku raqib himoyasini yorib o‘tib, darvozani ishgʻol...

Oʻzbekiston terma jamoasi birinchi kunda barcha yosh toifalarida dastlabki bahslarda gʻalaba qozondi. Bu haqda badminton federatsiyasi maʼlum qildi.

Toshkentda badminton boʻyicha Markaziy Osiyo chempionati boʻlib oʻtmoqda. Dastlab U-15, U-17 va U-23 yosh toifalarida jamoaviy bahslar o’tkazildi. Guruh bosqichi va plef-off oʻyinlari murosasiz kechdi.

Foto: Badminton federatsiyasi

Xususan, U-15 yosh toifasida «B» guruhidan oʻrin olgan Oʻzbekiston Turkmaniston terma jamoasini umumiy 5:0 hisobida magʻlub etdi. U-17 yosh toifasida Moʻgʻuliston xuddi shunday hisobda taslim etildi.

Shuningdek, U-23 yosh toifasida ham Oʻzbekiston Turkmanistonga hech qanday imkoniyat qoldirmadi va 5:0 hisobida zafar quchdi.

Birinchi kunda qayd etilgan barcha natijalar:

U-15 yosh toifasida:
«A» guruhi...

19-sentabr kuni Oʻzbekiston hududida havo harorati kechasi 8–18°, kunduzi 22–32° oraligʻida boʻladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Buyuk Britaniya politsiyasi 41 va 46 yoshli erkak hamda 35 yoshli ayolni hibsga oldi. Ular Rossiya razvedkasiga yordam berganlikda gumonlanmoqda. Bu haqda CNN agentligi ma’lum qildi.

Metropolitan politsiyasi ma’lumotiga ko‘ra, gumondorlar Essex grafligida qo‘lga olinib, Londonga olib ketilgan. Mazkur hibs Milliy xavfsizlik to‘g‘risidagi qonunni buzish va terrorizmga qarshi tergov doirasida amalga oshirildi. Politsiya ikki manzilda tintuv o‘tkazgan. Hozircha uch nafar gumondor shartli garov evaziga qo‘yib yuborildi, biroq tergov davom etmoqda.

London politsiyasi qo‘mondonligi vakili Dominik Merfi so‘nggi milliy xavfsizlik ishlari doirasida xorijiy razvedkalar tobora ko‘proq «vositachilar»dan foydalanayotganini ta’kidladi. U bu jarayonni xavfli tendensiya sifatida qayd etdi.

Merfi bunga misol...

Apple o‘n yildan ortiq vaqt davomida MacBook’lariga sensorli ekran qo‘shishga qarshilik qilib kelgan edi, biroq bu siyosat tez orada o‘zgarishi mumkin. Bu haqda Gizmochina ma’lum qildi.

Mashhur tahlilchi Ming-Chi Kuo ma’lumotiga ko‘ra, kompaniya birinchi OLED displeyli va to‘liq sensorli ekranli MacBook Pro ustida ishlamoqda. Qurilma 2026-yil oxiri yoki 2027-yil boshida taqdim etilishi kutilmoqda.

Apple bundan oldin MacBook’larda sensorli tajribani faqat Touch Bar orqali sinab ko‘rgan edi. 2016-yilda taqdim etilgan ushbu kichik oynali panel 2023-yilda MacBook Pro 13 M2 modeli bilan birga ishlab chiqarishdan chiqarildi. U foydalanuvchilarga qo‘shimcha boshqaruv imkoniyatini bergan bo‘lsa-da, hech qachon to‘liq sensorli ekran o‘rnini bosa olmadi.

2026-yil 1-yanvardan IT Park rezidentlari uchun reklama va dasturiy ta’minotdan foydalanishga oid yangi tartib-qoidalar kuchga kiradi. Bu haqda Raqamli texnologiyalar vazirligi ma’lum qildi.

Yangi tizim xalqaro savdo va investitsiya faoliyatini qo‘llab-quvvatlash, chet el hamkorligini rivojlantirish hamda to‘lovlarni qulaylashtirishga qaratilgan. To‘lovlar eksport tushumlari doirasida amalga oshiriladi va $500 mingdan oshmasligi kerak.

Reklama esa hukumat tomonidan tasdiqlangan ro‘yxatdagi 100 mln dan ortiq auditoriyaga ega platformalarda joylashtiriladi. To‘lov va obunalar bo‘yicha ma’lumotlar «E-contrast» tizimida yuritiladi, biroq $5 minggacha bo‘lgan operatsiyalar bundan mustasno.

Mazkur o‘zgarishlar IT Park rezidentlariga global miqyosda faoliyatini kengaytirish, xalqaro to‘lov tizimlaridan foydalanish va biznesni yanada samarali rivojlantirish imkonini beradi.

2024-yil yakunlariga ko‘ra, O‘zbekiston Afg‘oniston import qilgan unning 47 foizini ta’minlab, bu yo‘nalishda yetakchi davlatga aylandi. Bu haqda mustaqil tahlilchi Marina Sidak 18-sentabr kuni Toshkentda bo‘lib o‘tgan Asia Grains & Oils Conference xalqaro anjumanida ma’lum qildi.

Raqamlarga ko‘ra, 2024-yilda Afg‘oniston O‘zbekistondan 1,2 mln tonna un xarid qilgan. O‘rtacha narx 1 tonna uchun $273ni tashkil etgan. Qozog‘iston esa 1,1 mln tonna un yetkazib bergan bo‘lib, narx $265 atrofida bo‘lgan.

2025-yilning dastlabki olti oyida ham O‘zbekiston o‘z yetakchilik mavqeini saqlab qoldi. Bu davrda Afg‘onistonga 691 ming tonna un jo‘natildi. Shu vaqt ichida Qozog‘iston 537 ming tonna, Rossiya esa atigi 14 ming...

2025-yil 15-sentabrdan hukumat qaroriga asosan hududlarning investitsiyaviy jozibadorligi reytingi baholanadi. Bu haqda Adliya vazirligi ma’lum qildi.

Reyting ikki yo‘nalishda o‘tkaziladi:

Jarayonni Investitsiyalar, sanoat va savdo vazirligi muvofiqlashtiradi. Vazirlik elektron platformani boshqaradi, baholash natijalarini hisoblab, tahliliy ma’lumotnoma tayyorlaydi.

Reyting ballari to‘rt bosqichda elektron platforma orqali shakllantiriladi.

Eslatib o‘tamiz, avvalroq Global innovatsiya indeksi (GII) 2025-yilgi reytingida Oʻzbekiston 139 ta mamlakat ichida 79-oʻrindan joy olgani haqida yozgan edik.

Hukumat qaroriga muvofiq, «Mahalla fuqarolar yig‘ini yagona reestrini shakllantirish va yuritish tartibi to‘g‘risidagi nizom» tasdiqlandi. Bu haqda Adliya vazirligi ma’lum qildi.

Yagona reestr mahallalar haqidagi asosiy ma’lumotlarni jamlab, davlat organlari va boshqa tashkilotlar bilan elektron hamkorlikda foydalaniladigan manba bo‘lib xizmat qiladi.

Reestrni O‘zbekiston mahallalari uyushmasi Qoraqalpog‘iston Respublikasi Jo‘qorg‘i Kengesi hamda xalq deputatlari viloyat va Toshkent shahar Kengashlari qarorlariga asoslanib shakllantiradi. U «Raqamli mahalla» axborot tizimi orqali yuritiladi.

Reyestrda quyidagi ma’lumotlar aks etadi:

Ma’lumot uchun, fuqarolar...

Xitoyning Wuling kompaniyasi yangi Wuling Binguo S elektromobilini 27-sentabr kuni rasman taqdim etadi. Bu haqda CarNewsChina xabar bermoqda. Avtomobilning oldindan buyurtma narx $9,5 ming etib belgilangan.

Model ikki xil masofa zaxirasi bilan taqdim qilinadi. 325 kilometr va 430 kilometr. Ikkala versiyada ham old g‘ildirakdan tortuvchi tizim va 75 kVt quvvat hamda 180 Nm moment ishlab chiqaruvchi doimiy magnitli sinxron elektromotor o‘rnatilgan. Qisqa masofali variant 31,9 kVt/soatli LFP batareya bilan, uzoq masofali versiya esa 41,9 kVt/soatli batareya bilan jihozlangan.

Avtomobilning uzunligi 4 265 mm, eni 1 785 mm, balandligi 1 600 mm, g‘ildiraklar bazasi esa 2 610 mmni tashkil etadi...

Nvidia kompaniyasi Intel’ning $5 mlrdlik oddiy aksiyalarini sotib olish bo‘yicha kelishuv imzoladi. Bu haqda CNN agentligi ma’lum qildi.

Unga ko‘ra, xarid narxi har bir aksiya uchun $23,28 ni tashkil etadi. Buning natijasida Nvidia Intel’da to‘rt foizdan ortiq ulushga ega bo‘ladi.

Ushbu xabar AQSh hukumati Intel’ga yaqinda $8,9 mlrd sarmoya kiritganidan so‘ng e’lon qilindi. Prezident Donald Tramp Intel’ni «Buyuk Amerika kompaniyasi» deb atab, ushbu bitimni mamlakat chip sanoati kelajagi uchun muhim qadam sifatida baholadi.

Bitimning maqsadi — AQShda yarimo‘tkazgich ishlab chiqarishni rivojlantirish va Xitoy bilan raqobatda yetakchilikni mustahkamlash. Shu bilan birga, Nvidia va Intel data markazlar hamda shaxsiy kompyuterlar uchun...

Toshkentda Badminton bo‘yicha Markaziy Osiyo chempionatining rasmiy ochilish marosimi o‘tkazildi. Bu haqda Kursiv Uzbekistan muxbiri ma’lum qildi.

Marosimda nutq so‘zlagan badminton federatsiyasi raisi Aziz Abduhakimov Prezidentimiz tomonidan yurtimizda sport sohasiga qaratilayotgan e’tibor sabab bugunga kelib barcha sport turlarida, jumalada, badmintonda ham ijobiy o‘zgarishlar ko‘zga tashlanayotganini ta’kidladi.

Marosimda shuningdek, Olimpiya Qo‘mitasi raisning birinchi o‘rinbosari Otabek Umarov, Oliy ta’lim, fan va innovatsiyalar vaziri Kongratbay Sharipov, Badminton Osiyo taraqqiyot qo’mitasi raisi Wajid Ali Chaudhry hamda Sport vaziri Adham Ikromov qatnashdi.

«Bugungi kunga kelib O‘zbekistonda badminton sportining bir qator iqtidorli va umidli vakillari yetishib chiqmoqda. Mazkur chempionat yana yangi...

Tezkor tadbirlar davomida Farg‘ona va Qoraqalpog‘istonda yirik miqdordagi giyohvand moddalar qo‘lga olindi. Bu haqda DXX xabar bermoqda.

Farg‘ona viloyatida o‘tkazilgan operatsiyada 1983-yilda tug‘ilgan fuqaro va uning sherigi 9 kilogramm 896 gramm «gashish»ni yashirin joydan olib chiqayotgan vaqtda ushlandi. Ularning yonidan $14,5 ming va 6 mln so‘m hamda qo‘shimcha ravishda uchinchi shaxs yashash joyidan 110 gramm «opiy», ikki elektron tarozi, $1,2 ming va 28 mln so‘m topildi. Mazkur giyohvand moddalar Farg‘ona vodiysida iste’molchilarga sotilishi rejalashtirilgani aytilmoqda.

Shuningdek, Qoraqalpog‘iston Respublikasida ham yirik miqdorda narkotik moddalar musodara qilindi. To‘rtkul va Xazorasp tumanlaridan ikki shaxs Afg‘onistondan kontrabanda yo‘li bilan olib kirilgan 6 kilogramm...

Xitoylik DeepSeek kompaniyasi o‘zining yangi R1 sun’iy intellekt modelini atigi $294 mingga tayyorlaganini ma’lum qildi. Bu raqam AQSh kompaniyalari sarflagan xarajatlardan ancha past, deya yozmoqda Reuters.

R1 modeli 512 ta Nvidia H800 chiplarida 80 soat davomida o‘qitilgan. Shu bilan birga, kompaniya dastlabki bosqichlarda A100 chiplaridan ham foydalanganini tan oldi.

Mutaxassislar fikricha, bunday past narx sun’iy intellekt sohasidagi raqobatda Xitoyning mavqeini mustahkamlashi mumkin. Shu bilan birga, AQSh kompaniyalari DeepSeekning ayrim bayonotlari va ishlatgan texnologiyalari yuzasidan savollar tug‘dirganini bildirmoqda.

Eslatib o‘tamiz, avvalroq Gonkong Fan va texnologiyalar universiteti (HKUST) tadqiqotchilari Xitoyda yaratilgan DeepSeek-R1 til modelini sog‘liqni saqlash sohasida chuqur o‘rgangan edilar.

Ichki ishlar vazirligi Yo‘l harakati xavfsizligi xizmati moped va skuter egalariga muhim eslatma berdi. Unga ko‘ra, 1-oktabr sanasiga qadar barcha haydovchilar «A» toifali haydovchilik guvohnomasiga ega bo‘lishi, transport vositalari esa davlat ro‘yxatidan o‘tgan bo‘lishi zarur.

Avvalroq Vazirlar Mahkamasi aprel oyida ushbu muddatni 30-sentabrgacha uzaytirgan edi. Dastlab, 2025-yil 1-martdan boshlab moped va skuter haydovchilarida «A» toifa guvohnoma talab qilingan. Endi esa, 1-oktabrdan barcha moped va skuterlar davlat raqamiga ega bo‘lishi majburiy hisoblanadi.

Ro‘yxatdan o‘tkazish uchun egasi yoki vakili quyidagi hujjatlarni taqdim etishi lozim:

FIFA reytingi yangilandi: O‘zbekiston bir pog‘ona yuqoriladi

18-sentabr kuni FIFA milliy jamoalarning navbatdagi reytingini taqdim etdi. Bu gal TOP – 5 likda o‘zgarish kuzatildi.

Bunga qadar ikkinchi va uchinchi o‘rinni egallab kelgan Ispaniya va Fransiya bir pog‘onadan yuqoriladi. Shu tariqa «qizil furiya» 2014-yildan so‘ng ilk bor reytingda birinchi o‘rinda qayd etildi.

Yaqin qarindoshlarim ichida munosabatni butunlay uzgan yagona inson — Maryam Tillyaeva onasi haqida

O‘zbekiston birinchi prezidenti Islom Karimovning nabirasi, bloger Maryam Tillyaeva 15-sentabr kuni Instagram’dagi savollarga javob berar ekan, onasi Lola Karimova bilan 5 yildan beri muloqot qilmayotganini ma’lum qildi.

Maryamning so‘zlariga ko‘ra, onasi yaqin qarindoshlari ichida u munosabatni butunlay uzgan yagona inson...

Xiaomi 17 Pro Max kamerasi haqida yangi ma’lumotlar paydo bo‘ldi. Bu haqda Gizmochina texnologiyalar nashri xabar bermoqda.

Xiaomi 17, 17 Pro va 17 Pro Max modellari sentabr oxirigacha taqdim etilishi kutilmoqda. Ularning barchasi Qualcomm’ning yaqin kunlarda rasman namoyish etiladigan Snapdragon 8 Elite Gen 5 protsessori bilan ishlaydi. Ammo xaridorlar uchun asosiy savol baribir kameraga taqalmoqda, chunki u Leica bilan hamkorlikda ishlab chiqilgan.

Ma’lumotlarga ko‘ra, Pro Max kamerasi asosan 17 Pro bilan bir xil. Ikkala model ham 50 MP asosiy sensor (f/1.67 diafragma) va 17 mm keng ultrakeng linza bilan jihozlanadi. Leica sozlagan bu tizim yuqori aniqlik va tabiiy rang...

Skoda kompaniyasi tomonidan Skoda Elroq 60 Select avtomobili rasman namoyish etildi. Bu haqda 32cars nashri xabar bermoqda. Boshlang‘ich narx $35 ming qilib belgilangan.

Model 60 kVt/soatli batareya va 150 kVt (201 ot kuchi) quvvatga ega elektromotor bilan jihozlangan. U kombinatsiyalangan siklda 395 km, shahar ichida esa 504 km masofani bosib o‘ta oladi. Avtomobil 0 dan 100 km/soat tezlikka 8 soniyada chiqadi.

Modelni 11 kVt quvvat bilan oddiy rejimda yoki 165 kVtgacha tezkor quvvatda zaryadlash mumkin. Tezkor usulda energiya zaxirasi 10 foizdan 80 foizgacha atigi 24 daqiqada to‘ldiriladi. Model Volkswagen konsernining MEB platformasida yaratilgan.

Standart jihozlar orasida 13 dyuymli multimedia...

Namanganda o‘tayotgan xalqaro forumda UNICEFning O‘zbekistondagi vakolatxonasi rahbari Rehina Castijio mamlakatda bolalar kambag‘alligini qisqartirish borasida erishilgan yutuqlar haqida ma’ruza qildi. Bu haqda Ijtimoiy himoya milliy agentligi xabar qildi.

Unga ko‘ra, 2021–2024-yillar davomida bolalar kambag‘alligi darajasi 21,5 foizdan 11,4 foizgacha tushdi. Bu qisqa muddat ichida 10 foizlik kamayishni anglatadi. Castijioning ta’kidlashicha, ijtimoiy nafaqalar, moddiy yordam va pensiyalar kambag‘allikni kamaytirishda hal qiluvchi omil bo‘lgan. Agar ushbu choralar ko‘rilmaganida, bolalar kambag‘alligi darajasi sezilarli darajada oshishi mumkin edi.

UNICEF vakili, shuningdek, inson kapitali rivoji uchun ta’lim, sog‘liqni saqlash va bolalarni himoya qilish kabi universal xizmatlarning ahamiyatini alohida qayd etdi.

17-avgust kuni Jenevada O‘zbekiston mustaqilligining 34 yilligiga bag‘ishlangan qabul marosimi bo‘lib o‘tdi.

Tadbirda so‘zga chiqqan O‘zbekiston Respublikasi Prezidenti Administratsiyasi rahbari Saida Mirziyoyeva kelajak, barqaror taraqqiyot, madaniyat hamda qadriyatlar haqida fikr yuritdi.

Marosim cho‘g‘ida yana bir muhim yangilik e’lon qilindi: yaqin kunlarda Jenevadagi BMT binosida «O‘zbekiston xonasi» ochiladi.

«Bu – madaniyatimizning mo‘jazgina bir bo‘lagi ko‘p millatli hamjamiyatga namoyish etiladigan maskan bo‘ladi. Ushbu maskan har qanday qiyinchilik va ziddiyatlarga qaramay, bizning dunyoga ochiqligimiz ramziga aylanadi», — deya ta’kidladi Mirziyoyeva.

Shuningdek, Mirziyoyeva Jenevaga bo‘lgan tashrifi davomida Jahon savdo tashkiloti Bosh direktori Ngozi Okonjo-Iveala bilan uchrashdi.