Yangiliklar

27-sentabr kuni O‘zbekiston poytaxtida Markaziy Osiyo tarixida birinchi marta «Web Summit Spotlight» – dunyodagi eng nufuzli texnologik forumlardan birining maxsus formati bo‘lib o‘tadi. Tadbir IT Park Uzbekistan va O‘zbekiston Respublikasi Raqamli texnologiyalar vazirligi tomonidan «Web Summit» bilan hamkorlikda tashkil etilmoqda.

Lissabonda o‘tkaziladigan asosiy «Web Summit» har yili 70 000 dan ortiq ishtirokchini bir joyga to‘playdi. Ular orasida startaplar asoschilari, xalqaro korporatsiyalar rahbarlari, investorlar va global texnologik kun tartibini belgilovchi tadqiqotchilar bor. Toshkentda «Spotlight» tadbirining tashkil etilishi «Web Summit» ekotizimining geografiyasini kengaytiradi. Bunga qadar Lissabon, Rio-de-Janeyro, Vankuver, Gonkong va Doha shaharlarida o‘tkazilgan mazkur tadbir endi Markaziy Osiyoga ham global aloqalar o‘rnatish, sarmoya jalb qilish va bilimlardan bevosita foydalanish imkonini yaratadi.

«Spotlight» sahnasi bozor taraqqiyotiga turtki berayotgan nomlar va...

3 – 5-sentabr kunlari Samarqand shahri nufuzli shaxmat turniri FIDE Grand Swiss musobaqasiga mezbonlik qildi. Jami mukofot jamg‘armasi $855 mingni tashkil etgan bellashuvda 39 mamlakatdan 116 nafar erkak va 56 nafar ayol shaxmatchi ishtirok etdi.

Erkaklar o‘rtasidagi kurashda niderlandiyalik grossmeyster Anish Giri 8 ochko bilan birinchi o‘rinni egalladi. Uni 7,5 ochkodan to‘plagan Mattias Blyubaum (Germaniya), Alireza Firuzja (Fransiya) va Vinsent Keymer (Germaniya) turnir oxirigacha ta’qib qilib bordi.

O‘zbekistonlik shaxmatchilardan eng yuqori natijani Nodirbek Abdusattorov qayd etdi – 7 ochko. U peshqadamdan bir ochko ortda qoldi va 10-o‘rinni egalladi. Shu bilan birga, Nodirbek Yakubboyev (14-o‘rin, 7 ochko) va Javohir Sindarov

Smartbank endilikda o‘z faoliyatini Openbank nomi ostida davom ettiradi. Bu haqda bank matbuot xizmati ma’lum qildi.

Bankning rasmiy sayti endi openbank.uz domenida faoliyat yuritmoqda, shuningdek, Telegram-kanali ham yangi nomga o‘tdi.

Bank xabariga ko‘ra, mijozlarga ko‘rsatilayotgan xizmatlarda avvalgi tartib saqlanib qoladi hamda bank yangi imkoniyatlar yaratishda davom etadi.

Ma’lumot uchun, joriy yil iyun oyida Smartbank’ning nomi Openbank’ga o‘zgartirilishi ma’lum qilingandi. 17-iyun kuni bo‘lib o‘tgan aksiyadorlarning yillik yig‘ilishida bu qaror 100% kvorum bilan tasdiqlangan.

Shuningdek, Smartbank 2022-yil dekabrida Markaziy bankdan bank faoliyatini amalga oshirish huquqini beruvchi litsenziya olgan edi.

Avvalroq Kursiv Uzbekistan «Yevroosiyo Banki» litsenziyasi bekor qilingani haqida...

Rosselxoznadzor O‘zbekistondan olib kelingan 1,4 tonna shaftolida sharq mevaxo‘ri hasharotini aniqladi. Bu haqda oren1 nashri ma’lum qildi.

Yuk Orenburg viloyatidagi vaqtinchalik saqlash omborida tekshirildi. Laboratoriya xulosasi zararlanishni tasdiqladi. Partiya hududga kiritilmadi. Importchi kompaniya ma’muriy javobgarlikka tortildi.

Mazkur hasharot YOII hududida uchraydi va qishloq xo‘jaligiga katta zarar yetkazishi mumkin. Nazorat xizmati bu yil shunday holatni 146 marta qayd etgan. Mahsulot do‘kon rastalariga chiqmasdan to‘xtatildi.

Avvalroq Kursiv Uzbekistan Rossiyaga 10 yillik tanaffusdan so‘ng ilk qovoq eksporti amalga oshirilgani haqida xabar bergan edi.

17-sentabr kuni Namangan shahrida o‘tayotgan «Kambag‘allikdan farovonlik sari» xalqaro forumi doirasida prezident Shavkat Mirziyoyev Xalqaro islom taraqqiyot banki (ITB), Jahon banki (JB) va Osiyo taraqqiyot banki (OTB) rahbariyati bilan uchrashuvlar o‘tkazdi.

Davlat rahbari uchrashuvlarda xalqaro moliya institutlari bilan strategik sherikchilikni yanada kengaytirish, uzoq muddatli dasturlarni amalga oshirish va qo‘shma loyihalar ko‘lamini oshirish masalalariga alohida urg‘u qaratdi.

So‘nggi yillarda ITB bilan hamkorlik hajmi $5 mlrddan oshib, transport, energetika, sog‘liqni saqlash, uy-joy qurilishi va ta’lim sohalarini qamrab olmoqda. Prezident bank bilan loyihalar portfelini ikki baravar ko‘paytirish va xususiy sektor, infratuzilma hamda ijtimoiy sohada yangi dasturlarni amalga oshirish tashabbusini ilgari surdi.

Jahon...

Namangan viloyati hokimi Shavkat Abdurazzoqov viloyat kichik biznesga tayangan holda barqaror rivojlanishga erishish mumkinligi bo‘yicha namuna bo‘lganini ta’kidladi. Bu haqda hokim 17-18-sentabr kunlari Namanganda bo‘lib o‘tayotgan «Kambag‘allikdan farovonlik sari» III xalqaro forumi doirasida jurnalistlarga ma’lum qildi.

Uning aytishicha, 2017-yilgacha viloyatda biznes va sanoat sust rivojlangan. Biroq «Yangi O‘zbekiston» siyosati boshlanganidan so‘ng, kichik biznes va sarmoyadorlar uchun qulay sharoitlar yaratildi.

Namanganda yirik shaharni tashkil qiluvchi korxonalar, ya’ni kimyoviy majmualar, neftni qayta ishlash yoki avtomobil zavodlari mavjud emas. Viloyat iqtisodiyoti, asosan, kichik biznesga tayanadi va aynan shu sababli, hokim ta’kidlaganidek, prezident Namanganni katta kompaniyalarsiz ham hududni yashash va sarmoya kiritish uchun...

Yangi Namangan shahridagi qiymati $750 millionlik China town loyihasining ikkinchi bosqichi 2027-yil oxirigacha yakunlanadi. Bu haqda viloyat hokimi Shavkat Abdurazzoqov Kursiv’ga ma’lum qildi.

«Yangi Namangan shaharchasida Xitoy tajribasi asosida qurilayotgan ushbu hududning bir qismi China town deb nomlanadi. U yerda 20 qavatli 6 mingga yaqin uy-joy va besh yulduzli mehmonxona quriladi. Hozirda bu loyihaning ikkinchi qismi 2027-yil oxirigacha yakunlanishi kutilmoqda».

Ma’lumot uchun, shu yilning yanvar oyida Yangi Namangan shaharchasida qiymati $750 millionlik China town yirik loyihasi boshlangandi. 66 gektar maydonda joylashadigan ushbu manzilda turarjoy majmualari, ofis, savdo, xizmat ko‘rsatish infratuzilmalari, bog‘cha, maktab masjid bunyod...

Redmi va Oppo yangi avlod Turbo smartfonlar ustida ishlamoqda. Bu haqda ITHome texnologiyalar xabar bermoqda.

Ularning nomi mos ravishda Redmi Turbo 5 va Oppo K14 Turbo bo‘lishi kutilmoqda. Yangi qurilmalar 1,5K ekran, metall yon ramkalar va juda katta akkumulyator bilan ta’minlanadi. Narxi qariyb 2000 yuan, ya’ni $280 atrofida bo‘lishi rejalashtirilgan.

Manbaga ko‘ra, modellardan biri 9000 mA/soat sig‘imli akkumulyator bilan chiqishi mumkin.

Smartfonlarning taqdimot sanasi hozircha oshkor qilinmagan, biroq ular 2026-yilda bozorga chiqarilishi taxmin qilinmoqda.

Eslatib o‘tamiz, Kursiv Uzbekistan Xiaomi Redmi 15R 5G smartfoni haqida batafsil ma’lumotlarni e’lon qilgani haqida yozgan edi.

Niderlandiyaning «Ayaks» akademiyasidan 11 nafar mutaxassis «Namangan» futbol maktabida ish boshlaydi. Bu haqda viloyat hokimi Shavkat Abdurazzoqov Kursiv’ga ma’lum qildi.

«Prezident topshirig‘iga asosan «Ayaks» akademiyasi bilan muzokaralar o‘tkazilib, viloyatdagi uchta futbol akademiyasi va futbol maktablariga 11 ta mutaxassis jalb etish bo‘yicha kelishuvlarni amalga oshirmoqdamiz. Ushbu mutxassislar viloyatda milliy jamoani shakllantirishda va futbolchilarimizni xalqaro darajalarda tayyorlashga yordam beradi. Ular yaqin orada O‘zbekistonga keladi», dedi viloyat hokimi.

Kecha, 16-sentabr kuni prezident ishtirokidagi yig‘ilishda «Namangan» futbol maktabi uch yil muddatga Niderlandiyaning mashhur «Ayaks»  akademiyasi boshqaruviga topshirilishi belgilangandi.

Avvalroq Kursiv Uzbekistan’da viloyat hokimi Namanganda kambag‘al oilalar soni 2 baravardan ko‘proqqa qisqarishini aytgani yozilgandi.

Ikkinchi eng yengil vazn toifasida mutlaq jahon chempionligi uchun sobiq da’vogar Murodjon Ahmadaliyev Naoya Inouega qarshi jangdan soʻng Oʻzbekistonga qaytib keldi. Uni Toshkent xalqaro aeroportida muxlislar va yaqinlari kutib olishdi.

Ahmadaliyev ortda qolgan jang haqida o‘z fikrlarini bildirib, mag‘lubiyatning asosiy sabablariga ham to‘xtaldi.

«Men muxlislar xohlagan natijani ko‘rsata olmadim. Shuning uchun xafa bo‘lmaysizlar. Hammasi Allohdan. Men kuchliroq bo‘lib qaytaman. Bu safargi jangga puxta tayyorgarlik ko‘rgandim, o‘zimni yaxshi his qilayotgandim. Vazn tashlash jarayoni ham yengil o‘tdi. Lekin jang kuni kichik noqulalik yuz berdi», dedi bokschi.

Ahmadaliyevning so‘zlariga ko‘ra, asosiy muammo jang oldidan to‘liq qizib olish imkoniyati...

18-sentabr kungi valyuta kurslari e’lon qilindi. Shu kun uchun AQSh valyutasi 12 254,27 so‘m (-30,89 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Valyuta birjasida dollar so‘nggi besh kunlikda turlicha dinamiklarni ko‘rsatdi. 10-sentabr kuni AQSh valyutasi 12 360,86 so‘m etib belgilandi va bu avvalgi ko‘rsatkichdan 5,72 so‘m yuqori bo‘ldi. 11-sentabrda kurs keskin oshib, 12 447,35 so‘mni tashkil etdi (+86,49 so‘m). Biroq 12-sentabrda dollar biroz arzonlab, 12 426,83 so‘mga tushdi (−20,52 so‘m).

15-sentabrda pasayish davom etdi va kurs 12 344,61 so‘mni ko‘rsatdi (−82,22 so‘m). 16-sentabrda esa dollar yana pastlab...

«Kambag‘allikdan farovonlik sari» III xalqaro forumida Namangan viloyati hokimi Shavkat Abdurazzoqov yil oxirigacha kambag‘al oilalar soni ikki baravarga qisqarishini ma’lum qildi, deya xabar bermoqda «Kursiv» muxbiri.

«2020-yilda Namanganda kambag‘allik darajasi 14 foizni tashkil etgandi. Bugungi kunda bu ko‘rsatkich 5,4 foizga kamayib, 52 ming oilani tashkil etmoqda. Yil oxirigacha bu sonni 25 mingga tushirishni rejalashtirganmiz.

Prezidentimiz bugungi yig‘ilishda 235 ming gektar paxta va g‘alla maydoni qisqartirilib, odamlarga 30 – 50 sotixdan yer ajratishning yangi mexanizmi joriy qilingani haqida gapirib o‘tdilar. Namangan viloyatida so‘nggi uch yilda 24 ming gektar yer maydonlari kambag‘al oilalarga tarqatib berildi. Buning natijasida...

Ko‘p qavatli uylar yonidagi pulli avtoturargohlarda rezidentlik ruxsatnomalari joriy etiladi. Bu haqda Poytaxt Parking ma’lum qildi.

Aniqlanishicha, ruxsatnoma egalariga avtoturargoh soat 20:00 dan 08:00 gacha va bayram kunlari bepul bo‘ladi. Qolgan vaqtda umumiy tartib amal qiladi.

Poytaxt Parking’ning ta’kidlashicha, ruxsatnoma olish tartibi va qaror tafsilotlari noyabrda e’lon qilinadi.

Avvalroq Kursiv Uzbekistan Toshkentda pullik avtoturargohlar ishga tushirilgani haqida xabar bergan edi.

Toshkent shahrida sinov tariqasida 86 ta yo‘l bo‘yi pullik avtoturargohlar ishga tushirildi. Ushbu turdagi pulli avtoturargohlar maxsus belgi – to‘q sariq fonda «P» harfi bilan tasvirlangan. Pulli avtoturargohlardan foydalanish narxi soatiga 12 ming so‘m bo‘lib, to‘lamaganlik uchun jarima...

Shveysariya so‘nggi olti oyda oltin xaridini keskin oshirdi. Mamlakat O‘zbekistondan $4,3 mlrdlik oltin xarid qildi. Bu haqda BMTning Comtrade platformasiga tayanib, «Ria Novosti» ma’lum qildi.

Ushbu davrda Shveysariya dunyo bozoridan $95,1 mlrd qiymatida oltin sotib olgan. Bu o‘tgan yilga qaraganda 1,8 baravar ko‘pdir. Eng yirik yetkazib beruvchi AQSh bo‘lib, $19,2 mlrdlik oltin eksport qilgan. Keyingi o‘rinlarda BAA ($17,6 mlrd), Kanada ($4,5 mlrd), Avstraliya ($4,4 mlrd) va O‘zbekiston ($4,3 mlrd) joylashgan.

Shveysariyaning eng yirik oltin sotuvchilari:

Eslatib o‘tamiz, Kursiv Uzbekistan O‘zbekistonning oltin-valyuta zaxiralari $50 milliarddan oshgani haqida yozgan edi.

Xitoy sanoat vazirligi Toyota Corolla’ning yangilangan versiyasi bo‘lgan Toyota Levin suratlarini e’lon qildi. Bu haqda Autohome xabar bermoda.

Model old qismidagi dizayn o‘zgarishlari bilan ajralib turadi. Mashina avvalgi avloddan kattaroq bo‘ldi: uzunligi 55 mm, g‘ildiraklar bazasi esa 50 mm ga oshdi. Uning o‘lchamlari 4695 × 1780 × 1435 mmga teng. G‘ildiraklar bazasi esa 2750 mmni tashkil etadi.

Levin ikki turdagi kuch qurilmalari bilan taklif qilinadi:

Modelning rasmiy taqdimoti qachon o‘tkazilishi hozircha ma’lum emas.

Eslatib o‘tamiz, Kursiv Uzbekistan nashri Toyota bZ4X elektromobili taqdim...

Chery Automobile Honkong fond birjasidagi IPO orqali $1,2 mlrd gacha sarmoya jalb etishni maqsad qilmoqda. Bu haqda Forbes xabar bermoqda.

Kompaniya 297,4 mln dona aksiyani $3,6-3,9 diapazonda taklif qiladi. Yakuniy narx 23-sentabrda aniqlanadi, savdolar 25-sentabrda boshlanishi kutilmoqda. Agar bitim rejalashtirilgan hajmda amalga oshsa, bu yil Gonkongda avtomobil ishlab chiqaruvchilar orasida eng yirigi bo‘ladi.

Prospektga ko‘ra, Chery Xitoyda yengil avtomobillar savdosida ikkinchi o‘rinda, jahon bozorida esa eng yirik 11 ishlab chiqaruvchi qatoriga kiradi. Kompaniya 2003-yildan beri Xitoy avtomobillarining eng yirik eksportchisi sifatida ham yetakchilikni saqlab kelmoqda.

Bloomberg ma’lumotiga ko‘ra, joylashtirish jarayonida Uoll-strit banklari ishtirok etmaydi, bunga Chery faoliyat...

Shavkat Mirziyoyev kambag‘allikni qisqartirishda hududlarda infratuzilmani rivojlantirish va yashash uchun qulay sharoit yaratish muhimligini ta’kidladi. Bu haqda prezident matbuot xizmati xabar berdi.

Shu maqsadda qariyb 3,5 mln aholi yashaydigan 1 mingta mahallada infratuzilma loyihalari amalga oshirilmoqda. Natijada 2025-yilning o‘zida 470 ming xonadon tomorqasiga suv borib, 790 ming xonadonda elektr ta’minoti yaxshilandi.

Kelgusi yilda mahallalarda infratuzilmani yangilash, ish o‘rinlarini ko‘paytirish va tadbirkorlikni qo‘llab-quvvatlash uchun $400 mln yo‘naltiriladi. Buning uchun 32 ta tuman va 328 ta og‘ir mahalla bo‘yicha alohida dastur qabul qilinadi.

Shuningdek, 810 ta mahallada suv, kanalizatsiya, yo‘l, maktab va bog‘cha qurish uchun $1,3 mlrdlik loyihalar amalga oshiriladi. Uylarga...

Shavkat Mirziyoyev Namangandagi xalqaro forumda nutq so‘zlar ekan, «mahallabay» ishlash tizimi o‘zini to‘liq oqlaganini ta’kidladi. Bu haqda prezident matbuot xizmati xabar berdi.

Har bir xonadon va oilaga individual yondashuv asosida daromad manbalari yaratilib, mahallalarni obod qilish, tadbirkorlik infratuzilmasini rivojlantirishga yiliga $2,5-$3 mlrd yo‘naltirilmoqda.

Qishloq aholisini daromadli qilish maqsadida 235 ming gektar paxta va g‘alla maydoni qisqartirilib, aholiga 30 – 50 sotixdan yer ajratish mexanizmi yo‘lga qo‘yildi. Bu 800 ming odamning daromadini oshirishga sabab bo‘ldi.

«Bir so‘z bilan aytganda, har bir mahallaga biznes muhiti, har bir oilaga farovonlik kirib bordi. Shunday keng ko‘lamli sa’y-harakatlarimiz hisobiga O‘zbekiston...

17-sentabr kuni «Andijon» klubi Osiyo Chempionlar ligasi-2 turniridagi yurishini boshlaydi. «Burgutlar» dastlabki turni Turkmanistonning «Arkadag‘» klubiga qarshi o‘tkazadi.

«Arkadag‘» ikki karra Turkmaniston chempioni, ikki karra mamlakat kubogi sohibi hisoblanadi. Jamoa o‘tgan mavsum o‘z tarixida ilk bor OFK Chaqiruv ligasida ishtirok etdi va debyut mavsumining o‘zidayoq musobaqaning bosh sovrinini qo‘lga kiritdi.

Ushbu klub a’zolari Turkmaniston milliy terma jamoasining o‘zagini tashkil etadi. Yaqinda bo‘lib o‘tgan «CAFA Nations Cup – 2025» turniriga Turkmaniston «Arkadag‘»dan 16 nafar futbolchini jalb etdi.

«Andijon» esa uch karra O‘zbekiston Pro ligasi g‘olibi bo‘lgan va 2024-yilda mamlakat kubogini qo‘lga kiritgan. Klubning bir nafar futbolchisi milliy terma jamoa a’zosi hisoblanadi...

Yevrokomissiya Rossiyaga qarshi 19-sanksiya paketini hozircha e’lon qilmadi. Bryussel bu qarorni choralarni yanada qat’iylashtirish zaruriyati bilan izohladi.

Avvaliga paket 17-sentabr kuni Yevropa Ittifoqi davlatlari doimiy vakillariga taqdim etilishi rejalashtirilgan edi. Biroq Yevrokomissiya rasmiy vakillari aniq sana belgilanmaganini aytib, kechikish haqida gapirish noto‘g‘ri ekanini ta’kidladi. Ularning fikricha, muhokamalar davom etmoqda va hujjat to‘liq tayyor bo‘lganda taqdim etiladi.

«Men hali yangi paketni ko‘rmadim. Avval uni bugun e’lon qilishmoqchi edi, endi esa keyinroq taqdim etiladigan bo‘ldi», degan Vengriya Yevropa ishlari bo‘yicha vaziri Yanos Boka jurnalistlarga.

Polsha Yevropa ishlari vaziri Ignasiy Nemchitskiy kechikishni paketni yanada kuchaytirish istagi bilan...

O‘zbekiston Energetika vaziri Jurabek Mirzamahmudov va Xalqaro atom energetikasi agentligi (XAEA) bosh direktori Rafael Grossi o‘rtasida atom energiyasidan tinchlik maqsadlarida foydalanish bo‘yicha hamkorlikni kengaytirish yo‘l xaritasi imzolandi.

Kelishuv 2025-yil 15 – 19-sentabr kunlari Avstriyaning Vena shahrida bo‘lib o‘tayotgan MAGATEning 69-Bosh konferensiyasi doirasida imzolandi.

Konferensiya 180 mamlakat vakillarini birlashtiruvchi yirik xalqaro maydon bo‘lib, unda atom energetikasi, fan, texnologiya va xavfsizlik sohalaridagi ustuvor yo‘nalishlar belgilab olinadi.

Tadbir doirasida XAEA bosh direktorining o‘rinbosari Liu Hua va O‘zbekiston delegatsiyasi vakillari uchrashdi. Delegatsiya tarkibida «Uzatom» agentligi, Energetika vazirligi hamda Sanoat, radiatsiya va yadro xavfsizligi qo‘mitasi rahbarlari ishtirok etdi.

Suhbat chog‘ida O‘zbekistonda atom texnologiyalarini energetika...

16-sentabr kuni O‘zbekiston Respublikasi Prezidenti Shavkat Mirziyoyev Namangan viloyatiga tashrif buyurdi. Davlat rahbari tashrif davomida yoshlar hayotida futbolning o‘rni va ahamiyati haqida to‘xtaldi.

«Namanganga kelib, futbol haqida gapirmasak bo‘lmaydi. Namanganlik yoshlar uchun futbol shunchaki o‘yin emas, bu — hayot tarzi. Har bir bola mahallada to‘p tepib katta bo‘ladi. «Navbahor»ning har bir o‘yini — shahar uchun katta bayram», dedi Mirziyoyev.

Shu munosabat bilan muhim yangilik e’lon qilindi: yaqin kunlarda «Namangan» futbol maktabi uch yil muddatga Niderlandiyaning mashhur «Ayaks» akademiyasi boshqaruviga topshiriladi.

Kelishuvga ko‘ra, xorij klubidan 11 nafar murabbiy, skaut va metodist Namanganga tashrif buyurib, yosh...

Shavkat Mirziyoyev bugun 17-sentabr kuni Namangan shahrida «Kambag‘allikdan farovonlik sari» III xalqaro forumining ochilishida qatnashmoqda. Bu haqda prezident matbuot xizmati xabar berdi.

Tadbirda 30 dan ortiq nufuzli xalqaro tashkilotlar va qariyb 200 nafar ekspert ishtirok etmoqda.

Davlat rahbari forum qatnashchilarini samimiy qutlab, Islom taraqqiyot banki prezidenti Muhammad Al-Jassir, Osiyo taraqqiyot banki vitse-prezidenti Inmin Yang, Yaponiyaning JICA agentligi vitse-prezidenti Sachiko Imoto, BMTning Markaziy Osiyo bo‘yicha maxsus vakili Kaxa Imnadze, Jahon bankining kambag‘allikni qisqartirish bo‘yicha global direktori Luis Felipe Lopez-Kalva hamda boshqa mehmonlarga minnatdorlik bildirdi.

Prezident bugungi davrni insoniyat uchun keskin va murakkab sinovlar davri ekanini ta’kidladi. Geosiyosiy, iqtisodiy va ijtimoiy...

AQSh Davlat departamenti 2025-yil 16-oktabrdan boshlab Diversity Visa (Green Card) lotereyasida qatnashuvchi barcha ishtirokchilardan $1 miqdorida elektron ro‘yxatdan o‘tish to‘lovi olinishi haqida e’lon qildi.

Ilk bor oddiy ro‘yxatdan o‘tishning o‘zi pullik bo‘lmoqda. Davlat departamenti ma’lumotiga ko‘ra, yangi tartib DV lotereyasining xarajatlarini adolatli taqsimlash uchun joriy etilgan. Shu paytgacha xarajatlar asosan 55 ming nafar g‘olib bo‘lgan va viza arizasi topshirishga o‘tgan ishtirokchilar zimmasiga tushgan edi. Endilikda esa har yili ro‘yxatdan o‘tadigan 25 milliondan ortiq arizachi bu xarajatlarga hissa qo‘shadi.

Yillik tushum taxminan $25 millionni tashkil etishi kutilmoqda. Bu mablag‘ tizimni modernizatsiya qilish, ma’lumotlarni yaxshiroq yig‘ish va xavfsizlik tekshiruvlarini kuchaytirishga yo‘naltiriladi...