Yangiliklar

Toshkent shahrida 14 – 17-noyabr kunlari o‘tkaziladigan yirik xalqaro tadbirlar sabab ayrim ko‘chalarda transport harakati vaqtincha cheklanadi. Bu haqda Ichki ishlar vazirligi xabar berdi.

Unga ko‘ra, belgilangan kunlarda yuk avtomobillarining shaharga kirishi va shahar ichida harakatlanishi to‘xtatiladi.

Ichki ishlar vazirligi ma’lumotiga ko‘ra,

Marhum Liviya rahbari Muammar Qazzofiyning o‘g‘li Gannibal Qazzofiy 10 yil davom etgan qamoqdan so‘ng Livanda ozod qilindi. Bu haqda Associated Press xabar berdi.

U 2015-yilda Beyrutda hibsga olingan va 1978-yilda bedarak yo‘qolgan shia yetakchisi Muso Sadr ishi bo‘yicha ayblanayotgan edi. Dastlab sud Qazzofiyga $11 million garov belgilagan, biroq himoya ushbu miqdorni qayta ko‘rib chiqishga erishdi. Natijada garov summasi $900 ming dollargacha qisqartirildi. Qazzofiyning advokati Loran Bayon bu qarorni o‘n yillik dahshatli davrning yakuni deb baholadi.

Gannibal Qazzofiy 2011-yilda otasining hokimiyati qulagach, Liviyadan qochib, Suriya orqali Livanga kelgan va shu yerda qo‘lga olingan. U yillar davomida Rumiyadagi qamoqxonada sudsiz...

General Motors (GM) Braziliya bo‘limi tomonidan 2027-yilgi Chevrolet Sonic avtomobili rasman e’lon qilindi.

Bu model kompaniyaning yangi boshlang‘ich darajadagi krossoveri. U Janubiy Amerikada eng ommabop bo‘lgan Chevrolet Onix xetchbeki platformasida ishlab chiqilgan. Model avvaliga Onix krossover deb atalishi kutilgan edi. U global Sonic nomini qayta tiklab, SUV Coupe sifatida taqdim etiladi.

GM Janubiy Amerika prezidenti Santyago Chamorro yangi modelni innovatsiya va zamonaviylikni ifoda etadigan yangi avlod avtomobili sifatida ta’riflagan. Uning aytishicha, Sonic kompaniya uchun hali o‘zlashtirilmagan segment.

GM Braziliya yangi model nomini video roliklar va ijtimoiy tarmoqlardagi targ‘ibot orqali oshkor qilgan. Shuningdek, zavodda ishlab chiqarilayotgan prototip rasmlari va...

O‘zbekiston prezidenti Shavkat Mirziyoyev «Markaziy Osiyo yangi davr ostonasida» maqolasida mintaqadagi hamkorlik ixtiyoriy, pragmatik va real natijalarga yo‘naltirilgan bo‘lib qolishi kerakligini ta’kidladi.

Davlat rahbarining ta’kidlashicha, Markaziy Osiyo mamlakatlari mintaqaning barqarorligi bilan bog‘liq bo‘lgan masalalarni hal qilishlari kerak. Davlat rahbari mintaqaviy hamkorlikni davom ettirish zarurligini ta’kidladi.

Xususan, Markaziy Osiyo davlatlari xavfsizlik sohasida tahdid va xatarlarga qarshi kurashish uchun umumiy salohiyatni shakllantirishi zarur. U Xavfsizlik kengashlari kotiblari, maxsus xizmatlar, mudofaa va huquqni muhofaza qilish idoralari rahbarlarining muntazam uchrashuvlarini davom ettirish muhimligini qayd etdi.

Iqtisodiy sohada O‘zbekiston yetakchisi ichki mintaqaviy savdoni rivojlantirish, chegaralarni kesib o‘tishni soddalashtirish va investitsiyalar uchun sharoitlarni yaxshilash zarurligini...

AQShning GE Vernova va Germaniyaning Siemens Energy kompaniyalari Suriya energetika tarmog‘ini tiklashga qaratilgan $7 milliardlik loyiha doirasida gaz turbinalari yetkazib berish bo‘yicha muzokaralar olib bormoqda. Bu haqda Reuters xabar bermoqda.

Loyiha Suriya hukumatining energetika quvvatlarini tiklash strategiyasi doirasida amalga oshirilmoqda. Muzokaralar hali dastlabki bosqichda. May oyida Suriya Qatarning Power International Holding kompaniyasi bilan umumiy quvvati 4000 megavatt bo‘lgan to‘rtta gaz turbinali elektr stansiya va 1000 megavattlik quyosh elektr stansiyasi qurish bo‘yicha shartnoma imzolagan edi.

GE Vernova va Siemens Energy mazkur loyihaning turbinalar qismi bo‘yicha shartnomalar olish imkoniga ega. Kelgusida elektr tarmoqlari uchun infratuzilma yetkazib berish ham muhokama qilinmoqda. Kompaniya...

14-noyabr uchun valyuta kurslari e’lon qilindi. Shu kun uchun AQSh valyutasi 11 985,10 so‘m (+12,75 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 7-noyabr kuni 12 022,92 so‘m (+52,25 so‘m), 10-noyabrda esa 12 060,27 so‘m (+37,35 so‘m) etib belgilangan edi. 11-noyabr kuni dollar 12 014,94 so‘mga (-45,33 so‘m), 12-noyabr kuni 11 990,00 so‘mga (-24,94 so‘m), 13-noyabr kuni esa 11 972,35 so‘mga (-17,65 so‘m) tenglashdi.

Markaziy bank ma’lumotlariga ko‘ra, yevro 71,08 so‘mga oshib, 13 923,09 so‘mni, rubl esa 1,34 so‘mga oshib, 148,86 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga oshgani...

Toshkent shahrida reklama pasportisiz harakatlanayotgan transport vositalarini aniqlash bo‘yicha reydlar davom etmoqda. Bu haqda shahar hokimligi matbuot xizmati xabar berdi.

So‘nggi nazoratlarda 470 ta reklama bilan bezatilgan avtomobil tekshirildi. Shundan 390 tasida reklama pasporti yo‘qligi aniqlandi. Natijada qonun talablari buzilishi bo‘yicha choralar ko‘rildi.

Shuningdek, tadbirkorlar bilan tushuntirish ishlari olib borilib, reklama joylashtirish faqat my.gov.uz portali orqali pasport rasmiylashtirilgandan keyin qonuniy hisoblanishi eslatildi.

Shu jarayonda 389 nafar haydovchiga ogohlantirish xatlari topshirildi, bitta avtomobil esa jarima maydoniga joylashtirildi.

Avvalroq Kursiv Uzbekistan Nukusdagi «eng arzon shop»ga chora ko‘rilgani haqida yozgandi.

Xiaomi kompaniyasining yangilangan Xiaomi SU7 elektromobili 2026-yilda taqdim etilishi kutilmoqda. Bu haqda ITHome ma’lum qildi.

Hozircha modeldagi o‘zgarishlar haqida aniq ma’lumot berilmagan. Amaldagi SU7 2024-yil mart oyida sotuvga chiqqan. Bazaviy versiya bitta elektromotor bilan jihozlangan. U 100 km/soat tezlikka 5,28 soniyada chiqadi va CLTC sikli bo‘yicha 700 km masofani bosib o‘tadi. Modelda 73,6 kVt/soat sig‘imli LFP batareya bor. U 15 daqiqalik quvvatlashda 350 km zaxira yo‘l beradi. Elektromobil 19 dyuymli Michelin shinalari va Xiaomi Smart Drive Pro tizimi bilan ta’minlangan.

SU7 Pro versiyasi LiDAR va Smart Drive Max tizimi bilan farqlanadi. Eng qudratli SU7 Max esa ikki elektromotorga...

«El-yurt umidi» jamgʻarmasi nufuzli universitetlarda bakalavriat, magistratura va doktorantura dasturlarida ta’lim olish uchun stipendiya tanlovini boshladi. Bu haqda Boshqaruv samaradorligi agentligi xabar berdi.

Hujjatlar 12-noyabrdan 26-noyabrgacha onlayn platforma orqali qabul qilinadi: el-yurt.uz.

Tanlovda ishtirok etish uchun barcha hujjatlar belgilangan muddat ichida topshirilishi shart.

Stipendiya gʻoliblari Oʻzbekiston va xorijdagi yetakchi oliy ta’lim muassasalarida ta’lim olish imkoniyatiga ega boʻladi.

Avvalroq Kursiv Uzbekistan avgust oyida «El-yurt umidi» jamg‘armasi 2025-yilgi 1-ochiq stipendiya tanlovi natijalarini e’lon qilingani haqida yozgandi.

Hukumat qarori bilan «Sog‘liqni saqlash vazirligi tizimidagi tibbiyot muassasalarida pullik xizmat ko‘rsatish tartibi to‘g‘risida»gi nizom tasdiqlandi.

Unga ko‘ra, agar fuqaro tibbiy muassasaga yo‘llanmasiz o‘z xohishiga ko‘ra murojaat qilsa, unga tibbiy yordam pullik asosda ko‘rsatiladi.

Davlat tomonidan kafolatlangan bepul xizmatlar toifasiga kirmaydigan barcha tibbiy xizmatlar qo‘shimcha hisoblanadi va ular uchun to‘lov undiriladi. Shuningdek, mijozlar tibbiyot muassasasining ro‘yxatga olish bo‘limida qabul qilinadi va ularning shaxsini tasdiqlovchi hujjatlar asosida pullik xizmat ko‘rsatiladi.

Tibbiy xizmatlar faqat oldindan to‘liq to‘lov amalga oshirilgandan so‘ng ko‘rsatiladi. To‘lovni amalga oshirgan bemorlar mutaxassis shifokor qabuliga yoki zarur bo‘lsa, laborator va instrumental tekshiruvga yuboriladi. Tekshiruv natijalariga ko‘ra, tor soha...

Rieltorlik tashkilotlari tomonidan ko‘chmas mulk obyektlarini ishonchli boshqarish bo‘yicha yangi tartib joriy etildi. Bu haqda Adliya vazirligi xabar qildi.

Unga ko‘ra, rieltorlik tashkilotlari endilikda ko‘chmas mulk obyektlarini mulkdorlar manfaatlarini inobatga olgan holda boshqarish, ijaraga berish, ta’mirlash, texnik xizmat ko‘rsatish, shuningdek, daromad va xarajatlarni boshqarish kabi xizmatlarni professional asosda amalga oshiradi.

Hujjatda ishonchli boshqarishning tashkiliy jihatlari, mulkdor va boshqaruvchi o‘rtasidagi huquq hamda majburiyatlar, shartnoma tuzish talablari, boshqaruvning shaffofligi va samaradorligini ta’minlash bo‘yicha mezonlar belgilangan.

Yangi milliy standart jismoniy va yuridik shaxslarga ko‘chmas mulkdan samarali foydalanish, foyda olish va mulk qiymatini oshirish imkonini beradi.

Avvalroq Kursiv Uzbekistan Toshkentdagi eng arzon...

Xitoyda Chery Fulwin X3L avtomobili tog‘dagi zinapoya sinovidan o‘ta olmadi. Bu haqda CarNewsChina nashri xabar bermoqda.

Model tik zinapoyaga ko‘tarila olmay, orqaga sirg‘alib ketgan. Tianmen tog‘idagi ushbu sinov 999 ta zinaga ega bo‘lib, deyarli 300 metr uzunlikka cho‘zilgan. Ba’zi joylarining qiyaligi 60 darajadan oshadi. Zinapoyalari tor, ho‘l va tik bo‘lgani uchun hatto kuchli off-road modellari ham bu yo‘lni deyarli sinab ko‘rmaydi.

Sinov Chery’ning 18-sentabr kuni sotuvga chiqqan Fulwin X3L modeli bilan amalga oshirilgan. Chery rahbariyati 21-sentabrda ushbu yo‘lning murakkabligini alohida ta’kidlab, bunday sinov mashinaning quvvati va boshqaruviga katta talab qo‘yishini aytgandi.

13-noyabr kuni Chery rasmiy bayonot chiqarib, hodisani kutilmagan...

GWM kompaniyasi 12-noyabr kuni GWM Ora 5 elektromobili uchun oldindan buyurtmalarni qabul qilishni boshladi. Bu haqda CarNewsChina xabar bermoqda. Model besh xil komplektatsiyada taklif qilinadi.

Narxlar $15,4 mingdan boshlanadi. SUV 480 va 580 km CLTC masofani bosib o‘tadigan ikki xil batareya bilan jihozlanadi. Yuqori rusumlar tom qismidagi lidar orqali Coffee Pilot Ultra tizimiga ega.

Narxlar:

Kuzov o‘lchamlari 4471×1833×1641 mm. G‘ildirak bazasi 2720 mmni tashkil etadi. Tashqi ko‘rinish Ora’ning retro uslubini davom ettiradi. Yuqori toifadagi versiyalar 27 ta sensor bilan jihozlanib, magistral va shahar NOA hamda avtoparkovka funksiyalarini qo‘llab-quvvatlaydi.

Avtomobilga 150 kW quvvatli elektromotor o‘rnatilgan.

Salon minimalistik uslubda ishlangan...

Endi 14 – 18 yoshdagi o‘smirlar ham o‘z nomiga bank kartasi ochishi mumkin. Bu haqda Adliya vazirligi xabar berdi.

Yangi tartibga ko‘ra, 14 yoshdan 18 yoshgacha bo‘lgan o‘smirlar o‘zlari mustaqil ravishda tijorat banklarida bank kartasi ochish huquqiga ega bo‘ldi. 14 yoshgacha bo‘lganlar esa ota-onasining yoki qonuniy vakilining yozma roziligi asosida karta ochishi mumkin.

Shuningdek, hujjatda bank kartalarining turlari belgilandi. Endilikda:

Bundan tashqari, oldindan emissiya qilinadigan shaxsiy kartalarni chiqarish va ularni mobil...

Venesuela AQShning Karib dengizidagi harbiy kuchlarini kuchaytirishiga javoban keng ko‘lamli harbiy safarbarlik e’lon qildi. Bu haqda CNN nashri xabar berdi.

Mudofaa vaziri Vladimir Padrino Lopesning aytishicha, mashg‘ulotlarda quruqlik, havo, dengiz va zaxira kuchlari ishtirok etadi. Bu harakat prezident Nikolas Maduroning buyrug‘i bilan amalga oshirilmoqda.

AQSh yaqinda Karib mintaqasiga o‘zining eng yirik harbiy kemasi USS Gerald R. Ford aviatsiya tashuvchisini yubordi. Vashington bu kuchlarni giyohvand moddalar savdosiga qarshi kurash maqsadida joylashtirganini bildirgan bo‘lsa-da, Karakas buni rejimni o‘zgartirishga urinish deb baholamoqda.

Maduro uning zaxirasida 8 mln askar borligini ma’lum qildi. Venesuelaning muntazam armiyasi bilan birga fuqarolardan tuzilgan Bolivarian militsiyasi ham qatnashadi...

Xitoyning avtomobil va batareya ishlab chiqaruvchi BYD kompaniyasi Chjenchjou shahrida 130 kvadrat kilometr maydonda ulkan zavod barpo etmoqda. Bu haqda Deepnewz nashri xabar berdi.

Bu dunyodagi eng yirik elektromobil va batareya ishlab chiqarish majmuasi bo‘lib, yiliga bir million avtomobil ishlab chiqarish quvvatiga ega bo‘ladi.

Loyiha doirasida faqat ishlab chiqarish emas, balki yashash kvartallari, savdo markazlari va dam olish zonalari ham yaratiladi, ya’ni haqiqiy shahar-fabrika shakllantiriladi.

Shuningdek, BYD Siyan shahrida yangi batareya zavodi uchun 80 gektardan ortiq yer maydonini sotib oldi va 9,2 mingdan ortiq avtomobillar tashiy oladigan oltinchi BYD Xi’an avtotransport vositasini ishga tushirdi.

Avvalroq Kursiv Uzbekistan BYD Atto...

O‘zbekiston prezidenti Shavkat Mirziyoyevning taklifiga binoan Qozog‘iston prezidenti Qosim-Jomart To‘qayev 14 – 16-noyabr kunlari davlat tashrifi bilan keladi. Bu haqda prezident matbuot xizmati xabar berdi.

Tashrif dasturiga muvofiq, oliy darajadagi muzokaralar va ikkala davlat yetakchilari raisligida Oliy davlatlararo kengashning ikkinchi yig‘ilishi o‘tkazilishi rejalashtirilgan.

Kun tartibidagi asosiy mavzular savdo va sanoat kooperatsiyasi, transport va logistika, energetika, qishloq xo‘jaligi, suv resurslari hamda madaniy-gumanitar loyihalarda hamkorlikni chuqurlashtirishni o‘z ichiga oladi. Shuningdek, mintaqaviy va global siyosatning dolzarb masalalari, ko‘p tomonlama formatlar doirasidagi hamkorlik yuzasidan fikr almashiladi.

Tashrif davomida xalqaro sanoat kooperatsiyasi markazi va bir qator qo‘shma loyihalar ishga tushiriladi, O‘zbekiston – Qozog‘iston strategik...

Qozog‘iston parlamenti mamlakatda LGBT mavzusidagi materiallarni ommaviy axborot vositalari, reklama va internetda tarqatishni cheklovchi qonun loyihasini ma’qulladi.

Qonunda «noan’anaviy oriyentatsiya»ni targ‘ib qilishni taqiqlash rasman belgilangan. Unga ko‘ra, bunday mazmundagi materiallar kino, reklama, ta’lim tizimi hamda onlayn platformalarda joylashtirilishi taqiqlanadi.

Deputat Yelnur Beysenbayevning aytishicha, qonun LGBT hamjamiyatini emas, balki bu haqdagi ma’lumotlarning ommaviy tarqalishini cheklaydi.

Hujjat bola huquqlari, reklama, madaniyat, aloqa, ta’lim va OAVga oid bir qator qonunlarga o‘zgartishlar kiritishni ko‘zda tutadi. Natijada mamlakatda LGBT mavzusiga oid filmlar, reklama mahsulotlari yoki ijtimoiy tarmoqlardagi materiallar noqonuniy hisoblanishi mumkin.

Hozircha ushbu cheklovlarni buzganlarga qanday javobgarlik choralari qo‘llanilishi ochiqlanmagan. Hujjat Senatda...

Rossiyada 2026-yildan haydovchisiz taksilarning ishga tushirilishi rejalashtirilmoqda. Bu haqda hukumat vakili Mixail Mishustin xabariga tayanib, Interfax.ru nashri ma’lum qildi.

«Tijorat kompaniyalari keyingi yildan poytaxtda ilk avtonom taksilarning ishga tushirilishi ustida ishlamoqda», — dedi u.

Mishustin oktabr oyida avtonom shaxsiy avtomobil Tula va Moskva o‘rtasida 400 km masofani mustaqil bosib o‘tganini eslatdi. Shu bilan birga, haydovchi avtomobilda bo‘lgani bilan boshqaruvga aralashmagan.

«Mazkur transport orqali to‘liq yerusti yo‘lovchi tashish bozorini shakllantirish davom etadi», — dedi bosh vazir.

U, shuningdek, bunday texnologiyalar barcha zarur sinovlardan o‘tgandan so‘ng, xavfsizlik va fuqarolar uchun qulaylikni...

Samsung kompaniyasi 5-dekabr kuni uch marta bukiladigan birinchi smartfonini namoyish etishi kutilmoqda. Yangi qurilma 6,5 dyuymli tashqi ekran va 10 dyuymli katta ichki displey bilan jihozlanadi.

Modelning ichki ekrani ikki bo‘g‘in orqali uch qismga buklanadi. Bu imkoniyat smartfonni ochilgan holatda planshet o‘rnini bosuvchi qurilmaga aylantiradi.

Eng e’tiborli jihati qurilmaning yupqaligidir. To‘liq ochilgan holatda qurilma 4,2 mm.ga teng bo‘ladi. Bunday o‘lcham uni aksariyat zamonaviy planshetlardan ham yupqa qiladi. Buklangan holatda esa 14 mm qalinlikka ega bo‘lib, oddiy smartfon himoya g‘ilofidagi shakliga yaqin.

Avtonom ishlash uchun 5600 mA/soat sig‘imli akkumulyator o‘rnatilgan. Bu Samsung bukiladigan smartfonlari orasida rekord ko‘rsatkich sanaladi.

Yangi model...

Toshkent shahri va viloyatida ekologik talablarni buzgan 106 xo‘jalik faoliyati vaqtincha to‘xtatildi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.

Unga ko‘ra, Ekologiya vazirligi, Bosh prokuratura hamda Toshkent shahar va viloyati hokimliklari mutaxassislari tomonidan 4,9 mingta obyekt o‘rganildi. Ularning 595 tasi issiqxona xo‘jaliklari, 2,3 mingtasi ijtimoiy soha obyekti, qariyb ikki mingtasi sanoat korxonalari bo‘ldi.

O‘rganish natijasida ayrim xo‘jaliklarda havoga zararli moddalar chiqarilgani aniqlanib, qonunbuzilish holatlari bo‘yicha tegishli choralar ko‘rildi. Xususan, 58 ta issiqxona xo‘jaligiga ma’muriy jarima qo‘llanildi, 387 ta obyekt esa ekologik talablarni bajarish yuzasidan rasmiy ogohlantirildi.

Avvalroq Shavkat Mirziyoyev ekologiya va atrof-muhitni muhofaza etish...

«Turkum ijodiy asarlarni davlat buyurtmasi asosida yaratish tartibi to‘g‘risida»gi nizom davlat ro‘yxatidan o‘tkazildi. Bu haqda Adliya vazirligi ma’lum qildi.

Nizom «Yangi O‘zbekiston manzaralari», «Buyuk allomalar» va «Zamon qahramonlari» kabi turkum ijodiy asarlarni davlat buyurtmasi asosida yaratish tartibini belgilaydi. Har yili ijodiy asarlarning mavzu va yo‘nalishlari 10-yanvarga qadar ommaviy axborot vositalarida e’lon qilinadi.

E’lon qilingan mavzu va yo‘nalishlar bo‘yicha ijodkorlarning loyiha takliflari har yili 5-fevralga qadar qabul qilinadi. Davlat buyurtmasi sifatida tasdiqlangan loyihalar mualliflari bilan ijodiy asarni yaratish bo‘yicha shartnoma tuziladi.

Ochiqlik va shaffoflikni ta’minlash maqsadida O‘zbekiston Badiiy akademiyasining veb-saytida ijodkorlar tomonidan taqdim etilgan barcha loyiha takliflari, ularni ko‘rib chiqish...

Oppo va OnePlus yangi avlod smartfonlar uchun juda katta sig‘imli akkumulyatorlarni sinovdan o‘tkazmoqda. Ma’lum bo‘lishicha, kompaniyalar 8000, 8400, 9000 va 9500 mA/soatli batareyalarni tayyorlamoqda.

Yangi smartfonlarga ikki bo‘lakli emas, balki to‘liq bir dona yirik akkumulyator qo‘llaniladi. Kichik ekranli ixcham flagman ham, mobil fotografiyaga yo‘naltirilgan model ham 7000 mA/soatdan yuqori quvvatga ega bo‘ladi. O‘rta va yuqori sinf smartfonlarda esa quvvat miqdori 9500 mA/soatgacha yetadi. Zaryadlash tezligi borasida hozircha aniq ma’lumot berilmagan.

Ushbu qurilmalar 2026-yildayoq bozorga chiqarilishi mumkin.

Eslatib o‘tamiz, Kursiv Uzbekistan Oppo Reno15 Pro 17-noyabrda taqdim etilishi haqida yozgan edi.

Prezident 2025–2026-yillarga mo‘ljallangan «Aholi salomatligi va millat genofondini giyohvandlik va narkojinoyatlardan himoya qilish bo‘yicha kompleks chora-tadbirlar» farmonini imzoladi.

Farmonga ko‘ra, ta’lim muassasalarida yoshlar o‘rtasida psixoaktiv moddalar tarqalishining oldini olish va narkomaniyaga nisbatan qat’iy munosabatni shakllantirish choralari amalga oshiriladi. Giyohvandlik vositalari va psixotrop moddalar noqonuniy aylanmasiga qarshi jinoiy-huquqiy choralar kuchaytiriladi va yoshlar tomonidan sodir etiladigan narkojinoyatlar uchun javobgarlik og‘irlashtiriladi.

Narkovositalar importi, internet orqali tarqatilishi, noqonuniy laboratoriyalar va narkouyushmalar faoliyati, shuningdek, ularni qo‘llab-quvvatlayotgan mansabdor shaxslar aniqlanib, ularga nisbatan tezkor-qidiruv va tergov ishlari olib boriladi.

Shu bilan birga, giyohvand moddalar tayyorlashda ishlatiladigan prekursorlar aylanmasi ustidan qat’iy davlat nazorati o‘rnatiladi. Tibbiyot muassasalari...