Yangiliklar

Bakalavriat uchun mandat natijalari e’lon qilindi

2025/2026-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari natijalari e’lon qilindi. Tanlov natijalarini 3 xil usulda bilish mumkin.

Texnik xatolik sabab 30,1 ming soliq to‘lovchidan pul yechib olindi

Soliq qo‘mitasidagi texnik nosozlik tufayli 30,1 ming soliq to‘lovchidan jami 399,3 mlrd so‘m mablag‘ asossiz yechib olingan. Bu haqda Soliq qo‘mitasi matbuot xizmati ma’lum qildi.

Unga ko‘ra, yechib olingan summalar soliq to‘lovchilarning hisob raqamlariga avtomatik tarzda qaytariladi, yozma murojaat talab qilinmaydi.

Toshkent – Riga reyslari vaqti o‘zgardi

Uzbekistan Airways 14-avgust kungi Toshkent – Riga – Toshkent yo‘nalishidagi HY2XX/2XX reyslarining uchish vaqti...

15-avgust kuni O‘zbekistonda harorat kechasi 13–24°, kunduzi 23–39° atrofida bo‘ladi, shamol sharqdan 5–12 m/s tezlikda esadi, ba’zi hududlarda kuchayishi va chang-to‘zonlar kuzatilishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Pokiston Hindiston bilan may oyida yuz bergan yirik mojaro ortidan raketa salohiyatini nazorat qilish va urushda samarali qo‘llash uchun armiyada yangi Armiya raketa kuchlarini tuzmoqda. Bu haqda Reuters agentligi ma’lum qildi.

Bosh vazir Shahboz Sharif bu qarorni 78-mustaqillik kuni arafasida e’lon qilib, kuch zamonaviy texnologiyalar bilan jihozlanishini aytdi. Rasmiylarga ko‘ra, yangi bo‘linma oddiy urush sharoitida raketalarni boshqarish va joylashtirish bilan shug‘ullanadi.

Hindiston buni Pokiston rahbariyatining an’anaviy anti-Hindiston ritorikasi deb baholadi. Ikki yadro qudratiga ega davlat 1947-yildan beri bir necha bor Kashmir uchun urush olib borgan va harbiy imkoniyatlarini doimiy ravishda kuchaytirib kelmoqda.

Eslatib o‘tamiz, avvalroq O‘zbekiston va Pokiston yetakchilari...

Andijon viloyati «Shirmonbuloq» MFY hududida fuqaro yashirincha 5 ta mayning qurilmasini o‘rnatgani aniqlandi. Bu haqda Bosh prokuratura departamenti ma’lum qildi.

Unga ko‘ra, fuqaro tijorat maqsadida umumiy elektr tarmoqqa ulab, jami 157,9 mln so‘mlik elektr energiyasidan noqonuniy foydalangan. Hodisa tezkor tadbir davomida fosh etildi.

Mazkur holat yuzasidan Jinoyat kodeksining 169-moddasi (o‘g‘rilik) va 278-9-moddasi (mayning faoliyatini qonunga xilof ravishda amalga oshirish) bo‘yicha jinoyat ishi qo‘zg‘atildi. Tergov ishlari davom etmoqda.

Eslatib o‘tamiz, avvalroq firibgarlikda gumon qilinayotgan Veemine loyihasiga ruxsat berilmagani haqida yozgan edik.

Shavkat Mirziyoyev chiqindilarni qayta ishlashni kengaytirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

So‘nggi uch yilda sohaga 2 trln so‘mdan ortiq mablag‘ yo‘naltirilib, 1,2 mingta yangi texnikalar xarid qilindi, chiqindi maydonchalari qurildi.

Davlat monopoliyasi bekor qilinib, tadbirkorlik uchun soliq imtiyozlari yaratildi. Natijada 200 dan ortiq sanitar-tozalash va 290 ta qayta ishlash korxonalari ish boshladi. Hozirda yiliga 14 mln tonna maishiy chiqindi hosil bo‘lib, qayta ishlash darajasi 5 foizga yetdi.

Xitoy investorlari ishtirokida 6 viloyatda chiqindidan energiya ishlab chiqaruvchi zavodlar qurilmoqda. Toshkentda tibbiyot chiqindisini yoqish orqali issiqlik oladigan 2 korxona ishga tushdi.

Prezident chiqindini tashish...

2025-yil yanvar – iyun oylarida O‘zbekistonda ishsizlik darajasi 5,1 foizni tashkil etdi. Bu ko‘rsatkich yil boshiga nisbatan 0,4 foiz punktga kamaydi. Bu haqda Kambagʻallikni qisqartirish va bandlik vazirligi ma’lum qildi.

Xalqaro mehnat tashkiloti tavsiyalari asosida o‘tkazilgan so‘rovnomaga ko‘ra, mamlakatdagi mehnat resurslari 20,3 mln kishini tashkil etadi. Ulardan 15,4 mln nafari iqtisodiy faol aholi bo‘lib, 14,6 mln kishi band, 781,6 ming kishi ishsiz.

Bandlarning 55 foizi (8 mln) rasmiy, 33 foizi (4,8 mln) norasmiy ishda, 12 foizi (1,8 mln) esa xorijda ishlamoqda. Norasmiy band fuqarolar soni 13,6 foizga kamaygan, rasmiy band aholi esa 19 foizga oshgan.

Iqtisodiy nofaol aholining asosiy...

Buxoro viloyatida ikki temiryo‘lchi «Afrosiyob» tez yuruvchi poyezdga qarshi diversiya uyushtirgani uchun 12 va 13 yilga ozodlikdan mahrum qilindi. Bu haqda DXX matbuot xizmati ma’lum qildi.

2023-yil dekabrida lavozimidan norozi bo‘lgan sobiq brigadir hamkasbi bilan jinoiy reja tuzib, 2024-yil 14-yanvar kuni «Ziyovuddin – Navoiy» temiryo‘l uchastkasida 110 kg temir-beton shpalarni rels ustiga qo‘ygan. Oradan 15 daqiqa o‘tib, 159 km/soat tezlikda harakatlanayotgan, ichida 148 yo‘lovchi bo‘lgan «Afrosiyob» poyezdi to‘siqqa urilib, harakat qismlariga jiddiy zarar yetgan.

DXX va huquqni muhofaza qiluvchi organlar tomonidan gumondorlar qo‘lga olinib, Jinoyat kodeksining 161-moddasi bilan ish qo‘zg‘atildi. Sud qaroriga ko‘ra, ulardan biri 13 yil, ikkinchisi...

Shavkat Mirziyoyev mamlakatimizdagi diplomatik missiyasini yakunlayotgan Fransiya favqulodda va muxtor elchisi Oreliya Bushezni qabul qildi. Bu haqda davlat rahbari matbuot xizmati ma’lum qildi.

Mamlakat yetakchisi elchining O‘zbekiston – Fransiya strategik sherikligini rivojlantirishga qo‘shgan hissasini yuqori baholab, so‘nggi yillarda savdo-iqtisodiy, ta’lim, sog‘liqni saqlash va madaniy-gumanitar sohalarda erishilgan yutuqlarni qayd etdi. Luvr va Arab dunyosi institutida o‘tgan ko‘rgazmalar, Parij yaqinida Beruniy haykalining ochilishi, Samarqand nomidagi ko‘chaning berilishi hamda tez orada Toshkentda O‘zbekiston – Fransiya universiteti faoliyat boshlashi muhim voqealar sifatida tilga olindi.

Prezident ta’kidlaganidek, elchi Oreliya Bushezning O‘zbekiston va Fransiya o‘rtasida strategik sheriklikni o‘rnatish va chuqurlashtirish, siyosiy muloqot va davlatlararo hamkorlikni...

Oʻzbekiston rivojlangan davlatlardagi aholi jon boshiga to‘g‘ri keladigan daromad darajasiga ($14 ming) erishishi uchun 100 yildan ortiq vaqt ketishi mumkin. Bu haqda Jahon bankining yangi hisobotida ma’lum qilindi.

Unga ko‘ra, Qozogʻiston va Turkmaniston taxminan 40 yil ichida, Qirgʻiziston esa 70 yil ichida bu marraga yetishi kutilmoqda. Mintaqa davlatlari orasida Oʻzbekiston va Tojikiston eng oxirgi boʻlib yuqori daromadli mamlakatlar qatoriga kirishi aytilmoqda.

Mazkur prognoz oxirgi o‘n yillikdagi oʻrtacha iqtisodiy oʻsish sur’atlariga asoslangan bo‘lib, unda pandemiya davridagi pasayishlar ham hisobga olingan. Jahon banki ma’lumotlariga ko‘ra, bu pasayishlar Qozog‘iston va Qirg‘izistondagi oʻsish ko‘rsatkichlarini ancha pasaytirgan.

2024-yilda O‘zbekistonda aholi umumiy daromadlari 896,3 trln...

Toshkent viloyatining Uch qahramon savdo majmuasida 11-avgust kuni yuz bergan yong‘inda 8 ming kvadrat metr maydon shikastlandi. Natijada jami 74 milliard so‘mlik (taxminan $5,9 mln) moddiy zarar yetkazildi. Bu haqda viloyat hokimligi xabar berdi.

Unga ko‘ra, hodisa xavfsizlik qoidalariga rioya qilinmagani va elektr simlaridagi avariya oqibatida kelib chiqqan.

Yong‘in oqibatida 137 nafar tadbirkorga tegishli 181 ta do‘kon zarar ko‘rdi, 76 ta savdo nuqtasi esa bo‘sh turgandi. A, C va E bloklar eng ko‘p zarar ko‘rgan hududlar sifatida qayd etildi. Hodisa yuzasidan jinoyuat ish qo‘zg‘atilib, tergov ishlari davom etmoqda.

Viloyat hokimi Zoyir Mirzayev, prokuror, IIBB va FVB rahbarlari tadbirkorlar bilan...

O‘zbekistonda Eaten.uz nomli onlayn platforma ishga tushirildi. Bu haqda Turizm qo‘mitasi ma’lim qildi.

Platforma sayyohlarga mahalliy oshxonani kashf etish va gastronomik sayohatlarni rejalashtirish imkonini beradi. Hozircha servis Samarqand shahri va Urgut tumanini qamrab olgan.

Platforma orqali sayyohlar mahalliy aholining uyida tayyorlangan milliy taomlarni tatib ko‘rishi, ularni tayyorlash jarayonida ishtirok etishi va hatto an’anaviy marosimlarda mehmon sifatida qatnashishi mumkin. Bu nafaqat mazali ovqatlanish, balki o‘zbek xalqining turmush tarzi va madaniyatiga yaqindan tanishish imkonini beradi.

Qidiruv tizimi joylashuv va afzalliklarga ko‘ra mos variantlarni topish, buyurtma berish va to‘lovni onlayn amalga oshirishni osonlashtiradi. Platforma asoschisi Xadicha Suyarovaning ta’kidlashicha, loyiha oddiy oilalarga qo‘shimcha...

Andijon viloyatining Xonobod shahrida 15–17-avgust kunlari o‘tkaziladigan xalqaro «Dunyo sadolari» musiqa festivali munosabati bilan yuk mashinalari harakati cheklanadi. Bu haqda Yo‘l harakati xavfsizligi xizmati ma’lum qildi.

Unga ko‘ra, ushbu kunlarda soat 15:00 dan 24:00 gacha D-138 yo‘li 3,5 tonnadan ortiq (N2 toifa) va 12 tonnadan ortiq (N3 toifa) yuk mashinalari uchun yopiladi. Haydovchilarga yo‘nalishlarini oldindan rejalashtirish tavsiya etilmoqda.

Festivalda turkiyalik qo‘shiqchi Mustafa Sandal, In-Grid guruhi va hindistonlik xonanda Alisha Chinoy kabi mashhur xorijiy ijrochilar chiqish qiladi. Tadbir uchun qariyb olti milliard so‘m sarflanishi rejalashtirilgan. O‘tgan yilda ham ayni ushbu tadbir uchun olti millard so‘m sarflangandi.

Bungacha Kursiv...

Super-kontrakt — bu oliy ta’lim muassasasiga qabul jarayonida kirish balli yetmay qolgan abituriyentlardan olinadigan qo‘shimcha to‘lov miqdori. Ko‘pchilik uchun bu mavzu chalkash bo‘lishi mumkin: qanday formula bo‘yicha hisoblanadi, kim qancha to‘lashi kerak va qayerga murojaat qilish lozim? Kursiv Uzbekistan ushbu mavzuni bosqichma-bosqich, misollar bilan tushuntiradi.

Super-kontrakt kimlarga va nima uchun kerak

Rasmiy nuqtai nazardan olib qarasak, super-kontraktning aniq summasini faqat siz hujjat topshirgan Oliy oʻquv yurtlari (OTM) qabul komissiyasi aytib bera oladi. Chunki OTM mustaqil ravishda narxlarni belgilaydi. Davlat esa faqat minimal miqdorlarni tasdiqlaydi.

Super-kontrakt summasi kunduzgi stipendiyasiz to‘lov-kontrakt summasidan hisoblanadi. Sirtqi va kechki ta’limda stipendiya bo‘lmagani...

2025-yilning birinchi yarmida BYD Formula Leopard 5 Xitoyda eng ko‘p sotilgan gibrid avtomobilga aylandi. Ushbu modelning savdosi 300 ming donaga yetdi. Bu haqda ITHome xabar bermoqda.

Xitoyda Fang cheng bao Bao 5 nomi bilan ham tanilgan o‘rta o‘lchamli model DMO Super Hybrid platformasida yaratilgan. U 1,5 litrli ichki yonuv dvigateli va ikki elektromotordan iborat, umumiy quvvati 505 kVt, aylanish momenti 760 N·m. 0–100 km/soat tezlashish 4,8 soniya, kombinasiyalangan yurish masofasi 1200 km.

2025-yil fevralida taqdim etilgan «aqlli» versiyada tomda lidar, ko‘zgularda ko‘k aksentlar va sun’iy intellekt asosidagi ovozli yordamchi mavjud. Avtomobil HUAWEI HiCar qo‘llovchi eksklyuziv panel, 5 ta ekran...

Odatda avtomobillar 300 ming kilometrdan oshgach, qimmat ta’mirlash ishlari talab qilinadi. Ammo ular orasida bir million, hatto undan ortiq kilometrlarni nozosliklarsiz bosib o‘tadigan modellar ham mavjud. Autocar.com shunday mashinalar haqida ma’lumot berdi.

Hyundai Elantra (2013)

AQShning Olate shahrida yashovchi Farra Xeyns besh yil davomida o‘zining Hyundai Elantra mashinasida 1,5 mln km bosgan. Bu yiliga taxminan 322 ming km yoki har kuni 882 km degani. Hyundai avvaliga bunga ishonmadi, keyin esa rasmiy ravishda tasdiqladi. Farra bu masofani 2,5 mln kilometrga yetkazishni rejalagandi, ammo kompaniya unga yangi Elantra sovg‘a qildi.

Honda Accord (1990)

Amerikalik Jo Lo Chichero bu mashinani...

Infinix yangi Infinix Hot 60 5G smartfonini taqdim etdi. Qurilma 16-avgustdan sotuvga chiqadi. Bu haqda Gizmochina xabar bermoqda.

U 6,75 dyuymli HD+ LCD displey (120 Hz yangilanish tezligi) va Android 15 (XOS 15) operatsion tizimida ishlaydi. Sun’iy intellekt imkoniyatlari orasida Circle to Search (Ekrandagi narsani barmoq bilan aylantirib belgilanganda tafsilotlarni chiqaradigan), AI Eraser (suratdagi keraksiz narsalarni olib tashlaydi), AI Extender (rasmni kengaytiradi yoki formatini o‘zgartiradi) va One Tap AI (maxsus tugma orqali barcha SI funksiyalariga tezkor kirish imkonini beradi) funksiyalari mavjud.

Asosiy kamera 50 MP bo‘lib, AIGC yordamida portret rejimi va «Tunda suratga olish» funksiyasini qo‘llab-quvvatlaydi. Qurilmada...

Chevrolet Damas — O‘zbekistonda kundalik hayotning ajralmas qismiga aylangan ixcham mikroavtobus. Arzonligi va ko‘p maqsadli qo‘llanishi uni juda mashhur qilgan. Ko‘chalarda deyarli har qadamda uchratish mumkin. Quyidagi maqolada Chevrolet Damas haqida qiziqarli 5 ta faktni taqdim etamiz.

1-fakt: Yaponcha ildiz va 30 yillik tarix

Damas — 1980-yillarda Yaponiyada yaratilgan Suzuki Carry/Every mikroavtobusining modifikatsiyasi. Janubiy Koreyaning Daewoo kompaniyasi uni 1991-yildan Damas nomi ostida ishlab chiqara boshladi. O‘zbekistonga model 1996-yilda kelib, UzDaewoo Auto zavodida ishlab chiqarish yo‘lga qo‘yildi. 2006-yilda xavfsizlik talablari moslashgan Damas II taqdim etilib, old qismi 25 sm uzaytirildi. 2008-yildan General Motors bilan hamkorlikda u Chevrolet Damas...

Bugun, 14-avgust kuni dollar kursi 84,22 so‘mga yuqorilab, 12 581,97 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 39,65 so‘mga oshib, 14 698,26 so‘mni, rubl esa 0,96 so‘mga yuqorilab, 157,75 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Shu yilning 15-avgustidan 1-oktabriga qadar Toshkent shahrida «Maktab bozorlari» ish boshlaydi. Bu haqda shahar hokimligi qarori qabul qilindi.

Ushbu vaqt oralig’ida poytaxtning barcha tumanlaridagi belgilangan 24 ta maktablar qoshida ushbu bozorlar ish olib boradi.

Shuningdek, 14 ta yirik bozor va savdo komplekslarining 287 ta nuqtasida ham maktab uchun kerakli o‘quv-qurollari va kiyim-kechaklarni topish mumkin.

Avvalroq Kursiv Uzbekistan yangi o‘quv yilida 700 mingdan ortiq bolalar birinchi sinfga o‘qishga qabul qilinishi haqida yozgandi.

Yevropa Konferensiyalar ligasi saralash bosqichida «Istanbul Bashakshehir» Norvegiyaning «Viking» klubi bilan javob o‘yinida durang o‘ynadi — 1:1.

Eldor Shomurodov uchrashuvni asosiy tarkibda boshladi va Onur Bulutning 34-daqiqadagi goliga assist berdi. Mehmonlar 40-daqiqada David Selke orqali hisobni tenglashtirdi.

Sofascore portali o‘zbek hujumchisini 6,9 ball bilan baholadi.

Dastlabki uchrashuv Turkiyada o‘tib, «Bashakshehir» 3:1 hisobida g‘alaba qozongan edi. Shu tariqa ikki o‘yin natijasi bo‘yicha umumiy hisob 4:2 bo‘lib, Istanbul klubi YKL saralashining keyingi bosqichiga yo‘l oldi.

Bugun Trnava va Univ. Craiova jamoalari o‘rtasidagi bahsdan so‘ng Istanbul jamoasining navbatdagi raqibi aniq bo‘ladi.

Avvalroq Kursiv Uzbekistan «Istanbul Bashakshehir» yirik hisobda g‘alaba...

«O‘zbekkimyomash» zavodida ilk bor tabiiy gazni tozalash uchun xalqaro standartlarga mos adsorberlar ishlab chiqarish yo‘lga qo‘yildi. Bu haqda Energetika vazirligi xabar berdi.

Ushbu yirik qurilmalar tabiiy gazni oltingugurt birikmalaridan tozalashda muhim ahamiyatga ega bo‘lib, dastlabki mahsulot Sho‘rtan neft-gaz qazib chiqarish boshqarmasiga yetkazib berildi.

Diametri 3 metr, devor qalinligi 100 mm, uzunligi 19 metr bo‘lgan va 63 atmosfera bosimiga bardosh beruvchi adsorberlarning har biri 147 tonna vaznga ega. Qurilmalar yuqori sifatli po‘latdan tayyorlanmoqda. Adsorbsiya jarayoni gazni tozalash, tozalovchi moddalarni qayta tiklash va sovutish bosqichlarida amalga oshadi.

Avvallari xorijdan olib kelinadigan bu qurilmalar endi O‘zbekistonda ishlab chiqarilishi natijasida tannarx qariyb ikki...

2025-yilning birinchi yarmida O‘zbekiston 9,9 ming tonna shokolad import qildi. Umumiy qiymati $31,4 mlnni tashkil etgan ushbu hajm o‘tgan yilning shu davriga nisbatan 14,9% ga kamayganini bildiradi. Bu haqda Milliy statistika qo‘mitasi ma’lum qildi.

Rossiya respublikamizga shokolad yetkazib berishda eng yirik hamkor maqomini saqlab qoldi. Yanvar–iyun oylarida mamlakatimizga 7,5 ming tonna Rossiyada ishlab chiqarilgan shokolad olib kirilgan.

Ikkinchi o‘rinda 785 tonna bilan Niderlandiya qayd etildi. Shuningdek, Ukraina, Qozog‘iston va Fransiya ham eng yirik beshlikdan o‘rin oldi. Hisobot davrida jami 29 davlatdan shokolad import qilingan.

Eslatib o‘tamiz, Kursiv Uzbekistan nashri joriy yilning yanvar – aprel oylarida Rossiyadan O‘zbekistonga $21,4 mlnlik...

Yangi Toshkentda uzunligi 8 km bo‘lgan yangi metro yo‘nalishi 2026-yil oxirigacha foydalanishga topshiriladi. Yo‘nalishda uchta bekat joylashadi, deya xabar berdi Yangi Toshkent qurilishi direksiyasi.

Loyiha qiymati $110 millionni tashkil etadi. Investorga aylangan Turkiyaning XVAV YAPI SANAYI VE TIC. A.S. kompaniyasi 2025-yil oxirigacha $11 million, 2026-yilda esa yana $99 million mablag‘ yo‘naltiradi.

Eslatib o‘tamiz, Kursiv Uzbekistan nashri Toshkent metropolitenida yil boshidan beri 145 mlndan ortiq yo‘lovchi tashilgani haqida yozgan edi.

Bu ko‘rsatkich o‘tgan yilning shu davriga nisbatan 14,2 millionga yoki 10,8 foizga ko‘pdir.

Avvalroq Kursiv Uzbekistan «Yerusti halqa yo‘li»dagi yana 6 ta metro bekati 2-avgustdan vaqtincha yopilishi haqida xabar...

Rossiyada bir sinfga bir nafardan ortiq migrant bolani qabul qilishni taqiqlovchi normani kiritish taklif qilinmoqda. Deputatlar bu bo‘yicha Xalq ta’limi vazirligiga murojaat qilgan.

Tashabbus «Yangi odamlar» partiyasi rahbari Aleksey Nechayev, shuningdek, deputatlar Anna Skroznikova va Sardana Avksenteva tomonidan ilgari surilgan.

Ularning ma’lumotiga ko‘ra, Rossiyadagi 500 dan ortiq maktabda chet ellik o‘quvchilar ulushi 10 foizdan oshadi. Ayrim sinflarda esa yarmidan ko‘pini migrant bolalar tashkil qiladi. Bu esa migrant bolalarning yangi muhitga moslashishini qiyinlashtiradi. Deputatlar fikricha, taklif qilingan cheklov migrant bolalarni turli sinflarga teng taqsimlash va ta’lim jarayonining samaradorligini saqlashga yordam beradi.

Bundan avval Kursiv Uzbekistan Rossiyada migrantlarning bolalari uchun pullik...