Oʻzbekiston zoʻravonlik qurbonlarini himoya qilishni kuchaytirish va bunday xatti-harakatlarga yoʻl qoʻygan fuqarolarni tuzatish dasturini ishlab chiqish niyatida. Bu boradagi rejalar haqida prezident Shavkat Mirziyoyevga ma’lumot berildi. Davlat rahbari ushbu takliflarni hayotga tatbiq etish boʻyicha topshiriq berdi, deb xabar beradi uning matbuot xizmati.
Oʻzbekistonda zoʻravonlik qurbonlariga yordam koʻrsatishning uch bosqichli tizimi paydo boʻladi. Mahallalarda ijtimoiy soha xodimlari, profilaktika inspektorlari, xotin-qizlar faollari tomonidan oiladagi zoʻravonlik holatlari aniqlanib, nazoratga olinadi. Tuman miqyosida «Inson» markazlari tomonidan himoya buyrugʻi chiqarilmasdan bepul psixologik, huquqiy va boshqa turdagi yordam koʻrsatiladi. Birlamchi yordam xonalari kasalxonaning tez yordam boʻlimlariga qoʻshiladi.
Hududiy miqyosda psixologik va huquqiy yordam koʻrsatish reabilitatsiya...