Yangiliklar

2024-yilning ikkinchi choragida «Kapitalbank»ning sof foydasi yillik 3,6 foiz oʻsishni tashkil etib, 712,3 milliard soʻmga yetdi. Bankning moliyaviy hisoboti Yagona korporativ axborot portalida e’lon qilindi.

Yil davomida «Kapitalbank»ning foiz daromadlari 4 trillion soʻmdan 5,5 trillion soʻmga, foizsiz daromadlari esa 1,2 trillion soʻmdan 1,5 trillion soʻmga oshdi.

Iqtisodiy tadqiqotlar va islohotlar markazi ma’lumotlariga koʻra, 2024-yil 1-iyul holatiga koʻra, «Kapitalbank» Oʻzbekistondagi yirik banklarning faollik reytingida yetakchilik qilmoqda.

Joriy yilning iyul oyi boshida Fitch Ratings «Kapitalbank»ga «Barqaror» prognozi bilan «B» reytingini berdi.

Avvalroq «Kursiv» 2024-yilning birinchi choragida «Kapitalabank»ning sof foydasi 378,1 milliard soʻmni tashkil qilgani haqida xabar bergan edi.

Hokimlarning bir qator vakolatlari tugatilib, yangi vakolatlar berilmoqda. Bu haqda Oliy Majlis Qonunchilik palatasi xabar berdi.

Muhokamadagi qonun loyihasiga koʻra, mahalliy davlat hokimiyatining konstitutsiyaviy asoslari toʻgʻrisidagi ayrim qonun hujjatlariga oʻzgartirish va qoʻshimchalar kiritilmoqda. Unga ko‘ra, endi hokimlarning ayni bir vaqtda tegishli joylardagi vakillik hokimiyatini boshqarish vakolati tugatiladi. Hokimlarga mahalliy kengashlar sessiyasiga masala kiritish, sessiyasini chaqirish taklifini kiritish, qonunchilikka zid qarorlarini bekor qilish yuzasidan Senat yoki sudga murojaat yo‘llash kabi yangi vakolatlar beriladi.

Shuningdek, mahalliy kengashlarda deputatlar ichidan saylanadigan raislik qiladi. Hokimlarning mahalliy kengash deputatlari orasidan tayinlanishi va tasdiqlanishi haqidagi talab bekor qilinadi, ular deputat etib saylanishi mumkin bo‘ladi.

Hokim...

Yandex Go Toshkentda elektrosamokatlarni ijaraga berish xizmatini ishga tushirdi. Bu haqda kompaniya axborot xizmati «Kursiv»ga ma’lum qildi.

Sayohat narxi daqiqasi uchun 890 soʻmdan boshlanadi.

Qulaylik uchun 30 daqiqaga 20 990 so‘m, 50 daqiqaga 32 990 so‘m va 100 daqiqaga esa 61 990 so‘mlik paketlarni ham xarid qilish mumkin.

Samokatni ishga tushirish uchun Yandex Go ilovasi orqali skuterdagi QR kodini skanerlash kerak. Safardan keyin skuterni maxsus toʻxtash joyida qoldirish kerak boʻladi.

Bitta foydalanuvchi bir vaqtning oʻzida uchtagacha elektroskuterni bron qilishi mumkin. Sayohat muddati davomida sugʻurta amal qiladi.

Avvalroq «Kursiv» 2024-yil kuzida «Yandex Uzbekistan» Toshkentda ofisini ochishi haqida xabar bergan edi.

Endilikda energiya ishlab chiqarish va sotishda monopol mavqe boʻlmaydi, deb xabar berdi «Milliy tiklanish» partiyasi yetakchisi Alisher Qodirov.

«Mobil aloqada xizmat koʻrsatadigan kompaniyani tanlaganingizdek energiya sotadigan kompaniyani ham tanlash huquqingiz boʻladi. Energiya ishlab chiqaruvchi va sotuvchi kompaniyalar orasida raqobat boʻladi. Amaldagi qonunda bu taqiqlangan edi», deydi Qodirov.

8-iyul kuni Oliy Majlis Qonunchilik palatasidagi Oʻzbekiston Xalq demokratik partiyasi fraksiyasining navbatdagi yigʻilishida «Elektr energetikasi toʻgʻrisida»gi qonun loyihasi ikkinchi oʻqishda muhokama qilindi.

Unga koʻra, qonun loyihasi bilan elektr energiyasini ishlab chiqarish, uzatish, taqsimlash, saqlash, elektr energiyasi bilan ta’minlash, markaziy xaridorning funksiyalarini bajarish, elektr energiyasi savdosi...

2024-yil iyun oyida O‘zbekistonning oltin-valyuta zaxiralari $36,6 mlrddan $36,3 mlrdga (-293,7 mln) kamaydi. Bu haqda Markaziy bank statistikasida ma’lum qilindi.

Xorijiy valyutadagi zaxira aktivlar (erkin konvertatsiya qilinuvchi xorijiy valyutalarda) $9,37 mlrddan $8,47 mlrdga tushgan. Qimmatli qog‘ozlar hajmi $35 mlndan 35,1 mln dollarga ko‘tarilgan. Oltin zaxirasi esa $24,6 mlrddan $27,3 mlrdga balandlagan. Bu o‘sishga O‘zbekiston o‘z zaxiralaridagi oltin miqdorini oshirgani ta’sir ko‘rsatdi. Hajmi 11,4 million troy untsiyadan 11,7 million untsiyagacha oshdi.

Eslatib o‘tamiz, oltin-valyuta zaxiralarini diversifikatsiya qilish maqsadida O‘zbekiston Markaziy banki davlat qimmatli qog‘ozlariga sarmoya kiritishni boshladi. Bu haqda iyun oyida xabar berilgan edi.

Sal avvalroq oltin quymalari narxi...

Xitoyning elektromobillar ishlab chiqaruvchi BYD kompaniyasi Turkiyada avtomobil zavodi qurish boʻyicha Turkiya Sanoat vazirligi bilan $1 mlrdlik investitsion bitimni imzoladi.

Qayd etilishicha, ishlab chiqarish jarayonini boshlash 2026-yilga moʻljallangan. Zavod yiliga 150 mingtagacha elektromobil va gibrid avtomobillarni ishlab chiqarishi rejalashtirilmoqda.

Turkiya bilan kelishuv BYD kompaniyasiga Xitoy elektromobillarining Yevropa bozoriga kirib kelishiga Yevropa Ittifoqi tomonidan iyul oyi boshida joriy qilgan 38 foizlik import tariflarini chetlab oʻtishga yordam beradi.

Turkiyada ishlab chiqarilgan avtomobillar 1995-yildan beri amalda boʻlgan bojxona ittifoqi doirasida Yevropa Ittifoqi bozorlariga bepul kirish huquqidan foydalanadi.

Ma’lumot uchun, Turkiya Yevropaning uchinchi yirik avtomobil ishlab chiqaruvchi davlati hisoblanadi. Mamlakat 2024-yilning birinchi yarmida...

Korxonalar va tashkilotlarning yagona davlat reestriga (KTYADR) ko‘ra, TBC Bank Qulay Insurance sug‘urta kompaniyasining yagona ta’sischisi bo‘ldi.

Korxona Davlat xizmatlari markazida 2024-yil 4-iyulda ro‘yxatdan o‘tgan. Sug‘urtalovchining ustav kapitali 22 mlrd so‘mni tashkil qiladi.

Istiqbolli loyihalar milliy agentlik ma’lumotlariga ko‘ra, 1 aprel holatiga sug‘urta kompaniyalari tomonidan O‘zbekiston iqtisodiyotiga 6,1 trln so‘m sarmoya kiritilgan. Sug‘urtalovchilarning jami aktivlari 9,9 trillion so‘mni, sug‘urta to‘lovlarining umumiy hajmi 566,6 milliard so‘mni tashkil etdi.

Yanvar – mart oylarida agentlik ikki sug‘urtalovchining litsenziyasini bekor qilgan, yana ikki kompaniya 224 million so‘m jarima to‘lagan.

Avvalroq «Kursiv» Universal Sugurta sugʻurta kompaniyasi litsenziyasidan mahrum boʻlgani haqida...

Uzcard toʻlov tizimi va IT Park University oʻrtasida hamkorlik memorandumi imzolandi. Bu haqda toʻlov tizimi o‘z Telegram kanalida ma’lum qildi.

Tomonlar birgalikda malaka oshirish dasturlarini amalga oshirish va amaliyot oʻtashni rejalashtirmoqda. IT Park bitiruvchilari Uzcardʼda ishga joylashish imkoniyatiga ega boʻladi.

Uzcard («Yagona umumrespublika protsessing markazi») elektron toʻlovlarni amalga oshiradi va ekvayring faoliyatini ta’minlaydi. Toʻlov tashkilotlari va banklarni birlashtirgan provayder funksiyasini bajaradi.

IT Park University IT sohasi uchun mutaxassislar tayyorlaydigan ta’lim muassasasidir. EPAM Systems xalqaro kompaniyasi tomonidan IT Park platformasi bilan birgalikda asos solingan.

Avvalroq «Kursiv» Uzcard foydasi $51,6 mlnga oshgani haqida xabar bergan edi.

Oʻzbekistonda 9-iyul, seshanba kuni havo harorati +34…+39°, mamlakat janubida – +42° boʻladi, deb xabar qildi «Oʻzgidromet».

Toshkentda sinoptiklar ob-havo +35…+37° bo‘lishini ta’kidladi, yog‘ingarchilik kutilmaydi.

«O‘zgidromet»ning xabar berishicha, respublikaning tog‘li hududlarida yomg‘ir yog‘ib, momaqaldiroq bo‘lishi, havo harorati +23…+28° isishi kutilmoqda.

Avvalroq Kursiv O‘zbekiston qishloq xo‘jaligi iqlim o‘zgarishiga moslashayotgani haqida yozgan edi

Oʻzbekistonda yuridik shaxslarni yirik soliq toʻlovchilar qatoriga kiritish mezonlari oʻzgardi. Bu haqda Soliq qoʻmitasining tegishli qarori qabul qilindi.

Ma’lum qilinishicha, yirik soliq toʻlovchilar aksiz toʻlanadigan mahsulotlar ishlab chiqaruvchi va aksiz soligʻi toʻlanadigan xizmat koʻrsatuvchi korxonalardir. Endilikda qarorning mazkur bandiga «bundan alkogol va pivo mahsulotlari ishlab chiqaruvchi korxonalar mustasno», degan soʻzlar qoʻshildi. Bu bundan buyon ular yirik soliq toʻlovchilar sifatida tan olinmasligini anglatadi.

Shuningdek, tijorat banklari, sugʻurta tashkilotlari, tovar-xomashyo, fond va valyuta birjalari yirik soliq toʻlovchilar sifatida tasniflanishi mumkinligi e’tirof etildi.

Bundan tashqari, «Navoiy kon-metallurgiya kombinati» AJ, «Olmaliq KMK» AJ, «Oʻzbekiston temir yoʻllari» AJ va u tomonidan tashkil etilgan tashkilotlar...

2024/2025-o‘quv yilida oliy va professional ta’lim muassasalariga kirish uchun onlayn ro‘yxatdan o‘tgan abituriyentlar ruxsatnomalarini 9-iyuldan boshlab olishlari mumkin. Bu haqda Bilimni baholash agentligi xabar berdi.

Abituriyentlar ruxsatnomasida test sinovi topshirish hududi va hududga kelish vaqti, hudud manzili, test topshirish alifbosi, ta’lim shakli va ta’lim tili koʻrsatilgan boʻladi.

O‘z ruxsatnomalarini abituriyentlar shaxsiy identifikatsiya raqami hamda pasport ma’lumotlarini my.uzbmb.uz saytiga kiritish orqali olishlari mumkin.

Test sinoviga abituriyentlar pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

Eslatib o‘tamiz, avvalroq O‘zbekistonda abituriyentlar soni 12 foizga kamaygani haqida xabar bergan edik.

Janubiy Koreyaning texnologiya giganti «Samsung Electronics» kompaniyasining 6,5 mingdan ortiq xodimlari dushanba kuni ish tashlashdi. Ular ish haqini oshirish va mehnat sharoitlarini yaxshilashni talab qilmoqdalar, deb yozadi «Financial Times».

Ish tashlash uch kun davom etadi. Unda kompaniya xodimlarining 25 foizga yaqini ishtirok etadi. Bu 2024-yilda ikkinchi shunday aksiya bo‘lib, birinchisi iyun oyi boshida, mahalliy kasaba uyushmasi a’zolari hammasi ish kunida dam olishgan. Bungacha 55 yil davomida «Samsung» tarixida bunday holat hech qachon bo‘lmagan.

«Biz buni umidsizlikdan qilamiz. (…) Biz kompaniyada o‘zgarishlar yuz bermaguncha kurashni davom ettiramiz», dedi kasaba uyushmasi rahbari Son Vu Mok.

«Financial Times» ta’kidlashicha...

O‘tgan hafta davomida «Toshkent» Respublika fond birjasidagi (RFB) yuqori likvidli aksiyalarning deyarli yarmi oshdi. Ammo UCI indeksi 666,23 punktga (-1,73%) tushdi. Qimmatli qog‘ozlar kotirovkalari qanday o‘zgarganini «Kursiv» maqolasida bilib oling.

21 ta yuqori likvidli qimmatli qog‘ozlar orasida «Olmaliq KMK» aksiyalari 11,14 foizga ko‘tarilib, 12 498,99 so‘mga yetdi. Moliyaviy sektorda «Biznesni rivojlantirish banki» ijobiy pozitsiyani egalladi (+5,31%). «Trastbank» ham yetakchilar qatoridan joy oldi, kotirovkalar 15,18 foizga ko‘tarilib, 9 790 so‘mdan to‘xtadi.

Hafta autsayderi «O‘zbektelekom» bo‘ldi. Uning imtiyozli aksiyalari 9,82 foizga tushdi. Aksiyalari 24,70 foizga arzonlashgan «Turonbank» 1500 so‘m darajasiga yetdi. «Ipak yo‘li»ning kotirovkalari 19,21 foizga tushib, 286,80 so‘mga yetdi.

O‘zbekiston Respublika...

8-iyul, dushanba kuni Oʻzbekistonda UzSOC Kiberxavfsizlik monitoringi markazi ochildi. Bu haqda «Uzinfocom» matbuot xizmati xabar berdi.

Markazning asosiy vazifasi davlat organlari infratuzilmasidagi kibertahdidlarni aniqlashdan iborat.

Shuningdek, shu kuni Sogʻliqni saqlash vazirligining tibbiyot muassasalaridan kelib tushgan ma’lumotlar monitoringini olib boruvchi elektron platformasi «Vaziyat markazi»ning ochilishi boʻlib oʻtdi.

Ma’lumot uchun, 2023-yilda Oʻzbekiston kiberxavfsizlik reytingida 176 mamlakat ichida 93-oʻrinni egalladi. 2022-yilda esa 88-oʻrinni egallagan edi.

Avvalroq «Kursiv» Group-IB Toshkentda Markaziy Osiyoda raqamli jinoyatlarga qarshi kurash markazi ochgani haqida xabar bergan edi.

20 dan ortiq xalqaro tashkilotlar O‘zbekiston prezidentini respublikaning «Nomaqbul chet elliklar toʻgʻrisida»gi qonuniga veto qoʻyishga chaqirmoqda. Bu haqda «Civil Rights Defenders» tashkiloti xabar berdi.

2024-yil 27-iyun kuni Oliy Majlis Qonunchilik palatasi deputatlari tomonidan chet el fuqarolari va fuqaroligi boʻlmagan shaxslarning Oʻzbekistoda boʻlishini nomaqbul deb topish asoslari va tartibini belgilovchi qonun loyihasi uchinchi oʻqishda qabul qilingan edi. Ushbu qonun loyihasi «Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida»gi qonuniga oʻzgartirish va qoʻshimchalar kiritishni nazarda tutadi.

«Ushbu tuzatishlar so‘z erkinligi bo‘yicha xalqaro standartlarni qo‘pol ravishda buzadi va mamlakatni izolyatsiya qilish uchun jiddiy xavf tug‘diradi. Biz...

Turkiya tashqi ishlar vaziri Xoqon Fidan turkiy mamlakatlarni umumiy alifbo joriy etishga chaqirdi, deb yozdi «Daily News» gazetasi.

«Biz imkon qadar tezroq alifbo birligini o‘rnatishimiz kerak», dedi diplomat.

Fidan turkiy davlatlar oʻrtasida aloqa, energetika, moliya va boshqa sohalarda hamkorlik qilish uchun zamin yaratish zarurligini ta’kidladi.

Turkiya prezidenti Rajab Toyyib Erdo‘g‘on ham xuddi shunday tashabbus bilan chiqdi. Turkiya rahbarining soʻzlariga koʻra, Oliy ta’lim kengashi allaqachon tashkilot kotibiyatiga tavsiyalar bergan.

Erdo‘g‘an, shuningdek, kelasi yili yagona alifbo yaratishni boshlash uchun ish olib borishga chaqirdi.

Avvalroq «Kursiv» o‘zbek alifbosida to‘rtta harfni o‘zgartirishni rejalashtirayotgani haqida yozgan edi.

Bishkek shahar meriyasi trolleybus tizimidan voz kechadi. Bu haqda poytaxt meri Aybek Junushaliyev «Kabar» agentligiga ma’lum qildi.

Poytaxt meri mazkur qaror shahar aholisi uchun qulay shart-sharoit yaratishga qaratilganini ta’kidladi.

Junushaliyevning soʻzlariga koʻra, fuqarolarning ushbu transport turiga qiziqishi pasaymoqda. Agar 2023-yilda 8 million kishi trolleybus xizmatidan foydalangan boʻlsa, joriy yilda bu 5 million kishini tashkil qilgan.

Qirgʻiziston poytaxtida trolleybus tizimi 1951-yil yanvar oyi oʻrtalaridan boshlab ishlab kelayotgan edi.

Eslatib oʻtamiz, Toshkentda trolleybus liniyasi 1947-yilning noyabridan 2010-yil may oyining boshigacha ishlagan.

Avvalroq «Kursiv» Samarqand va Xorazmda tramvay va trolleybuslarda yoʻl haqini toʻlashni avtomatlashtirilishi haqida xabar bergan edi.

8-iyul kuni O‘zbekiston Respublika valyuta birjasida dollarning o‘rtacha tortilgan qiymati 14,54 so‘mga ko‘tarildi va 12 618,26 so‘mni tashkil qildi.

Mamlakatning banklari AQSh valyutasini 12 545 – 12 600 so‘mdan xarid qilishmoqda va 12 630 – 12 665 so‘mdan sotishmoqda.

Eslatib o‘tamiz, 5-iyul kuni dollarning o‘rtacha tortilgan qiymati 3,67 so‘mga o‘sgan edi.

Toshkent shahar maktabgacha va maktab ta’limi boshqarmasi vakant direktor lavozimiga ochiq tanlov e’lon qiladi. Bu haqda Toshkent shahar MMTB Axborot xizmati ma’lum qildi.

Toshkent shahridagi 27 ta maktabning direktor lavozimi uchun ochiq tanlov e’lon qilindi. Nomzodlar madm.uzedu.uz saytida menejerlik sertefikatiga ega bo‘lishi talab etiladi.

Bektemir tumanidagi 346, Mirobod tumanidagi 214, 175, Mirzo Ulug‘bek tumanidagi 211, Olmazor tumanidagi 1, 11, 46, 134, 24, 185, 224, 261, 315, Sergeli tumanidagi 277, 55, Uchtepa tumanidagi 197,  251,  Shayxontohur tumanidagi 41, 324, 59, 299, Yunusobod tumanidagi 80, 313, 43, 70, Yakkasaroy tumanidagi 160  hamda Yangihayot tumanidagi 336-sonli umumta’lim maktablariga direktorlik lavozimi ochiq tanlovga...

Pensiya jamgʻarmasi tomonidan joriy yilning yanvar – may oylarida 124 184 nafar fuqaroga yangi pensiyalar tayinlandi. Bu haqda Pensiya jamg‘armasi xabar berdi.

Ma’lum qilinishicha, shundan 102 ming nafar fuqarolarga yoshga doir pensiya tayinlangan.

Shuningdek, 14 388 nafar fuqaroga nogironlik pensiyasi va 7 186 ta oilaga boquvchisini yoʻqotganlik pensiyasi belgilandi.

Ma’lumot uchun, 2024-yil 1-iyun holatiga O‘zRda pensiya oluvchi fuqarolar soni 4 mln nafarni tashkil qildi.

Avvalroq «Kursiv» yoshga doir pensiya tayinlashda ortiqcha ish staji qanday hisoblanishi haqida xabar bergan edi.

Oʻzbekistonda «Ekologik transport» tizimini joriy etish 2024-yil 1-iyundan 2025-yil 1-martga koʻchirildi. Bu haqda hukumat qarori qabul qildi.

Shu muddatdan boshlab transport vositalarining me’yoriy hujjatlariga muvofiqlik darajasini aniqlash va ekologik stikerlar berish boshlanadi.

Bundan tashqari, hujjatda binolarning tomi va fasadlariga quyosh batareyalarini oʻrnatish uchun davlat ekologik ekspertizasini olish talabi bekor qilingan. Sanoat korxonalarida yashil zonalar yaratish va yetishtirish boʻyicha tadbirlarni amalga oshirish rejalashtirilgan.

2030-yilga borib Oʻzbekistonda hududlar uchta ekologik zonaga boʻlinadi: «toza» (yashil), «oʻrta» (sariq) va «zararli» (qizil). Avtomobillar zonalar boʻylab faqat tegishli rangdagi stiker boʻlgan taqdirdagina harakatlana oladi va qoidabuzarlar tovon toʻlaydi.

Birinchi bosqichda tizimni Toshkent shahrida...

Mineral o‘g‘itlar bozorida narxlarni asossiz oshirgani sabab «Maxam-Chirchiq» AJga nisbatan ish qo‘zg‘atildi. Bu haqda Raqobat qo‘mitasi xabar berdi.

Xabarga ko‘ra, «Maxam-Chirchiq» AJda ishlab chiqarilgan mineral o‘g‘it narxlarini asossiz oshishiga olib kelgan harakatlar aniqlangan. Bu esa narxlarining 10 foizdan 15 foizgacha oshishiga olib kelgan.

Mazkur aniqlangan harakat qishloq xo‘jaligi korxonalari, klaster, fermer va dehqonlarning mahsulotlari narxi oshishiga sabab bo‘ladi. Shularni hisobga olib, Raqobat qo‘mitasi «Maxam-Chirchiq» AJga nisbatan O‘zR «Raqobat to‘g‘risida»gi Qonuni talablari buzilishi alomatlari yuzasidan ish qo‘zg‘atdi.

Eslatib o‘tamiz, raqobatdagi kichik qoidabuzarliklar uchun jarimalar yumshatilgani haqida xabar bergan edik.

Oʻzbekistonda 2024-yilning iyun oyida Kia, Chery va Haval brendlariga mansub 1894 dona avtomobil sotildi. Bu haqda «ADM Jizzakh Global» kompaniyasi axborot xizmati ma’lum qildi.

Qayd etilishicha, mazkur davr mobaynida eng koʻp — 1220 dona Kia avtomobillari sotilgan. Kia K5 sedani esa sotuvlar boʻyicha yetakchi boʻlib, jami 282 dona o‘z egalariga topshirilgan. Bu Kia brendiga mansub boʻlgan barcha modellarining 23 foizini tashkil qiladi.

Shuningdek, 463 dona Chery avtomobili sotilgan. Chery Tiggo 7 Pro krossoveri sotuvlarda yetakchilikka erishdi. Ushbu modeldan 256 dona sotilib, hisobot davrida ushbu marka umumiy sotuv hajmining 55 foiz tashkil etdi.

Haval brendiga mansub 211 dona avtomobil sotilgan...

Islom taqvimi bo‘yicha Muharram oyi kirib kelishi bilan Ka’ba pardasi (kisva) yangisiga almashtirildi, deb xabar berdi «Asharq al-Avsat».

Kisva har yili almashtiriladi. Bu yilgi jarayonda 150 dan ortiq hunarmandlar ishtirok etdi.

Uning og‘irligi 1,3 tonna, balandligi 14 metr. Kisva ipakdan qilingan, kashta tikishda 120 kg oltin va 100 kg kumush iplar ishlatilgan.

Eslatib o‘tamiz, 7-iyul kuni musulmonlar Yangi yilni nishonladilar. Islom olamiga 1446 yil kirib keldi.

Avvalroq «Kursiv» 2023-yilda Makkaga (Hajga) 13 milliondan ortiq odam tashrif buyurgani haqida yozgan edi.