Yangiliklar

Samsung kompaniyasi tomonidan arzon Samsung Galaxy F17 5G smartfoni rasman taqdim etildi. Bu haqda Sammobile xabar bermoqda.

Model Galaxy A17 asosida yaratilgan bo‘lib, undan arzonroq narxda sotuvga chiqmoqda. Samsung Galaxy F17 5G 6,7 dyuymli Super AMOLED Infinity-U displey bilan jihozlangan bo‘lib, Full HD+ aniqlik va 90 Hz yangilanish tezligini taqdim etadi. Qurilma Gorilla Glass Victus himoyasi bilan mustahkamlangan va shu turdagi shishaga ega eng arzon smartfonlardan biri hisoblanadi.

Smartfon chang va namlikdan IP54 standarti bo‘yicha himoyalangan. Kamera tizimi 50 megapikselli asosiy modul (OIS bilan), 2 megapikselli makro kamera va 13 megapikselli old kameradan iborat.

Uning yuragida Exynos 1330 protsessori...

Raqamli so‘m Markaziy Bank tomonidan chiqarish rejalashtirilmoqda. Pul-kredit departamenti direktori Samig‘jon Inog‘amov Kursiv Uzbekistan’ga ushbu jarayon bo‘yicha izoh berdi.

«Biz CBDC’ni (Markaziy Bank tomonidan chiqariladigan raqamli valyuta — tahr.) joriy etish bo‘yicha hali o‘rganish bosqichidamiz. Taxminan bu jarayonga 5-6 yil vaqt ketadi. Ma’lumki, mamlakatimizda to‘lov tizimlari juda yaxshi yo‘lga qo‘yilgan. Markaziy Bank tomonidan chiqariladigan raqamli so‘m valyutasi aholiga qanday afzalliklar berishi o‘rganiladi», – dedi Samig‘jon Inog‘amov.

Uning qo‘shimcha qilishicha CBDC retail va hosale turlariga bo‘linadi. Retail bu aholi foydalanadigan, hosale esa banklar orqali o‘tkazmalarda qo‘llaniladigan raqamli valyuta.

«Bulardan foydalanishning asosiy...

O‘zbekistonda AI-80 markali benzin ishlab chiqarish va sotish to‘xtatilishi inflyatsiyaga bevosita ta’sir ko‘rsatadi. Bu haqda Markaziy bank raisi Timur Ishmetov matbuot anjumanida ma’lum qildi.

Uning so‘zlariga ko‘ra, ushbu omil 2025-yil yakuniga mo‘ljallangan yangilangan prognozga kiritilgan. Umuman olganda, inflyatsiyaga ta’sir ko‘rsatuvchi tovarlar va omillar orasida benzin ham bor.

«AI-80 benzining, albatta, ta’siri bor. Hozirgi inflyatsiya statistikaga u kiritilgan. Inflyatsiyada hozir asosiy oshiruvchi bir necha tovarlar qatorida benzin, yoqilg‘i ham bor. U saqlanib qolyapti. U biz uchun o‘rta muddatda xatar keltiruvchi yo‘nalishlardan biri bo‘lib qolyapti. Eng asosiysi, bu ko‘proq inflyatsiyadan tashqari inflyatsion kutilmalarda ham saqlanib qolyapti...

Foto: Getty Images

Kataloniyaning «Barselona» klubi yangilangan «Kamp Nou» stadionining ochilish marosimiga rossiyalik bloger Hasbulla Magomedov (Hasbik)ni taklif qildi. Bu haqda blogerning oʻzi ijtimoiy tarmoqlardagi sahifasida ma’lum qildi.

«Barselona» yangilangan «Kamp Nou» stadionidagi ilk rasmiy oʻyinini 28-sentabr kuni «Real Sosyedad»ga qarshi oʻyin bilan boshlaydi.

Ma’lumot uchun, Hasbik oʻzining noodatiy antropologik xususiyatlari bilan dunyo boʻylab mashhurlikka erishgan. Uning boʻyi 91 santimetr, vazni esa 19 kilogrammni tashkil etadi.

Eslatib oʻtamiz, avvalroq 2026/2027-yilgi UEFA Chempionlar ligasi finali qaysi stadionda boʻlib oʻtishi haqida xabar berilgandi.

Dongfeng Motor tarkibidagi Voyah premium brendi tomonidan Voyah Taishan avtomobili taqdim etildi. Bu haqda CarNewsChina xabar bermoqda.

Yangi model oltita o‘rindiqli konfiguratsiyada ishlab chiqariladi. Avtomobil Voyah’ning aqlli gibrid tizimi bilan jihozlanadi. Standart komplektatsiyada 65 kVt/soatli ternary litiy batareya o‘rnatilgan bo‘lib, u CLTC siklida 370 km sof elektr yurish masofasi va umumiy hisobda 1400 km dan ortiq yo‘l bosish imkoniyatini taqdim etadi. 5C tezkor zaryadlash texnologiyasi tufayli akkumulyatorni 20 foizdan 80 foizgacha atigi 12 daqiqada to‘ldirish mumkin.

Avtomobilning old qismi katta «sharshara» uslubidagi panjara, LED chiroq chizig‘i va yoritilgan Voyah logotipi bilan ajralib turadi. Yon ko‘rinishda ikki rangli kuzov...

9-sentabr kuni Apple tomonidan AirPods Pro 3 quloqchinlari taqdim etilgan edi. Kompaniya saytida qurilmalar haqida batafsil ma’lumotlar e’lon qilindi. AirPods Pro 3 Live Translation funksiyasi bilan jihozlangan.

Funksiya Apple Intelligence va hisoblash audiosi yordamida ishlaydi. Foydalanuvchilar safarda, ishda yoki ta’lim jarayonida, shuningdek, yaqinlari bilan suhbatda boshqa tilni tushunib, o‘z tilida erkin gaplasha oladi.

Agar suhbatdoshda AirPods bo‘lmasa, foydalanuvchi iPhone’ni gorizontal holatda ishlatib, jonli matn transkripsiyasini boshqa tilga tarjima qilingan holda ko‘rsatishi mumkin. Javob esa foydalanuvchining qulog‘iga o‘z tilida tarjima qilib eshittiriladi.

Eng katta qulaylik uzoq suhbatlarda namoyon bo‘ladi: ikkala tomon ham AirPods Pro 3’dan foydalansa, tarjima tez va...

Inflyasion kutilmalarni inobatga olganda depozitlarning real foiz stavkalari aholida 7,6 foizga va yuridik shaxslarda 4,3 foizga teng bo‘ldi. Bu haqda Markaziy bankdagi yig‘ilishda ma’lum qilindi, deya xabar bermoqda Kursiv Uzbekistan muxbiri.

2025-yil iyul oyida aholining milliy valyutadagi muddatli depozitlari bo‘yicha o‘rtacha foiz stavkasi 21,4 foizni, yuridik shaxslarning depozitlari bo‘yicha esa 16,9 foizni tashkil etgan.

Regulyatorga ko‘ra, joriy yil boshidan milliy valyutadagi jami depozitlar qoldig‘i 20 foizga oshib, 1-sentabr holatiga 200 trln so‘mni tashkil etdi. Bunda aholining milliy valyutadagi muddatli depozitlari qoldig‘i yil boshiga nisbatan 25 foizga oshib, 67 trln so‘mga yetdi.

Avgust oyida umumiy inflyatsiya iyulga nisbatan biroz...

Markaziy bank almashuv kursi moslashuvchanligini oshirdi. Bu haqda 11-sentabr kuni regulyator boshqaruvi raisi Timur Ishmetov matbuot anjumanida ma’lum qildi.

«Almashinuv kursi bo‘yicha oxirgi davrlarda biz ham siyosatni sal o‘zgartirdik. Sal tebranuvchanligi oshib boryapti. Bu ham endi keyingi qadam. Ko‘p yillar davomida tebranish darajasi past bo‘lgani uchun bozor ishtirokchilarida, birinchi navbatda banklar va biznesda, kurs faqat nechadir foizga o‘sadi yoki faqat oshadi. Bugun tushgan bo‘lsayam yana oshadi, degan kutilmalarning shakllanishi ham bunga ta’sir qiladi», – dedi Markaziy bank raisi.

Ishmetovning ta’kidlashicha, valyuta kursi tebranishlarining katta diapazoni dollar kursi bo‘yicha kutilmalarning yanada to‘g‘ri shakllanishiga olib...

Angliyaning Liverpul shahri mezbonlik qilayotgan boks boʻyicha jahon chempionatida oʻzbekistonlik 9 nafar sportchi medalni naqd qildi. Bu haqda Milliy olimpiya qoʻmitasi xabar bermoqda.

Ortda qolgan kun davomida Oʻzbekiston terma jamoasining 14 nafar a’zosi yarim final yoʻllanmasi uchun ringga koʻtarildi. Ularning 8 nafari gʻalaba qozongan boʻlsa, qolgan 6 nafari magʻlubiyatga uchradi.

Jumladan, Javohir Ummataliyev Nurbek Oralbayni (Qozogʻiston), Toʻrabek Xabibullayev Sagʻindik Togʻambayni (Qozogʻiston), Abdumalik Halokov esa Bibers Jeksenni (Qozogʻiston) magʻlub etdi.

Shuningdek, Asadxoʻja Moʻydinxoʻjayev Yertig‘an Zeinulinovdan (Qozogʻiston), Fazliddin Erkinboyev Hamza Sirridan (Belgiya) va Jahongir Zokirov Omar Shihadan (Norvegiya) ustun keldi.

Turnirning kutilmagan natijasi Mirazizbek Mirzahalilov va Tady Joyse o‘rtasidagi jangda kuzatildi...

10-sentabr kuni Nukus dala-o‘quv maydonida o‘tkazilgan amaliy mashg‘ulot vaqtida kichik portlash sodir bo‘ldi. Bu haqda Milliy gvardiya O‘zAga ma’lum qildi.

Unga ko‘ra, mashg‘ulot uchun mo‘ljallangan portlovchi vositaning detonatsiya shnuri chaqnashi oqibatida kichik portlash yuzaga kelgan.

Natijada 10 ga yaqin harbiy xizmatchi turli darajadagi tan jarohatlari oldi. Ularning barchasiga zudlik bilan birinchi tibbiy yordam ko‘rsatilgan, ko‘rilgan choralar sabab hozirda sog‘ligi barqarorlashgani bildirilmoqda.

Holat yuzasidan xizmat tekshiruvi tayinlangan bo‘lib, tegishli rahbarlar tomonidan sabab va oqibatlarni o‘rganish ishlari olib borilmoqda.

Avvalroq Kursiv Uzbekistan Pokistondagi portlash oqibatida kamida 11 kishi halok bo‘lgani haqida yozgandi.

12-sentabr uchun valyuta kurslari e’lon qilindi. Shu kuni uchun AQSh valyutasi 12 447,35 so‘m (+86,49 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 66,46 so‘mga oshib, 14 545,97 so‘mni, rubl esa 0,42 so‘mga tushib, 146,08 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

O‘zbekiston milliy terma jamoasi sardori Eldor Shomurodov CAFA Nations Cup – 2025 turniri taqdirlash marosimida stadion qo‘riqchisi bilan janjallashib qoldi.

Manbaga ko‘ra, Shomurodov yosh muxlisni tribunadan olib ketmoqchi bo‘lgan, biroq xavfsizlik xizmati xodimi uni to‘xtatishga harakat qilgan. Shu sababli futbolchi va qo‘riqchi o‘rtasida qisqa mojaro yuzaga kelgan. U bolani qo‘liga olib, uni jamoadoshi Abbosbek Fayzullayevga topshirgan.

Eslatib o‘tamiz, Kursiv Uzbekistan nashri CAFA Nations Cup – 2025 finalida O‘zbekiston terma jamoasi Eronni 1:0 hisobida mag‘lub etgani haqida yozgan edi. Uchrashuv qahramoni Xojiakbar Alijonov bo‘lib, u 119-daqiqada g‘alaba golini kiritgan.

Saudiya Arabistonining «An Nasr» klubi hujumchisi Krishtianu Ronaldu Portugaliya ligasi tomonidan tashkil etilgan tadbirda «Barcha davrlarning eng yaxshi futbolchisi» sovrinini qoʻlga kiritdi.

Liga rasmiy ma’lumotiga koʻra, marosimda futbolchining oʻzi shaxsan ishtirok etmagan, biroq tashkilotchilar uning mukofot bilan chiqish qilgan videomurojaatini namoyish etishgan.

Ma’lumot uchun, Ronaldu besh karra «Oltin toʻp» sohibi hisoblanadi. Shuningdek, u futbol tarixida eng koʻp gol urgan futbolchi sifatida rekord oʻrnatgan. Hozirda Krishtianu hisobida 943 ta gol mavjud.

Eslatib oʻtamiz, avvalroq 40 yoshli futbolchi sevgilisi Jorjina Rodrigesga turmush qurishni taklif qilgani haqida xabar berilgandi.

Poytaxtda pulli to‘xtash joylari joriy etilgan ko‘chalarda yashovchi fuqarolar uchun maxsus rezidentlik ruxsatnomalari taqdim etilishi rejalashtirilmoqda. Bu haqda Toshkent shahar hokimligi xabar berdi.

Bu tizim orqali ko‘p qavatli uylar aholisi o‘z mahallasi hududidagi to‘xtash joylaridan kechqurun va tungi paytlarda imtiyozli shartlarda foydalanish imkoniga ega bo‘ladi.

Shuningdek, rezidentlarga kunduzgi vaqtda ham chegirmalar berilishi, bayram va dam olish kunlarida esa yanada kengroq imtiyozlar taqdim etilishi ko‘zda tutilmoqda.

Ruxsatnomani elektron tarzda olish uchun Yagona interaktiv davlat xizmatlari portali bilan integratsiya ishlari olib borilmoqda. Ular joriy yil noyabriga qadar to‘liq yakunlanishi belgilangan.

Mazkur ishlar nihoyasiga yetgach, Toshkent shahar hokimining qarori bilan rezidentlik ruxsatnomasini...

Bugun, 11-sentabr soat 12:40 da Toshkent shahri Yakkasaroy tumani, Qushbegi ko‘chasida joylashgan plastmassa quvurlari ishlab chiqarish sexida yong‘in chiqdi. Bu haqda Favqulodda vaziyatlar vazirligi (FVV) xabar bermoqda.

Yong‘in-qutqaruvchilar soat 12:46 da hodisa joyiga yetib borishgan va 13:08 da yong‘in qurshab olingan. Soat 13:15 ga kelib yong‘in to‘liq bartaraf etilgan.

Dastlabki ma’lumotlarga ko‘ra, hodisa oqibatida tan jarohati olganlar haqida xabar berilmadi. Voqea joyiga Favqulodda vaziyatlar vaziri hamda Toshkent shahar FVB boshlig‘i yetib borgani ma’lum qilindi.

Eslatib o‘tamiz, Kursiv Uzbekistan Yangihayot tumanining Chortoq mahallasidagi Rayhon ko‘chasida joylashgan qog‘ozni qayta ishlash sexida yong‘in yuz bergani haqida yozgan edi.

O‘zbekiston U-23 terma jamoasi qatnashadigan Osiyo Kubogiga qur’a tashlash sanasi ma’lum bo‘ldi. Bu haqda UFA xabar bermoqda. Turnir 2026-yilning 7 – 25-yanvar kunlari Saudiya Arabistonida bo‘lib o‘tadi.

Osiyo futbol konfederatsiyasi (OFK) matbuot xizmati turnirning final bosqichiga qur’a tashlash marosimi bo‘yicha ma’lumot taqdim etdi. Unga ko‘ra, mazkur tadbir 2025-yilning 2-oktabr kuni Toshkent vaqti bilan soat 12:00 da Kuala-Lumpur shahrida bo‘lib o‘tadi.

Qur’ada jamoalar 4 ta savatchaga ajratilgan. O‘zbekiston U-23 terma jamoasi esa 1-savatchadan o‘rin olgan:

Ma’lumot uchun...

2025-2026-yilgi isitish mavsumida aholining ijtimoiy himoyaga muhtoj qatlamini qo‘llab-quvvatlash maqsadida noyabr oyida 1 million so‘m miqdorida bir martalik moddiy yordam ajratiladi. Bu haqda Ijtimoiy himoya milliy agentligi xabar berdi.

Dastlab yordam Ijtimoiy himoya yagona reyestri orqali bolalar nafaqasi va moddiy yordam olayotgan oilalar hamda Kambag‘al oilalar reyestriga kiritilgan xonadonlarga beriladi. Shuningdek, «mahalla yettiligi» tomonidan shakllantirilgan qo‘shimcha ro‘yxatdagi ehtiyojmandlarga ham to‘lanadi.

Qo‘shimcha ro‘yxatga kiritishda birinchi navbatda boquvchisini yo‘qotgan oilalar, nogironligi bo‘lgan a’zosi bor xonadonlar, nogiron bolani parvarishlayotgan oilalar, gaz ta’minoti va markaziy isitish tizimisiz yashayotgan ko‘p qavatli uylar aholisi, bir xonadonda 3 va undan ortiq oila birga yashayotgan xonadonlar hamda...

Saudiya Arabistonining Madinah Hilton mehmonxonasi o‘zbekistonlik yosh mutaxassislarga ikki yillik mehnat shartnomasi asosida ish taklif etmoqda. Bu haqda Migratsiya agentligi xabar berdi.

Tashkilotga xodimlarni Dhaef Global Recruitment” xususiy bandlik agentligi yuboradi. Agentlik 2023-yilda rasmiy litsenziya olgan va migratsiya agentligi reyestrida qayd etilgan.

Mehnat shartnomasi bevosita mehmonxona bilan tuziladi. Nomzodlardan 19 – 30 yosh oralig‘ida bo‘lish, mehmonxona va restoran tizimida kamida ikki yil ishlaganlik tajribasi hamda ingliz tilini «B2» darajasida bilish talab qilinadi. O‘rta maxsus ma’lumotli mutaxassislar qabul qilinadi.

Ish shartlariga ko‘ra, xodimlar kuniga sakkiz soat ishlaydi, ularga yotoqxona va ovqatlanish taqdim etiladi. Maosh miqdori 500 – 1000 yevro atrofida...

Markaziy bankda bo‘lib o‘tgan yig‘ilishda regulyator raisi Timur Ishmetov sanksiyaga tushgan banklarga oid savollarga javob berdi. Bu haqda Kursiv Uzbekistan muxbiri xabar berdi.

Ishmetovning ta’kidlashicha, Markaziy bank bu masalaga jiddiy yondashadi va hozircha xavotirli vaziyat yo‘q. Agar sanksiyaga tushgan tashkilotlar bo‘lsa, avval ular bilan hisob-kitoblar yoki shartnomalar bor-yo‘qligi tekshirilib, so‘ng barcha amaliyotlar to‘xtatiladi.

«Bizda qanaqadir xavotirlar yo‘q. Sanksiyaga tushgan banklarni, masalan, Yevropa Ittifoqi yoki boshqa tashkilotlar e’lon qilganida, bizda har bitta bank o‘zi ham, Markaziy bank ham butun bazada ko‘rilib, mana shu tashkilotlardan bizni rezidentlarni savdo-sotiq shartnomalari bormi-yo‘qmi ko‘rilib, bu haqda banklarga yetkazilib barcha amaliyotlar to‘xtatiladi...

Shavkat Mirziyoyev Istiqbolli loyihalar milliy agentligi (ILMA) va Markaziy bankka to‘lov usuli sifatida steyblkoinlardan foydalanishni tashkil etishni topshiriq bergan edi. Ushbu masalaga Markaziy bank rahbari Timur Ishmetov izoh berdi.

«Bilamizki raqamli valyuta odatda ikki turga bo‘linadi. Birinchisi Markaziy bank tomonidan chiqarilgan, bu CBDC deyiladi. Ikkinchisi esa tijorat banklariga ruxsat beriladi steyblkoinlar chiqarishga, agar u mablag‘ bilan ta’minlangan bo‘lsa. Biz ikkala variantni ham ayni damda ko‘rib chiqmoqdamiz», – dedi Markaziy bank rahbari.

Ishmetovning aytishicha, O‘zbekistonda Markaziy bank va ILMA bilan buni tashkil qilib, test qilib ko‘rish rejalashtirilgan.

Test natijasiga ko‘ra, bu tizimni yo‘lga qo‘yish ko‘riladi. Aholida...

Apple kompaniyasi yaqinda taqdim etgan iPhone 17 modellarining O‘zbekistondagi taxminiy narxlari aniq bo‘ldi. Kursiv Uzbekistan Malika bozorda faoliyat yuritadigan bir qancha savdo do‘konlari bilan suhbatlashdi.

Ularning ta’kidlashicha, 23-sentabr kuni yangi iPhone modellari O‘zbekistonga yetib keladi va sotuvda mavjud bo‘ladi. Sotuvchilar Kursiv Uzbekistan’ga taxminiy narxlarni taqdim qildi.

Ular taklif etayotgan taxminiy narxlar quyidagicha:

Geely kompaniyasi tomonidan yangi Galaxy V900 miniveni taqdim etildi. Bu haqda CarNewsChina xabar bermoqda.

Ushbu model ilgari chiqarilgan to‘liq elektr LEVC L380’ning gibrid (EREV) versiyasi bo‘lib, 8 o‘rindiqli MPV 202 km gacha sof elektr rejimida harakatlana oladi.

Geely 2024-yil iyulda LEVC L380 elektr minivenini taqdim etgan edi. Ammo u Xitoy bozorida muvaffaqiyatsizlikka uchragan. Model 2024-yil sentabrdan 2025-yil fevraligacha atigi 1685 dona sotilgan. 2025-yil mart oyida kompaniya ushbu modelni Geely Galaxy brendi ostida qayta taqdim etdi va narxini 79,900 yuan ($11,220) ga tushirdi. Endi esa kompaniya EREV versiyasini yangi Galaxy V900 nomi bilan chiqarishga tayyorlanmoqda.

Galaxy V900 dizayni elektr...

Oppo budjet toifasidagi Oppo K13x 5G smartfoni uchun ikki yangi rang variantini e’lon qildi. Bu haqda Gizmochina xabar bermoqda.

Kompaniya ma’lumotiga ko‘ra, Mist White rangi cheklangan seriyada ishlab chiqariladi. Ushbu rang nafis ko‘rinish beradi. Breeze Blue rangli versiyasi esa avvalgi K12x 5G modelida 1,7 mln foydalanuvchi orasida mashhurlikka erishgan. Ushbu rang endi K13x 5G‘da ham taqdim etilmoqda.

Oppo K13x 5G 6,67 dyuymli HD+ LCD displeyga ega. Model 120 Hz yangilanish tezligi va 1000 nit yorqinlikni qo‘llab-quvvatlaydi. Qurilma MediaTek Dimensity 6300 protsessorida ishlaydi va 4 GB, 6 GB yoki 8 GB tezkor xotira hamda 128 GB doimiy xotira bilan taqdim...

Geely kompaniyasi tomonidan Geely Galaxy Starship 7 elektromobili taqdim etildi. Bu haqda CaNewsChina xabar bermoqda.

Model 160 kVt (215 ot kuchi) quvvatga ega elektromotor bilan jihozlangan. Dizayn esa ilgari chiqarilgan PHEV versiyasidan deyarli farq qilmaydi.

Starship 7 EV uzunligi 4750 mm, kengligi 1905 mm, balandligi 1680 mmga teng. G‘ildirak bazasi 2755 mmni tashkil etadi. Bu ko‘rsatkich PHEV versiyasidan 10 mm uzunroq va 5 mm pastroq. To‘rt xil og‘irlik varianti (1712 – 1798 kg) e’lon qilingan, ular turli komplektatsiyalarni anglatishi mumkin. Shinalar ikki o‘lchamda — 225/55 R18 va 235/50 R19 taqdim etiladi.

Avtomobil TZ184XY101 elektromotori bilan 215 ot kuchi ishlab...