Yangiliklar

11-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,6 foizga oshib, 36,3 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 24,1 foizni, yuridik shaxslar ulushi esa 22,2 foizni ko‘rsatmoqda.

4-avgust holatiga ko‘ra, mikroqarzlarning o‘rtacha foiz stavkasi 35,7 foizni tashkil etgandi.

Eng yuqori foiz stavkasi quyidagi banklarda qayd etilgan:

Donald Tramp 11-avgust kuni e’lon qilingan bayonotida oltin importi Amerika bojlari ta’siriga tushmasligini ma’lum qildi. Bu haqda Bloomberg xabar berdi.

«Oltinga tarif belgilanmaydi», deb yozdi u TruthSocial ijtimoiy tarmog‘ida.

Ushbu bayonot tariflarga oid qaror jahon qimmatbaho metallar bozorlarida tartibsizlik va sarosimaga sabab bo‘lganidan keyin bildirilgan.

Bundan avval jahon bozorida oltin narxi yangi tarixiy rekordni o‘rnatgani haqida yozgandik.

Bunga AQSh tomonidan bir kilogrammli oltin quymalari importiga boj joriy qilinishi sabab qilib ko‘rsatilgan. Eng katta o‘sish dekabr oyida yetkazib beriladigan oltin fyucherslarida kuzatildi – narx 2,32 foizga ko‘tarilib, $3534,10 ni tashkil etdi. Bu...

Oʻzbekistonning Fijidagi (qarorgohi Tokio shahrida) ilk elchisi etib tayinlangan Muhsinxoʻja Abdurahmonov Fiji prezidenti Ratu Naykama Tavakekolati Lalabalavuga ishonch yorliqlarini topshirdi. Bu haqda «Dunyo» AA ma’lum qildi.

Unga ko‘ra, marosimda faxriy qorovul saf tortib, Oʻzbekiston madhiyasi yangradi va bayrogʻi ko‘tarildi.

Suhbat davomida siyosiy, savdo-iqtisodiy, madaniy, ta’lim va turizm sohalaridagi hamkorlik istiqbollari muhokama qilindi. Fiji yetakchisi ikki mamlakat o‘rtasidagi do‘stona aloqalarni yuqori baholab, Oʻzbekistonning tinchlik va barqaror rivojlanishga qaratilgan tashqi siyosatini e’tirof etdi.

Bu Oʻzbekiston tarixida Fiji davlatiga tayinlangan ilk elchi bo‘lib, Fiji tomoni buni muhim voqea sifatida qayd etdi. Diplomatik munosabatlar ikki davlat o‘rtasida 2010-yilda oʻrnatilgan.

Eslatib o‘tamiz, avvalroq...

Maktabgacha va maktab ta’limi vazirligi (MMTV) ma’lumotiga ko‘ra, 2025/2026-o‘quv yilida 1-sinfga jami 666 ming nafar o‘quvchi qabul qilindi. Bu umumiy rejaning 90 foizini tashkil etadi.

Viloyatlar kesimida eng ko‘p qabul qilingan o‘quvchilar:

Eng kam qabul qilingan hududlar:

Toshkent shahrida esa 43 077 nafar bola 1-sinfga qadam qo‘ydi. Ma’lumot o‘rnida maktablarga qabul jarayonlari 15-avgustga qadar davom etadi.

Eslatib o‘tamiz, Kursiv Uzbekistan Marhamatdagi maktab o‘qituvchilari...

2025-yil 11-avgust kuni soat taxminan 02:20 da Toshkent tumani, «Sabzavot» MFY hududida joylashgan Uch qahramon ixtisoslashgan savdo majmuasida yong‘in chiqqan edi. Holat yuzasidan Toshkent viloyati IIBB rasmiy axborot berdi.

Bozor umumiy maydoni 20 ming kvadrat metr bo‘lib, o‘t o‘chiruvchilarning tezkor harakatlari natijasida 12 ming kvadrat metr maydondagi savdo do‘konlari saqlab qolindi.

Hodisa oqibatida jabrlanganlar qayd etilmadi. Holat yuzasidan JKning 259-moddasi 2-qismi «b» bandi bilan jinoyat ishi qo‘zg‘atilib, Toshkent viloyati IIBB huzuridagi Tergov boshqarmasi ish yurituviga olgan. Hozirda yong‘in sabablari aniqlanmoqda va yakuniy xulosa bo‘yicha qo‘shimcha ma’lumot beriladi.

Yong‘in oqibatida bir nechta tadbirkorlar mulki zarar ko‘rgan bo‘lib, ular bilan zararni...

General Motors Argentinada yangilangan Chevrolet Spark 2026 elektromobilini rasmiy taqdim qildi. Bu haqda GMAutority xabar bermoqda.

Ushbu model Chevrolet’ning mamlakatdagi birinchi to‘liq elektr avtomobili bo‘ldi va kichik SUV (B-segment) bozorida ham ilk bor sotuvga chiqdi.

GM Argentina tijorat direktori Andres Karfagna Spark EUV shahar hayotiga mos dizayn, texnologiya va xavfsizlikni taklif qilishini ta’kidladi.

«Spark EUV shahar hayotiga mos dizayn, texnologiya va xavfsizlik taklif etadi», – dedi GM Argentina tijorat direktori Andres Karfagna.

Avtomobil bitta elektromotor bilan jihozlangan. Quvvati 102 ot kuchi, momenti 180 Nm. 42 kVt·soatli batareya bilan bir zaryadda 360 km masofani...

«Manchester Siti» bosh murabbiyi Xosep Gvardiola «Palermo» bilan o‘rtoqlik uchrashuvidan so‘ng markaziy himoyachi Abduqodir Husаnov haqida fikr bildirdi.

21 yoshli futbolchi uchrashuvda asosiy tarkibda maydonga tushib, 45 daqiqa o‘ynadi va jamoasining 3:0 hisobidagi g‘alabasiga hissa qo‘shdi.

«Tarkibga yangi qo‘shilgan uch futbolchi – Sherki, Ayt-Nuri va Reynders juda yaxshi. Xuddi shunday yanvar oyida Husаnov ham kelgandi va bugun u yana o‘z potensialini namoyish etdi. U men ko‘rgan futbolchilar ichida eng tezkorlaridan biri», dedi Gvardiola City Report’ga bergan intervyusida.

«Manchester Siti» 16-avgust kuni APL 2025/26 mavsumining birinchi turida «Vulverhempton» bilan o‘ynaydi.

Avvalroq Kursiv Uzbekistan Abduqodir Husanov...

Malayziyaning Zetrix kompaniyasi NurAI nomli sun’iy intellekt (SI) asosidagi islomiy chat-botni taqdim etadi. Bu haqda Bloomberg xabar berdi.

Chat-bot uchun yirik til modelini Xitoyning DeepSeek texnologiyalari asosida yaratishgan va uni keng qamrovli diniy matnlar bazasida o‘qitishgan. Yaratuvchilarning ta’kidlashicha, neyrotarmoq shariat qonunlarini yaxshi biladi va an’anaviy islomiy qadriyatlarga yo‘naltirilgan.

NurAI kundalik turmush, ovqatlanish, sog‘liq bo‘yicha tavsiyalar berish, shuningdek, din va ma’naviy rivojlanish haqida suhbatlashish imkonini beradi. Bir necha oy ichida chat-botga foydalanuvchi murojaat qilishi mumkin bo‘lgan islom olimlarining avatarlarini qo‘shish rejalashtirilmoqda.

Zetrix kompaniyasi vakillari ta’kidlashicha, chat-botni ishlab chiqish jarayoni islom olimlari va din xodimlari nazorati ostida olib borilgan. Modelni o‘qitishda...

Xitoyning Great Wall Motor kompaniyasi 2026-yilgi Tank 500 Hi4-T va Hi4-Z modellariga oldindan buyurtma qabul qilishni boshladi. Bu haqda CarNewsChina xabar bermoqda.

Narxlar Hi4-T uchun $50 mingdan, Hi4-Z uchun $54 mingdan boshlanadi. Yangi modelning asosiy o‘zgarishi — tomga o‘rnatilgan LiDAR sensori. U uchinchi avlod Coffee Pilot Ultra haydovchiga yordam tizimi bilan ishlaydi. Avtomobil o‘lchamlari o‘zgarishsiz qolgan: uzunligi 5,078 m, kengligi 1,934 m, balandligi 1,905 m, g‘ildirak bazasi 2,85 m, klirens 210 mm.

Salon 12,3 dyuymli raqamli panel, 15,6 dyuymli markaziy ekran, proyeksiya displeyi, yangilangan konsol, ikkita 50 Vt quvvatli simsiz zaryadlash joyi, Nappa charm o‘rindiqlar (isitish, ventilyatsiya va massaj...

Banklar 12-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Ilon Maskning sun’iy intellekt startapi xAI Apple’ga qarshi antimonopoliya qoidalarini buzganlik aybi bilan sudga murojaat qilmoqchi. Bu haqda Reuters agentligi ma’lum qildi.

Maskning ta’kidlashicha, Apple OpenAI’dan boshqa kompaniyalarga App Store’da birinchi o‘ringa chiqish imkonini bermayapti.

Hozirda App Store’da ChatGPT birinchi o‘rinda, xAI’ning Grok chatboti beshinchi, Google’ning Gemini esa 57-o‘rinda. Apple OpenAI bilan hamkorlik qilib, ChatGPT’ni iPhone, iPad va Mac qurilmalariga integratsiya qilgan.

Maskning da’volari Apple’ning App Store siyosati ustidan regulyatorlar va raqobatchilar tanqidini kuchaytirayotgan bir paytda yangradi. Yevropa Ittifoqi bu yil kompaniyaga 500 mln yevro jarima solgan edi.

Eslatib o‘tamiz, avvalroq Ilon Mask Hindiston hukumatini sudga bergan edi.

Shavkat Mirziyoyev yashirin iqtisodiyotga qarshi kurashish tizimini takomillashtirish bo‘yicha taqdimot bilan tanishdi. Bu haqda prezident matbuot xizmati ma’lum qildi.

So‘nggi yillarda soliq turlari 13 tadan 9 taga kamaytirildi, 100 dan ortiq litsenziya va ruxsatnomalar bekor qilindi, natijada yashirin iqtisodiyot ulushi 2019-yildagi 45 – 50 foizdan 35 foizga tushdi. Endi bu ko‘rsatkichni yanada qisqartirish rejalashtirilmoqda.

Yashirin iqtisodiyot yuqori bo‘lgan sohalarda raqamli texnologiyalarni joriy etish, barcha litsenziya va ruxsatnoma jarayonlarini inson omilisiz amalga oshirish, naqd pulsiz to‘lovlarni kengaytirish, korrupsiyaga yo‘l ochuvchi omillarni bartaraf etish vazifalari belgilandi.

Davlat rahbari nazoratni kuchaytirish bilan birga soliq madaniyatini oshirish, halol ishlovchi tadbirkorlarni rag‘batlantirish va qonuniy...

Sankt-Peterburg gubernatori Aleksandr Beglov shaharda xorijiy fuqarolarning kuryerlik faoliyatida ishlashini cheklovchi qarorni imzoladi. Bu haqda shahar ma’muriyati ma’lum qildi.

Avval taksi xizmatiga qo‘yilgan cheklovlar endi kuryerlik, turli transport vositalari orqali yetkazib berish, uyga taom yetkazish va boshqa kuryerlik xizmatlarini ham qamrab oladi.

Qaror sohada norasmiy bandlikni kamaytirish, xizmat sifati va xavfsizligini oshirish hamda mahalliy aholi, ayniqsa, yoshlar va talabalar uchun ish o‘rinlari yaratishga qaratilgan, deya izohlandi.

Eslatib o‘tamiz, avvalroq Rossiyada migrantlarni fuqarolikdan chiqarish bo‘yicha yangi taklif bildirilgan edi.

Shavkat Mirziyoyev yakka tartibdagi tadbirkorlar va o‘zini o‘zi band qilgan shaxslar uchun yangi qulay shart-sharoitlar yaratishga oid taqdimotni ko‘rib chiqdi. Bu haqda davlat rahbari matbuot xizmati ma’lum qildi.

2026-yilgacha bu soha uchun maxsus huquqiy rejim joriy etiladi, unda faoliyatni ro‘yxatdan o‘tkazish, soliqlarni hisoblash va to‘lash, bank hisobvaraqlarini boshqarish kabi xizmatlar yagona raqamli platforma orqali amalga oshiriladi.

Elektron hamyon va QR-kod orqali to‘lovlarni qabul qilish tizimi yo‘lga qo‘yiladi, shuningdek, yillik aylanmasi 1 mlrd so‘mgacha bo‘lgan tadbirkorlar uchun soliq stavkasi 1 foizga tushiriladi.

Bu chora-tadbirlar tadbirkorlikni rivojlantirish, iqtisodiyotni raqamlashtirish va aholi bandligini oshirishga xizmat qiladi. Prezident takliflarni ma’qullab, tegishli qarorni imzoladi.

12-avgust kuni O‘zbekiston bo‘ylab biroz bulutli, yog‘ingarchiliksiz ob-havo kuzatiladi. Harorat kechasi 14-26°, kunduzi 28-42° atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

2025-yil 11-avgustda Xalqaro moliya institutlari (XMI) tomonidan O‘zbekiston milliy valyutasida nominallashtirilgan obligatsiyalarni chiqarish va davlat ro‘yxatidan o‘tkazish tartibini belgilovchi nizom qabul qilindi. Bu haqda ILMA ma’lum qildi.

Unga ko‘ra, mazkur nizom prezidentning uy-joy va ipoteka bozorini rivojlantirishga oid farmoni ijrosini ta’minlash uchun xalqaro tajriba va moliya institutlari tavsiyalariga asoslanib ishlab chiqildi.

Yangi tartib XMIlarga O‘zbekistonda loyihalarni moliyalashtirish uchun obligatsiyalar chiqarishga va mahalliy birjada joylashtirishga imkon yaratadi, shuningdek, investorlarga portfellarini diversifikatsiya qilish imkonini beradi.

Nizomda davlat ro‘yxatidan o‘tkazish soddalashtirilgani, hujjatlar elektron shaklda taqdim etilishi va jarayonlar muddatining qisqartirilishi ko‘zda tutilgan.

Bu esa ichki qimmatli qog‘ozlar bozorini rivojlantirish, moliyaviy instrumentlar turini...

DXX va huquq-tartibot idoralari hamkorligida bir necha korrupsion holatlar aniqlandi va oldi olindi. Bu haqda DXX matbuot xizmati ma’lum qildi.

Unga ko‘ra, Buxoro viloyatida ichki ishlar xodimi $13 ming pora olib, jinoyat ishini gumonlanuvchiga nisbatan qismini tugatishda yordam berishda ushlandi.

Shuningdek, Toshkent viloyatida qo‘riqlash boshqarmasi xodimi mansabini suiiste’mol qilgan holda ishga kiritish uchun $1,5 ming talab qilib, oldindan $1 mingni olgan paytda ushlandi.

Toshkent xalqaro aeroportida migratsiya inspektori voyaga yetmagan shaxs pasportiga tezlashtirilgan shtamp berish uchun $400 pora olgani aniqlandi. Bundan tashqari, u 2025-yil boshidan buyon bir necha xorijiy fuqarolar va O‘zbekiston fuqarolaridan ham pora olgan.

Hozirgi kunda ushbu...

Avstraliya sentabr oyida BMT Bosh Assambleyasida Falastin davlatini tan olishini e’lon qildi. Yangi Zelandiya ham shu qarorni muhokama qilmoqda. Bu haqda CNN agentligi ma’lum qildi.

Bu qadam bilan Avstraliya Buyuk Britaniya, Fransiya va Kanada singari davlatlar qatoriga qo‘shiladi. AQSh esa asosiy ittifoqchilaridan biri bilan bu masalada kelishmovchilikka duch keladi.

Avstraliya bosh vaziri Entoni Albanezening aytishicha, Falastin prezidenti Mahmud Abbos Hamas kelajakdagi davlatda ishtirok etmasligini, qurolsizlanish va saylovlar o‘tkazilishini kafolatlagan.

Isroil bosh vaziri Binyamin Netanyaxu esa bu qarorni «uyatli» deb atadi. BMT ma’lumotiga ko‘ra, G‘azoda ocharchilik boshlangan, millionga yaqin odamni majburan ko‘chirish rejasi esa «yangi falokat» sifatida baholanmoqda.

Eslatib o‘tamiz...

2025/2026-o‘quv yili uchun kasbiy ta’lim tashkilotlariga abituriyentlar my.edu.uz platformasi orqali 10-sentabrgacha hujjat topshirishi mumkin. Bu haqda Oliy ta’lim, fan va innovatsiyalar vazirligi ma’lum qildi.

Qabul boshlang‘ich o‘rta va o‘rta maxsus kasbiy ta’lim dasturlari bo‘yicha kunduzgi, kechki va dual shakllarda amalga oshiriladi.

Tibbiyot texnikumlari uchun ro‘yxatdan o‘tish oliy ta’lim natijalari e’lon qilinganidan keyin 10 kun davom etadi, boshqa texnikumlarda esa kirish imtihonlari yozma tarzda o‘tkaziladi.

Jami 549 ta texnikumga 143 114 o‘rin (66 484 tasi davlat granti) ajratilgan. Shundan: kunduzgi – 102 194 o‘rin, kechki – 2 250 o‘rin, dual ta’lim – 38 670 o‘rin.

Eslatib o‘tamiz, avvalroq rad etilgan...

Eng yaxshi narxdagi valyuta kurslari, haq to‘lashning yangi tizimi joriy qilingan mahaliy hokimliklar xodimlari — Kursiv Uzbekistan 11-avgustning muhim yangiliklari dayjestini taqdim etadi.

Xorazmda soxta mehnat staji tayyorlamoqchi bo‘lgan shaxs qo‘lga olindi

Gurlan tumanida «Soliq servis» DUK bosh mutaxassisi ikki nafar ishsiz fuqarolar uchun ma’lumotnoma rasmiylashtirishni va’da qilgan. Bu haqda DXX matbuot xizmati ma’lum qildi.

Unga ko‘ra, «abjir xodim ma’lumotnomani 2025-yil yanvardan iyungacha bo‘lgan davr uchun qilmoqchi bo‘lgan. DXX Xorazm viloyati boshqarmasi va Iqtisodiy jinoyatlarga qarshi kurashish departamenti uni 12,5 mln so‘m olgan vaqtida qo‘lga olingan.

11-avgust kuni xorijiy valyutalarni qaysi banklarda qulay narxda almashtirish mumkin

Tijorat banklari 11-avgust...

11-avgust kuni Oliy Majlis Senati Kengashi majlisi bo‘lib o‘tdi. Unda prezident taqdimiga binoan Xolmo‘min Yodgorov O‘zbekiston Respublikasi Sudyalar oliy kengashi raisi lavozimiga saylandi. Bu haqda Oliy Majlis Senati matbuot xizmati ma’lum qildi.

Shuningdek, so‘nggi besh yilda Sudyalar oliy kengashi tomonidan sud hokimiyatining nufuzi va samaradorligini oshirish maqsadida amalga oshirilgan islohotlar muhokama qilindi. Ushbu o‘zgarishlar tizim faoliyatini yangi bosqichga ko‘tarib, fuqarolarning odil sudlovga bo‘lgan ishonchini mustahkamlashga xizmat qilayotgani ta’kidlandi.

Eslatib o‘tamiz, avvalroq Samarqand viloyatining uchta tumaniga yangi hokim tayinlangan edi.

NAFSA va JB International hisob-kitoblariga ko‘ra, 2025-yil kuzida yangi xalqaro talabalar soni 30 – 40 foizga kamayishi, umumiy qabul esa 15 foizga qisqarishi mumkin. Bu haqda The Pie ma’lum qildi.

Unga ko‘ra, mazkur holat AQSh iqtisodiyotiga $7 mlrdlik zarar yetkazib, 60 mingdan ortiq ish o‘rinlarini yo‘qotishga olib keladi.

Asosiy sabablar — may-iyun oylarida AQSh Davlat departamentining viza suhbatlarini vaqtincha to‘xtatishi, viza berishdagi kechikishlar va 19 davlat fuqarolariga qo‘yilgan taqiqlar. Hindiston va Xitoy talabalarining kamayishi eng katta ta’sir ko‘rsatmoqda, chunki ular umumiy qabulning yarmidan ortig‘ini tashkil etadi.

Mutaxassislar AQSh hukumatini talabalar uchun viza jarayonini tezlashtirish va taqiqlardan ozod qilishga chaqirmoqda...

Oliy Majlis Senati Yoshlar, xotin-qizlar, madaniyat va sport masalalari qo‘mitasi a’zosi Malika Kadirxanova O‘zbekiston Milliy teleradiokompaniyasi raisi Abdurashid Juraboyevga senator so‘rovi yo‘lladi. Bu haqda Senat rasmiy sahifasida ma’lum qilindi.

So‘rovda Toshkentdagi 1966-yilda qurilgan Toshkent radioeshittirish uyi binosida imkoniyati cheklangan shaxslar uchun qulay va xavfsiz mehnat muhitini yaratish masalasi ko‘tarildi. Binodagi yagona lift 1982-yildan buyon ishlatilgan bo‘lib, 2023-yildan beri texnik talabga javob bermagani sababli foydalanilmayapti. Bu holat 600 xodim, 2 mingdan ortiq mehmonlar, jumladan, nogironligi bo‘lgan shaxslar va yoshi katta xodimlar uchun katta qiyinchilik tug‘dirmoqda.

Shuningdek, yuqori qavatlarga chiqish uchun zarur bo‘lgan pandus, maxsus to‘siq va nogironlar aravachasi ko‘targichlari mavjud...

Toshkent shahri va Qashqadaryo viloyatidagi tekshiruvlarda tadbirkor va fermerlarning elektr energiyasidan noqonuniy foydalanganlik holati aniqlandi. Bu haqda Bosh prokuratura departamenti ma’lum qildi.

Unga ko‘ra, «P.K.» MChJ mas’ullari Yashnobod tumanidagi «G‘ozal» MFYda joylashgan binosida suv nasoslarini umumiy elektr tarmog‘iga to‘g‘ridan to‘g‘ri ulagan. Shuningdek, Mirzo Ulug‘bek tumanidagi «Olimlar» MFY mas’ullari ham MFY binosida shunday qilgan. Natijada jami 236,8 mln so‘mlik elektr energiyasidan noqonuniy foydalanilgani aniqlangan.

Xuddi shunday holat Qashqadaryoning Qamashi va Chiroqchi tumanlarida ham aniqlangan. Ushbu tumanlardagi ikkita fermer xo‘jaligi suv nasoslarini tijorat maqsadida umumiy elektr tarmog‘iga o‘zboshimchalik bilan ulagan. Buning natijasida esa 81 mln so‘mlik elektr energiyasini noqonuniy ishlatgani ma’lum bo‘ldi.