Yangiliklar

Barcha banklarda masofadan turib bank kartasini ochishda hech qanday muammo yo‘q. Ularni yopishda esa faqatgina bank yoki uning filialiga borib ariza asosida yopish mumkin. Markaziy bank rahbari Timur Ishmetov bu tizimdagi o‘zgarishlar haqida jurnalistlar bilan bo‘lgan uchrashuvda aytib o‘tdi.

«Bu borada hozir men qandaydir aniq reja bor deb o‘ylamayman. Lekin masofadan turib bank kartalarini yopishda hech qanday muammo ko‘rmayapman. Bu tizimni jurnalistlar va mutaxassislar bilan chuqur o‘rganib chiqishimiz lozim», — dedi Markaziy bank rahbari.

Ishmetovning qo‘shimcha qilishicha, bank kartalari bilan o‘rnatilgan cheklov 1 yilga amal qiladi va komplaens tizimini rivojlantirish hisobiga bu tizimni o‘zgartirish ko‘rib...

SAIC’ning IM Motors brendi tomonidan yangi IM LS6 avtomobili rasman taqdim etildi. Bu haqda CarNewsChina xabar bermoqda.

O‘rta-yirik kupe-SUV turkumidagi model EREV (gibrid) va BEV (to‘liq elektr) versiyalarda ishlab chiqariladi. Boshlang‘ich narxi 197,9 ming yuan ($27,5 ming) etib belgilangan. 10-sentabr kuni bo‘lib o‘tgan premyeradan keyin atigi 27 daqiqada 10 mingdan ortiq mustahkam buyurtma olindi.

Dizayn

LS6 oldingi avlod uslubini saqlab qolgan, biroq T-shaklli yangi faralar va logotipning kapotga ko‘chirilishi bilan farqlanadi. Uning uzunligi 4937 mm, kengligi 1988 mm, balandligi 1673 mmga teng. G‘ildirak bazasi 2960 mmni tashkil etadi. Olti xil tashqi rangda taqdim qilinadi.

Salon

Ichki qismda haydovchi uchun...

Chery kompaniyasining iCar V27 EREV avtomobili Xitoy sanoat va savdo vazirligi ro‘yxatidan o‘tdi. Bu haqda CarNewsChina xabar bermoqda.

Model retro uslubdagi dizaynga ega bo‘lib, uzunligi 5 metrdan oshadi va taqdimotdan keyin iCar brendidagi eng yirik avtomobilga aylanadi. Sotuvlar joriy yilning to‘rtinchi choragida boshlanishi kutilmoqda.

Avtomobilning old qismi kvadrat shaklda ishlangan, dumaloq faralar, markazda iCAR logotipi va pastki qismida qalin qora bamper joylashgan. Yon tomonda esa C-ustun orqasida «V27» yozuvi modelning o‘ziga xosligini ko‘rsatadi.

Modelning uzunligi 5055 (4909) mm, kengligi 1976 mm, balandligi 1855 – 1894 mmga teng. G‘ildirak bazasi 2910 mmni tashkil etadi. Disklar 19 va 21 dyuymli...

11-sentabrdan 1-oktabrgacha Toshkentning Uchtepa tumanidagi Lutfiy koʻchasining Farhod koʻchasidan Shirin koʻchasigacha boʻlgan qismi transport harakati uchun yopiladi. Bu haqda tuman hokimligi xabar berdi.

Ma’lum qilinishicha, ushbu yoʻlda 640 metr uzunlikdagi issiqlik tarmoqlari yangilanadi. Shu sababli mazkur hududda harakat butunlay toʻxtatiladi. Mutasaddilar haydovchilarga yoʻl yopilishi davrida oldindan tayyor turib, muqobil yoʻnalishlardan foydalanishni tavsiya etmoqda.

Qish mavsumiga tayyorgarlik doirasida olib borilayotgan ishlar 20 kun davom etadi.

Avvalroq Kursiv Uzbekistan Toshkentdagi Shota Rustaveli koʻchasi rekonstruksiyadan soʻng nimalar oʻzgarishi haqida xabar bergan edi.

2025-yilning boshidan buyon transchegaraviy pul o‘tkazmalari $12,1 mlrdga yetdi, bu o‘tgan yilga nisabatan 23 foizga ko‘proq. Bu haqda Markaziy bankdagi yig‘ilishda ma’lum qilindi, deya xabar bermoqda Kursiv Uzbekistan muxbiri.

Bunda aholining valyuta sotuvi va xaridi o‘rtasidagi tafovut yanvar – avgust oylarida $5,6 millardni tashkil etib, o‘tgan yilning mos davriga nisbatan 1,4 barobarga oshdi.

«Yil boshidan jahonda dollarning boshqa valyutalarga nisbatan 9,10 foizga qadrsizlanishi kuzatildi. Ta’kidlashimiz lozimki, bu ichki valyuta bozorining infratuzilmasi takomillashtirilishi, bozorda faollik oshishi va almashuv kursining bir tomondan tashqi shoklar va noaniqliklarga moslashuvchanligini oshirdi. Almashinuv kursini tebranuvchanligi oshishi bizda milliy valyutaning qadrsizlanishi bo‘yicha doimiy...

Xitoyda nafaqat yangi avlod Toyota RAV4, balki uning elektr krossoveri Toyota bZ4X ham sertifikatdan o‘tdi. Bu haqda Autohome nashri xabar bermoqda.

Ikkala model tashqi ko‘rinishda deyarli bir xil. Old qismida C-shaklli faralar va umumiy dizayn ishlatilgan. Toyota bZ4X o‘lchamlari 4690×1860×1650 mmga teng. G‘ildirak bazasi esa 2850 mmni tashkil etadi. Elektromobilning ichki qismi benzinli RAV4’dan kengroq qilib ishlangan.

Model monoprivod va to‘liq privodli variantlarda taqdim etiladi. Monoprivod versiya 222 ot kuchiga ega elektromotor bilan jihozlangan, biroq maksimal quvvat ko‘rsatkichlari hozircha oshkor qilinmagan.

Eslatib o‘tamiz, Kursiv Uzbekistan Toyota RAV4 va Land Cruiser asosida yangi elektromodellar AQShda ishlab chiqarilgani haqida yozgan...

Yogesh Brar Xiaomi kompaniyasining navbatdagi Xiaomi 16 smartfoni haqidagi muhim ma’lumotlarni e’lon qildi. Bu haqda u X platformasidagi sahifasida e’lon qildi.

Uning ma’lumotlariga ko‘ra, smartfon 6,3 dyuymli OLED displeyga ega bo‘lib, 1,5K aniqlik va 120 Hz yangilanish tezligini qo‘llab-quvvatlaydi. Yurak sifatida qurilmaga Snapdragon 8 Elite Gen 5 protsessori o‘rnatiladi.

Old kamera 32 megapikselli, asosiy kamera esa uchta 50 megapikselli datchikdan tashkil topadi. Ulardan biri Omnivision, yana biri Samsung JN5 sensori bo‘lishi aytilmoqda. Shuningdek, under-display barmoq izi skaneri ham kutilmoqda.

Smartfon IP68/IP69 himoya standartlariga ega bo‘lib, suv va changga chidamliligi oshirilgan. Batareya sig‘imi 7000 mA·soat bo‘lib, u 100 Vt...

Hukumat qarori bilan paxta va donni qabul qilish hamda ularning elektron hisobini yuritish tartibi belgilandi. Bu haqda Adliya vazirligi ma’lum qildi.

Unga ko‘ra, endilikda bu jarayon Qishloq xo‘jaligi vazirligining «Agrotarozi», «Hosil qabuli» va «AgroDocs» axborot tizimlari orqali amalga oshiriladi.

Foydalanuvchilar internet orqali ro‘yxatdan o‘tib, «Agrotarozi» va «Hosil qabuli» tizimlaridan foydalanishi mumkin. Ro‘yxatdan o‘tganda ular elektron shaklda shartnoma imzolashadi.

Mahsulotlar faqatgina tovar-transport yuk xati asosida qabul qilinadi. Bunda faqat bir xil sifat ko‘rsatkichlariga ega bo‘lgan paxta va don topshirilishi mumkin.

Xususan, bir xil seleksiya, sanoat navi, sinfi, avlodi va dala guruhiga oid urug‘lik paxta hamda don yagona hujjat asosida topshiriladi...

Prezident farmoniga muvofiq, mahallalarda yoshlar bilan ishlash samaradorligini oshirish bo‘yicha yangi tartiblar joriy etildi. Bu haqda Adliya vazirligi ma’lum qildi.

Yangi tizim yoshlarning muammolarini manzilli hal etish, kasbiy qiziqishlarini erta aniqlash va ularni mehnat bozoriga raqobatbardosh kadr sifatida tayyorlashni maqsad qiladi. Yoshlar yetakchilari yoshlarda ishonchni mustahkamlash, mahallada foydali loyihalarni amalga oshirish, «Besh tashabbus olimpiadasi»ni targ‘ib qilish hamda tadbirkorlik ko‘nikmalarini rivojlantirish bo‘yicha mas’ul bo‘ladi.

Shuningdek, «Yoshlar daftari»ga kiritilganlarga beriladigan yordam ijtimoiy hamkorlik tamoyiliga asoslanadi. Yoshlar yetakchilariga asosiy vazifalarga aloqasi bo‘lmagan boshqa topshiriqlarni yuklash qat’iyan taqiqlanadi.

Farmonga ko‘ra, «Mahalla yettiligi» va ta’lim muassasalari hamkorligida bitiruvchi sinf o‘quvchilarini qo‘llab-quvvatlash tizimi yo‘lga qo‘yiladi...

O‘zbekistonda notariat tizimini rivojlantirish bo‘yicha yangi tartib va qoidalar joriy etiladi. Bu haqda Adliya vazirligi ma’lum qildi.

Prezident qaroriga ko‘ra, 2026-yil 1-martdan ayrim nizosiz talablar bo‘yicha notariuslar ijro xati yozishi mumkin bo‘ladi. Bu tartib notarial bitimlarga asoslangan talablar, qarzni undiruvga qaratish va ijara hamda kommunal to‘lovlar yuzasidan qarzdorliklarga taalluqlidir.

2026-yil 1-apreldan notarius lavozimida bo‘lish uchun yosh chegarasi 65 dan 70 yoshga oshiriladi. Bunda Oliy malaka komissiyasi suhbatidan o‘tgan notarius o‘z xohishiga ko‘ra faoliyatini davom ettirishi mumkin.

Shuningdek, notarius bo‘lish uchun ikki bosqichli tanlov joriy etiladi. Avval talabgorlar test sinovidan o‘tadi, keyin amaliy imtihonda hujjatlar loyihasini tayyorlab, muammoli vaziyatlarga javob...

2026/2027-yilgi UEFA Chempionlar ligasi finali Madrid shahrida joylashgan «Riyadh Air Metropolitano» stadionida boʻlib oʻtadi. Bu haqda COPE nashri xabar bermoqda.

«Riyadh Air Metropolitano» 2017-yildan buyon «Atletiko Madrid»ning uy stadioni hisoblanadi. Ushbu majmua 1993-yilda qurib foydalanishga topshirilgan va oʻz bagʻriga 70 mingdan ortiq tomoshabinni sigʻdira oladi.

Ma’lumot uchun, Chempionlar ligasining 2025/2026-yilgi mavsum finali 30-may kuni Budapeshtda joylashgan «Ferens Pushkash» stadionida boʻlib oʻtadi.

Eslatib oʻtamiz, turnirning amaldagi gʻolibi Fransiyaning «PSJ» klubi hisoblanadi. Parijliklar oʻtgan mavsum finalida Italiyaning «Inter» klubini yirik 5:0 hisobida magʻlub etgandi.

Bugun, 11-sentabr kuni Markaziy bank (MB) asosiy stavkani o‘zgartirmay, 14 foiz darajasida saqlab qolish haqida qaror qabul qildi. Bu haqda regulyator matbuot xizmati ma’lum qildi.

«Joriy yilning ikkinchi choragida shakllangan iqtisodiy faollik va iste’mol talabi yuqori sur’atlarining narxlarga oshiruvchi ta’sirlari davom etdi. Shu bilan birga, oʻtgan yilgi baza ta’sirlari chiqib ketishi hisobiga avgust oyidan inflyatsiya pasaya boshladi. Boshqaruv inflyatsion jarayonlarning sekinlashishi va bazaviy inflyatsiyani pasayuvchi trayektoriyasida davom etishini taʼminlash maqsadida asosiy stavkani oʻzgarishsiz – 14 foiz darajasida saqlab qoldi», deyiladi xabarda.

Avgust oyida umumiy inflyatsiya yillik 8,8 foizni tashkil etdi. Bazaviy inflyatsiya esa oziq-ovqat...

Apple yangi iPhone 17 seriyasini namoyish qilgach, kompaniya o‘z liniyasi tarkibida katta o‘zgarish qildi. Endilikda iPhone 15, iPhone 15 Plus, shuningdek, iPhone 16 Pro va iPhone 16 Pro Max modellari rasmiy saytda sotuvdan olib tashlandi.

Shu tariqa Apple’ning amaldagi liniyasi quyidagicha ko‘rinish oldi:

Eslatib o‘tamiz, iPhone 17 va iPhone Air modellari uchun oldindan buyurtmalar 12-sentabrdan boshlanadi, ochiq savdolar esa 19-sentabrda...

«UzAuto Motors» AJ Chevrolet Tahoe 2025 High Country modeli uchun shartnomalar rasmiy dilerlik markazlarida qabul qilinishini e’lon qildi. Modelning narxi 1,4 mlrd so‘m deb belgilangan.

Avtomobilni xarid qilish uchun mijozlar Toshkent va Navoiydagi quyidagi dilerlarga murojaat etishi mumkin:

Shu yilning oktabridan boshlab Ozarbayjonda avtomashinalarni sug‘urtalash tartibida yangi qoidalar kuchga kiradi. Bu haqda O‘zbekiston Transport vazirligi xalqaro yuk tashuvlari bilan shug‘ullanuvchi milliy tashuvchilarni ogohlantirdi.

Ozarbayjon tomoni ma’lumotiga ko‘ra, endilikda mamlakat hududidan tashqarida ro‘yxatdan o‘tgan va «Yashil karta» xalqaro avtosug‘urta sertifikatiga ega bo‘lmagan transport vositalari uchun chegara punktlarida sug‘urta shartnomasini joyida rasmiylashtirish imkoniyati bekor qilinadi.

Polis faqat yagona raqamli tizim — www.tpl.az platformasi orqali oldindan tuzilgan shartnoma asosida rasmiylashtiriladi.

Transport vazirligi xalqaro tashuvchilarga chegarada navbat va kechikishlarning oldini olish uchun sug‘urta hujjatlarini sayohatga chiqishdan oldin onlayn tarzda rasmiylashtirishni tavsiya qildi.

Avvalroq Kursiv Uzbekistan «Tajen — Dovut-ota» chegara punktidagi...

Chery kompaniyasi tomonidan mashhur Chery Tiggo 8 Pro Luxury Edition+ avtomobili namoyish etdi. Bu haqda ITHome xabar bermoqda.

Model tashqi ko‘rinishda biroz yangilanishlarga ega. Radiator panjarasi xromli nuqtali naqsh bilan bezatilgan. Old bamperda trapetsiya shaklidagi ventilyatsiya teshiklari paydo bo‘ldi, faralar esa xromli chiziq bilan tutashtirilgan.

Avtomobil o‘lchamlari 4745×1860×1745 mm, g‘ildirak bazasi esa 2710 mmga teng. Yangi komplektatsiya Luxury va Premium o‘rtasida joylashgan bo‘lib, Luxury’dan farqli ravishda old o‘rindiqlar isitkichlari, Bluetooth-kalit, haydovchi uchun tizzani himoya qiluvchi xavfsizlik yostig‘i va ikkinchi qatorda yon xavfsizlik yostiqchalari qo‘shilgan. Mashina 5 va 7 o‘rinli variantlarda taqdim etiladi.

Tiggo 8 Pro Luxury Edition...

Fransiya prezidenti Emmanuel Makron mamlakatning yangi bosh vaziri etib Sebastyan Lekornyuni tayinladi. Bu haqda Reuters xabar berdi.

Nashrga ko‘ra, Lekornyu Makronning yaqin ittifoqchisi bo‘lib, biznesni qo‘llab-quvvatlovchi siyosiy pozitsiyaga ega. Bu tayinlov prezidentning soliqlarni kamaytirish va nafaqa yoshini oshirishga qaratilgan iqtisodiy islohotlarni davom ettirish niyatidan dalolat beradi.

Makron yangi bosh vazirga budjet va davlat siyosatiga oid masalalarda siyosiy kuchlar bilan muzokaralar olib borib, kelishuvlarga erishish vazifasini topshirgan.

Sebastyan Lekornyu ilgari Fransiya mudofaa vaziri bo‘lib ishlagan. U xavfsizlik xarajatlarini oshirish va Ukrainani qo‘llab-quvvatlash strategiyasini ishlab chiqishda faol qatnashgan.

Avvalroq Fransiya parlamenti bosh vazir Fransua Bayruni unga qarshi 364 deputat ovozi bilan...

Prezident «Huquqiy axborotni proaktiv shaklda yetkazish tizimi samaradorligini oshirish chora-tadbirlari to‘g‘risida»gi farmonni qabul qildi. Bu haqda Adliya vazirligi ma’lum qildi.

Farmonga ko‘ra, aholiga huquqiy axborot yetkazishda sun’iy intellekt asosida innovatsion yondashuvlar qo‘llaniladi hamda ma’lumotlar ehtiyojdan kelib chiqib manzilli tarzda yuboriladi.

Lex.uz portali Soliq organlarining elektron xizmatlari va my.gov.uz bilan integratsiya qilinadi. Tadbirkorlar va o‘zini o‘zi band qilgan shaxslarning shaxsiy kabinetiga ular faoliyatiga oid yangi normativ-hujjatlar, my.gov.uz foydalanuvchilariga esa kundalik hayotda zarur bo‘lgan qonun hujjatlari havolalari yuboriladi.

2026-yil 1-martdan boshlab normativ-hujjatlar matnlarini ijrochilarga yetkazish va tushuntirish jarayonlari «Ijro.gov.uz» hamda «Raqamli mahalla» tizimlari orqali nazorat qilinadi.

Endilikda huquqiy targ‘ibot ishlari soha...

Shavkat Mirziyoyev boshchiligidagi moliyaviy texnologiyalarni rivojlantirish masalalariga doir yig‘ilishda O‘zbekistonda hisob-kitoblarda to‘lov vositasi sifatida steyblkoinlarni sinab ko‘rish topshirildi. Bu haqda Istiqbolli loyihalar milliy agentligi (ILMA) direktorining birinchi o‘rinbosari Vyacheslav Pak «O‘zbekiston24» telekanaliga bergan intervyusida ma’lum qildi.

«Prezident yig‘ilishda ILMAga Markaziy bank bilan hamkorlikda hisob-kitoblarda to‘lov vositasi sifatida steyblkoinlardan foydalanish amaliyotini sinab ko‘rish hamda kapital bozorida qimmatli qog‘ozlarni tokenizatsiya qilishga qaratilgan loyihalarni amalga oshirish vazifasini topshirdi», dedi Pak intervyuda.

Ma’lumot uchun, steyblkoin bu kursi barqaror aktivning qiymatiga bog‘langan kriptovalyuta turi hisoblanadi.

Avvalroq «Kursiv» nashri Vyacheslav Pak kapital bozori ishtirokchilarini normativ-huquqiy hujjatlarning jamoatchilik muhokamasida faolroq ishtirok etishga...

Yaponiyaning Toyota kompaniyasi AQShning Kentukki shtatidagi zavodida uch qatorlik yangi elektr krossoverlar ishlab chiqarishni yo‘lga qo‘yishini e’lon qildi. Yangi loyihalar mashhur RAV4 va Land Cruiser modellari platformasida yaratiladi. Bu haqda Reuters nashri ma’lum qildi.

Reuters ma’lumotiga ko‘ra, bu qaror ishlab chiqarishni optimallashtirish va bozor talabiga tezroq javob berish maqsadida qabul qilingan. Toyota Kentukki va Indiana zavodlari o‘rtasida ishlab chiqarish quvvatlarini qayta taqsimlab, umumiy samaradorlikni oshirmoqchi.

Kentukki zavodida endi Lexus ES sedanlari yig‘ilmaydi. Bu modelning yangi avlodi 2026-yildan boshlab Yaponiyada ishlab chiqariladi. Indiana zavodi esa Grand Highlander’ni ishlab chiqarishda davom etadi va unga yana bir yangi model qo‘shiladi.

Toyota ishlab...

Samsung o‘tgan hafta yangi arzon Samsung Galaxy S25 FE modelini taqdim etdi. Bu haqda GSMArena xabar bermoqda.

Smartfon ta’mirlash uchun ham qulay variant sifatida qaralmoqda. U avvalgi Galaxy S24 FE’dan bir qator jihatlari bilan farq qiladi. Qurilma yangilangan protsessor, 10 foiz kattaroq sovitish tizimi, sig‘imi oshirilgan akkumulyator va tezroq quvvatlanish imkoniyatiga ega bo‘ldi.

Eng qiziqarli yangiliklardan biri uning ta’mirlash qulayligi. RBKreviews kanali o‘tkazgan test natijalariga ko‘ra, Galaxy S25 FE ta’mirlash darajasi bo‘yicha 10 balldan 9 ball olgan. Bu natija Galaxy S24 FE ko‘rsatkichidan yuqori (8,5 ball). Mutaxassislar qo‘shimcha ballni USB-C kabi mayda qismlarni almashtirish yanada osonlashgani uchun...

Banklar 11-sentabr kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.  

NF Group ma’lumotlariga ko‘ra, O‘zbekiston Mustaqil Davlatlar Hamdo‘stligi (MDH) davlatlari orasida sifatli ombor ko‘chmas mulki hajmi bo‘yicha kuchli uchlikdan joy oldi.

2025-yilning uchinchi choragiga kelib, mamlakatda umumiy maydoni 555 ming kv.m bo‘lgan omborlar mavjud. Ushbu davrda reyting yetakchilari Qozog‘iston (1,78 mln kv.m) va Belarus (1,72 mln kv.m) bo‘ldi. Shu bilan birga, O‘zbekistondagi omborlarning 56 foizi B sinf toifasiga kiradi. Maydonlarning katta qismi — 53 foizi spekulyativ loyihalar, qariyb 20 foizi kompaniyalarning o‘z ehtiyojlari uchun, yana 15 foizi 3PL-operatorlar uchun ajratilgan.

Ombor segmentining o‘sishi mamlakatda faol kechmoqda: 2024-yilning to‘rtinchi choragidan 2025-yilning uchinchi choragigacha 160 ming kv.m maydon foydalanishga topshirildi. 2026-yil...

Oliy ta’lim, fan va innovatsiyalar vazirligi oliy ta’lim rahbar va pedagog kadrlarining malakasini oshirish jarayonini takomillashtirish hamda raqamlashtirish maqsadida my.bimm.uz platformasini ishlab chiqdi. Bu haqda vazirlik rasmiy sahifasida ma’lum qilindi.

Mazkur platforma masofaviy kurslar va elektron portfolio tizimlari asosida yaratilgan yagona raqamli ekotizim bo‘lib, hozircha sinov rejimida faoliyat yuritmoqda.

Xavfsizlikni kuchaytirish va imkoniyatlarni kengaytirish uchun platforma OneID – yagona identifikatsiya tizimi va HEMIS – oliy ta’lim jarayonlarini boshqarish tizimi bilan integratsiya qilingan.

Foydalanuvchilar uchun maxsus videoqo‘llanma ham tayyorlangan bo‘lib, unda platformaga kirish, shaxsiy kabinetdan foydalanish va elektron portfolioni yuritish bosqichma-bosqich tushuntirilgan.

Eslatib o‘tamiz, avvalroq xorijdagi maktabdan o‘quvchilarni ko‘chirish bo‘yicha...