Yangiliklar

London Qirollik kolleji olimlari birinchi marta laboratoriyada inson tishini o‘stirishga muvaffaq bo‘lishdi. Tadqiqot natijalari kelajakda plomba yoki implantatsiyaga ehtiyoj qolmasligiga, yo‘qolgan tishlarni qayta tiklash imkoniyatiga yo‘l ochishi mumkin.

Tadqiqotchilar tish rivojlanishi uchun zarur bo‘lgan muhitni simulyatsiya qiluvchi material yaratdilar. Bu muhit hujayralarga signal uzatib, tish shakllanishini boshlashga yordam beradi. King’s kolleji regenerativ stomatologiya bo‘yicha direktori doktor Ana Angelova Volponi bu yondashuv stomatologiyada inqilob yasashini aytdi.

Tadqiqotda hayvonlar, masalan, akulalar va fillar – yangi tish o‘stira olish qobiliyatiga ega ekani, insonlarda esa faqat ikkita to‘plam mavjudligi ta’kidlangan. Olimlarning maqsadi – inson organizmida tabiiy tish qayta o‘sishini tiklashdir.

London Imperial kolleji...

Hyundai Mobis kompaniyasi elektromobil akkumulyatorlari uchun yongʻin tarqalishining oldini olishga yordam beruvchi modulli faol yongʻin oʻchirish tizimini namoyish etdi.

Tizim har bir akkumulyator moduliga yongʻin oʻchirish moslamalarini birlashtiradi. Sensor harorat va kuchlanish kabi gʻayritabiiy maʼlumotlarni aniqlash imkoniga ega. U batareyani boshqarish tizimi notoʻgʻri batareya xujayrasini va yongʻin qaysi modulda ekanligini aniqlaydi. Soʻngra tizim yongʻin modulining yongʻin oʻchirish moslamasini faollashtiradi va maxsus oʻchirish vositasini purkaydi.

«Biz global standartlardan oshib ketadigan apparat va dasturiy taʼminotga ega integratsiyalashgan akkumulyator tizimlarini ishlab chiqishda davom etamiz. Shuningdek, ilgʻor xavfsizlik texnologiyalarini xalqaro bozorga olib chiqamiz», — degan Hyundai Mobis batareya tizimi...

O‘zbekiston Maktabgacha va maktab ta’limi vazirligi va Islom taraqqiyot banki (ITB) o‘rtasida $40 mlnlik grant shartnomasi imzolandi. Bu haqda O‘zbekiston Maktabgacha va maktab ta’limi vaziri Hilola Umarova ma’lum qildi.

Shuningdek, Global Partnership for Education (GPE) tomonidan ham ta’lim sohasini rivojlantirishga doir grant shartnomasi tuzildi. Loyiha doirasida O‘zbekiston bo‘ylab 58 ta yangi inklyuziv maktab qurilishi, maktablarni zamonaviy jihozlar bilan ta’minlash, o‘qituvchilar malakasini oshirish, inklyuziv ta’limni rivojlantirish, o‘quv dasturlarini takomillashtirish va maktabgacha ta’lim sifatini oshirish kabi yo‘nalishlar qamrab olinadi.

Avvalroq Kursiv Uzbekistan maktab bitiruvchilari uchun fan olimpiadasi o‘tkazilishi haqida xabar bergan edi.

13-aprel kuni Geely kompaniyasining Zeekr 007 GT elektromobili Yevropa bozori uchun ishlab chiqarilishni boshladi. Bu haqda CarNewsChina nashri xabar berdi.

Ushbu avtomobil 15-apreldan sotuvga chiqarilishi rejalashtirilgan. Yevropa bozoriga Zeekr 7 GT nomi bilan taqdim etiladi. Kompaniya ma’lumotlariga ko‘ra, avtomobilni ishlab chiqarish jarayoniga yirik til modellari (LLM) va sun’iy intellekt integratsiya qilingan.

Shuningdek, 5G tarmog‘i va avtomobilda real vaqtda ma’lumotlarni qayta ishlash texnologiyasi bilan jihozlandi. Natijada ishchi kuchiga bo‘lgan ehtiyoj 80 foizga, nuqsonli mahsulotlar soni esa 30 foizga qisqardi

Ma’lumot uchun, zavod 2018-yil oxirida qurib bitkazilgan bo‘lib, 2021-yilning uchinchi choragida Zeekr 001 modelini ishlab chiqargan. 2025-yilda esa zavod Muse...

BYD Yangwang U8 flagmani katta yangilanish oldi. Unda yangi 15 ta funksiyani qoʻshib, 20 dan ortiq mavjud funksiyalarni yaxshilaydi.

Endi ekrandagi ilova nomini koʻrsatib, buyruqni aytish kifoya: avtomatik WeChat, TikTok, Bilibili yoki Tencent Video kabi buyruqni teginmasdan ochish imkoniyati qoʻshildi.

See-say tizimi intuitiv boʻlib, asosiy ssenariylarni qamrab oladi. Endi yon oynalarni ovoz bilan sozlash mumkin. Ular avtomatik ravishda haydovchiga moslashadi. Chuqur qor rejimi va off-road boshqaruv paneli interfeysi joriy etildi.

Zaryadlashdagi innovatsiyalar orasida qoʻlda ishga tushirish va toʻxtatish, batareyani oldindan qizdirish, tashqi quvvat manbai uchun cheklovlarni oʻrnatish kiradi. Foydalanuvchilar sayohatdan oldin iqlim sozlamalarini oldindan oʻrnatishlari mumkin.

Eslatib oʻtamiz, Kursiv...

So‘nggi yillarda Statistika qo‘mitasining e’lon qilgan statistik hisobotlariga nisbatan shubha va gumonlar ko‘paygan edi. Shuning uchun qo‘mita OAVlar bilan birgalikda bir qancha obyektlarda narxlarning statistik ma’lumotlarini shakllantirishni xalqqa ochiqlash maqsadida press tur tashkil etdi. Ushbu press turda Kursiv Uzbekistan muxbiri ham bevosita qatnashdi.

Press tur mobaynida 50 dan ortiq oziq-ovqat, nozoq-ovqat va xizmatlar narxlarining shakllanishi ko’rsatib berildi. E’tiborlisi shundaki, narxlarning statistikasini shakllantiradigan mutaxassis planshetda real narxlarni qayd etish uchun aynan belgilangan savdo rastasiga bormasa, tizim ishlamaydi va qayd etilmaydi.

«Bu tizim juda puxta ishlangan. Loyiha tashkilotchilari tomonidan doimiy ravishda savdo rastalari va obyektlarning aniq kordinatalari tizimga...

Yo‘l harakati xavfsizligi xizmati matbuot xizmatining xabar berishicha, haydovchilar endilikda jarimalar va boshqa muhim ma’lumotlarni yangi ishlab chiqilgan «Safe Road» mobil ilovasi orqali kuzatib borishlari mumkin bo‘ladi. Bu ilova avvalgi «Road 24» ilovasining o‘rnini egallaydi.

Yangi ilova faqat jarimalarni ko‘rish imkonini emas, balki kengaytirilgan funksiyalarni ham taklif qiladi. Masalan, foydalanuvchilar «tonirovka» uchun ruxsatnoma ma’lumotlarini saqlash, sug‘urta holatini tekshirish, avtoraqam xarid qilish, ishonchnoma rasmiylashtirish va boshqa bir qator xizmatlardan foydalanishlari mumkin.

«Safe Road» ilovasi haydovchilar uchun yo‘l harakati bilan bog‘liq xizmatlarni yagona platformada boshqarish imkonini beruvchi qulay vositaga aylanishi kutilmoqda.

Avvalroq Kursiv Uzbekistan avtobus yo‘lagidan yurgan haydovchilar 1,125 ming so‘m...

Kolumbiyadagi bojxona avtoulovlari omborida Chevrolet Capitiva modelining elektr versiyasi rasmga olindi. Bu haqda GMAuthority nashri xabar bermoqda.

2026-yilda ishlab chiqariladigan Chevy Captiva EVʼning uchta birlik partiyasini Janubiy Amerika mamlakatidagi import qilingan avtoturargohda, jumladan, bitta bej va ikkita toʻq kul rangda suratga olishgan. Nashrning qayd etishicha, bu modellar Janubiy Amerika uchun tasdiqlangan variant boʻlishi ehtimoli yuqori.

Kompaniya Wuling Starlight S varianti taqdimotida portugal va ispan tillarida «Tez orada hayotingiz yanada elektrlashadi» degan edi. Bu katta ehtimol bilan bir qator modellarini elektr versiya bilan Lotin Amerikasi bozorida ommalashishidan darak beradi.

2026-yildan sotuvga chiqishi rejalashtirilgan Chevrolet Captiva 50 kVt yoki 201 ot...

2025-yilning butun mart oyi uchun hh.uz saytida eʼlon qilingan eng ommabop mutaxassisliklar e’lon qilindi. Faol vakansiyalarning 17,1 foizi savdo va mijozlarga xizmat koʻrsatish sohasiga toʻgʻri kelgan.

Marketing, reklama, PR esa umumiy e’lonlarning 11,9 foizini tashkil etdi. Batafsil jadvalda tanishishingiz mumkin.

Moliya, buxgalteriya sohasida taklif etilgan oʻrtacha ish haqi deyarli 7 mln soʻmni tashkil etadi.

Eslatib oʻtamiz, «Kursiv» nashri Oʻzbekistonning Istanbul shahridagi Bosh konsulxonasi Turkiyada fuqarolarni ishga joylashtirish bilan bogʻliq firibgarlik holatlari koʻpayayotgani haqida yozgan edi.

15-apreldan AQSh dollarining rasmiy kursi 10,77 so‘mga tushib, 12 969,56 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 905 – 12 950 so‘mdan sotib olayotgan bo‘lsa, 12 975 – 13 040 so‘m oralig‘ida sotmoqda.

Shu bilan birga, yevro 10,96 so‘mga tushib, 14 768,44 so‘mga yetdi. Rossiya rubli esa 2,58 so‘mga oshib, 157,09 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.  

Pokiston xalqaro havo yoʻllari (PIA) Oʻzbekistonga parvozlarni amalga oshiradi. Bu qaror Pokiston bosh vaziri Shahboz Sharif topshirigʻiga binoan qabul qilindi.

Bu haqda Bosh vazirning sanoat masalalari boʻyicha yordamchisi Xorun Axtar Xon va Oʻzbekiston Turizm qoʻmitasi rahbari Umid Shodiyev oʻrtasidagi uchrashuvdan soʻng ma’lum qilindi.

Tomonlar turizm sohasidagi hamkorlikni rivojlantirish masalalarini muhokama qildi. Pokiston tomoni Oʻzbekistondan kelgan sayyohlar uchun viza tartiblarini soddalashtirish ustida ish olib borishini ta’kidlagan.

Ikki davlat oʻrtasidagi parvozlarga xususiy aviakompaniyalarni ham jalb etish rejalashtirilgan.

Eslatib oʻtamiz, Kursiv Uzbekistan nashri UzAirways toʻrtinchi LET L-410 havo kemasini qabul qilgani haqida yozgan edi.

Turkiyalik fuqaro Uzbekistan Airways aviakompaniyasining xizmat ko‘rsatish sifatidan norozi bo‘lib, Raqobat qo‘mitasiga murojaat yo‘llagan. Bu haqda qo‘mita matbuot xizmati xabar berdi.

Unga ko‘ra, turkiyalik fuqaro murojaatida Anqara – Toshkent yo‘nalishidagi parvozda sog‘lig‘i uchun muhim bo‘lgan glyutensiz ovqat taqdim etilmagani, samolyot salonining sanitariya holati talabga javob bermaganini yozgan. Yo‘lovchi chipta xarid qilish vaqtida sog‘lig‘i bilan bog‘liq talablarini aviakompaniyaga oldindan bildirgan va glyutensiz ovqat kafolatlangan bo‘lsa-da, bu talab bajarilmagan.

Qo‘mita tomonidan yuborilgan so‘rovga asosan o‘tkazilgan xizmat tekshiruvlarida yo‘lovchi bildirgan holatlar haqiqatga to‘g‘ri kelishi tasdiqlandi. Maxsus ovqat Anqara aeroportidagi keytering xizmati tomonidan yetkazib berilmagani aniqlangan.

Natijada yo‘lovchining moddiy va ma’naviy zararini qoplash...

Mercedes-Benz Little G nomli ixcham elektrobilini ishlab chiqmoqda. U 2027-yildan foydalanuvchilarga topshiriladi. Bu haqda speedme nashri ma’lum qildi.

Yangi model G-Classning ramziy dizaynida ishlab chiqariladi. U quvvati 482 ot kuchigacha boʻlgan ikkita eATS 2.0 elektrodvigatellari, ikki pogʻonali uzatmalar qutisi, pnevmatik suspenziya va toʻliq uzatmali moslamalardan iborat boʻladi. Modelning saloni besh kishiga moʻljallangan.

Uning taxminiy narxi $90 mingni tashkil etadi.

Eslatib oʻtamiz, Kursiv Uzbekistan nashri Mercedes-AMG GLA 35 4MATIC taqdim etilgani haqida yozgan edi.

Xiaomi kompaniyasi 2024-yil ikkinchi yarmidan boshlab HyperOS 3.0 tarqatilishini boshlaydi. Bu haqda Menow nashri ma’lum qildi.

Yangi interfeys qurilmalarning ishlashi va energiya samaradorligini oshirish, dizaynni yangilash hamda AI funksiyalarini joriy etish orqali tajribani sezilarli darajada yaxshilashi kutilmoqda. HyperOS 3 ayrim modellar uchun Android 16, boshqalar uchun esa Android 15 asosida chiqariladi.

HyperOS 3 oladigan qurilmalar ro‘yxati
Quyidagi jadvalda smartfon va planshetlar toifalarga ajratilgan:

Ba’zi qurilmalar HyperOS 3 yangilanishini Android 16 asosida olsa qo‘llab-quvvatlash muddati tugashiga yaqinlashayotgan modellarga HyperOS 3 Android 15 bazasida taqdim etiladi.

Tarqatish 2025-yil ikkinchi yarmida boshlanishi kutilmoqda.

Avvalroq Kursiv Uzbekistan yuzdan ortiq Xiaomi, Redmi va Poco qurilmalari...

13-aprel kuni Toshkent shahrida VII Xalqaro marafon bo‘lib o‘tdi. Musobaqada 52 davlatdan 11,5 ming nafar ishtirokchi qatnashdi. Bu haqda Milliy olimpiya qo‘mitasi xabar bermoqda.

Poyganing boshlanish va tugash nuqtasi O‘zbekistonning Yangi bog‘i bo‘ldi. Musobaqada davlat idoralari vakillari, professional sportchilar, havaskorlar jamoalari ishtirok etdi. Musobaqa besh masofada o‘tkazilgan.

Imkoniyati cheklangan sportchilar o‘rtasida bir kilometr masofaga poyga tashkil etilgan.

Musobaqa g‘oliblariga medallar, esdalik sovg‘alari va pul mukofotlari topshirildi. Marafon tashkilotchilari poyga Xalqaro yengil atletika federatsiyalari assotsiatsiyasi (World Athletics) tomonidan e’tirof etilganini ta’kidlashgan.

Avvalroq Kursiv Uzbekistan nashri futbol bo‘yicha O‘zbekiston yoshlar terma jamoasi Osiyo kubogi yarim finaliga chiqqani haqida yozgan edi.

Xiaomi kompaniyasi HyperOS 2.0 yangilanishini jadal suratda kengaytirishda davom etmoqda. Olti oy ichida kompaniya yangi operatsion tizimni 8 mintaqada yuzdan ortiq smartfon va planshetlarga taqdim etdi. Xiaomitime portali yangilanishni olgan barcha modellar ro‘yxatini e’lon qildi.

Bu HyperOS 2.0 operatsion tizimining yakuniy versiyasini olgan qurilmalar ro‘yxatidir. Yangilanishlar bosqichma-bosqich amalga oshiriladi va ba’zi hududlarda keyinroq mavjud bo‘lishi mumkin.

Avvalroq Kursiv Uzbekistan Xiaomi 15 yilligi sharafiga 15S Pro flagmanini taqdim etishi haqida xabar bergan edi.

13-aprel kuni sodir boʻlgan zilzila oqibatida Tojikistonning Rasht va Tojikobod viloyatlarida 94 ta turarjoy binosi toʻliq vayron boʻlgan. Bu haqda Tojikiston Favqulodda vaziyatlar vazirligi xabar bermoqda.

Tojikiston Milliy fanlar akademiyasi Geofizika xizmati ma’lumotlariga koʻra, 5-6 balli silkinishlar soat 09:24 da qayd etilgan. Zilzila epitsentri Dushanbe shahridan 160 km shimoli-sharqda, Rashtdan 21 km uzoqlikda joylashgan. Dushanbeda 3 ballga yaqin yer silkinishi sezilgan.

Rasht viloyatida 40 ta turarjoy binosi vayron boʻlgan, yana 5 tasi qisman shikastlangan. Tojikobod tumanida 54 ta uy toʻliq, 45 tasi qisman, yana 61 ta binoga esa kichik zarar yetgan.

Tojikiston prezidenti Emomali Rahmon topshirigʻiga koʻra maxsus hukumat...

Bugun, 14-aprel kuni besh grammli oltin narxi rekord darajaga – 6,9 million so‘mga yetdi. Bu haqda Markaziy bank matbuot xizmati ma’lum qildi.

Shuningdek, 10 va 20 grammlik tilla quymalari narxi ham oshdi – mos ravishda 13,8 million va 27,7 million so‘mni tashkil etdi.

Bundan tashqari, regulyator 50 grammli oltin narxini 69,3 mln so‘m, 100 grammli quymaning narxini esa 138,7 mln so‘m etib belgiladi.

Avvalroq «Kursiv» Oʻzbekiston Markaziy banki fevral oyida eng koʻp oltin sotuvchiga aylangani haqida yozgandi.

Casio kompaniyasi MondaySleepingClub brendi bilan hamkorlikda G-SHOCK DW-5610UU-3PRM soatini ishlab chiqdi. Bu haqda Gizmochina nashri ma’lum qildi.

Unga ko‘ra, ushbu maxsus model sog‘lom uyqu g‘oyasiga bag‘ishlangan bo‘lib, hozircha faqat Xitoyda 790 yuan (taxminan $108) narxda sotuvga chiqarilgan.

Soat DW-5600 seriyasi asosida yaratilgan bo‘lib, zarbaga va 200 metrgacha suvga chidamli. Korpus yashil smoladan tayyorlangan, bilaguzugi esa bio-smoladan bo‘lib, unda «Yaxshi uyqu – salomatlik garovi» degan yozuv mavjud. Orqa panelda hamkor brend logotipi o‘yilgan, qadoqlanishi esa yostiqqa o‘xshatib bezatilgan.

Soatda sekundomer, taymer, bir nechta budilnik, har soatda signal, yorqinligi sozlanadigan yoritgich va 2099-yilgacha avtomatik tuzatiluvchi taqvim mavjud. Oylik aniqlik xatosi...

O‘zbekistonning Istanbul shahridagi Bosh konsulxonasi Turkiyada fuqarolarni ishga joylashtirish bilan bog‘liq firibgarlik holatlari ko‘payayotgani haqida ogohlantirdi. Bu haqda Istanbul Bosh konsulxonasi matbuot xizmati xabar qildi.

Ma’lumotga ko‘ra, ayrim shaxslar yuqori maosh, bepul uy-joy va rasmiy hujjatlar va’dasi bilan fuqarolarni aldab, ularni noqulay sharoitlarda ishlashga majbur qilmoqda. Bu holatlar, asosan, tanish-bilishlar orqali taklif etilayotgan ishlar natijasida yuz bermoqda.

Bunday vaziyatlarda fuqarolar O‘zbekistonning Istanbul shahridagi Bosh konsulxonasiga yoki +90 (553) 541 17 17 telefon raqamlariga murojaat qilishlari mumkin.

Ma’lumot uchun, Turkiyada ishlashda chet ellik fuqarolardan maxsus ish ruxsatnomasiga ega bo‘lishlari talab etiladi.

Avvalroq «Kursiv» AQSHdagi o‘zbekistonliklar ogohlantirilgani haqida yozgandi.

Armanistonning Yerevan shahrida boshlangan xokkey bo‘yicha kattalar o‘rtasidagi Jahon chempionatining IV divizion bahslarida O‘zbekiston milliy terma jamoasi ilk marta ishtirok etmoqda. Turnirdagi debyut uchrashuvda o‘zbek xokkeychilari Quvayt jamoasiga qarshi muzga chiqdi va yirik 13:3 hisobida g‘alaba qozondi.

Uchrashuv davomida Vadim Kravchenko va Salohiddin Azimov xet-trik qayd etishdi. Shuningdek, Artyom Malsev dubl qayd etgan bo‘lsa, Ilya Nazarevich, Pavel Sinyavskiy, Jasurbek Rustamxonov, Javohir Rasulov va Daniel Kogan ham bir martadan raqib darvozasini ishg‘ol qilishdi.

Shu tariqa O‘zbekiston terma jamoasi Jahon chempionatidagi ilk ishtirokini yirik g‘alaba bilan boshladi. Indoneziya Eronni 2:1 hisobida mag‘lub etganidan so‘ng hozircha O‘zbekiston turnir jadvalida birinchi o‘rinni egallab...

Uzum Market milliy marketpleysi geografiyasini kengaytirishda davom etmoqda. 2025-yilning birinchi choragida buyurtma topshirish punktlari yana 78 ta shahar va qishloqda paydo bo‘lib, xizmatlar ko‘lamini 383 ta aholi punktigacha kengaytirdi. Yil boshidan beri 111 ta yangi topshirish punkti ishga tushirildi. Bu haqda kompaniya matbuot xizmati Kursiv Uzbekistan’ga ma’lum qildi.

Uzum Market bosh direktori o‘rinbosari Akmal Rahimovning so‘zlariga ko‘ra, bugungi kunda platformada 1 milliondan ortiq turdagi tovarlar taqdim etilgan. Ular orasida oziq-ovqat, kiyim-kechak, elektronika, maishiy texnika va uy-ro‘zg‘or buyumlari mavjud.

«Biz uchun eng muhimi, zarur mahsulotlarni arzon narxlarda taklif qilish va ularni butun mamlakat bo‘ylab, hatto eng kichik...

Prezident huzuridagi Xavfsizlik kengashi kotibi o‘rinbosari, tashqi siyosat bo‘yicha maxsus vakil Abdulaziz Komilov «Italiya Respublikasi oldidagi xizmatlari uchun» (Ordine al Merito della Repubblica Italiana) ordenining «Ofitser» darajasi bilan taqdirlandi. Bu haqda Italiya Prezidenti bosh kotibiyati rasmiy press-relizida e’lon qilindi va hukumat nashri «Gazzetta Ufficiale»da chop etildi.

Mazkur orden Italiyadagi eng yuqori davlat mukofoti bo‘lib, 1951-yil 3-mart kuni ta’sis etilgan. U adabiyot, san’at, iqtisodiyot, xayriya va gumanitar faoliyat sohalaridagi katta xizmatlar uchun beriladi. Mukofotni Italiya prezidenti, bosh vazir roziligi bilan topshiradi. Taqdirlash odatda 2-iyun (Respublika kuni) va 27-dekabr (Konstitutsiya kuni)da amalga oshiriladi.

Komilov bilan birga boshqa bir qator italiyalik va...

«Latsio» va «Roma» jamoalari A Seriyaning 32-turidan o‘rin olgan markaziy bahs – Rim derbisida 1:1 hisobida durang natijani qayd etdi. Uchrashuv «Olimpiko» stadionida bo‘lib o‘tdi va har doimgidek qizg‘in va murosasiz kurashga boy bo‘ldi.

O‘yinning ikkinchi bo‘limida, aniqrog‘i 59-daqiqada «Roma» hujumchisi Eldor Shomurodov Lorenso Pellegrinining o‘rniga maydonga tushdi. Ammo o‘zbekistonlik futbolchi hisobga ta’sir qila olmadi va gol ura olmadi.

Bahs davomida ikkala jamoa ham gol urish uchun imkoniyatlar yaratdi, lekin yakunda Rim derbisi har ikki klub uchun bittadan ochko bilan yakunlandi.

Avvalroq Kursiv Uzbekistan Shomurodov «Roma» bilan shartnomasini 2027-yilning yozigacha uzaytirgani haqida xabar bergan edi.