Yangiliklar

2025-yilning uch oyida O‘zbekistonda ipoteka kreditlariga 4,4 trillion so‘m yo‘naltirildi. Bu haqda Markaziy bank matbuot xizmati xabar berdi.

Ma’lum qilinishicha, ajratilgan mablag‘larning 3 trillion so‘mi Iqtisodiyot va moliya vazirligi, 1,1 milliard so‘mi esa tijorat banklari tomonidan taqdim etilgan. Shuningdek, Ipotekani qayta moliyalashtirish kompaniyasidan 310 milliard so‘mdan ortiq mablag‘ jalb qilingan.

Aprel oyi boshida mamlakatning 15 ming aholisi ipoteka kreditlarini olgan, ularning aksariyati (63 foizi) erkaklardir. 75 foiz holatda o‘zbekistonliklar yangi qurilgan uylar uchun ipoteka olgan.

Ajratilgan kreditlarning asosiy qismi – 75 foizi birlamchi uy-joy bozoriga, qolgan 25 foizi esa ikkilamchi bozordagi uylarni xarid qilish uchun sarflangan. Hududlar kesimida eng...

Oq uy Xitoy tovarlariga boj stavkalarini 145 foizga oshirgach Pekin ham javoban AQShdan import qilinadigan barcha tovarlarga bojlarni 125 foizga ko‘tardi. Bu haqda Bloomberg nashri xabar bermoqda.

Bloomberg Xitoy savdo vazirligiga tayanib yozishicha, Vashingtonning haddan tashqari yuqori tariflardan qayta-qayta foydalanishi iqtisodiyotni faqat raqamlar oʻyiniga aylantirgan.

«Agar AQSh Xitoy eksportiga bojlarni yanada oshirsa, Xitoy bunday choralarni e’tiborsiz qoldiradi», – deyiladi xabarda.

Bojlar joriy etilishidan avval Xitoyning AQSh tovarlariga nisbatan boj stavkalari barcha mahsulotlarga tatbiq etilmagan va asosan 10 foiz yoki 15 foiz darajasida qo‘llanilgan.

AQSh va Xitoy o‘rtasidagi tovar ayirboshlash hajmi har yili qariyb...

Finlit.uz onlayn platformasi nomidan ish olib borgan firibgarlar oʻzbekistonliklarning pullarini oʻgʻirlash holatlari aniqlandi. Bu haqda Markaziy bank xabar bermoqda.

Regulyator Finlit.uz portali aholining moliyaviy savodxonligini oshirish maqsadida yaratilganini eslatdi. Shu bilan birga, portal kreditlar, to‘lov xizmatlari yoki naqd pul omonatlarini taklif etmasligi ta’kidlandi.

«Markaziy bank tomonidan tashkil etilgan moliyaviy savodxonlikni oshirishga doir oʻquv darslari, seminar-trening, mahorat darslari va Finlit.uz ning barcha loyihalari mutlaqo bepul hisoblanadi», – deyiladi xabarda.

Eslatib oʻtamiz, Kursiv Uzbekistan firibgarlar Farrux Zokirovning soxta tasvirlaridan foydalanib koʻpchilikni chuv tushirayotgani haqida yozgan edi.

14-apreldan AQSh dollarining rasmiy kursi 11,95 so‘mga oshib, 12 980,33 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 905 – 12 950 so‘mdan sotib olayotgan bo‘lsa, 12 975 – 13 040 so‘m oralig‘ida sotmoqda.

Shu bilan birga, yevro 436,37 so‘mga oshib, 14 779,40 so‘mga yetdi. Rossiya rubli esa 2,14 so‘mga oshib, 154,51 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.   

2025-yilda Shanxayda bo‘lib o‘tadigan avtosalonda yangi Zeekr 9X avtomobilini namoyish etiladi. Bu haqda Carnewschina nashri xabar bermoqda.

Gibrid modifikatsiyada 2,0 litrli turbo dvigatel va sof elektr akkumulyator mavjud. Unda ketma-ket va parallel rejimlar oʻrtasida almashinadigan bir nechta elektr motorlar qoʻllaniladi. Gibridning umumiy masofasi toʻliq akkumulyator va yonilgʻi baki bilan taxminan 1,5 kmni tashkil qiladi.

Uzunligi 5290 mm va gʻildirak bazasi 3220 mm boʻlgan yangi Zeekr 9X 6-7 oʻrinli keng interyerni taklif etadi. Narxlar hali ochiqlanmagan.

Eslatib oʻtamiz, Kursiv Uzbekistan Toshkentda Zeekr 001 zaryad vaqtida yonib ketgani haqida yozgan edi.

Termiz shahri markazida joylashgan «Surxon Arena» stadioni rekonstruksiyadan so‘ng qayta ochildi. Bu haqda klub matbuot xizmati Kursiv Uzbekistan’ga ma’lum qildi.

2023 – 2025-yillar davomida bosh homiy Eriell Group kompaniyasi ko‘magida stadion zamonaviy ko‘rinishga keltirildi. Yangi stadion 10,5 ming tomoshabinga mo‘ljallangan bo‘lib, unda xalqaro talablarga javob beruvchi infratuzilmalar, tabiiy gazon bilan qoplangan maydon, FIFA standartlariga mos yoritish tizimi, kengaytirilgan tribuna va zamonaviy ichki inshootlar mavjud.

Endilikda «Surxon» klubi o‘zining asosiy o‘yinlarini yana ushbu stadionda o‘tkazadi. Bundan tashqari, bu yerda O‘zbekiston Kubogi doirasidagi uchrashuvlar ham o‘tkazilishi rejalashtirilgan.

Ma’lumot uchun, klub 1968-yilda tashkil etilgan bo‘lib, hozirda O‘zbekiston Superligasida ishtirok etmoqda. O‘zbekiston Professional futbol...

Pekin – Markaziy Osiyo temir yoʻl yoʻnalishi 8-aprel kuni muntazam ravishda ishga tushirildi. Bu haqda Sinxua agentligi xabar bermoqda.

Oʻzbekistonga joʻnatilgan birinchi yuk 48,6 mlrd soʻm (28 mln yuan) qiymatidagi asbob-uskunalar, dori-darmonlar, velosiped qismlari va boshqa tovarlardan iborat.

Poyezd Xitoy – Qozogʻiston chegarasidagi Xorgos nazorat-oʻtkazish punktidan oʻtib, 10 – 12 kun ichida Oʻzbekiston poytaxtiga yetib keladi.

Pekin va Toshkent oʻrtasidagi qatnov haftada bir marta amalga oshiriladi.

Eslatib oʻtamiz, Kursiv Uzbekistan Ozon kompaniyasi Oʻzbekistonda ikki milliondan ortiq Xitoy tovarlari savdosini boshlab yuborgani haqida yozgan edi.

Qozog‘iston hududiga Rossiya va O‘zbekiston orqali kirish taqiqi qo‘yildi. Bunga hududda yo‘l harakati qoidalarini buzganlik uchun belgilangan jarimalar sabab bo‘lgan.

Transport vazirligi ushbu fuqarolarni Qozog‘istonning «Kaspi bank» onlayn tizimidagi «davlat xizmatlari» jarimalar qismida tayinlangan jarimani to‘lashga chaqirdi.

Jarimalar to‘langandan so‘ng Qozog‘iston mutasaddi tashkilotlari qo‘yilgan taqiqni olib tashlashi mumkin.

Avvalroq Kursiv Uzbekistan Qozogʻiston tuxum importini taqiqlagani haqida yozgandi.

Toshkentda 16 – 19-aprel kunlari FinTech & Crypto Week 2025 forumi boʻlib oʻtadi. Bu haqda Istiqbolli loyihalar milliy agentligi(ILMA) xabar bermoqda.

Ushbu forum bilim va tajriba almashish uchun mintaqadagi eng yirik platforma boʻlib, raqamli toʻlovlardagi texnologik innovatsiyalar va moliyaviy xizmatlar kelajagi kabi muhim mavzularda oʻtkaziladi. Shuningdek, bank sektorida sun’iy intellekt, kripto-aktivlarni tartibga solish va Fintex sohasida kiberxavfsizlik kabi masalalar ham muhokama qilinadi.

Tabdir 16-aprel kuni Intercontinental Tashkent mehmonxonasida va 17 – 19-aprel kunlari Yoshlar ijodi saroyida boʻlib oʻtadi.

Eslatib oʻtamiz, ALIPH va Yevropa Ittifoqi Markaziy Osiyo uchun grant e’lon qilgani haqida yozgan edik.

Xitoy Xalq Respublikasining raisi Si Szinpin Ispaniya bosh vaziri Pedro Sanches bilan boʻlib oʻtgan uchrashuvda AQShning import bojlariga munosabatini bildirdi.

Si Szinpinning aytishicha, Xitoy soʻnggi 70-yil davomida faqat mustaqillik va mashaqqatli mehnatning samarasi sifatida taraqqiyotga erishdi. Mamlakat hech qachon boshqadan yordam yoki marhamat kutmagan va qandaydir tahdidlardan choʻchimagan.

«Boj urushlarida gʻolib boʻlmaydi, dunyoga qarshi borsang yakkalanib qolasan», – deydi u.

Shuningdek, Si Szinpin Xitoy oʻz yoʻlidan ishonch va xotirjamlikni yoʻqotmasdan davom etishini aytib oʻtdi. AQSh prezidenti Donald Tramp tomonidan import uchun yangi tariflar joriy qilinishiga javoban Ispaniya bosh vaziri Pedro Sanches Yevroittifoqni Xitoy bilan...

Probatsiyani amalga oshirishga koʻmaklashgan shaxslar ragʻbatlantirilishi mumkin. Bu haqda prezident farmoni qabul qilindi.

Unga koʻra, probatsiyani amalga oshirishga koʻmaklashgan davlat organlarining xodimlari, mahalla, NNT va fuqarolar ragʻbatlantiriladi.

Shuningdek, jamoat xavfsizligini ta’minlashda oʻzining munosib hissasini qoʻshgan ichki ishlar organlari xodimlari lavozim maoshining 1 baravarigacha boʻlgan miqdorda bir martalik mukofot bilan taqdirlanadi.

Eslatib oʻtamiz, Kursiv Uzbekistan 2025 – 2030-yillarda davlat moliyasini boshqarish tizimini takomillashtirish strategiyasi tasdiqlangani haqida yozgan edi.

2025-yilning yanvar-fevral oylarida Oʻzbekiston $935 minglik 1,6 ming tonna olma eksport qildi. Bu haqda Milliy statistika qoʻmitasi xabar bermoqda.

Oʻtgan yilning shu davriga nisbatan eksport fizik koʻrsatkichlarda 5 baravar oʻsgan.

Rossiya Oʻzbekistondan ming tonna olma import qilib, eng yirik xaridorga aylandi. Qozogʻiston 341 tonna olma eksporti bilan ikkinchi oʻrinni qayd etdi. Turkmanistonga esa olma eksporti 149 tonnani tashkil etdi.

Avvalroq «Kursiv» Oʻzbekiston meva-sabzavot eksportini 23 foizga qisqartirgani haqida yozgan edi.

Jetour Auto kompaniyasi oʻzining Jetour X90 C-DM modeli rasman bozorga chiqarilganini ma’lum qildi. Bu haqda ITHome narxi xabar bermoqda.

Tashqi ko‘rinish jihatidan avtomobil Jetour X90 PRO dizaynini takrorlaydi. Old qismida katta o‘lchamli radiator panjarasi joylashgan bo‘lib, u sharshara shaklidagi xrom bezaklar bilan to‘ldirilgan. Elita versiyasi 19 dyuymli, Lux versiyasi esa 20 dyuymli g‘ildiraklar bilan jihozlangan.

Avtomobil 10,25 dyuymli LCD displey va 15,6 dyuymli markaziy boshqaruv paneliga ega. U Qualcomm Snapdragon 8155 protsessori bilan jihozlangan.

Modelning o‘lchamlari 4862×1925×1784 mm bo‘lib, g‘ildirak bazasi 2850 mmni tashkil etadi. Avtomobil 2 pog‘onali DHT uzatmalar qutisi hamda 19,43 kVt/soat sig‘imga ega akkumulyator bilan jihozlangan...

Farg‘ona viloyatida «A.Z.» xususiy korxonasi ish boshqaruvchisi tomonidan Toshloq tumanidagi umumiy ovqatlanish shoxobchasida 286 mln so‘mlik tabiiy gazdan noqonuniy foydalanganlik holati aniqlandi. Bu haqda Bosh prokuratura huzuridagi departament matbuot xizmati ma’lum qildi.

Shuningdek, departamentning Yangiyer shahri bo‘limi tomonidan o‘tkazilgan tergovga qadar tekshiruvda fuqaro tomonidan «Navro‘zobod» MFY hududidagi novvoyxonada ham tabiiy gaz tarmog‘iga o‘zboshimchalik bilan ulanib, 202,1 mln so‘mlik tabiiy gazdan noqonuniy foydalanganlik holati qayd etilgan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq Qarshi tumanida o‘tkazilgan reyd davomida 119 mln soʻmlik tabiiy gazdan noqonuniy foydalangan issiqxona faoliyati fosh...

AQSh hukumati yigʻilishida prezident Donald Tramp Hukumat samaradorligi departamenti (DOGE) rahbari Ilon Mask haqida kutilmagan fikr bilan chiqdi. Bu haqda Fox telekanali ma’lum qilmoqda.

Tramp Ilon Maskning unga kerak emasligini qayd etgan. Shuningdek, u unga Tesla kompaniyasiga tegishli avtomobilning ham shart emasligini qoʻshimcha qilgan.

«Menga Ilon Mask kerak emas, faqat uni yoqtiraman. Lekin sizga aytaman, bu yigit ajoyib ish qildi», – degan AQSh rahbari.

Prezidentning bayonotlari ma’muriyat ichidagi kelishmovchilik haqidagi mish-mishlar fonida yangradi. Aprel oyi boshida Ilon Mask prezident maslahatchisi Piter Navarro bilan ochiqchasiga bahslashdi. Milliarder iqtisodchini gʻishtdek soqov va ahmoq deb atagan.

Tadbirkor...

11-aprel, juma kuni 5 grammli oltin narxi rekord darajaga – 6,8 million so‘mga yetdi. Bu haqda Markaziy bank matbuot xizmati ma’lum qildi.

Shuningdek, 10 va 20 grammli tilla quymalari narxi ham oshdi – mos ravishda 13,7 million va 27,5 million so‘mni tashkil etdi.

Bundan tashqari, regulyator 50 grammli oltin narxini 68,8 mln so‘m, 100 grammli quymaning narxini esa 137,6 mln so‘m etib belgiladi.

Eslatib o‘tamiz, avvalroq Oʻzbekiston Markaziy banki fevral oyida eng koʻp oltin sotuvchiga aylangan edi.

10-aprel kuni Ozon kompaniyasi O‘zbekistonda ikki milliondan ortiq Xitoy tovarlari savdosini boshlab yubordi. Bu haqda Kursiv Uzbekistan’ga ma’lum qilindi.

Endilikda platformada O‘zbekiston aholisi uchun Xitoylik tadbirkorlardan kiyim-kechak, poyabzal, maishiy texnika va uy-ro‘zg‘or buyumlarigacha bo‘lgan ikki mlndan ortiq mahsulot mavjud. Xitoydan buyurtmalarni yetkazib berish muddati taxminan 4 haftani tashkil qiladi va O‘zbekiston bo‘ylab barcha xaridorlar uchun bepul bo‘ladi.

Buyurtmalarni mamlakat bo‘ylab «O‘zbekiston pochtasi» (UzPost) bo‘limlari orqali olish mumkin. Xaridorlar Ozon sayti yoki mobil ilovasi orqali eng yaqin yetkazib berish punktini tanlashadi. Shu bilan birga, Xitoydan kelayotgan tovarlar narxi o‘rtacha 15 foizga arzonroq.

«Xaridorlar soni O‘zbekistonda ortib bormoqda...

Nissan Qashqai avtomobilining keyingi avlodi toʻliq elektromobil boʻlishini tasdiqladi. Bu haqda 32cars nashri xabar bermoqda.

Modelni ishlab chiqarish Sanderlenddagi zavodda davom etadi. Qashqai elektr Renault Megane, Scenic bilan bir xil texnologiyada ishlab chiqariladi.

Avtomobilning texnik xususiyatlari oshkor etilmagan. Aerodinamik dizayni va yangi haydovchi tizim yechimlari tufayli model 620 km.dan ortiq masofani taklif qilishi mumkin. Modelning narxi hozirgi versiya bilan bilan bir xil boʻlishi kutilmoqda. Yangi elektromobil 2027-yilgacha bozorga chiqishi taxmin qilinmoqda.

Eslatib oʻtamiz, Kursiv Uzbekistan nashri Nissan ishlab chiqarishning bir qismini AQShga koʻchirishi haqida yozgan edi.

Avtomobillarni piyodalar yo‘laklari, velosiped yo‘laklari, trotuarlar va ularga tutash yashil hududlardan haydaganlar jarimaga tortiladi. Bu bo‘yicha 10-aprel kuni Ma’muriy javobgarlik to‘g‘risidagi kodeksga yangi normalar kiritildi.

Endilikda haydovchilarning quyidagi harakatlari uchun ma’muriy javobgarlik belgilanadi:

Shuningdek, yo‘nalishli transport vositalari uchun alohida ajratilgan tasmasi bor yo‘ldan harakatlanganlar BHMning bir baravari – 375 ming so‘m miqdorida, ushbu huquqbuzarlikni bir yil ichida takroran sodir etish BHMning uch...

Tesla kompaniyasi AQShda o‘zining elektr pikapi Cybertruck’ning yangi, eng arzon variantini sotuvga chiqarganini e’lon qildi. Uning boshlang‘ich narxi salkam $70 mingni tashkil etadi, ammo $7,5 minglik federal soliq chegirmasi bilan avtomobil narxi $62,5 mingga tushadi.

2025-yil 10-aprel kuni taqdim etilgan ushbu model kompaniya tomonidan AQSh bozorida taklif etilayotgan uch variant orasida eng arzonidir. U ilg‘or yurish masofasi bilan ajralib turadi (aniq ko‘rsatkich berilmagan). Hozirda All-Wheel Drive versiyasi $80 ming atrofida, eng kuchli Cyberbeast modeli esa $100 mingdan taklif qilinmoqda.

Yangi Cybertruck zamonaviy haydovchiga ko‘mak beruvchi tizimlar, markazda joylashgan katta sensorli ekran va zanglamaydigan po‘latdan tayyorlangan mustahkam kuzov bilan jihozlangan.

Oppo Find X8 Ultra smartfoni rasmiy taqdim etildi. Bu haqda ITHome nashri xabar bermoqda.

Ushbu model Huawei Mate 70 Pro, iPhone 16 Pro, Samsung Galaxy S25 Ultra va Xiaomi 15 Ultra kabi mashhur flagmanlar bilan raqobatlashmoqchi.

Oppo Find X8 Ultra’ning asosiy kamerasi toʻrtta moduldan iborat. Ularning barchasi 50 megapikselli sensorlarga ega. Model 2K oʻlchamli 6,82 dyuymli OLED ekran, Qualcomm Snapdragon 8 Elite SoC va 32 megapikselli old kameradan iborat.

Akkumulyator sigʻimi 6100 mA/soat. U 100 Vt simli va 50 Vt simsiz zaryadlashni qoʻllab-quvvatlaydi.

Yangi Oppo flagmani uchta konfiguratsiyada taqdim etiladi, narxlar bilan quyidagi jadvalda tanishishingiz mumkin:

Yuqori Oppo Find...

Apple kompaniyasi Donald Tramp joriy qilgan boj to‘lovlaridan qochish maqsadida Hindistonda ishlab chiqarilgan 1,5 mln iPhone’ni (600 tonna yuk) AQShga havo yo‘li orqali yetkazdi. Bu haqda Finance Yahoo ma’lum qildi.

Unga ko‘ra, bu orqali kompaniya Xitoydan import qilinadigan mahsulotlarga qo‘yilgan 125% lik bojdan qutulishga harakat qilmoqda.

Apple Chennai aeroportida bojxona jarayonlarini tezlashtirishga erishgan va Foxconn zavodlarida yakshanba kunlari ham ishlab chiqarishni davom ettirgan. Ayni paytda AQShga olib kirilayotgan iPhone’larning beshdan biri Hindistondan kelmoqda. Bu harakat Apple’ning tarif bosimlariga qarshi strategik javobi sifatida talqin qilinmoqda.

Ma’lumot uchun, Apple har yili butun dunyo bo‘ylab 220 mlndan ortiq iPhone sotadi. Tramp Xitoyga...

Oʻzbekiston U-17 terma jamoasi Osiyo Kubogi chorak final bosqichida Birlashgan Arab Amirliklariga qarshi bahs olib boradi. Bu haqda O‘FA ma’lum qildi.

Uchrashuv 13-aprel kuni, Toshkent vaqti bilan soat 22:15 da Saudiya Arabistonining Toif shahrida joylashgan «Qirol Fahd» stadionida boʻlib oʻtadi.

Ma’lumot uchun, U-17 Osiyo Kubogining «A» guruhida barcha uchrashuvlarda gʻalaba qozongan Oʻzbekiston U-17 terma jamoasi 9 ochko bilan guruhda birinchi oʻrinni egallab turibdi.

Eslatib o‘tamiz, avvalroq O‘zbekiston o‘smirlar futbol jamoasi 2025-yilgi Osiyo U-17 Kubogi doirasida Saudiya Arabistoni ustidan g‘alabaga erishgan edi.

Xitoyning Chery kompaniyasi yangi Jetour T2 Extended yo‘ltanlamasini taqdim etdi. Bu haqda IT Home nashri ma’lum qildi.

Unga ko‘ra, avtomobil 249 mm.ga uzunroq bo‘lib, bu asosan yukxonani kengaytirishga xizmat qilgan. Yetti o‘rinli bo‘lgan model 2+3+2 sxemasi asosida ishlab chiqilgan.

Mashina 618 ot kuchiga ega gibrid dvigatelga ega bo‘lib, benzin bakini to‘ldirib 1300 kilometrgacha masofa bosib o‘ta oladi. Jetour T2 Extended uch xil rusumda taqdim etiladi: eng oddiy modeli faqat old g‘ildiraklar bilan harakatlanadi, qolgan ikki modeli esa maxsus XWD tizimi bilan barcha g‘ildiraklarga kuch uzatadi.

Yangi Jetour T2 Extended – kuch, qulaylik va oilaviy safarlar uchun mukammal tanlov. Uning...