Yangiliklar

Dunyo bo‘ylab to‘g‘ridan-to‘g‘i xorijiy investitsiyalar oqimi 2 foizga qisqardi. Bu investorlarning iqtisodiy istiqbolga ishonchi pastligi bilan bog‘liq. Birlashgan Millatlar Tashkilotining Savdo va taraqqiyot konferensiyasi shunday xulosaga keldi, deb yozadi «Kommersant».

2023-yil oxirida xorijiy investitsiyalarning umumiy hajmi $1,33 trillionga qisqardi. Bu 2022-yildagi tendentsiyaning davomi bo‘lib, Ukrainadagi mojaro tufayli bu ko‘rsatkich 12 foizga kamaydi.

Shu bilan birga, o‘tgan yili xorijiy investitsiyalar, asosan, rivojlanayotgan mamlakatlarda, xususan, Xitoyda kamaydi.

Investitsiyalar hajmining qisqarishining sababi investorlarning iqtisodiy istiqboldagi ishonchsizligi bo‘lib qolmoqda – ham alohida davlatlarda, ham butun dunyoda.

Eslatib o‘tamiz, Jahon banki ma’lumotlariga koʻra, Oʻzbekiston yalpi ichki mahsuloti 2024-yilda 5,3 foizga oshadi.

23-iyun, yakshanba kuni kechqurun Dogʻistonning Maxachqal’a va Darband shahrida qurollangan noma’lum shaxslar pravoslav cherkovlari, sinagogalar va yoʻl-patrul xizmati postiga hujum qildi. Bu haqda «Kommersant» xabar bermoqda.

Hodisa oqibatida 15 dan ortiq politsiyachilar halok boʻlgani ma’lum qilindi. Olti nafar jangari, jumladan, Dogʻistonning Sergokalinskiy tumani rahbari Magomed Omarovning oʻgʻillari ham oʻldirildi. Omarovning oʻzi hibsga olingan va xavfsizlik kuchlari tomonidan soʻroq qilinmoqda.

Hozircha qancha tinch aholi halok boʻlganlar soni oshkor etilmadi, lekin bir necha qurbonlar haqida ma’lumotlar e’lon qilindi. Hodisa natijasida ikki sinagoga va cherkov yonib ketdi.

Dogʻistonda uch kunlik motam e’lon qilindi. Mamlakatdagi tergov tadbirlari...

Telegram messenjeri asoschisi Pavel Durov Qirg‘izistonga qilgan safaridan mamnun bo‘lib, mintaqaning boshqa joylariga ham borish niyatini ma’lum qildi. Bu haqda tadbirkor o‘zining Telegram-kanalida yozgan.

 «Qirg‘iziston xalqi va tabiatiga oshiq bo‘ldim. Bu mamlakat haqiqatan ham Markaziy Osiyoning yashirin marvarididir. (…) Rahmat, Qirg‘iziston, biz tez orada qaytamiz. Sening mehmondo‘stliging meni go‘zal Markaziy Osiyoga bo‘lajak sayohatlarimga ilhomlantiradi», dedi Durov.

Durovning aytishicha, safar chogʻida Qirgʻizistondagi telekommunikatsiya kompaniyalari vakillari bilan uchrashgan. Hozirda Telegram’dan ushbu mamlakat aholisining yarmidan ko‘pi foydalanadi.

Avvalroq «Kursiv» Durov Issiqko‘lga yetib kelganini e’lon qilgan edi.

Oʻzbekiston Respublikasi prezidenti Shavkat Mirziyoyev Darband va Mahachqala shaharlarida sodir etilgan terrorchilik harakatlari sabab Rossiya Federatsiyasi prezidenti Vladimir Putinga maktub yoʻllab, chuqur hamdardlik bildirdi. Bu haqda prezident matbuot xizmati xabar berdi.

Qayd etilishicha, terrorchilik harakatlari oqibatida koʻplab huquqni muhofaza qilish idoralari xodimlari va fuqarolar qurbon boʻlgan.

Shuningdek, Oʻzbekiston yetakchisi Dogʻistondagi terrorchilik hujumlarini qat’iy qoraladi hamda ushbu tahdidlarga qarshi kurashda tegishli tuzilmalarning faol hamkorligini davom ettirishga tayyorligini bildirdi.

Avvalroq «Kursiv» Rossiya Crocusʼdagi teraktning tergov jarayonlarida yordam bergani uchun Oʻzbekistonga minnatdorchilik bildirgani haqida xabar bergan edi.

O‘zbekiston Savdo-sanoat palatasi prezident Shavkat Mirziyoyev bilan ochiq muloqot o‘tkazish uchun ishbilarmonlarning murojaatlarini qabul qilish bo‘yicha maxsus respublika shtabini tashkil etgani haqida xabar berdi.

Davlat rahbari bilan uchrashuv joriy yilning 20-avgust kuni bo‘lib o‘tadi. 2024-yilda yig‘ilish ilk bor Qoraqalpog‘istonda o‘tkaziladi.

Shtabning asosiy vazifasi ishbilarmon doiralarning takliflarini to‘plash, tahlil qilish va o‘rganishdan iborat. Bu ish maxsus o‘qitilgan xodimlar tomonidan amalga oshiriladi.

Tadbirkorlar o‘z murojaatlarini 24 soat ishlaydigan 1094 va 1100 qisqa raqamlariga yuborishlari mumkin.

Avvalroq «Kursiv» 20-iyun kuni prezident va biznes vakillarining ochiq muloqotiga tayyorgarlik ko‘rish maqsadida savdo va umumiy ovqatlanish sohasida faoliyat yurituvchi tadbirkorlar bilan uchrashuv bo‘lib o‘tganini...

Shenchjendagi BYD zavodi kuniga 750 ta avtomobil ishlab chiqarmoqda

Shenchjen shahridagi BYD avtomobil zavodi rejalashtirilgan ishlab chiqarish quvvatiga yetdi. Bu kuniga 750 tagacha avtomobil ishlab chiqarishi mumkinligini anglatadi. Bu haqda «ixbt.com» nashri xabar bermoqda.

Germaniya afgʻonistonliklarni Oʻzbekiston orqali oʻz Vataniga qaytarmoqchi

Germaniya hukumati Oʻzbekiston bilan afgʻonistonlik qochqinlarni Oʻzbekiston orqali oʻz vatanlariga joʻnatishni muhokama qilmoqda. Bu haqda «Bloomberg» nashri xabar berdi.

Energiya tejamkor qurilmalar oʻrnatgan fuqarolarga amaldagi tarifga nisbatan 15 foiz chegirma beriladi

Iste’molchilarga energiya tejamkor qurilmalar oʻrnatganliklari uchun 3 yil davomida amaldagi tarifga nisbatan 15 foiz chegirma beriladi. Bu haqda Energetika vazirligi hukumat qaroriga tayanib xabar bermoqda.

Oʻzganing plastik...

Iqlim oʻzgarishi sabab butun dunyoda yildan-yilga issiq toʻlqinlar oqimi koʻpayib bormoqda. Yoz fasli kirib kelishi bilan Oʻzbekistonda ham kunlar sezilarli darajada isidi. Bunday hollarda, albatta, insonlarda konditsionerga boʻlgan talab har qachongidan ortadi.

Shu sababdan «Kursiv» nashri Oʻzbekistondagi bir qancha mahalliy marketpleys va maishiy texnika doʻkonlaridagi konditsioner narxlarini oʻrganib chiqdi.

Unga koʻra, mijozlarga taklif qilinayotgan konditsioner narxlari 4 mln soʻmdan boshlab, xaridorning xohish-istaklariga koʻra 15 mln soʻmgacha topiladi.

Bugungi kunda bozorning katta qismini mahalliy ishlab chiqaruvchi «Artel» kompaniyasi tomonidan ishlab chiqarilgan konditsionerlar tashkil qiladi. Shuningdek, Shivaki, Gree, Midea, LG kompaniyalari tomonidan ishlab chiqarilgan har xil modeldagi konditsionerlarni ham topish mumkin.

Konditsioner...

Ostona shahridagi «Xon Shatir» savdo markazi hududida 26 qavatli binoda yong‘in yuzaga keldi . Bu haqda mamlakat Favqulodda vaziyatlar vazirligiga tayanib, «Kursiv Kazahktan» xabar bermoqda.

Bino ma’muriy va qisman turarjoy hisoblanadi. Dastlabki ma’lumotlarga koʻra, tashqi korpus yonib ketgan.

Yongʻinni oʻchirish uchun 16 ta texnika va 72 kishi jalb etilgan. Hozircha hodisa oqibatida jarohatlanganlar yoʻqligi aytilmoqda.

Avvalroq «Kursiv» «Kosmonavtlar» metro bekati yaqinida yer ostida yongʻin kelib chiqqani haqida xabar bergan edi.

Vazirlar Mahkamasining «Yoqilgʻi-energetika tarmogʻida tarif siyosatini yanada takomillashtirishga doir qoʻshimcha chora-tadbirlar toʻgʻrisida»gi qarori bilan 2035-yilgacha boʻlgan davrda Oʻzbekiston yoqilgʻi-energetika tarmogʻidagi tarif siyosatining asosiy yoʻnalishlari belgilandi.

Qayd etilishicha, tariflar ishlab chiqarish, qazib olish, uzatish va boshqa tizimli xizmatlar, taqsimlash va foydalanish, kapital xarajatlarni toʻliq qoplashni hisobga olgan holda sotish xarajatlaridan kelib chiqqan holda shakllanadi.

Shuningdek, belgilangan tartibda tasdiqlangan elektr energiyasi va tabiiy gaz uchun tariflar 2026-yildan boshlab, uch yildan kam boʻlmagan muddatga amal qiladi.

Aholining kam ta’minlangan va himoyaga muhtoj qatlamlariga davlat tomonidan tariflar oshganda kompensatsiyalar berish yoʻlga qoʻyiladi.

Elektr energiyasi uchun tariflarni shakllantirish tartibi toʻgʻrisida nizom quyidagilarni nazarda tutadi:

2024-yilning yanvar-may oylarida jami 2,8 million nafar chet el fuqarolari turistik maqsadlarda Oʻzbekistonga tashrif buyurgan.

Bu koʻrsatkich oʻtgan yilning mos davri bilan solishtirilganda 248,2 ming nafarga yoki 9,6 foizga oshgan.

Turistik maqsadlarda kelgan chet el fuqarolarining mamlakatlar kesimida soni quyidagicha:

Avvalroq...

22-iyun, shanba kuni Toshkent shahrining Bektemir tumanida ta’mirlash ishlari sabab elektr energiyasi qisman uzildi. Bu haqda tuman hokimligi axborot xizmati xabar berdi.

Ma’lum qilinishicha, soat 19:00 gacha Bektemir, Abay, Oltintopgan, Husayn Boyqaro, Ustozlar va Chashma mahallalarida elektr energiyasida uzilishlar kuzatiladi.

Iqbol va Mirishkor mahallalaridagi ba’zi korxonalarda ham elektr energiyasida uzilishlar boʻladi.

Avvalroq «Kursiv» Oʻzbekistonda elektr energiyasidan noqonuniy foydalanishlar qayerda koʻp kuzatilayotgani haqida yozgan edi.

Toshkent viloyatining Zangiota tumanida 10 yoshli bolani poyezd urib yubordi. Bu haqda «Millar» informatsion dasturida ma’lum qilindi.

Qayd etilishicha, voqea 20-iyun kuni soat 09:30 atrofida sodir boʻlgan. Bekobod — Toshkent yoʻnalishi boʻylab harakatgan elektropoyezd urib yuborgan. Bola olgan tan jarohatlari oqibatida hodisa joyida vafot etgan.

Ma’lumotlarga koʻra, bola velosipedda temir yoʻlni kesib oʻtmoqchi boʻlgan. Hozirda holat yuzasidan tergov harakatlari olib borilmoqda.

Avvalroq «Kursiv» Chirchiq daryosiga yuk mashinasi tushib ketishi oqibatida bir kishi halok boʻlgani haqida yozgan edi.

Sloveniya, Moʻgʻuliston, va Kolumbiyaning Oʻzbekistondagi favqulodda va muxtor elchilari tayinlandi. Bu haqda Oʻzbekiston tashqi ishlar vaziri oʻz Telegram kanalida ma’lum qildi.

Sloveniyaning Oʻzbekistondagi elchisi etib tayinlangan Darya Bavdaj Kuret Tashqi ishlar vaziri Baxtiyor Saidovga ishonch yorliqlari nusxalarini topshirdi. Uchrashuvda ikki davlat oʻrtasidagi koʻp tomonlama hamkorlikning asosiy ustuvor yoʻnalishlari muhokama qilindi.

Moʻgʻulistonning Oʻzbekistondagi elchisi etib tayinlangan Daadanxuu Batbaatar bilan bo‘lgan uchrashuvda Moʻgʻuliston prezidentining Oʻzbekistonga boʻlajak tashrifi, iqtisodiy diplomatiyani faol ilgari surish, qoʻshma istiqbolli loyihalar muhokama qilindi.

Kolumbiyaning Oʻzbekistondagi elchisi etib tayinlangan Ektor Isidro Arenas Neyra bilan bo‘lgan uchrashuvda ikki tomonlama aloqalarni chuqurlashtirish, ishbilarmonlik, siyosiy, madaniy hamkorlikni hamda xalq diplomatiyasini...

2024-yilning yanvar–may oylarida Oʻzbekistonda 19,2 ming dona Tracker avtomobili ishlab chiqarildi. Bu haqda Statistika agentligi axborot xizmati xabar berdi.

Joriy yilda ishlab chiqarilgan avtomobillar oʻtgan yilning mos davri bilan solishtirganda 2,2 martaga koʻp. 2023-yilning ushbu davrida mamlakatda 8,8 ming dona Tracker avtomobili ishlab chiqarilgan.

Hozirgi kunda UzAuto Motors saytida Tracker’ning quyidagi modellari sotuvda mavjud:

Tracker TRK — 222 949 280 soʻm;

Tracker LS PLUS — 220 951 360;

Tracker LTZ PLUS — 244 108 480;

Tracker Premier PLUS — 272 656 160;

Tracker TRK REDLINE — 282 474 080.

Eslatib oʻtamiz, kompaniya Onix va Tracker avtomobillari uchun foizsiz...

Javlonbek Umarxoʻjayev Uzbekistan Airports boshqaruvi raisi etib tayinlandi. Bu haqda kompaniya matbuot xizmati xabar berdi.

Bu haqdagi qaror Iqtisodiyot va Moliya vazirligi vakili boʻlgan kompaniyaning yagona aksiyadori tomonidan qabul qilindi. Bu lavozimga tayinlangunga qadar u oʻtgan yilning avgust oyidan buyon kompaniyaga vaqtinchalik rahbarlik qilib kelayotgan edi.

Umarxoʻjaev oʻz faoliyatini 2008-yilda «Oʻzbekiston havo yoʻllari»da boshlagan. 2021-2023-yillarda Uzbekistan Airports boshqaruvi raisining ekspluatatsiya boʻyicha birinchi oʻrinbosari lavozimida ishlagan.

Eslatib oʻtamiz, 2021-yildan 2023-yil avgustigacha kompaniyaga Ra’no Joʻrayeva rahbarlik qilgan.

Avvalroq «Kursiv» Uzbekistan Airports oʻzining asosiy koʻrsatkichlarini 40 foizga oshirgani haqida xabar bergan edi.

«UzAuto Motors» kompaniyasi Cobalt avtomobili uchun shartnomalar yakunlangani haqida xabar berdi.

Savdo.uzavtosanoat.uz sayti orqali 25 ming dona Chevrolet Cobalt avtomobilining 2024-yilgi ishlab chiqarish hajmi uchun boshlangan onlayn kontraktatsiya jarayoni yakuniga yetdi, deyiladi «UzAuto Motors» xabarida.

24 931 ta tuzilgan shartnomalar One ID tizimida ro‘yxatdan o‘tgan va 1 ta dan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi. 69 ta shartnoma yuridik shaxslar ulushiga to‘g‘ri keldi.

Onlayn kontraktatsiya jarayonida UzAutoSavdo tizimida 56 ta kiberhujum amalga oshirildi. Bu esa platforma faoliyatida uzilishlarga olib keldi.

Jami sotuvda ikkita model bor edi – Gx – Optima At...

Oʻzbekistonda internet tarmogʻi orqali giyohvandlik vositalari yoki kuchli ta’sir qiluvchi moddalarni reklama qilganlik hamda namoyish etganlik uchun ma’muriy hamda jinoiy javobgarlik belgilanadi. Bu haqdagi qonun Senat tomonidan ma’qullandi, deb xabar qildi parlament yuqori palatasi matbuot xizmati.

Qayd etilishicha, bugungi kunda voyaga yetmaganlar orasida internet orqali giyohvandlik vositalarining va psixotrop moddalarning qonunga xilof muomalasi ortib bormoqda.

Senatorlar mazkur qonun giyohvandlik vositalari va psixotrop moddalarning targʻib yoki reklama qilishning oldini olishini ta’kidladi.

Avvalroq «Kursiv» BMT Bosh Assambleyasi Oʻzbekistonning giyohvandlikka qarshi kurash boʻyicha tashabbusi bilan qabul qilingan rezolyutsiyasini qoʻllab-quvvatlagani haqida xabar bergan edi.

Qozog‘istonda yoshlar futbolini rivojlantirish bilan shug‘ullanuvchi Freedom QJ League yoshlar ligasi mashhur global brend – Red Bull bilan hamkorlik shartnomasi tuzilganini e’lon qildi.

«Bizning ligamiz global va dunyoga mashhur yangi hamkorlarni jalb qilishni maqsad qilgan. Ilgari biz Mastercard kabi sherik topdik. Bu kompaniya UEFA Chempionlar Ligasiga homiylik qiladi. Endi u yoshlar futboliga e’tibor qaratmoqda. Biz Red Bull bilan hamkorligimizni e’lon qilishdan faxrlanamiz. Bunday yirik brendlar Qozog‘istonda yoshlar futboli rivojiga e’tibor qaratayotganidan xursandman», dedi Freedom QJ ligasi prezidenti Rohus Shox.

Freedom QJ League 2023-yilda tashkil etilgan. Hozir u 32 ta jamoadan iborat. Ular ikki yosh toifasida uchta bo‘limga...

«Uzbekistan Airways»ning HY9627 Farg‘ona – Moskva va HY9616 Moskva – Urganch reyslari noqulay ob-havo sharoiti tufayli kechiktiriladi, deb xabar qildi aviakompaniya matbuot xizmati.

Aviakompaniya ma’lumotlariga koʻra, HY9627 reysining Fargʻonadan uchishi 18:45 ga koʻchirilgan, Rossiya Federatsiyasi poytaxtiga qoʻnish mahalliy vaqt bilan soat 21:30 da kutilmoqda.

HY9616 reysining Moskvadan uchishi 22:45 da, qo‘nish mahalliy vaqt bilan 4:20 da rejalashtirilgan.

Avvalroq «Kursiv» «Uzbekistan Airways» reysi bagaj bo‘limidagi noto‘g‘ri signal tufayli to‘xtatilgani haqida yozgan edi.

Moʻgʻuliston prezidenti Uxnaagiyn Xurelsux Shavkat Mirziyoyevning taklifiga binoan 23–26-iyun kunlari davlat tashrifi bilan Oʻzbekistonda bo‘ladi. Bu haqda prezident matbuot xizmati xabar berdi.

Oliy martabali mehmon tashrifining dasturiga muvofiq, Toshkent shahrida oliy darajadagi muzokaralar oʻtkazilishi koʻzda tutilgan.

Xususan, kun tartibidan konstruktiv siyosiy muloqot va parlamentlararo aloqalarni rivojlantirish, ikki tomonlama tovar ayirboshlash hajmini oshirish, togʻ-kon sanoati, qishloq xoʻjaligi, chorvachilik, yengil sanoat, sogʻliqni saqlash, transport, logistika va boshqa yoʻnalishlarda kooperatsiya loyihalarini amalga oshirish rejalari oʻrin olgan.

Shuningdek, madaniy-gumanitar va turizm aloqalarini faollashtirishga qaratilgan qoʻshma chora-tadbirlar muhokama qilinadi. Xalqaro masalalar yuzasidan fikr almashiladi.

Oliy martabali mehmon Xiva shahriga ham tashrif buyurib, xalqimizning boy...

Xitoyning «Baibuting Group» kompaniyasi Oʻzbekistonning Toshkent viloyati Ohangaron tumanida quvvati 2 GVt boʻlgan yashil elektr stansiyasini qurishni rejalashtirmoqda, deb xabar qildi viloyat hokimligi matbuot xizmati.

Dastlabki bosqichda loyiha qiymati $200 mlnga baholangan bo‘lsa, keyinchalik u $1,8 mlrdgacha oshadi.

«Baibuting Group» rahbari Mao Yong Xongning aytishicha, loyihaga o‘ndan ortiq kompaniyalarni jalb etish rejalashtirilgan. Qurilish uchun 2,6 ming gektar maydon ajratilgan.

Eslatib o‘tamiz, avvalroq yozda Jizzax viloyatida Rossiya loyihasi bo‘yicha kam quvvatli AES qurishni boshlashi xabar qilingan edi.

Senatning 53-yalpi majlisida Oʻzbekiston Respublikasi bosh prokurori lavozimiga Nigʻmatilla Yoʻldoshev ikkinchi muddatga tayinlandi. Bu haqda Senat axborot xizmati xabar berdi.

Nigʻmatilla Yoʻldoshev ushbu lavozimda 2019-yildan buyon ishlab kelmoqda.

Yangi tahrirdagi Konstitutsiyasiga muvofiq OʻzR bosh prokurori lavozimiga nomzod prezident tomonidan taqdim etiladi va Senat yalpi majlisida senatorlar tomonidan koʻrib chiqiladi.

Eslatib o‘tamiz, Yoʻldoshev 2015–2019-yillarda Oliy Majlis Senatini boshqargan. Islom Karimov vafotidan soʻng u Oʻzbekiston prezidenti vazifasini bajaruvchi boʻlishi kerak edi, lekin bu vazifadan Shavkat Mirziyoyev foydasiga voz kechgan.

Ma’lumot uchun, Nigʻmatilla Yoʻldoshev 1962-yilda Toshkent shahrida tugʻilgan, Toshkent davlat yuridik universitetini tamomlagan.

Avvalroq «Kursiv» Toshkent shahar...

21-iyun kuni O‘zbekiston Respublika valyuta birjasida dollarning o‘rtacha tortilgan qiymati 14,63 so‘mga pasaydi va 12 625,18 so‘mni tashkil qildi.

Bugun respublikadagi tijorat banklari AQSh valyutasini 12 580 – 12 630 so‘mdan xarid qilishmoqda va 12 660 – 12 700 so‘mdan sotishmoqda.

Eslatib o‘tamiz, 20-iyun kuni dollarning o‘rtacha tortilgan narxi 4,10 so‘mga pasaygan edi.

Joriy yilning yanvar-may oylarida Oʻzbekiston korxonalari tomonidan 107,4 ming dona avtomobil dvigatellari ishlab chiqarildi, bu oʻtgan yilning shu davriga nisbatan 26 foizga koʻpdir. Bu haqda Statistika agentligi axborot xizmati xabar berdi.

Joriy yilning besh oyida respublika avtomobil sanoatida yillik oʻsish 21,5 foizni tashkil etgan holda 146,6 ming donadan ortiq yengil avtomobil ishlab chiqarildi. Yuk mashinalarini ishlab chiqarish esa 894 dan 1,2 mingtaga oshgan.

Eslatib oʻtamiz, Oʻzbekistonda oʻtgan yilga nisbatan 26 ming dona koʻp yengil avtomobil ishlab chiqarildi.

Avvalroq «Kursiv» Xitoy kompaniyasi Fargʻona viloyatida $1,5 milliardga avtomobil majmuasi qurishi haqida xabar bergan edi.