Yangiliklar

2024 yilning yanvar–aprel oylarida Namangan viloyatida sobiq Charkesar-2 uran koni hududida ikkita shaxtani konservatsiya qilish ishlari olib borildi, deb xabar berdi Ekologiya, atrof-muhitni muhofaza qilish va iqlim o‘zgarishi vazirligi.

Vazirlik ma’lumotlariga ko‘ra, konlar beton bilan qoplangan, ularga kirish yo‘llari qurilgan. Kon hududida suv toshqinlarining oldini olish uchun kanallar qazildi, 1 ming kub metrga gabion konstruksiyasi qurildi.

Loyiha Yevropa tiklanish va taraqqiyot banki (YeTTB) tomonidan qo‘llab-quvvatlanmoqda. Ushbu maqsadlar uchun 7 mln yevro ajratildi. Tashabbus doirasida poytaxt hududidagi Yangiobod konini rekultivatsiya qilish ishlari olib borilmoqda.

Pop tumani deputati Abbos Umrboyev amalga oshirilgan ishlar natijasida Chorkesar inson uchun xavfsiz hududga aylanganini ta’kidladi.

Bugun, 29-avgust kuni davlat rahbari O‘zbekiston Fanlar akademiyasi prezidenti, fizika-matematika fanlari doktori, akademik, Oliy Majlis Senati a’zosi, O‘zR fan arbobi Behzod Yo‘ldoshev uyiga tashrif buyurib, oilasiga hamdardlik bildirdi. Bu haqda prezident matbuot xizmati xabar berdi.

Shavkat Mirziyoyev marhum xonadoniga bordi. Akademikning rafiqasi va farzandlariga hamdardlik bildirib, ularga sabr-toqat tiladi.

28-avgust kuni Kursiv Uzbekistan Fanlar akademiyasi prezidenti Behzod Yoʻldoshev vafot etgani haqida yozgan edi.

TBC Bank Shveytsariyaga tegishli BlueOrchard Finance kompaniyasidan $25 mln miqdorida qarz oldi. Bu haqda TBC Uzbekistan matbuot xizmati Kursiv Uzbekistan’ga xabar berdi.

Unga ko‘ra, ushbu mablag‘ TBC Uzbekistan ekotizimini yanada kengaytirishga, bank kredit portfeli va moliyaviy inklyuzivlikni rag‘batlantirishga yo‘naltiriladi.

«Biz BlueOrchard tomonidan faoliyatimizni yanada diversifikatsiya qilish va mikrokreditlash bo‘yicha sa’y-harakatlarimizni kengaytirish, O‘zbekiston bo‘ylab moliyaviy inklyuzivlikni oshirishga yordam beradigan ushbu muhim qarzni olishdan xursandmiz. BlueOrchard kompaniyasi qo‘llab-quvvatloviga tayanib, yanada qulaylik yaratadigan innovatsion moliyaviy yechimlarni taqdim etish ishtiyoqidamiz», deydi TBC Groupning O‘zbekistondagi bosh direktori Nika Kurdiani.

« Bu investitsiyalar TBC Uzga yaxshilangan moliyaviy...

29-avgust kuni O‘zbekiston Respublika valyuta birjasida dollarning rasmiy narxi 48,93 so‘mga pasaydi va 12 625,01 so‘mni tashkil qildi.

Respublika banklari dollarni 12 525 – 12 640 so‘mdan xarid qilishmoqda va 12 645 – 12 730 so‘mdan sotishmoqda.

Eslatib o‘tamiz, 28-avgust kuni mamlakatda dollarning narxi 21,75 so‘mga ko‘tarilgan edi.

3-sentabr, seshanba kuni Venetsiya zamonaviy san’at biyennalesida O‘zbekiston Milliy pavilioni Floating Cinema zalida zamonaviy o‘zbek rejissyorlari va rassomlarining uchta filmidan iborat to‘plamni taqdim etadi. Bu haqda Madaniyat va san’atni rivojlantirish jamg‘armasining matbuot xizmati xabar berdi.

Respublikada kinematografiya va tasviriy san’atni faol rivojlantiruvchi ilg‘or muassasa — Tashkent Film School homiyligida yaratilgan ushbu asarlar yangi o‘zbek kinosi sur’atini aks ettiradi.

Dasturga Mihail Borodin va Sasha Kulakning Nukusdagi bolaning matonati haqidagi o‘tkir hikoya «Mirtemirda hammasi joyisida». SSSR davridagi o‘zbek hayotini ijodiy tadqiq etuvchi Gulnoza Ergashevaning «Cherdakda hech kim yo‘q». Shuningdek, tomoshabinlarni O‘zbekistondagi koreys diasporasi tarixiga sho‘ng‘itadigan Aleksandr Lining «Koryo Saramni izlab» filmlari...

Farg‘ona viloyatida fuqaro viloyat IIBga murojaat qilib, plastik kartasidan 900 ming so‘m miqdorda pul mablag‘i yechib olinganini ma’lum qilgan. Bu haqda IIV TQD Kiberxavfsizlik markazining matbuot xizmati xabar berdi.

Qidiruv xodimlari tomonidan tadbir o‘tkazilishi natijasida firibgar Namangan viloyatida yashovchi shaxs ekanligi aniqlandi. Gumonlanuvchi jabrlanuvchi bilan Telegram mesenjeri orqali tanishgan. Shundan so‘ng gumonlanuvchi PUBG onlayn o‘yinida o‘zining kuchaytirilgan akkaunti borligini ta’kidlab uni 900 ming so‘mga sotishini aytgan.

Gumonlanuvchi pul mablag‘ini avvaldan o‘z plastik kartasiga o‘tkazib olgan hamda kelishilgan akkauntni bermasdan barcha yozishmalarni o‘chirib yuborib g‘oyib bo‘lgan.

Mazkur holat yuzasidan Jinoyat kodeksining 168-moddasi (firibgarlik) 3-qism «b, g» bandlari bilan jinoyat...

Termiz shahrida Afg‘oniston fuqarolari ham savdo-sotiq qilishlari, ta’lim, tibbiyot hamda boshqa ijtimoiy xizmatlardan foydalanishi mumkin bo‘lgan xalqaro savdo markazi tashkil etildi. Bu haqda O‘zR hukumat portalida ma’lum qildi.

Unga ko‘ra, ochilish marosimida O‘zR Bosh vaziri Abdulla Aripov, Afg‘oniston Bosh vaziri vazifasini bajaruvchi Abdul G‘ani Barodar ishtirok etdi. Shuningdek, marosimda Ozarbayjon Respublikasi Bosh vazirining o‘rinbosari Shaxin Mustafayev, Qirg‘iziston Respublikasi iqtisodiyot va savdo vazirining o‘rinbosari Nazarbek Malayev, Qozog‘iston Respublikasi savdo va integratsiya vazirining o‘rinbosari Qayrat Torebayev va boshqalar ham qatnashdilar.

Ochilish marosimidan so‘ng Afg‘oniston, Ozarbayjon, Qozog‘iston va Qirg‘izistondan kelgan vakillar «Termiz xalqaro savdo markazi» faoliyati bilan yaqindan tanishdi.

Abdulla Aripov Termiz...

Joriy yilning 1-sentabridan boshlab O‘zbekiston fuqarolari va yuridik shaxslari yo‘l harakati qoidalarini buzganlik uchun jarimalar bo‘yicha Yo‘l harakati xavfsizligi xizmatiga (YHXX) elektron shikoyat bilan murojaat qilishlari mumkin bo‘ladi.

Shikoyat bepul beriladi, lekin qaror arizachi foydasiga chiqmasa, u jarimani hech qanday chegirmalarsiz to‘liq to‘lashi kerak bo‘ladi. Shikoyatni ko‘rib chiqish besh kundan to 10 ish kunigacha davom etadi.

Shikoyatni ushbu havola orqali jo‘natish mumkin bo‘ladi. Hozirda my.gov.uz portalida test rejimida yo‘lga qo‘yilgan.

Aytish joizki, jarima chegirmasining amal qilish muddati murojaat ko‘rib chiqilayotgan davrda to‘xtatilmaydi. Shikoyat berish uchun Yagona interaktiv davlat xizmatlari portalida (YIDXP) ro‘yxatdan o‘tish va tegishli arizani to‘ldirish kerak...

Oʻzbekiston oltin quymalari va qimmatbaho metallardan yasalgan esdalik tangalari narxi yana oshdi. Bu haqda Markaziy banki regulyator axborot xizmati ma’lum qildi.  

Joriy yilning 29-avgust holatiga ko‘ra, 5 grammlik oltin quymalari narxi 5,3 mln so‘mga baholanmoqda. Ushbu ko‘rsatkich bir oy avval 5 mln 40 ming so‘mni tashkil qilib, ya’ni 5,3 foizga o‘sdi.    

Boshqa og‘irlikdagi oltin quymalarining narxlari ham sezilarli darajada oshdi. Masalan, 20 grammlik oltin quymalarining narxlari bir oy avvalgiga nistbatan 5,3 foizga yoki 1 mln 73 mingga oshdi.  

Ushbu narxlar o‘sishini jahon bozoridagi oltin narxlari o‘sishi bilan bog‘liq ekanligini ko‘rish mumkin. Misol uchun, oktabr oyi uchun...

29-avgust kuni Toshkent viloyati Boʻstonliq tumani Burchmullo oʻrmon xoʻjaligiga qarashli hududda yongʻin sodir boʻldi. Bu haqda viloyat favqulodda vaziyatlar boshqarmasi xabar berdi.

Toshkent viloyati Favqulodda vaziyatlar boshqarmasiga yongʻin haqida soat 00:35 da xabar berilgan. Yongʻin joyiga 3 ta oʻt oʻchirish qutqaruv guruhi, 30 nafar qutqaruvchi va 20 nafar oʻrmon xoʻjaligi xodimlari yetib kelgan.

Ma’lum qilinishicha, Boʻstonliq tumani «Maʼrifat» MFY, Burchmullo oʻrmon xoʻjaligiga qarashli hududda 1,5 gektar maydonda yuzaga kelib, natijada ushbu hududdagi quruq oʻt va shoh-shabba yonib ketgan.

Avvalroq Kursiv Uzbekistan Yangihayot tumanida joylashgan omborxonada yongʻin sodir boʻlgani haqida xabar bergan edi.

«Parij-2024» yozgi Paralimpiya o‘yinlarining saralash bellashuvlarida ishtirok etgan suzuvchilarimiz Shoxsanam Toshpo‘latova va Muslima Odilova finalga yo‘llanma oldi. Bu haqda Sport vazirligi ma’lum qildi.

Ayollar o‘rtasida S13 klassida 100 metr masofaga butterfly usulida suzish bo‘yicha saralash bahsi natijalariga ko‘ra para suzuvchilar Muslima Odilova hamda Shoxsanam Toshpo‘latova 2- va 3-o‘rinlarni egallab, hal qiluvchi final bahsiga yoʻl oldi.

Ma‘lumot o‘rnida, final bahslari bugun Toshkent vaqti bilan soat 23:15 da boshlanadi.

Eslatib o‘tamiz, sal avvalroq ikki erkak suzuvchilarimiz ham final tomon yo‘llanmaga ega bo‘lgan edi.

Erkaklar o‘rtasida para suzish bo‘yicha saralash bellashuvida Muzaffar Tursunxo‘jayev hamda Kiril Pankov final yo‘llanmasiga ega bo‘ldi. Bu haqda Sport vazirligi xabar berdi.

Unga ko‘ra, saralash bellashuvi S13 klassida 100 metr masofaga butterfly usulida bo‘lib o‘tgan.

Shuningdek, Islam Aslanov o‘z guruhida 6-o‘rinni egalladi.

Ma‘lumot uchun, ushbu yo‘nalishning final bahslari bugun 29-avgust kuni Toshkent vaqti bilan soat 23:09 da boshlanadi.

Eslatib o‘tamiz, avvalroq Paralimpiya o‘yinlarida O‘zbekistondan 65 nafar sportchi ishtirok etishi haqida yozgan edik.

«Fair Tech» tizimi 49,5 mingta dori-darmon narxining oshishi holatlarini aniqlashga imkon berdi. Iste’molchilarga yetkazilgan umumiy zarar 5,4 mlrd so‘mni tashkil etdi, deb xabar berdi Raqobatni rivojlantirish va iste’molchilar huquqlarini himoya qilish qo‘mitasi.

Eng ko‘p qoidabuzarliklar Toshkent shahri, Jizzax va Namangan viloyatlari dorixonalarida qayd etilgan.

Nazorat qiluvchi organ tomonidan jami 473 ta dorixonaga nisbatan e’tirozlar kelib chiqqan. Qoidabuzarlikka ega dorixonalar soni bo‘yicha Toshkent viloyati yetakchilik qilmoqda.

Amaldagi qonunchilikka ko‘ra, ulgurji sotuvchilarda dori-darmonlarga ustama narx ularning xarid narxining 15 foizidan oshmasligi kerak. Chakana savdoda – ulgurji narxning 20 foizidan ko‘p bo‘lmagan miqdorda.

Cheklovlar dori-darmonlarni aholi uchun yanada arzonlashtirish va narxlarning asossiz...

28-avgust kuni «Maktabgacha va maktab taʼlimi vazirligi tomonidan amalga oshirilgan ishlar va tizimdagi muhim islohotlar» mavzusi bo‘yicha matbuot anjumanida soha vaziri Hilola Umarova o‘qituvchilar oylik maoshi haqida to‘xtalib o‘tdi. Bu haqda vazirlik matbuot xizmati xabar beradi.

«Hamma joyda shu savol beriladi. Umuman, o‘qituvchilarning oyligi oshishi biz uchun ham muhim. Bu bo‘yicha Moliya vazirligi bilan doimiy hamkorlikda ishlayapmiz. Bir narsani aytib o‘tishimiz kerak, bugun $1000 dan ko‘p oylik oladigan ustozlarimiz bor»— deydi Maktabgacha va maktab taʼlimi vaziri.

Hilola Umarova so‘lariga ko‘ra, shaffof testdan o‘tgan o‘qituvchilarga mukofot sifatida har oyda ta’lim vaziri jamg‘armasidan 5,7 mln so‘m ajratiladi...

«Oʻzbekneftgaz» AJ maxsus axborot portali orqali eng yaxshi takliflarni tanlash savdolarida qonun buzilishiga yo‘l qo‘ygan. Bu haqda Raqobat qo‘mitasi matbuot xizmati ma’lum qildi.

Unga ko‘ra, aksiyadorlik jamiyati ikkita salkam 4.8 mlrd so‘mlikka yaqin eng yaxshi takliflarni tanlash jarayonida. Qo‘mita xulosasiga ko‘ra, kompaniya «Raqobat to‘g‘risida»gi Qonunning 29-moddasini buzgan. Unda savdodagi raqobat cheklovlariga qarshi turish choralari ko‘rsatilgan.

Natijada «Raqobat toʻgʻrisida»gi Qonun va Vazirlar Mahkamasining 225-sonli qarori bilan tasdiqlangan nizom talablari buzilishi alomatlari bilan «Oʻzbekneftgaz» AJga nisbatan ish qoʻzgʻatildi.

Eslatib o‘tamiz, avvalroq qo‘mita boshqa bir MCHJni jarimaga tortgan edi.

O‘zbekistonda 2024/2025 o‘quv yili uchun 183 ta yo‘nalish bo‘yicha oliy ta’lim muassasalariga super-kontraktlar miqdori tasdiqlandi. Bu haqda Oliy ta’lim, fan va innovatsiyalar vazirligi matbuot xizmati xabar berdi.

Oliy ta’lim muassasasidagi super-kontrakt – bu pullik ta’lim shakli bo‘lib, byudjetga yoki oddiy kontraktga o‘tish ballini to‘play olmagan abituriyentlarga yuqoriroq to‘lov evaziga kirish imkoniyatini taklif etadi. Gap o‘qishga kirishgacha 4,05 balldan ko‘p bo‘lmagan va kamida 56,7 ball to‘play olgan abituriyentlar haqida ketmoqda.

Ular uchun to‘lovning eng kam miqdori belgilangan bo‘lib, u kontraktning standart qiymatidan yuqori bo‘ladi, lekin muayyan chegaradan oshmaydi.

Super-kontrakt qiymatini hisoblash uchun koeffitsiyentni tanlangan yo‘nalish uchun kontraktning bazaviy qiymatiga...

2024-yilning yanvar–iyul oylarida jami 4,2 mln nafar chet el fuqarolari turistik maqsadlarda Oʻzbekistonga tashrif buyurgan. Bu haqda Statistika agentligi xabar berdi.

Maʼlum qilinishicha, bu koʻrsatkich oʻtgan yilning mos davri bilan solishtirilganda 562,5 ming nafarga oshgan.

Turistik maqsadda kelgan chet el fuqarolarining asosini Markaziy Osiyo davlatlari tashkil qiladi. Mazkur davr mobaynida Oʻzbekistonga Qirgʻiz Respublikasi va Tojikistondan 1,2 mln nafardan kelgan. Uchlikni 845,8 ming nafar bilan Qozogʻiston yakunlab berdi.

Keyingi oʻrinlardan Rossiyadan 442,1 ming nafar, Turkmanistondan 83,7 ming nafar, Turkiyadan 62 ming nafar, Xitoydan 35,5 ming nafar, Hindistondan 33,3 ming nafar, Janubiy Koreyadan 23,9 ming nafar, Italiyadan 19,5 ming nafar, boshqa...

Alisher Abdusalomov O‘zbekistonning Janubiy Koreyadagi elchisi sifatida faoliyat olib boradi. Bu haqda «Dunyo» Axborot agentigi xabar berdi.

Unga ko‘ra, 40 yoshli yangi elchi Toshkentdagi Xalqaro Vestminster universiteti va Janubiy Koreyaning Kyong-Xi universitetini bitirgan. Kasbiy faoliyatini Investitsiyalar, sanoat va savdo vazirligida boshlagan. U yerda yetakchi mutaxassislikdan Bosh boshqarma boshlig‘igacha bo‘lgan lavozimlarda ishlagan.

Shuningdek, u 2013-2016-yillarda O‘zbekistonning Yaponiyadagi elchixonasida, 2018-2024-yillarda esa Janubiy Koreyada savdo-iqtisodiy masalalar bo‘yicha maslahatchi sifatida faoliyat olib borgan.

Yangi elchi ushbu tayinlovdan oldin O‘zbekiston Oliy Majlisi Senati Raisi Kotibiyatiga rahbar bo‘lgan.

Bunga qadar O‘zbekistonning Seuldagi elchisi 1995-yildan 2024-yilgacha Vitaliy Fen bo‘lgan edi.

Eslatib o‘tamiz, Vitaliy Fen iyun...

Qirg‘iziston Milliy xavfsizlik davlat qo‘mitasi (QMXDQ) ma’lum qilishicha, nufuzli o‘zbekistonlik tadbirkor Salim Abduvaliyevning (Salimboy taxallusi bilan tanilgan) taxminiy tarafdori Botken viloyatida qo‘lga olindi.

Qizil-Qiya shahrining 68 yoshli qo‘lga olingan fuqarosi so‘roq vaqtida «jinoiy tushunchalaridan» voz kechib, prezident Sadir Japarovning siyosatini qo‘llab-quvvatlaganini Milliy xavfsizlik davlat qo‘mitasi ma’lum qildi.

O‘tgan hafta QMXDQ Qirg‘iziston parlamentining sobiq deputati Nurg‘ozi Aydarovni Salimboy bilan ehtimoliy aloqalari tufayli qidiruvga bergandi. Shuningdek, tadbirkor bilan tanishligini ma’lum qilgan taksi haydovchisi ham qo‘lga olinib, qo‘yib yuborilgan.

Qirg‘iziston maxsus xizmatlari Salimboyni Markaziy Osiyo jinoyat olamining yetakchilaridan biri deb hisoblamoqda. Davlat milliy xavfsizlik qo‘mitasi Salim Abduvaliyevni 2023-yilda yo‘q...

O‘zbekitonda o‘qotar bo‘lmagan qurolini o‘z ixtiyori bilan topshirgan shaxslar javobgarlikka tortilmaydi. Bu haqda 27-avgust kuni prezident tomonidan imzolangan qonunda belgilab qo‘yildi.

Qonunga ko‘ra, Ma’muriy javobgarlik to‘g‘risidagi kodeksining 2201-moddasida belgilanishicha, o‘zining qonunga xilof egaligida bo‘lgan o‘qotar bo‘lmagan qurolini ixtiyoriy topshirish shaxsni javobgarlikdan ozod etadi.

Hujjatda belgilanishicha, pnevmatik, signal beruvchi, o‘zini o‘zi himoya qilish qurolini ichki ishlar organlarining tegishli ruxsatnomalarisiz realizatsiya qilish, olish, saqlash, olib yurish va boshqa harakatlar javobgarlikka sabab bo‘ladi.

Ma’lumot uchun, o‘qotar quroldan foydalanishda belgilangan tartibni buzish qurolni hamda o‘q dorilarni musodara qilib bazaviy hisoblash miqdorining o‘n baravaridan o‘n besh baravarigacha jarima solishga sabab bo‘ladi.

Avvalroq Kursiv...

29-avgust, payshanba kuni soat 11:00 holatiga ko‘ra Toshkent havosidagi zararli PM2.5 zarralari kontsentratsiyasi Jahon sogʻliqni saqlash tashkiloti tavsiya etilgan me’yoridan 5,1 barobar oshib ketgan.

IQAir monitoring platformasi ma‘lumotlariga asoslanib, PM2.5 – chang, asfalt va og‘ir metall birikmalarining eng kichik zarralari bo‘lib, havoni ifloslantiradi, odamlar va hayvonlarda nafas olish kasalliklarini keltirib chiqaradi.

Avvalroq «Kursiv» Toshkent havosi qanchalik ifloslangani haqida yozgan edi.

Oʻzbekistonda 2024/2025-oʻquv yili uchun oliy taʼlim muassasalarining magistraturasiga oʻqishga kirish uchun fuqarolarning arizalari toʻliq koʻrib chiqildi. Bu haqda Oliy taʼlim, fan va innovatsiyalar vazirligi xabar berdi.

Talabgorlar natijalarni magistr.edu.uz elektron tizimi orqali shaxsiy kabinetidan bilishlari mumkin.

Eslatib o‘tamiz, magistraturaga qabul qilishda talabgordan chet tili sertifikati talab qilinadi va bakalavriat boʻyicha umumiy ballari hisoblab chiqiladi.

Avvalroq Kursiv Uzbekistan Bakalavriat boʻyicha test sinovlari boʻyicha mandat eʼlon qilingani haqida xabar bergan edi.

Milliy gvardiya qoʻmondoni general-mayori Rustam Joʻrayev Parijda bo‘lib o‘tgan yozgi Olimpiya oʻyinlarida 2 karra oltin medali sohiblari bo‘lgan Milliy gvardiya harbiy xizmatchilari kapitan Bahodir Jalolov va kapitan Hasanboy Doʻsmatovga muddatidan oldin podpolkovnik harbiy unvonlarini taqdim etdi. Bu haqda Milliy gvardiya matbuot xizmati ma’lum qildi.

Unga ko‘ra, «Parij-2024» yozgi Olimpiya o‘yinlarida Milliy gvardiya xarbiy xizmatchilari Hasanboy Do‘smatov va Bahodir Jalolovlar sportning boks turi bo‘yicha munosib ishtirok etib, 2 karra Olimpiya chempioni bo‘ldilar.

Jumladan, Milliy gvardiyaning Toshkent shahar bo‘yicha boshqarmasi harbiy xizmatchisi, kapitan Jalolov Bahodir Isomiddin o‘g‘li hamdaMilliy gvardiyaning Andijon viloyati bo‘yicha boshqarmasi harbiy xizmatchisi, kapitan Do‘smatov Hasanboy Marufjon o‘g‘li Milliy gvardiyaning «Aʼlo...

2023-yilning aprel oyidan 2024-yilning mart oyigacha Afg‘onistonda jinoyatchiliklar soni 30 foizga kamaydi. Bu haqda Ariananews nashri Afg‘oniston Ichki ishlar vazirligiga tayanib xabar berdi.

Vazirlik taqdim etgan xabarga ko‘ra, xodimlarining mahorati hamda soni sezilarli darajada oshgan. Shuningdek, mamlakat hududida ISHID tuzilmalari butunlay yo‘q qilinib, barcha ko‘knor ekin maydonlari yo‘q qilingan.  

Mamlakat aeroportlarida qariyb $2 mln, 845 ming yevro, 4,8 mln Saudiya riyoli, shuningdek, 344 kg narkotik modda va bir kgdan ziyod oltin noqonuniy olib o‘tilishiga barham berildi.

Avvalroq Kursiv Uzbekistan tolibon O‘zbekistonda savdo ko‘rgazmasini o‘tkazishni rejalashtirgani haqida xabar bergan edi.