Yangiliklar

Tojikiston fuqarolari ijtimoiy tarmoqlarda Birlashgan Arab Amirliklariga (BAA) viza olish jarayonida qiyinchiliklarga duch kelayotganidan shikoyat qilmoqda. Bu haqda Asia-Plus nashri xabar berdi.

Maʼlum qilinishicha, koʻpchilik soʻnggi ikki hafta ichida ularga hech qanday tushuntirishsiz viza berishdan bosh tortilayotgani haqida xabar bermoqda. Bu muammo borligini bir qancha sayyohlik kompaniyalari vakillari ham tasdiqlagan.

Prestige Tour sayyohlik kompaniyasi vakilining Asia-Plusʼga maʼlum qilishicha, hozirda faqat erkaklarga viza berilmayapti.

«Mana 15 kundan beri Tojikiston fuqarolari bu muammoga duch kelmoqda. Agar butun oila uchun viza soʻralsa berilmoqda. Lekin erkaklar alohida murojaat qilsa, ularning arizalari rad etiladi. Rad etish sabablari hozircha tushuntirilmagan, biroq...

Tabiiy brilliantdan yasalgan zargarlik buyumlari bozorining hajmi bo‘yicha jahon yetakchi uchligida. Hindiston avval Xitoyga tegishli bo‘lgan ikkinchi o‘rinni egalladi, deya aniqlik kiritdi The Economic Times portali.

Birinchi o‘rinni Amerika Qo‘shma Shtatlari (AQSH) egallab turibdi.

Shu hafta Tanishq va De Beers Hindistonda tabiiy olmoslarni targ‘ib qilish bo‘yicha hamkorlikni e’lon qildi. Tashabbus «iste’molchilarning ushbu qimmatbaho toshlardan xabardorligi va ishonchini oshirishga» qaratilgan.

Tanishq – Hindiston zargarlik brendi. Kompaniya 1994-yilda tashkil etilgan bo‘lib, bugungi kunda Hindiston va xorijda – AQSH, Singapur, Qatar va Birlashgan Arab Amirliklarida 400 dan ortiq do‘konlarga ega.

De Beers – tabiiy olmoslarni qazib olish, qayta ishlash va sotish bo‘yicha...

Qirg‘izistonda avtomobil transportida taksomotor tashish qoidalari loyihasi xorijiy taksi agregatorlari, xususan, «Yandeks» tomonidan bozorni monopollashtirish tahdidiga javoban ishlab chiqildi. Hujjat Qirg‘iziston Respublikasi normativ hujjatlari loyihalarining yagona jamoatchilik muhokamasi portaliga joylashtirilgan.

Mamlakat hukumati ma’lumotlariga ko‘ra, Qirg‘izistonda 300 mingdan ortiq haydovchi taksi xizmati bilan shug‘ullanmoqda. Bishkek shahrida esa o‘ndan ziyod tegishli yuridik shaxslar ro‘yxatdan o‘tkazilgan.

«Taksistlarning asosiy qismi (70 foizi) «Yandeks Taksi» kompaniyasi orqali ishlaydi. (…) «Yandeks Taksi» va boshqa yirik operatorlarning ustunligi sharoitida bozorni monopollashtirish tendensiyasi kuzatilmoqda, bu esa tariflarning oshishiga va chet elga pulning sezilarli chiqib ketishiga olib keladi,» – deyiladi loyihaning asoslantiruvchi ma’lumotnomasida.

Hujjatda aniqlashtirilishicha, «Yandeks Taksi» sayohat...

Bir necha kun avval Fransiyada hibsga olingan Telegram asoschisi va rahbari Pavel Durov qat’iy sud nazorati ostida ozod qilindi, deb xabar berdi Le Figaro nashri.

Ommaviy axborot vositalari ma’lumotlariga ko‘ra, tadbirkorga besh mln yevro miqdorida garov to‘lash majburiyati yuklatilgan. U Fransiya hududida qolishi va haftada ikki marta politsiya bo‘limiga kelishi kerak.

Bir kun avval ma’lum bo‘lishicha, Durovga qarshi sud ishi iyul oyida boshlangan, undan oldin Parij politsiyasining kiberjinoyatchilikka qarshi kurash bo‘limi tomonidan tergov o‘tkazilgan.

Biznesmen bir qator qonunbuzarliklarda ayblanmoqda. Gap, xususan, giyohvandlik vositalari va bolalar pornografiyasini tarqatish, uyushgan guruh tarkibida firibgarlikda ishtirok etish, pul yuvish va vakolatli organlarning so‘roviga...

Yomon ob-havo Amerikaning SpaceX kompaniyasining Polaris Dawn missiyasining navbatdagi uchirilishi bekor qilinishiga sabab bo‘ldi. Ekspeditsiyaning maqsadi insonni so‘nggi yarim asrdagi eng uzoq masofaga koinotga uchirishdan iborat, deb xabar berdi USA Today portali.

Ishga tushirishga so‘nggi tayyorgarlik bir haftadan ko‘proq vaqt oldin boshlangan. O‘shandan beri missiya uch marta qoldirildi. Hozirgi uchirishning bekor qilinishi apparat uchun noqulay ob-havo prognozi bilan bog‘liq.

Polaris Dawn loyihasi doirasida 1970-yillardan buyon to‘rt kishilik ekipajning eng uzoq parvozi amalga oshirilishi rejalashtirilmoqda. Bundan tashqari, jamoa kosmik parvozlar tarixida ilk bor ochiq kosmosga chiqishni amalga oshirishi lozim bo‘ladi.

SpaceX amerikalik milliarder Ilon Maskka tegishli. Kompaniya kosmonavtika va sun’iy...

Toshkentning Olmazor tumanidagi Forobiy ko‘chasining bir qismi 29-avgust, payshanba kuni ertalab avtotransport harakati uchun yopildi, deya xabar berdi poytaxt hokimligi.

Beruniy ko‘chasi bilan kesishgan chorrahadan to Toshkent halqa avtomobil yo‘ligacha (THAY) bo‘lgan qism transport harakati uchun yopiq.

Cheklov 10:00 gacha amal qiladi. Haydovchilarga aylanma yo‘llardan foydalanish tavsiya etiladi.

Kuni kecha Kursiv Uzbekistan poytaxtda «Avtomobilsiz kun» o‘tgani haqida yozgan edi.

Bugun, 29-avgust kuni Farg‘ona vodiysida qisqa muddatli yomg‘ir yog‘ishi va momaqaldiroq bo‘lishi kutilmoqda. Respublikaning boshqa viloyatlarida yog‘ingarchilik kuzatilmaydi. Havo harorati o‘rtacha 27-32 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida havo bulutli va o‘zgaruvchan bo‘lishi mumkin. Kunduzi havo 29-darajagacha isishi mumkin, kechga kelib 15-17 daraja iliq bo‘ladi.

Tog‘li hududlarda yomg‘ir yog‘adi va momaqaldiroq bo‘ladi. Kunduzi havo harorati 20-darajagacha ko‘tariladi, kechasi esa 13-daraja salqin bo‘ladi.

2024 yil yanvar–iyun oylari yakunlari bo‘yicha tijorat banklari tomonidan ajratilgan jami kreditlar 126,7 trln so‘mni tashkil etgan. Bu haqda Markaziy bank hisobotida ma’lum qilindi.

Qayd etilishicha, tijorat banklari tomonidan ajratilgan jami kreditlardan 45,3 trln so‘mi jismoniy shaxslarga berilgan.

Joriy yilning 1-iyul holatiga ko‘ra, tijorat banklarining umumiy kredit portfeli 493,9 trln so‘mni tashkil qilgan, shuningdek, ipoteka kreditlari qoldig‘ining ulushi 12,5 foizga, ya’ni 61,8 trln so‘mga yetgan.

Mikroqarzlar o‘tgan yilning mos davriga nisbatan 14 foizga, mikrokreditlar 7 foiz bandga hajmi oshgan bo‘lishiga qaramay avtokreditlar ulushi 20 foizga kamaygan.

Hisobot davrida ajratilgan ipoteka kreditlari miqdori 2023-yil ko‘rsatkichlariga nisbatan...

Fanlar akademiyasi prezidenti Behzod Yoʻldoshev vafot etdi. Bu haqda Fanlar akademiyasi xabar berdi.

Ma’lum qilinishicha, Oʻzbekiston Respublikasi Fanlar akademiyasi prezidenti, yuqori energiyalar fizikasi sohasida xalqaro miqyosda taniqli va e’tirof etilgan olim, fizika-matematika fanlari doktori, professor, akademik Behzod Sadikovich Yuldashev 2024-yilning 28-avgust kuni 79 yoshida vafot etdi.

Behzod Yoʻldoshev 1945-yil Toshkent shahrida tugʻilgan. U 1968-yilda ToshDUni tugatgan. 2017-yil yanvar oyidan Fanlar akademiyasi prezidenti lavozimida ishlab kelayotgan edi.

Avvalroq Kursiv Uzbekistan YouTubeʼning sobiq bosh direktori Syuzan Vodjitski vafot etgani haqida xabar bergan edi.

Tolibon hukumati Afg‘onistonda aralash jang san’atini (MMA — mixed martial arts) taqiqladi, deya xabar berdi Daily Sabah.

Unga ko‘ra, Afg‘oniston Jismoniy tarbiya va sport departamenti boshlig‘i Ahmadulloh Vosiqning aytishicha, jang san’atining bu turi taqiqlanishiga uning shafqatsiz va xavfliligi sabab bo‘lgan.

Avvalroq Tolibon «Ezgulikni targ‘ib qilish va illatlarning oldini olish to‘g‘risida»gi qonunni qabul qilgan, bu esa BMTning Afg‘onistonga yordam missiyasi (UNAMA) tomonidan tanqid qilingan edi.

Qonun erkaklar va ayollar uchun kiyim va xatti-harakatlarga cheklovlar qo‘ygan.

Tolibon rahbari matbuot kotibi Zabihulloh Mujohid UNAMA tomonidan bildirilgan xavotirlarni asossiz deb atadi. Uning qo‘shimcha qilishicha, qonun adolatli va xolisdir.

Avvalroq...

And Zamin Tea choy ishlab chiqaruvchi korxonaning tovar belgisi Max-Tea mas’uliyati cheklangan jamiyatga o‘xshash ekanligi aniqlanib, moliyaviy  jarimaga tortildi. Bu haqda Raqobat qo‘mitasi xabar berdi.

Ma’lum qilinishicha, qo‘mita tomonidan 2024-yilning 9-avgust kuni Max-Tea hamda And Zamin Tea o‘rtasida tovar belgisi bilan bog‘liq bo‘lgan nizo ko‘rib chiqildi.

Ishni ko‘rishda And Zamin Tea o‘zining ikki xildagi mahsulotlarini BEKOY-TEA nomi ostida fuqarolik muomalasiga kiritgan. Mazkur mahsulotlarning qadoqlanishi aynan Max-Tea tomonidan avval fuqarolik muomalasiga kiritilgan «BEGOYIM» tovar belgisi bilan o‘xshash ekanligi aniqlangan.

Ish natijasiga ko‘ra, Raqobat qo‘mitasi tomonidan «Raqobat to‘g‘risida»gi Qonunining 21-moddasini buzgan deb topildi hamda «And Zamin Tea» MCHJga nisbatan moliyaviy...

Yevropa tiklanish va taraqqiyot banki (YeTTB) ACWA Power UKS Green H2 kompaniyasiga O‘zbekistonda elektroliz qurilmasi va 52 MVt quvvatga ega shamol elektr stansiyasini yaratish uchun $65 mln ajratadi, deb xabar qildi tashkilot matbuot xizmati.

Loyiha o‘g‘it ishlab chiqarishni dekarbonizatsiya qilish va elektr energiyasini ishlab chiqarishga qaratilgan. Bu ammiakli o‘g‘itlar ishlab chiqarishda ishlatiladigan «kulrang» vodorodni qayta tiklanadigan vodorodga almashtirish imkonini beradi.

Elektroliz qurilmasi va elektr stansiyasining ishga tushirilishi yiliga 3 ming tonnagacha qayta tiklanadigan vodorod ishlab chiqarish imkonini beradi va uglerod dioksidi tashlamalarini 22 ming tonnaga kamaytiradi.

YeTTB, shuningdek, $5,5 mln kredit ajratishni rejalashtirmoqda. Bank O‘zbekistonda amalga oshirilayotgan loyiha Markaziy...

Toshkent shahrida premium-segment oilaviy supermarketlar tarmog‘i «Galmart» o‘z faoliyatini boshladi. Kompaniya matbuot xizmatining xabariga ko‘ra, «Tashkent City Mall»da birinchi do‘kon ochildi.

Ushbu supermarket Qozog‘istondan tashqaridagi birinchi nuqtaga aylandi.

Eslatib o‘tamiz, supermarket ochilishi haqidagi e’lon 2023-yilning avgustida qilingan edi.

Avvalroq Kursiv Uzbekistan Spar supermarketlari tarmog‘i O‘zbekiston bozoriga chiqishi haqida yozgan edi.

O‘zR Turizm qo‘mitasi xalqaro va mahalliy marketing, brending va konsalting kompaniyalari uchun tanlov e’lon qildi. Tanlov shartlariga ko‘ra logotip va shior yaratish lozim. Bu haqda qo‘mita matbuot xizmati xabar berdi.

Sovrin jamg‘armasi $10 ming tashkil etadi. Arizalar joriy yilning 25-sentabriga qadar tanlovbrend@uzbektourism.uz elektron pochtasi orqali qabul qilinadi.

Tanlovning asosiy vazifalari:

Logotip va shior o‘zbek, rus va ingliz tillarida taqdim etilishi kerak. Arizalar 5 kun ichida talablarga ko‘ra tekshiriladi.

Tanlovda...

28-avgust kuni O‘zbekiston Respublika valyuta birjasida dollarning rasmiy narxi 21,75 so‘mga ko‘tarildi va 12 673,94 so‘mni tashkil qildi.

Moliya institutlarida AQSh valyutasi 12 590 – 12 650 so‘mdan xarid qilinmoqda va 12 670 – 12 715 so‘mdan sotilmoqda.

Eslatib o‘tamiz, 27-avgust kuni valyuta birjasida dollar 17,46 so‘mga arzonlashgan edi.

Oʻzbekistonda oʻrtacha ipoteka krediti toʻlovi 3 mln soʻmni tashkil qilmoqda. Bu haqda Markaziy bankning ipoteka kreditlari sharhi hisobotida ma’lum qilindi.

Ma’lum qilinishicha, 2024-yil olti oyida ipoteka kreditlari boʻyicha 2 – 5 mln soʻm, 5 – 7 mln soʻm hamda 7 mln soʻmdan yuqori miqdordagi oylik toʻlovchi qarz oluvchilar ulushida oʻsish jarayoni qayd etilgan boʻlsa, aksincha quyi miqdordagi oylik toʻlovlarni amalga oshiruvchi fuqarolar ulushida kamayish qayd etildi.

38 mingdan oshiq oʻzbekistonlik oʻrtacha oylik ish haqi – 5 mln soʻmdan koʻproq ipoteka toʻlovini qilib keladi.

Hisobot davrida fuqarolarning ajratilgan ipoteka kreditlari boʻyicha oʻrtacha oylik toʻlovlari miqdori oʻtgan yilning mos davriga nisbatan...

Mamlakatda folbinlik va jodugarlikka qarshi kurash fonida, endi ularga borgan fuqarolar ham jazolanadi . Bu haqda Tojikiston IIV xabar berdi.

Unga ko‘ra, qo‘shni respublikaning Ichki ishlar vazirligi folbin va sehrgarlar huzuriga boradigan barcha fuqarolar Ichki ishlar vazirligining boshqarmalariga taklif etiladi va materiallar tayyorlanib, rasmlari Ichki ishlar vazirligi arxiviga joylashtiriladi.

Qo‘lga olingan fuqarolar jarima yoki 15 sutkagacha qamoq jazosi, shuningdek, jinoiy javobgarlikka ham tortilishga sabab bo‘ladi.

«O‘tkazilgan tezkor-profilaktik tadbirlar natijasida folbin va jodugarlarga murojaat qilayotgan fuqarolar ularning xizmatlarini to‘lab, bu faoliyatni rivojlantirayotgani aniqlandi», deyiladi xabarda.

Ma’lumot uchun, o‘tgan oyda 150 dan ortiq shunday...

O‘zbekiston 2026-yilda VI Butunjahon ko‘chmanchilar o‘yinlariga mezbonlik qiladi, deb xabar berdi Qirg‘iziston Vazirlar Mahkamasi matbuot xizmati.

2024-yilgi musobaqalar 8 – 14-sentabr kunlari Ostona shahrida bo‘lib o‘tadi. Ilgari Ko‘chmanchilar o‘yinlari Qirg‘izistonda uch marta va Turkiyaning Iznik shahrida bir marta o‘tkazilgan. Tadbir har ikki yilda bir marta o‘tkaziladi (pandemiya 2020-yildan tashqari).

Ko‘chmanchilar o‘yinlari davomida turli mamlakatlardan kelgan sportchilar ko‘chmanchi xalqlarning o‘ttizga yaqin an’anaviy sport turlarida musobaqa o‘tkazadilar. Bu sport turlari orasida ot poygasi, kamondan o‘q otish, erkin kurash va ko‘pkari (echki tanasi bilan o‘tkaziladigan otli sport o‘yini) kabi turlar mavjud.

O‘zbekiston terma jamoasi 2014-yildan buyon har bir Ko‘chmanchilar o‘yinlarida ishtirok etib...

Mustaqillik bayrami munosabati bilan pensiya toʻlovlari oldindan toʻlab beriladi. Bu haqda Pensiya jamgʻarmasi axborot xizmati xabar berdi.

Ma’lum qilinishicha, pensiya toʻlovlarini bank plastik kartada oluvchi fuqarolarning joriy yil sentabr oyi uchun pensiya toʻlovlari 1-sentabr kuniga qadar ularning bank plastik kartalariga oʻtkazib beriladi.

Naqd pul shaklida pensiya oluvchilarga toʻlovlar 4-sentabr kunidan boshlab «Xalq banki» sayyor kassalari tomonidan grafikka muvofiq amalga oshiriladi.

Eslatib oʻtamiz, prezident farmoniga muvofiq joriy yil sentabr oyidan pensiyalar miqdori 15 foizga oshiriladi.

Avvalroq Kursiv Uzbekistan 2025-yildan boshlab yoshga doir pensiyalar avtomatik tayinlanishi haqida xabar bergan edi.

Joriy yilning dastlabki olti oyida O‘zbekistonga to‘qqiz mingdan ziyod Ozarbayjon aholisi turistik maqsadlarda kelgan. Bu haqda Statistika agentligi xabar beradi.

Ushbu ko‘rsatkichlar o‘tgan yilning ushbu davrida 8 ming nafarni tashkil etgan. 2024-yilda ozarbayjonlik sayyohlar soni 2023-yilning mos davriga nisbatan 1,6 ming nafarga, ya’ni 19,8 foizga ortgan.  

Ozarbayjon fuqarolarining salkam 5,7 ming nafari dam olish, 3,4 ming nafari qarindoshlarini ko‘rish, 543 nafari xizmat maqsadida, uch nafari o‘qish va to‘qqiz nafari davolanish uchun kelgan.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni ortganligi haqida xabar bergan edi.  

Shavkat Mirziyoyev Los-Anjelesda bo‘lib o‘tadigan Olimpiya o‘yinlariga tayyorgarlikni bugundan boshlash kerakligini aytib o‘tdi. Bu haqda prezident matbuot xizmati xabar berdi.

«Oldimizda toʻrt yil vaqt bor. Oʻylaymanki, sport federatsiyalari rahbarlari oʻzlariga xulosa qilib, Los-Anjelesda boʻlib oʻtadigan Olimpiadaga munosib tayyorgarlik koʻradilar», deydi davlat rahbari.

«Olimpiya shaharchasi»da xalqaro musobaqalarga tayyorgarlik doirasida ilg‘or xorijiy tajribaga asoslangan mashg‘ulotlar va musobaqalarni o‘tkazishning yangi tizimi joriy etiladi.

Har bir yo‘nalishda sport tibbiyoti, farmakologiya, diyetologiya, psixologiya va muhandislik yo‘nalishlaridan malakali mutaxassislar jalb etiladi.

Bundan tashqari, mamlakatimizning har bir hududida Bahodir Jalolov va Oksana Chusovitina maktablari kabi ixtisoslashtirilgan sport muassasalari tashkil etiladi...

Olti yil oldin Emmanuel Makron Telegram asoschisi Pavel Durov bilan tushlik qilgan va unga kompaniya ofisini Parijga ko‘chirishni taklif qilgan, deb xabar beradi The Wall Street Journal (WSJ).

Nashr manbalarining ta’kidlashicha, norasmiy suhbat 2018-yilda, Telegram Rossiyada bloklanganidan ko‘p o‘tmay bo‘lib o‘tgan. O‘shanda Makron Durovga Fransiya fuqaroligini va’da qilgandi. Ammo tadbirkor rad javobini berdi. Durov Telegramni Dubayda ro‘yxatdan o‘tkazgan, 2021-yilda esa Fransiya va BAA pasportlarini olgan.

WSJning ta’kidlashicha, Durov va Makronning suhbatidan bir yil oldin fransuz razvedka xizmatlari BAAdagi hamkasblari bilan birga biznesmenni ta’qib qilgan va hatto uning iPhone’ini buzishga muvaffaq bo‘lgan. O‘shanda razvedka xodimlarini Yaqin Sharqdagi terrorchi guruhlar jangarilari...

«Ipak yoʻli» AITB tomonidan e’lon qilingan «Universal» va «Milliy» nomli omonat turlari reklamasida berilgan axboroti yuzasidan Raqobat qo‘mitasi bankni moliyaviy jarimaga tortdi. Bu haqda Qo‘mitaning matbuot xizmati ma’lum qildi.

Unga ko‘ra, «Ipak yo‘li» AITBning «Universal» omonat turi boʻyicha yillik foiz stavkasi 22 %, «Milliy» omonat turi boʻyicha yillik foiz stavkasi 25 % ekanligi haqidagi axborot berilgan edi.

Shu bilan birga, bank veb-saytida «Universal» omonat turi boʻyicha dastlabki 6 oyi uchun depozit hisob raqamlari yopilishi muddatiga qarab yillik 14 % stavka, keyingi 6 oyi uchun 18 % stavka boʻyicha qayta hisoblab chiqilishi haqida ma’lumot koʻrsatib oʻtilgan.

Lekin ularda «Universal» nomli...

«Parij – 2024″da Shimoliy koreyalik tennischilarni Janubiy koreyalik raqiblari bilan tabassum qilgan holda suratga tushgani uchun hukumatning qattiq nazoratiga olindi. Bu haqda The Telegraph axborot agentligi xabar berdi.  

Qayd etilishicha, sportchilarga boshqa mamlakat vakillari bilan o‘zini qanday tutish bo‘yicha ko‘rsatmalar berilgan. Shunga qaramasdan Shimoliy koreyalik tennischilar raqiblari bilan shohsupada birgalikda tabassum bilan suratga tushgan.

Endilikda sportchilar «Xorij ta’siri» yuzasidan uch bosqichli ekspertizadan o‘tishi kerak bo‘ladi.

Ma’lumot uchun, shimolliklar Olimpiada o‘yinlarining kumush medali sohibi bo‘lgan.

Avvalroq «Kursiv» O‘zbekistonda Olimpiada oʻyinlari sovrindorlarining murabbiylariga qancha pul mukofotlari berilgani haqida xabar bergan edi.