Yangiliklar

25-sentabr kuni Xitoyda taqdim etilgan Xiaomi 17, 17 Pro va 17 Pro Max smartfonlari yaqin kunlarda O‘zbekiston bozoriga kirib keladi. Toshkentdagi smartfonlar bozori sotuvchilariga ko‘ra, birinchi partiyalar oktabr oxiri – noyabr boshlarida kutilmoqda.

Narxlar:

O‘zbekistondagi taxminiy narxi:

Xitoydagi narx:

Narxlardagi farq import xarajatlari va bojxona to‘lovlari bilan bog‘liq.

Texnik tafsilotlar

Yangi Xiaomi 17 seriyasi kuchli texnologiyalar bilan jihozlangan. Oddiy model Snapdragon 8 Gen 4 protsessorida ishlaydi, 120 Hz yangilanish tezligiga ega AMOLED displey bilan ta’minlangan va 5000 mA/soat sig‘imli batareyaga ega. Bu telefonni uzoq vaqt quvvatlashsiz ishlatish mumkin qiladi.

Pro va Pro Max versiyalarida kamera tizimi...

Oppo kompaniyasi Oppo Find X9 va Find X9 Pro smartfonlarini joriy oyda taqdim etishga tayyorlanmoqda. Qurilmalar yaqinda Tailandning NBTC organidan sertifikat oldi.

Sertifikatsiya bosqichlari tugallandi

Shu bilan birga, ular avvalroq bir nechta boshqa xalqaro platformalarda ham ko‘ringan: GCF, Hindistonning BIS, Singapurning IMDA va Indoneziyaning SDPPI ro‘yxatlarida paydo bo‘lgan. Shuningdek, Find X9 Pro Geekbench bazasida testdan o‘tdi, Find X9 esa Malayziyaning SIRIM ro‘yxatiga kiritilgan.

Qo‘shimcha mahsulotlar ham bo‘lishi mumkin

Malayziya SIRIM organi Oppo‘ning boshqa qurilmalarini ham tasdiqladi. Jumladan, Enco Air 5 Pro TWS quloqchinlari va Oppo Watch S aqlli soati ham sertifikat oldi. Bu esa ularning Find X...

Xalqaro futbol federatsiyasi (FIFA) 2026-yilgi Jahon chempionati uchun rasmiy toʻpni namoyish etdi.

Ma’lum qilinishicha, Adidas tomonidan ishlab chiqilgan va Trionda deb nomlangan toʻp musobaqa mezbonlari — Kanada, Meksika va AQShning birdamligini ramziy ifodalaydi. Ispan tilidan olingan Trionda nomi «uch toʻlqin» degan ma’noni anglatadi.

FIFA prezidenti Janni Infantino toʻpni taqdim etar ekan, quyidagicha fikr bildirdi.

“Jahon chempionati rasmiy toʻpi, bu – chinakam san’at asari! Men Trionda’ni taqdim etishdan faxrlanaman. Adidas yana bir bor texnologiya va dizayn uygʻunligini namoyish etdi. Ushbu toʻp uch mezbon mamlakatning birdamligi va ishtiyoqini oʻzida mujassam etgan», dedi Infantino.

Trionda mezbon davlatlar...

Birlashgan Arab Amirliklari (BAA)ning yirik aviakompaniyasi Etihad Airways O‘zbekistonga muntazam aviaqatnovlarni amalga oshirish uchun ruxsatnoma oldi.

«O‘zaviatsiya» agentligining ma’lum qilishicha, bu qaror 1998-yil 17-noyabrda imzolangan O‘zbekiston va BAA o‘rtasidagi havo qatnovi to‘g‘risidagi Hukumatlararo bitim asosida qabul qilingan. Unga ko‘ra, Etihad Airways kompaniyasi Abu-Dabi – Toshkent – Abu-Dabi yo‘nalishida doimiy parvozlarni amalga oshiradi.

Mazkur qatnovlar zamonaviy Airbus A320-232/251N hamda Airbus A321-231/251N/251NX samolyotlarida bajarilishi rejalashtirilgan.

Etihad Airways’ning Toshkentga kirib kelishi O‘zbekiston va BAA o‘rtasidagi turizm, savdo hamda iqtisodiy hamkorlikni yanada rivojlantirishi kutilmoqda.

Eslatib o‘tamiz, Kursiv Uzbekistan nashri Uzbekistan Airways 15-sentabr kungi Nukus – Toshkent reysi jadvali o‘zgarganini e’lon qilgani haqida...

Toshkentda sifatsiz tibbiyot buyumlarini sotayotgan shaxslar ushlandi. Bu haqda Bosh prokuratura huzuridagi departament xabar berdi.

Ma’lum bo‘lishicha, ikki nafar shaxs boshqa fuqaroga 7,6 ming quti jarrohlik igna ipini $10 mingga sotayotganida qo‘lga olingan.

Tadbir davomida ulardan umumiy bahosi 214,5 million so‘mlik 23 turdagi 13,6 ming dona sifati kafolatlanmagan tibbiyot buyumlari ashyoviy dalil sifatida olindi.

Holat yuzasidan jinoyat ishi qo‘zg‘atilgan va tergov harakatlari olib borilmoqda.

Avvalroq dori vositalari va tibbiy jihozlarni ro‘yxatdan o‘tkazish tartibi yangilanishi haqida xabar berilgandi. Unga ko‘ra, endilikda tibbiy jihozlar xavf darajasiga qarab 4 toifaga bo‘linadi va faqat klinik tadqiqotlarning ijobiy natijasi asosida ro‘yxatdan o‘tkaziladi...

O‘zbekistonda 2026-yildan boshlab ishlab chiqarilganiga 50 yil va undan ortiq bo‘lgan avtomobillardan foydalanish hamda ularni qayta ro‘yxatdan o‘tkazish cheklanishi mumkin. Bu boradagi qaror loyihasi jamoatchilik muhokamasiga taqdim etildi.

Hujjatga ko‘ra, mazkur transport vositalari davlat ro‘yxatidan chiqariladi, ammo «antikvar» toifasiga kiradigan mashinalar ushbu cheklovdan ozod etiladi.

Shuningdek, umumiy vazni yuki bilan 44 tonnadan ortiq bo‘lgan yuk va maxsus transport vositalari hamda ochiq konlarda ishlaydigan o‘zi ag‘daruvchi yuk mashinalari uchun alohida davlat raqamlari joriy etilishi rejalashtirilgan.

Ushbu qonun loyihasining asosiy maqsadi yo‘llarda xavfsizlikni ta’minlash, ekologik muammolarni kamaytirish va juda eski texnik vositalarni asta-sekin foydalanishdan chiqarishdan iborat.

Loyiha Vazirlar Mahkamasi tomonidan...

Markaziy bank 2025-yilning birinchi yarmida mikromoliya tashkilotlari (MMT) va lombardlar faoliyatiga oid tahlil natijalarini e’lon qildi.

Unga ko‘ra, yanvar – iyun oylarida ajratilgan kreditlar hajmi 13,3 trln so‘mga yetib, o‘tgan yilning shu davridagiga nisbatan 2,1 barobar oshgan.

Umumiy kreditlarning 90 foizi (12 trln so‘m) MMTlarga, 10 foizi (1,3 trln so‘m) esa lombardlarga to‘g‘ri keldi. Kreditlar, asosan, jismoniy shaxslarga yo‘naltirilgan bo‘lib, ular umumiy hajmning 97 foizini (12,8 trln so‘m) tashkil etdi. Yuridik shaxslarga ajratilgan mablag‘ esa 417 mlrd so‘mni tashkil qildi.

Iyun oyida jismoniy shaxslar uchun mikroqarzlar stavkalari 36 – 109,5 foiz oralig‘ida shakllanib, o‘rtacha yillik 59,9 foizni tashkil...

30-sentabr kuni Xitoyning Shandun viloyatida Xiaomi SU7 egasi mashinasini uy tashqarisida qo‘yib ketganida, avtomobil to‘satdan o‘zidan o‘zi harakatlana boshladi. Voqea ijtimoiy tarmoqlarda tez tarqalib, Xiaomi avtomobili to‘satdan yurib ketdi xeshtegi ostida muhokamalarga sabab bo‘ldi.

Kuzatuv kameralari yozuviga ko‘ra, mashina turarjoy oldida qo‘yilgan paytda egasi va yonida bo‘lgan ayol uy ichida bo‘lgan. Videoda avtomobil ishga tushib oldinga qarab ketayotgani, ayol esa vahima bilan qichqirgani va egasining tashqariga yugurib chiqqani aks etgan.

Avtomobil egasi Xiaomi mijozlarga xizmat ko‘rsatish markaziga darhol murojaat qilgan. Dastlabki tushuntirishlarda telefon orqali tasodifiy masofadan ishga tushirish ehtimoli tilga olingan. Biroq egasi bu versiyani rad etib, telefonidan foydalanmaganini...

Yandex Go platformasi kar va zaif eshituvchi haydovchilar uchun yangi imkoniyatlarni ishga tushirdi. Bu haqda kompaniya Kursiv’ga ma’lum qildi.

Endilikda ular xizmatga telefon qo‘ng‘iroqlarisiz, maxsus moslashtirilgan veb-sayt orqali ulanib, o‘quv materiallarini ishora tilida o‘rganishlari mumkin. Avtomobillarda haydovchi va yo‘lovchi o‘zaro muloqot qilishi uchun maxsus kartochkalar ham joriy etildi.

Hozirda O‘zbekistonda Yandex Go bilan hamkorlik qilayotgan 700 nafar kar va zaif eshituvchi haydovchi oyiga 35 mingdan ortiq safar amalga oshirmoqda. Yangi imkoniyatlar Xalqaro karlar kuni munosabati bilan taqdim etildi va ular eshitishda muammosi bo‘lgan haydovchilarning fikr-mulohazalari asosida ishlab chiqildi.

Yo‘lovchilar bilan muloqotni yengillashtirish uchun avtomashinalarda «Kar yoki zaif eshituvchi haydovchi» yozuvi...

O‘zbekiston Raqamli texnologiyalar vazirligi delegatsiyasi Avstraliyada Rubicon Water kompaniyasi vakillari bilan hamkorlik uchrashuvi o‘tkazdi. Bu haqda Raqamli texnologiyalar vazirligi ma’lum qildi.

Muzokaralarda sug‘orish tizimlarini raqamlashtirish, suvdan foydalanishni optimallashtirish va avtomatlashtirish masalalari muhokama qilindi.

Tomonlar qo‘shma loyihalarni kengaytirish, mahalliy mutaxassislar uchun o‘quv dasturlari ishlab chiqish va tajriba almashish bo‘yicha kelishib olishdi.

Rubicon Water yirik irrigatsiya tarmoqlarini modernizatsiya qilish bo‘yicha yetakchi kompaniya bo‘lib, avtomatlashtirilgan eshiklar, oqim o‘lchagichlar va aqlli dasturiy ta’minot ishlab chiqadi. Bu texnologiyalar suvni real vaqt rejimida boshqarib, samaradorlikni oshiradi va yo‘qotishlarni kamaytiradi.

Eslatib o‘tamiz, avvalroq O‘zbekiston va Misr «yashil iqtisodiyot» bo‘yicha hamkorlik qilishi haqida xabar bergan...

Farg‘ona, Andijon va Buxoro viloyatlarida Umra haqida litsenziyasiz reklama tarqatgan fuqaro va turfirmalar aniqlandi. Bu haqda Raqobat qo‘mitasi xabar berdi.

Xususan, Farg‘onada fuqaro o‘zining Telegram sahifasida litsenziyasiz safar xizmatlarini reklama qilgani ma’lum bo‘ldi. Mazkur holat yuzasidan hujjatlar sudga yuborildi.

Andijonda esa «Abu Zubayr travel» MChJ litsenziyasiz faoliyat yuritib, reklama tarqatgani uchun unga nisbatan ish qo‘zg‘atilib, moliyaviy jarima belgilandi.

Shunga o‘xshash yana bir holat Buxoro viloyatida aniqlandi. Unda «Sokin turizm Bukhara» MChJ hujjatlarsiz reklama tarqatgani uchun jarimaga tortildi va qonun talablariga rioya qilish bo‘yicha ko‘rsatma berildi.

Bundan avval Andijon shahridagi «Ih­los Travel1» MChJ faoliyatida ham qonun buzilish holatlari aniqlangandi...

Samsung kompaniyasi o‘z smartfonlari uchun ekranni himoya qilishning butunlay yangi texnologiyasini ishlab chiqmoqda. Bu haqda GSMArena xabar bermoqda.

One UI 8.5 tizimida topilgan Privacy Display funksiyasi yordamida foydalanuvchi ekrandagi ma’lumotlarni begona ko‘zlardan yashira oladi. Bu texnologiya maxsus plyonka emas, balki bevosita ekran ichiga o‘rnatiladi va istalgan payt yoqib-o‘chirish mumkin.

Sozlamalarda Auto Privacy tugmasi paydo bo‘ladi. U odam ko‘p to‘planadigan joylarda — masalan, metro yoki liftda – avtomatik tarzda maxfiy rejimni yoqadi. Foydalanuvchi jadval bo‘yicha ishlash vaqtini belgilashi yoki ayrim dasturlar uchun alohida cheklov o‘rnatishi mumkin.

Privacy Display nafaqat ekranning ko‘rish burchagini toraytiradi, balki shaxsiy belgilanadigan elementlarni ham yashira oladi...

O‘zbekiston temiryo‘llari turizm oyligi doirasida pensiyadagilar uchun chegirma e’lon qildi. Bu haqda kompaniya matbuot xizmati xabar berdi.

Unga ko‘ra, 2 – 8-oktabr hamda 1 – 30-noyabr kunlari barcha mahalliy yo‘nalishdagi poyezd chiptalarining tarif qismiga 20 foizlik chegirma beriladi.

Chegirma 55 yoshdan oshgan ayollar va 60 yoshdan katta erkaklarga taalluqli bo‘lib, yuqori tezlikda harakatlanuvchi «Afrosiyob» elektropoyezdlari bundan mustasno.

Chiptalarni eticket.railway.uz onlayn platformasi orqali elektron tarzda yoki barcha chiptaxonalardan xarid qilish mumkin.

Avvalroq «Kursiv» UzAirways pensiya yoshidagi fuqarolarga 15 foiz chegirma e’lon qilgani haqida yozgandi.

Maxsus taklif «Keksalar uchun turizm oyligi» doirasida 1-noyabrdan 30-noyabrgacha amalga oshiriladigan ichki aviaqatnovlarga tatbiq...

Buyuk Britaniya hukumati Eronning yadro dasturi bilan bog‘liq 71 nafar shaxs va tashkilotni sanksiyalar ro‘yxatiga qo‘shdi. Bu haqda New Region nashri ma’lum qildi.

Ushbu qaror xalqaro sanksiyalar qayta tiklanganidan bir kun o‘tib e’lon qilindi. Natijada mazkur shaxs va tashkilotlarning aktivlari muzlatildi.

Sanksiyalar 2019-yilda qabul qilingan qonun asosida joriy etilgan bo‘lib, Eronning xalqaro kompaniyalar orqali cheklovlarni chetlab o‘tishining oldini olishni maqsad qiladi. Qoidalar Eronning yadro quroli va uni yetkazib berish tizimini ishlab chiqishda ishtirok etgan shaxslarning moliyaviy resurslarini bloklashni ko‘zda tutadi.

Ro‘yxatga Eronning yadro dasturi rahbarlari, yirik moliya va energetika kompaniyalari, jumladan, Eron milliy neft kompaniyasi ham kiritilgan. Ularning faoliyati...

2025-yil yanvar – avgust oylarida 62 mingdan ortiq chet el fuqarolari davolanish maqsadida Oʻzbekistonga tashrif buyurgan. Bu haqda Milliy statistika qoʻmitasi ma’lum qildi.

Ularning eng ko‘pi Tojikistondan boʻlib, 44,2 ming nafardan ortiq bemor O‘zbekiston tibbiyot xizmatidan foydalanish uchun kelgan. Shuningdek, Qirgʻiziston (10,4 ming), Qozogʻiston (5,5 ming) va Rossiyadan (1,3 ming) ham bemorlar koʻp tashrif buyurgan.

Shu bilan birga, Afg‘oniston, Turkmaniston kabi qo‘shni davlatlar, bundan tashqari, Turkiya, AQSh, Xitoy va Ukraina kabi uzoq davlatlardan ham Oʻzbekistonga davolanish uchun kelgan xorijliklar bor.

Bundan avval Farg‘onada kuvaytlik shifokorlar murakkab jarrohlik amaliyotlarini o‘tkazishi haqida xabar berilgandi. Unga ko‘ra, Kuvayt Jarrohlik kengashi prezidenti...

Safe Road mobil ilovasida endilikda chiroyli avtoraqamlarni sotib olish mumkin. Bu haqda ilova kanalida ma’lum qilindi.

Unga ko‘ra, avval auksionga chiqarilgan va sotilmagan 1 − 3-toifa raqam belgilarini yagona oshirilgan to‘lov asosida olish imkoniyati yaratildi.

To‘lov miqdori jismoniy shaxslar uchun 7 mln so‘m (BHMning 17 baravari), yuridik shaxslar uchun esa 10,3 mln so‘m (BHMning 25 baravari) etib belgilangan.

Hozir xizmat test rejimida ishlamoqda. Ilovada «Xizmatlar» bo‘limidagi «Avtoraqam sotib olish» funksiyasi orqali foydalanuvchilar hudud, raqam turi (gorizontal yoki kvadrat), avtomobil dvigateli turini va ma’qul raqam kombinatsiyasini tanlashi mumkin. So‘ng qidiruv tugmasi bosilgach, mavjud variantlar ko‘rsatiladi.

Xizmat onlayn tarzda to‘lov qilish...

«Manchester City» bosh murabbiyi Pep Guardiolaning kelajagi endi Chempionlar ligasidagi natijaga bog‘liq. Bu haqda Donbalon nashri xabar bermoqda.

Rahbariyat murabbiydan jamoani hech bo‘lmaganda chorak finalga olib chiqishni talab qilmoqda. Klubda kataloniyalik mutaxassis xizmatlari yuksak qadrlansa-da, «Etihad»dagi davri tugash arafasida bo‘lishi mumkin.

Agar «shaharliklar» yana kutilmagan muvaffaqiyatsizlikka duch kelsa, qaror qat’iy — Gvardiola iste’foga chiqariladi va yangi loyiha yo‘lga qo‘yiladi. «Manchester City» rahbariyati uchun Chempionlar ligasi asosiy maqsadga aylangan, chorak finalga chiqmaslik esa mutlaqo qabul qilinmaydi.

Mutaxassisning o‘zi ham bosimni yaxshi his qilgan. Guardiola uchun bu mavsum so‘nggi imkoniyat sifatida qaralmoqda. Chorak finalga chiqish unga «Etihad»da yana bir yilni nisbatan...

O‘zbekistonning Janubiy Afrika Respublikasidagi birinchi elchisi etib Ashraf Xo‘jayev tayinlandi. U 2-oktabr kuni Pretoriya shahrida prezident Siril Ramafosaga ishonch yorliqlarini topshirdi.

Eslatib o‘tamiz, Ashraf Xo‘jayev 2024-yil fevralida O‘zbekistonning Qatardagi birinchi elchisi etib tayinlangandi.

Avvalroq O‘zbekistonning favqulodda va muxtor elchisi Nodirjon Turg‘unov Saudiya Arabistoni valiahdi va bosh vaziri Muhammad bin Salmon bin Abdulaziz Ol Saudga ishonch yorliqlarini topshirgandi. Marosim Ar-Riyoz shahridagi Al-Yamama saroyida bo‘lib o‘tgan. Tadbirda valiahd Saudiya podshohi Salmon bin Abdulaziz Ol Saud nomidan 37 ta xorijiy davlat elchilarining ishonch yorliqlarini qabul qildi.

Prezident farmoni bilan tasdiqlangan nizomga ko‘ra, davlat fuqarolik xizmati lavozimlariga tanlovda ishtirok etayotgan nomzodlarning test sinovlaridan o‘tish tartibi aniq belgilandi.

Test sinovlarida aloqa vositalari, kitob yoki shporgalkalardan foydalanish, boshqa nomzodlar bilan gaplashish va sinov tugamasdan xonani tark etish qat’iyan taqiqlanadi. Qoidalarni buzgan nomzodlar tanlovdan chetlashtiriladi va uch oy davomida qayta ishtirok eta olmaydi.

Testdan kamida 56 ball to‘plagan nomzod keyingi bosqichga o‘tadi. Shuningdek, test sinovlaridan olingan ijobiy natija olti oy davomida amal qiladi va boshqa vakant lavozimlar bo‘yicha tanlovlarda ham hisobga olinadi.

Mazkur tartib nomzodlar uchun teng sharoit yaratish, tanlov jarayonini shaffof va adolatli o‘tkazishni ta’minlashga xizmat qiladi...

Markaziy Osiyoda ilk bor nufuzli International Astronautical Congress (IAC-2028) Samarqand shahrida bo‘lib o‘tadi. Bu haqdagi qaror Sidneydagi kongressda qabul qilindi, deya xabar berdi O‘zbekiston raqamli texnologiyalar vaziri Sherzod Shermatov.

«Albatta, Hindiston va Bahrayn kabi davlatlar bilan ushbu tanlovda raqobat qilib, yutish oson bo‘lmadi. Olti yuz yil avval Mirzo Ulug‘bek observatoriya va madrasa qurib Samarqandni ilm-fan markaziga aylantirgan bo‘lsalar, 2028-yilda kosmos yo‘nalishidagi dunyoning eng katta tadbiri Samarqandda o‘tishi, albatta, uchinchi renessans asosini boshlab bergan prezidentimiz tomonlaridan olib borilayotgan ishlarning dunyo hamjamiyati tomonidan o‘ziga xos e’tirofidir», deya qayd etgan vazir.

Mazkur tadbir 10 mingdan ortiq mehmonlarni jalb...

FIFA prezidenti Janni Infantino O‘zbekiston va Ozarbayjonni FIFA U-20 Jahon chempionati mezbonligi bilan tabrikladi. Bu haqda u o‘zining Instagram sahifasida ma’lum qildi.

«Ushbu ikki futbolsevar mamlakatni Jahon chempionati mezbonligi bilan qutlayman. Oʻzbekiston va Ozarbayjon yirik miqyosdagi turnirlarni oʻtkazish boʻyicha katta tajribaga ega. Xususan, Oʻzbekiston oʻtgan yili oʻtkazilgan FIFA Futzal Jahon chempionatini yuqori saviyada tashkil etdi», dedi Infantino.

25-bor o‘tkaziladigan ushbu yoshlar Mundiali millionlab futbol muxlislarining e’tibor markazida bo‘lishi kutilmoqda. Musobaqa nafaqat futbolni rivojlantirishga, balki ikki davlatning xalqaro nufuzini oshirishga ham xizmat qiladi.

Eslatib o‘tamiz, avvalroq Fabio Kannavaro O‘zbekiston terma jamoasining yangi bosh murabbiyi bo‘lishi...

Uzbekistan Airways 25-oktabrgacha Sankt-Peterburgga parvozlarda maxsus aksiya joriy etdi. Bu haqda aviakompaniya matbuot xizmati xabar berdi.

Endilikda Namangan, Urganch, Buxoro, Farg‘ona, Qarshi, Termiz va Samarqanddan ushbu shahar yo‘nalishida borib-qaytish chiptalarini xarid qilgan yo‘lovchilar uchun qo‘shimcha qulaylik taqdim etiladi.

Aksiya doirasida ekonom-klass yo‘lovchilari 32 kilogrammgacha yukni bepul tashish huquqiga ega bo‘ladi. Bu imkoniyat chiptaning sotib olingan sanasidan qat’i nazar, barcha reyslarga, jumladan, Siberia Airlines (S7) bilan Code-Share asosida rasmiylashtirilgan chiptalarga ham tatbiq etiladi.

Chipta xarid qilish Uzbekistan Airways’ning rasmiy booking.uzairways.com sayti, mobil ilova, kompaniya savdo ofislari hamda agentliklar orqali amalga oshirilishi mumkin.

Avvalroq «Kursiv» nashri O‘zbekiston havo hududi endi UZ...

iQOO kompaniyasi tomonidan taqdim etiladigan yangi iQOO 15 smartfoni haqida batafsil ma’lumot berildi. Bu haqda Weibo tarmog‘ida ma’lum qilindi.

Smartfon birinchi marta simsiz quvvatlash funksiyasiga ega bo‘ladi. Model IP68/IP69 himoya darajasi, yangi avlod ultratovushli barmoq izi skaneri va USB 3.2 porti bilan jihozlanadi.

Displeyga alohida e’tibor qaratilgan. Qurilma Samsung’ning 2K LEAD OLED paneli bilan keladi. Ekran 144 Hz yangilanish tezligi va 2600 nit maksimal yorqinlikni ta’minlaydi.

Smartfonning batareyasi 7000 mA/soat bo‘lib, u 100 Vt tezkor simli quvvatlashni qo‘llab-quvvatlaydi. Simsiz quvvatlash quvvati esa keyinroq e’lon qilinadi. Qurilma yangi Snapdragon 8 Elite Gen 5 protsessorida ishlaydi.

Smartfonning rasmiy taqdimot sanasi 15-oktabr...

Tijorat banklari 3-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.