Yangiliklar

Svetlana Xe Markaziy bank va Kuzatuv kengashi tasdig‘idan so‘ng «Uzum Bank» boshqaruvi raisi lavozimini egalladi. Yangi lavozimda u jamoasi bilan bankning uzoq muddatli rivojlanishiga, foydalanuvchilar va biznes uchun innovatsion fintex mahsulotlarini ishga tushirishga, shuningdek, kompaniyaning bozordagi mavqeyini mustahkamlashga e’tibor qaratadi.

«Uzum Bank» o‘zining mahalliy infratuzilmasini rivojlantirmoqda. Bu infratuzilma nafaqat jahon darajasidagi fintex xizmatlarining, balki mutlaqo yangi texnologiyalar va yechimlarning asosiga aylanishi mumkin. Biz uchun global tajriba va ilg‘or texnologik amaliyotlardan foydalanib, foydalanuvchilar va tadbirkorlarning ehtiyojlarini hisobga olgan holda mahsulotlar yaratish muhim. Ishonchim komilki, Uzum ekotizimi jamoasi bilan birgalikda raqamli xizmatlarni mutlaqo yangi bosqichga olib chiqamiz hamda...

Mart oyi oxirida O‘zbekistonda Leapmotor yengil avtomobillarini sertifikatlash vaqtincha to‘xtatilgandi. Xitoylik mutaxassislar ishtirokida avtomobil qayta sinovdan o‘tkaziladi. Bu haqda Texnik jihatdan tartibga solish sohasida nazorat inspeksiyasi ma’lum qildi.

Inspeksiya ma’lumotlariga ko‘ra, Leapmotor kompaniyasiga tegishli C16 rusumli avtomobil shu yilning 10-mart kuni elektromagnit moslashuvchanlik (EMS) sinovlaridan o‘tkazilgan. Natijada avtomobil xalqaro xavfsizlik talablariga javob bermagan, shuningdek, elektromagnit nurlanish darajasi belgilangan me’yordan 16 baravar yuqori ekanligi aniqlangan.

Ayni paytda inspeksiya va kompaniya mutaxassislari o‘rtasida muzokaralar davom etmoqda. Yaqin kunlarda Leapmotor vakillari O‘zbekistonga tashrif buyurib, ular ishtirokida avtomobillar qayta sinovdan o‘tkaziladi.

Avvalroq Kursiv Uzbekistan ushbu avtomobillarining sertifikatsiyasi vaqtincha to‘xtatilgani haqida xabar berilgandi.

2025-yilning yanvar-fevral oylarida Oʻzbekistonga $60 mlnlik 552,6 ming dona mobil telefon import qilingan. Bu haqda Milliy statistikasi xabar bermoqda.

Yetkazib berishning asosiy qismi Xitoyga toʻgʻri keldi. Ushbu mamlakat 404,1 ming qurilma yetkazib berdi.

Mamlakatimizga mos ravishda 129,5 ming va 14,2 ming dona telefon yetkazib bergan Vyetnam va Hindiston kuchli uchlikka kirgan.

Oʻtgan 2024-yilning ilk ikki oyida ham Xitoy (535,6 ming), Vyetnam (117,7 ming) va Hindiston (4,8 ming) kuchli uchlikni egallagan.

Eslatib oʻtamiz, Kursiv Uzbekistan 2024-yilda Oʻzbekistonga qancha telefon import qilingani haqida yozgan edi.

Brent neftining narxi $69 dan pastga tushdi. Bu haqda TASS xabar bermoqda.

Ma’lum qilinishicha, bu 2025-yil 11-martdan beri birinchi marta roʻy berdi. Toshkent vaqti bilan soat 12:00 ga kelib, Brent narxi 1,55 foizga pasayib, $69,05 ga yetdi. Soat 12:18 ga kelib narx yana pasayib, $68,76 ni tashkil etdi.

Buning asosiy sababi sifatida 3-aprelda OPEC tomonidan e’lon qilingan qaror koʻrsatilmoqda. Unda OPEC+ning sakkiz mamlakati may oyida neft ishlab chiqarishni kuniga 411 ming barrelga oshirishini ma’lum qilgan.

Bu qaror avvalgi rejaga qaraganda 135 ming barrelga koʻproq ishlab chiqarishni anglatadi. Mutaxassislar buni ishlab chiqarish hajmlarining tiklanishiga olib kelishi mumkin, deb hisoblamoqda.

Eslatib...

7-apreldan AQSh dollarining rasmiy kursi 26,76 so‘mga oshib, 12 947,20 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 860 – 12 915 so‘mdan sotib olayotgan bo‘lsa, 12 930 – 13 000 so‘m oralig‘ida sotmoqda.

Shu bilan birga, yevro 30,04 so‘mga tushib, 14 222,50 so‘mga yetdi. Rossiya rubli esa 0,14 so‘mga tushib, 153,38 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.   

15-may kuni shahar va viloyatlararo yo‘lovchi tashish yo‘nalishlarida ishlash huquqini olish bo‘yicha ochiq tender bo‘lib o‘tadi. Bu haqda Transport vazirligi xabar berdi.

Ushbu tender Vazirlar Mahkamasining 2021-yil 6-dekabrdagi 738-son qarori ijrosini ta’minlash maqsadida o‘tkazilmoqda. Qarorga ko‘ra, avtomobil transportida yo‘lovchi tashish yo‘nalishlari bo‘yicha tenderlar elektron shaklda tashkil etilishi belgilangan.

Jarayon 15-may kuni soat 14:00 da start oladi. Unda ishtirok etish istagidagi tashuvchilar o‘z takliflarini e-tender.uztrans.uz platformasi orqali taqdim etishlari kerak.

Avvalroq Kursiv Uzbekistan raqobat qo‘mitasi SSV huzuridagi Xaridlar markazining tenderini bekor qilgani haqida yozgandi.

O‘zbekiston prezidenti Shavkat Mirziyoyev Samarqandda o‘tgan xalqaro iqlim forumida iqlim o‘zgarishlari va uning salbiy ta’sirlariga qarshi kurashishda mamlakatlararo hamkorlikni kuchaytirishga chaqirdi. Bu haqda Kursiv Uzbekistan muxbiri ma’lum qildi.

Forumda ishtirok etgan Yevropa Ittifoqi va Markaziy Osiyo davlatlari rahbarlari bilan birgalikda O‘zbekiston ekologik barqarorlikni ta’minlash, «yashil» energetika va suv resurslaridan oqilona foydalanish bo‘yicha samarali yechimlarni ishlab chiqish zarurligini ta’kidladi.

«O‘zbekistonga xush kelibsiz! Samarqandga xush kelibsiz! Bugungi kunda bizning vazifamiz – kelajak avlodlar barqaror, xavfsiz va farovon dunyoda yashashi uchun barcha chora-tadbirlarni ko‘rishdan iborat. Buning uchun muloqotlarni mustahkamlash, umumiy ezgu maqsadlar yo‘lida birlashgan barcha davlatlarning sa’y-harakatlarini uyg‘unlashtirish...

Toʻrt oy davomida 236 mingdan ortiq oʻzbekistonlik bepul onlayn dasturlash kurslarini muvaffaqiyatli tamomlab, xalqaro sertifikatlarga ega boʻlgan. Bu haqda Raqamli texnologiyalar vazirligi xabar bermoqda.

«Bir million dasturchi» dasturi doirasida talab yuqori boʻlgan IT-kasblari boʻyicha oʻqitish yoʻlga qoʻyilgan.

Soʻnggi toʻrt oy ichida respublika aholisi koʻpincha kirish dasturlash kursini oʻtashdi.

Eng koʻp xalqaro sertifikatlarni Xorazm viloyati, Qoraqalpogʻiston va Samarqand viloyati aholisi olgan. Shuningdek, Jizzax va Surxondaryo viloyatlarida dasturlashga qiziqish sezilarli darajada oshdi.

Raqamli texnologiyalar vazirligi aprel oyida bepul onlayn kurslarga roʻyxatdan oʻtish Uzbekcoders platformasida ochiqligini eslatgan.

Kursiv Uzbekistan IT Park Uzbekistan va Qozogʻistonning Astana Hub texnoparki Shanxayda xalqaro markaz ochishi haqida...

Rossiyaning Primorsk oʻlkasi maktab oʻquvchilari Oʻzbekistondagi bolalar oromgohlariga keladi. Bu haqda TASS viloyat gubernatori Oleg Kojemyakoga tayanib xabar bermoqda.

Kojemyako Primorsk va Oʻzbekiston turizmni oʻzaro asosda rivojlantirish niyatida ekanini taʼkidladi.

«Biz oʻquvchilarimizni tabiiy mevalar bilan toʻyinishlari va yaxshi quyoshli kunlarni oʻtkazishlari uchun yuboramiz. Hamkorligimiz uzoq muddatli va mustahkam boʻlishi uchun hamma narsani qilamiz», — degan gubernator.

Primorsk gubernatori Oʻzbekiston hududga ijodiy guruh yuborishini qoʻshimcha qilgan.

Eslatib oʻtamiz, Kursiv Uzbekistan Rossiya bilan yirik atom elektr stansiyasini qurish imkoniyatlari muhokama qilingani haqida yozgan edi.

UzAuto Motors kompaniyasi Chevrolet Tracker modelining narxini oshirdi. Autostrada nashrining maʼlum qilishicha, Tracker Premier Plusʼning eng ommabop versiyasi 252 mlnni tashkil qiladi.

Eng mashhur versiya boʻlgan Tracker Premier Plus endi 252 million soʻmga sotilmoqda, bu avvalgi narxdan 7 million soʻmga qimmat. Shuningdek, boshqa versiyalarning narxlari ham koʻtarildi. Misol uchun, Tracker Turbo 1.2 LS PLUS modeli 215 million soʻmga sotilmoqda, avvalgi chegirmasiz narxi esa 220 million soʻm edi. Trackerning narxining oshishi, shu bilan birga, uning asosiy raqibi boʻlgan Kia Sonet narxining 33 mln soʻmga oshgani bilan bogʻliq.

Narxlar bilan quyidagi rasm orqali tanishishingiz mumkin.

Eslatib oʻtamiz, Kursiv Uzbekistan Chevrolet kompaniyasi...

Samarqandda o‘tkazilayotgan sammitda Shavkat Mirziyoyev respublikada xorijiy sayyohlar uchun yagona Markaziy Osiyo vizasi loyihasini ilgari surayotganini ma’lum qildi.

Shuningdek, prezident joriy yilning kuzida Samarqandda o‘tkaziladigan YUNЕSKO Bosh konferensiyasida xorijiy mehmonlarni mintaqaning boy madaniyati va san’ati bilan yanada keng tanishtirish istagini bildirdi.

Shu bilan birga, bu yil Buxoroda birinchi «Markaziy Osiyo – Yevropa Ittifoqi» sayyohlik forumini o‘tkazish rejalashtirilmoqda. Yevropa Ittifoqi mamlakatlari tajribasi asosida «Bir tur – butun mintaqa» konsepsiyasini amalga oshirish, sayyohlar uchun viza rejimini soddalashtirish masalasi ham ilgari surildi.

«Markaziy Osiyo mamlakatlari bilan ilmiy-ta’lim hamkorligini kengaytirish uchun O‘zbekistonda “Ufq – Yevropa» dasturi ofisini ochishga tayyormiz...

Samarqandda bo‘lib o‘tgan «Markaziy Osiyo – Yevropa Ittifoqi» birinchi sammitida O‘zbekiston prezidenti Shavkat Mirziyoyev mintaqa davlatlari va Yevropa Ittifoqi o‘rtasidagi hamkorlikning muhimligini ta’kidladi.

Uning so‘zlariga ko‘ra, geosiyosiy ziddiyatlar va global tahdidlar kuchayib borayotgan bir sharoitda hech bir mintaqa xalqaro hamkorliksiz o‘z oldida turgan murakkab masalalarni mustaqil hal eta olmaydi. Shu bois Markaziy Osiyo va Yevropa Ittifoqi o‘zaro yaqin hamkorlikka tobora ko‘proq ehtiyoj sezmoqda.

Sammitda Yevropa Ittifoqining asosiy institutlari rahbarlari ishtirok etib, Markaziy Osiyo davlatlari bilan hamkorlikni rivojlantirish masalalarini muhokama qilishdi. Shuningdek, O‘zbekiston yetakchisi mintaqadagi iqtisodiy integratsiya jarayonlari jadallashayotganini qayd etib, qo‘shni davlatlar o‘rtasidagi savdo va investitsiya loyihalarining kengayib borayotganini...

Qarshi shahrida endi Yandex Go ilovasi orqali uyga yoki ofisga yetkazib berish uchun restoranlardan tayyor ovqatlar buyurtma qilish mumkin. Bu haqda kompaniya Kursiv Uzbekistan’ga ma’lum qildi.

Qarshidagi eng ommabop restoranlar, jumladan Izgara, Chicken cafe, McBurger, EVOS, Bellissimo Pizza va boshqalar allaqachon xizmatga qoʻshilgan.

Taomlarni yetkazib berishning oʻrtacha vaqti 30 daqiqani tashkil qiladi.

Buyurtmani dastur yordamida kuzatish mumkin. Xizmatning Qarshida yoʻlga qoʻyilganligi munosabati bilan yangi foydalanuvchilar GO25 promodi orqali 25 ming soʻmlik chegirmaga ega boʻlishi mumkin.

Kursiv Uzbekistan nashri Yandex Go Oʻzbekiston boʻylab «Joylar» xizmatini ishga tushirgani haqida yozgan edi.

4-aprel kuni Samarqandda prezident Shavkat Mirziyoyev raisligida «Markaziy Osiyo – Yevropa Ittifoqi» birinchi sammiti bo‘lib o‘tdi. Bu haqda Kursiv Uzbekistan muxbiri ma’lum qildi.

Davlat rahbari mintaqa va Yevropa Ittifoqi o‘rtasidagi hamkorlikni yangi bosqichga olib chiqish, strategik sheriklikni huquqiy asoslar bilan mustahkamlash bo‘yicha muhim tashabbuslar ilgari surdi. Jumladan, ikki mintaqa o‘rtasida to‘laqonli sheriklik bitimini imzolash taklif etildi.

Tadbirda Yevropa kengashi prezidenti Antoniu Koshta, Yevropa komissiyasi prezidenti Ursula fon der Lyayen, Markaziy Osiyo mamlakatlari rahbarlari va yirik xalqaro moliya institutlari vakillari ishtirok etdi. Muloqot chog‘ida investitsiyalarni jalb qilish, tovar ayirboshlash hajmini oshirish, «yashil» energetika, transport va raqamlashtirish sohalarida hamkorlikni kengaytirish masalalari...

Bugun, 4-aprel kuni Samarqandda o‘tkazilayotgan «Markaziy Osiyo – Yevropa Ittifoqi» sammitida Shavkat Mirziyoyev nutq so‘zladi. Davlat rahbari «Markaziy Osiyo – Yevropa Ittifoqi» parlamentlararo forumini tashkil etish taklifini ilgari surdi.

Jumladan, sammitda «Markaziy Osiyo – Yevropa Ittifoqi» o‘rtasida strategik sheriklik o‘rnatish bo‘yicha tarixiy qaror qabul qilinadi. Qabul qilingan hujjat asosida belgilangan qoidalarni hayotga tatbiq etish uchun kompleks chora-tadbirlarni birgalikda ishlab chiqish va amalga oshirish zarurligi ta’kidlandi.

«Biz, shuningdek, xalqaro va mintaqaviy kun tartibidagi muhim masalalar bo‘yicha umumiy pozitsiyalarni ishlab chiqish uchun tashqi siyosat idoralari rahbarlari uchrashuvlarini doimiy o‘tkazib borish, parlamentlararo aloqalarni faollashtirish va «Markaziy Osiyo...

Hyundai kompaniyasi AQShda amalga oshirilgan tariflar va iqtisodiy oʻzgarishlar ortidan yangi mashinalar uchun bepul xizmat koʻrsatish dasturini bekor qilish haqida qaror qabul qildi. Bu haqda Motor1 nashrida ma’lum qilindi.

Bu qaror kompaniya narxlarining oshishi bilan bogʻliq. Ularning mijozlarga taqdim etayotgan xizmatlarining samaradorligini saqlab qolish uchun zaruriy qadam deb hisoblanadi.

Kompaniya oʻzining qarorida bu dasturning qimmatga tushayotganini va uni davom ettirishning iqtisodiy jihatdan foydali emasligini ta’kidlagan. Hyundai kompaniyasi oʻz mijozlariga xizmat koʻrsatishning yangi shakllarini taklif etishga qaror qildi. Bu dilerlarga oldindan toʻlanadigan texnik xizmat rejalari va boshqa xizmat variantlari kiritiladi.

Hyundai prezidenti Jose Munyoz AQSh bozorining kompaniya uchun juda muhim...

Xalq ta’limi tizimidagi pedagoglar uchun 2025-yilning birinchi yarmida o‘tkaziladigan malaka toifa sinovlari sanalari belgilandi. Bu haqda Maktab va maktabgacha ta’lim vazirligi xabar berdi.

Sinovlar maktabgacha, umumta’lim va maktabdan tashqari ta’lim muassasalarida faoliyat yurituvchi o‘qituvchilarni qamrab oladi.

Fanlar kesimida sinov sanalari quyidagicha:

Bugun Samarqand shahrida «Markaziy Osiyo – Yevropa Ittifoqi» formatidagi birinchi sammit o‘z ishini boshladi. Bu haqda ayni damda ushbu sammitda bo‘lib turgan Kursiv Uzbekistan muxbiri ma’lum qildi.

Tadbirda O‘zbekiston prezidenti Shavkat Mirziyoyev delegatsiyalar rahbarlarini samimiy qutlab, ushbu uchrashuv mintaqaviy hamkorlik va xalqaro munosabatlarni mustahkamlashda muhim ahamiyat kasb etishini ta’kidladi.

Sammit doirasida Markaziy Osiyo davlatlari va Yevropa Ittifoqi o‘rtasidagi ko‘p tomonlama hamkorlikni rivojlantirish hamda mustahkamlash, shuningdek, mintaqaviy va xalqaro muammolar yuzasidan fikr almashishga qaratilgan qator masalalar muhokama qilinadi.

Sammit kun tartibiga quyidagilar kiradi:

Men Today nashri sport zaliga bormasdan turib qorindagi ortiqcha vaznni yoʻqotish uchun yettita mashqni tavsiya qildi. Quyida mashqlar haqida bilib olishingiz mumkin.

Ushbu mashqlar qatoriga oyoq sonini koʻtarish, oyoqni teskari koʻtarish, teskari shpallar, taxta usulida sakrash, qaychi, ruscha chayqalishlar va velosiped kiradi.

Oyoq sonini koʻtarish

Oyoqni teskari koʻtarish

Teskari shpallar

2025-yil 3-aprel kuni bo‘lib o‘tgan yarim final uchrashuvida «Humo» Qozog‘istonning «Torpedo» jamoasiga mag‘lub bo‘ldi. O‘yin 3:4 hisobida yakunlandi.

Hisobni birinchi bo‘limda Danila Karaban ochdi va «Humo»ni oldinga olib chiqdi.

Ikkinchi bo‘limda Artyom Lixotnikov jamoasining ustunligini oshirdi. «Torpedo» taslim bo‘lmadi, Andrey Yakovlev farqni qisqartirishga erishdi.

Uchinchi bo‘limda Yegor Dorofeyev «Humo»ni yana oldinga olib chiqdi, lekin «Torpedo» ham javob qaytardi. Uchrashuv tugashiga 5 daqiqa 28 soniya qolganda jamoa yana gol urdi, so‘ngra Yevgeniy Sulimov hisobni tenglashtirdi – 3:3.

O‘yin durang bilan yakunlanib, qo‘shimcha vaqt belgilandi. Unda Ilya Klyauzov buдlitni aniq amalga oshirib, «Torpedo»ga final yo‘llanmasini taqdim etdi.

Eslatib o‘tamiz, avvalroq futbol...

28-mart kuni noqonuniy daromadlarni legallashtirishga qarshi kurashish bo‘yicha yangi ichki nazorat qoidalari ro‘yxatdan o‘tkazildi. Bu haqda Adliya vazirligi xabar berdi.

Yangi tartibga ko‘ra, endilikda to‘lov xizmatlari va elektron pul tizimlari orqali amalga oshiriladigan yirik pul o‘tkazmalari shaxsiy ma’lumotlar bilan rasmiylashtiriladi.

To‘lov tashkilotlari mobil ilovalarida hisob ochayotgan mijozlarni sinchiklab tekshiradi. Elektron terminal (E-POS)dan foydalanmoqchi bo‘lgan tadbirkorlar ham maxsus tekshiruvdan o‘tadi.

BHMning 30 baravari (11,25 mln so‘m) yoki undan ko‘proq summadagi pul o‘tkazmalari, jo‘natuvchi va oluvchining shaxsiy ma’lumotlari bilan birga amalga oshiriladi. Agar akkauntsiz BHMning 500 baravari (187,5 mln so‘m) yoki undan ortiq miqdor pul o‘tkazilsa, bu holatda ham majburiy tekshiruv...

«Chirchiq» texnoparki Tataristonning «Ximgrad» texnopolisi ko‘magida 2024-yilda ishlab chiqarilgan mahsulotning 53 foizini eksport qildi. Bu haqda TASS nashri ma’lum qildi.

«Loyiha faqat O‘zbekiston ichida emas, balki Markaziy Osiyodagi qo‘shni mamlakatlar uchun ham faoliyat yuritmoqda. Jumladan, Tojikiston, Qirg‘iziston va Qozog‘iston bozorlariga yetib borganmiz. Bizning korxonalar ushbu bozorlarda o‘zlarini qulay his qilmoqda», – dedi «Ximgrad» bosh direktori Ayrat Gizzatullin.

Hozirgi kunda «Chirchiq» texnoparki hududida 19 ta kompaniya faoliyat yuritmoqda, ular kimyo mahsulotlari va qog‘oz ishlab chiqarish bilan shug‘ullanadi. Shulardan to‘rtta kompaniya rezident maqomiga ega.

Ma’lumot uchun, «Chirchiq» texnoparki 2022-yil mart oyining oxirida ochilgan bo‘lib, uning tashkil...

1-aprel kuni qabul qilingan prezident qarori bilan respublikaning 16 ta tuman va shahrini jadal kompleks rivojlantirishning asosiy maqsadlari belgilandi. Bu haqda Adliya vazirligi xabar berdi.

Unga ko‘ra, sanoat ishlab chiqarishi 7–8 foizga, xizmatlar hajmi 15–17 foizga, qishloq xo‘jaligi ishlab chiqarishi esa 4–5 foizga oshiriladi. Ishsizlik darajasi 4–5 foizga, kambag‘allik esa 5–6 foizga kamaytiriladi. Qo‘ng‘irot, Asaka, G‘allaorol, Denov tumanlari va Marg‘ilon shahri ishsizlik va kambag‘allikdan xoli hududlarga aylantiriladi.

Shu yilning 1-iyuligacha 10-yildan ortiq vaqt oldin ishlab chiqilgan bosh rejalarni yangilanib, shahar markazlarini 3 zonaga: renovatsiya, rekonstruksiya va konservatsiyaga ajratiladi. Jarayonlarda aholi va tadbirkorlar takliflari inobatga olinadi.

Ushbu master reja loyihalari...

3-aprel kuni Saudiya Arabistonining Taif shahridagi Okaz stadionida bo‘lib o‘tgan «U-17» Osiyo kubogi guruh bosqichi doirasida O‘zbekiston o‘smirlar terma jamoasi tailandlik tengqurlarini 4:1 hisobida mag‘lub etdi.

O‘zbekiston jamoasi o‘yinning dastlabki daqiqalaridanoq ustunlikni qo‘lga kiritdi. 2-daqiqada Sayfiddin Sodiqov uzatmasidan foydalangan holda Sadriddin Xasanov hisobni ochdi. 13-daqiqada yana Sodiqov assistentligida Nurbek Sarsenbayev ikkinchi golni kiritdi.

Tailand jamoasi 40-daqiqada Natthakit Phosri tomonidan amalga oshirilgan uzatma natijasida Silva Mexesning goli bilan javob qaytardi va hisobni 2:1 ko‘rinishiga keltirdi.

Ikkinchi bo‘limda O‘zbekiston jamoasi o‘z ustunligini mustahkamladi. 80-daqiqada Asilbek Aliev uchinchi golni kiritdi. 85-daqiqada esa Azizbek Erimbetovning uzatmasidan so‘ng Abubakir Shukurullaev hisobni 4:1 ko‘rinishiga keltirdi.