Yangiliklar

AQSh prezidenti Donald Tramp dunyoning ko‘plab mamlakatlariga nisbatan bojxona tariflarini joriy etishini e’lon qildi. Bu qaror global savdo urushini keltirib chiqarishi mumkin, deya yozmoqda Reuters.

«Biz juda erta bosqichdamiz, ammo bu jiddiy global savdo urushiga aylanib ketishi mumkin», – deydi Mercer Advisors bosh investitsiya direktori Don Kalkagni.

Investorlar Trampning bu harakati korporativ daromadlarga zarba berishi va inflyatsiyani oshirishi mumkinligidan xavotirda.

Tahlilchilarning ta’kidlashicha, tariflarning kiritilishi iqtisodiy o‘sishning sekinlashishiga olib kelmoqda.

Infrastructure Capital Advisors bosh direktori Jey Xetfild esa bu qarorni bozor uchun eng yomon ssenariy deb atadi va Trampning ushbu qadami AQSh iqtisodiyotini retsessiyaga olib...

Oʻzbekistonda besh gramm oltin narxi uchinchi kun ketma-ket oshdi. 3-mart kuni uning qiymati birinchi marta 6,75 mln soʻmga yetdi. Bu haqda Markaziy bank matbuot xizmati xabar berdi.

Bundan tashqari, 10 grammli oltin quymasining narxi 13,5 mln soʻmgacha koʻtarildi, 20 grammli quymaning bahosi esa 27 mln soʻmga yetdi.

Shuningdek, regulyator 50 va 100 grammli quymalar uchun narxlarni yangiladi – ular mos ravishda 67,5 mln soʻm va 135,1 mln soʻmni tashkil etmoqda.

UBS banki tahlilchilariga koʻra, joriy yil oxiriga qadar oltin narxi xalqaro bozorda $3,2 mingga yetishi mumkin.

Eslatib oʻtamiz, Kursiv Uzbekistan nashri Tramp joriy qilayotgan bojlar jahon miqyosida oltin narxini...

Samsung oʻzining ultra yupqa smartfoni Galaxy S25 Edge’ning taqdimot sanasini noma’lum muddatga qoldirdi. Bu haqda Sammobile nashri xabar bermoqda.

Kompaniya ma’lumotiga koʻra, kechikish sifat bilan bogʻliq emas. Samsung kompaniyasi bosh direktori Chung Xi Xanning yaqinda vafot etgani sababli qurilmani ishga tushirish jadvalini oʻzgartirgan.

Galaxy S25 Edge’ning taqdimot sanasi 15-aprelga rejalashtirilgan edi. Endi bu smartfon keng omma e’tiboriga may yoki iyun oyida taqdim etiladi.

Smartfon 6,7 dyuymli Dynamic AMOLED 2X ekrani, Snapdragon 8 Elite SoC, 200 va 12 MP sensorli kamera, 12 megapikselli old kamera va 3900 mA/soat akkumulyator bilan ta’minlangan. Qurilmaning qalinligi 5,8 mm boʻladi. 256 Gb flesh-xotiraga ega...

Janubiy Koreyaning Pusan ​​shahridagi oʻzbekistonlik talabalar sanoat korxonalarida ishlashga jalb qilinadi. Bu haqda Yonhap axborot agentligi xabar bermoqda.

Pusan ​​Janubiy Koreyaga xorijiy ishchilarni jalb qilish dasturiga qoʻshildi. Hozirda shahar hokimiyati talabalarga viza berish talablari ustida ishlamoqda.

Oliy oʻquv yurtlari talabalarini oʻz ta’lim muassasalarining tavsiyalari asosida yarimoʻtkazgichlar va akkumulyatorlar ishlab chiqarishga ishga qabul qilish rejalashtirilgan.

Bu 2027-yilga borib sanoatga ming nafar chet ellik talabani jalb qilishi kutilmoqda.

Eslatib oʻtamiz, Kursiv Uzbekistan Janubiy Koreyaning Hyundai kemasozlik kompaniyasi ishga taklif qilishi haqida yozgan edi.

Shu yilning 2-aprel kuni «O‘zaviatsiya» agentligi tomonidan Oman Air aviakompaniyasiga muntazam aviaqatnovlarni amalga oshirish uchun ruxsatnoma berildi. Bu haqda aviatsiya matbuot xizmati xabar berdi.

Aviakompaniya Maskat – Toshkent – Maskat yo‘nalishida harakatlanadi. Parvozlar Boeing-737 samolyotlarida amalga oshirilishi rejalashtirilgan.

Ushbu qaror O‘zbekiston va O‘mon Sultonligi o‘rtasidagi havo qatnovi bo‘yicha hukumatlararo bitim asosida qabul qilindi.

Avvalroq Kursiv Uzbekistan SF Airlines aviakompaniyasi 2-aprelda Lanchjou – Toshkent – Lanchjou yo‘nalishida ilk yuk reysini amalga oshirgani haqida yozgandi.

Shuningdek, Qirg‘izistonning Asman Airlines aviakompaniyasi bu yildan boshlab Qozog‘iston va O‘zbekistonga muntazam parvozlarni amalga oshirishni rejalashtirmoqda.

«Barselona» Ispaniya kubogi finaliga yoʻllanmani qoʻlga kiritdi. Kataloniya jamoasi yarimfinal javob bahsida «Atletiko»ni Madridda 1:0 hisobida magʻlub etdi.

Uchrashuvdagi yagona gol 27-daqiqada kiritildi. Lamin Yamalning aniq uzatmasidan soʻng Ferran Torres darvozani ishgʻol qildi. Bu gol ikki oʻyin natijasiga koʻra «Barsa»ga 5:4 hisobida gʻalaba keltirdi.

Shu tariqa Ispaniya kubogi finali muxlislar uchun haqiqiy shiddatli toʻqnashuvga aylanadi. 26-aprel kuni «Real» va «Barselona» titul uchun bahs olib boradi.

Avvalroq Kursiv Uzbekistan «Real» soʻnggi daqiqalarda urilgan gol evaziga finalga yoʻl olgani haqida xabar bergan edi.

Iqtisodiyot va moliya vazirligi tomonidan «Oylikbot» dasturiga muqobil sifatida xavfsiz va qulay bo‘lgan «Moliyachi» axborot tizimi sinov rejimida ishga tushirildi. Bu haqda vazirlik rasmiy sahifasida ma’lum qilindi.

Unga ko‘ra, hozircha foydalanuvchilar ushbu tizim orqali oylik va kasallik varaqasi bo‘yicha to‘lovlar haqidagi ma’lumotlarni ko‘rishlari mumkin. Kelajakda dastur yanada takomillashtiriladi.

Dasturni App Store (iOS) hamda Google Play (Android) orqali yuklab olish mumkin.

Eslatib o‘tamiz, avvalroq Google bolalar uchun Gemini sun’iy intellekt xizmatini ishga tushirishi haqida yozgan edik.

Rossiya prezidenti Vladimir Putin Ukrainadagi urushning hal qiluvchi bosqichida harbiy chaqiruv doirasida 160 ming kishini armiyaga jalb etishga qaror qildi. Bu haqda CNN axborot agentligi ma’lum qildi.

Unga ko‘ra, bu safar chaqiruv 18-yoshdan 30-yoshgacha bo‘lgan erkaklarni qamrab oladi va 15-iyulgacha davom etadi.

Rossiya rasmiylarining ta’kidlashicha, bu harbiy safarbarlik armiyani umumiy kengaytirish rejasining bir qismi bo‘lib, so‘nggi yillarda Rossiya qurolli kuchlari soni 1 mlndan 1,5 mlnga yetkazilgan.

Shu bilan birga, bu chaqiruv Ukrainadagi harbiy vaziyat keskinlashgan bir paytda amalga oshirilmoqda. Rossiya Kiyev kuchlarini to‘xtatish uchun Shimoliy Koreya askarlaridan yordam olmoqda, AQSh esa urushni tugatish bo‘yicha muzokaralarni davom ettirmoqda.

Rossiya qonunlariga...

AQSh prezidenti Donald Tramp dunyoning aksariyat davlatlariga qarshi bojxona to‘lovlarini joriy etishini e’lon qildi. O‘zbekiston uchun ushbu boj stavkasi 10% etib belgilandi.

O‘zbekiston Milliy statistika qo‘mitasi ma’lumotlariga ko‘ra, 2025-yil mart oyining boshiga kelib O‘zbekiston va AQSh o‘rtasidagi savdo hajmi $142,8 mlnni tashkil etdi. 2024-yilda esa bu ko‘rsatkich $881,7 mln bo‘lgan. O‘zbekistonning ulushi $317,4 mlnni, AQShniki esa $564,3 mlnni tashkil qilgan.

Markaziy Osiyo mamlakatlari orasida eng yuqori boj to‘lovi Qozog‘istonga qo‘llanilib, u 27% etib belgilandi. Shuningdek, Ukraina uchun ham 10% miqdorida boj joriy etildi.

Shu bilan birga, Rossiya, Belarus, Meksika, Kanada va Eron ushbu bojxona cheklovlari qo‘llanilgan davlatlar ro‘yxatiga kiritilmadi.

2-aprel kuni Yevropa komissiyasi prezidenti Ursula fon der Lyayen sammitda ishtirok etish uchun mamlakatimizga tashrif buyurdi. Bu haqda bosh vazir matbuot xizmati ma’lum qildi.

Unga ko‘ra, yuqori martabali mehmonni Samarqand xalqaro aeroportida O‘zbekiston bosh vaziri Abdulla Aripov va boshqa rasmiylar kutib oldi.

Qisqa suhbatdan so‘ng Yevropa komissiyasi prezidenti o‘zi uchun ajratilgan qarorgohga yo‘l oldi. Sammit doirasida tomonlar o‘zaro hamkorlikni rivojlantirish masalalarini muhokama qilishlari kutilmoqda.

Ma’lumot uchun, 3–4-aprel kunlari Samarqand shahrida «Markaziy Osiyo – Yevropa Ittifoqi» birinchi sammiti bo‘lib o‘tadi. Ushbu tadbirga Shavkat Mirziyoyev raislik qiladi.

Eslatib o‘tamiz, avvalroq Samarqand YUNESKO bosh konferensiyasiga mezbonlik qilishi haqida yozgan edik.

O‘zbekistonda bugun ob-havo nisbatan iliq bo‘lishi kutilmoqda. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida biroz bulutli osmon kuzatiladi, lekin yog‘ingarchilik bo‘lmaydi. Shamol sharqdan 3-8 m/s tezlikda esib, harorat kechasi 10-12°, kunduzi 25-27° atrofida bo‘ladi.

Qoraqalpog‘iston Respublikasi va Xorazm viloyatida ham havo biroz bulutli bo‘lib, yog‘ingarchilik kuzatilmaydi. Shamol 7-12 m/s, ba’zi joylarda esa 15-20 m/s gacha kuchayishi mumkin. Harorat kechasi 10-15°, kunduzi 27-32° bo‘lishi kutilmoqda.

Navoiy va Buxoro viloyatlarida ham shunga o‘xshash ob-havo kuzatiladi, harorat 27-32° atrofida bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli, yog‘ingarchilik kuzatilmaydi, kechasi 8-13°, kunduzi 23-28° bo‘ladi.

Ilon Mask boshchiligidagi tejamkorlik choralari doirasida AQSh Xalqaro taraqqiyot agentligi (USAID) butunlay yopiladi. Bu haqda Reuters axborot agentligi ma’lum qildi.

Buning natijasida 10 mingdan ortiq mahalliy xodimlar, yuzlab AQSh diplomatlari va fuqarolik xizmatchilari ishdan bo‘shatiladi.

Fevral oyida prezident Donald Tramp USAIDni Davlat departamentiga qo‘shish va uni o‘zining «Amerika birinchi o‘rinda» siyosatiga moslashtirish tashabbusini ilgari surgan edi.

Ushbu qaror 60 yildan beri dunyo bo‘ylab gumanitar yordam va rivojlanish dasturlarini amalga oshirib kelgan agentlikning tugatilishini anglatadi. USAID dasturlari Ukrainadan tortib G‘azo sektorigacha bo‘lgan hududlarda millionlab odamlarga yordam berayotgan edi.

Iyul oyida barcha dasturlar tugatilishi rejalashtirilgan bo‘lib, xodimlarga ishdan bo‘shatilish haqidagi bildirishnomalar...

Xitoyning BYD kompaniyasi 2025-yilning birinchi choragida avtomobil savdosini 60% ga oshirib, Tesla bilan raqobatda ustunlik qozondi. Bu haqda CNN axborot agentligi ma’lum qildi.

Unga ko‘ra, BYD ushbu davrda 1 mlndan ortiq yangi energiya avtomobillarini sotdi. Shundan 416 ming donasi sof elektr mashinalardir. Kompaniya xalqaro bozorga chiqish harakatlarini jadallashtirib, yangi zavodlar qurmoqda. BYD o‘tgan yili $107 mlrd daromad oldi, Tesla esa $97,7 mlrd bilan ortda qoldi. Tesla savdolari Yevropada 40% ga kamaydi.

Mart oyida BYD Tesla’dan tezkor quvvatlash texnologiyasi va avtonom boshqaruv tizimi bilan ustunlik ko‘rsatdi. Ushbu kompaniya Xitoyda 27% bozor ulushiga ega bo‘lib, Tesla esa 4% ulush bilan oltinchi...

Parijdagi YUNESKO bosh qarorgohida O‘zbekiston hukumati va YUNESKO o‘rtasida kelishuv imzolandi. Bu haqda O‘zR prezidenti yordamchisi Saida Mirziyoyeva o‘z Telegram kanalida ma’lum qildi.

Unga ko‘ra, Samarqand rasman Bosh konferensiyaning 43-sessiyasi mezboni bo‘ldi.

Bu tarixiy voqea bo‘lib, so‘nggi 40 yil ichida ilk bor konferensiya Parijdan tashqarida o‘tkaziladi. Bu O‘zbekistonning xalq diplomatiyasi, madaniy merosi va ochiqligiga berilgan yuksak bahodir.

Biz madaniyat va san’at vositasida mamlakatimizni xalqaro maydonda targ‘ib etmoqdamiz, dunyo ahliga yanada yaqinlashtirmoqdamiz. Bu aloqalar bevosita iqtisodiy natijalarga ulanib, qo‘shma loyihalar va umumiy g‘oyalarga aylanmoqda, deydi Saida Mirziyoyeva.

Eslatib o‘tamiz, avvalroq O‘zbekiston madaniyat vakili Fransiyaning «San’at...

2-aprel kuni hukumat tomonidan yo‘lovchi tashish faoliyatini tartibga solish bo‘yicha yangi qaror qabul qilindi. Bu haqda Adliya vazirligi ma’lum qildi.

Unga ko‘ra, yuridik shaxslarga tegishli taksilar aeroport va vokzallar yaqinida to‘xtash, maxsus yo‘laklardan foydalanish hamda ayrim pulli hududlarga bepul kirish huquqiga ega bo‘ldi.

2025-yil 15-apreldan boshlab, Toshkent shahrida tajriba tariqasida haydovchidan tashqari 4 – 8 o‘rindiqli avtomobillar orqali o‘zini o‘zi band qilgan shaxslarning taksi faoliyatiga ruxsat beriladi. Bunday tashuvchilarga maxsus litsenziya berilib, davlat boji BHMning 3 barobari (1,125 mln so‘m) miqdorida undiriladi.

Eslatib o‘tamiz, avvalroq Xitoy havo taksi reyslariga ruxsat bergan edi.

Yevropa Ittifoqi fuqarolari Buyuk Britaniyaga kirish uchun Elektron sayohat ruxsatnomasi olishi kerak bo‘ladi. Bu tizim AQShning ESTA tizimiga o‘xshash bo‘lib, sayohat oldidan onlayn ro‘yxatdan o‘tishni talab qiladi, deya xabar bermoqda CNN.

Unga ko‘ra, ETA ikki yil davomida amal qiladi va 10 funt sterling (167 ming so‘mga teng) turadi, 9-apreldan esa to‘lov 16 funtga (268 ming so‘mga teng) oshadi. Hattoki Buyuk Britaniya orqali tranzit o‘tadigan sayohatchilar ham ushbu ruxsatnomani olishlari kerak.

Bu tizim viza emas, balki vizadan ozod qilish tizimi bo‘lib, vizaga ehtiyoj sezmaydigan sayohatchilar uchun amal qiladi. Yevropaga kirish uchun esa alohida ETIAS (European Travel Information and Authorization System...

2-aprel kuni Samarqandda Investitsiyalar, sanoat va savdo vaziri Laziz Kudratov «Air Products and Chemicals Inc» bosh ijrochi direktori Eduardo Menezes bilan uchrashdi. Bu haqda vazirlik rasmiy sahifasida ma’lum qilindi.

Unga ko‘ra, tomonlar O‘zbekistonda amalga oshirilayotgan va istiqbolli investitsiya loyihalarini muhokama qildilar. 2019-yildan buyon kompaniya mamlakatimizda $1,15 mlrdlik Farg‘onada vodorod va «Navoiyazot»da karbonat angidrid ishlab chiqarish kabi uchta yirik loyihani amalga oshirdi.

Hozirda Buxoroda $200 mlnlik kislorod va azot ishlab chiqarish loyihasi amalga oshirilmoqda. Shuningdek, uglerodni saqlash, aviatsiya yoqilg‘isi ishlab chiqarish va ko‘mirni gazlashtirish bo‘yicha yangi tashabbuslar ko‘rib chiqilmoqda.

Uchrashuv yakunida tomonlar hamkorlikni chuqurlashtirish va yangi loyihalarni amalga oshirishga...

Bugun, 2-aprel kuni Shavkat Mirziyoyev «Markaziy Osiyo – Yevropa Ittifoqi» birinchi sammiti tadbirlarida ishtirok etish uchun Samarqandga keldi. Bu haqda prezident matbuot xizmati xabar qildi.

Shuningdek, prezident bugun Yevropa kengashi prezidenti Antoniu Koshta bilan norasmiy uchrashuv olib boradi.

Ertaga, 3-aprel kuni sammitda ishtirok etadigan delegatsiyalar rahbarlari bilan ham qator ikki tomonlama muzokaralar o‘tkazilishi rejalashtirilmoqda. Sammitning ikkinchi kunida Markaziy Osiyo davlatlari va Yevropa Ittifoqining asosiy institutlari rahbarlari ishtirokida ko‘p tomonlama tadbirlar o‘tkaziladi.

Avvalroq Kursiv Uzbekistan Yevropa kengashi prezidenti Samarqandda kelgani haqida yozgandi.

Yevropa kengashi prezidenti Antoniu Koshta Samarqand xalqaro aeroportida O‘zbekiston Respublikasi Bosh vaziri Abdulla Aripov va boshqa rasmiylar tomonidan kutib...

Samsung korporatsiyasi o‘z gadjetlarida qattiq jismli akkumulyatorlardan foydalanishni boshlaydi. Bu haqda Koreyaning Money Today nashri xabar berdi.

2025-yil oxirida chiqarilishi rejalashtirilgan Galaxy Ring 2 aqlli uzuk birinchi marta qattiq holatdagi akkumulyatordan foydalanadi. Xabar qilinishicha, bunday batareya odatdagidan ko‘ra ko‘proq zichlikka ega, shuning uchun aqlli uzukning avtonom ishlash muddati oshishi mumkin.

Hisobotga ko‘ra, «qattiq elektrolitlar» asosidagi yangi akkumulyator oddiy batareyaga qaraganda xavfsizroq bo‘lib, yonish xavfi kamroq. Samsung ushbu texnologiyani Dream Battery («Orzular batareyasi») deb atagan va uni avvalo aqlli uzuk hamda soatlarga joriy etishni rejalashtirmoqda.

Biroq uning asosiy kamchiligi – yuqori narx. Money Today ekspertlari Galaxy Ring’ga bo‘lgan past qiziqish...

SF Airlines aviakompaniyasi 2-aprelda Lanchjou – Toshkent – Lanchjou yo‘nalishida ilk yuk reysini amalga oshirdi.

Aviakompaniyaning Boeing 757 samolyoti Toshkent xalqaro aeroportiga mahalliy vaqt bilan soat 10:40 da qo‘ndi. An’anaga ko‘ra, samolyot suv arkasi bilan kutib olindi.

Dastlabki bosqichda reyslar haftasiga ikki marta amalga oshirilishi rejalashtirilgan bo‘lib, kelajakda parvozlar soni oshirilishi kutilmoqda. Yuk tashish jarayoni Boeing 757 samolyotlari yordamida amalga oshiriladi.

Ma’lumot uchun, SF Airlines Xitoyning yetakchi yuk aviakompaniyalaridan biri bo‘lib, uning shtab-kvartirasi Shenchjenda (Guangdong, Xitoy) joylashgan. 2005-yilda tashkil etilgan aviakompaniya Xitoyning eng yirik logistika guruhlaridan biri SF Holding Company Limited tarkibiga kiradi.

Avvalroq Kursiv Uzbekistan China Southern Airlines...

Rossiya Federal sud ijrochilari xizmati 2024-yilda 88 ming noqonuniy migrantni deportatsiya qilgan. Bu haqda Rossiya Sud ijrochilari federal xizmati (SIFX) rahbari Dmitriy Aristov senat yigʻilishida ma’lum qilgan.

Shuningdek, u 2023-yilda 60 ta davlatga jami 44 ming migrant majburan chiqarib yuborilganini ta’kidladi.

Shu bilan birga, Aristov Sud ijrochilari federal xizmati xodimlari sud qaroriga binoan noqonuniy migrantlar, chet el fuqarolari va fuqaroligi bo‘lmagan shaxslarni Rossiya hududidan chiqarib yuborishini eslatib o‘tdi.

Eslatib oʻtamiz, Kursiv Uzbekistan Rossiyada raqamli migrant profili joriy etilishi haqida yozgan edi.

Aholining ijtimoiy himoyaga muhtoj qatlamlari boʻlgan 300 ta mahallada kichik quyosh elektr stansiyalari oʻrnatish rejalashtirilgan. Bu haqda Adliya vazirligi prezident qaroriga tayanib xabar bermoqda.

Ushbu chora 45 mln kub metr gazni tejash imkonini beradi. Shuningdek, yashil iqtisodiyotga oʻtishni jadallashtirish maqsadida joriy yilda qayta tiklanadigan energiya manbalarini oʻrnatish texnologiyalarni joriy etish dasturini tasdiqlash rejalashtirilgan.

Budjet tashkilotlarida energiya tejovchi uskunalarni oʻrnatishni kengaytirish rejalashtirilgan.

Rejaga koʻra, umumiy quvvati 700 MVt dan ortiq boʻlgan quyosh panellari orqali 1,6 milliard kVt/soat quyosh energiyasini tejash koʻzda tutilgan.

Eslatib oʻtamiz, Kursiv Uzbekistan Energiya samaradorligi milliy agentligi tashkil etilishi haqida yozgan edi.

Oʻzbekistonning birinchi fuqarolari oʻzboshimchalik bilan egallangan yer uchastkalariga boʻlgan huquqlarini roʻyxatga oldi. Bu haqda Kadastr agentligi xabar qildi.

Noqonuniy tortib olishni qonuniylashtirish jarayoni 2024-yilning noyabr oyida boshlangan. U 2028-yil boshigacha davom etadi. Qonunga koʻra, oʻzbekistonliklar noqonuniy egallab olingan yerlar va ularda qurilgan binolarga boʻlgan huquqlarni roʻyxatdan oʻtkazishlari mumkin.

Qonuniylashtirish uchun yerning maksimal maydoni va huquqlarni roʻyxatdan oʻtkazish uchun yigʻim miqdori mintaqaga va noqonuniy olib qoʻyilgan vaqtga bogʻliq.

Agar shaxs 1998-yil 1-iyulgacha yer uchastkasini egallab olgan boʻlsa, u 0,24 gektargacha boʻlgan egalik huquqini roʻyxatdan oʻtkazishi mumkin. 1998-yildan 2018-yilgacha noqonuniy olib qoʻyish uchun maksimal yer uchastkasi 0,12 gektar bilan cheklangan. Toshkent...

3-apreldan AQSh dollarining rasmiy kursi 10,20 so‘mga tushib, 12 915, 00 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 865 – 12 915 so‘mdan sotib olayotgan bo‘lsa, 12 930 – 12 985 so‘m oralig‘ida sotmoqda.

Shu bilan birga, yevro 25,24 so‘mga oshib, 13 957,24 so‘mga yetdi. Rossiya rubli esa 0,97 so‘mga oshib, 153,55 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.