Yangiliklar

O‘zbekiston mustaqilligining 34 yilligi munosabati bilan 50 dan ziyod davlat rahbarlari, yetakchilar va vazirlar Shavkat Mirziyoyevga tabrik xati yo‘lladi. Bu haqda prezident matbuot xizmati xabar berdi.

«Ishonchim komilki, biz bundan buyon ham Rossiya bilan O‘zbekiston o‘rtasidagi o‘zaro manfaatli aloqalarni barcha yo‘nalishlarda har tomonlama rivojlantiramiz. Bu do‘st xalqlarimiz manfaatlariga, Markaziy Osiyoda xavfsizlik va barqarorlikni mustahkamlash maqsadlariga to‘la mos keladi», degan Vladimir Putin maktubida.

«Sizning rahbarligingizda O‘zbekiston iqtisodiyoti jadal rivojlanmoqda, xalqning turmush darajasi yuksalmoqda, mamlakat dadil qadamlar bilan strategik maqsad – Yangi O‘zbekistonni barpo etish sari bormoqda. Bu do‘st va qo‘shni, har...

Telegram messenjerida foydalanuvchi statusiga musiqa qo‘shish imkoniyati paydo bo‘ldi. Shuningdek, foydalanuvchilar asosiy profil oynasini tanlash, kolleksion sovg‘alarga asoslangan chat mavzularidan foydalanish va hattoki do‘stlarning sovg‘alarini yaxshilash imkoniyatiga ega bo‘lishadi.

Profilga musiqa qo‘shish

Endi chatlarda eshitgan qo‘shiqlarni bir tugma orqali profilga joylash mumkin. Ular profil rasmining ostida maxsus panelda ko‘rinadi va avtomatik tarzda shaxsiy pleylistni shakllantiradi.

Android uchun yangi profil dizayni

Konkurs asosida ishlab chiqilgan yangilangan interfeys endi Android foydalanuvchilariga ham taqdim etildi. Unda iOS dagi kabi yumshoq skroll animatsiyalari mavjud.

Asosiy profil oynasini tanlash

Foydalanuvchi profiliga kirilganda birinchi ko‘rinadigan bo‘limni o‘zingiz belgilashingiz mumkin. Masalan, saqlangan hikoyalarni...

31-avgust kuni «Amex» stadionida bo‘lib o‘tgan uchrashuvda «Brayton» 2:1 hisobida «Manchester Siti» ustidan irodali g‘alaba qozondi. Bu haqda NBC Sport nashri ma’lum qildi.

Uchrashuvning 34-daqiqasida Erling Holand hisobni ochdi. Ikkinchi bo‘limda esa «Brayton» tashabbusni o‘z qo‘liga olib, Jeyms Milner 67-daqiqada penalti orqali hisobni tenglashtirdi. 89-daqiqada zaxiradan maydonga tushgan Brajan Gruda g‘alaba to‘pini urdi.

O‘zbekistonlik himoyachi Abduqodir Xusanov «Manchester Siti» safida asosiy tarkibda maydonga tushib, to‘liq o‘yin o‘tkazdi. U bir necha xavfli hujumlarni to‘xtatishda faol ishtirok etdi, biroq ikkinchi bo‘limda «Brayton» tezkor hujumlarda ustunlikni qo‘lga oldi.

Natijada «Brayton» uch o‘yindan so‘ng 4 ochko jamg‘ardi, «Manchester Siti» esa 3 ochko bilan...

Shavkat Mirziyoyev rafiqasi bilan birga Tyanszin shahridagi «Meyszyan» kongress markazida Shanxay hamkorlik tashkiloti sammitining norasmiy tadbirlarida qatnashdi. Bu haqda davlat rahbari matbuot xizmati ma’lum qildi.

Tadbirda Xitoy raisi Si Szinpin, Rossiya prezidenti Vladimir Putin, Belarus prezidenti Aleksandr Lukashenko, Hindiston bosh vaziri Narendra Modi, Pokiston bosh vaziri Shahboz Sharif, Eron prezidenti Mas’ud Pezeshkiyon, Qozog‘iston prezidenti Qosim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkiya prezidenti Rajab Toyyib Erdog‘an, Turkmaniston prezidenti Serdar Berdimuhamedov, Ozarbayjon prezidenti Ilhom Aliyev, Mo‘g‘uliston prezidenti Uxnaagiyn Xurelsux hamda boshqa davlatlar rahbarlari va BMT Bosh kotibi Antoniu Guterrish ishtirok etdi.

Prezident va rafiqasini Xitoy raisi Si...

iTel kompaniyasi yangi Super 26 Ultra smartfonini rasmiy ravishda taqdim etdi. Qurilma sentyabr o‘rtalaridan boshlab sotuvga chiqarilishi rejalashtirilgan, deya xabar bermoqda Gizmochina.

Yangi model 6-nanometrlik Unisoc T7300 protsessori asosida ishlaydi hamda IceCool Tech nomli 10 qatlamli sovitish tizimi bilan jihozlangan. Smartfon 6,78 dyuymli egri 3D AMOLED displeyga ega bo‘lib, u 1,5K aniqlik va 144 Gts yangilanish tezligini ta’minlaydi. Ekran Corning Gorilla Glass 7i himoya oynasi bilan mustahkamlangan. Ishlab chiqaruvchi qurilmaning kamida olti yil davomida barqaror ishlashini kafolatlamoqda.

Super 26 Ultra 6000 mA·soat sig‘imli akkumulyator bilan ta’minlangan bo‘lib, korpus qalinligi atigi 6,8 millimetrni tashkil etadi. Smartfon IP65 darajasida namlik va...

Toshkentdagi Zahiriddin Muhammad Bobur nomidagi Markaziy Ekoparkda O‘zbekiston Skvosh va Padel federatsiyasining tantanali ochilish marosimi bo‘lib o‘tdi. Bu haqda Olimpiya qo‘mitasi ma’lum qildi.

Tadbirda Sport vazirligi, Milliy olimpiya qo‘mitasi vakillari, Qatarning O‘zbekistondagi elchisi Hasan Hamza Hashim, xalqaro sport vakili Vlad Marinesku va sport ixlosmandlari ishtirok etdi. Marosimda federatsiya faoliyati boshlanishi munosabati bilan tabriklar bildirilib, skvosh va padelning jadal ommalashib borayotgani ta’kidlandi.

Ma’lumot uchun, skvosh 2026-yilgi Osiyo o‘yinlari hamda 2028-yilgi Olimpiya o‘yinlari dasturiga kiritilgan.

Eslatib o‘tamiz, avvalroq Yangi O‘zbekiston ko‘chasidagi yerosti avtomobil yo‘li ochilgani haqida yozgan edik.

Shimoliy Koreya rahbari Kim Chen In Rossiya uchun Ukraina urushida halok bo‘lgan shimoliy koreyalik askarlarning oilalariga go‘zal hayot va’da qildi. Bu haqda Reuters ma’lum qildi.

KCNA xabariga ko‘ra, Kim ularni qabul qilish chog‘ida shahidlar mamlakat sharafi uchun jon fido qilganini ta’kidladi hamda ularning ota-onasi, rafiqalari va farzandlarini «dunyodagi eng vatanparvar insonlar» deb atadi.

Davlat televideniyesi Kimning marhum askarlar oilalari oldida ta’zim qilganini namoyish etdi. Shuningdek, «Kurskni ozod qilish operatsiyasi» nomli hujjatli filmda shimoliy koreyalik askarlarning Rossiyada jang qilgani ko‘rsatildi.

Janubiy Koreya razvedkasining ma’lumotiga ko‘ra, Rossiya hududiga yuborilgan 15 ming askardan qariyb 600 nafari halok bo‘lgan.

Eslatib o‘tamiz, avvalroq Kim...

Qishloq xo‘jaligi vazirligi ijtimoiy tarmoqlarda tarqalgan «paxta terimi uchun 1 kg – 1 800 so‘m» haqidagi xabarni rad etdi. Bu haqda vazirlik rasmiy sahifasida ma’lum qilindi.

Rasmiy ma’lumotga ko‘ra, joriy yilda:

Bundan tashqari, Davlat budjeti hisobidan paxta yetishtiruvchilarga har 1 kg uchun 1 000 so‘m subsidiya ajratiladi.

Vazirlik axborotni faqat rasmiy manbalarga asoslanib olishga chaqirdi hamda noto‘g‘ri ma’lumot tarqatish qonuniy javobgarlikka sabab bo‘lishi mumkinligini eslatdi.

Eslatib o‘tamiz, avvalroq Surxondaryoda paxta yig‘im-terimi boshlangani haqida xabar...

2025/2026-o‘quv yili uchun davlat oliy ta’lim tashkilotlarining magistratura mutaxassisliklariga qabul natijalari e’lon qilindi. Bu haqda Oliy ta’lim, fan va innovatsiyalar vazirligi ma’lum qildi.

Abituriyentlarning arizalari my.edu.uz elektron tizimi orqali to‘liq ko‘rib chiqilgan. Talabgorlar o‘z natijalarini shaxsiy kabinetlari orqali bilib olishlari mumkin.

Eslatib o‘tamiz, avvalroq yangi o‘quv yili uchun O‘zbekiston oliy ta’lim muassasalarining magistratura bosqichiga qabul kvotalari tasdiqlangani haqida xabar bergan edik.

Ilon Maskning sun’iy intellekt bo‘yicha startapi xAI sobiq muhandis Xuechen Lini kompaniya sirlarini o‘g‘irlab, OpenAI’ga olib o‘tishda ayblab sudga berdi. Bu haqda Reuters ma’lum qildi.

Da’voga ko‘ra, Li o‘tgan yili xAI’da Grok chatboti ustida ishlagan va iyul oyida OpenAI’dan ish taklifini qabul qilgach, maxfiy texnologiyalarni olib chiqqan. Shuningdek, u xAI’dagi $7 mlnlik aksiyalarini sotgan.

Mask kompaniyasi suddan pul kompensatsiyasi va Li’ning OpenAI’da ishlashini cheklashni so‘ramoqda.

Bu voqea Mask asos solgan xAI va OpenAI o‘rtasidagi keskin raqobatni yanada kuchaytirishi kutilmoqda.

Eslatib o‘tamiz, avvalroq Ilon Maskning xAI kompaniyasi Apple va OpenAI’ni sudga bergan edi.

Shavkat Mirziyoyev rafiqasi bilan birga Xitoy raisi Si Szinpinning taklifiga binoan Tyanszin shahriga rasmiy tashrif buyurdi. Bu haqda davlat rahbari matbuot xizmati ma’lum qildi.

Davlatimiz rahbarini «Binxay» xalqaro aeroportida XXR transport vaziri Lyu Vey va boshqa rasmiylar kutib oldi. Oliy martabali mehmonlar sharafiga ikki davlat bayroqlari ko‘tarildi, faxriy qorovul saf tortdi.

Mirziyoyev tashrif doirasida 31-avgust – 1-sentabr kunlari bo‘lib o‘tadigan Shanxay hamkorlik tashkiloti Davlat rahbarlari kengashi yig‘ilishi hamda «SHHT plyus» sammitida ishtirok etadi. U o‘z nutqida ko‘p tomonlama hamkorlikni mustahkamlash va tashkilot faoliyatini takomillashtirish bo‘yicha tashabbuslarni ilgari surishi kutilmoqda.

Eslatib o‘tamiz, avvalroq prezident Islom sivilizatsiyasi markazining yakuniy qurilish ishlari...

30-avgust kuni Toshkentda CAFA Nations Cup – 2025 musobaqasi doirasida O‘zbekiston milliy terma jamoasi ilk uchrashuvini o‘tkazdi. Jamoa asosiy yetakchilarsiz maydonga tushgan o‘yinda O‘mon terma jamoasiga qarshi 1:1 hisobida durang qayd etdi.

Uchrashuvning 4-daqiqasidayoq raqib futbolchisi Al Ravani hisobni ochdi va birinchi bo‘lim mehmonlar ustunligida yakunlandi. Ikkinchi bo‘limning 65-daqiqasida esa yarimhimoyachi Hojimat Erkinov muvozanatni tikladi. Qolgan daqiqalarda imkoniyatlar bo‘lsa-da, hisob o‘zgarmadi.

Turnir 29-avgust — 8-sentabr kunlari Toshkent va Dushanbeda bo‘lib o‘tmoqda. O‘zbekiston milliy jamoasi «A» guruhida Qirg‘iziston, Turkmaniston va O‘mon bilan bahs olib boradi. «B» guruhida esa Tojikiston, Eron, Afg‘oniston va Hindiston kuch sinashmoqda.

Milliy jamoaning barcha uchrashuvlari Toshkentdagi Olimpiya...

Google Pixel 10 smartfonlarida 3 GB operativ xotira faqat sun’iy intellekt funksiyalari uchun ajratiladi. Bu haqda WCCF Tech nashri ma’lum qildi.

Smartfon 12 yoki 16 GB RAM bilan jihozlanadi. Biroq yangi tizim tufayli xotiraning 3 GB qismi faqat SI funksiyalari uchun bloklanadi. Demak, operatsion tizim va odatiy ilovalar ushbu hajmdan foydalana olmaydi. Bu esa shuni anglatadiki, masalan, 12 GB RAMli bazaviy modelda foydalanuvchi ixtiyorida aslida faqat 9 GB xotira qoladi.

Nima uchun bunday qilingan

Google buni SI funksiyalarining tezroq va barqaror ishlashi uchun amalga oshirmoqda. Ajratilgan resurs tufayli SI xizmatlari boshqa ilovalar bilan xotirani bo‘lishishga majbur bo‘lmaydi. Shu sababli sun’iy...

Uzbekistan Airways o‘zining telegram-kanalida 30 avgust kuni bir nechta reyslar uchun parvozlar jadvalini o‘zgartirgani haqida ma’lum qildi. Bunga samolyotlarning kech yetib kelgani sabab bo‘lgan.

HY613 reysining Toshkentdan uchishi 18:30 da, Moskvaning Vnukovo aeroportiga qo‘nishi mahalliy vaqt bilan soat 20:50 da kutilmoqda. Qaytish reysi (HY614) soat 22:10 da, O‘zbekiston Respublikasi poytaxtiga 31 avgust kuni soat 04:05 da qo‘nish rejalashtirilgan.

HY273 (Toshkent – ​​Istanbul) reysi poytaxt aeroportidan soat 20:00 da uchib, Istanbulga 23:20 da qo‘nadi. HY274 reysi Turkiya shahridan 31 avgust kuni soat 00:30 da uchib, Toshkentga 7:00 da qo‘nadi.

Eslatib o‘tamiz, Kursiv Uzbekistan nashri «Toshkent – Sharqiy» xalqaro aeroportiga ilk...

O‘zbekiston prezidenti Shavkat Mirziyoyev 30-avgust kuni Xitoy Xalq Respublikasi raisi Si Szinpin taklifiga binoan rasmiy tashrif bilan Xitoyga jo‘nab ketdi. Bu haqda Prezident matbuot xizmati xabar bermoqda.

Tashrif doirasida davlat rahbari 31-avgust – 1-sentabr kunlari Tyantszin shahrida o‘tadigan Shanxay hamkorlik tashkiloti Davlat rahbarlari kengashi majlisi va «ShHT plus» formatidagi uchrashuvda qatnashadi. Unda tashkilot faoliyatini takomillashtirish, ko‘p qirrali hamkorlikni rivojlantirish masalalari muhokama qilinadi. Shuningdek, Tyantszin deklaratsiyasi va boshqa qator qo‘shma hujjatlar qabul qilinishi rejalashtirilgan.

2-sentabr kuni Pekinda prezident Mirziyoyev Si Szinpin bilan muzokaralar o‘tkazadi. Shuningdek, xorijiy delegatsiyalar rahbarlari hamda Xitoy ishbilarmon doiralari vakillari bilan uchrashuvlari bo‘lib o‘tadi.

3-sentabr kuni esa...

2021-yildan beri Yandex Go haydovchilari va kuryerlari UzAlert bilan hamkorlikda yo‘qolganlarni izlash ishlariga jalb etilmoqda. Kompaniya matbuot xizmati ma’lumotiga ko‘ra, bugungi kunda 27 mingdan ortiq taksi haydovchisi va 2 ming kuryer ushbu tashabbusda ishtirok etmoqda.

Har hafta ularga yo‘qolgan insonlar haqida ma’lumotlar yuboriladi. Haydovchi va kuryerlarning harakatchanligi tufayli ular zarur paytda muhim ma’lumot berishi, yo‘qolgan odamni ko‘rib qolsa, UzAlert koordinatorlariga xabar qilishi mumkin.

Loyihada istalgan haydovchi yoki kuryer ishtirok etishi mumkin. Ular xizmatga ulanganidan ikki hafta o‘tgach, rozilik bildirgan holda Yandex Pro ilovasida alohida chatga qo‘shiladi va shu orqali yo‘qolganlar bo‘yicha ma’lumotlar qabul qilinadi. Hozircha tashabbus O‘zbekistonning 18 shahrida amal...

Geely kompaniyasi Chendu avtosalonida yangilangan Geely Preface avtomobilini namoyish qildi. Model mahalliy bozorda Xingrui Dongfang Yao nomi bilan sotiladi.

Yangi Preface tashqi ko‘rinishda yangilangan radiator panjarasi, torroq faralar va qayta ishlangan bamper bilan ajralib turadi. Model uch xil rangda, jumladan, yashil va ko‘k variantlarda taqdim etilgan.

Avtomobil elektronikasida ham jiddiy yangiliklar bor. U yangi GEEA3.0 arxitekturasiga yangilanishlarni qo‘llab-quvvatlaydi. Infotainment tizimi esa Flyme Auto asosida ishlab, DeepSeek bazasidagi sun’iy intellekt funksiyalari bilan boyitilgan. Shuningdek, mashina Qianli Haohan H3 avtopilot tizimi bilan jihozlangan bo‘lib, 11 ta yuqori aniqlikdagi kamera, 3 ta millimetr diapazonli radar va 12 ta ultratovushli datchikdan foydalanadi.

Texnik...

O‘zbekiston prezidenti Shavkat Mirziyoyev Belarus rahbari Aleksandr Lukashenkoni tug‘ilgan kuni bilan tabrikladi. Bu haqda davlat rahbari matbuot xizmati xabar berdi.

Shu bilan birga, Belarus prezidenti ham o‘zbekistonlik hamkasbini va xalqimizni Mustaqillik bayrami bilan muborakbod etib, mamlakatimizga barqaror taraqqiyot va rivoj tilagan.

«Turli darajalardagi muloqot va almashinuvlar samarali bo‘layotgani mamnuniyat bilan qayd etildi. Tovar ayirboshlash hajmi yil boshidan buyon 30 foizga oshdi. Yetakchi korxonalarning qishloq xo‘jaligi, elektrotexnika, mashinasozlik, to‘qimachilik va boshqa tarmoqlardagi kooperatsiya loyihalari amalga oshirilmoqda. Parlamentlararo, ishbilarmonlik va madaniy-gumanitar aloqalar faol rivojlanmoqda», – deyiladi prezident matbuot xizmati bayonotida.

Ikki davlat rahbari, shuningdek, yaqin kelajakda...

Chengdu avtosalonida Jetour brendining yangi Jetour Zongheng G700 avtomobili oldindan buyurtmaga chiqarildi. Bu haqda CarNewsChina xabar bermoqda. Rasmiy narx hozircha e’lon qilinmagan.

Zongheng — Jetour’ning yangi off-road seriyasi bo‘lib, G700 klassik kvadrat dizayn, tashqi zaxira g‘ildirak va old hamda orqa bamperlarda tortish ilgaklari bilan taqdim etildi.

Jetour Zongheng G700 kattaligi bilan to‘liq hajmli SUV hisoblanadi. Uning uzunligi 5198 mm, kengligi 2050 mm, balandligi esa 1956 mm bo‘lib, g‘ildirak bazasi 2870 mm ni tashkil etadi.

Avtomobil 320 mm balandlikdagi klirensga ega. Mashinaning suvdan o‘tish imkoniyati ham juda yuqori — u 970 mm chuqurlikdagi suvni bosib o‘ta oladi. Shuningdek, maxsus himoyalangan...

Banklar 30-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi. 

Samsung yangi Samsung Galaxy A17 5G smartfonini namoyish qildi. Model Galaxy A07’dan yuqori turadi va yaxshilangan imkoniyatlar bilan ajralib turadi.

Yangi qurilma 6,7 dyuymli Super AMOLED displey bilan jihozlangan bo‘lib, FHD+ aniqlik, 90 Hz yangilanish chastotasi va Corning Gorilla Glass Victus himoya oynasini taklif etadi. Old kamerasi 13 MP. Asosiy kamerasi uch moduldan iborat. 50 MP asosiy, 5 MP ultra keng burchak va 2 MP makro modulga ega.

Smartfon 5000 mA/soat sig‘imli batareya va 25 Vt tezkor zaryadlash imkoniyatiga ega. Qurilma Android 15 asosidagi OneUI 7 tizimida ishlaydi.

Samsung unga 6 yil davomida Android va xavfsizlik yangilanishlarini taqdim etishini...

Mustaqillik bayrami tantanalari doirasida Su-25 hujumchi samolyotlari «Yangi O‘zbekiston» bog‘i osmonidan parvoz qilib, havoni bayroq ranglariga bo‘yadi. Parvoz Prezident Shavkat Mirziyoyev nutqidan so‘ng amalga oshirildi.

Bunday sahna joriy yilda ham tomoshabinlarga katta taassurot qoldirdi. O‘tgan yilgi marosimda samolyotlar faqatgina parvoz qilgan bo‘lsa, bu safar ular maxsus manevrlar orqali osmonni ranglarga burkagan.

Uzbekistan Air Force Telegram-kanalida uchuvchilarning parvozga tayyorgarlik jarayonidan ham lavhalar e’lon qilindi.

Ma’lumot uchun, Su-25 samolyoti 1981-yilda Sovet armiyasi qurollanishiga kiritilgan bo‘lib, u har qanday ob-havoda jangovar harakatlarni olib borish, qo‘shinlarni qo‘llab-quvvatlash va zirhli texnikani yo‘q qilish uchun mo‘ljallangan.

Eslatib o‘tamiz, Kursiv Uzbekistan nashri 29-avgust kuni «Yangi O‘zbekiston...

Toshkent shahridagi barcha umumta’lim maktablarining 10 – 11-sinf xonalariga maxsus kamera o‘rnatilishi hamda «Smart School» elektron dasturi joriy etilishi belgilandi. Bu haqda shahar hokimining qarorida keltirilgan.

Qarorga ko‘ra, loyiha orqali yuqori sinf o‘quvchilarining davomatini kuzatish, fanlarga qiziqishlarini o‘rganish va ta’lim sifatini baholash maqsad qilingan. Shuningdek, sun’iy intellekt yordamida o‘quvchilarning ruhiy holati aniqlanadi, o‘qituvchilarning pedagogik salohiyati baholanadi.

Dastlabki bosqichda loyiha Olmazor tumanidagi 31 ta maktabning 250 ta sinfida sinov tariqasida yo‘lga qo‘yiladi. Maxsus kameralar tuman mahalliy budjeti mablag‘lari hisobidan o‘rnatiladi.

Qaror ijrosini nazorat qilish Toshkent shahar hokimining o‘rinbosari D. Rahimova zimmasiga yuklatilgan.

Eslatib o‘tamiz, Kursiv Uzbekistan nashri Toshkentdagi ayrim maktablarda...

Samsung Galaxy S26 smartfonlari avvalgilariga qaraganda yupqaroq bo‘ladi. SammyGuru ma’lumotiga ko‘ra, Samsung yangi Galaxy S26 liniyasi dizaynida korpus qalinligini kamaytiradi.

Galaxy S26 Pro qalinligi 6,7 mm bo‘lib, bu Galaxy S25’dagi 7,2 mm’dan ingichka. Galaxy S26 Edge esa 5,5 mm bo‘ladi. Shu bilan birga, uning akkumulyatori 3900 mA/soatdan 4200 mA/soatgacha oshiriladi. Galaxy S26 Ultra qalinligi esa 7,8 mm bo‘ladi. Bu Galaxy S25 Ultra’dan 0,4 mm yupqaroq.

Yangi Galaxy S26 liniyasi 2026-yil boshida taqdim etilishi kutilmoqda. Ammo avval, 4-sentabr kuni Samsung Galaxy S25 FE, Galaxy Tab S11 va Tab S11 Ultra modellarini rasman namoyish etadi.

Eslatib o‘tamiz, Kursiv Uzbekistan nashri Samsung...