Yangiliklar

6-iyun kuni O‘zbekiston Respublika valyuta birjasida dollarning o‘rtacha tortilgan qiymati 16,06 so‘mga pasaydi va 12 659,97 so‘mni tashkil qildi.

Respublika moliya institutlari dollarni 12 605 – 12 655 so‘mdan xarid qilishmoqda va 12 700 – 12 735 so‘mdan sotishmoqda.

Eslatib o‘tamiz, 5-iyun kuni AQSh valyutasining o‘rtacha narxi 11 so‘mga ko‘tarilgan edi.

Endilikda Rossiya Federatsiyasi, Belarus va O‘zRning kichik va o‘rta biznes subyektlari qo‘shma loyihalar uchun kafolat va nomoliyaviy yordam olish uchun yagona darcha orqali bog‘lanishlari mumkin bo‘ladi. Bu haqda Sankt-Peterburg xalqaro iqtisodiy forumi doirasida mazkur davlatlar tashkilotlari vakillari tomonidan kelishuv imzolandi.

Agar ilgari tadbirkorlar yordam so‘rab faqat milliy institutlarga murojaat qilgan bo‘lsa, endi ular hamkor davlatlarning vakolatli tashkilotlaridan yordam so‘rashlari mumkin. Kelgusida bu kelishuvga Qirg‘iziston va Qozog‘iston ham qo‘shilishi kutilmoqda.

Hujjat tadbirkorlik sohasida tajriba va ilg‘or amaliyot almashish, kichik va o‘rta korxonalarning saralangan loyihalarini qo‘llab-quvvatlash, ularning ta’minot zanjirlariga integratsiyalashuviga ko‘maklashish, KO‘B subyektlarini qo‘llab-quvvatlash bo‘yicha chora-tadbirlarni takomillashtirish va aniq loyihalar bo‘yicha...

Oʻzbekiston prezidentining yordamchisi Saida Mirziyoyeva Jahon savdo tashkilotiga kirish oʻta murakkab jarayon ekanligi haqida gapirdi.

«Maqsad faqat Oʻzbekistonning JSTga a’zo boʻlishigina emas. Hozirgi kunda amalga oshirilayotgan mashaqqatli, ammo juda muhim islohotlar, birinchi navbatda, iqtisodiyotimizni barqarorlashtirish, xalqimiz turmushini yaxshilashga qaratilgan», deydi Saida Mirziyoyeva.

Suningdek, prezident yordamchisi Oʻzbekiston Markaziy Osiyo mintaqasida aholisi eng tez sur’atlarda oʻsayotgan mamlakat sifatida jahonga yangi gʻoyalar, oʻziga xos tajribalar va xizmatlarni taqdim eta olishini ta’kidladi.

Avvalroq «Kursiv» Oʻzbekiston 2026-yilgacha Jahon savdo tashkilotiga a’zo boʻlishga harakat qilishi haqida xabar bergan edi.

Qirgʻiziston Turizm departamenti rahbari Maksat Usubaliyev so‘zlariga ko‘ra davlatga koʻpincha Oʻzbekiston fuqarolari tashrif buyurishadi, deya xabar berdi 24 kg.

Usubaliyevning aytishicha, xorijliklar Qirg‘izistonda 30, 60 yoki 90 kungacha qolishi mumkin.

Shuningdek, uning aniqlik kiritishicha, 2024-yildan Qirgʻiziston va Oʻzbekiston fuqarolari davlat chegarasini xorijiy pasportsiz kesib oʻtish imkoniyatiga ega.

Avvalroq «Kursiv» 2024-yilning yanvar-may oylarida O‘zbekistonga 1,5 million sayyoh tashrif buyurgani haqida yozgan edi.

Jahon banki missiyasining tashrifi doirasida Markaziy bank tomonidan xorijiy davlat qimmatli qogʻozlariga investitsiya kiritildi. Bu haqda regulyator axborot xizmati xabar berdi.

Ma’lum qilinishicha, joriy yilning 27–31-may kunlari Jahon banki Gʻaznachiligi ekspertlarining texnik koʻmak missiyasi boʻlib oʻtdi.

Missiya davomida xalqaro zaxiralarni boshqarishda diversifikatsiyaning ahamiyati, jumladan, xorijiy davlatlar qimmatli qogʻozlarni zaxiralar tarkibiga kiritish, xatarlarni baholash boʻyicha maxsus treninglar oʻtkazildi.

Xususan, qimmatli qogʻozlarga investitsiya kiritishda risklarni boshqarish, savdo va hisob-kitob amaliyotlarini oʻtkazish, buxgalteriya hisobi va komplayens-nazoratni amalga oshirish masalalari yuzasidan malaka oshirildi.

Avvalroq «Kursiv» Oʻzbekistonda muammoli kreditlar ulushi qariyb 5 foizga yetgani haqida xabar bergan edi.

2024-yil may oyida O‘zbekistonda elektr energiyasi va gaz noqonuniy ishlatilishidan ko‘rilgan zarar 5,3 million dollardan (67,8 milliard so‘mdan) oshdi. Bunday qoidabuzarliklar ko‘pincha Navoiy, Surxondaryo va Andijon viloyatlarida qayd etilgan, deb xabar berdi «O‘zenergoinspektsiya».

O‘tgan oy davomida respublikada energiya resurslaridan noqonuniy foydalanish bo‘yicha 971 holat qayd etilgan.

Mamlakatda 39,3 milliard so‘mlik 46 million kilovatt-soat elektr energiyasi va 28,4 milliard so‘mlik 18 ming kub metr tabiiy gaz o‘g‘irlangan.

Avvalroq «Kursiv» O‘zbekistonda energiya resurslarini asossiz isrof qilganlik uchun jarima joriy etilishi mumkinligi haqida yozgan edi.

Germaniya-Oʻzbekiston ishbilarmonlar kengashining 8-yigʻilishi doirasida Oʻzbekistondagi yirik xususiy banklardan biri — «Kapitalbank» va Germaniyaning Commerzbanki oʻrtasida hamkorlik memorandumi imzolandi. Banklar nafaqat moliyaviy mahsulotlarni rivojlantirish, balki qoʻshma tadbirlar tashkil etish, oʻzaro tajriba almashish borasida ham hamkorlik qilishni rejalashtirmoqda.

«Memorandumning imzolanishi xalqaro hamkor tomonidan ishonchni namoyon etadi va xalqaro bozordagi mavqeyimizni mustahkamlaydi. Bu hamkorlik Oʻzbekiston va Germaniya oʻrtasidagi savdo-iqtisodiy munosabatlarni rivojlantirish, shuningdek, “Kapitalbank» innovatsion va oʻsish strategiyasini amalga oshirishda muhim qadam boʻladi. Biz Commerzbank bilan oʻz imkoniyatlarimizni birlashtirib, mijozlarimizga yanada yangi mahsulot va xizmatlarni taklif qila olamiz”, deydi «Kapitalbank» boshqaruvi raisining birinchi oʻrinbosari Sardor Ismoilov.

Bitimning maqsadi Oʻzbekiston Respublikasi...

6-iyun, payshanba kuni Toshkent shahrining Chilonzor tumanida issiq suv o‘chirildi, deb xabar berdi Veolia Energy Tashkent.

O‘chirishning sababi – muammolarni bartaraf etish va ta’mirlash. Ta’minot 22:00 gacha tiklanadi.

Issiq suv Chilonzor, Nafosat, Baynalminal ko‘chalari, 1, 3, 4, 5, 6, 8, 9, 10, 16-kvartallarda, shuningdek, Oqtepa massivida o‘chirilgan.

Avvalroq «Kursiv» aholining taxminan 23 foizi markaziy suv ta’minoti tizimidan foydalana olmasligi haqida yozgan edi.

Amerikalik milliarder va filantrop Bill Geyts 2025-yilda o‘zining «Source Code» memuarini chiqarishni rejalashtirmoqda. Kitob tadbirkorning texnologiya giganti «Microsoft»ga asos solishdan oldingi hayotiga bag‘ishlanadi, dedi Geyts o‘z blogida.

«Keyingi yilning fevral oyida nashr etiladigan «Source Code» nomli yangi kitobimni e’lon qilishdan xursandman. «Bu mening bolaligimdan boshlab kollejni tashlagan vaqtim, Microsoftni Pol Allen bilan birga asos solishga qaror qilganimgacha bo‘lgan ilk yillarim haqidagi xotiralar», deb yozadi Geyts.

Tadbirkor hayotidagi keyingi barcha voqealar uchun asos bo‘lgan «munosabatlar, saboqlar va tajribalar» haqida yozishini aytdi.

Kelajakda Geyts yana ikkita memuar kitobini nashr etmoqchi: Microsoftdagi ishi va xayriya faoliyati haqida.

Avvalroq “Kursiv» Geytsning ushbu yoz...

6-iyun kuni, ertalabdan Humo va Uzcard tizimlarida texnik nosozliklar sabab mobil ilovalar orqali pul oʻtkazish operatsiyalarida muammolar yuzaga keldi, deb xabar bermoqda «Kursiv» muxbiri.

Nima sababdan mobil ilovalar orqali pul oʻtkazish operatsiyalarini amalga oshirib boʻlmayotganiga oydinlik kiritish maqsadida «Kursiv» muxbiri shahar banklardan biriga murojaat qildi.

«Uzcard va Humo toʻlov tizimlarida texnik ishlar olib borilayotgani tufayli kartalardan pul oʻtkazmalari vaqtincha toʻxtatilgan. Qachondan yana ishga tushishi haqida hozircha aniq ma’lumot yoʻq, lekin kun davomida muammolar bartaraf qilinadi», deydi bank xodimi.

Biroq Uzcard va Humo to‘lov tizimlarining rasmiy sahifalarida texnik nosozliklar haqida ogohlantirish bo‘lmagan.

Avvalroq «Kursiv» O‘zbekistonda Uzcard va Humo’da p2p...

Firdavs Abduxalikov Vazirlar Mahkamasi huzuridagi Oʻzbekistondagi Islom sivilizatsiyasi markazi direktori etib tayinlandi.

Abduxalikov tayinlovga qadar Kinematografiya agentligi direktori lavozimida ishlab kelayotgan edi.

Firdavs Abduxoliqov 1963-yilda Samarqand viloyatida tugʻilgan. 1985-yil Samarqand davlat universitetini tamomlagan. Shuningdek, Oliy iqtisodiy ma’lumotga ham ega.

Avvalroq «Kursiv» Sardoba tumaniga yangi hokim tayinlangani haqida xabar bergan edi.

O‘zbekiston prezidenti Shavkat Mirziyoyev «Manfaatlar to‘qnashuvi to‘g‘risida»gi Qonunni imzoladi. U olti oydan keyin kuchga kiradi, deb xabar berdi O‘zA.

Hujjatda «davlat organi xodimi», «davlat organi xodimining yaqin qarindoshlari», «shaxsiy manfaat» va «manfaatlar to‘qnashuvi» kabi tushunchalar huquqiy muomalaga kiritildi.

Hujjat davlat organlari va korxonalarga, shuningdek, davlat ulushi 50 va undan ortiq foizga ega bo‘lgan aksiyadorlik jamiyatlariga nisbatan qo‘llaniladi.

Avvalroq «Kursiv» XVJ O‘zbekistonga manfaatlar to‘qnashuvi to‘g‘risidagi qonun qabul qilishni tavsiya qilgani haqida e’lon qilgan edi.

Temir rudasining jahon bozorlarida narxi Xitoy sanoatchilari tomonidan talabning pastligi tufayli tushib ketdi. Bu haqda «Trading» iqtisod portal xabar bermoqda.

Iyun oyida bir tonna ruda narxi $110 dan pastga tushdi. Shu bilan birga, may oyi boshida tovar $117 ga baholangan edi.

Bozordagi hozirgi vaziyat Xitoydagi koʻchmas mulk inqirozi bilan bogʻliq. Uni bartaraf etish uchun Pekin qurilishni cheklash uchun bir qator choralarni koʻrdi. Bu sanoat bilan bogʻliq mahsulotlarga talabning pasayishiga olib kelmoqda.

Fond bozorida Intel (+2,43%) va Goldman Sachs (+1,23%) qimmatli qogʻozlari narxining oʻsishi kuzatilmoqda.

Avvalroq «Kursiv» 5-iyun kungi bozordagi vaziyat haqida xabar bergan edi.

Birlashgan Millatlar Tashkilotining sanoatni rivojlantirish tashkiloti (UNIDO) O‘zbekistonda to‘qimachilik korxonalarini qo‘llab-quvvatlash loyihasini amalga oshirmoqda, deb xabar berdi Rossiyaning mamlakatimizdagi elchixonasi.

Rossiya tomoni tashabbusda investor sifatida ishtirok etmoqda. Shuningdek, loyihani amalga oshirishda «O‘zto‘qimachiliksanoat» uyushmasi ham ishtirok etmoqda.

Loyiha doirasida ular O‘zbekistondagi to‘qimachilik korxonalari faoliyatiga marketing, dizayn va brendingning zamonaviy usullarini joriy qilmoqchi. Bu kichik va o‘rta biznesning yangi eksport bozorlariga kirishini kengaytirish maqsadida amalga oshirilmoqda.

Rossiya elchixonasining ta’kidlashicha, UNIDO bilan yengil sanoat sohasida qoʻshma loyihalar «ayniqsa samarali» ekanini koʻrsatmoqda.

«Kursiv» O‘zbekistonda eksport qilinadigan to‘qimachilik mahsulotlari va elektr jihozlari narxlari nazorat qilinishini e’lon qilgan edi.

Oʻzbekiston Respublikasi prezidenti Shavkat Mirziyoyev rasmiy tashrif bilan Turkiyaning Anqara shahriga yetib keldi. Davlat rahbari 6-iyun kuni boʻlib oʻtadigan Strategik sheriklik kengashi yigʻilishida ishtirok etadi. Bu haqda prezident matbuot xizmati xabar bermoqda.

Tadbirda Oʻzbekiston va Turkiya oʻrtasidagi siyosat, savdo, ta’lim, madaniyat, transport va sarmoya sohalaridagi hamkorlik muhokama qilinishi kutilmoqda.

Bundan tashqari, davlat rahbarlarining Turkiya va Oʻzbekiston kompaniyalari rahbariyati bilan uchrashuvi rejalashtirilgan.

Anqara aeroportida Shavkat Mirziyoyev va unga hamrohlik qilayotgan rafiqasini Turkiya vitse-prezidenti Javdat Yilmaz kutib oldi.

Avvalroq «Kursiv» Shavkat Mirziyoyev va Turkiya prezidenti Rajab Toyyib Erdoʻgʻon bir-birlarini Ramazon hayiti bilan tabriklagani haqida xabar bergan edi.

Bugun, 6-iyun kuni respublikaning Farg‘ona vodiysi va poytaxtda yog‘ingarchilik kuzatiladi, boshqa hududlarda esa yomg‘ir yog‘maydi. Kunduzi havo harorati 34-39 daraja issiq bo‘ladi, deb xabar bermoqda «Oʻzgidromet».

Toshkent shahrida esa havo biroz bulutli bo‘ladi. Vaqti-vaqti bilan yomg‘ir yog‘ishi ehtimoli bor. Havo harorati 32-34 daraja issiq va kechasi 15-20 daraja iliq bo‘ladi.

Tog‘li hududlarda esa havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi 20-25 daraja iliq va kechasi 7-12 daraja iliq bo‘ladi.

O‘zbekistonning Jizzax viloyatida kichik atom elektr stansiyasining birinchi blokini ishga tushirish 2029-yil oxiriga rejalashtirilgan. Bu haqda «Kursiv»ga «Rosatom» matbuot xizmati xabar berdi.

«Birinchi blokini ishga tushirish 2029-yil oxiriga rejalashtirilgan, biz barcha bloklarni ishga tushirishni 2033-yilda yakunlaymiz, bosqichma-bosqich ishga tushiramiz. Yozning oxiri – sentabr oyining boshida qurilish maydonchasida tadqiqot ishlari, shuningdek, mutaxassislar uchun lager va qurilish uchun infratuzilma qurilishi boshlanadi», deyiladi «Rosatom» matbuot xizmati xabarida.

Eslatib o‘tamiz, AESning umumiy quvvati 330 MVtni tashkil qiladi (har biri 55 MVt quvvatga ega oltita reaktor). «Rosatom» bosh pudratchi sifatida ishlaydi, qurilishda mahalliy kompaniyalar ham ishtirok etadi.

Jizzax viloyatida atom...

2024-yil may oyida BYD deyarli 331,8 mingta yengil avtomobil ishlab chiqardi. Bu haqda kompaniya o‘zining rasmiy sahifalarida ma’lum qildi.

Kompaniyaning aniqlik kiritishicha, ishlab chiqarish umumiy hajmining asosiy qismini yengil avtomobillar tashkil etadi (jami 330,5 mingta). Qolgan 1,3 mingtasi tijorat modellari (shundan 239 tasi yengil avtomobillar va deyarli 1,1 mingtasi boshqa transport vositalari). BYD hisobotida ta’kidlanishicha, o‘tgan yilga nisbatan ishlab chiqarish o‘sishi 38,2 foizni tashkil etdi.

Yengil avtomobillar orasida eng ko‘p ishlab chiqarilgan modellar Ocean and Dynasty seriyasidan (jami 315,2 mingta) bo‘ldi. Ikkinchi o‘rinda Denza (12,2 ming), Fangchengbao (2,4 ming) kuchli uchlikni yopadi.

Eslatib o‘tamiz, 2024-yilning may oyida...

Oʻzbekistonda badiiy tarjima boʻyicha Ogahiy nomidagi xalqaro mukofot ta’sis etiladi. Bu haqda Oʻzbekiston Respublikasi prezidenti Shavkat Mirziyoyevning qarori qabul qilindi.

Xalqaro mukofot uchun tanlovlar 2025-yildan boshlab, har ikki yilda bir marta quyidagi yoʻnalishlarda oʻtkaziladi:

Gʻoliblarning...

Oʻzbekiston Respublikasi qonunchiligiga muvofiq harbiy xizmat vaqti ish stajiga qoʻshib hisoblanadi. Bu haqda Pensiya jamgʻarmasi axborot xizmati xabar berdi.

Ma’lum qilinishicha, safarbarlik chaqirigʻi rezervidagi harbiy xizmat va partizanlar otryadlari va qoʻshilmalarida boʻlish ish stajiga qoʻshib hisoblanadi. Shuningdek, davlat xavfsizligi organlaridagi, OʻzR Milliy gvardiyasida va ichki ishlar organlarida xizmat qilish ham stajga qoʻshiladi.

Agar fuqaroning umuman ish staji mavjud boʻlmasa ham harbiy xizmat qilgan davr ish staji sifatida inobatga olinadi.

Avvalroq «Kursiv» pensiya tayinlashda ish staji boʻyicha muammosiga duch kelmaslik uchun nima qilish kerakligi haqida xabar bergan edi.

«TIME» jurnali Xiaomi kompaniyasini 2024-yilgi «TIME100 eng nufuzli kompaniyalar» roʻyxatiga kiritdi. Bu haqda «Kursiv»ga korporatsiyaning O‘zbekistondagi vakillari ma’lum qildi.

Unga koʻra, «TIME» jurnali 2024-yilning mart oyida Xitoyda «Xiaomi» kompaniyasining ilk «aqlli» elektromobili Xiaomi SU7 seriyasini muvaffaqiyatli ishga tushirilganini qayd etdi. Kompaniya Xiaomi SU7 seriyasi sotuvga chiqarilgandan birinchi oyning oʻzida buyurtmalar va yetkazib berishlar soni bilan sanoatda yangi rekord oʻrnatdi.

Kompaniya kelgusi 15 – 20 yil ichida Xiaomi dunyoning yetakchi beshta avtomobil ishlab chiqaruvchilaridan biriga aylanish va ilgʻor texnologiyalar sohasida yetakchi boʻlishni rejalashtirmoqda.

Ma’lumot uchun, Xiaomi korporatsiyasiga 2010-yil aprelda asos solingan va 2018-yil 9-iyulda «Gonkong» fond birjasining asosiy panelida (1810.HK) roʻyxatdan...

Oʻzbekistondagi toʻqqizta bankda bolalar uchun plastik karta ochirish mumkin. Bu haqda Bankers.uz xabar bermoqda.

Ma’lum qilinishicha, bolalar uchun kartaning aksariyat banklarda KIDS CARD nomi bilan yuritiladi va imkoniyatlari odatiy kartadan farqlanmaydi.

Garant bank

Garant bank UZCARD va HUMO tizimlarida rasmiylashtirish mumkin boʻlgan KIDS CARD bolalar kartalarini taqdim etadi.

Kartaning shartlari:

Ipoteka bank

Mazkur bank bolalar uchun HUMO JUNIOR va UZCARD KIDS kartalarini taklif qilmoqda.

Kartalarning qulayliklari va shartlari :

5-iyun kuni O‘zbekiston Respublika valyuta birjasida dollarning o‘rtacha tortilgan qiymati 11,00 so‘mga o‘sdi va 12 676,03 so‘mni tashkil qildi.

Bugun banklar AQSh valyutasini 12 605 – 12 650 so‘mdan xarid qilishmoqda va 12 690 – 12 725 so‘mdan sotishmoqda.

Eslatib o‘tamiz, 4-iyun kuni dollarning o‘rtacha narxi 50,08 so‘mga, 3-iyun kuni esa 15,10 so‘mga ko‘tarilgan edi.

Sabine Mahl BMTning Oʻzbekistondagi yangi doimiy koordinatori boʻldi, deb xabar qildi tashkilotning Toshkentdagi vakolatxonasi matbuot xizmati.

Mahl xalqaro tashkilotlarda 22 yillik ish tajribasiga ega. U Indoneziya, Falastin va Qirg‘izistondagi BMT Ayollar bo‘limlarini boshqargan.

2007-yildan 2011-yilgacha YeXHTning etnik ozchiliklar bo‘yicha Oliy komissarligi rahbari va katta maslahatchisi lavozimlarida ishlagan.

2005 – 2007-yillarda YeXHTning Qirgʻizistondagi markazi rahbari oʻrinbosari boʻlib ishlagan.

Birlashgan Millatlar Tashkilotining O‘zbekistondagi doimiy koordinatori etib tayinlanishidan oldin Mahl Gruziyada xuddi shunday lavozimda ishlagan.

Avvalroq «Kursiv» Akmal Saidov BMT Inson huquqlari qo‘mitasi tarkibiga kiritilgani haqida yozgan edi. U ushbu tashkilotning IHQga a’zo bo‘lgan birinchi...