Yangiliklar

O‘zbekistonlik bokschi Lazizbek Mullajonovning doping sinovida taqiqlangan modda aniqlangani Xalqaro test agentligi (ITA) tomonidan ma’lum qilindi.

Rasmiy xabarga ko‘ra, 2025-yil 11-iyun kuni o‘tkazilgan doping nazorati chog‘ida sportchidan olingan namunada metasteron moddasining izlari topilgan. Mazkur modda Jahon antidoping agentligi (WADA) tomonidan taqiqlangan anabolik steroidlar toifasiga kiradi. U sun’iy yo‘l bilan tayyorlanadigan gormon bo‘lib, mushak massasini oshirish, kuch va chidamlilikni ko‘paytirish xususiyatiga ega.

Xalqaro test agentligi Mullajonovni ushbu holat yuzasidan rasmiy ravishda ogohlantirgan. Sportchining endilikda «B namunasi»ni tahlilga topshirish huquqi mavjud. Agar «B namunasi» ham ijobiy natijani tasdiqlasa yoki sportchi tekshiruvdan bosh tortsa, holat antidoping qoidalarini buzish sifatida baholanadi va unga...

Stellantis avtomobil korporatsiyasi 2025-yilning birinchi yarmida 2,3 milliard yevro miqdorida sof zarar koʻrganini e’lon qildi. Bu haqda kompaniyaning moliyaviy hisobotiga tayanib, NBC News xabar berdi. Oʻtgan yilning shu davrida kompaniya 5,6 mlrd yevro daromad olgan.

Jeep, Dodge va Fiat kabi yirik brendlar egasi hisoblangan Stellantis kompaniyasining umumiy daromadi yilning birinchi olti oyida 13 foizga kamayib, 74,3 milliard yevroni ($85,4 milliard) tashkil etdi. Kompaniya zarariga AQSh prezidenti Donald Tramp ma’muriyatining savdo siyosati muhim ta’sir koʻrsatgani qayd etilgan.

Stellantis rahbariyatining hisob-kitoblariga koʻra, boj toʻlovlari tufayli yil oxiriga qadar korporatsiya 1,5 milliard yevro ($1,7 milliard) miqdorida toʻgʻridan toʻgʻri moliyaviy yoʻqotishga duch...

Eksportchi va issiqxonachilar bilan ishlash bo‘yicha shtab tashkil etiladi. Bu haqda prezident raisligidagi yig‘ilishda ma’lum qilindi.

Unga ko‘ra, hukumatga yangi shtab tashkil etish topshirildi. Ushbu shtab eksportchi, issiqxonachi va boshqa meva-sabzavot yetishtiruvchilar bilan doimiy muloqot platformasini yo‘lga qo‘yadi.

Shuningdek, hozirgacha 200 ming gektarda suv tejovchi texnologiyalar joriy qilingani katta samaradorlik bergani ta’kidlandi. Natijada 420 million kub metr suv iqtisod qilinib, qo‘shimcha 65 ming gektarda meva va sabzavot yetishtirish imkoniyati yaratilgan.

Bu ishlar uchun o‘tgan yili 2,6 trillion so‘m, joriy yilda esa 1,2 trillion so‘m sarflangan. Yil yakunigacha yana 10 ming gektarda tomchilatib va yomg‘irlatib sug‘orish tizimini joriy qilish...

Yaponiyada 1,9 mln kishi evakuatsiya qilindi. Mamlakat shimolida 40 santimetrli to‘lqinlar kuzatildi. Rasmiylar to‘lqinlar bir sutkadan ortiq davom etishi mumkinligini aytmoqda. Bu haqda BBC xabar bermoqda.

Rossiyaning sharqiy qismida 8,8 magnitudali kuchli zilzila yuz berdi. Zilzila soat 11:25 da sodir bo‘ldi. Sunami xavfi sababli bir nechta davlatlarda ogohlantirish e’lon qilindi.

Gavayi orollariga ham sunami yaqinlashmoqda. Kaliforniya aholisi ham dengizdan uzoqroq bo‘lishga chaqirildi. Xitoy, Filippin, Indoneziya, Yangi Zelandiya, Peru va Meksikada ham xavf haqida ogohlantirishlar berilgan.

Eslatib o‘tamiz, Kursiv Uzbekistan Kamchatkada 8,7 magnitudali zilzila yuz bergani haqida yozgan edi.

Shu yilning dastlabki olti oyida «O‘zbekiston respublika tovar-xom ashyo birjasi» (O‘zRTXB) orqali sotilgan qimmatbaho metallarning sotuvi hajmi o‘tgan yilning mos davriga nisbatan ikki baravar oshgan. Bu haqda birja matbuot xizmati Kursiv Uzbekistan’ga ma’lum qildi.

Birja faoliyatining yarim yillik yakunlari bo‘yicha bo‘lib o‘tgan matbuot anjumanida birja savdolarida xususiy sektor subyektlari tomonidan mingdan ortiq turdagi mahsulotlar sotilgani keltirib o‘tildi.

Shuningdek, yanvar – iyun oylarida birja savdolarida umumiy qiymati 3 trln so‘mdan ziyod 2,6 tonna qimmatbaho metallar sotuvi amalga oshirilgan.

Savdolarda qiymati 3 trln so‘mlik 2,4 tonna oltin, 2,2 mlrd so‘mlik 0,15 tonna kumushning sotuvi amalga oshirilgan.

Shu bilan birga, o‘tgan davr...

Chevrolet Onix — UzAuto Motors tomonidan 2023-yildan boshlab O‘zbekistonda yig‘ila boshlagan eng yangi sedanlardan biri. U uzoq yillar ishlab chiqarilgan Nexia-3 (Ravon) modelining o‘rnini bosuvchi zamonaviy avlod sifatida taqdim etilgan. Ushbu maqolada Chevrolet Onix avtomobilining texnik xususiyatlari, afzallik va kamchiliklari, xizmat xarajatlari haqida batafsil ma’lumot beriladi.

Texnik xususiyatlari

Chevrolet Onix O‘zbekistonda 1,2 litrli, 3 silindrli benzin dvigatelining ikki xil varianti bilan taklif etiladi. Birinchisi oddiy atmosferali dvigatel, ikkinchisi esa turbo dvigatel hisoblanadi.

Oddiy dvigatel 90 ot kuchiga va 115 Nm aylantiruvchi momentga ega. U 5 pog‘onali mexanik uzatma qutisi bilan birga ishlaydi. Turbo versiyada esa 132 ot kuchi...

Endi Toshkent shahrida qurilishi to‘xtatilgan tashkilotlarni shr-tashkent.uz sayti orqali onlayn tekshirish mumkin. Bu haqda Toshkent shahar hokimligi ma’lum qildi.

Mazkur sayt orqali qurilishi vaqtincha to‘xtatilgan firma va kompaniyalarning holatini onlayn tarzda tekshirish imkoniyati mavjud.

Bunda qidirish joyiga qurilish kompaniyasining nomi (loyiha nomi emas) kiritiladi. Qidiruv natijasiga ko‘ra, uning faoliyati vaqtincha to‘xtatilgan yoki yo‘qligini bir necha soniya ichida bilib olish mumkin.

Quruvchi tashkilotlar kamchiliklarni bartaraf etishi va yangi tashkilotlar aniqlanishi bilan ushbu ro‘yxat muntazam yangilanadi.

Bundan avval Toshkentdagi 59 ta obyektda qurilish ishlari butunlay toʻxtatilgani haqida yozgandik.

General Motors tomonidan 2026-yilgi Chevrolet Captiva gibrid modeli Argentinada rasman taqdim etildi. Bu haqda GMAutority xabar bermoqda.

Ushbu Chevrolet brendining Janubiy Amerikadagi ilk gibrid (plug-in hybrid) avtomobili bo‘ladi. Model Buenos-Ayresdagi Chevrolet 360 tadbirida ko‘rsatilgan. Sotuvlar yil oxirida boshlanishi kutilmoqda.

GM Argentina vakillarining aytishicha, yangi Captiva PHEV zamonaviy dizayn, yuqori qulaylik darajasi va ilg‘or texnologiyalar bilan jihozlangan. Unga Chevrolet Intelligent Driving tizimi va premium salon bezaklari o‘rnatilgan.

Ushbu model iyun oxirida Meksikada global premyerasini o‘tkazgan edi. Endi esa Argentina bozoriga ham chiqmoqda. Bu yerda u ekologik avtomobillar uchun soliq imtiyozlaridan foyda ko‘radi. Kompaniya bu model Argentinada katta talabga...

Tabiiy gazdan ko‘mir yoki boshqa muqobil isitish tizimiga o‘tgan issiqxonalarga ajratilgan kredit muddati uzaytiriladi. Bu haqda prezident raisligidagi yig‘ilishda ma’lum qilindi.

Bugungi kunda respublikada 5,1 ming gektar issiqxonalar mavjud. So‘nggi yetti yilda ularda yetishtiriladigan mahsulot hajmi 110 ming tonnadan 546 ming tonnagacha oshdi.

Shunga qaramay, tadbirkorlar kredit yuki, o‘g‘it narxining qimmatligi va gaz ta’minotidagi uzilishlar sabab muammolarga duch kelmoqda. Masalan, 600 gektardan ortiq issiqxonalar faoliyatini to‘xtatgan. 128 gektar maydon esa qarzdorlik sabab bank balansiga o‘tgan.

Shu boisdan issiqxona xo‘jaliklarini qo‘llab-quvvatlash bo‘yicha quyidagi choralar belgilanmoqda:

Bugun, 30-iyul kuni dollar kursi 91,56 so‘mga oshib, 12 591,57 so‘mni qayd etdi. Bu haqda Valyuta birjasi xabar bermoqda.

Dollar kursining iyul oyidagi qiymati

1-iyul kuni 12 676,11 so‘mni tashkil etgan AQSh dollari kursi 2-iyul kuni 84,4 so‘mga pasayib, 12 591,71 so‘mga tushdi. 3-iyulda esa yana 34,15 so‘mga kamayib, 12 557,56 so‘m bo‘ldi.

Keyingi kunlarda esa dollar narxi asta-sekin ko‘tarildi. 4-iyulda 49,17 so‘mga oshib, 12 606,73 so‘mni tashkil etdi. 7-iyulga kelib kurs 70 so‘mga ko‘tarilib, 12 676,73 so‘mga yetdi. 8-iyulda esa 35,36 so‘mlik o‘sish kuzatilib, dollar 12 712,09 so‘m bo‘ldi.

Biroq 9 – 11-iyul kunlari dollar kursi ketma-ket pasaydi. Jumladan, 9-iyulda 58,77 so‘mga, 10-iyulda...

Prezident qarori bilan O‘zbekiston xalq artisti Botir Zokirov nomidagi davlat stipendiyasi ta’sis etiladi.

Mazkur qarorga ko‘ra, Toshkent shahrida Botir Zokirov memorial muzeyi tashkil etiladi. Bundan tashqari, 2026-yildan boshlab har ikki yilda bir marotaba estrada san’ati yo‘nalishida Botir Zokirov nomidagi xalqaro ko‘rik-tanlov o‘tkazib boriladi.

Shu bilan birga, ijodkorning hayoti va ijodiga bag‘ishlangan badiiy film yaratiladi.

Avvalroq Andijonda Sherali Jo‘rayev nomidagi musiqa maktabi tashkil etilishi haqida yozgandik.

Unga ko‘ra, davlat-xususiy sheriklik asosida madaniyat markazlari faoliyati kengaytiriladi, yoshlarning vatanparvarlik ruhini kuchaytiruvchi tarixiy va animatsion mahsulotlar yaratiladi. Botir Zokirov nomidagi estrada instituti faoliyati yanada rivojlantiriladi, Sherali Jo‘rayev nomidagi musiqa maktabi va milliy qo‘shiq tanlovlari tashkil etiladi.

Oʻzbekistonlik super ogʻir vazn toifasidagi bokschi Bahodir Jalolov 9-avgust kuni AQShda navbatdagi jangini oʻtkazishi mumkin. Bu haqda Boxrec portali ma’lum qildi.

Portal xabariga koʻra, jang Kaliforniya shtatining Pomona shahrida tashkil etiladigan boks oqshomi doirasida boʻlib oʻtishi rejalashtirilgan. Ayni paytda uning raqibi kim boʻlishi hali aniq emas.

Bundan oldin Jalolov 27-iyul kuni italiyalik bokschi Janmarko Kardilo bilan ringga chiqishi kerak edi. Biroq Kardiloning sogʻligʻi bilan bogʻliq muammolar tufayli jang bekor qilindi.

Ma’lumot uchun, «Katta oʻzbek» professional faoliyati davomida 15 ta jang oʻtkazgan va ularning barchasida gʻalaba qozongan.

Dukkakli ekin ekish-yig‘ish texnikalariga 15 foizgacha subsidiya beriladi. Bu haqda prezident raisligida o‘tayotgan yig‘ilishda ma’lum qilindi.

O‘zbekiston har yili $450 millionlik loviya, mosh, tariq va no‘xat kabi dukkakli mahsulotlarni eksport qilmoqda. Ammo ushbu ekinlar paxta bilan bir vaqtda yetilishi va ishchi kuchi yetishmovchiligi sabab hosilning 30 foizi isrof bo‘lmoqda.

Prezident yig‘ilishda bu boradagi hisob-kitoblarning yetarlicha olib borilmagani va hatto hosilning o‘zidan yiliga $150 – 200 million eksport yo‘qotilayotganini tanqid qildi.

Jahon tajribasida dukkakli ekinlar maxsus kombaynlar yordamida yig‘iladi. Shu bois dukkakli mahsulotlarni ekish-yig‘ish texnikalarini xarid qilish qo‘llab-quvvatlanadi. Bu maqsadda Qishloq xo‘jaligi jamg‘armasi orqali 15 foizgacha subsidiya ajratiladi. Shuningdek...

Yil oxirigacha 15 ta zamonaviy qadoqlash korxonasi ishga tushirilishi belgilandi. Bu haqda Shavkat Mirziyoyev raisligidagi yig‘ilishda ma’lum qilindi.

Statistik ma’lumotlarga ko‘ra, o‘tgan yili meva-sabzavot eksportining 75 foizi maydan oktabrgacha bo‘lgan davrga to‘g‘ri kelgan. Bu esa jahon bozorida mahsulot ko‘payib, narxlar pasaygan davr hisoblanadi. Ayni paytda noyabr – mart oylarida narxlar 2-3 barobar yuqori bo‘ladi.

Shu bois eksportga mas’ullar o‘zlari yangilik qilolmasa, ilg‘or tajribaga ega tadbirkorlardan o‘rganishi kerakligi aytildi. Masalan, ilgari 1 kg olcha 30 sentga ham sotilmagan bo‘lsa, bu yil ilg‘or eksportchilar 9 ming tonna «shok» usulida muzlatilgan olchani $26 millionga eksport qilgan. Hatto o‘zimizda olcha yetishmagani...

Shavkat Mirziyoyev elchixonalar va bosh konsulxonalarni eksport hajmini oshirishda faolroq yordam berishga chaqirdi.

Xususan, bu yilgi meva-sabzavot eksportining 80 foizi Rossiya, Pokiston, Qozog‘iston, Afg‘oniston va Xitoyga to‘g‘ri kelmoqda. Biroq Janubiy Koreya, Vengriya, Malayziya, Polsha va Qozog‘istonga eksport hajmi kamaygan.

Bundan tashqari, Buyuk Britaniya, Italiya, Shvetsiya, Yaponiya, Hindiston va Qatarga ham eksport kutilgan darajada bo‘lmayotgani qayd etildi. Elchixonalardagi savdo maslahatchilarining faolligi yetarli emasligi ta’kidlandi.

Elchilarga eksportchi korxonalar bilan hamkorlikda ishlash, yangi bozorlar topish, ko‘rgazmalar tashkil qilish, savdo uylari va omborlar ochish, mahsulotlarga sertifikat olish kabi masalalarda amaliy ko‘mak berish vazifasi topshirildi.

Shuningdek, yig‘ilishda 21 ta tumanda eksport hajmi...

Shavkat Mirziyoyev meva-sabzavot va oziq-ovqat eksportini ko‘paytirish masalalariga bag‘ishlangan videoselektor yig‘ilishida har qanday ob-havo sharoitiga mos ekinlar ekish zarurligini ta’kidladi.

Davlat rahbari xalqaro vaziyat kun sayin o‘zgarib borayotgani, yildan-yilga takrorlanayotgan ob-havo injiqliklari, «anomal issiq» va «anomal sovuq» degan tushunchalar odatiy holga aylanganiga e’tibor qaratdi.

Bunday qaltis sharoitda har bir eksport bozori mamlakat uchun muhim ahamiyatga ega ekani, zarur bo‘lsa, bu yo‘nalish iqtisodiy xavfsizlikning ustuvor yo‘nalishlaridan biri sifatida qaralishi lozimligi qayd etildi.

Shu bois soha mas’ullari va hokimlarga ob-havoni bahona qilmasdan, mavjud sharoitga moslashish, issiq va sovuqqa, suv tanqisligiga chidamli mahsulotlar yetishtirish zarurligi ko‘rsatib o‘tildi.

O‘tgan olti oyda...

Honor kompaniyasi yangi Honor Magic8 Ultra smartfoni ustida ishlayotgani ma’lum bo‘ldi. Bu haqda ITHome xabar bermoqda.

Ushbu model Samsung, Xiaomi, Vivo va Oppo flagmanlariga jiddiy raqobatchi bo‘lishi kutilmoqda.

Magic8 Ultra Snapdragon 8 Elite Gen 2 chipida ishlaydi. Qurilma OmniVision sensoriga ega bo‘ladi, u LOFIC texnologiyasini qo‘llab-quvvatlaydi. Bu esa tasvirning dinamik diapazonini kengaytirishga yordam beradi.

Shuningdek, smartfonda 200 megapikselli periskop kamera bo‘lib, u kuchli optik zoom uchun mo‘ljallangan.

«Ultra modeli – bu ilgari nafaqat ko‘rilmagan, balki tasavvur ham qilinmagan qurilma», degan Honor kompaniyasining kamera bo‘yicha bosh muhandisi Lo Vey.

Eslatib o‘tamiz, Kursiv Uzbekistan nashri...

«O‘zgidromet» agentligi xavfli ob-havo hodisalari bo‘yicha hududlar kesimida ogohlantirib boruvchi «Meteo-Alert» tizimini ishga tushirdi.

Tizim data.meteo.uz saytida mavjud bo‘lib, unda ob-havo xavflari yashil, sariq va qizil ranglarda ko‘rsatiladi.

Xaritadagi belgilar va ranglar quyidagicha izohlanadi:

Masalan, bugun tizimda respublika bo‘ylab kuchli shamollar bo‘lishi haqida sariq xavf darajasida ogohlantirish berilgan.

Bundan oldin iqlimshunos Erkin Abdulahatov «O‘zgidromet» ham «Kazgidromet» tajribasidan kelib chiqib, o‘rmon...

O‘zbekiston hukumati to‘rtta yirik davlat banklarini, «O‘zsanoatqurilishbank», «Asakabank», «Aloqabank» va «Turonbank»ni xususiylashtirishni 2025-yildan keyingi muddatlarga qoldirdi. Bu haqda Iqtisodiyot va moliya vazirligining 2026 – 2028-yillarga mo‘ljallangan fiskal strategiyasida ma’lumot berildi.

Hujjatga ko‘ra, banklarni xususiylashtirish ikki bosqichda amalga oshiriladi. Dastlab ularning faoliyati institutsional jihatdan transformatsiya qilinadi, so‘ngra esa davlat aksiyalari paketlari bosqichma-bosqich sotiladi. Jumladan, «O‘zsanoatqurilishbank»ni to‘liq xususiylashtirish 2025 – 2026-yillarda, qolgan uch bank: «Asakabank», «Aloqabank» va «Turonbank» bo‘yicha esa bu jarayon 2026 – 2027-yillarga mo‘ljallangan.

Boshqa yirik banklar: «Tashqi iqtisodiy faoliyat Milliy banki», «Agrobank», Xalq banki, «Mikrokreditbank» va «Biznesni rivojlantirish banki» xususiylashtirilmaydi. Ular ustav kapitallaridagi davlat ulushini saqlab qolgan holda...

2025-yil 28-iyul kuni respublika tovar-xomashyo birjasida AI-80 markali benzinning bir tonnasi 10,83 million soʻmga yetdi. Yil boshidan buyon esa AI-80 narxi 16,5 foizga oshdi.

Hozirda AI-80 benzinining bir tonnasi 10 million soʻmlik chegaradan oʻtdi. Bu esa AI-92 markasi bilan narxlar tafovutini sezilarli darajada qisqartirdi. Ayrim kotirovkalarda farq atigi 10 foizdan ham kamroqni tashkil etmoqda.

Iqtisodchi Otabek Bakirov narxlar oʻrtasidagi tafovutning qisqarishi fonida ehtimoliy xavfga e’tibor qaratmoqda.

«80 benzin va 92 benzin narxlari farqi oʻrtacha 14,8 foizgacha qisqargan, 80 benzin maksimumlari va 92 minimumlari farqi bir xonali darajaga tushgan. Ya’ni yana biroz va...

Buyuk Britaniya Bosh vaziri Kir Starmerning bayonotiga ko‘ra, agar Isroil G‘azo sektoridagi urushni to‘xtatmasa, London Falastin davlatini tan oladi.

Britaniya hukumati Isroildan o‘t ochishni to‘xtatish, tinchlik jarayonini qayta tiklash va G‘azoga gumanitar yordam yetkazilishiga ruxsat berishni talab qilmoqda. Shuningdek, Isroil Iordan daryosining G‘arbiy sohilidagi hududlarni anneksiya qilish rejalaridan voz kechishi kerak.

Bosh vazir Starmerga ko‘ra, Hamas harakati esa garovga olinganlarni ozod qilishi, qurolli qarshilikdan va G‘azo ustidan nazoratni amalga oshirishdan voz kechishi lozim.

Avvalroq Fransiya prezidenti Emmanuel Makron ham Falastinni tan olish rejalarini bildirgan edi.

2024-yilning o‘rtalariga kelib, BMTga a’zo 193 davlatning qariyb 145 tasi Falastin davlatini rasman tan...

Li Auto kompaniyasining yangi Li i8 elektromobili Xitoyda 321 800 yuandan ($44,8 ming) boshlab sotuvga chiqdi. Bu haqda CarNewsChina xabar bermoqda.

Model 536 ot kuchiga ega bo‘lib, 720 kmgacha zaryad bilan yuradi va ikki kamerali havo yostiqchasi bilan jihozlangan.

Bu model aslida o‘tgan yili taqdim etilishi kerak edi. Lekin Mega modelining sust savdolari sabab kechiktirilgan. i8 joriy yilning fevral oyida namoyish etildi. Aprel oyida sotuvga ruxsatnoma olgan. Model 29-iyuldan boshlab rasman bozorda sotila boshladi.

Tashqi ko‘rinishi

Kompaniya rahbari Li Sian i8 dizayni yaxtalardan ilhomlanganini aytgan. Mashina pastga egilgan kapot, old bamperga o‘rnatilgan faralar va old oynasi ostida LED chiziq...

2025-yilning yanvar – iyun oylarida O‘zbekistonga 1,9 million dona mobil telefon import qilindi. Ularning umumiy qiymati $194,4 millionni tashkil etadi. Bu haqda Milliy statistika qo‘mitasi xabar berdi.

Bu ko‘rsatkich o‘tgan yilning shu davriga nisbatan 64,7 ming donaga, ya’ni 3,6 foizga ko‘p.

Telefonlar, asosan, quyidagi davlatlardan olib kelingan:

Qolgan 1,1 ming dona telefonlar esa boshqa davlatlardan import qilingan.

Bundan oldin 2025-yilning yanvar – may oylarida Oʻzbekistonga 1,5 mln dona mobil telefon import qilingani haqida yozgandik. Unda ham eng yirik...

AQSh prezidenti Donald Tramp Hindistonga 20 – 25 foizlik boj joriy qilinishi mumkinligini aytdi. Bu haqda TelegraphIndia xabar bermoqda.

Tramp Hindistonni yaxshi do‘st deb atagan, lekin mamlakat AQShga boshqa davlatlarga qaraganda yuqoriroq boj stavkalari qo‘llayotganini tanqid qilgan.

AQSh avgust oyining 1-sanasidan boshlab o‘nlab savdo hamkorlariga nisbatan o‘zaro boj choralarini kuchaytirishni rejalashtirgan. Aprelda Tramp boj stavkalarini oshirishni e’lon qilgan, biroq muzokaralar uchun vaqt berib, ularni 10 foizda vaqtincha ushlab turgan edi.

AQSH Savdo vakili Jeymison Grirga ko‘ra, Hindistonning AQSh eksportiga bozorini ochishga tayyorligini aniqlash uchun ko‘proq vaqt kerak bo‘ladi. Hindiston vaqtincha 20 – 25 foizlik bojlarga tayyorgarlik ko‘rmoqda.

Hindiston sentabr...