Yangiliklar

Samarqand shahrida 24 – 25-may kunlari triatlon va paratriatlon boʻyicha Jahon kubogi boʻlib oʻtadi. Bu haqda «Dunyo» axborot agentligi xabar berdi.

Ma’lum qilinishicha, Samarqandda bo‘ladigan turnirdagi ishtiroki uchun atletlar Los-Anjeles Olimpiadasiga yoʻllanma beruvchi qoʻshimcha ochkolarga ega boʻladi.

Musobaqa doirasida sportchilar Standard masofada bellashib, suzish – 1,5 km, velosiped bosqichi – 40 km va yugurish bosqichi – 10 kmda o‘zaro kuch sinashadi.

Para atletlar musobaqada Super Sprint yoʻnalishida ishtirok etib, suzish – 750 m, velosport bosqichi – 40 km, yugurish – 5 km musobaqalarida bellashadi.

Shuningdek, Samarqanddagi xalqaro turnir davomida mamlakat chempionati ham oʻtkaziladi. Unda professional atletlar va havaskorlar qatnashadi.

Avvalroq...

Farg‘ona shahrida Janubiy Koreyaning Ulsan shahriga malakali mutaxassislarni tayyorlash markazi yo‘lga qo‘yildi. Bu haqda viloyat matbuot xizmati xabar qildi.

Markazda o‘zbekistonliklar Janubiy Koreyada, xususan, Hyundai kemasozlik kompaniyasida ishlash uchun uch oylik kasb va til kurslarida o‘qitiladi. Bitiruvchilarga Ulsan shahar hokimligi tomonidan to‘g‘ridan to‘g‘ri ishchi viza beriladi.

Bu mexanizm Koreyaga ishchi kuchini yetkazib beruvchi jahondagi 17 ta davlat orasida birinchi marotaba faqat O‘zbekiston uchun joriy etildi.

Dastlabki bosqichda 202 nafar nomzod saralashdan o‘tib, 105 kishi o‘quv jarayonini boshladi. Ushbu loyiha migratsiya sohasida hamkorlikni kengaytirish va O‘zbekiston fuqarolariga yangi ish imkoniyatlari yaratishga qaratilgan.

Bu markaz Farg‘onadagi KOICA kasb-hunarga o‘qitish markazida...

Uzbekistan Airways faqatgina 22-mart kuni Toshkent – Sochi – Toshkent yoʻnalishi boʻyicha qoʻshimcha reysni amalga oshiradi. Bu haqda kompaniya matbuot xizmati xabar berdi.

Reys vaqti quyidagicha:

Chiptalarni booking.uzairways.com sayti, ilova, Uzbekistan Airways Sales filiali yoki aviakompaniya agentlari orqali xarid qilish mumkin.

Kursiv Uzbekistan nashri Toshkent – Parij yoʻnalishida qoʻshimcha reyslar yoʻlga qoʻyilgani haqida yozgan edi.

11-mart kuni qabul qilingan prezident qarori bilan bino-inshootlarni barqaror issiqlik energiyasi bilan ta’minlash choralari belgilandi. Bu haqda Iqtisodiyot va moliya vazirligi xabar qildi.

Unga ko‘ra, Chinoz va Oltiariq tumanlariga issiqlik nasoslari, quyosh panellari va energiya tejamkor uskunalar joylashtiriladi. Har bir viloyatda 100 ta yakka tartibdagi uy-joy izolyatsiyalanib, energiya tejovchi oyna va eshiklar o‘rnatiladi.

Buxoroda davlat obyektlariga issiqlik nasoslari va quyosh panellari joriy etiladi. Respublikaning barcha davlat bog‘chalariga esa quyosh suv isitish uskunalari(geliokollektorlar) quriladi.

Shuningdek, bu yil 8,7 mingta individual issiqlik punkti o‘rnatilib, 103 ta qozonxona va 1,6 ming km issiqlik tarmoqlari yangilanadi. To‘qqizta issiqlik ta’minoti tizimi davlat-xususiy sheriklik asosida...

iPhone’ning buklanadigan Fold modeli $2,3 mingdan boshlanishi kutilmoqda. Bu haqda Appleinsider nashri ma’lum qildi.

Bu model Appleʼning boshqa qurilmalari, xususan, Mac noutbuklaridan ham qimmat baholangani ajablanarli. Tahlilchilarning fikricha, iPhone Fold’ning yuqori versiyalari bundan ham qimmat boʻlishi mumkin.

iPhone Fold 2026-yil oxiri yoki 2027-yil boshida sotuvga chiqishi kutilmoqda. Apple mahsuloti buklanadigan raqobatchilari bilan solishtirganda narx boʻyicha yaqqol ustunlikka erishadi. Chunki Samsung Galaxy Z Flip 6 $1,1 ming, OnePlus Open $1,7 ming, Google Pixel 9 Pro Fold esa $1,8 mingni tashkil etadi.

Kursiv Uzbekistan nashri Apple menyular va piktogrammalarni tubdan qayta loyihalashtirishni rejalashtirayotgani haqida yozgan edi.

Uzum Market ustun mavqega ega raqamli platforma operatori sifatida e’tirof etildi. Bu haqda Raqobat qoʻmitasi axborot xizmati xabar berdi.

Ma’lum qilinishicha, Vazirlar Mahkamasining 2024-yil 1-maydagi qarori bilan tasdiqlangan Raqamli platforma operatorining ustun mavqeyini va ustun muzokara kuchini e’tirof etish tartibi toʻgʻrisidagi nizomda raqamli platforma operatorining ustun mavqega ega deb e’tirof etishning mezonlari belgilangan.

Ushbu qarorga muvofiq, Raqobat qoʻmitasining tegishli buyrugʻi bilan elektron savdo maydonchalari (marketpleyslar) bozorida Uzum Market ustun mavqega ega raqamli platforma operatori sifatida e’tirof etildi.

Avvalroq Kursiv Uzbekistan 2024-yilda Uzum milliy raqamli ekotizimi Oʻzbekiston budjetiga 1,2 trln soʻm miqdorida soliq toʻlagani haqida xabar bergan edi.

Xitoyning Chery kompaniyasi yangi flagman gibrid sedan Fulwin A9 krossoveri uchun oldindan buyurtmalarni qabul qilmoqda. Bu haqda CarNewsChina nashri ma’lum qildi.

Chery Fulwin A9 ning uzunligi 5, eni 2, gʻildirak bazasi 3 metrni tashkil etadi. Interyer 15,6 dyuymli ekranli mediatizim, raqamli asboblar paneli va smartfonlar uchun ikkita simsiz zaryadlash qurilmasi bilan jihozlangan. Gibrid quvvati 1,5 litrli dvigatelni 143 ot kuchi bilan birlashtiradi. Elektr motori 204 ot kuchiga ega.

Modelning yuqori versiyasi 100 km/soat tezlikka 4,9 soniyada erishadi, maksimal quvvat zaxirasi 1400 kmni tashkil qiladi.

Ommaviy sotish shu yilning birinchi yarmida boshlanadi.

Eslatib oʻtamiz, Kursiv Uzbekistan nashri Chery Tiggo...

Rossiya rahbari Vladimir Putin amerikalik hamkasbi Donald Tramp bilan telefon orqali muloqotida harbiy asirlarning almashinuvini e’lon qildi. Bu haqda Kreml saytida rasmiy munosabat berildi.

Oʻzaro kelishuvga koʻra, 19-mart kuni 175 nafar ukrainalik askar evaziga 175 nafar rus askari almashiladi. Rossiya xayrixohlik belgisi sifatida 23 nafar ogʻir yaralangan harbiylarni Ukrainaga joʻnatadi.

Shuningdek, ikki davlat rahbari vaqtinchalik sulh tuzish taklifini ham muhokama qilgan. Kremlga koʻra, Rossiya Ukraina hududida vaqtinchalik oʻt ochishni toʻxtatish uchun Kiyevga xorijiy yordamni tugatish shartini belgilagan.

NYT nashrining Oq uy ma’lumotiga tayanib yozishicha, Vladimir Putin Donald Trampning Rossiya va Ukraina 30 kun davomida energetika infratuzilmasiga oʻzaro...

Bugun AQSh prezidenti Donald Tramp va Rossiya prezidenti Vladimir Putin Ukraina urushini to‘xtatish va tinchlik o‘rnatish zarurati haqida muzokara olib bordi. Bu haqda Oq uy matbuot kotibi Karoline Leavit o‘z X tarmog‘ida ma’lum qildi.

Ikkala yetakchi ham mojaro barqaror tinchlik bilan yakunlanishi kerakligini ta’kidlab, urushga sarflanayotgan resurslar o‘z xalqlarining ehtiyojlariga yo‘naltirilishi lozimligini qayd etdi.

Liderlar tinchlik yo‘lida dastlab infratuzilma va energetika sohalarida sulhga erishish, Qora dengiz hududida o‘t ochishni to‘xtatish bo‘yicha texnik muzokaralar o‘tkazishga kelishib oldi. Ushbu muzokaralar Yaqin Sharqda boshlanishi rejalashtirilmoqda.

Muzokaralar davomida rahbarlar Yaqin Sharqni kelajakdagi mojarolarning oldini olish uchun strategik hamkorlik mintaqasi sifatida ko‘rib chiqdi. Shuningdek...

Haier kompaniyasi yangi XQGL125 modeli ostidagi uch barabanli kir yuvish mashinasini taqdim etdi. Bu haqda ITHome nashri ma’lum qildi.

Ishlab chiqaruvchi uni «dangasalar uchun dunyodagi birinchi kir yuvish mashinasi» deb ta’riflamoqda, chunki u bir vaqtning o‘zida turli kiyimlarni yuvish imkonini beradi. Ushbu innovatsion modelda asosiy baraban 10,5 kg sig‘imga ega bo‘lib, unga qo‘shimcha ravishda har biri 1 kg bo‘lgan ikkita kichik baraban o‘rnatilgan. Bu dizayn tufayli foydalanuvchilar paltolar, sport kiyimlari va ichki kiyimlarni alohida yuvishlari mumkin.

Haierning yangi mahsuloti sotuvdan oldin besh ming yuan (taxminan $720) narxda taklif qilinmoqda, rasmiy chakana savdo esa 17-apreldan boshlanadi. Ishlab chiqaruvchi ma’lumotlariga ko‘ra...

O‘zbekiston Respublikasi Soliq qo‘mitasi tomonidan e’lon qilingan ma’lumotga ko‘ra, TEMU marketpleysi endi yuridik shaxs sifatida ro‘yxatdan o‘tdi va O‘zbekiston Respublikasi rezidenti statusiga ega bo‘ldi.

«Biroq, o‘tgan davrlar uchun marketpleys bilan muhokama qilinadigan masalalar mavjud. Hozirda muzokaralar olib borilmoqda. Ushbu jarayon yakuniga yetkazilib, uning faoliyati yuzasidan yakuniy xulosa e’lon qilinadi», – deyiladi Soliq qo‘mitasi xabarida.

Avvaliga fuqarolarga xizmat ko‘rsatuvchi xorijiy elektron savdo platformalarining faoliyati o‘rganilishi jarayonida Temu tomonidan elektron tijorat, chakana savdo, reklama, shaxsiy ma’lumotlarni himoya qilish, iste’molchilar huquqlarini himoya qilish, shuningdek, mualliflik huquqi va unga oid turdosh huquqlar sohasidagi qonun hujjatlariga to‘liq...

O‘zbekiston prezidenti «Xalqaro shartnomani tasdiqlash to‘g‘risida» qarorni imzoladi. Qarorga ko‘ra, Turkiy davlatlar tashkilotiga a’zo mamlakatlar hukumatlari o‘rtasida raqamli iqtisodiyot bo‘yicha hamkorlik to‘g‘risidagi bitim tasdiqlandi.

Ushbu bitim 2024-yil 6-noyabr kuni Bishkek shahrida imzolangan bo‘lib, u Turkiy davlatlar o‘rtasida innovatsion texnologiyalar, raqamli texnologiyalarni rivojlantirish va axborot almashish sohalarida hamkorlikni kengaytirishni nazarda tutadi.

Bitimni amalga oshirish bo‘yicha mas’ul organ etib Istiqbolli loyihalar milliy agentligi belgilandi. Shuningdek, Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan so‘ng, uning bajarilishi ustidan nazoratni ta’minlaydi.

Avvalroq Kursiv Uzbekistan faktoring O‘zbekiston iqtisodiyotiga qanday yordam berishi haqida yozgan edi.

Qimmatli qogʻozlar qiymati tushib ketishiga ishonib, ularni yuqori narxda sotadigan, keyin arzonroq narxda qaytarib sotib oladigan treyderlar Tesla aksiyalarining pasayishidan foyda koʻrdi. Bu haqda Financial Times (FT) xabar bermoqda.

Tesla aksiyalarining pasayishida qatnashganlar qisqa muddatda $16,2 mlrd ishlab topgan. Kompaniya egasi Ilon Maskning oʻzi allaqachon $100 mlrd dan koʻproq mablagʻ yoʻqotgan. Hozirgi kunda Teslaning har bir aksiyasi $222,15 dan $238 gacha koʻtarildi.

Ayni paytda Teslaʼning asosiy raqobatchisi boʻlgan BYDʼning aksiyalari Super e-Platform elektromobillar uchun oʻta tez quvvatlanish tizimini joriy qilganidan soʻng rekord darajaga koʻtarildi.

Kursiv Uzbekistan nashri Tesla arzon elektromobillar ishlab chiqarishni rejalashtirayotgani haqida yozgan edi.

Toshkentda Yevropa Ittifoqi bilan Markaziy Osiyo uchun sunʼiy yoʻldosh internet loyihasi boʻyicha kelishuv imzolandi. Bu haqda Yevropa Ittifoqining Oʻzbekistondagi delegatsiyasi xabar berdi.

Ma’lum qilinishicha, loyiha Markaziy Osiyo mamlakatlarining chekka hududlari aholisini internet bilan ta’minlashga qaratilgan. Shuningdek, mintaqada raqamli infratuzilmani modernizatsiya qilishga qaratilgan «Markaziy Osiyo uchun aloqa» dasturi boʻyicha kelishuv imzolandi.

«Raqamli aloqaga sarmoya kiritish orqali biz bo‘shliqlarni to‘ldirmoqdamiz, imkoniyatlar yaratmoqdamiz va Markaziy Osiyo mintaqasining raqamli iqtisodiyotdan to‘liq foyda olishini ta’minlamoqdamiz», – dedi xalqaro hamkorlik boʻyicha Yevropa komissari Yozef Sikela.

Ikkala loyiha ham Yevropa Ittifoqi tomonidan moliyalashtiriladi. Hujjatlar Global Gateway strategiyasi doirasida imzolangan. Dastur raqamli infratuzilma va toza energiyani rivojlantirishga...

Angliya Premyer-ligasida o‘ynayotgan O‘zbekiston terma jamoasi va «Manchester Siti» futbolchisi Abduqodir Husanovning transfer narxi keskin oshdi.

Yangilangan reytingga ko‘ra, uning qiymati 35 million yevroga yetib, avvalgi 12 million yevrodan qariyb uch baravarga oshdi.

Qishda Angliyaga ko‘chib o‘tgan himoyachi shu vaqtga qadar «Manchester Siti» tarkibida sakkizta uchrashuvda maydonga tushib, 1 ta gol urishga muvaffaq bo‘ldi. Fevral oyida esa u «shaharliklar»ning eng yaxshi futbolchisi deb topildi.

Husanov shu tariqa O‘zbekiston terma jamoasi tarixidagi eng qimmat futbolchiga aylandi. Avvalgi rekord Eldor Shomurodovga tegishli bo‘lib, u 2021-yilda «Jenoa»dan «Roma»ga o‘tganida 14 million yevroga baholangan edi.

Avvalroq «Kursiv» Oʻzbekistonning ayni damdagi eng qimmat 11 nafar...

19-mart kuni havo biroz bulutli bo‘lib, yog‘ingarchilik kutilmaydi. Shamol sharqdan 3-8 m/s tezlikda esadi, deya xabar bermoqda «O‘zgidromet».

Unga ko‘ra, harorat Toshkentda kunduzi 25-27°, kechasi 8-10° iliq bo‘ladi.

Qoraqalpog‘iston va Xorazmda kunduzi 25-30°, kechasi 5-10° iliq bo‘lishi kutilmoqda.

Buxoro va Navoiyda ham harorat shu atrofida bo‘ladi.

Toshkent, Sirdaryo, Samarqand va Jizzaxda kunduzi 22-27°, kechasi 5-10° iliq bo‘ladi.

Qashqadaryo va Surxondaryoda havo biroz iliqroq bo‘lib, kunduzi 25-30°, kechasi 10-15° iliq bo‘ladi.

Andijon, Namangan va Farg‘onada esa kunduzi 22-27°, kechasi 5-10° iliq bo‘lishi kutilmoqda.

Tog‘li hududlarda nisbatan salqin bo‘lib, kunduzi 12-17°, kechasi 0-5° iliq bo‘ladi.  

17-mart kuni Abay nomidagi Qozog‘iston milliy opera va balet teatri sahnasida O‘zbekistonning qadimiy san’ati – lazgi raqsi namoyish etildi. Bu haqda Saida Mirziyoyeva Telegram kanalida xabar berdi.

Ushbu madaniy tadbir san’atni keng targ‘ib qilish bilan birga, qardosh xalqlar o‘rtasidagi do‘stlik va birodarlik rishtalarini mustahkamlashga xizmat qildi.

«Biz prezidentimiz tomonidan boshlab berilgan yaxshi qo‘shnichilik an’analariga sodiq qolgan holda, Markaziy Osiyo davlatlari bilan iqtisodiy, siyosiy va, albatta, madaniy sohalarda hamkorlikni kuchaytirishga o‘z hissamizni qo‘shishni maqsad qilganmiz», – dedi Mirziyoyeva xabarda.

Shuningdek, 27-mart kuni bu raqs spektakl «Astana Opera» sahnasida qayta namoyish etiladi.

Avvalroq «Kursiv» O‘zbekiston va...

Toshkent viloyatida 29 ta kichik va mikro gidro elektr stansiyalar (GES) qurilishi rejalashtirilmoqda. Bu haqda viloyat hokimligi xabar berdi.

Ushbu loyiha uchun 6,7 ming gektardan ortiq yer maydoni davlat zaxirasidan Energetika vazirligiga doimiy foydalanish huquqi bilan ajratildi.

Umumiy quvvati 2 550 kVt bo‘lgan GESlar Nurafshon, Chirchiq, Angren shaharlari, Chinoz, Parkent, Yangiyo‘l, Bo‘ka, Zangiota, Oqqo‘rg‘on va Ohangaron tumanlarida barpo etiladi.

Stansiyalar viloyat hokimining tegishli qarori bilan yakunlanib, foydalanishga topshiriladi.

Avvalroq Kursiv Uzbekistan «Inter RAO» tranzit bilan bogʻliq muammolar tufayli respublikaga elektr energiyasini yetkazib bermayotgani haqida yozgandi.

2024-yilda aksiyadorlar foydasiga 2 mlrd soʻmdan ortiq dividend undirildi. Bu haqda Istiqboli loyihalar milliy agentligi (ILMA) xabar berdi.

2024-yilda kapital bozori ishtirokchilaridan 703 ta murojaat kelib tushgan boʻlib, shundan 54 tasi yuridik shaxslardan, 649 tasi esa jismoniy shaxslardan boʻlgan.

Agentlikning ta’kidlashicha, murojaatlarning asosiy qismi minoritar aksiyadorlar foydasiga dividend undirish masalasiga tegishli boʻlib, aksiyadorlar foydasiga 2,05 milliard soʻm undirildi. Shundan 1,55 milliard soʻm yuridik, 500 million soʻm esa jismoniy shaxslarga tegishli.

Ma’lumot uchun, 2023-yil 1-oktabrdan 2025-yil 1-yanvarga qadar aksiyadorlar foydasiga jami 3,25 milliard soʻm undirilgan.

Shuningdek, hisoblangan dividendlarni undirish boʻyicha iqtisodiy sudlarga 20 ta da’vo arizasi kiritilib, 3,6 milliard soʻmdan...

19-mart, chorshanba kuni muborak Ramazon oyining oʻn toʻqqizinchi kuni boʻlib, Toshkent shahrida saharlikning tugashi soat 5:10 ni tashkil qiladi. Iftorlik esa 18:37 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan.

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu

Eslatib oʻtamiz, Kursiv Uzbekistan roʻza tutishda salomatlik uchun qanday qoidalarga amal qilish haqida yozgan edi.

2029-yilga borib Audi Germaniyada 7,5 mingta ish joyini qisqartiradi. Bir qator xodimlarni ishdan boʻshatish toʻgʻrisidagi qarorni nemis avtomobil ishlab chiqaruvchisi rahbari Gernot Dollner ma’lum qilgan.

Kompaniya rahbarining fikricha, birinchi boʻlib ma’muriy xodimlar ishdan boʻshatiladi. Audi bugungi kunda dunyo boʻylab 87 mingdan ortiq, Germaniyada esa 54 ming kishini ish bilan ta’minlaydi.

Germaniyada Bosch brendi ham xodimlarni qisqartirishni reja qilmoqda. Kompaniya 2024-yilda foydaning bir yarim baravarga – 4,8 dan 3,2 milliard yevrogacha kamayishi fonida keyingi ish boʻshatishlarni e’lon qildi.

Kursiv Uzbekistan nashri Ilon Mask AQShda 2,3 million federal xodimlar sonini kamaytirishga kirishgani haqida yozgan edi.

Qatarning Jusour rekruting tashkiloti va Migratsiya agentligi savdo yordamchisi yo‘nalishida ish o‘rinlarini taklif etmoqda. Bu haqda agentlik rasmiy sahifasida ma’lum qilindi.

Unga ko‘ra, jami 200 ta bo‘sh ish o‘rni mavjud bo‘lib, ish haqi $700 – $750 ni tashkil etadi. Uy ijarasi va ovqatlanish xarajatlari ish beruvchi hisobidan bo‘ladi.

Ishga qabul qilinadigan nomzodlar 21-yoshdan yuqori bo‘lishi, ingliz tilida erkin muloqot qila olishi, kamida «B1» darajada bilishi lozim. Rus tilini berish ustunlik beradi. Shuningdek, savdo va mijozlarga xizmat ko‘rsatish sohasida kamida ikki yillik tajriba talab qilinadi.

Ish beruvchi tomonidan Qatarga borish, ishchi viza va tibbiy sug‘urta xarajatlari, mahalliy transport kartasi yoki to‘lovlari...

18-mart kuni O‘zbekiston prezidenti Shavkat Mirziyoyev va Qozog‘iston prezidenti Qosim-Jomart Toqayev telefon orqali muloqot o‘tkazdi. Bu haqda prezident matbuot xizmati xabar qildi.

Ikkala davlat rahbarlari yaqinlashib kelayotgan Navro‘z bayrami munosabati bilan bir-birlarini qutlab, O‘zbekiston va Qozog‘iston xalqlariga tinchlik, farovonlik va ravnaq tiladilar.

Suhbat davomida O‘zbekiston – Qozog‘iston strategik sheriklik va ittifoqchilik munosabatlarini yanada mustahkamlash masalalari muhokama qilindi. Xususan, savdo, sanoat kooperatsiyasi, transport, energetika va qishloq xo‘jaligi sohalarida hamkorlikni rivojlantirish bo‘yicha qo‘shma chora-tadbirlar muhim ekani qayd etildi.

Ikki davlat hududlarida o‘tayotgan madaniy-gumanitar tadbirlar yuqori baholandi.

Prezidentlar bo‘lajak oliy va yuqori darajadagi tadbirlar rejasini, shu jumladan, «Markaziy Osiyo plyus» shaklidagi sammitlarga...

Xitoy Donald Tramp bojlari tufayli 40 kundan beri AQShdan suyultirilgan gaz (LNG) import qilishdan bosh tortmoqda. Bu haqda Bloomberg Kpler kompaniyasining kema kuzatuvi ma’lumotlariga tayanib, xabar bermoqda.

Ta’minotning joriy uzilishi oxirgi ikki yildagi eng uzun muddat boʻldi. Pekin Vashington Xitoyning barcha eksportiga bojlar joriy qilganiga javoban 10 fevraldan boshlab AQShning LNG yetkazib berishga 15 foizlik boj joriy qildi.

Shundan soʻng amerikalik yetkazib beruvchilar bilan uzoq muddatli shartnomalar tuzgan xaridorlar LNG yuklarini Yevropaga qayta sotdi.

Avvalroq Kursiv Uzbekistan Yevropa rekord darajada gaz xarid qilgani haqida yozgan edi.