Yangiliklar

Markaziy bank tomonidan o‘tkazilgan so‘rov natijalariga ko‘ra, 14 mingdan ortiq respondentlarning 34 foizida umuman jamg‘armalar yo‘q. Tadqiqot natijalari regulyatorning rasmiy veb-saytida e’lon qilindi.

So‘rovda qatnashganlarning qolgan qismi esa jamg‘armalarga ega ekanini bildirgan: 23 foizi – naqd shaklda uyda saqlaydi, yana 23 foizi – bank kartalarida, 20 foizi esa banklardagi omonat hisobvaraqlarida saqlaydi.

Shuningdek, respondentlarning 35 foizi jamg‘armalarni bank bo‘limlariga bormasdan, mobil ilovalar orqali shakllantirayotganini ma’lum qilgan.

So‘rov natijalariga ko‘ra, ishtirokchilarning 49 foizi mobil ilovalar orqali omonat ochish imkoniyatidan xabardor va undan foydalanadi. 37 foizi bu imkoniyat borligini biladi, ammo foydalanmaydi. 10 foiz esa bu xizmat haqida umuman xabardor emas...

Shavkat Mirziyoyev aholi bandligini ta’minlash va kasbiy ta’lim tizimini takomillashtirish masalalariga bag‘ishlangan taqdimot bilan tanishdi. Bu haqda prezident matbuot xizmati ma’lum qildi.

Joriy yil boshidan xorijiy tajribalar asosida yangi yondashuvlar joriy qilinib, banklar mahallalarga biriktirildi. Natijada birinchi yarim yillikda 3 mln.dan ziyod fuqarolar daromadli mehnatga jalb qilindi. Kambag‘allik darajasi 6,8 foizgacha kamaydi.

Taqdimotda kasbiy ta’limning mehnat bozoriga mosligi, ish beruvchilar bilan hamkorlik, xususiy sektor ishtiroki va malaka oshirish tizimini rivojlantirish muhimligi qayd etildi. Ayni paytda mehnat munosabatlaridagi ba’zi cheklovlar, vakansiyalarni e’lon qilishdagi muammolar bozorni to‘liq tahlil qilishga to‘sqinlik qilayotgani bildirildi.

Yangi tartibga ko‘ra, bandlik organlari jazo emas, xizmat ko‘rsatuvchi...

Eron muhandislari tomonidan ishlab chiqilgan «Nahid-2» aloqa sun’iy yo‘ldoshi Rossiyaning Vostochnyy kosmodromidan «Soyuz» raketasi yordamida fazoga uchirildi. Bu haqda Eron OAVlariga tayanib, Al Jazeera ma’lum qildi.

Raketa sun’iy yo‘ldosh bilan birga yana 18 ta kichik qurilmani orbitaga olib chiqdi. Eron Kosmik agentligi rahbari Xasan Salariehga ko‘ra, sun’iy yo‘ldosh ikki yil faoliyat yuritadi. Og‘irligi 110 kg bo‘lgan mazkur sun’iy yo‘ldoshning ishga tushirilishi Eronning fazo dasturidagi navbatdagi yutug‘i sifatida baholanmoqda.

Sun’iy yo‘ldosh parvozi Eron va Yevropa davlatlari o‘rtasidagi yadro muzokaralari arafasida amalga oshgani bilan ham e’tibor qozondi. G‘arb davlatlari bu kabi texnologiyalar Eronning harbiy salohiyatini kuchaytirishidan xavotirda.

Eslatib o‘tamiz, avvalroq Boeing...

Amerikaning yirik avtomobil ishlab chiqaruvchisi General Motors (GM) 2025-yilning ikkinchi choragida global miqyosda 1,5 mln dona avtomobil sotganini ma’lum qildi. Bu haqda kompaniya hisobotlarida ma’lum qildi.

Shu davr mobaynida kompaniyaning umumiy daromadi $47,1 milliardni tashkil etdi. Bu o‘tgan yilning shu davriga nisbatan 2 foizga kam. Biroq yilning dastlabki yarmi bo‘yicha daromad 91,1 milliard dollar atrofida saqlanib qoldi. Bu 2024-yilga nisbatan deyarli o‘zgarishsiz.

GM’ning sof foydasi ikkinchi chorakda 34 foizga kamaydi va $1,9 milliardni tashkil etdi. Kompaniya bunga asosiy sabab sifatida Tramp ma’muriyatining import bojlarini oshirish siyosatini ko‘rsatmoqda. Aynan ushbu tariflar kompaniyaning foizlar va soliqlardan oldingi foydasini $1,1 milliardga qisqartirgan...

VisionLabs kompaniyasi Toshkent metrosida yuzni tanib olish orqali to‘lov xizmatini yo‘lga qo‘ydi. Bu kompaniya uchun MDHda uchinchi shunday loyiha hisoblanadi. Bu haqda RBK xabar bermoqda.

Kompaniya rahbari Dmitriy Markovning aytishicha, tizim Click va ATTO bilan hamkorlikda joriy etilgan. Hozirda xizmat metro stansiyalarining 75 foizida ishlamoqda. Tez orada bu ko‘rsatkich 100 foizga yetkazilishi rejalashtirilgan.

Bunga o‘xshash xizmat Moskvada 2021-yilda, Qozog‘istonning Olmaota shahrida esa 2024-yilning o‘rtalarida ishga tushirilgan edi. Toshkent loyihasi — VisionLabs’ning navbatdagi xalqaro tashabbusi.

Kompaniya bu xizmatdan 2024-yilda 100 million rubl $1,25 mln) daromad ko‘rgan. VisionLabs nafaqat metrolarda, balki do‘konlar, kinoteatrlar va boshqa joylardagi kassalarda ham yuz orqali to‘lov...

Oqqo‘rg‘on tuman sudi «G.S.» kompaniyasi rahbarini Chirchiq daryosi o‘zanida qum-shag‘al aralashmasini noqonuniy qazib olgani uchun olti yilga ozodlikdan mahrum etdi. Bu haqda O‘zbekiston Ekologiya vazirligi xabar berdi.

Sud, shuningdek, ayblanuvchidan tabiatga yetkazilgan zararni qoplashni ham talab qildi.
Jinoyat ishi 2024-yil 7-noyabrga o‘tar kechasi o‘tkazilgan reyd natijasida ochilgan. O‘shanda huquq-tartibot organlari va vazirlik xodimlari daryo o‘zanida noqonuniy qazish ishlari olib borayotgan maxsus texnikani aniqlagan.

Qoidabuzarlar Chirchiqdan olingan qum-shag‘al aralashmasini kompaniyaning maydalash zavodiga yetkazib berib turgan. Tabiatga yetkazilgan zarar miqdori 230 milliard so‘mdan oshgan.

Avvalroq Kursiv Uzbekistan yer qa’ridan noqonuniy foydalanish bo‘yicha xabar berganlar rag‘batlantirilishi haqida xabar bergandi.

Bunda huquqbuzarlik video orqali...

Samsung Galaxy S25 Ultra smartfonining ishlab chiqarish xarajatlari avvalgi modellarga qaraganda yuqoriroq bo‘lgan. Gizmochina ma’lumotiga ko‘ra, 12 GB operativ va 512 GB doimiy xotirali versiya uchun materiallar qiymati (BoM) Galaxy S24 Ultra bilan solishtirganda 3,4 foizga oshgan.

Asosiy sabab Snapdragon 8 Elite chipi bo‘lib, uning narxi oldingi chipdan 21 foizga qimmatroq. Shuningdek, xotira modullarining narxi ham biroz oshgan. Bu esa narxlarning pasayish tendensiyasini to‘xtatdi.

Biroq barcha qismlar qimmatlashgani yo‘q. Masalan, titan korpus narxi ishlab chiqarish optimallashtirilgani sababli 8 foizga arzonlashgan. OLED ekranlar ham bir necha foizga arzonroq bo‘lgan.

Samsung radio modullar xarajatlarini 10 foizdan ortiq qisqartirdi. Kompaniya ko‘p komponentli...

Olmaota viloyatida EC-145 rusumli harbiy vertolyotni qidirish ishlari olib borilmoqda. Vertolyot «Lugovoye» aerodromidan uchib chiqqach, radardan yo‘qolgan. Bu haqda Qozog‘iston Mudofaa vazirligi xabar berdi.

Vazirlik ma’lumotiga ko‘ra, bortda uch nafar ekipaj a’zosi bo‘lgan.

«Rejalashtirilgan parvoz davomida Qozog‘iston Qurolli kuchlari havo mudofaasi kuchlariga qarashli EC-145 vertolyotining radarlar bilan aloqasi uzilgan. Dastlabki ma’lumotlarga ko‘ra, bortda uch kishi bo‘lgan», — deyiladi rasmiy xabarda.

Qidiruv-qutqaruv ishlariga Mudofaa vazirligi bo‘linmalari va Favqulodda vaziyatlar departamenti xodimlari jalb etilgan. Operatsiyada ikki qidiruv vertolyoti va yer usti guruhlari ishtirok etmoqda.

Mudofaa vaziri topshirig‘iga asosan hodisa yuz bergan deb taxmin qilinayotgan joyga maxsus...

2024-yil oktabr oyida Toshkentdagi «Karaman Palace» mehmonxonasida rossiyalik jurnalist Inessa Papernaya is gazidan zaharlanib vafot etgan edi. Mazkur holat yuzasidan sud hukmi e’lon qilindi. Bu haqda TASS nashri xabar berdi.

Yakkasaroy tuman jinoyat ishlari bo‘yicha sud qaroriga ko‘ra, mehmonxona egasi 8 yil 1 oy muddatga ozodlikdan mahrum etildi.

Sud jarayonida aniqlanishicha, mehmonxonaga sifatsiz va texnik jihatdan yaroqsiz isitish qozoni o‘rnatilgan. Mazkur qurilmani sotgan ikki fuqaro va mehmonxonaning santexnigi ham aybdor deb topilib, har biri 3 yillik qamoq jazosi bilan jazolandi.

Yanvar oyida Inessa Papernayaning vafoti bo‘yicha ish doirasida to‘rt kishi qo‘lga olingandi. Bu haqda Bosh prokuratura matbuot kotibi Hayot Shamsutdinov Kursiv...

BYD kompaniyasi o‘rta segment uchun Sealion 06 elektromobilini rasman taqdim etdi. Ushbu avtomobil elektr va plagin-gibrid variantlarda ishlab chiqarilgan. Xitoy bozorida narxi $19,3 mingdan $23,5 minggacha boradi. Bu haqda CarNewsChina nashri xabar berdi.

Modelning versiyalari xususiyatlari

Modellar orasida elektr yurish masofasi 610 kilometrga yetadigan, ikki motorli va tezlanishi 4,9 soniyali kuchli variant ham mavjud.

Model yopiq old panjarasi, yoritilgan chiziqli orqa chiroqlari va yarim chuqur eshik tutqichlari orqali zamonaviy ruhda ishlab chiqilgan. Avtomobil salonida 15,6 dyuymli markaziy ekran, raqamli panel, simsiz zaryadlash moslamasi va mini muzlatkich mavjud. Hamma modifikatsiyalar panoramali tom va konditsionerli old o‘rindiqlar bilan jihozlangan.

Gibrid...

2025-yil 25-avgustdan boshlab goo.gl URL qisqartirish xizmati orqali yaratilgan barcha havolalar ishlashdan to‘xtaydi. Hatto platforma yopilishidan oldin yaratilgan havolalar ham 404 xatolikka olib keladi.

Ushbu xizmat 2019-yildan beri yangi havolalarni qabul qilmayotgan edi, ammo eski havolalar hali ham faol ishlab kelgan. Endi ular ham butunlay o‘chiriladi. Google nima uchun eski havolalarni o‘chirayotgani bo‘yicha izoh bermagan.

Avgust oyidan boshlab bunday manzillar orqali o‘tilganda havolaning tez orada ishlashdan to‘xtashi haqida ogohlantirish chiqadi.

Mazkur tozalash natijasida goo.gl havolalari ishlatilgan ko‘plab arxivlar, bloglar, maqolalar va pochta jo‘natmalari kontentning bir qismini yo‘qotishi mumkin. Shu sababli bunday resurslarga ega bo‘lgan foydalanuvchilarga havolalarni oldindan yangi manzillarga...

Bugun, 25-iyul kuni dollar kursi 71,75 so‘mga pasayib, 12 581,73 so‘mni qayd etdi. Bu haqda Valyuta birjasi xabar bermoqda.

Dollar kursining iyul oyidagi qiymati

1-iyul kuni 12 676,11 so‘mni tashkil etgan AQSh dollari kursi 2-iyul kuni 84,4 so‘mga pasayib, 12 591,71 so‘mga tushdi. 3-iyulda esa yana 34,15 so‘mga kamayib, 12 557,56 so‘m bo‘ldi.

Keyingi kunlarda esa dollar narxi asta-sekin ko‘tarildi. 4-iyulda 49,17 so‘mga oshib, 12 606,73 so‘mni tashkil etdi. 7-iyulga kelib kurs 70 so‘mga ko‘tarilib, 12 676,73 so‘mga yetdi. 8-iyulda esa 35,36 so‘mlik o‘sish kuzatilib, dollar 12 712,09 so‘m bo‘ldi.

Biroq 9–11-iyul kunlari dollar kursi ketma-ket pasaydi. Jumladan, 9-iyulda 58,77 so‘mga, 10-iyulda 18,98 so‘mga, 11-iyulda...

2025-yilning yanvar-iyun oylarida O‘zbekiston umumiy qiymati $31,4 million bo‘lgan 32 937 tonna shaftoli eksport qildi. Bu haqda Milliy statistika qo‘mitasi xabar berdi.

Ma’lumotga ko‘ra, o‘tgan yilning shu davriga nisbatan eksport hajmi 17,6 ming tonnaga ko‘paygan bo‘lib, bu 2,2 baravar o‘sishni anglatadi.

Eng katta hajmdagi o‘zbek shaftolisi quyidagi davlatlarga yetkazib berilgan:

Qolgan 57 tonna esa boshqa davlatlarga eksport qilingan.

Bundan oldin 2025-yilning aprel-iyun oylarida O‘zbekistonning yangi o‘rik eksporti hajmi ham o‘tgan yilning shu davriga nisbatan 18 foizga oshgani haqida...

Shvetsiyaning Koenigsegg avtomobil ishlab chiqaruvchisi ilk bor kichik elektr shahar avtomobili Variera konsepsiyasini sinovdan o‘tkazmoqda. E’tiborli jihati shundaki, bu loyiha professional muhandislardan emas, balki Lund universiteti talabasi Maksimilian Tyrotdan chiqqan. Bu haqda Car Buzz nashri xabar berdi.

U o‘zining «Koenigsegg Variera» deb nomlangan konsept avtomobilini san’at va sanoat dizayni kursi doirasida ishlab chiqqan. Loyiha boshida Tyrot brendga xos tarzda to‘liq elektrli giperkar ishlab chiqmoqchi bo‘lgan, biroq Koenigsegg dizaynerlari unga bu g‘oyadan voz kechib, kundalik foydalanishga mo‘ljallangan, ixcham elektromobil yo‘nalishiga o‘tishni tavsiya qilishgan.

«Variera» so‘zi shved tilida «o‘zgarish» degan ma’noni anglatadi. Bu nom Koenigseggning dizayn tillarini yangicha talqinda ifodalaydi. Loyiha...

«Manchester Siti» klubi «Byornli» jamoasi darvozaboni Jeyms Treffordni 40 mln funt sterlingga xarid qildi. Bu haqda taniqli insayder Fabritsio Romano X sahifasida ma’lum qildi.

«Byornli» bilan 40 million funt sterling qiymatida qayta sotib olish sharti bilan bitim tuzildi. Trafford «Man Siti»ga «ha» dedi, chunki Pep Gvardiola uni xohlayotgandi. «Nyukasl» ham Traffordning qaroridan xabardor qilingan,— deb yozdi Romano.

Avvalroq Kursiv Uzbekistan «Manchester Siti» Traffordni qaytarishi mumkinligi haqida xabar bergan edi.

Ijtimoiy tarmoqlarda Chorvoq hududida yana yong‘in yuzaga kelgani haqidagi videolar tarqala boshladi. Holat yuzasidan Favqulodda vaziyatlar vazirligi ma’lumot berdi.

Unga ko‘ra, mazkur hududdagi yong‘in 24-iyul kuni soat 17:57 da to‘liq o‘chirilgan.

Hozirgi paytda ushbu hududda yong‘in butunlay bartaraf etilgan. Ijtimoiy tarmoqlarda tarqalgan kadrlardagi tutun esa faqat qolgan shox-shabba qoldiqlaridan chiqqan.

Ayni vaqtda Favqulodda vaziyatlar vazirligi va boshqa mutasaddi tashkilotlar tomonidan hududda profilaktik chora-tadbirlar amalga oshirilmoqda. Vaziyat to‘liq nazoratga olingan.

Bundan oldin Bo‘stonliq tumani «Xo‘jakent» MFY tog‘li hududidagi 2 gektar maydonda quruq o‘t va shox-shabba yonayotgani haqida xabar bergandik.

Ushbu yong‘inni bartaraf etishga yong‘in-qutqaruv ekipajlari, vertolyotlar jalb qilingandi.

Geely 2026-yilgi yangilangan Geely EX5 elektromobilini Xitoyda taqdim etdi. Bu haqda CarNewsChina xabar bermoqda.

Krossoverning boshlang‘ich narxi 109 800 yuan ($15,3 ming) etib belgilandi. Avtomobil endi uzoqroq masofani bosib o‘tadi. Uning maksimal yurish masofasi 610 kmga teng.

Geely EX5 dastlab 2024-yil 5-iyul kuni Galaxy E5 nomi bilan Xitoyda taqdim etilgan edi. U 35 ta davlatda sotuvga chiqqan va Xitoyning eng ko‘p eksport qilingan A-segmentli elektromobiliga aylangan.

Yangi EX5’ning asosiy o‘zgarishi batareya tizimida bo‘lib, endi unda 49,5 kVt·soatli akkumulyator mavjud emas. Model 60,2 kVt·soat (530 km) va 68,4 kVt·soat (610 km) sig‘imli Geely ishlab chiqqan ShenDun turidagi LFP batareyalari bilan...

Fransiya prezidenti Emmanuel Makron va uning rafiqasi Brijit AQShda jurnalist Kendis Ouensga qarshi tuhmat bo‘yicha da’vo arizasi topshirdi.

Unga ko‘ra, Ouens bir necha marta Fransiyaning birinchi xonimi erkak ekanligi va u erkak bo‘lib tug‘ilganligini ta’kidlagan.

Makronlar shikoyatlarida Ouens o‘z podkastini targ‘ib qilish va muxlislar doirasini kengaytirish maqsadida «yolg‘onga asoslangan global sharmandali kampaniya» olib borganini aytgan.

Ilgari amerikalik jurnalist 72 yoshli Brijit Makron transayol ekanligi, u Jan-Mishel Trone ismli erkak bo‘lib tug‘ilgani haqida bir nechta tadqiqotlar e’lon qilgandi. Ma’lumotlarga qaraganda, aslida bu Brijitning akasining ismi bo‘lgan.

«Ouens Makronlarning tashqi ko‘rinishi, nikohi, do‘stlari, oilasi va shaxsiy...

O‘zbekiston Tashqi ishlar vazirligi Tailand va Kambodja o‘rtasidagi chegarada yuz bergan qurolli to‘qnashuv yuzasidan bayonot berdi.

«O‘zbekiston Tailand va Kambodja o‘rtasidagi chegarada yuz bergan qurolli to‘qnashuv munosabati bilan yuzaga kelgan vaziyatni diqqat bilan kuzatmoqda. Biz barcha tomonlarni vaziyatni tinch yo‘l bilan hal qilishga va xalqaro huquq normalariga rioya qilishga chaqiramiz», — deyiladi TIV xabarida.

Bangkokdagi Bosh konsulxona ma’lumotiga ko‘ra, hozircha Tailand va Kambodjada yashayotgan o‘zbekistonliklar orasida jabrlanganlar yo‘q. Tailandning poytaxti va turizm markazlarida vaziyat barqaror, xorijiy sayyohlar uchun xavf mavjud emas.

Vazirlik O‘zbekiston fuqarolaridan Kambodja bilan chegaradosh hududlarga bormaslik va rasmiy axborotlarni muntazam...

Donald Tramp ma’muriyati Nyu-York shahrini muhojirlar bilan bog‘liq siyosati sababli sudga berdi. Bu haqda NBC News xabar bermoqda.

Ma’muriyat bu shaharni «boshpana shahar» deb atab, uning federal muhojirlik idoralari bilan hamkorlik qilmayotganini keskin tanqid qilgan.

AQSh bosh prokurori Pem Bondi Nyu-York shahrining boshpana siyosatini keskin tanqid qildi. Unga ko‘ra, bu siyosat tufayli minglab jinoyatchilar ko‘chalarga chiqarib yuborilgan va ular oddiy, qonunga itoatkor fuqarolarga nisbatan zo‘ravonlik jinoyatlari sodir etmoqda.

«Agar Nyu-York o‘z fuqarolarini himoya qilmasa, bu vazifani biz federal hukumat bajarishga majbur bo‘lamiz», — dedi bosh prokuror Bondi.

Da’vo arizasida Nyu-York siyosati federal hukumatning...

Checheniston rahbari Ramzan Qodirov Turkiyaning Bodrum shahrida dam olayotgan vaqtda suvda cho‘kib ketishiga bir baxya qoldi. Bu haqda Haberler nashri xabar berdi.

Hodisa 24-iyul kuni tushdan keyin Kaynar hududidagi besh yulduzli mehmonxonalardan birining plyajida sodir bo‘lgan.

Ma’lumotlarga ko‘ra, Qodirov suvga tushganidan so‘ng to‘satdan o‘zini yomon his qilgan. Mehmonxona xodimlari voqeani darhol payqab, tibbiy yordamga murojaat qilgan. Qirg‘oq qo‘riqlash xizmati xodimlari tomonidan suvdan chiqarilgan Qodirovga plyajda birinchi tibbiy yordam ko‘rsatilgan va u tez yordam mashinasida xususiy shifoxonaga olib ketilgan.

Shifoxonada kuzatuv ostida bo‘lgan Checheniston rahbarining sog‘lig‘i hozirda barqaror ekani bildirildi.

Voqea ijtimoiy tarmoqlarda katta qiziqish uyg‘otgan bo‘lsa-da, Qodirov yaqinlari...

Osiyo Taraqqiyot Banki (OTB) Osiyo-Tinch okeani mintaqasidagi rivojlanayotgan davlatlar uchun 2025–2026-yillarga mo‘ljallangan iqtisodiy o‘sish prognozini pasaytirdi. Bunga AQSh tariflarining oshishi, global savdo noaniqligi va ichki talabning susayishi sabab qilib ko‘rsatilmoqda.

OTB prognozlariga ko‘ra, joriy yilda mintaqa iqtisodiyoti 4,7 foizga o‘sishi kutilmoqda. Bu ko‘rsatkich aprel oyida e’lon qilingan prognozga nisbatan 0,2 foiz punktga past. Shuningdek, hisobotda kelgusi yilgi prognoz ham 4,7 foizdan 4,6 foizga pasaytirilgani qayd etilgan.

OTB bosh iqtisodchisi Albert Parkning aytishicha, mintaqa murakkab tashqi sharoitlar bilan yuzma-yuz turibdi. Uning fikricha, mamlakatlar ochiq savdo va mintaqaviy hamkorlikni davom ettirib, iqtisodiy barqarorlikni ta’minlashi lozim.

Mintaqaning eng yirik iqtisodiyoti boʻlgan Xitoyda...

Chery Auto kompaniyasi 1-avgust kuni Dubayda o‘zining yangi flagman SUV modeli — iCAR V27 ni namoyish qiladi. Bu haqda CarNewsChina xabar berdi.

Dubaydagi namoyishda Chery’ning iCAR brendi ostida uchta model taqdim etiladi: yangilangan iCAR V27, ixcham iCAR V23 va iCAR 03 krossoveri. Bu uchlikning eng ilg‘ori va eng yuqori segmentga mo‘ljallangani aynan V27 bo‘ladi.

Katta SUV va uzoq yurish masofasi

Uzunligi deyarli besh metrga yetadigan iCAR V27 modeli, 1,5T turbodvigatelni elektr yuritmasi bilan birlashtirgan uzoq masofali elektr (REEV) kuch qurilmasiga ega. Model ikki xil konfiguratsiyada taklif etiladi: orqa g‘ildirakli va to‘rt g‘ildirakli. To‘rt g‘ildirakli versiyasi 335 kVt...

Shu yilning birinchi yarim yilligi yakunlariga ko‘ra, O‘zbekiston bo‘ylab o‘rtacha oylik nominal ish haqi 5,9 mln so‘mni tashkil etdi. Bu ko‘rsatkich 2024-yilning shu davriga nisbatan 17,2 foizga oshgan. Bu haqda Milliy statistika qo‘mitasi xabar berdi.

So‘nggi besh yil ichida o‘rtacha oylik ish haqi deyarli ikki baravar oshdi – 2021-yilda 2,9 mln so‘m bo‘lgan bo‘lsa, 2025-yilda 6 mln so‘mga yaqinlashdi.

Toshkent — ish haqi bo‘yicha yetakchi

Hududlar bo‘yicha farqlar katta. Masalan, o‘tgan olti oyda Toshkent shahrida o‘rtacha ish haqi 10,1 mln so‘mga yetib, respublika bo‘yicha eng yuqori ko‘rsatkichni qayd etdi.

Toshkent viloyatida esa bu ko‘rsatkich 5,6 mln so‘m atrofida...