Yangiliklar

AQSh sudi Donald Tramp ma’muriyatiga Markaziy Amerika va Nepaldan kelgan 60 mingdan ortiq muhojirlarga berilgan vaqtinchalik deportatsiya himoyasini tugatish va ular uchun ish ruxsatnomalarini bekor qilishga ruxsat berdi. Bu haqda Reuters xabar bermoqda.

To‘qqizinchi okrug bo‘yicha AQSh Apellyatsiya sudining qarori hukumatga Nikaragua, Gonduras va Nepaldan kelgan muhojirlarga berilgan vaqtinchalik himoya maqomini bekor qilish imkonini beradi.

Nepal fuqarolari uchun himoya 5-avgust kuni yakunlangan bo‘lsa, Gonduras va Nikaragua fuqarolari uchun u 8-sentabrda tugaydi.

AQSh Ichki xavfsizlik vazirligi vakili Trishiya MakLaflinning ta’kidlashicha, bu qaror immigratsiya tizimining yaxlitligini tiklashga yordam beradi.

UCLA Immigratsiya huquqi va siyosati markazi vakili Axilan Arulanantam sud qarorini...

Navoiy viloyatida joylashgan Pirali oltin koni 99 milliard so‘mga sotildi. E-auksion saytida onlayn auksion yakunlangani ma’lum qilindi.

Savdolar natijasida konni geologik o‘rganish huquqi NBK 111 kompaniyasiga berildi. Kompaniya kon uchun 99,09 milliard so‘m to‘lashga rozi bo‘ldi. Bu miqdor boshlang‘ich narxdan qariyb 24 baravar yuqoridir.

Auksion 21-avgust kuni ertalab boshlangan va 23 soat 29 daqiqa davom etgan. Shu vaqt ichida jami 461 ta taklif berildi.

Ma’lumotlarga ko‘ra, NBK 111 2024-yil may oyida Toshkentda ro‘yxatdan o‘tgan. Korxona rangli metall rudalarini qazib olish bilan shug‘ullanadi, ustav kapitali esa 1,005 milliard so‘mni tashkil etadi.

Kompaniyaning 40 foizi xitoylik investor Chjan Tsyanga...

Ijtimoiy tarmoqlarda «Abdulloh» nomi bilan tanilgan tiktoker Yugay Valeriy qamoqqa olindi. Bu haqda Oliy sud matbuot xizmati ma’lum qildi.

Toshkent viloyati IIBB ma’lumotiga ko‘ra, u 2024-yilning oktabr–noyabr oylarida Koreyada bo‘lgan vaqtida ijtimoiy tarmoqlardagi sahifalari orqali millatlararo nizo keltirib chiqaruvchi, milliy qadriyatlarni tahqirlovchi va diniy e’tiqod asosida fuqarolarni kamsituvchi chiqishlar qilgan.

Joriy yil 24-mart kuni u Abu Dabi — Samarqand reysi orqali O‘zbekistonga qaytarilib, huquq-tartibot organlari tomonidan ushlangan. Sud jarayonida Yugay Valeriy o‘z qilmishidan pushaymonligini bildirib, xalqdan uzr so‘radi.

Nurafshon shahar sudi hukmiga ko‘ra, u Jinoyat kodeksining 156-moddasi (milliy, irqiy, etnik yoki diniy adovat qo‘zg‘atish) 2-qismi va 158-moddasi (O‘zbekiston...

Uzbekistan Airways ayrim OAV va onlayn-resurslarda go‘yoki kompaniya ma’lumotlar bazasidan ma’lumotlar sizib ketgani haqidagi xabarlar yuzasidan rasmiy munosabat berdi.

Aviakompaniya ma’lumotiga ko‘ra, hozirga qadar axborot tizimlariga ruxsatsiz kirish yoki yo‘lovchi hamda xodimlarning shaxsiy ma’lumotlari oshkor qilinganiga oid birorta ham tasdiqlangan holat qayd etilmagan. Barcha infratuzilma odatdagi tartibda ishlamoqda.

Shuningdek, ayrim nashrlarda keltirilgan misollar ishonchsiz ekani qayd etildi. Ular Uzbekistan Airways axborot tizimlariga aloqador emas va dastlabki taxminlarga ko‘ra, jamoatchilikda noto‘g‘ri taassurot uyg‘otish uchun sun’iy ravishda yaratilgan yoki tahrirlangan bo‘lishi mumkin.

Kompaniya xabariga ko‘ra, OAVdagi ma’lumotlar sababli xizmat tekshiruvi o‘tkazilgan. Natijada hech qanday ma’lumotlar komprometatsiya qilinmagan. Xavfsizlikni yanada kuchaytirish choralarini...

GM’ning Shimoliy Amerikadagi eng arzon elektromobili hisoblangan Chevrolet Equinox 2026 yangilanishdan so‘ng qimmatroq narxda sotiladi. Bu haqda GMAutority xabar bermoqda.

2026-yilgi krossover bir qator yangiliklarga ega, jumladan, Midnight Package va Polar White Tricoat rang variantida taqdim etiladi.

Boshlang‘ich narx $36,4 ming etib belgilangan. LT 2 versiyasi $43,2 mingdan, RS modeli esa $45,5 mingdan boshlanadi. Bu o‘tgan yilga nisbatan mos ravishda $1,5 mingga ko‘proq.

Dual Level Charge Cord endi barcha GM elektromobillarida standart bo‘lib, narx oshishiga sabab bo‘lgan omillardan biri. Shuningdek, 2027-yilda arzonroq bo‘lishi kutilayotgan yangi Chevrolet Bolt ham bozorda Equinox EV’ning o‘rnini qisqartirishi mumkin.

RS komplektatsiyasida qora tom yopmasi...

Xitoyda avtomobillar orasida C-NCAP xavfsizlik va avariya testi o‘tkazildi. Bu haqda CarNewsChina xabar berdi.

Ma’lum qilinishicha, C-NCAP testlarini Xitoy avtomobil texnologiyasi va tadqiqot markazi o‘tkazadi. Sinovlarda yo‘lovchilar, piyodalar va xavfsizlik tizimlari baholanadi. Natijalar foizlarda ifodalanadi va yulduzlar shaklida ko‘rsatib beriladi.

Mazkur test natijalariga ko‘ra, Huawei va Seres hamkorligida ishlab chiqarilgan Aito M8 yangi SUV modeli eng xavfsiz avtomobil sifatida e’tirof etildi. U C-NCAP xavfsizlik va avariya testida 93,7% natija bilan «besh yulduz +» bahosini olib, Xiaomi SU7 va boshqa raqiblarni ortda qoldirdi.

Aito M8 umumiy hisobda 93,7 foiz natija ko‘rsatdi. Faol xavfsizlik tizimlari bo‘yicha 96,34 foiz ball to‘plab...

Joriy yilning birinchi yarmida Qirg‘izistondan O‘zbekistonga qoramol eksporti o‘tgan yilga nisbatan besh baravar, qo‘y eksporti esa qariyb o‘n baravar qisqardi. Bu haqda Qirg‘iziston statistika qo‘mitasi hisobotlarida keltirib o‘tildi.

Unga ko‘ra, O‘zbekistonga 2025-yilning olti oyida 10 ming 270 bosh qo‘y va echki olib kirilgan. Bir yil oldin bu ko‘rsatkich 112 ming 206 boshni tashkil etgan edi.

2024-yil davomida esa Qirg‘izistondan O‘zbekistonga 130 ming 499 bosh qoramol hamda 233 ming 242 bosh qo‘y va echki eksport qilingan.

Avvalroq «Kursiv» nashri Mo‘g‘ulistondan O‘zbekistonga qo‘y eksporti start olgani haqida yozgandi.

Oʻzbekiston milliy terma jamoasi bosh murabbiyligiga nomzod sifatida Portugaliya terma jamoasi sobiq ustozi Paulu Bentu koʻrilmoqda. Bu haqda Championat.asia xabar berdi.

Ma’lumotlarga koʻra, Bentu soʻnggi bor BAA terma jamoasini boshqargan. Ammo jamoa JCh – 2026 saralashida muvaffaqiyat qozona olmaganidan soʻng lavozimidan ozod qilingan.

Bentu murabbiylik faoliyati davomida «Sporting» va «Olimpiakos» klublarida ishlagan. Shuningdek, u Portugaliya, Janubiy Koreya hamda Birlashgan Arab Amirliklari terma jamoalariga bosh murabbiylik qilgan.

Uning yutuqlari orasida 2012-yilda Portugaliya terma jamoasi bilan Yevropa chempionati yarim finaliga chiqishi va 2022-yilda Janubiy Koreya terma jamoasini Jahon chempionati pley-off bosqichiga olib chiqishi alohida ta’kidlanadi.

Avvalroq Kursiv Uzbekistan turkiyalik murabbiy Oʻzbekiston...

Samsung kompaniyasi yangi rekord o‘rnatishga tayyorlanmoqda. Samsung Galaxy S26 seriyasi o‘zidan oldingi modellardan ham yupqaroq bo‘lishi kutilmoqda. Bu haqda Dgl.ru nashri xabar bermoqda.

Ma’lumotlarga ko‘ra, barcha Galaxy S26 modellari Galaxy S25 seriyasidan yupqaroq bo‘ladi. Bu nafaqat ko‘rinishga, balki qurilmani ushlash qulayligiga ham ijobiy ta’sir qiladi.

Samsung, shu bilan birga, batareya sig‘imini ham oshirishni rejalashtirayotgani aytilmoqda. Mutaxassislarning fikricha, kompaniya kremniy-uglerod texnologiyasidan foydalanishi mumkin. Bu esa 7000 mA·soat quvvatga ega akkumulyatorni yupqa korpusga joylashtirish imkonini beradi.

Galaxy S26 Ultra ham avvalgi modeldan yengilroq va yupqaroq bo‘lishi haqida xabarlar tarqaldi. Ammo batareya sig‘imi borasida qarama-qarshi ma’lumotlar mavjud.

Shuningdek, kompaniya nomlash tizimida...

Tom’s Guide nashri 2025-yil uchun eng yaxshi smartfonlar haqida maqola e’lon qildi. Unda narx, texnik imkoniyatlar va kamera qulayligiga urg‘u qaratilgan.

Samsung Galaxy S25 Ultra

Samsung Galaxy S25 Ultra 200 MP kamera, AI ProVisual tizimi va uzoq quvvatli batareyasi bilan flagman smartfon. Qurilma 6,9 dyuymli AMOLED ekranga ega, 144 Hz yangilanish tezligi va HDR10+ qo‘llab-quvvatlaydi.

Snapdragon 8 Gen 4 protsessorida ishlaydi, 12/16 GB tezkor xotira va 256 GB dan 1 TB gacha saqlash imkoniyati mavjud. Batareyasi 5500 mA·soat, 65 Vt tezkor quvvatlash va simsiz zaryadlashni qo‘llab-quvvatlaydi.

Old kamera 50 MP, asosiy modul esa 200 MP bo‘lib, 10x optik zum...

Korrupsiyaga qarshi kurashish agentligi 8,6 mlrd so‘mlik davlat xaridida qonun buzilish holatlarini aniqladi. Bu haqda agentlik rasmiy sahifasida ma’lum qildi.

Mazkur xarid Buxoro tibbiyot instituti buyurtmasi asosida «aqlli issiqxona qurish xizmati» bo‘yicha o‘tkazilgan. Tekshiruvda tanlov shartlari raqobatni cheklagani, takliflar to‘liq va xolis baholanmagani hamda jarayonda qator xatoliklarga yo‘l qo‘yilgani ma’lum bo‘ldi.

Agentlik taqdimnomasiga asosan xarid komissiyasining g‘olibni aniqlash haqidagi qarori bekor qilindi va noqonuniy xaridning oldi olindi.

To‘plangan hujjatlar qonuniy chora ko‘rish uchun huquqni muhofaza qiluvchi organlarga topshirildi.

Bundan oldin UzAuto Motors yong‘in va xavfsizlik tizimlariga xizmat ko‘rsatishdagi davlat xaridi bo‘yicha tarqalgan xabarlarga munosabat bildirgandi.

2025-yil iyul oyida Markaziy bank tomonidan 3 mingdan ortiq respondent ishtirokida o‘tkazilgan so‘rovlar O‘zbekiston aholisi iste’mol kayfiyatida barqarorlik saqlanib qolayotganini ko‘rsatdi. Fuqarolarning daromadlari va xarajatlariga oid kutilmalari yuqori darajada, biroq kredit olishga nisbatan ehtiyotkorlik kuchaymoqda.

Daromadlar subindeksi: yuqori darajada barqarorlik

Aholi daromadlari 2025-yilning ikkinchi choragida sezilarli darajada o‘sishda davom etmoqda. Daromad subindeksi 70,7 bandni tashkil etdi va bu o‘tgan yilning mos davriga nisbatan 0,4 band yuqori. Bu ko‘rsatkich oxirgi ikki yil davomida 70 band atrofida shakllanib, barqaror ijobiy tendensiyani ifodalab kelmoqda.

Respondentlarning 65,4 foizi kelgusi 12 oyda daromadlari oshishini kutmoqda. Faqat 11,7 foiz daromadlar kamayishini taxmin qilgan, qolgan...

O‘zbekiston va Bahrayn o‘rtasida diplomatik pasport egalariga viza talabi bekor qilindi. Bu haqda O‘zbekiston tashqi ishlar vaziri ma’lum qildi.

O‘zbekiston tashqi ishlar vaziri Baxtiyor Saidov Bahrayn poytaxti Manamaga rasmiy tashrifi doirasida Bahrayn tashqi ishlar vaziri Abdullatif bin Rashid al-Zayani bilan uchrashdi.

Uchrashuv davomida ikki davlat o‘rtasidagi siyosiy muloqot, savdo, investitsiyalar va tajriba almashuvini kengaytirish masalalari muhokama qilindi. Shuningdek, Markaziy Osiyo va Ko‘rfaz davlatlari o‘rtasida hamkorlikni mustahkamlashga alohida e’tibor qaratildi.

Muzokaralar yakunida O‘zbekiston va Bahrayn diplomatik pasport egalari uchun vizalarni bekor qilish to‘g‘risidagi bitimni imzoladi.

Bundan avval o‘zbekistonliklar vizasiz kirishi mumkin bo‘lgan davlatlar e’lon qilingandi.

Google rasmiy ravishda yangi Google Pixel 10 smartfonini namoyish etdi. Bu haqda kompaniya saytida ma’lum qildi.

Asosiy yangilik sifatida bazaviy model endi ilk bor uchlik kamera tizimiga ega bo‘lgani qaralmoqda. Asosiy modul 48 MP, ultra-keng modul 13 MP, telekamera esa 10,8 MP bo‘lib, 5x optik zoomni qo‘llab-quvvatlaydi. Old kamera 10,5 MP sensorga ega va avtofokus bilan jihozlangan.

Pixel 10 3 nm Tensor G5 protsessori asosida ishlaydi, xavfsizlik uchun esa Titan M2 chipi qo‘shilgan. Displey 6,3 dyuym OLED, 120 Hz, Full HD+ aniqlikda. Yorqinligi oshirilgan, ekran Gorilla Glass Victus 2 bilan himoyalangan.

Smartfon IP68 darajadagi chang va suvdan himoyaga ega...

Rossiya Davlat dumasi sobiq deputati Magomed Gadjiev G‘arb maxsus xizmatlariga maxfiy ma’lumotlarni topshirganlikda gumon qilinmoqda. Bu haqda «Ria Novosti» ma’lum qildi.

Bosh prokuratura da’vosiga ko‘ra, u xorijda bo‘lganida G‘arb vakillariga hamkorlik taklif qilgan va buning evaziga $45 mln olgan.

Hujjatda qanday ma’lumotlar berilgani ochiqlanmagan. Shuningdek, Gadjievning Turkiya fuqaroligiga ega ekani, AQShda bank hisoblari hamda kriptovalyuta sohasi bilan bog‘liq biznesi mavjudligi ta’kidlanmoqda.

Ma’lumot uchun, u Rossiya Adliya vazirligi tomonidan «xorijiy agent» sifatida ro‘yxatga kiritilgan, «Yagona Rossiya» partiyasidan chiqarilgan hamda Ukraina tomonidan ham unga qarshi jinoiy ish ochilgandi.

Eslatib o‘tamiz, avvalroq Rossiyada 110 nafar fuqaroni soxta ro‘yxatga qo‘ygan o‘zbekistonliklarga ish...

Xitoy o‘zining harbiy salohiyatini kuchaytirish bilan birga yadro qurollarini ham tezkorlik bilan kengaytirayotgani haqida AQSh harbiylari va ekspertlar ogohlantirmoqda. Bu haqda Reuters agentligi ma’lum qildi.

Pentagon ma’lumotlariga ko‘ra, mamlakatda hozirda taxminan 600 ta yadro kallagi mavjud bo‘lib, 2030-yilga kelib bu raqam 1000 dan oshishi kutilmoqda.

AQSh Kongressida so‘zlagan general Entoni Kotonning ta’kidlashicha, bu jarayon Xitoy rahbari Si Szinpinning 2027-yilgacha Tayvanni egallashga tayyorgarlik ko‘rish haqidagi ko‘rsatmasi bilan bog‘liq.

Pekinning rasmiy pozitsiyasi yadro qurolidan birinchi bo‘lib foydalanmaslik siyosatiga asoslanadi. Xitoy Mudofaa vazirligi yadro urushida g‘alaba bo‘lishi mumkin emasligini ta’kidlab, G‘arbning Xitoy yadroviy tahdidi haqidagi da’volarini rad etmoqda.

Shu bilan birga, xalqaro...

Yangilangan Chevrolet Onix avtomobili keyingi avlodi Janubiy Koreyaning budjet xetchbeki Hyundai HB20 bilan bir xil platformada ishlab chiqiladi. Bu haqda Daily Motor nashri xabar bermoqda.

Ma’lumotlarga ko‘ra, yangi Onix tashqi ko‘rinishda Hyundai HB20’dan ko‘p farq qilmaydi. Faqat ayrim dizayn elementlari o‘ziga xos bo‘ladi. Avtomobil uzunligi 4,1 metr, g‘ildirak bazasi 2,6 metr, bagaj hajmi esa 330 litrni tashkil etadi.

Dizayn jihatdan avtomobil klin shaklidagi faralar, ularni tutashtiruvchi LED chiziq, cho‘zilgan kapot va ixcham radiator panjarasi bilan ajralib turadi. Interyer va dvigatel liniyasi ham Hyundai HB20’dan olinadi.

Yangi Onix bazaviy versiyalarda 1 litrli atmosferali Flex-Fuel dvigateli va 5 pog‘onali mexanik...

Investitsiyalar, sanoat va savdo vaziri o‘rinbosari Ilzat Kasimov Xitoyning Aladdin Holdings Group va Tai Chang Special Steel kompaniyalari vakillari bilan uchrashdi va hamkorlik masalalarini muhokama qildi. Bu haqda vazirlik matbuot xizmati ma’lum qildi.

Muzokaralarda qishloq xo‘jaligi va turizm sohalarida O‘zbekiston – Xitoy innovatsion markazini tashkil etish tashabbusi ko‘rib chiqildi. Loyihaning amalga oshirilishi yangi ish o‘rinlarini yaratish hamda innovatsion yondashuvlarni keng joriy etishga xizmat qilishi ta’kidlandi.

Uchrashuv yakunida tomonlar hamkorlikni mustahkamlash va loyihani bosqichma-bosqich amalga oshirish yuzasidan kelishuvga erishdi.

Eslatib o‘tamiz, avvalroq Rossiyada O‘zbekiston uchun yangi logistika markazi ochilishi mumkinligi haqida yozgan edik.

Shavkat Mirziyoyev Yangi Toshkent shahrida olib borilayotgan qurilish va bunyodkorlik ishlari taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, mazkur megashahar qurilishiga 2023-yilda tamal toshi qo‘yilgan bo‘lib, bugungi kunda dastlabki inshootlar barpo etila boshlandi. Loyihaga Yuqori Chirchiq va O‘rta Chirchiq tumanlaridan 19 ming 700 gektar yer maydoni ajratilgan. Shahar konsepsiyasi Buyuk Britaniyaning Cross-works kompaniyasi tomonidan ishlab chiqilgan. Dastlabki bosqichda 6 ming gektar hududda 600 ming aholiga mo‘ljallangan turarjoy va ijtimoiy infratuzilma obyektlari barpo etiladi. Loyiha to‘liq yakunlangach, shaharda 2 mln nafardan ziyod aholining yashashi ko‘zda tutilgan.

Bugungi kunda yerosti muhandislik tarmoqlari, jumladan, issiqlik, suv...

Banklar 21-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.  

Buxoro viloyatida jamoat transporti xizmatlari sifatini oshirish maqsadida Xitoydan 12 dona Yutong avtobuslari olib kelindi. Bu haqda Transport vazirligi ma’lum qildi.

Unga ko‘ra, mazkur avtobuslar «Miramax turist trans» MChJ tomonidan xarid qilingan bo‘lib, tez orada shahar yo‘nalishlarida brutto-shartnoma asosida aholiga xizmat ko‘rsatishni boshlaydi.

Hozirda Buxoro shahridagi 6 ta yo‘nalishda jami 72 ta avtobus aholiga muntazam xizmat ko‘rsatmoqda. Yangi avtobuslar qo‘shimcha qulaylik yaratib, yo‘lovchi tashish tizimini yanada takomillashtirishi kutilmoqda.

Eslatib o‘tamiz, avvalroq Navoiy jamoat transporti yana 42 ta yangi avtobus bilan boyitilgan edi.

Isroil armiyasi 20-avgust kuni G‘azo shahrini egallash bo‘yicha operatsiyaning dastlabki bosqichlari boshlanganini bildirdi. Bu haqda Reuters agentligi ma’lum qildi.

Brigada generali Effi Defringa ko‘ra, Isroil kuchlari allaqachon shahar chekkalarini nazorat qilmoqda va hujum bosqichma-bosqich davom ettiriladi.

Hamas esa Netanyahuni sulhga to‘sqinlik qilib, «aybsiz aholiga qarshi shafqatsiz urushni davom ettiryapti» deya aybladi. Shu bilan birga, Isroil o‘n minglab zaxira askarlarni safarbar etmoqda.

Ma’lumot uchun, urush 2023-yil oktabrida Hamasning Isroilga hujumi ortidan boshlangan edi. Shundan buyon G‘azo sektorida 62 mingdan ortiq falastinlik halok bo‘lgan, ularning ko‘pchiligi ayollar va bolalar.

Xalqaro hamjamiyat Isroilni ehtiyotkorlikka chaqirmoqda, ammo hukumat Hamas qurolsizlantirilmaguncha janglarni to‘xtatmasligini bildirmoqda...

Surxondaryo viloyatida «Hududiy elektr tarmoqlari» AJ «Energosavdo» filiali Oltinsoy tumani bo‘limi boshlig‘i hamda tuman Suv yetkazib berish xizmati davlat muassasasi bosh mutaxassisi pora olayotganda ushlandi. Bu haqda DXX matbuot xizmati ma’lum qildi.

Ular fermer xo‘jaligini elektr tarmog‘iga qayta ulab berish va hisoblagichni qaytarish evaziga 5 mln so‘m talab qilgani aytilmoqda.

Farg‘ona viloyatida esa O‘zbekiston tumani Xalq qabulxonasi yetakchi mutaxassisi fuqaroning kredit qarziga oid hujjatni yo‘q qilish evaziga 5 mln so‘m olayotganda qo‘lga olindi.

Mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda.

Mutasaddi idoralar aholiga murojaat qilib, bunday noqonuniy holatlarga duch kelganda darhol huquqni muhofaza qiluvchi organlarga xabar...

19-avgust kuni xorijiy va nodavlat oliy ta’lim muassasalaridan davlat OTMlariga o‘qishni ko‘chirish bo‘yicha o‘tkazilgan test sinovining ikkinchi kun natijalari e’lon qilindi. Bu haqda Bilim va malakani baholash agentligi ma’lum qildi.

Talabgorlar o‘z natijalarini my.uzbmb.uz saytining maxsus bo‘limidan pasport seriyasi, raqami va shaxsiy identifikatsiya raqami orqali bilib olishlari mumkin.

Shuningdek, mutaxassislik fanlaridan kasbiy (ijodiy) imtihon topshirgan talabgorlarning natijalari tegishli OTMlar ma’lumotlarni Bilimni baholash agentligiga taqdim etgach e’lon qilinadi.

Eslatib o‘tamiz, avvalroq o‘qishni ko‘chirish bo‘yicha birinchi kun natijalari e’lon qilingan edi.