Yangiliklar

Hukumatning 2025-yil 30-sentabrdagi qarori bilan «Kambag‘al oilalar reyestri»ga kiritilgan oilalarga kredit ajratish tartibi tasdiqlandi.

Endi «Xalq banki» va «Mikrokreditbank» orqali noutbuk, kichik ishlab chiqarish uskunalari, ko‘chma do‘kon, motoroller, skuter va boshqa vositalarni xarid qilish uchun kredit olish mumkin.

Arizalar onlayn platforma orqali topshiriladi. Zarur hollarda «mahalla yettiligi» yordam beradi. Arizalar bir ish kunida ko‘rib chiqiladi, besh ish kunida esa joyiga chiqib o‘rganiladi va qaror qabul qilinadi.

Kreditlar oilaviy tadbirkorlik dasturlari doirasidagi foiz stavkasiga qo‘shimcha haq bilan beriladi:

Andijon shahrida jamoat transporti tizimini rivojlantirish maqsadida 60 ta yangi elektrobus xarid qilindi. Bu haqda Transport vazirligi xabar berdi.

Xabarga ko‘ra, «And eco transport» MChJ Xitoyning Lanzhou Guangtong New Energy Automobile Co.,Ltd. kompaniyasidan 60 dona Cambell rusumli elektrobus sotib oldi.

Hozirda elektrobuslarni ishlab chiqaruvchi korxona ularni O‘zbekistonga jo‘natishni boshlagan.

Bundan avval Toshkent viloyatining Nurafshon shahriga 12 ta yangi Yutong va Higer avtobuslari keltirilgandi. Unga ko‘ra, «Nice trans» korxonasi tomonidan Xitoyda ishlab chiqarilgan olti dona zamonaviy Yutong va olti dona Higer avtobuslari Nurafshonga olib kelindi. Ular shahar ichki yo‘nalishlarida qatnovni ta’minlaydi.

2-oktabr kuni 5 grammli oltin quyma narxi tarixiy rekordini yana bir bor yangilab, 7,73 mln so‘mdan oshdi. Bu haqda Markaziy bank axborot xizmati xabar berdi.

Ma’lum qilinishicha, narxlar barcha toifadagi quymalar bo‘yicha o‘sdi. Xususan, 10 grammli quyma 15,383 mln so‘mdan 15,474 mln so‘mga, 20 grammli quyma 30,766 mln so‘mdan 30,947 mln so‘mga ko‘tarildi.

Shuningdek, 50 grammli quyma 77,368 mln so‘m, 100 grammli esa 154,736 mln so‘mni tashkil etdi.

Avvalroq Kursiv Uzbekistan 24-sentabr kuni 5 grammlik oltin quyma narxi ilk bor 7,67 mln so‘mdan oshgani haqida yozgandi.

Ma’lumot uchun, 2025-yilning 8 oyida O‘zbekistonda 17 387 ta jami hajmi 380 kilogrammlik oltin...

Germaniyaning Audi kompaniyasi va Xitoyning SAIC Group qo‘shma brendi bo‘lgan AUDI’ning ikkinchi modeli sinovdan o‘tkazildi. Bu haqda CarNewsChina xabar bermoqda.

Model yashirin eshik tutqichlari va B-ustunga o‘rnatilgan Face-ID kamera bilan jihozlangan. Kamera avtomobil egasini taniy oladi va eshiklarni avtomatik ochadi.

AUDI brendi 2024-yil noyabrida taqdim etilgan bo‘lib, u klassik to‘rt halqali logotipdan foydalanmaydi. Asosan Xitoy muhandislari tomonidan ishlab chiqiladigan elektr modellarni o‘z ichiga oladi. Birinchi model — AUDI E5 Sportback 2025-yil 16-sentabrda Xitoy bozoriga chiqarilgan. U maksimal 776 ot kuchiga ega bo‘lib, boshlang‘ich narxi 235,900 yuan ($33 ming) qilib belgilangan.

Yangi krossover dizayni iyul oyida ko‘rilgan prototipdan farq qiladi...

Warner Bros studiyasi 2019-yildan beri birinchi marta daromadini $4 milliarddan oshirdi. Bu haqda People Talk nashri xabar berdi.

Kompaniya bu muvaffaqiyatga 11 ta yangi kinopremyera orqali erishdi, olti yil oldingi 20 film bilan solishtirganda sezilarli farq mavjud.

Bu yil studiya filmlaridan to‘qqiztasi kinoteatrlarda namoyish etildi va kassalarda birinchi o‘rinni egalladi. Hozirga qadar filmlari AQSh va butun dunyo bo‘yicha 15 hafta davomida birinchi o‘rinda turdi, bu yil boshqa hech bir studiya bunday natijaga erisha olmadi.

Umuman olganda, Warner Bros AQSh kinoteatrlarida $1,795 milliard va xorijda $2,2 milliard daromad oldi. Shu hafta oxirida Leonardo DiCaprio bosh rol o‘ynagan «Bir jangdan...

Apple kompaniyasi tomonidan taqdim etilgan iPhone 17 Pro Max smartfoni bir qator yangi imkoniyatlarga ega. Ushbu maqolada modelning texnik xususiyatlari, imkoniyatlari va dizayni haqida so‘z boradi.

Ushbu maqolada quyidagilarni bilib olasiz:

Texnik xususiyatlar

Dizayn

Ekran

Ishlash imkoniyatlari

Modelning texnik xususiyatlari

17 Pro Max Apple’ning yangi A19 Pro chipida ishlaydi. Qurilma 6 yadroli protsessor, 6 yadroli grafik blok va sun’iy intellekt uchun 16 yadroli Neural Engine tizimi bilan jihozlangan. Smartfon 12 GB operativ xotiraga ega bo‘lib, doimiy xotira hajmi 256 GB, 512 GB, 1 TB va ilk bor 2 TB variantlarda taqdim...

Toshkent shahar prokuraturasi Bog‘saroy mahallasi aholisining Grand Mir Hotel mehmonxonasi atrofidagi vaziyat bo‘yicha murojaatini ko‘rib chiqdi, deb xabar berdi bloger Nikita Makarenko.

Unga ko‘ra, ushbu hududda besh qavatdan yuqori bo‘lmagan binolarni qurish mumkinligi ko‘rsatilgan.

Shuningdek, idora yangi loyihani kelishish bo‘yicha Shaharsozlik kengashiga hech qanday hujjat kelib tushmaganini ta’kidladi. Avvalroq bu yerda uchta 30 qavatli bino qurilishi rejalashtirilayotgani haqida xabarlar tarqalgan edi. Ushbu rejalar minglab shahar aholisi noroziligiga sabab bo‘lgandi.

Hozircha Toshkent shahar hokimligi va Qurilish vazirligi matbuot xizmatlari mazkur obyekt kelajagi haqida ma’lumot bermagan.

Avvalroq Kursiv Uzbekistan poytaxt hokimligi Grand Mir Hotel buzilishi yuzasidan izoh berganini xabar...

Endilikda deport qilingan fuqarolariga istisno holatlarda xorijga chiqish biometrik pasportini rasmiylashtirib berish tartibi belgilandi. Bu haqdagi yo‘riqnoma ro‘yxatdan o‘tkazildi.

Unga ko‘ra, readmissiya qilingan shaxslar haqidagi ma’lumotlar Migratsiya va personallashtirish departamenti (MvaPD) tomonidan «Pasport-viza» axborot tizimiga kiritiladi.

Bunda xorijga chiqish pasporti quyidagi hollarda istisno tariqasida beriladi: masalan, fuqaroning yaqin qarindoshi xorijda vafot etsa, fuqaro yoki uning yaqin qarindoshiga xorijda ixtisoslashgan tibbiy yordam yoki jarrohlik amaliyoti zarur bo‘lsa, xalqaro fan olimpiadasi, ta’lim yoki sport musobaqasida ishtirok etishi lozim bo‘lsa, yashash joyi chegara hududi yoki eksklav hududida bo‘lsa, yoki prezident va Vazirlar Mahkamasi hamda Prezident Administratsiyasi rahbarining topshiriqlarini bajarish zarur bo‘lsa.

Fuqarolar...

PhoneBuff You Tube kanali tomonidan iPhone 17 Pro Max va Samsung Galaxy S25 Ultra smartfonlari tezlik hamda samaradorlik testida solishtirildi.

Test davomida ilovalarni ochish tezligi va turli vazifalarni bajarish samaradorligi o‘lchandi. Dastlab iPhone 17 Pro Max raqibidan biroz oldinda ketgan, biroq foto va ayniqsa video ishlov berish jarayonida vaziyat o‘zgardi. Aynan shu bosqichlarda Galaxy S25 Ultra sezilarli ustunlik ko‘rsatdi.

Yakunda Samsung smartfoni iPhone 17 Pro Max’dan 7 foiz tezroq bo‘lib chiqdi. Bu katta tafovut emas, ammo ko‘zga tashlanadigan natija. Mutaxassislarning ta’kidlashicha, Apple’ning yangi A19 Pro protsessori video ishlov berishda Snapdragon X Elite darajasida samaradorlik ko‘rsata olmadi.

Shunga qaramay...

Xalq deputatlari Toshkent shahar Kengashi mavsumiy gul ko‘chatlarini ekish ishlari bilan bog‘liq xarajatlar uchun 10 milliard so‘m mablag‘ ajratish to‘g‘risida qaror qabul qildi.

Qarorga ko‘ra, ajratilgan mablag‘ning 1,82 milliard so‘mi turli obodonlashtirish boshqarmalariga, 8,18 milliard so‘mi esa tumanlar kesimida taqsimlanadi.

Boshqarmalar orasida eng katta summa — 815 million so‘m markaziy maydonlarni obodonlashtirish boshqarmasiga ajratildi. Shuningdek, alohida ahamiyatga ega ko‘chalarni obodonlashtirish boshqarmasi 748 million, hukumat obyektlariga xizmat ko‘rsatish boshqarmasi 190 million va fuqarolarga xizmat ko‘rsatish boshqarmasi 67 million so‘m mablag‘ oladi.

Moliyalashtirish 2025-yil birinchi choragi yakunlari bo‘yicha respublika budjeti daromadlarining ortiqcha bajarilgan qismi hisobidan amalga oshiriladi.

Avvalroq Namanganning Kosonsoy va...

Telegram egasi Pavel Durov Ostonada sun’iy intellekt laboratoriyasi ochilishini e’lon qildi. Bu haqda Kursiv Media xabar berdi.

«Bir yil oldin biz bu yerda, Qozog‘istonda birinchi mintaqaviy ofisni ochdik va biz, albatta, natijalarni ko‘rib juda xursandmiz. Bugun aynan shu Alem.AI binosida sun’iy intellekt laboratoriyasi ochilishini e’lon qilishim mumkinligidan juda faxrlanaman. Birinchi loyiha Telegram va Qozog‘iston superkompyuter klasteri o‘rtasidagi hamkorlik loyihasi bo‘ladi. Bu loyiha bu yerda sun’iy intellekt vazirligi tomonidan ishga tushiriladi», dedi u Ostonadagi Digital Bridge forumida.

Uning so‘zlariga ko‘ra, so‘nggi bir necha oy ichida Telegram blokcheyn va sun’iy intellektni kesib o‘tishning yangi texnologiyasi...

Futbol boʻyicha Oʻzbekiston milliy terma jamoasi oktabr oyida Kuvayt termasiga qarshi oʻrtoqlik uchrashuvi oʻtkazadi. Bu haqda Oʻzbekiston futbol assotsiatsiyasi ma’lum qildi.

Uchrashuv 9-oktabr kuni soat 18:00 da Toshkentdagi «Olimpiya» stadionida boʻlib oʻtadi.

Jamoa, shuningdek, 13-oktabr kuni Malayziya poytaxti Kuala-Lumpurda Urugvayga qarshi oʻrtoqlik oʻyinini oʻtkazishi rejalashtirilgan. Ushbu bellashuvlar milliy jamoaning 2026-yilgi FIFA Jahon chempionatiga tayyorgarlik doirasida tashkil etilmoqda.

Eslatib oʻtamiz, Oʻzbekiston terma jamoasi 5-iyun kuni Abu-Dabida boʻlib oʻtgan saralash bahsida BAA bilan 0:0 hisobida durang qayd etib, mamlakat tarixida ilk marta jahon chempionati yoʻllanmasini qoʻlga kiritgan edi.

Hozirda Kuvayt termasi FIFA reytingining 135-oʻrnida. Jamoani portugaliyalik mutaxassis Eliu Souza boshqarmoqda. Oʻzbekiston...

Qozog‘istonning Halyk Bank’iga O‘zbekiston kompaniyasi Click ulushini sotib olishga ruxsat berildi. Bu haqda qarorni Qozog‘iston Moliya bozorni tartibga solish va rivojlantirish agentligi qabul qildi.

Bitimni yakunlash uchun tomonlar O‘zbekiston Markaziy banki va Raqobat qo‘mitasidan ham rozilik olishi kerak.

Kursiv Uzbekistan ushbu masala yuzasidan Markaziy bankka so‘rov yubordi.

Eslatib o‘tamiz, iyul oyida Halyk Bank O‘zbekistonning to‘lov tizimi Click aksiyalarining 49 foizini 176,4 mln dollarga sotib olishi ma’lum qilingandi. Shartnoma doirasida Click ham Halyk Bank’ning O‘zbekistondagi Tenge Bank sho‘ba korxonasidagi 49 foiz ulushni 60,7 mln dollarga sotib oladi. Har ikkala kelishuv ham O‘zbekiston va Qozog‘iston regulyatorlari tomonidan tasdiqlanishi zarur.

1-oktabr kuni yarim tunda (Toshkent vaqti bilan soat 09:00 da) AQShda hukumatning vaqtincha yopilishi — shatdaun boshlandi. Bu haqda Reuters nashri xabar berdi.

Kongress yangi moliyaviy yil uchun budjetni qabul qila olmagani oqibatida yuzaga keldi.

Har yili AQSh Kongressi davlat muassasalari uchun xarajatlar to‘g‘risidagi qonunlarni ishlab chiqadi, ammo ko‘pincha bu jarayon moliya yili boshlanishidan oldin yakunlanmaydi. Hukumat faoliyatida uzilishlarning oldini olish uchun odatda vaqtinchalik moliyalashtirish choralariga murojaat qilinadi. Biroq amaldagi bunday qonun muddati 30-sentabrda tugadi va partiyalar yangi kelishuvga erisholmadi.

Shatdaun tufayli federal hukumatning ko‘plab idoralari mablag‘siz qoldi. Oq uy bunga demokratlarni ayblab, ularning qarshiliklari tufayli jarayon to‘xtaganini ta’kidladi.

Maktabgacha va maktab ta’limi vazirligi Toshkent viloyatidagi bir nechta bog‘chada yuz bergan noxush holat yuzasidan rasmiy ma’lumot berdi.

Unda qayd etilishicha, barcha bolalar sog‘ayib, ularning hayoti uchun xavf yo‘qligi to‘liq tasdiqlangan. Davolash jarayoni shifokorlar nazoratida o‘tkazilib, farzandlar oilasiga qaytarilgan.

2-oktabrdan boshlab barcha maktabgacha ta’lim muassasalari odatiy ish tartibida faoliyatini davom ettiradi. Holatni bartaraf etish ishlari Sog‘liqni saqlash vazirligi va Sanitariya-epidemiologik osoyishtalik qo‘mitasi bilan hamkorlikda amalga oshirilgan.

Vazirlik ma’lumotiga ko‘ra, ayrim bog‘chalarda ovqatlanish xizmatlari xususiy korxonalar orqali autsorsing tizimida tashkil etilgan.

Shartnomalarda sanitariya talablariga qat’iy amal qilish belgilangan bo‘lsa-da, nazorat mexanizmlari yanada kuchaytiriladi. Hozirda voqea tafsilotlari huquqni muhofaza qiluvchi...

AnTuTu benchmark dasturida Xiaomi 17 Pro sentabr oyining eng kuchli smartfoni deb topildi. Bu haqda uning saytida ma’lum qilindi.

Smartfon o‘rtacha 3,5 million ball to‘plab, reytingda birinchi o‘ringa chiqqan. Ikkinchi va uchinchi o‘rinlar ham Xiaomi’ning yangi modellari — 17 Pro va Xiaomi 17ga nasib etdi. Bunday holat, ya’ni bir ishlab chiqaruvchining uch modeli birdaniga kuchli uchlikni egallashi juda kam uchraydi.

Mutaxassislarning ta’kidlashicha, Xiaomi 17 seriyasining ustunligi uning texnik asosida yotadi. Hozircha faqat shu smartfonlar yangi Qualcomm Snapdragon 8 Elite Gen 5 protsessori bilan jihozlangan. Reytingning qolgan o‘nta kuchli smartfonlari orasida faqatgina Vivo X200s (9-o‘rin) shu platformaga asoslangan. Boshqa barcha...

Yaponiya Aegis tizimiga ega JS Chokai harbiy kemasini Tomahawk raketalari bilan qurollantirish uchun AQShga yubordi. Bu haqda CNN agentligi ma’lum qildi.

Kema bir yil davomida modernizatsiya qilinib, Tomahawk kreyser raketalari bilan jihozlanadi va ekipaj maxsus tayyorgarlikdan o‘tadi. Mazkur raketalar 1,6 ming km masofagacha uchish imkoniyatiga ega.

Tokio 2024-yilda AQSh bilan 400 dona Tomahawk xarid qilish bo‘yicha kelishuv imzolagan. Bu Yaponiya mudofaa xarajatlarini oshirish va mintaqadagi xavflarga qarshi choralar ko‘rish strategiyasining muhim qismi hisoblanadi. Mudofaa vaziri Gen Nakatani mamlakat Ikkinchi jahon urushidan keyingi «eng og‘ir va murakkab xavfsizlik sharoitida» ekanini ta’kidlagan.

JS Chokai 528 fut uzunlikdagi, 9,5 ming tonnalik kema...

O‘zbekiston va Turkiya kasbiy malaka hamda bandlik yo‘nalishida hamkorlikni yo‘lga qo‘yadi. Bu haqda Kambagʻallikni qisqartirish va bandlik vazirligi ma’lum qildi.

Unga ko‘ra, O‘zbekiston delegatsiyasi Turkiya Mehnat va ijtimoiy ta’minot vazirligi rahbariyati bilan uchrashuv o‘tkazdi. Muzokaralarda aholiga kasb-hunar o‘rgatish, Yevropa kvalifikatsiya ramkasiga mos standartlarni ishlab chiqish va Toshkentda malaka baholash markazini tashkil etish bo‘yicha kelishuvlarga erishildi.

Turkiya Kasbiy malakalarni baholash agentligi bilan muloqot chog‘ida ikki mamlakatda tan olinadigan sertifikatlash tizimini yaratish va qo‘shma Malakani baholash markazini tashkil etish masalalari muhokama qilindi.

Delegatsiya a’zolari, shuningdek, Turkiyada o‘tkazilgan amaliy malaka imtihonlarida bevosita ishtirok etib, tajriba almashish imkoniyatiga ega bo‘ldi.

Eslatib o‘tamiz, avvalroq...

Rossiyaning ayrim ommaviy axborot vositalarida Uzbekistan Airways ekipaji Samarqand — Moskva (Vnukovo) yo‘nalishida belgilangan balandlikni buzgan degan ma’lumotlar tarqaldi. Uzbekistan Airways ushbu xabarlarga izoh berdi.

Unga ko‘ra, parvoz 2025-yil 28-sentabr kuni amalga oshirilgan va unda ekipaj Moskva aerouzeli dispetcherlik xizmatining barcha ko‘rsatmalariga qat’iy amal qilgan. Havo kemalari o‘rtasidagi zaruriy intervallar saqlangan, barcha eshelonlar qoidalarga muvofiq ta’minlangan.

Shuningdek, havo kemalari yaqinlashayotgani haqida ogohlantiruvchi tizim ishga tushmagan va dispetcherlik xizmati tomonidan Uzbekistan Airways ekipajiga nisbatan hech qanday e’tiroz yoki shikoyat bildirilmadi.

Avvalroq Kursiv Uzbekistan UzAirways pensiya yoshidagi fuqarolarga 15 foiz chegirma e’lon qilgani haqida yozgandi.

Nyu-Yorkdagi LaGuardia xalqaro aeroportida Delta Air Lines kompaniyasiga qarashli ikki samolyot taxi yo‘lagida to‘qnashib ketdi. Bu haqda CBCNews xabar bermoqda.

Hodisa chorshanba kuni kechqurun, mahalliy vaqt bilan soat 22:00 atrofida yuz bergan. Delta ma’lumotiga ko‘ra, to‘qnashuv past tezlikda sodir bo‘lgan. Charlotte shahridan kelgan Endeavor Air 5047-reysi fuselyaji Roanoke tomon jo‘nashga tayyorlangan 5155-reysning qanoti bilan to‘qnashgan. Endeavor Air Delta’ning shuba aviakompaniyasi hisoblanadi.

To‘qnashuv oqibatida bort kuzatuvchisidan biri yengil jarohat olgan. Jabrlangan shaxs voqea joyida tez tibbiy yordam xodimlari tomonidan ko‘rikdan o‘tkazilib, kasalxonaga yetkazilgan.

5047-reys bortida 61 kishi, jumladan, 57 yo‘lovchi va 4 ekipaj a’zosi bo‘lgan. 5155-reysda esa jami 32 kishi...

Farg‘onada kuvaytlik shifokorlar murakkab jarrohlik amaliyotlarini o‘tkazadi. Bu haqda «Dunyo» axborot agentligi xabar berdi.

Unga ko‘ra, Kuvayt Jarrohlik kengashi prezidenti, Adan hospital shifokori Muhammad al-Kandari Farg‘onaga tashrif buyurdi. U viloyat hokimi Xayrullo Bozorov bilan uchrashuvda tibbiyot sohasida olib borilayotgan islohotlar va xalqaro hamkorlik masalalarni muhokama qilgan.

Shuningdek, Kuvaytning Adan shifoxonasi hamda Jarrohlik kengashi Farg‘onadagi CAMU – Xalqaro tibbiyot universiteti va Meridian klinikasi bilan hamkorlikni boshlamoqda.

Bundan tashqari, ushbu hamkorlik doirasida kuvaytlik tajribali shifokorlar Farg‘onada murakkab jarrohlik amaliyotlarini o‘tkazadi, magistratura talabalarini o‘qitadi. Shu bilan birga, ushbu talabalarni stajirovkalarga yuborish ham rejalashtirilmoqda.

Avvalroq turkiyalik tadbirkor Toshkentda yangi klinika ochish uchun...

Chery kompaniyasi yangi Chery Fulwin T11 avtomobili uchun oldindan buyurtmalarni 13-oktabrdan Xitoyda boshlashini e’lon qildi. Bu haqda CarNewsChina xabar bermoqda.

Narxlar hali ma’lum qilinmagan. Model zamonaviy dizaynga ega bo‘lib, ingichka LED faralar, ularni birlashtiruvchi chiroq chizig‘i va keng pastki bamperi bilan ajralib turadi. Avtomobil uzunligi 5150 mm, kengligi 1995 mm, balandligi 1800 mm, g‘ildirak bazasi esa 3120 mm.

Salon 2+2+2 sxemasi asosida oltita o‘rindiq bilan jihozlangan. Markazda 30 dyuymli 6K sensorli ekran, AR-HUD proyeksiya displeyi va 23 dinamikli audiosistema mavjud. Shuningdek, salonda 256 xil rangli yoritish va uch xil aromatizatsiya tizimi o‘rnatilgan.

Fulwin T11 1,5 litrli gibrid tizim...

O‘zbekistonning favqulodda va muxtor elchisi Nodirjon Turg‘unov Saudiya Arabistoni valiahdi va bosh vaziri Muhammad bin Salmon bin Abdulaziz Ol Saudga ishonch yorliqlarini topshirdi. Bu haqda «Dunyo» axborot agentligi xabar berdi.

Marosim Ar-Riyoz shahridagi Al-Yamama saroyida bo‘lib o‘tdi. Tadbirda valiahd Saudiya podshohi Salmon bin Abdulaziz Ol Saud nomidan 37 ta xorijiy davlat elchilarining ishonch yorliqlarini qabul qildi.

Eslatib o‘tamiz, O‘zbekiston va Saudiya Arabistoni o‘rtasida diplomatik munosabatlar 1992-yil 20-fevralda o‘rnatilgan. Nodirjon Turg‘unov 2024-yil mart oyidan beri O‘zbekistonning Saudiya Arabistonidagi elchisi hisoblanadi. Shu bilan birga, u Islom hamkorlik tashkilotidagi doimiy vakil.

Avvalroq O‘zbekistonning Livandagi yangi elchisi Abdusalom Xatamov prezident Jozef Aunga ishonch yorliqlarini topshirgandi...

Tesla va SpaceX asoschisi Ilon Mask Marsda yashash va hayotini shu sayyorada yakunlashi mumkinligini aytdi. U bu fikrini X (sobiq Twitter) ijtimoiy tarmog‘ida yozdi.

«Men uchun yagona pasport bor: AQSh. Men shu yerda yashayman va shu yerda yoki Marsda (Amerikaning bir qismi sifatida) vafot etaman», dedi u.

Mask 2020-yilda Marsda shahar qurish rejalari haqida gapirib, 2050-yilgacha million kishini u yerga jo‘natish va ko‘plab ish o‘rinlari yaratishni maqsad qilgan edi.

Mart oyida u Starship kemasining Marsga ilk parvozi 2026-yil oxirida bo‘lishi mumkinligini e’lon qilgan. Agar missiya muvaffaqiyatli o‘tsa, avval Optimus nomli gumanoid robotlar...