Yangiliklar

Oliy Majlis Qonunchilik palatasida O‘zbekistonda islomiy bank faoliyatini yo‘lga qo‘yishga qaratilgan qonun loyihasi ikkinchi o‘qishda ko‘rib chiqildi.

Loyihaga ko‘ra, islomiy bank sifatida faoliyat yuritish uchun litsenziya olish tartibi aniqlashtiriladi, islomiy moliya operatsiyalariga oid tushunchalar ochib beriladi. Shuningdek, bunday banklarga islomiy moliya standartlari asosida savdo faoliyatini yuritish, yuridik shaxslarni tashkil etish hamda ulardagi aksiyalarni sotib olish huquqi beriladi.

Deputatlar qonun loyihasida ilgari bildirilgan takliflarning inobatga olinganini, islomiy moliya operatsiyalariga soliq solish bo‘yicha tartib joriy etilishi moliyaviy xizmatlar hajmini kengaytirishiga xizmat qilishini ta’kidladi.

Qonun loyihasining qabul qilinishi O‘zbekistonda islomiy bank xizmatlarini bosqichma-bosqich joriy etish, yashirin iqtisodiyot ulushini kamaytirish va xorijiy investitsiyalarni...

O‘zbekistonda tadbirkorlik faolligi o‘sishda davom etmoqda va biznes muhiti indeksi 55 bandga yetgan. Bu o‘tgan yilning shu davriga nisbatan 13 bandga yuqori natija hisoblanadi. Bu haqda Iqtisodiy tadqiqotlar va islohotlar markazi joriy yil oktabr oyi uchun biznes muhiti tahlilini e’lon qildi.

Unga ko‘ra, O‘zbekistondagi biznes muhiti dinamikasi 2023-yildan boshlab Trading Economics portalida muntazam ravishda yangilanib borilmoqda.

Oktabr oyida o‘sish barcha iqtisodiy tarmoqlarda qayd etilgan. Qishloq xo‘jaligi sohasida indeks 61 bandga, sanoatda 46 bandga, qurilishda 58 bandga, xizmatlar sohasida esa 57 bandga yetgan. Tahlil natijalari joriy biznes sharoiti kutilganidan tezroq yaxshilanayotganini ko‘rsatdi. Joriy holat indeksi 22 bandga oshib 55 bandni...

Poytaxtning 17 ta parkida o‘tkazilgan keng ko‘lamli tekshiruvlar davomida attraksionlar bo‘yicha jiddiy kamchiliklar aniqlandi. Bu haqda O‘zA ma’lum qildi.

Ta’kidlanishicha, 45 ta qurilmaning texnik pasporti yo‘qligi, 23 tasida ekspluatatsiya uchun mas’ul xodim tayinlanmagani va 39 tasining mavsumiy ruxsatsiz ishlayotgani ma’lum bo‘ldi.

Tekshiruvlar 8-sentabr kuni Dombirobod City turarjoy majmuasidagi fojiali hodisadan so‘ng kuchaytirildi. Qurilish jarayonida kran qulab tushib, bir kishi halok bo‘lgan, yana ikki kishi og‘ir tan jarohati olgandi. Shundan so‘ng poytaxtda xavfsizlik standartlariga rioya etilishini tekshirish bo‘yicha qat’iy choralar belgilandi.

Nazorat ko‘lami faqat parklar bilan cheklanib qolmadi. Toshkentdagi ko‘p qavatli uylar liftlarida o‘tkazilgan ko‘rik natijasida 9 147 ta lift...

12-noyabr uchun valyuta kurslari e’lon qilindi. Shu kun uchun AQSh valyutasi 11 990,00 so‘m (-24,94 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 5-noyabr kuni 11 950,63 so‘m (-21,71 so‘m), 6-noyabr kuni 11 970,67 so‘m (+20.04 so‘m), 7-noyabr kuni 12 022,92 so‘m (+52,25 so‘m), 10-noyabrda esa 12 060,27 so‘m (+37,35 so‘m) etib belgilangan edi. 11-noyabr kuni dollar 12 014,94 so‘mga (-45,33 so‘m) tenglashdi.

Markaziy bank ma’lumotlariga ko‘ra, yevro 33,64 so‘mga tushib, 13 866,44 so‘mni, rubl esa 0,76 so‘mga tushib, 147,55 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga oshgani...

Nio kompaniyasining ixcham Nio Firefly elektromobili yangilandi. Xitoy MIIT ma’lumotlariga ko‘ra, model 120 kVt quvvatli yangi elektromotor oladi. Bu avvalgi versiyadan 20 ot kuchi ko‘proq degani.

Modelning dizayni o‘zgarmagan. Uch halqali faralar va orqa chiroqlar saqlangan. O‘lchamlar ham avvalgidek: uzunlik 4003 mm, kenglik 1781 mm, balandlik 1557 mm. G‘ildirak bazasi 2615 mm. Amaldagi 42,1 kVt/soat batareya CLTC bo‘yicha 420 km masofa beradi.

Nio asoschisi Uilyam Li Firefly kelajakda kattaroq batareya olishini tasdiqladi. Uning quvvati kamida 50 foiz oshadi. Firefly Nio’ning 5-avlod quvvat olish stansiyalaridan foydalanadi. Chunki Firefly’ning suyuqlik bilan sovitiladigan batareyasi CATL’ning havo sovitiladigan tizimi bilan mos kelmaydi.

Firefly...

Chery kompaniyasining yangi Chery Exeed Exlantix ET7 avtomobili BEV va EREV versiyalarida taqdim etiladi. Bu haqda CarNewsChina xabar bermoqda.

Modelning uzunligi 5 metrga yaqin, g‘ildirak bazasi esa 3 metr bo‘lib, u o‘rta-katta SUV toifasida joylashadi. Yuqori qismda uzluksiz kunduzgi chiroq chizig‘i bor. Pastki qismda esa bo‘lingan faralar o‘rnatilgan. Bamperda ikki qavatli xrom bezaklar ishlatilgan. Kuzovda lidar va bir nechta sensorlar joylashgan. BEV versiyasi besh qirrali disklar bilan, EREV esa guldasta shaklidagi disklar bilan taqdim etiladi.

Orqa tomonda birlashtirilgan chiroq tasmasi va burchaklarda model belgisi joylashgan. Uzunlik 4988 mm, kenglik 1975 mm, balandlik 1710 mm. Salonda 5 o‘rindiq bor. BEV...

AQShda tarixdagi eng uzoq davom etgan hukumat shatdauni fonida mamlakat boʻylab aviaqatnovlar keskin qisqardi. Bu haqda CNBC nashri ma’lum qildi.

Nashr ma’lumotlariga koʻra, 10-noyabr kuni 25 735 ta rejalashtirilgan parvozdan 1 623 tasi bekor qilindi. O‘tgan dam olish kunlarida esa 18 576 ta kechikish va 4 519 ta bekor qilinish holatlari qayd etilgan.

Donald Tramp ishga kelmagan aviadispetcherlar maoshlarini kamaytirishini ma’lum qildi. Prezident Truth Social orqali xabarida barcha dispetcherlar darhol ishga qaytishi shartligini aytdi va majburiyatini bajarmaganlarga jiddiy maosh qisqarishi tahdidi bilan murojaat qildi. Shu bilan birga, ishni davom ettirgan dispetcherlarga $10 ming mukofot berishni tavsiya etishini bildirdi.

Shatdaun...

XPeng X9 Ultra yangi elektr MPV modeli Xitoyning Sanoat va axborot texnologiyalari vazirligi hujjatlarida rasman ko‘rindi. Bu haqda CarNewsChina xabar bermoqda.

Model uchta Turing chipi bilan jihozlangan. Ularning umumiy hisoblash quvvati 2250 TOPS bo‘ldi. Ikki chip haydovchiga yordam beruvchi tizimning VLA modeli uchun ishlaydi. Uchinchi chip esa salonning aqlli boshqaruv tizimidagi VLM modeliga xizmat qiladi. Model ikki xil ko‘rinishda taqdim etiladi: old g‘ildirakdan tortuvchi va to‘liq yuritma. Batareyalar – uchlamchi litiy.

Tashqi ko‘rinishda tuman chiroqlari joyi va pastki bamper yangilandi. O‘zgarishlar orqa bamperda ham davom etgan. Uzunlik 5316 mm, kenglik 1988 mm, balandlik 1785 mm. G‘ildirak bazasi...

2026-yilda taqdim etilishi kutilayotgan Samsung Galaxy S26 smartfonlarining taxminiy narxlari ma’lum qilindi. Bu haqda PhoneArena nashri xabar berdi.

Nashrning yozishicha, global iqtisodiy vaziyat sababli kompaniya yangi flagman modellarning narxini oshirishga majbur bo‘ladi. Tahlillarga ko‘ra, Galaxy S26 bazaviy versiyasi $850 – $900 atrofida bo‘ladi. Solishtirish uchun, hozirgi Galaxy S25 modeli $800 turadi.

Kengaytirilgan Galaxy S26+ modeli $1100 dollar atrofida baholanmoqda. Bu o‘tgan yilgi S25+ modelidan $100 qimmatroq. Eng yuqori darajadagi Galaxy S26 Ultra esa kamida $1350 dan boshlanadi. Ushbu versiya 256 gigabaytli ichki xotiraga ega bo‘ladi. Taqqoslash uchun, S25 Ultra $1300 dan sotuvga chiqqan edi.

Mutaxassislar narxlarning oshishi ehtimolini yuqori...

9-noyabr kuni Filippindagi «Fung-Vong» to‘foni oqibatida halok bo‘lganlar soni 8 nafardan 18 nafarga oshdi. Bu haqda The Guardian nashri xabar berdi.

Ta’kidlanishicha, yana 28 kishi jarohatlangan, ikki kishi bedarak yo‘qolgan. Qurbonlarning aksariyati ko‘chkilardan vafot etgan. Tabiiy ofat sabab mamlakat bo‘ylab 1,4 milliondan ortiq fuqarolar xavfsiz joylarga ko‘chirildi. Kuchli shamol elektr tarmoqlarini shikastladi, natijada 12 ta hududda qariyb 3 million odam elektrsiz qoldi.

«Fung-Vong» to‘foni mintaqada so‘nggi yillarda kuzatilgan eng kuchli tropik siklonlardan biri sifatida qayd etilmoqda. Hukumat favqulodda yordam kuchlarini jalb qilib, tiklash ishlarini boshlab yubordi.

Avvalroq Kursiv Uzbekistan Filippindagi «Kalmaegi» to‘foni qurbonlari soni 200 nafarga yaqinlashgani haqida xabar...

Toshkentda chiqindi to‘lovini kechiktirgan olti ming abonentning elektr to‘loviga vaqtincha cheklov qo‘yildi. Bu haqda Chiqindilarni boshqarish agentligi xabar berdi.

Unga ko‘ra, har oyning 3-sanasiga qadar qarzdor abonentlar to‘g‘risidagi ma’lumotlar «Toza makon» elektron tizimidan «Hududiy elektr tarmoqlari» AJning billing tizimiga uzatiladi.

5-noyabr kuni Toshkent shahrida chiqindi xizmatlari bo‘yicha 2,2 mlrd so‘m qarzdorlik aniqlanib, 25 mingdan ortiq abonentlarga SMS orqali ogohlantirish yuborildi. Belgilangan besh kun ichida qarzini to‘lamagan olti ming abonentning elektr energiyasi uchun to‘lov qilish imkoniyati vaqtincha cheklab qo‘yildi.

Agentlikka ko‘ra, ayni paytda poytaxtda chiqindi xizmatlari bo‘yicha 582 mln so‘mdan ortiq qarzdorlik mavjud. Qarz to‘liq to‘langach, cheklov darhol bekor qilinadi.

Mazkur tartib...

Olmaota – Toshkent tezyurar poyezdi 14-dekabrdan boshlab har kuni qatnay boshlaydi. Bu haqda Qozog‘iston temir yo‘llari matbuot xizmati xabar berdi.

Hozirda qatnovlar haftaning kuniga qarab kunora – dushanba, chorshanba, juma va yakshanba yoki seshanba, payshanba va shanba kunlari amalga oshiriladi.

Kompaniya Olmaota – Toshkent – Olmaota yo‘nalishidagi «Tulpar-Talgo» poyezdlarining qatnovini ko‘paytirmoqchi. Shu maqsadda 14-dekabrdan boshlab mazkur yo‘nalishda qulayligi yuqori bo‘lgan poyezdlar ishlatiladi. Ular kuniga 400 dan ortiq yo‘lovchilarni tashiy oladi. Chiptalarni bilet.railways.kz sayti orqali yoki temir yo‘l vokzallaridagi kassalardan xarid qilish mumkin.

Avvalroq Nukus – Urganch yo‘nalishidagi poyezd chiptalari narxi oshirilgani haqida xabar berilgandi. Yangi tariflar 6354-6353-sonli Nukus...

Jinoyat ishlari bo‘yicha Xonobod shahar sobiq sud raisi Yunusjon Egamberdiyev 10,5 yilga ozodlikdan mahrum qilindi. Bu haqda Oliy sud matbuot kotibi xabar berdi.

Unga ko‘ra, Oliy sudning jinoyat ishlari bo‘yicha sudlov hay’ati 2025-yil 17-oktabr kuni sobiq sud raisiga hukm o‘qidi. U Jinoyat kodeksida nazarda tutilgan bir qator jinoyatlarni sodir etganlikda aybdor deb topilib, 10,5 yil muddatga ozodlikdan mahrum qilish jazosi tayinlandi. Shuningdek, 2,5 yil davomida mansab lavozimlarida hamda sud va huquqni muhofaza qiluvchi organlarda ishlash huquqidan mahrum etildi.

Sud qaroriga ko‘ra, taraflar belgilangan tartibda Oliy sudga apellyatsiya yoki kassatsiya shikoyati berish huquqiga ega.

Eslatib o‘tamiz, Egamberdiyev joriy...

Berkshire Hathaway rahbari Uorren Baffet aksiyodorlarga yoʻllagan navbatdagi maktubida $1,3 milliard miqdoridagi aktivlarini xayriya tashkilotlariga yoʻnaltirishini ma’lum qildi.

Ta’kidlanishicha, bu maqsadga erishish uchun Baffett Berkshire Hathaway kompaniyasining «A» toifasidagi 1,8 ming dona aksiyasini «B» toifasidagi 2,7 million dona qimmatli qog‘ozga almashtirdi.

Aksiyalar oilaning xayriya jamg‘armalariga o‘tkaziladi. Syuzan Tompson Baffett jamg‘armasiga 1,5 million dona, Govard Baffett, The Sherwood Foundation va NoVo jamg‘armalarining har biriga 400 ming donadan beriladi.

Milliarderning ta’kidlashicha, u umrining qolgan qismida ham farzandlarining xayriya tashkilotlariga mablagʻ ajratish sur’atini oshirish niyatida.

Bafet joriy yil oxirida Berkshire Hathaway bosh direktori lavozimini tark etmoqchi, biroq kompaniya direktorlar kengashi raisi...

Portugaliyalik taniqli murabbiy Joze Mourinyo «Fenerbahche»ni boshqargan paytda Istanbuldagi hashamatli Four Seasons mehmonxonasida 15 oy davomida istiqomat qilgan, lekin bu muddat uchun to‘lov amalga oshirilmagan. Bu haqda qator mahalliy nashrlar xabar bermoqda.

Hisob-kitoblarga ko‘ra, Mourinyoning yashash xarajatlari $864 mingga teng. Ayni damda bu qarzni kim qoplashi noma’lumligicha qolmoqda. Shu bilan birga, murabbiy hali ham «Fenerbahche» bilan shartnomani muddatidan oldin bekor qilgani uchun to‘lanishi kerak bo‘lgan 15 million yevro miqdoridagi kompensatsiyani olmagan.

Eslatib o‘tamiz, Mourinyo 29-avgust kuni Istanbul klubidagi faoliyatini yakunlagan edi. U 2024/25-yilgi mavsum boshidan jamoani boshqargan va yiliga 15 mln yevro atrofida maosh olgan. Hozirda esa portugaliyalik mutaxassis...

Toshkent va Andijon shaharlarida havo ifloslanish darajasi yuqori ko‘rsatkichlarni qayd etdi. Bu haqda Gidrometeorologiya xizmati agentligi xabar berdi.

Asosan, Toshkent shahrida PM10 mayda dispersli zarrachalar miqdori 189 mkg/m³ ni tashkil qilib, ruxsat etilgan me’yordan oshmagan. Ammo PM2.5 zarrachalar miqdori 143 mkg/m³ bo‘lib, bu me’yordan 2,4 baravar yuqori.

Andijon shahrida esa PM10 zarrachalar miqdori 502 mkg/m³ bo‘lib, me’yordan 1 baravar yuqori, PM2.5 zarrachalar esa 314 mkg/m³ ni tashkil etgan. Bu ruxsat etilgan me’yordan qariyb 9 baravar ko‘p.

«O‘zgidromet» aholiga ochiq havodagi faoliyatlarini qisqartirishni, shuningdek, tashqariga chiqqanda niqob taqish va ehtiyot choralarini ko‘rishni tavsiya etdi.

Avvalroq yerga magnit bo‘ronlari yaqinlashayotgani haqida...

Sport kiyimlari ishlab chiqaruvchi Adidas brendi 2026-yilgi futbol bo‘yicha Jahon chempionatida ishtirok etadigan 22 ta milliy terma jamoa uchun maxsus o‘yin formasini namoyish etdi. Bu haqda Hypebeast nashri xabar berdi.

Ular orasida Argentina, Germaniya, Italiya, Yaponiya, Ispaniya, Uels va brend bilan hamkorlik qiluvchi boshqa terma jamoalar bor.

Yangi kolleksiya dizayni har bir mamlakatning milliy ranglari, madaniy ramzlari va tarixiy an’analarini zamonaviy vizual uslublar bilan uyg‘unlashtirgan. Kompaniya vakillarining ta’kidlashicha, yangi forma turli avlod futbol ishqibozlarini birlashtirish maqsadida yaratilgan.

Formalar Climacool+ texnologiyasi asosida ishlab chiqilgan bo‘lib, u o‘yin vaqtida tanadan namlikni chiqaradi va maksimal darajada havo o‘tkazuvchanlikni ta’minlaydi. Shuningdek, kiyimda...

Huawei Xitoyda eng yupqa Huawei Mate 70 Air smartfonining savdosini boshladi. Bu haqda Gizmochina xabar bermoqda.

Modelning boshlang‘ich narxi $575 etib belgilangan. U uch rangda va to‘rtta xotira konfiguratsiyasida taqdim etildi.

Qalinligi 6,6 mm bo‘lgan qurilma 208 gramm og‘irlikka ega. Smartfon 7 dyuym OLED ekranga ega. Ekran 2760×1320 piksel aniqlikda ishlaydi. Yangilanish tezligi 60/90/120 Hz bo‘ladi. Pikoviy yorqinlik 4000 nitga yetadi.

Mate 70 Air ikki turdagi protsessor bilan taqdim etilgan. 12 GB operativ xotirali versiyalar Kirin 9020B’da, 16 GB li modellari esa Kirin 9020A’da ishlaydi.

Ichida 6500 mA/soat quvvatga ega katta akkumulyator bor. U 66 Vt tezkor zaryadni qo‘llab-quvvatlaydi...

10-noyabr kuni Lionel Messi faoliyatining asosiy qismini o‘tkazgan Barselona shahriga keldi. Futbolchi o‘zining ijtimoiy tarmog‘iga «Spotify Camp Nou» stadionida tushgan rasmlarini joylashtirdi.

«Kecha oqshom men butun qalbim bilan sog‘ingan maskanga qaytdim. Men cheksiz baxtli bo‘lgan maskanga, siz meni ming marta dunyodagi eng baxtli inson sifatida his qilishga majbur etgan joyga. Umid qilamanki, qachondir qaytib kela olaman va o‘yinchi sifatida xayrlashish uchun, chunki men buni hech qachon qila olmagandim», – deb yozdi u.

Leo Messi 2021-yilda «Barsa»ni sensatsion tarzda tark etib, Fransiyaning «PSJ» klubiga qo‘shilgan edi. Uning klubni tark etishi ko‘plab munozaralarga sabab bo‘lib, ko‘pchilik...

Markaziy bank tijorat banklari faoliyatini yanada shaffof va adolatli qilish maqsadida bank xizmatlari iste’molchilari bilan munosabatlarga qo‘yiladigan minimal talablarni yangiladi. Bu haqda regulyator rasmiy sahifasida ma’lum qildi.

Unga ko‘ra, kredit olish jarayonida mijozlar barcha tavakkalchilik va majburiyatlar haqida oldindan to‘liq ma’lumot oladi. Shuningdek, kredit to‘lovlarini kechiktirayotgan fuqarolar uchun shartnomani o‘zgartirish va yengillik berish mexanizmi belgilanadi.

Eng muhim jihatlardan biri – banklarga fuqarolarni ortiqcha qarzga undash hamda ijtimoiy nafaqa yoki yordam pullari hisobidan qarz undirish qat’iyan taqiqlanmoqda. Endilikda mijoz roziligisiz kredit shartlarini yoki parametrlarini o‘zgartirishga ham yo‘l qo‘yilmaydi.

Bundan tashqari, banklar omonatlarni kafolatlash tizimi haqida mijozlarga aniq va standart ma’lumot...

Buxoroda elektr uchun asossiz hisoblangan 1,8 mlrd so‘mlik qarzdorlik qayta ko‘rib chiqiladi. Bu haqda Raqobat qo‘mitasi xabar berdi.

Unga ko‘ra, Buxoro davlat universiteti va Buxoro davlat tibbiyot instituti «Hududiy elektr tarmoqlari» AJning Energiyasavdo filiali faoliyatidan norozi bo‘lib, hududiy boshqarmaga murojaat qilgan.

O‘rganishlar davomida xizmat ko‘rsatuvchi tashkilot tomonidan ushbu ikki ta’lim muassasasiga oshirilgan tariflar qo‘llanilgani sababli 1,8 milliard so‘mdan ortiq qo‘shimcha to‘lov hisoblangani aniqlangan.

Shundan so‘ng maxsus komissiya «Hududiy elektr tarmoqlari» AJga nisbatan qonun talablari buzilishi bo‘yicha ish qo‘zg‘atdi. Ish yakunida komissiya jamiyatga asossiz hisoblangan mablag‘ni qayta hisoblash va bunday holatlarga yo‘l qo‘ymaslik bo‘yicha majburiy ko‘rsatma berdi.

Avvalroq Energetika vaziri...

iPhone Air sotuvi past bo‘lgani bois Apple Air 2 rejasini to‘xtatdi. The Information xabariga ko‘ra, Apple xodimlar va yetkazib beruvchilarga Air 2 bo‘yicha avvalgi reja bekor qilingani haqida ma’lum qilgan, lekin kompaniya yangi muddatni e’lon qilmagan.

Air 2 dastlab 2026-yil sentabrida iPhone 18 Pro va iPhone Fold bilan birga taqdim etilishi kerak edi. Qurilma hozirgi iPhone Air’dan yengilroq bo‘lishi, kattaroq batareya va ikki kameraga ega bo‘lishi rejalashtirilgan. Apple, shuningdek, Air 2 uchun bug‘i bilan sovitish tizimi ustida ham ishlagan.

Loyihadan to‘liq voz kechilgani yo‘q. Ma’lumotlarga ko‘ra, Apple uni bir necha yildan so‘ng qayta ko‘rib chiqishi mumkin, ammo bu vaqt...

O‘zbekiston va AQSh fuqarolar hamda biznes vakillari uchun viza rejimini soddalashtirish masalasi ko‘rib chiqilmoqda. Bu haqda transport vaziri o‘rinbosari Jasurbek Choriyev «O‘zbekiston 24» telekanaliga bergan intervyusida ma’lum qildi.

Unga ko‘ra, yaqinda Uzbekistan Airways va Boeing o‘rtasida 22 ta Boeing 787–9 Dreamliner samolyotini yetkazib berish bo‘yicha imzolangan shartnoma ikki mamlakat o‘rtasidagi aviatsiya hamkorligini yangi bosqichga olib chiqadi.

Shuningdek, u yangi samolyotlar parvozlar geografiyasini kengaytirib, AQSh shaharlariga to‘g‘ridan to‘g‘ri reyslarni yo‘lga qo‘yish imkonini berishini ta’kidladi. Bu esa o‘z navbatida turizm va biznes aloqalarini rivojlantirishga xizmat qiladi.

«Yaqinda amerikaliklar uchun vizasiz tartib joriy etilganini inobatga olib, endilikda fuqarolarimiz...

Toyota yangi avlod Hilux pikapini namoyish etdi va bir nechta tyuning versiyalarini taqdim qildi. Bu haqda Carscoops ma’lum qildi.

Eng qiziqarli loyiha — Avstraliyadagi ARB atelyesining off-road modifikatsiyasi bo‘lib, unda lift-komplekt, metall bamper, LED yoritgichlar, tom usti bagajligi va reling tizimi mavjud.

Shuningdek, tom usti chodiri va maxsus karkasli Hilux camper versiyasi ham taqdim etildi, u ko‘tarilgan suspenziya, off-road shinalar, yon qadamlar, alyuminiy taglik himoyasi, LED bar va snorkel bilan jihozlangan.

Yangi Hilux bozordan bozorga qarab yengil gidrid, benzinli yoki to‘liq elektr variantlarida sotiladi. Keyinchalik esa Hilux GR Sport versiyasi chiqishi kutilmoqda, u sport suspenziya va yaxshilangan boshqaruvga ega...