Yangiliklar

O‘zbekistonda 208 ta tuman va shaharlardagi Obodonlashtirish boshqarmasida ichki yo‘llarni saqlash xizmati joriy etiladi. Xizmat uchun budjet hisobidan to‘rt turdagi maxsus texnika beriladi. Bu mavzu 2024-yil 5-avgust kuni Shavkat Mirziyoyev ishtirokidagi yig‘ilishda muhokama qilingan edi. Ichki yo‘llarni sifatli va ta’mirlash bo‘yicha takliflar taqdimoti bilan tanishdi. Bu haqda prezident matbuot xizmati xabar berdi.

Unga ko‘ra, oxirgi to‘rt yil ichida ichki yo‘llar ta’miri uchun 15 trillion so‘m yo‘naltirilgan. Ammo ushbu mablag‘ni tizimli nazorat qilish uchun maxsus tizim zarurligi ta’kidlandi. Ayni damda 43 ming km ichki yo‘llar ta’mirlanishga muhtoj. 2354 ta ko‘prik nazoratdan yiroq.

Ichki yo‘llarni saqlash xizmati joriy qilish orqali...

Foto: Milliy olimpiya qo‘mitasi

Bugun, 6-avgust kuni Parij-2024 yozgi Olimpiya o‘yinlarida O‘zbekiston delegatsiyasidan to‘rt nafar sportchilar ishtirok etadi. Bu haqda Milliy olimpiya qo‘mitasi xabar berdi.

Yunon-rum kurashi:

–        Aram Vardanyan (-77 kg) 14:30

–        Rustam Assakalov (-97 kg) 14:30

Ayollar kurashi:

–        Aktenge Keunimjayeva (-50 kg) 14:30

Boks:

–        Asadxo‘ja Mo‘ydinxo‘jayev 00:30

Eslatib o‘tamiz, kechagi bahslarda yunon-rum kurashchisi Islom Bahromov (-60 kg) bronza medali uchun kurashish imkoniyatini boy berdi.

Avvalroq «Kursiv» Parij – 2024 5-avgust kuni oʻzbekistonlik sportchilar qaysi sport turlarida ishtirok etishi haqida xabar bergan edi.

Iroqdagi Al-Assad aviabazasiga raketa hujumi oqibatida besh nafar amerikalik askar yaralandi, deb xabar bermoqda Reuters.

Bazaga ikkita raketa otilgan va obyekt hududiga tushgan. Bu voqea Eronning Falastinning HAMAS harakati siyosiy qanoti rahbari Ismoil Haniyaning o‘ldirilishi uchun qasos olish bilan bog‘liqmi yoki yo‘qligi noma’lum.

Hozirda baza xodimlari yetkazilgan zararni baholamoqda. Besh harbiy xizmatchi yaralangani ma’lum, ulardan birining ahvoli og‘ir deb aytilmoqda.

Avvalroq «Kursiv» Haniyaning o‘limi Yaqin Sharqdagi vaziyatga qanday ta’sir qilishi haqida yozgan edi.

Bugun, 6-avgust kuni respublikaning janubiy hududlarida quruq va issiq ob-havo kuzatiladi va chang -to‘zonlar ko‘tariladi. Farg‘ona vodiysida esa yomg‘ir yog‘ishi ehtimoli bor. Havo harorati o‘rtacha +42-darajagacha isishi mumkin. Bu haqda Gidrometeorologiya xizmati agentligi xabar beradi.

Toshkent shahrida havo bulutli bo‘lishi mumkin. Yog‘ingarchilik kuzatilmaydi. Kunduzi havo harorati 39-darajagacha ko‘tariladi, kechasi havo 24-darajagacha pasayadi.

Toshkent viloyati va Farg‘ona vodiysining tog‘li hududlarda qisqa muddatli yomg‘ir yog‘adi va momaqaldiroq bo‘ladi. Kunduzi havo 30-darajagacha isiydi, kechga kelib havo 19-daraja iliq bo‘ladi.

«Uzbekistan Airports» kompaniyasi Urganch aeroportini DXSh modeli asosida modernizatsiya qilish va boshqarish boʻyicha tender e’lon qildi. Bu haqda kompaniya axborot xizmati xabar berdi.

«Uzbekistan Airports» aksiyadorlik jamiyati Urganch xalqaro aeroportini «Qurish-foydalanish-topshirish» (Build-Operate-Transfer, BOT) modelida amalga oshirish boʻyicha tanlovning birinchi bosqichini e’lon qildi.

Tenderda ishtirok etishni xohlagan kompaniyalar hujjatlarni topshirish qoidalari bilan uzairports.com rasmiy veb-saytida tanishishi mumkin. Birinchi bosqich arizalarini qabul qilish muddati joriy yilning 14-sentabr, Toshkent vaqti bilan soat 18:00 gacha davom etadi.

Ma’lumot uchun, hozirgi vaqtda aeroportga 8 ta kompaniya muntazam va 40 ga yaqin kompaniyalar charter reyslarni amalga oshirib kelmoqda. 2023-yilda aeroport 590 ming yoʻlovchiga xizmat koʻrsatgan boʻlsa, 2024-yilda...

Bugun, 5-avgust kuni taxminan soat 14:00 lar atrofida Payariq tumani tez tibbiy yordam binosi oldida boʻlgan Isuzu rusumli yuk avtomobili yonib ketdi. Bu haqda Samarqand viloyati FVB rasmiy ma’lumot berdi.

Unga koʻra, Samarqand viloyati Payariq tumani «Goʻzal» MFYda joylashgan tez tibbiy yordam binosi yaqinida «Isuzu» yuk mashinasi yonib ketgani haqida xabar kelib tushgan.

«Holat yuzasidan voqea joyiga uchta Yongʻin-qutqaruv ekipaji yetib borgan. Yongʻin 14:30 lar atrofida oʻchirilgan», deyiladi xabarda.

Hodisa oqibatida halok boʻlganlar va tan jarohati olganlar yoʻq. «Isuzu» yuk mashinasi yaqinida boʻlgan Cobalt avtomobilga zarar yetgan boʻlishi mumkin.

Hozirgi vaqtda, holat yuzasidan tergovga...

Taniqli rossiyalik bloger Ashab Tamayev MDH davlatlari haydovchilariga poygada o‘z kuchlarini sinab ko‘rishga taklif qildi. O‘zbekistonlik biznesmen Sanjar Karimov Instagram sahifasida poygada ishtirok etish bo‘yicha o‘z talabini aytib o‘tdi.

Rossiyalik bloger poygada mag‘lub bo‘lsa, g‘olibga o‘zining Rolls Royce Cullinan avtomobilini berishni va’da qildi. Biroq Sanjar Karimovda shunday rusumdagi avtomobil borligi uchun $500 mingga o‘ynashni taklif qilgan.

Ashab Tamayev ko‘p o‘ylab o‘tirmasdan sovrin pulini $1 mlnga ko‘tardi. O‘zbekistonlik biznesmendan hali javob kelmadi.

Ashab Tamayev poygada BMW М5 CS rusumli avtomobilda ishtirok etmoqchi. Sanjar Karimov esa Nissan GTR Alpha 24X da poygada kuch sinashmoqchi.

Ma’lumot uchun, Sanjar Karimov...

5-avgust kuni O‘zbekiston Respublika valyuta birjasida dollarning o‘rtacha tortilgan qiymati 12,99 so‘mga ko‘tarildi va 12 594,85 so‘mni tashkil qildi.

Respublika banklari dollarni 12 520 – 12 580 so‘mdan xariq qilishmoqda va 12 620 – 12 655 so‘mdan sotishmoqda.

Markaziy bank boshqa valyutalar kursini ham e’lon qildi. Ta’kidlash lozimki, evro mamlakatda bugun 179,05 so‘mga qimmatlashdi va 13 793,88 so‘mni tashkil etdi, rubl esa 1,71 so‘mga o‘sdi (148,33 so‘m).

Eslatib o‘tamiz, 2-avgust kuni AQSh valyutasining narxi deyarli 7 so‘mga o‘sgan edi.

2023-yilgi yakuniy auditorlik xulosasini topshirmagan 110 ta rezident ushbu maqomidan mahrum etildi. Bu haqda IT Park o‘z sahifasida ma’lum qildi.

Vazirlar Mahkamasining 2019-yil 15-iyul sanasidagi 589-son qaroriga muvofiq belgilangan majburiyat va talablar yuzasidan monitoring o‘tkazildi. Unga ko‘ra, 2023-yil yakuni bo‘yicha auditorlik xulosasini topshirmagan 110 ta kompaniya rezidentlik maqomidan mahrum qilindi va soliq imtiyozlari hamda preferensiyalari bekor qilindi.

Ma’lumot uchun, IT Park rezidentligi maqomiga ega kompaniyalar ko‘plab imkoniyatlar, soliq imtiyozlari, «Zero Risk», «Local2Global» va boshqa dasturiy yordamlarni kafolatlaydi.

110 ta kompaniya ro‘yxati bu yerda.

Eslatib o‘tamiz, avvalroq IT Parkning Qashqadaryodagi Koʻkdala tumanida ham ochilgani haqida xabar bergan edik.

O‘zbekiston prezidentining yordamchisi Saida Mirziyoyeva Qozog‘iston rahbari Qosim-Jomart Toqayev bilan uchrashdi. Ular koʻp qirrali hamkorlikni yanada rivojlantirish masalalarini muhokama qildi, deya yozadi Oq O‘rda.

Qozogʻiston va Oʻzbekiston oʻrtasidagi ittifoqchilik va strategik hamkorlik munosabatlariga toʻxtalib oʻtgan Qosim-Jomart Toqayev prezident administratsiyalari oʻrtasida yaqin aloqalar oʻrnatish orqali yuqori darajadagi siyosiy muloqotni samarali kengaytirish muhimligini qayd etdi.

Axborot-mafkuraviy, madaniy-gumanitar va ta’lim sohalarida, shuningdek, yoshlar siyosati sohasida oʻzaro manfaatli hamkorlikni chuqurlashtirishga alohida e’tibor qaratildi.

Qozog‘iston prezidenti Ostonada «Zakovat» xalqaro intellektual oʻyini oʻtkazilishni qoʻllab-quvvatladi va bunday tadbirlar xalqlar oʻrtasida madaniy yaqinlashuvda muhim rol oʻynashini ta’kidladi.

Eslatib o‘tamiz, avvalroq Shavkat Mirziyoyev davlat tashrif bilan Qozog‘istonga borishi haqida...

Toshkentliklardan butalarning noqonuniy kesilishi haqida Ekologiya, atrof-muhitni muhofaza qilish va iqlim o‘zgarishi vazirligi hamda IIBBga xabar berish so‘ralgan. Bu haqda poytaxt hokimligida ma’lum qilindi.

Shikoyatni Ekologiya, atrof-muhitni muhofaza qilish va iqlim o‘zgarishi vazirligining eco.gov.uz orqali qoldirish mumkin.

Shuningdek, aholi qonunbuzilish holatlari haqida Toshkent shahar Ekologiya va atrof-muhitni muhofaza qilish boshqarmasiga: 71-277-75-43, 71-277-75-43 va IIBBga: 71-233-72-33, 71-233-71-47 telefon raqamlariga murojaat qilishlari mumkin.

Boshqarmaning eslatishicha, daraxtlarni kesish va kesish ishlari hovlilar va uylar oralig‘ida fuqarolarning o‘zini o‘zi boshqarish organlari va uy-joy mulkdorlari shirkatlari tomonidan, tashkilotlar hududida – yer egalari tomonidan, umumiy foydalanishdagi avtomobil yo‘llari bo‘ylarida – Avtomobil yo‘llari qo‘mitasining tashkilotlar...

Bangladeshda hukumatga qarshi namoyishlar chog‘ida 300 dan ortiq odamlar halok bo‘ldi, deya xabar bermoqda France 24.

4-avgust holatiga ko‘ra 94 nafar qurbon qayd etilgan. Bu raqamlar politsiya, rasmiylar va shifokorlar ma’lumotlariga asoslangan. Namoyishlar 5-avgust kuni davom etishi kutilar ekan, Dakkada qo‘riqlash va bosh vazir idorasiga kirishni to‘sib qo‘yish uchun qo‘shin va politsiya safarbar etilgan.

Ommaviy norozilik namoyishlari iyul oyida talabalar namoyishlari bilan boshlandi va ular tezda butun mamlakat bo‘ylab tarqaldi. Namoyishchilar 1971-yildagi Bangladesh uchun Mustaqillik urushi faxriylarining oila a’zolari uchun davlat ish joylarining 30 foizigacha bo‘lgan kvota tizimiga qarshi chiqishmoqda.

Talabalar bu tizimni adolatsiz deb hisoblaydi va hokimiyatni ishsizlik...

O‘zbekiston olimpiya terma jamoasi futbolchisi Abbosbek Fayzullaev Parijdagi Olimpiya shaharchasidagi yashash sharoitini tanqid qildi, deya xabar beradi «TASS».

Shuningdek, Fayzullaev Olimpiadada ishtirok etishni yaxshi tajriba bo‘lganini ta’kidladi.

«Olimpiya o‘yinlari biz uchun yaxshi tajriba bo‘ldi. Sharoitlar? Menga unchalik ma’qul kelmadi» , deydi Fayzullayev.

Olimpiada o‘yinlarida o‘zbekistonlik futbolchilar Misr va ispaniyalik raqiblariga imkoniyatni boy berib, musobaqaning pley-off bosqichiga chiqa olmadi. O‘zbekistonliklar so‘nggi turni Dominikan bilan o‘tkazib, 1:1 hisobida durang o‘ynadi.

Eslatib o‘tamiz, 2023-yilning dekabr oyida Fayzullaev O‘zbekistonning eng yaxshi futbolchisi deb topilgan. Hozirgi kunda futbolchi Moskvaning «SSKA» klubida faoliyatini olib bormoqda.

Avvalqor «Kursiv» bokschi Lazizbek...

Saidaziz Saidaliev («Saidaziz Medgorodok») 20 yilga ozodlikdan mahrum etildi, deya xabar berdi «Daryo».

Saidaliyev o‘tgan yil dekabr oyi boshida Toshkentda qo‘lga olingan edi. U o‘ldirish bilan tahdid qilish va tovlamachilikda ayblangan.

Poytaxt IIB uning qilmishidan jabrlangan fuqarolarni ichki ishlar organlariga murojaat qilishga chaqirdi.

Avvalroq «Kursiv Media» «Baxti Tashkentskiy» laqabi bilan tanilgan Baxtiyor Qudratullayev 20 yil qamoqda o‘tirishi haqida yozgan edi.

«Toshkent» respublika fond birjasidan (RFB) joy olgan yuqori likvidli aksiyalarning atigi yettitasi oʻtgan haftani (26-iyuldan 2-avgustgacha) ijobiy yakunladi. «Kursiv» hafta davomida RFBdagi qimmatli qog‘ozlarning dinamikasini o‘rganib chiqdi.

Unga ko‘ra, UCI fond indeksi hafta davomida 4,4 foizga oʻsdi. Qimmatli qog‘ozlar ichida eng katta oʻsish «Ipoteka bank» tomonidan qayd etilib, bankning qimmatli qogʻozlari 31,13 foizga oshdi.

Shuningdek, mazkur davrda Oʻzbekiston Respublika tovar-xomashyo birjasi (2,72 foiz), «Oʻzsanoatqurilishbank» (imtiyozli aksiyalar – 6,54 foiz), «Biznesni rivojlantirish banki» (4,77 foiz), «Turonbank» (2,51 foiz), «Trastbank» (3,16 foiz) va UzAuto Motorsʼning qimmatli qogʻozlari ham yaxshigina oʻsishga erishdi.

Aksiyalari eng koʻp tushgan kompaniyalari qatoridan 21 foiz bilan...

O‘zbekistonda Yevropaga ishga yuborishini va’da qilgan MCHJ rahbari qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

«Ch.g» MCHJ rahbari G‘.K. departamentning Chilonzor tumani bo‘limi va DXX xodimlari hamkorligida ushlandi. Muqaddam sudlangan MCHJ rahbari fuqaro B.R. va boshqalarga soxta sertifikat va diplomlar orqali Yevropa mamlakatlariga ishga yuborish va’dasini bergan. Buning uchun esa B.R.dan $4,5 ming olgan vaqtida qo‘lga tushgan.

Tekshiruv davomida MCHJ rahbari xorijga ishlash uchun jo‘natish evaziga 25,8 mln so‘m miqdoridagi pulni fuqaro U.T. va boshqalardan olgani aniqlandi.

Shuningdek, u 5 nafar fuqaroga «H-W.» MCHJda turli kasblar bo‘yicha ta’lim olganini tasdiqlovchi soxta...

Neuralink chipni ikkinchi bemorga muvaffaqiyatli o‘rnatdi, deb xabar berdi «Bloomberg» kompaniya asoschisi Ilon Maskga tayanib.

Ilgari qurilmani 2024-yil iyun oyida odamga implantatsiya qilish rejalashtirilgan edi, biroq tibbiy sabablarga ko‘ra operatsiya qoldirildi. Neuralink bu yil 10 nafar bemorga chiplarni joylashtirishi kutilmoqda.

Joriy yil boshida Mask kompaniyasi birinchi marta odamga chip o‘rnatdi. Keyinchalik ma’lum bo‘lishicha, bemor fikr kuchidan foydalangan holda onlayn shaxmat o‘ynay olgan.  Ilon Maskning fikricha, Neuralink qurilmalari kelajakda smartfonlar o‘rnini bosishi mumkin.

Avvalroq «Kursiv» joriy yilning yanvar oyida Neuralink chipining implantatsiyasi xuddi shu nomdagi tokenning 5000 foizga oshishiga sabab bo‘lganini e’lon qilgan edi.

Bugun, 5-avgust kuni davlat rahbari qisqa muddatli ta’tildan chiqdi. Bu haqda O‘zR prezidenti matbuot kotibi Sherzod Asadov xabar bermoqda.

Prezident hafta davomida Qozog‘istonga tashrif buyurishi rejalashtirilgan. Ostona shahrida Markaziy Osiyo davlatlari rahbarlarining navbatdagi Maslahat uchrashuvi hamda «Markaziy Osiyo + Yaponiya» sammiti bo‘lib o‘tadi.

Eslatib o‘tamiz, Shavkat Mirziyoyev 26-iyul kuni ta’tilga chiqqan edi.

Andijon viloyatining Xonabod shahrida 29-iyuldan 31-iyulgacha bo‘lib o‘tgan «Dunyo sadolari» festivalida olti mlrd so‘m ishlatildi. Bu haqda Andijon viloyati hokimligi matbuot xizmati xabar berdi.

Festivalda jahon va o‘zbek estradasi yulduzlari, jumladan, ruminiyalik mashhur san’atkor Inna, qozog‘istonlik Jah Khalib va Jony, Yulduz Usmonova, Ozodbek Nazarbekov, Rayhon, Hamdam Sobirov va boshqalar ishtirok etishdi.

Viloyat hokimligining ma’lumotlariga ko‘ra, 2024-yilning yetti oyida viloyatda tadbirkorlik subyektlaridan tushum 48 mlrd so‘mni tashkil qilgan. Tadbir kunlari esa 8,5 mlrd so‘m daromad olingan. Bu ko‘rsatkich o‘tgan yilga nisbatan 2 baravarga oshdi.

Avvalroq «Kursiv» Andijondagi «Dunyo sadolari» festivaliga Eminem va Tarkan kelmasligi ma’lum boʻlganini e’lon qilgan edi.

2024-yil 5-avgust, dushanba kuni Toshkent shahri vaqti bilan soat 11:30 da «Coindesk» ma’lumotlariga ko‘ra, bitkoin kursi bir kunda 17,24 foizga tushdi.

Savdo platformasi ma’lumotlariga ko‘ra, kripto-aktivning bozor kapitallashuvi $992,2 mlrdga baholangan, Bitkoinning eng baland narxi $61 mingni tashkil etgan.

Eslatib o‘tamiz, iyul oyida Toshkentda bir kishi kripto aktivlarining noqonuniy savdosi uchun besh kunga hibsga olingan.

BYD Ocean seriyali savdo bo‘limi bosh menejeri Chjan Chjuo BYD Seal 2025 ichki qismining fotosuratlari bilan tanishtirdi. Yangi avtomobil 8-avgust kuni rasman taqdim etilishi kutilmoqda.

O‘tgan yilgi BYD Sealning o‘lchamlariga mos ravishda 4800 x 1875 x 1460 mm, g‘ildirak bazasi esa 2920 mm. Hozirgi BYD Seal Glory Editionning orqa g‘ildiragi bilan harakatlanish masofasi esa 550 va 700 kmni, to‘liq g‘ildirakli harakatlanish masofasi esa 650 kmni tashkil etadi.

BYD iyul oyida jami 342,4 mingta avtomobil, shu jumladan, 340,8 mingta yengil avtomobil sotdi, bu o‘tgan yilga nisbatan 30,5% ga ko‘p. 2024 yilning birinchi yetti oyida BYD ning jami yo‘lovchi avtomobillari...

Dushanba kuni taxminan soat 04:00 lar atrofida Andijon tumanida, haydovchining uxlab qolishi natijasida yuk mashinasi temir yo‘l ko‘prigiga borib urildi. Holat yuzasidan Andijon viloyati Ichki ishlar boshqarmasi rasmiy bayonot berdi.

Qayd etilishicha, hodisa 5-avgust kuni tongda Sanoat mahallasidan o‘tgan 4R-116 avtomobil yo‘lining 83-kilometrida sodir bo‘lgan. 22 yoshli haydovchi A.S uxlab qolishi natijasida «HOWO» rusumli yuk mashinasi temir yo‘lga urilgan. Oqibatda yuk mashinasi hamda temir yo‘lga zarar yetgan. Tan jarohati olganlar yo‘q.

Hozirgi vaqtda holat yuzasidan Andijon tumani IIB Yo‘l harakati xavfsizligi xodimlari tomonidan surishtiruv ishlari olib borilmoqda. «Shu o‘rinda barcha haydovchilardan charchoq holatida avtomashina boshqarmaslikni...

2024-yil 5-avgust sanasidan Fransiyaning «CMA CGM Air Cargo» transport-logistika aviakompaniyasi Chjenchjou — Navoiy — Parij yo‘nalishida ilk parvozni muvaffaqiyatli o‘tkazdi, deya xabar bermoqda Uzbekistan Airports.

Unga ko‘ra samolyot soat 06:27 da (mahalliy vaqt bilan) Navoiyga qo‘ngan. Soha an’anasiga muvofiq, samolyot suv arkasi bilan tantanali kutib olingan.

Qayd etish joinki, Chjenchjoudan Parijga doimiy reyslar Navoiyda texnik toʻxtash bilan haftasiga 5 marta «Airbus A350» samolyotlarida amalga oshirib boriladi.

«CMA CGM Air Cargo» shtab-kvartirasi Parijda joylashgan bo‘lib, yirik fransuz yuk aviakompaniyasi hisoblanadi. U 2021-yilda «CMA CGM» transport guruhidagi aviatsiya shu’ba sifatida tashkil topgan.

Eslatib o‘tamiz, avvalroq Silk Avia Toshkentdan Zominga parvozlarni qayta...

O‘zbekiston elchixonasi amaliy yordami bilan O‘zbekiston va Polshaning sanoat sohasidagi yirik vakillari orasida hamkorlik muzokaralari tashkil etildi. Bu haqda «Dunyo» AA ma’lum qildi.

Unga ko‘ra, muzokaralarda O‘zbekiston diplomatlari, Qurilish va uy-joy kommunal xo‘jaligi vazirligi, «O‘zog‘irsanoatloyiha» instituti direktori Bexzod Hazratqulov, Polshaning FUD kompaniyasi prezidenti Yan Kuxno va «Polsha-Osiyo» Savdo palatasi prezidenti Yanush Pexochinski ishtirok etdilar.

Muzokaralar davomida mamlakatimizdagi qurilish bozoridagi vaziyat, temir yo‘l qurish, zamonaviy kran uskunalari va texnologiyalari transferi haqida so‘z bordi.

Ma’lumot uchun, Polshaning FUD kompaniyasi mashinasozlik, qurilish, energetika, metallurgiya, tog‘-kon sanoati uchun maxsus liftlar, kranlar, metall konstruksiyalar ishlab chiqaradi.

Eslatib o‘tamiz, avvalroq O‘zbekiston va...