Yangiliklar

AvtoVAZ Lada Niva «Marsh» amfibiya modelini yana ishlab chiqarishni yo‘lga qo‘ydi. Bu haqda kompaniya rasmiy sahifasida ma’lum qildi.

Lada Niva «Marsh» — «Niva»ning maxsus modifikatsiyasi bo‘lib, yo‘llar tugaydigan joylarda ham yurishga mo‘ljallangan. Uni ilk bor suv havzasida namoyish qilishgan — mashina suvda turib yurish qobiliyatini ko‘rsatgan. Gigant past bosimli g‘ildiraklari tufayli «Marsh» haqiqatan ham suzishga qodir.

Bundan tashqari, uning g‘ildiraklari yerga deyarli bosim o‘tkazmaydi, u bemalol botqoqlik, qum, qor ustidan harakatlana oladi. Shinalardagi bosim kabinadan turib boshqariladi. Shu sababli bu texnikani geologlar, gaz qazib oluvchilar va energetiklar ishlatishadi — vertolyot qimmat, g‘ildirakli texnika esa bunday vaziyatlarda eng maqbul variant...

Qibray tumanida uy va do‘konda yong‘in sodir bo‘ldi. Bu haqda favqulodda vaziyatlar vazirligi (FVV) xabar bermoqda.

23-iyul kuni soat 10:50 da Toshkent viloyati Favqulodda vaziyatlar boshqarmasiga Qibray tumanidagi «G‘afur G‘ulom» mahallasida joylashgan uy va qurilish mollari do‘konida yong‘in chiqqani haqida xabar kelib tushgan.

Voqea joyiga 5 ta yong‘in-qutqaruv ekipaji yetib borgan. Yong‘in soat 11:17 da o‘rab olingan va 11:50 da to‘liq bartaraf etilgan.

Hodisa oqibatida hech kim tan jarohati olmagan. Hozirda yong‘inning sababi va yetkazilgan zarar miqdori o‘rganilmoqda.

Eslatib o‘tamiz, Kursiv Uzbekistan nashri Eng yirik musiqa festivalidan birining bosh sahnasi yonib ketgani haqida yozgan edi.

Hyundai 2026-yilgi Kona krossoverini yangilab Avstraliya bozoriga taqdim etdi. Model endi turbo dvigatel va to‘liq uzatma bilan chiqarilmaydi. Bu haqda Drive nashri xabar berdi.

Kompaniya bu qarorni strategik soddalashtirish va xaridorlar ehtiyojiga moslashish bilan izohladi. Unga ko‘ra, 1,6 litrli turbo 4WD versiya sotuvlarning bor-yo‘g‘i 10 foizini tashkil etgan. Endilikda asosiy e’tibor 2,0 litrli atmosferali va 1,6 litrli gibrid motorlarga qaratiladi. Har ikkisi faqat old g‘ildirakdan tortuvchi tizim bilan taqdim etiladi.

Yangilangan Kona Elite komplektatsiyasi esa Premium va bazaviy versiyalar o‘rtasida yangi oraliq segmentni egalladi. Unda qora charm salon, isitiladigan o‘rindiqlar, elektr boshqaruv tizimi va multimedia mavjud.

Shu bilan...

Lynk & Co kompaniyasi yangi Lynk & Co Z20 elektromobillari liniyasini ikki yangi, budjetga mos variant bilan kengaytirdi. Bu haqda CarNewsChina xabar bermoqda.

22-iyul kuni taqdim etilgan ushbu yangi modellar Fiji Green nomli yangi rangda bo‘lib, narxni tushirish uchun batareya sig‘imi va motor quvvatida biroz o‘zgarishlar qilingan.

Yangi modellar:

Texnik imkoniyatlar kamaygan bo‘lsa-da, avtomobilning dizayni o‘zgarmagan. The Next Day uslubidagi yashirin yomg‘ir oqava yo‘llari, romsiz eshiklar va oynalar saqlangan. Kuzov o‘lchamlari: 4460×1845×1573 mm, g‘ildiraklar bazasi...

Avtomobilni chet elga olib chiqish huquqini ishonchnomaga kiritish taklif qilinmoqda. Bunga doir qaror loyihasi jamoatchilik muhokamasi uchun e’lon qilindi.

Loyihaga ko‘ra, Vazirlar Mahkamasining 2006-yildagi 38-son qaroriga yangi qo‘shimcha kiritilib, endi avtomobilga beriladigan ishonchnomada uni chet davlatga olib chiqish huquqi bor yoki yo‘qligi aniq ko‘rsatilishi majburiy bo‘ladi.

Xuddi shunday qoida 2020-yildagi 726-son qaror bilan tasdiqlangan notariuslar tomonidan ishonchnomalarni tasdiqlash reglamentiga ham kiritiladi.

Bundan tashqari, 2023-yildagi 613-son qarorga kiritilayotgan o‘zgarishga muvofiq, elektron ishonchnoma rasmiylashtirilganda ham avtomobilni chet davlatga olib chiqish huquqi bor yoki yo‘qligi alohida ko‘rsatilishi shart bo‘ladi.

Avvalroq haydovchilar endi jarimalarni «Safe Road» ilovasidan bilib olishi mumkinligi haqida...

Surxondaryo viloyati Transport boshqarmasi tashabbusi bilan Termiz – Samarqand (Qarshi orqali) yo‘nalishi bo‘yicha muntazam avtobus qatnovlari yo‘lga qo‘yildi.

Qatnovlar har kuni soat 06:40 da Termiz avtovokzalidan amalga oshiriladi. Yo‘nalishda harakatlanadigan avtobuslar barcha zarur qulayliklar bilan jihozlangan bo‘lib, sifatli va xavfsiz xizmat ko‘rsatishga mo‘ljallangan.

Mazkur tashabbus jamoat transportiga bo‘lgan ehtiyojni qondirish, ichki turizm imkoniyatlarini kengaytirish hamda iqtisodiy va madaniy aloqalarni yanada faollashtirishga xizmat qiladi.

Bundan oldin Shahrisabzdan Kitobga qatnaydigan avtobuslar soni 20 taga ko‘paygani haqida yozgandik.

Unga ko‘ra, Qashqadaryoda yo‘lovchi tashish bilan shug‘ullanuvchi «Humoyun» korxonasi tomonidan 20 dona AsiaStar rusumli avtobuslar olib kelindi. Ular «Shahrisabz avtovokzali – Kitob shifoxonasi...

Redmi Turbo 5 smartfoni haqida dastlabki ma’lumotlar internetda paydo bo‘ldi. 4pda nashrining yozishicha, qurilma allaqachon ishlab chiqilmoqda va 2026-yil boshida taqdim etilishi kutilmoqda.

Smartfon hali rasman e’lon qilinmagan MediaTek Dimensity 8500 Ultra chipi asosida ishlaydi. Bu chip oldingi Dimensity 8400’dagi katta yadrolar arxitekturasiga o‘xshashi kutilmoqda.

Redmi Turbo 5 taxminan 6,6 dyuymli tekis 1,5K displeyga ega bo‘ladi. Uning eng muhim jihatlaridan biri 7500 mA/soat sig‘imli akkumulyatorga egaligidir. Shunga qaramay, qurilma yengil va ingichka shaklda taqdim etiladi. Bunda metall ramka va tekis qirralar yordam beradi.

Xalqaro bozorda ushbu model boshqa nom bilan, masalan, POCO X8 Pro nomida chiqarilishi mumkin.

Eslatib o‘tamiz...

Delta Air Lines aviakompaniyasining sun’iy intellekt yordamida chiptalar narxini individual tarzda belgilashni rejalashtirmoqda. Ammo bu reja AQSh senatorlarining tanqidiga sabab bo‘ldi, deya xabar bermoqda Reuters agentligi.

Senatorlarning yozishicha, Delta bu tizimni 2025-yil oxirigacha ichki reyslarining 20 foizida joriy etishni rejalashtirgan. Bu loyihani sun’iy intellekt asosidagi narx belgilovchi Fetcherr kompaniyasi bilan hamkorlikda amalga oshirmoqchi.

Uch nafar demokrat senator kompaniya rahbari Ed Bastenga bu usul sayohatchilarning shaxsiy ma’lumotlari hisobiga narxni oshirishga olib kelishi mumkinligi haqida maktub yubordi.

Delta esa SI faqat talab va bozor sharoitlariga qarab narxlarni optimallashtirish uchun sinovdan o‘tkazilayotganini, barcha mijozlarga bir xil tariflar taklif qilinishini bildirdi. Shunga qaramay...

Yangilangan Lada Granta Sport endi uchta komplektatsiyada taqdim etiladi. Bu haqda «Avtonovosti dnya» xabar bermoqda.

Ma’lum qilinishicha, narxlar $19,4 mingdan boshlanadi. Avvalgi Sport’24 modeli endi Comfort deb nomlangan. Yangi Life va Enjoy versiyalarida ko‘proq qulayliklar bor, narxi esa biroz yuqoriroq.

Life va Enjoy versiyalarida immo­bilayzer, signalizatsiya, tuman chiroqlari, masofadan boshqariluvchi markaziy qulflar, orqa eshiklar uchun elektr oynalar, orqa parkovka sensorlari, kruiz-kontrol va oddiy konditsioner o‘rniga to‘liq iqlim tizimi mavjud.

Enjoy versiyasi zamonaviy 7 dyuymli sensorli ekranli multimedia tizimi, Apple CarPlay/Android Auto va Yandex xizmatlarini qo‘llab-quvvatlaydi. Life versiyasida esa oddiy audio tizim (FM, USB, Bluetooth) mavjud.

Sportbop Lada Granta boshqa...

Yaponiyaning bosh vaziri Shigeru Isiba yaqinda o‘tkazilgan parlament saylovlarida mag‘lubiyatga uchraganidan so‘ng, avgust oxirigacha iste’foga chiqishni rejalashtirmoqda. Bu haqda yapon OAVga tayanib, Reuters xabar berdi.

Saylov natijasida Isibaning partiyasi yuqori palatadagi ko‘pchilik o‘rnini yo‘qotdi. U hozircha lavozimida qolib, AQSh bilan erishilgan savdo kelishuvini yakunlash va iqtisodiy muammolarga yechim topishga urinmoqda.

Isiba iste’fosi Liberal-demokratik partiya ichida yangi liderlik kurashini boshlab yuborishi mumkin.

Eslatib o‘tamiz, avvalroq Tramp Yaponiya bilan yirik savdo kelishuvini e’lon qilgan edi.

Bir kun ichida G‘azoda ochlikdan 15 kishi vafot etdi, umumiy qurbonlar soni 101 nafarga yetdi. Bu haqda Falastin sog‘liqni saqlash vazirligiga tayanib, Al Jazeera xabar bermoqda.

So‘nggi 24 soat ichida G‘azoda ochlikdan 15 kishi, jumladan, 4 nafar bola halok bo‘ldi. Umumiy hisobda urush boshlanganidan beri ochlik qurbonlari soni 101 nafarga yetdi, ulardan 80 nafari bolalar.

So‘nggi haftalarda o‘lim holatlari keskin oshgan. Seshanba kuni halok bo‘lganlar orasida olti haftalik go‘dak ham bor. Ulardan biri G‘azo shahrining shimolidagi, ikkinchisi esa Xon Yunusdagi kasalxonada vafot etgan.

BMT ma’lumotlariga ko‘ra, G‘azoda vaziyat shu qadar og‘irki, hatto shifokorlar va gumanitar xodimlar ham ochlik va...

Tailand mamlakatga $1 million miqdorida investitsiya kiritganlarga «oltin viza» dasturini joriy etishni rejalashtirmoqda. Bu haqda Bangkok Post nashri xabar berdi.

Ushbu tashabbusni mamlakat sobiq bosh vaziri Taksin Chinavat ilgari surdi. Uning maqsadi iqtisodiy o‘sishni rag‘batlantirish.

Dastur doirasida har biri $1 million sarmoya kiritib, doimiy rezident maqomini olishni istagan 600 ming nafar badavlat xorijiy investorni jalb qilish ko‘zda tutilgan. Bunday chet el kapitali oqimi mamlakatdagi ko‘chmas mulk sohasining rivojlanishiga, ta’lim loyihalarini moliyalashtirishga yordam beradi, davlat qarzini kamaytirishga va ichki iste’molni oshirishga imkon yaratadi.

Nashr ma’lumotiga ko‘ra, «oltin viza» dasturi Tailand iqtisodiyotiga umumiy hisobda $500 milliardgacha daromad olib kelishi mumkin.

So‘nggi...

AQShga safar qilishni rejalashtirayotgan deyarli barcha xorijliklar endi «Visa Integrity Fee» deb nomlangan yangi viza to‘lovni to‘lashlari kerak bo‘ladi. Mazkur $250 lik to‘lov shu yilning 1-oktabridan boshlab kuchga kiradi. Bu haqda Forbes nashri xabar berdi.

Ushbu to‘lov turistik maqsadda tashrif buyuruvchilarga, ishchi, talabalar hamda almashinuv dasturlari vizalariga ariza topshiruvchilar uchun majburiy bo‘ladi. Bu mablag‘ AQSh vizasi olish uchun hozirgacha to‘lanib kelinayotgan $185 dan tashqari undiriladi.

Yangi tartib vizadan voz kechish dasturiga kirmaydigan davlatlar fuqarolari uchun joriy etiladi. Ular orasida Xitoy, Hindiston, Nigeriya, Braziliya kabi mamlakatlari bor.

Boshqa tomondan viza imtiyozlari dasturi qatnashchilari bo‘lgan Buyuk Britaniya, Germaniya, Yaponiya va...

Red Magic kompaniyasi o‘zining yangi Red Magic 10 Air smartfonining Flame Orange rangli versiyasini savdoga chiqardi. Bu haqda ITHome nashri ma’lum qildi.

Smartfon 12 GB operativ va 256 GB doimiy xotiraga ega. Qurilma boshlang‘ich narxi 3149 yuan etib belgilandi (taxminan $430).

Red Magic 10 Air kompaniya tarixidagi eng yupqa to‘liq ekranli telefon bo‘lib, uning korpus qalinligi, bor-yo‘g‘i, 7,85 mm. Qurilma Snapdragon 8 Gen 3 flagman protsessori, LPDDR5X tezkor xotira va UFS 4.0 tez doimiy xotira bilan jihozlangan.

Yangi Wukong displeyi 6,8 dyuymli bo‘lib, 93,7% ekran–korups nisbati, 1600 nit maksimal yorqinlik, 120 Hz yangilanish tezligi va 2160Hz PWM qoraytirish texnologiyasini...

AQSh prezidenti Donald Tramp Yaponiya bilan yirik savdo kelishuvini imzolaganini e’lon qildi. Bu haqda CNN agentligi ma’lum qildi.

Bu kelishuvga ko‘ra, AQSh importchilari Yaponiya mahsulotlarini AQShga olib kirishda 15 foizlik boj to‘laydi. Bu «o‘zaro» (ikki tomonlama) tarif bo‘lib, yaponiyaliklar ham shunga o‘xshash boj to‘layotganiga javoban joriy etilgan. Shuningdek, Yaponiya AQSh iqtisodiyotiga $550 mlrdlik sarmoya kiritadi.

Trampning aytishicha, AQSh bu kelishuvdan daromadning 90 foizini oladi. Bitim avtomobil, guruch va boshqa qishloq xo‘jaligi mahsulotlari bozorini ochishni nazarda tutadi hamda yuz minglab ish o‘rinlari yaratishi kutilmoqda.

Yaponiya bosh vaziri Shigeru Ishiba hujjat tafsilotlari ehtiyotkorlik bilan ko‘rib chiqilishini bildirdi. Bu kelishuv ikki davlat...

Banklar 23-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng qulay valyuta kurslari haqidagi ma’lumotlarni taqdim qiladi.

Banklardan sotib olish

Banklarga sotish

Eslatib o‘tamiz, Kursiv Uzbekistan nashri 22-iyul kuni dollar kursi 100 so‘mga yuqorilab, 12 704,01 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 194,53 so‘mga oshib, 14 871,33 so‘mni, rubl esa 1,49 so‘mga oshib, 162,43 so‘mni tashkil qildi.

OnePlus kompaniyasining yangi flagman smartfoni OnePlus 15 shu yilning oktabr oyida taqdim etiladi. Bu haqda Gizmochina xabar bermoqda.

Ushbu smartfon bilan birga OnePlus Ace 6 ham namoyish qilinadi. Bu model Redmi K90 seriyasidan ham oldin chiqishi mumkin.

OnePlus Ace 6 6,83 dyuymli OLED ekran, 1,5K aniqlik va 165 Hz yangilanish tezligiga ega bo‘ladi. U Snapdragon 8 protsessori, metall korpus, ultratovushli ekrandagi barmoq izi skaneri, 7800 mA/soat quvvatli akkumulyator va IP68 himoyasiga ega.

OnePlus 15 esa 6,78 dyuymli 2K OLED ekran, Snapdragon 8 Elite 2 chipi, 7000 mA/soatdan ortiq batareya, 100 vattli tezkor va simsiz quvvatlash texnologiyasi, IP68/IP69 himoyasi bilan...

22-iyul kuni «JAR» stadionida «Mirabror Usmonov kubogi – 2025» doirasida bo‘lib o‘tgan muhim futbol bahsida O‘zbekiston yoshlar terma jamoasi Saudiya Arabistoniga qarshi maydonga tushdi va 3:1 hisobida ishonchli g‘alabaga erishdi. Bu haqda O‘FA xabar berdi.

Uchrashuvning ilk daqiqalaridayoq O‘zbekiston bosimni kuchaytirdi: 8-daqiqada Samandar Mavlonqulov hisobni ochdi, 11-daqiqada esa Jahongir O‘rozov farqni ikkitaga oshirdi. Ikkinchi bo‘limda Nodir Abdurazzoqov 48-daqiqada uchinchi golni kiritdi.

Saudiya Arabistoni esa faqat 58-daqiqada Murad Kudri orqali javob golini urishga muvaffaq bo‘ldi.

Eslatib o‘tamiz, avvalroq Yoaxim Lyov O‘zbekiston terma jamoasida maslahatchi bo‘lishi mumkinligi haqida yozgan edik.

O‘zbekiston Davlat xavfsizligi xizmati raisi Bahodir Qurbonov boshchiligidagi delegatsiya Kobulda Afg‘oniston milliy mudofaa vaziri v.b. Muhammad Yoqub Mujohid bilan uchrashdi. Bu haqda Ariana News nashri ma’lum qildi.

Uchrashuv davomida tomonlar ikki davlat o‘rtasidagi xavfsizlik sohasidagi hamkorlik, chegara hududlaridagi hamjihatlik va aloqa o‘rnatish masalalarini muhokama qildilar.

Delegatsiya Afg‘onistondagi xavfsizlik va iqtisodiy barqarorlikdan mamnunligini bildirdi. Mujohid esa O‘zbekistonning Afg‘onistonga nisbatan xalqaro maydondagi ijobiy pozitsiyasini yuqori baholab, o‘zaro munosabatlarni kengaytirish zarurligini ta’kidladi.

Eslatib o‘tamiz, avvalroq Rossiya Afg‘oniston Islom amirligini rasman tan olgan birinchi davlat bo‘lgan edi.

Jahon sog‘liqni saqlash tashkiloti chivinlar orqali yuqadigan Chikungunya virusi bo‘yicha ogohlantirish berdi. Bu haqda Reuters agentligi ma’lum qildi.

2025-yil boshida Hind okeani orollarida boshlangan yangi to‘lqin hozirda Afrika, Osiyo va Yevropaga tarqalmoqda.

Virus yuqori isitma, bo‘g‘im og‘rig‘i va uzoq davom etadigan asoratlar bilan kechadi. Hozirda 119 mamlakatda 5,6 mlrd kishi virus xavfi ostida.

Fransiyada 800 ta import holati, 12 ta mahalliy yuqish holati aniqlangan. Italiyada ham bir holat qayd etilgan. Virusni Aedes chivinlari, jumladan, «yo‘lbars chivini» tarqatadi.

Vaksinasi yo‘q bo‘lgan virusga qarshi asosiy himoya choralari – uzun kiyim kiyish va chivinlarga qarshi vositalardan foydalanishdir.

Eslatib o‘tamiz, avvalroq O‘zbekistonda bolalar...

Olimlar saratonning barcha turlariga qarshi «universal» vaksinani ishlab chiqmoqda

Florida universiteti olimlari butunlay yangi yondashuv asosida yaratilgan mRNA asosidagi universal rak vaksinasini sinovdan o‘tkazdi. U har qanday o‘simtaga qarshi immunitetni faollashtirib, an’anaviy muolajalarga ehtiyojni kamaytirishi mumkin.

Loyihani boshqarayotgan onkolog Elias Sayour bu kashfiyotni kutilmagan va juda hayajonli natija deya ta’rifladi. Unga ko‘ra, vaksina hech qanday aniq o‘simta turiga qaratilmagan bo‘lsa-da, organizmda aynan rak hujayralariga nisbatan kuchli immun javob hosil qiladi.

Ushbu «universal» vaksina COVID-19 vaksinalariga o‘xshash texnologiyaga asoslangan bo‘lib, lipid nanozarrachalar yordamida tanaga yuboriladi. Farqli jihati shundaki, u virusga emas, balki rak hujayralarini fosh qiluvchi PD-L1 nomli protein ishlab chiqarishga undaydi...

23-iyul kuni O‘zbekiston bo‘ylab kechasi havo harorati 19–30° oralig‘ida, kunduzi esa 28–43° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Jizzax viloyatini ijtimoiy-iqtisodiy rivojlantirish bo‘yicha 2025-yilgacha $2 mlrd investitsiya jalb etish, $285 mlnlik eksportga erishish va 168 ming kishini ish bilan ta’minlash rejalashtirilgan. Shavkat Mirziyoyev viloyatga tashrif buyurib, qabul qilingan qarorlar natijasini o‘rgandi.

O‘tgan olti oyda viloyatda sanoat, servis va qishloq xo‘jaligi sohalarida 200 ta loyiha ishga tushirilib, 662 million dollar investitsiya kiritildi. Zomin tumanida esa «Islohotlar shtabi» tashkil etildi.

Qishloq xo‘jaligida «Agromarkaz» faoliyati yo‘lga qo‘yildi. Zomin ilmiy tajriba stansiyasida xorijiy va mahalliy navlarga asoslangan kartoshkachilik klasteri barpo qilindi. Urug‘ tayyorlash jarayoni soddalashtirilib, 2 yilda tayyor bo‘ladigan yuqori avlod urug‘liklar aholi xonadonlariga bepul tarqatiladi.

Turizm sohasi ham rivojlanmoqda. «Zomin...

AQSh prezidenti Donald Tramp boshchiligidagi ma’muriyat «Golden Dome» raketaga qarshi mudofaa tizimini yaratishda Ilon Maskning SpaceX kompaniyasiga qaramlikni kamaytirishni maqsad qilmoqda. Bu haqda Reuters agentligi ma’lum qildi.

Tramp va Mask o‘rtasidagi ziddiyatdan so‘ng, Pentagon loyihaga Amazon’ning Kuiper sun’iy yo‘ldosh tarmog‘i hamda Lockheed Martin va Northrop Grumman kabi an’anaviy mudofaa kompaniyalarini jalb etishga kirishdi.

$175 mlrdlik loyihaga yangi texnologiyalarni joriy qilish, sun’iy yo‘ldoshlar sonini oshirish va milliy xavfsizlikni mustahkamlash rejalashtirilgan. Harbiylashtirilgan kosmos konsepsiyasi global xavfsizlik muvozanatiga ta’sir ko‘rsatishi mumkin. SpaceX hozircha asosiy yetkazib beruvchilardan biri bo‘lib qolmoqda, ammo raqobatchilar soni oshmoqda.

Eslatib o‘tamiz, avvalroq Ilon Mask SpaceX kompaniyasining Starship raketasi...