Yangiliklar

LEO Flight kompaniyasi shahar uchun mo‘ljallangan ikki innovatsion elektr havo transport vositasi – LEO Coupe va LEO Soloni taqdim etib, transport sohasida inqilob qilishga tayyorgarlik ko‘rmoqda. Bu haqda Speedme xabar berdi. 

LEO Coupe – bu ikki o‘rindiqli uchuvchi avtomobil bo‘lib, vertikal tarzda ko‘tarilish va harakatlanish imkonini beruvchi 100 ta elektr dvigatel bilan jihozlangan. Ushbu apparat 320 km/soat tezlikka chiqa oladi va bir marta quvvat bilan 400 kilometrgacha masofani bosib o‘tadi. Uning xavfsizligi uchun havo yostiqchalari, parashyut va suzuvchanlik tizimlari mavjud.

LEO Solo esa ixcham, bir kishilik havo vositasi bo‘lib, qisqa masofali parvozlar uchun mo‘ljallangan. Boshqaruvi oddiy bo‘lib, uni haydash...

Honor 400 Pro modeli Xitoyda 7200 mA/soat bilan sotuvga chiqdi. Bu Yevropada sotilayotgan smartfonlarning batareyasidan 1900 mA/soat’ga ko‘p. Bu haqda ITHome xabar bermoqda.

Yevropa uchun taqdim etilgan versiya 6,7 dyuymli displey bilan jihozlangan bo‘lsa, Xitoy versiyasi 6,55 dyuymli ekranga ega. Ekranlarning qolgan parametrlari amalda farqlanmaydi.

O‘lchamlarda farq bor. Smartfonning Yevropa versiyasining qalinligi va og‘irligi 8,1 mm va 205 grammni, Xitoycha versiyasi esa 7,8 mm va 196 grammni tashkil qiladi.

Kameralar nuqtai nazaridan farqlar yo‘q, lekin narx an’anaviy ravishda farq qiladi. Xitoyda Honor 400 Pro (12/256 GB) $480 ga teng, Yevropada esa smartfonning narxi 800 yevroni tashkil qiladi. To‘g‘ri...

Volkswagen Yevropa haydovchilarini eshitdi: tugmalar yana urfda. Speedme nashri kompaniya avtomobil interyerlarini yana o‘zgartirishi haqida xabar qildi.

Yevropa haydovchilarining fikrlarini inobatga olgan holda, kompaniya klassik ergonomikaga asoslangan jismoniy boshqaruv elementlariga qaytish zaruratini tan oldi.

Tugmalar qaytishi bilan yangi bosqich boshlanadi. ID.2all modelidan boshlab Volkswagen ovoz balandligi, iqlim nazorati, ventilyatsiya va favqulodda yoritkichlar uchun yana jismoniy boshqaruv elementlarini o‘rnatadi. Yangilangan Golf GTI va R modellari allaqachon rulda yana tugmalarni oldi. Bunday o‘zgarishlar Skoda, SEAT, Cupra – konsernning barcha brendlarida amalga oshiriladi.

Avvalroq Kursiv Uzbekistan yangi Volvo XC60 modelining sotuvga chiqish sanasi e’lon qilingani haqida yozgandi.

BYD kompaniyasining yuqori darajadagi BYD Yangwang U7 elektromobili 2025-yil 29-may kuni Xitoyda ommaviy ishlab chiqarish liniyasidan chiqdi. Bu haqda CarNewsChina nashri ma’lum qilmoqda.

Yangwang U7 – BYD kompaniyasining yuqori toifali elektromobillariga mo‘ljallangan Yangwang brendi ostida ishlab chiqarilgan uchinchi avtomobilidir. Ilgari kompaniya U8 SUV va U9 superkarini taqdim etgan edi. Yangi sedan o‘zining kuchli texnik ko‘rsatkichlari, zamonaviy dizayni va ilg‘or haydovchi yordam tizimlari bilan ajralib turadi.

BYD ushbu modelni, birinchi navbatda, Xitoy ichki bozoriga taqdim etmoqda. Yangwang U7 modelining boshlang‘ich narxi 628,000 yuan (taxminan $87 ming ) deb belgilangan.

Elektromobil 135,5 kVt·soat sig‘imli «blade» tipidagi LFP batareyasi bilan jihozlangan. CLTC...

Mazkur qonun orqali hayvonlarni identifikatsiya qilish, ro‘yxatdan o‘tkazish va kuzatib borish sohasidagi munosabatlar tartibga solinadi. Bu haqda Yuqori palata matbuot xizmati xabar qildi.

Hujjat bilan Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi identifikatsiya, ro‘yxatga olish va kuzatish jarayonlari uchun vakolatli idora sifatida belgilandi.

Qonunda vakolatli organ xodimlari hamda hayvon egalarining huquq va majburiyatlari ko‘rsatib o‘tilgan. Hayvonlarni hisobga olish va kuzatish ishlari qanday muddatda va qanday talablarga binoan amalga oshirilishi aniq belgilangan.

Bundan tashqari, ushbu yo‘nalishdagi texnik va tashkiliy ishlarni amalga oshirish, shu jumladan, hayvonlarni ro‘yxatga olish, kuzatish va hisobdan chiqarish, elektron tizimni muvofiqlashtirish va real vaqt rejimida...

Migrantlar uchun patent olish tartibining bir qismi O‘zbekistonga o‘tkazilishi rejalashtirilmoqda

O‘zbekiston va Rossiya mehnat migrantlari uchun patent olishning ayrim bosqichlarini O‘zbekiston Respublikasiga o‘tkazish imkoniyatini ko‘rib chiqmoqda. Bu haqda Saida Mirziyoeva Telegram kanalida ma’lum qildi.

Migratsiya tartiblarini soddalashtirish Saida Mirziyoyeva va Rossiya hukumati raisi Mixail Mishustin o‘rtasidagi uchrashuv mavzularidan biri bo‘lgan. Tomonlar malakali kadrlar tayyorlash, sarmoyaviy va savdo hamkorligini ham muhokama qilgan.

Mirziyoyeva ta’lim sohasidagi hamkorlikdagi tashabbuslar muhimligini ta’kidladi. Jumladan, respublika hududida Rossiya universitetlarining filiallarini ochish hamda MISiS Fan va texnologiya universiteti muhandislik maktabini ishga tushirish rejalashtirilmoqda.

Eslatib o‘tamiz, Kursiv Uzbekistan nashri o‘zbekistonlik «Vagner»dagi xizmati uchun besh...

Xorazm va Sirdaryo viloyatlarida korrupsiyaviy qonunbuzarlik holatlari aniqlandi. Bu haqda DXX matbuot xizmati ma’lum qildi.

Xorazm viloyatidagi tumanlardan birida O‘simliklar karantini va himoyasi bo‘limi boshlig‘i xizmat mavqeyidan foydalangan holda, qishloq xo‘jaligida ishlatiladigan 27 tonna «Biostimulyator» o‘simliklar ozuqasini mahalliy fermerlarga qimmat narxlarda sotish uchun yordam evaziga $10 ming olgan vaqtida huquqni muhofaza qiluvchi organlar tomonidan ushlangan. Unga nisbatan JKning 168-moddasi 3-qismi «a, v» bandlari bilan jinoyat ishi qo‘zg‘atilgan.

Sirdaryo viloyatida esa «Gulistonshahargaz» gaz ta’minoti bo‘limi kichik, o‘rta biznes va budjet iste’molchilari bilan ishlash bo‘linmasi yetakchi muhandisi hamda mahallabay ishlash xizmati boshlig‘i fuqaroning tabiiy gazdan noqonuniy foydalanishi bo‘yicha aniqlangan 164 mln...

Liga 1 da o‘ynash huquqi uchun o‘tish turnirining dramatik javob bahsida «Mets» safarda «Reyms» ustidan qo‘shimcha bo‘limlarda 3:1 hisobida irodali g‘alabaga erishdi. Jamoalar o‘rtasidagi dastlabki uchrashuvda kuchlar teng keldi – 1:1.

«Reyms» – «Mets» o‘yinida kim gol urdi:
57′ – Anj Martial Tia («Reyms») – Itoning uzatmasidan keyin kombinatsiyani gol bilan yakunlab, hisobni ochdi (1:0);
78′ – Junior Yudol («Mes») – jarima maydoni yaqinida to‘pni olib qo‘yib, uzoqdagi «to‘qqizlik»ka kuchli zarba yo‘llab, hisobni tenglashtirdi (1:1);
110′ – Alfa Ture («Mets») – Enning tovoni bilan uzatgan nafis pasidan so‘ng mehmonlarni oldinga olib chiqdi (1:2);
114′ – Junior En («Mets») – darvozabonning xatosidan so‘ng (1:3) bo‘sh...

Birlashgan Millatlar Tashkiloti (BMT) o‘zining $3,7 mlrdlik budjetini 20 foizga qisqartirish va taxminan 6,9 ming ish o‘rnini qisqartirishni rejalashtirmoqda, deb xabar beradi Reuters agentligi.

Bu moliyaviy inqirozning sababi qisman AQSh tomonidan moliyalashtirishning kamayishi bo‘lib, AQSh har yili BMT budjetining to‘rtidan bir qismini ta’minlaydi. Shuningdek, AQShning BMTga qarzdorligi $1,5 mlrdga yetgan.

BMT Bosh kotibi Antonio Guterrish bu oyda diplomatlar bilan uchrashuvda muhim o‘zgarishlarni ko‘rib chiqayotgani, jumladan, idoralarni birlashtirish, mablag‘larni qayta taqsimlash, xodimlarni arzonroq shaharlariga ko‘chirish, takrorlanuvchi bo‘limlarni qisqartirishni rejalashtirayotganini bildirgan.

Ma’lumot uchun, AQSh hukumati tomonidan moliyalashtirishning qisqarishi ko‘plab gumanitar dasturlarning to‘xtatilishiga olib kelgan va bu insonlar hayotiga ta’sir ko‘rsatishi mumkin...

Kanadada 160 dan ortiq yong‘inlar nazoratdan chiqib, hududning katta qismi yonib ketmoqda. Bu haqda CNN axborot agentligi ma’lum qildi.

Iqlim o‘zgarishi yong‘in xavfini oshirayotgan bo‘lsa, yong‘inlar ayniqsa, Saskatchevan va Manitobada keng tarqalgan. Manitoba va Saskatchewan provinsiyalarida favqulodda holat e’lon qilindi. Evakuatsiya qilinayotganlar soni 17 mingga yetmoqda, bu esa so‘nggi yillarda eng katta evakuatsiya hisoblanadi.

Tutun AQShning bir qancha shaharlari va hududlariga kirib, havoning sifatini yomonlashtirishi mumkin. Mutaxassislar kelgusi oylar davomida yong‘inlar va tutun muammolari davom etishini taxmin qilmoqda. Hududdagi sharoitni yaxshilash uchun yomg‘ir zarur ekanligi ta’kidlanmoqda, ammo kuchli issiqlik va qurg‘oqchilik yog‘ingarchilik ehtimolini pasaytirib turibdi.

Eslatib o‘tamiz, avvalroq Toshkentning...

Shavkat Mirziyoyev 30-may kuni Ostona shahrida bo‘lib o‘tadigan «Markaziy Osiyo – Italiya» formatidagi sammitda ishtirok etadi. Bu haqda prezident matbuot xizmati xabar bermoqda.

Unda mintaqa davlatlari rahbarlari va Italiya bosh vaziri ishtirok etishi kutilmoqda.

Kun tartibiga muvofiq, birinchi navbatda, «yashil» iqtisodiyot, investitsiyalar, innovatsiyalar, fan va ta’lim sohalarida ko‘p tomonlama hamkorlikni yanada rivojlantirish masalalari ko‘rib chiqiladi.

Eslatib o‘tamiz, Kursiv Uzbekistan nashri Samarqand shahridagi ko‘chalardan biriga Italiya poytaxti – Rim nomi berildi. Qaror O‘zbekiston va Italiya o‘rtasidagi oliy darajadagi muzokaralar yakunida e’lon qilingani haqida yozgan edi.

O‘zbekistonda «Manchester Siti» va milliy terma jamoa himoyachisi Abduqodir Husanov sharafiga energetik ichimlik ishlab chiqariladi. Ichimlik AK45 deb nomlanadi.

AK – futbolchi Abduqodir Husanovning ismi va familiyasining qisqartmasi, 45 esa uning «Man Siti»dagi o‘yin raqami.

Bu haqda ak45sila Instagram sahifasi ma’lum qildi. Shundan so‘ng ushbu ma’lumot ijtimoiy tarmoqlardagi muxlislar kanallari va guruhlari orqali tez tarqaldi.

Futbolchining ushbu brend bilan bog‘liqlik darajasi hozircha noma’lum. Biroq Husanovning Instagramdagi rasmiy akkaunti ak45sila’ga obuna bo‘lgan.

Avvalroq Kursiv Uzbekistan nikoh to‘yini o‘tkazgan Abduqodir Husanov terma jamoa bilan BAAga yo‘l olgani haqida xabar bergan edi.

Yangi Volvo XC60 modeli esa 26-iyunda xaridorlarga taqdim etiladi. Bu haqda ITHome nashri xabar bermoqda.

Volvo Car Greater China Sales Company prezidenti Yu Kexin OAVga bergan intervyusida Yangi XC60 26-iyunda, EX30 Cross Country iyulda va XC70 sentabrda sotuvga chiqarilishini aytgan. Bundan tashqari, yil oxirida ikkita sof elektr modeli sotuvga chiqariladi. Ular mos ravishda EX90 va ES90 bo‘lishi kutilmoqda.

Yangi Volvo XC60 tashqi ko‘rinishi o‘zgartirildi, panjara dizayni va orqa chiroqlari XC90 modeliga o‘xshash. Yangi model yangi uslubdagi g‘ildiraklar bilan ham jihozlangan.

Avtomobilning umumiy dizayni, asosan, eski modelni davom ettiradi. U Qualcomm Snapdragon aqlli kokpiti, 11,2 dyuymli suzuvchi markaziy boshqaruv ekrani...

Kaliforniya texnologiya instituti olimlari ATMO nomli noyob robotni yaratdi. U dron va yer transporti funksiyalarini birlashtirib, murakkab yuzalarda ham to‘xtamasdan harakatlana oladi.

ATMO to‘rtta himoya qoplamali dvigatelga ega bo‘lib, ular parvoz vaqtida propeller, qo‘nishda esa g‘ildirak sifatida ishlaydi. Bu yechim robotga to‘siqlar oldida tiqilib qolmasdan harakatlanish imkonini beradi va u chekka hududlarda tadqiqotlar olib borish yoki yuk yetkazishda samaradorlikni oshiradi.

Yangi texnologiya gibrid robotlarning odatiy muammosi – rejim almashtirishdagi to‘xtash zaruratini bartaraf etadi. Bu esa ATMOni tijorat logistikasidan tortib kosmik missiyalargacha keng qo‘llash imkonini beradi.

Olimlar hozirda robotning energiya sarfini kamaytirish va uni ekstremal sharoitlarda sinovdan o‘tkazish ustida ish...

Oliy Majlis Senatining yettinchi yalpi majlisida O‘zbekistonning xalqaro reyting va indekslardagi o‘rnini yaxshilash masalalari muhokama etildi. Bu haqda Senat rasmiy sahifasida ma’lum qilindi.

Unga ko‘ra, ma’ruzada 2024-yilda 20 ta ustuvor reytingdan 10 tasida O‘zbekiston ko‘rsatkichlari yaxshilangani, 2 tasida o‘zgarmagani, 2 tasining esa natijalari e’lon qilinmagani aytildi. Jumladan, «Elektron hukumatni rivojlantirish indeksi»da mamlakat 6 pog‘ona yuqorilab, 193 davlat orasida 63-o‘rinni egalladi. «Ayollar, biznes va qonun» indeksida esa 48 pog‘onaga ko‘tarilish qayd etildi, bu esa gender tengligi va ayollar huquqlari sohasidagi islohotlar samarasi sifatida baholandi.

Shuningdek, iqtisodiy erkinlik indeksida ham ijobiy o‘zgarishlar kuzatildi, biroq Davlat budjeti va qarz masalalarida hali ham...

O‘zbekistonda 2024/2025-o‘quv yili boshiga kelib faoliyat yuritayotgan oliy ta’lim tashkilotlari soni 222 taga yetdi. Bu haqda Milliy statistika qo‘mitasi ma’lum qildi.

Unga ko‘ra, mazkur ko‘rsatkich 2015/2016-o‘quv yiliga nisbatan 153 taga ko‘paygan bo‘lib, so‘nggi o‘n yilda oliy ta’lim muassasalari soni qariyb 3,2 barobarga oshgan.

2015-yilda 69 ta oliy ta’lim muassasasi mavjud bo‘lgan bo‘lsa, keyingi yillarda bu raqam izchil ortib bordi. Xususan, 2018-yilda ularning soni 98 taga, 2022-yilda esa 191 taga yetdi. 2024-yilda esa bu ko‘rsatkich 222 tani tashkil etdi.

Eslatib o‘tamiz, avvalroq Al-Xorazmiy nomidagi yangi universitet tashkil etilishi haqida xabar bergan edik.

O‘zbekiston bank tizimining sof foydasi 2025-yil 1-may holatiga ko‘ra 4,3 trillion so‘mni tashkil etdi. Bu 2024-yilning shu davriga nisbatan 42% ko‘pdir. Bu ma’lumotlar Markaziy bank tomonidan e’lon qilingan.

Sof foyda qanday shakllandi

Banklarning foizli daromadlari odatda mijozlarga berilgan kreditlardan olinadigan foiz to‘lovlari hisobidan shakllanadi. Ya’ni fuqarolar va korxonalar bankdan qarz olganda, ular bu mablag‘ni ma’lum ustama bilan qaytarishadi – aynan shu ustama banklar daromadining asosiy manbai hisoblanadi. 2025-yilning to‘rt oyida banklar aynan shu yo‘nalishda 39 trillion so‘m daromad olgan, bu o‘tgan yilning shu davriga nisbatan 13,3 foiz ko‘pdir.

Shu bilan birga, banklar o‘z zimmasiga foizli xarajatlarni ham...

30-may kuni mamlakatning aksariyat hududlarida havo biroz bulutli bo‘lib, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida

Isroil hukumati G‘arbiy Sohilda 22 ta yangi yahudiy posyolkalarini barpo etish rejasini ma’qulladi. Bu qaror 1993-yilgi Oslo bitimlaridan keyingi eng yirik kengaytirish bo‘lib, xalqaro huquq nuqtayi nazaridan noqonuniy hisoblanadi, deya yozmoqda CNN.

Isroil rasmiylariga ko‘ra, yangi posyolkalar Isroil nazoratini mustahkamlash, Falastin davlatining barpo bo‘lishiga yo‘l qo‘ymaslik va kelajakda qurilish uchun yer zaxiralarini saqlash kabi strategik maqsadga xizmat qiladi. Ayrim posyolkalar ilgari ruxsatsiz qurilgan noqonuniy maskanlarni qonuniylashtirish hisobiga tashkil etiladi.

Falastin tomoni bu qarorni xalqaro qonunlarga zid va mintaqada beqarorlikni kuchaytiruvchi xavfli qadam deb baholadi. Tahlilchilar bu harakatlarni bosib olingan hududlarni de-fakto o‘zlashtirish — ya’ni anneksiya — sifatida ko‘rmoqda.

Eslatib...

Xitoyning Shenchjen shahrida o‘tkazilgan «Huawei ICT Competition» global tanlovi final bosqichida Toshkent axborot texnologiyalari universiteti talabalari jamoasi faxrli 3-o‘rinni qo‘lga kiritdi. Bu haqda Raqamli texnologiyalar vazirligi ma’lum qildi.

Ular «Sahiya» nomli sun’iy intellekt asosida ishlovchi va eshitish qobiliyati past foydalanuvchilar uchun mo‘ljallangan innovatsion ilovani taqdim etib, tanlovning «Innovatsion trek» yo‘nalishida muvaffaqiyatga erishdi.

Tanlovda Yaqin Sharq va Markaziy Osiyodagi ko‘plab mamlakatlar, jumladan, Bahrayn, Qozog‘iston va Pokiston jamoalari ham faol ishtirok etib, turli yo‘nalishlarda g‘olib bo‘ldilar.

Eslatib o‘tamiz, avvalroq O‘zbekiston Intervision musiqa tanlovida ishtirok etishi haqida yozgan edik.

Xalqaro mehnat tashkilotining hisobotiga binoan, AQSh prezidenti Donald Tramp tomonidan boshlangan savdo urushi global iqtisodiyotga salbiy ta’sir ko‘rsatmoqda. Bu haqda tashkilot rasmiy sahifasida ma’lum qilindi.

Unga ko‘ra, 2025-yilda 60 mln atrofida ish o‘rni yaratilishi kutilgani aytilgan. Ammo hozirgi tahlillarda ta’kidlanishicha, bu ko‘rsatkich 7 mlnga kamayib, 53 mlnga tushmoqda. Ya’ni oldingi prognozga qaraganda ish o‘rinlari soni 7 mlnga kam bo‘ladi, natijada 60 mln o‘rniga 53 million ish o‘rni yaratiladi.

BMT agentligining aniqlashicha, savdo zanjirlaridagi uzilishlar va geosiyosiy tangliklar global iqtisodiy o‘sish sur’atini pasaytirmoqda. Xalqaro valyuta jamg‘armasi ham bu yilda global YaIM o‘sishini 3,2 foizdan 2,8 foizga tushirdi.

Dunyo bo‘yicha...

Transport vazirligi 29-may ish kuni yakunidan boshlab tarmoq infratuzilmasini ko‘chirish va server yuklamalarini kamaytirishga qaratilgan profilaktika ishlarini boshlaydi. Bu haqda vazirlik matbuot xizmati ma’lum qildi.

Ushbu ishlar davomida transport sohasiga oid davlat xizmatlarini ko‘rsatishga mo‘ljallangan barcha axborot tizimlari vaqtincha ishlamaydi.

Xususan, «E-avto ruxsatnoma» AT, «E-permit» tizimi, elektron ruxsatnomalar almashuvi va ularning tekshiruvi hamda bojxona tekshiruvlari uchun zarur bo‘lgan ma’lumotlar vaqtincha mavjud bo‘lmaydi.

Tizimlar profilaktika ishlari yakunlangach yana ishga tushiriladi.

Eslatib o‘tamiz, avvalroq transportdan chiqindi tashlaganlik uchun jarimalar oshirilishi haqida yozgan edik.

Tolibonning Doykundi viloyatidagi ma’muriyati stol futbolini taqiqlash to‘g‘risida qaror chiqardi. Afghanistan International va boshqa mahalliy OAVning xabar berishicha, bu topshiriq Ezgulikni targ‘ib qilish va axloqsizlikni oldini olish vazirligi vakillari tomonidan berilgan.

Rasmiylarning bayonotiga ko‘ra, taqiq sababi – o‘yinchi figuralarining butlarga o‘xshashligi bo‘lib, bu holat islomiy me’yorlarga zid deb baholangan.

Kelayotgan ma’lumotlarga binoan, do‘konlar va ko‘ngilochar markazlar xodimlariga barcha stol futboli qurilmalarini olib tashlash buyurilgan.

Shu bilan birga, ba’zi hollarda mulkdorlarga o‘yin qurilmalaridan foydalanishni davom ettirishga ruxsat berilgan, biroq bir shart bilan – figuralarning bosh qismlari olib tashlanishi kerak. Shunday qilinsa, bu o‘yin shariat nuqtai nazaridan man etilmaydi, deb...

Bugungi raqamli dunyoda smartfon kundalik hayotimizning ajralmas qismiga aylandi. Biroq an’anaviy telefonga ham talab tushib ketgani yo‘q. Xo‘sh, 50 dollarga qanday telefon xarid qilish mumkin? Kursiv Uzbekistan maqolasida bunga javob topasiz.

Ushbu maqolada siz quyidagi modellar haqida bilib olasiz:

Novey Senat SC1 CDMA: ishonchli tugmali telefon

Bu telefon arzon narxdagi, CDMA tarmog‘ida ishlovchi tugmali telefon bo‘lib, kundalik foydalanish uchun zarur bo‘lgan asosiy funksiyalarni taklif etadi.

Ushbu telefonni 50$ evaziga xarid qila olasiz. Novey Senat SC1 CDMA Uzum Market onlayn do‘konlar tarmog‘ida 699 ming so‘mga sotilmoqda. Yandex Market’da...