Yangiliklar

Ilon Mask asos solgan SpaceX kompaniyasining sun’iy yoʻldosh internet xizmati Starlink Oʻzbekistonda 2026-yildan boshlab ishga tushirilishi mumkin. Bu haqda servisning rasmiy saytida ma’lumot paydo boʻldi.

Dastlab kompaniya Oʻzbekiston bozoriga 2023-yilda kirishi rejalashtirilgandi. Keyinchalik muddat 2025-yilga surildi, endi esa yana bir yilga kechiktirildi.

SpaceX bundan oldin 2022-yilda Oʻzbekistonda yirik loyihalar amalga oshirishga tayyor ekanini bildirgan. Shuningdek, «Oʻzbekkosmos» taklifi qabul qilinsa, 2028-yilda Xalqaro astronavtika kongressi Toshkentda oʻtkazilishi va Ilon Mask ham tadbirga tashrif buyurishi ehtimoli bor.

Qozogʻistonda esa Starlink allaqachon ishga tushdi. Xizmat 2025-yil 13-avgustdan boshlab butun mamlakat boʻylab ochildi. Ungacha u faqat sinov tariqasida ishlagan va tezkor internetdan...

Turkiyalik tajribali murabbiy Fotih Terim Oʻzbekiston milliy terma jamoasi bosh murabbiyiga aylanishi mumkin. Bu haqda bir qator turk nashrlari xabar bermoqda.

Manbalarga koʻra, Oʻzbekiston futbol assotsiatsiyasi 71 yoshli mutaxassisga allaqachon rasmiy taklif yuborgan. Terim esa yakuniy qarorga kelish uchun vaqt soʻragan. Agar u rozilik bildirsa, 2026-yilda AQSh, Meksika va Kanadada boʻlib oʻtadigan Jahon chempionatida «oq boʻrilar»ni boshqarishi mumkin.

Ma’lumot uchun, Fotih Terim Turkiya milliy terma jamoasi bilan Yevro – 2008 va Yevro – 2016 musobaqalarida ishtirok etgan. U Istanbulning «Galatasaroy» klubi bilan UEFA kubogini qoʻlga kiritgan, shuningdek, «Fiorentina», «Milan» va «Panatinaikos» klublarida ham faoliyat olib borgan.

Avvalroq Kursiv Uzbekistan...

APLning 1-turidan oʻrin olgan bahsda «Manchester Siti» oʻz uyida «Vulverhempton»ni qabul qildi va yirik 4:0 hisobida gʻalaba qozondi.

Uchrashuvdagi hisobni 34-daqiqada Erling Holand ochib, mezbonlarni oldinga olib chiqdi. 37-daqiqada Teyani Reynders ikkinchi golni kiritdi. Birinchi bo‘limda hisob boshqa o‘zgarmadi.

Ikkinchi boʻlimning 61-daqiqada Holand dublni rasmiylashtirdi, 81-daqiqada esa Rayan Sherki yakuniy natijani mustahkamladi.

Uchrashuvning 82-daqiqasida oʻzbekistonlik himoyachi Abduqodir Husanov maydonga tushirildi. U Jon Stounz oʻrnini egallab, bahs yakuniga qadar bexato harakat qildi.

Avvalroq Kursiv Uzbekistan Abduqodir Husanov «Manchester Siti»da haftasiga qancha maosh olishi haqida xabar bergan edi.

AQSh davlat departamenti 16-avgust kuni Gʻazo aholisi uchun viza berish jarayoni toʻxtatilganini maʼlum qildi. Bu haqda Fox News xabar berdi.

Ma’lumotda aytilishicha, qaror sabablariga aniqlik kiritilmagan. Departamentning izohida faqatgina Gʻazodan keluvchilar uchun viza berish jarayoni toʻliq va batafsil qayta koʻrib chiqilmoqda, deya qayd etilgan. Shuningdek, soʻnggi kunlarda berilgan tibbiy-gumanitar vizalar ham tekshiruvdan oʻtkazilayotgani bildirildi.

Tramp ma’muriyati iyun oyidan boshlab vizaga murojaat qilish tartibini murakkablashtirgan edi. Endilikda arizachilarning ijtimoiy tarmoqlardagi faoliyati ham sinchkovlik bilan oʻrganilmoqda. Departament oʻsha paytda «har bir viza milliy xavfsizlik qarori» ekanini ta’kidlab, AQSh manfaatlariga tahdid soluvchi shaxslarga mamlakatga kirishga yoʻl qoʻyilmasligini bildirgan edi.

Shuningdek, Gʻazodan chiqishga...

Jahon iqtisodiyoti va diplomatiya universiteti kuzatuv kengashi qaroriga ko‘ra, 2025-o‘quv yilidan boshlab talabalar uchun kontrakt to‘lovlari 15 foizga oshirildi. Bu haqda universitet matbuot xizmati xabar berdi.

Ma’lumotga koʻra, bakalavriatning 1 – 2-kurs talabalari uchun stipendiyasiz kontrakt narxi 33,75 mln soʻm, stipendiyali shaklda esa 40,58 mln soʻm etib belgilandi. 3 – 4-kurslarda tahsil olayotganlar esa stipendiyasiz 27,3 mln soʻm, stipendiyali kontrakt uchun 34,13 mln soʻm toʻlaydi.

Oʻzbekistonda doimiy yashash hujjatiga ega boʻlgan xorijiy talabalar uchun kontrakt narxi 38,4 mln soʻm, viza asosida tahsil oladigan xorijiylar uchun esa 44,8 mln soʻm qilib belgilandi.

Magistratura bosqichidagi talabalar uchun kontrakt summasi 34,56 mln...

Appfigures kompaniyasi tahliliga ko‘ra, ChatGPT mobil ilovasi sun’iy intellekt bozorida mutlaq yetakchiga aylandi.

2023-yil may oyidan buyon iOS va Android ilovalari orqali foydalanuvchilar sarflagan mablag‘lar hajmi $2 milliardga yetdi. Bu raqam Claude, Grok va Copilot kabi barcha raqiblarning jami tushumidan qariyb 30 baravar yuqori.

2025-yilda ChatGPT daromadi $1,35 mlrdni tashkil etdi, bu esa o‘tgan yilga nisbatan 673% ko‘p. Ilovaning o‘rtacha oylik daromadi $193 mln bo‘lib, ChatGPT bugungi kunda dunyo bo‘ylab 690 million marta yuklab olindi.

Yuklab olishlar bo‘yicha Hindiston yetakchilik qilmoqda (13,7%), undan keyin AQSh (10,3%) keladi. AQSh, shuningdek, ChatGPT’ning eng yirik daromad manbai bo‘lib, ilovaning umumiy tushumining...

Endi ota-onalar farzandining yoshidan qat’i nazar, oliy yoki professional ta’lim muassasalarida o‘qishi uchun kontrakt to‘lovlarini amalga oshirganida daromad solig‘i bo‘yicha imtiyozdan foydalanishi mumkin. Bu tartib Iqtisodiyot va moliya vazirligi hamda Soliq qo‘mitasining yangi qarorida belgilandi.

Avvalgi amalda bo‘lgan qoidaga ko‘ra, imtiyoz faqat 26 yoshgacha bo‘lgan farzandlarning ta’lim to‘lovlari uchun qo‘llanilgan edi. Yangi qaror esa bu cheklovni butunlay bekor qildi.

Soliq qonunchiligiga muvofiq, ota-onalar farzandining kontraktini o‘z oylik maoshidan to‘lasa, 12 foizlik daromad solig‘ini qaytarib olish huquqiga ega bo‘ladi. Bu tartib talabalarning o‘zi yoki turmush o‘rtog‘i uchun kontrakt to‘lovlariga ham tatbiq etiladi.

Shuningdek, banklar tomonidan ajratilgan ta’lim kreditlari (foizlari bilan)ni...

Mo‘g‘ulistondan O‘zbekistonga qo‘y eksport qilish jarayoni boshlandi. Bu haqda Veterinariya va chorvachilikni rivojlantirish qo‘mitasi xabar berdi.

Qo‘mita raisi Bahrom Norqobilov boshchiligidagi ishchi guruh Mo‘g‘ulistonga xizmat safarini amalga oshirdi.

Safar doirasida dastlabki bosqichda ming bosh «Bayad» zotli qo‘y aviatransport orqali O‘zbekistonga olib kelinib, ular Navoiy viloyatida ko‘paytirilishi rejalashtirilmoqda.

Rejaga ko‘ra, 2025-yil oxirigacha jami 100 ming bosh qo‘y respublikaga olib kelinadi:

Muzokaralar chog‘ida Mo‘g‘uliston Bosh vaziri o‘rinbosari bilan kelishuvga erishildi. Unga ko‘ra, qo‘y va echkilarni eksport qilishda davlat boji $18 dan $7 gacha kamaytirildi.

Valyuta birjasida 15-avgust kuni dollar kursi pasayib, 12 547,38 so‘mni tashkil etdi. Bu bir kun avvalgi 12 581,97 so‘mlik kursdan 34,59 so‘mga past ko‘rsatkichdir. Shu bilan birga, hafta davomida kursda keskin o‘zgarishlar kuzatildi. Kursiv Uzbekistan nashri dollar kursining hafta davomida o‘zgarishi haqida maqolasini e’lon qiladi.

21.07-15.08-kunlari dollar kursining o‘zgarishi

11-avgustda dollar 12 589,35 so‘m bo‘lgan. Oradan bir kun o‘tib, 12-avgustda kurs 79,52 so‘mga tushib, 12 509,83 so‘mni qayd etdi. 13-avgustda esa biroz ko‘tarilib, 12 497,75 so‘m bo‘ldi, bu avvalgi kun bilan solishtirganda 12,08 so‘mlik pasayishdir. 14-avgustda kurs keskin sakrab, 84,22 so‘mga oshib...

2025-yilda paxta yig‘im-terim mavsumida 1 tonna paxta xomashyosini paxta terish mashinalarida terib olish xizmatlari uchun tavsiyaviy tariflar e’lon qilindi. Bu haqda Qishloq xo‘jaligi vazirligi xabar berdi.

Unga ko‘ra, xizmatning o‘rtacha bahosi 1 372 925 so‘m (yoqilg‘isiz) etib belgilandi.

Mutasaddilarning ta’kidlashicha, tarifni hisoblashda quyidagi omillar inobatga olingan:

Shu sababli belgilangan miqdor o‘rtacha tavsiyaviy narx bo‘lib, amalda xizmat haqi shartnomalarda taraflar kelishuvi asosida belgilanadi.

Avvalroq «Kursiv» nashri O‘zbekiston AQShdan paxta importi masalalarini muhokama qilgani haqida yozgandi.

2025-yil davomida gaz (20%), elektr energiyasi (11%) va sotib olinadigan issiqlik (13%) narxlari oshdi. Bu esa issiqlik ta’minoti kompaniyalari uchun ishlab chiqarish tannarxining keskin ortishiga olib keldi. Shunday sharoitda Veolia Energy Tashkent ham tariflarni qayta ko‘rib chiqishga majbur bo‘lganini ma’lum qildi.

Natijada, issiqlik ta’minoti umumiy tarifi atigi 7,1 foizga(664 465 so‘mdan 711 641 so‘mgacha/Gkal), aholiga xizmat ko‘rsatish narxi esa 15 foizga oshadi (121 617 so‘mdan 139 860 so‘mgacha/Gkal).

Bu ko‘rsatkichlar ishlab chiqarish tannarxidan ancha past bo‘lib, davlatning asosiy subsidiyalari saqlanib qolmoqda.

Subsidiyalar: imkoniyatmi yoki yukmi?

Hozirgi kunda issiqlik ta’minoti xizmati 82% budjet subsidiyalari hisobiga qoplanadi. Tarif oshirilgach, aholining...

Ukraina prezidenti Vladimir Zelenskiy 18-avgust kuni AQSh prezidenti Donald Tramp bilan Vashingtonda uchrashishni rejalashtirgan. Bu haqda TASS nashri xabar qildi.

«Mojaroni tugatish bo‘yicha barcha tafsilotlarni dushanba kuni Vashingtonda prezident Tramp bilan muhokama qilmoqchiman. Taklif uchun minnatdorman», — deb yozdi Zelenskiy o‘zining Telegram-kanalida Tramp va Yevropa yetakchilari bilan bo‘lgan telefon suhbatidan so‘ng.

Uning so‘zlariga ko‘ra, suhbat bir yarim soat davom etgan va mazmunli bo‘lgan. Tramp Rossiya prezidenti Vladimir Putin bilan bo‘lgan muzokaralardagi asosiy jihatlarni bayon qilgan.

«Biz Trampning Ukraina–Amerika–Rossiya uch tomonlama uchrashuvi bo‘yicha taklifini qo‘llab-quvvatlaymiz. Ukraina ta’kidlaydi: asosiy masalalar liderlar darajasida...

Xitoyning Shinjon-Uyg‘ur avtonom rayoni Qashg‘ar shahriga tashrif buyurgan Farg‘ona delegatsiyasi $2,5 mlnlik bitim tuzdi. Bu haqda viloyat hokimligi matbuot xizmati xabar berdi.

Uchrashuvlar chog‘ida Farg‘ona va Qashg‘ar shaharlari birodarlik aloqalarini o‘rnatish to‘g‘risida memorandum imzolandi. Shuningdek, turizm, qishloq xo‘jaligi mahsulotlarini qayta ishlash, qurilish materiallari ishlab chiqarish, urug‘chilik kabi sohalarda hamkorlikni yo‘lga qo‘yish masalalari kelishib olindi.

Delegatsiya tashrifi davomida «Dilrabo Travel» (Farg‘ona) va «Kashi katie International Travel» (Qashg‘ar) kompaniyalari o‘rtasida qiymati $2,5 mlnlik bitim tuzildi.

Qo‘qon shahri bilan Qashg‘ar prefekturasining Zepu tumani vakillari ham uchrashuv o‘tkazib, turizm imkoniyatlari va boshqa yo‘nalishlarda hamkorlik masalalarini muhokama qildilar. Shuningdek, kommunal xizmatlar, robototexnika va ishlab...

Monterey Car Week doirasida Lexus o‘zining navbatdagi sport avtomobilini – Sport Concept superkarini namoyish qildi. Bu haqda Motor1 nashri xabar berdi.

Mazkur model butkul yangi LFR avtomobili uchun poydevor bo‘lib xizmat qilishi rejalashtirilgan.

Hozircha kompaniya texnik tafsilotlarni oshkor etmadi, biroq mashina old qismida joylashgan ikki turbinali V8 dvigateli va orqa g‘ildirakdan tortuvchi tizim bilan jihozlangani ma’lum qilindi.

Shuningdek, ushbu platforma kelajakda Toyota GT3 poyga avtomobili uchun ham asos bo‘ladi.

Seriyali ishlab chiqariladigan versiya biroz soddalashtirilishi mumkin, ammo dizayndagi asosiy uslub saqlab qolinadi. Shuni ham ta’kidlash joizki, Lexus ayrim tafsilotlarni sir tutmoqda: taqdim etilgan konseptda salon yo‘q, shinalarda esa...

Joriy yilning dastlabki yetti oyida mamlakat bo‘yicha jami 216 283 dona avtomobil sotildi. Bu haqda «Uzavtosanoat» xabar berdi.

Bozorning yarmidan ko‘prog‘i UzAuto Motors ulushiga to‘g‘ri keldi: kompaniya 109 222 dona avtomobil realizatsiya qilib, umumiy hajmning 50,5 foizini egalladi. Ikkinchi o‘rinda Khorezm Auto – 69 091 dona va 31,94 foizlik ulush bilan, uchinchi o‘rinni ADM Jizzakh 24 697 dona (11,42 foiz) ko‘rsatkich bilan egalladi.

To‘rtinchi o‘rinda BYD Uzbekistan 12 211 dona savdo bilan 5,65 foizlik ulushni qayd etdi. Qolgan ishlab chiqaruvchilar – Asaka Motors (723 dona, 0,33 foiz), SamAuto (274 dona, 0,13 foiz) va Jizzakh Auto (65 dona, 0,03 foiz...

Sirdaryo viloyatining Oqoltin tumanida yashovchi fuqaro qalbaki $150 ming savdosi chog‘ida qo‘lga olindi. Bu haqda Davlat xavfsizlik xizmati xabar berdi.

Unga ko‘ra, 1998-yilda tug‘ilgan fuqaro qalbaki dollarini «shartli xaridor»ga haqiqiy $30 mingga sotmoqchi bo‘lgan vaqtida ashyoviy dalillar bilan ushlandi.

Mazkur fuqaro Jinoyat ishlari bo‘yicha Yangiyer shahar sudining 2024-yil dekabr oyidagi hukmi bilan aybdor deb topilib, unga nisbatan 1 yil 10 oy muddatga ozodlikni cheklash jazosi tayinlangan va hozirda jazoni o‘tayotgan shaxs hisoblanadi.

Tergovga qadar tekshiruv davomida u Qozog‘iston Respublikasidan kontrabanda yo‘li bilan olib kelingan ushbu qalbaki kupyuralarni Toshkent viloyatining Chirchiq shahrida yashovchi fuqaro orqali olgani aniqlangan.

Holat yuzasidan jinoyat...

Shanba va yakshanba kunlari ayrim banklar tomonidan aholiga qulaylik yaratish maqsadida valyuta ayirboshlash va pul oʻtkazmalari shoxobchalari faoliyati yoʻlga qoʻyilmoqda. Bu haqda Markaziy bank matbuot xizmati ma’lum qildi.

Quyida banklarning ish jadvali bilan tanishishingiz mumkin (Bank ustiga bosilsa shoxobchalar manzili haqida ma’lumot olish mumkin).

AQSh prezidenti Donald Tramp va Rossiya rahbari Vladimir Putin Alyaskadagi sammitdan keyin jurnalistlarning savollariga javob bermadi. Bu haqda CNN xabar bermoqda.

Kreml matbuot kotibi Dmitriy Peskovning so‘zlariga ko‘ra, batafsil bayonotlar allaqachon aytilgan. Uchrashuv «juda ijobiy» o‘tgani, tomonlar hamkorlikda yechim izlash yo‘lida davom etishini bildirdi.

Tramp Fox News’ga bergan intervyusida ham Putin, ham Ukraina prezidenti Volodimir Zelenskiy uni bo‘lajak uchrashuvga taklif qilishini aytgan.

«Ular ikkalasi ham meni istashdi. Men boraman», – dedi u.

Tramp tinchlikka qisqa muddatda erishish mumkinligiga ishonishini ham qo‘shimcha qilgan. Shu bilan birga, u avval Rossiya – Ukraina urushini «eng oson...

AQSh prezidenti Donald Tramp va Rossiya rahbari Vladimir Putin Alyaskada uchrashuv o‘tkazmoqda. Bu Trampning Rossiya rahbari bilan Oq uyga qaytganidan keyingi ilk yuzma-yuz uchrashuvi bo‘ldi.

Air Force One bortida Tramp «sulhni bugun ko‘rishni xohlayman» deb aytib, hududiy almashuv masalasida qarorni Ukrainaning o‘ziga qoldirishini bildirgan. U, shuningdek, Ukrainaga NATO doirasida xavfsizlik kafolatlarini berish imkoniyatini rad etgan.

Ukraina prezidenti Volodimir Zelenskiy bu uchrashuvga taklif qilinmagan. U va Yevropa Ittifoqi ittifoqchilari Tramp mojaroni muzlatib qo‘yib, Rossiyaning Ukrainadagi beshdan bir hududini nazorat qilishini norasmiy tan olishi mumkinligidan xavotir bildirmoqda.

Kreml matbuot kotibi Dmitriy Peskov Alyaska muzokaralari muvaffaqiyatli bo‘lsa, uch tomonlama sammit o‘tkazilishi mumkinligini aytdi...

Falastinliklar uchun maxsus jamg‘arma va bepul bog‘chalar, Qoraqalpog‘iston va Xorazmda ichimlik suvi xarajatlariga subsidiya, UFC ro‘yxatidagi Makgregor, Qoraqalpog‘iston rivojiga $200 milliongacha xorijiy mablag‘, 850 million so‘mlik mobil raqam, UzAuto Motors’dan yangi Chevrolet modeli – Kursiv Uzbekistan 15-avgustda yuz bergan muhim voqealarni bitta materialga jamladi.

Maktab va bog‘chalarda majburiy mehnatga qarshi reydlar o‘tkaziladi

Joriy yilning 15-avgustidan boshlab Respublika bo‘ylab maktab va maktabgacha ta’lim muassasalarida «Majburiy mehnatga qarshi kurashish haftaligi» e’lon qilinadi. Bu haqda Kambagʻallikni qisqartirish va bandlik vazirligi ma’lum qildi.

O‘zbekistonga olib kelingan falastinliklar uchun maxsus jamg‘arma tashkil etiladi

Prezident farmoniga binoan, mamlakatga olib kelingan falastinlik fuqarolarga doimiy...

16-avgust kuni O‘zbekiston bo‘ylab harorat kechasi 18–23°C, kunduz kuni esa 30–35°C atrofida bo‘lishi kutiladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

O‘zbekiston va Qozog‘iston aviatsiya ma’murlari muntazam aviaqatnovlar sonini keskin oshirishga kelishib oldi. Bu haqda Transport vazirligi ma’lum qildi.

Yangi kelishuvga ko‘ra, Toshkent – Olmaota va Toshkent – Nur-Sulton yo‘nalishlarida haftasiga 42 tagacha, boshqa yo‘nalishlarda esa 14 tagacha reys bajarish mumkin bo‘ladi. Umumiy ruxsat etilgan parvozlar chastotasi haftasiga 238 taga yetadi.

Shuningdek, muntazam parvozlar uchun manzillar soni kengaytiriladi. Bu esa ikki davlat o‘rtasida transport qulayligini oshiradi, ishbilarmonlik aloqalarini mustahkamlaydi hamda turizm rivojiga xizmat qiladi.

Tomonlar havo qatnovlarini rivojlantirish bo‘yicha hamkorlikni davom ettirishga tayyorligini bildirdi.

Eslatib o‘tamiz, avvalroq O‘zbekiston va Gonkong o‘rtasida to‘g‘ridan to‘g‘ri reyslar yo‘lga qo‘yilishi haqida yozgan edik.

Hindistonning Kashmir mintaqasida kuchli yomg‘irlar sabab yuzaga kelgan to‘satdan toshqin va ko‘chkilar kamida 60 kishini hayotdan olib ketdi, 200 dan ortiq kishilar bedarak yo‘qoldi. Bu haqda Reuters agentligi ma’lum qildi.

Unga ko‘ra, qutqaruvchilar belkurak va maxsus texnikalar yordamida vayronalar ostidan tirik qolganlarni izlamoqda.

Fojia Kishtvar tumanidagi Chasoti qishlog‘ida yuz berdi. Bu yerda mashhur Machail Yatra ziyorati oldidan yig‘ilgan sayyohlar to‘satdan kelgan suv oqimi va loy massasi ostida qolgan. Hodisa natijasida 100 dan ortiq kishilar jarohat olgan.

Shuningdek, Nepal va Pokistonda ham so‘nggi kunlarda kuchli yomg‘irlar, toshqin va ko‘chkilar yuzlab odamlarning hayotiga zomin bo‘ldi. Nepalda 41 kishi, Pokiston shimolida esa...

15-avgust kuni qabul qilingan qonun bilan jinoyat jarayonida majburlov choralarini takomillashtirish bo‘yicha bir qator qo‘shimcha va o‘zgartirishlar kiritildi. Bu haqda Adliya vazirligi ma’lum qildi.

Yangi tartibga ko‘ra, gumon qilinuvchi, ayblanuvchi yoki sudlanuvchiga qamoq ehtiyot chorasi qo‘llanilmagan, ammo u O‘zbekistondan chiqib ketib, suddan asossiz ravishda yashirinishi ehtimoli mavjud bo‘lsa, chiqish huquqi vaqtincha cheklanadi.

Prokuror, tergovchi yoki surishtiruvchi bunday chora qo‘llash bo‘yicha asoslarni ko‘rsatgan holda iltimosnoma kiritadi. Sud uni yopiq majlisda 8 soat ichida ko‘rib chiqadi va qaror chiqaradi. Qaror ustidan 48 soat ichida shikoyat yoki protest berish mumkin.

Eslatib o‘tamiz, avvalroq Qoraqalpog‘iston va Xorazmda ayrim oilalarga ichimlik suvini ta’minlash xarajatlari...