Yangiliklar

Xitoy Tashqi ishlar vaziri Van I Amerika Qoʻshma Shtatlari Tayvan bilan munosabatlarda «yagona Xitoy» tamoyiliga qat’iy amal qilishi kerakligini aytdi. Bu haqda Interfaks nashri xabar berdi.

Uning soʻzlariga koʻra, bu Vashington va Pekin oʻrtasidagi diplomatik munosabatlarning asosidir.

«Agar Qoʻshma Shtatlar, haqiqatan ham, Tayvan boʻgʻozida tinchlik va barqarorlikka umid bogʻlasa, u “yagona Xitoy» tamoyiliga amal qiladi, uchta qoʻshma kommyunikeni amalga oshiradi, Tayvanni qurollantirishni toʻxtatadi, «Tayvan mustaqilligiga» ommaviy ravishda qarshi chiqadi va Xitoyning tinch yoʻl bilan birlashishini qoʻllab-quvvatlaydi”, dedi Van I BMT Bosh Assambleyasining 79-sessiyasida AQSh Davlat kotibi Entoni Blinken bilan uchrashuvda.

Avvalroq Kursiv Uzbekistan Xitoyning...

Gʻulomjon Samadov «Nurafshon» telekanalining yangi direktori etib tayinlandi. Bu haqda Toshkent viloyati hokimligi matbuot xizmati xabar berdi.

U bunga qadar prezident administratsiyasida mas’ul lavozimda ishlab kelayotgan edi. Shuningdek, Oʻzbekiston Milliy teleradiokompaniyasida, Xalqaro press-klubda sharhlovchi sifatida ham faoliyat yuritgan.

Avvalroq Kursiv Uzbekistan Toshkent viloyati hokimligiga yangi tayinlovlar bo‘lgani haqida xabar bergan edi.

Oliy Majlis Senati Raisi Tanzila Narbayeva Butunxitoy xalq vakillari kengashi Doimiy qoʻmitasi raisi Chjao Leszi boshchiligidagi parlament delegatsiyasi bilan uchrashuv oʻtkazdi. Bu haqda Senat matbuot xizmati xabar berdi.

Uchrashuvda Oʻzbekiston va Xitoy oʻrtasidagi koʻp tomonlama hamkorlik aloqalari, shuningdek, parlamentlararo va hukumatlararo strategik muloqot tizimi yoʻlga qoʻyilganligi alohida ta’kidlandi.

Shu bilan birga, istiqbolda ham iqtisodiyot, investitsiya, ta’lim, madaniyat, turizm yoʻnalishlarida hamkorlikni rivojlantirish masalalari muhokama qilindi.

Shuningdek, tomonlar hududlararo aloqalarning kengayib borayotganini qayd etib, ikki mamlakatning mahalliy vakillik organlari oʻrtasidagi munosabatlarni kuchaytirish sohasidagi ishlarga e’tibor qaratdi.

Avvalroq Kursiv Uzbekistan Senat psixologlar faoliyatiga doir yangi qonunni ma’qullagani haqida xabar berdi.

Oʻzbekiston qonun ustuvorligi boʻyicha jahon reytingida 78-oʻrinni egalladi. Reyting World Justice Project platformasida joylangan.

Unga ko‘ra, mamlakatimiz o‘z indeksini 0,50 punktga yaxshilagan.

Qozog‘iston Markaziy Osiyoda eng yaxshi natijaga erishdi: respublika reytingning 65-pog‘onasida.

Qirg‘iziston 103-o‘rinni egalladi. Turkmaniston va Tojikiston reytingga kiritilmagan. Roʻyxatga jami 142 davlat kiritilgan.

Avvalroq Kursiv Uzbekistan nashri Oʻzbekiston mobil internet tezligi boʻyicha dunyo reytingida yuqorilagani haqida yozgan edi.

Rossiyaning Dog‘iston viloyatida joylashgan yoqilg‘i quyish shoxobchasida sodir bo‘lgan portlash 13 kishining o‘limiga, 23 kishining jarohatlanishiga sabab bo‘ldi. Bu haqda Washington Post ma’lum qildi.

Unga ko‘ra, portlash oqibatida shoxobcha va uning oshxonasida yong‘in kelib chiqqan. Halok bo‘lganlar orasida ikki nafar bola ham bor.

Maxachqal’a Moskvadan janubda taxminan 1600 km uzoqlikda joylashgan.

Viloyat hukumati jinoiy ish ochilgani va 28-sentabrni Dog‘istonda motam kuni deb e’lon qilinganini ma’lum qildi.

O‘tgan yilning avgust oyida Dog‘istondagi yoqilg‘i quyish shoxobchasida sodir bo‘lgan kuchli portlashda 35 kishi halok bo‘lgan, 115 kishi esa jarohatlangan edi.

Eslatib o‘tamiz, avvalroq Dog‘istonda o‘tkazilgan shaxmat chempionatida sportchi raqibini simob bilan...

AQShning Alabama shtatida otishmada uch kishini o‘ldirishda ayblangan shaxs azot gazi orqali qatl qilindi. Bu haqda Ap news ma’lum qildi.

Unga ko‘ra, 59 yoshli Alan Eugene Miller soat 18:38 da janubiy Alabama qamoqxonasida qatl etilgan.

Miller 1999-yilda uch kishini – Li Xoldbruks, Kristofer Skott Yansi va Terri Jarvisni o‘ldirganlikda ayblangan. Avvalroq Alabama shtati uni 2022-yilda o‘ldiradigan ineksiya yo‘li bilan qatl qilishga uringan edi.

«Men bu yerda bo‘lishga arzigulik hech narsa qilganim yo‘q», dedi Miller o‘zining so‘nggi so‘zida.

Ma’lumot uchun AQSh shu haftada yana 5 nafar jinoyatchini o‘lim jazosiga hukm qilgan.

Eslatib o‘tamiz, avvalroq FTX kriptobirjasining sobiq ijrochi direktori...

1-oktabr sanasidan boshlab o‘qituvchi va maktabda ishlovchi xodimlarning oylik maoshi 15 foizga oshadi. Bu haqda Oliygoh.uz ma’lum qildi.

Maktab direktori:

4 696 805 so‘m (400 o‘quvchigacha);
5 015 054 so‘m (401 – 880 o‘quvchigacha);
5 317 901 so‘m (881 – 1600 o‘quvchigacha);
5 625 394 so‘m (1600 dan ortiq).

Direktor o‘rinbosarlari: (MMIBDO, O‘TIBDO)
4 386 677 so‘m (400 o‘quvchigacha);
4 696 805 so‘m (401 – 880 o‘quvchigacha);
5 015 054 so‘m (881 – 1600 o‘quvchigacha);
5 317 901 so‘m (1600 dan ortiq).

Direktorning xoʻjalik ishlari bo‘yicha o‘rinbosari:
1 779 871 so‘m (400 o‘quvchigacha);
2 030 275 so‘m (401 – 880 o‘quvchigacha);
2 111 025 so‘m (881 – 1600 o‘quvchigacha);
...

BMT Bosh Assambleyasining 79-yillik sessiyasi doirasida Markaziy Osiyo va AQSH Tashqi ishlar vazirlarining C5+1 formatidagi yig‘ilishi bo‘lib o‘tdi. Bu haqda Qo‘shma Shtatlar hukumati departamenti ma’lum qildi.

Unga ko‘ra, uchrashuvda terrorizm, ekstremizm, narkotrafik, transmilliy va kiberjinoyatchilikka qarshi kurashish hamda radikallashuvga qarshi kurashish bo‘yicha birgalikdagi sa’y-harakatlarni yanada faollashtirish zarurligiga kelishib olindi.

Shuningdek, tinch-osoyishta Markaziy Osiyo boʻyicha umumiy qarashga erishish uchun xavfsizlik sohasida mintaqaviy hamkorlikni kengaytirish yoʻlidagi qadamlar ham muhokama qilindi. AQSh vakili inson huquqlari, barcha davlatlarning mustaqilligi, suvereniteti va hududiy yaxlitligini hurmat qilishga asoslangan C5+1 hamkorligi muhim ahamiyatga egaligini ta’kidladi.

Eslatib o‘tamiz, avvalroq Tashqi ishlar vaziri Baxtiyor Saidov BMTdagi so‘zlagan nutqi...

«Hizbulloh» yetakchisi Hasan Nasrullohning Bayrutdagi harakat bosh qarorgohiga berilgan zarba chog‘ida yo‘q qilindi. Bu haqda Isroil mudofaa kuchlari matbuot xizmati xabar berdi.

Unga ko‘ra, kecha 2024-yil 27-sentabr kuni «Hizbulloh» terrorchilik tashkiloti yetakchisi va uning asoschilaridan biri Hasan Nasrulloh «Hizbulloh» janubiy fronti qo‘mondoni Ali Karki va boshqa qo‘mondonlar bilan birga Isroil kuchlari tomonidan o‘ldirildi.

Isroil xavfsizlik xizmati razvedka ma’lumotlarini olgan Isroil havo kuchlari samolyotlari Dahiya mahallasidagi markaziy qarorgohga qaqshatqich zarba bergan.

Nasrullohni yo‘q qilish operatsiyasi «Yangi tartib» deb nomlangan.

64-yoshli Nasrulloh Isroil o‘zidan oldingi Abbos Musaviyni o‘ldirganidan beri «Hizbulloh»ga 32 yil rahbarlik qilgan.

Eslatib o‘tamiz, avvalroq Isroil «Shimol o‘qlari»ni...

27-sentabr kuni Toshkent shahrida O‘zbekiston Respublikasi bosh vazirining o‘rinbosari Jamshid Xojayev hamda Hindiston moliya va korporativ ishlar vaziri Nirmala Sitharaman hamraisligida O‘zbekiston – Hindiston biznes forumi bo‘lib o‘tdi. Bu haqda Investitsiyalar, sanoat va savdo vazirligi ma’lum qildi.

Unga ko‘ra, Hindiston tomoni bilan oʻzaro hamkorlik hajmi izchil ortib borayotgani qayd etildi. Shu tariqa so‘nggi besh yil ichida o‘zaro tovar ayirboshlash hajmi ikki baravar ortib, 2023-yil oxiriga kelib qariyb $800 mlnga yetdi. Yil boshidan buyon bu ko‘rsatkich o‘tgan yilning shu davriga nisbatan 30 % oshib, $600 mlnni tashkil etdi. O‘zbekistonda Hindiston kapitali ishtirokidagi 317 kompaniya muvaffaqiyatli faoliyat yuritmoqda.

Shuningdek, ikki mamlakatning...

O‘zbekistonlik yozuvchi Yelena Makarova Yevroosiyo ijodkorlar tanlovining «Bolalar nasri» nominatsiyasida birinchi o‘rinni egalladi va nufuzli Mariya Shevel nomidagi mukofotga sazovor bo‘ldi. Bu haqda tanlov rasmiy saytida ma’lum qilindi.

Unga ko‘ra, mukofot egasining kitobi Buyuk Britaniyada ingliz tilida nashr etiladi va 2025-yil Shotlandiyada boʻlib oʻtadigan 14-xalqaro Ochiq Yevroosiyo adabiyot festivali va kitob forumida taqdimot qilish imkoniyatini beradi.

Yelena Makarova bolalar uchun mo‘ljallangan ertaklar va she’rlar muallifi, oliy ma’lumotli filolog, hozirda Toshkent pediatriya institutida rus tilidan dars beradi. Uning ijod namunalari turli gazeta va jurnallarda muntazam chop etiladi.

Mazkur tanlov 2012-yildan buyon dunyoning eng yaxshi adabiyotshunoslarini o‘ziga jalb etib kelmoqda...

Shavkat Mirziyoyev oʻqituvchi va murabbiylar kuni arafasida bir qator soha vakillarini taqdirlash toʻgʻrisidagi farmonni imzoladi. Bu haqda davlat rahbari matbuot xizmati ma’lum qildi.

«O‘zbekiston Respublikasi xalq o‘qituvchisi» faxriy unvoni Quyi Chirchiq tumanidagi 25-umumta’lim maktabining biologiya fani o‘qituvchisi Ozoda Abdurahmonova va Marhamat tumanidagi 3-maktab-internati matematika o‘qituvchisi Nabijon Akramovga berildi.

«O‘zbekiston Respublikasida xizmat ko‘rsatgan xalq ta’limi xodimi» faxriy unvonlari Xorazm va Buxoro viloyatlaridagi maktab o‘qituvchilari Ixtiyor Matmuratov va Ilyos Raupovga ham topshirildi.

Qarshi muhandislik-iqtisodiyot instituti qoshidagi litseyning matematika fani o‘qituvchisi Manzura Ochilova va Samarqand davlat universiteti o‘zbek tilshunosligi kafedrasi professori Suyun Karimovga «O‘zbekiston Respublikasida xizmat ko‘rsatgan yoshlar murabbiysi» unvoni berildi.

Shuningdek...

Siyosiy partiya raislari o‘rtasidagi debatda O‘zLiDeP raisi Aktam Hayitov yaqin 6 yil ichida YaIMni oshirish va boshqa masalalariga doir takliflar berdi. Debat Uzreport TV, Sevimli, RTV, My5, Zo‘r TV, Dunyo bo‘ylab hamda Foreign Language telekanallarida uch tilda berib borildi.

«2030-yilga qadar YaIMni $160 mlrdga, aholi jon boshiga to‘g‘ri keladigan YaIMni $4 mingga yetkazamiz».

«Tadbirkorlik subyektlari va fermerlar faoliyatiga noqonuniy aralashuv holatlariga qat’iy choralar ko‘rishni ta’minlaymiz».

«So’z erkinligini ta’minlash, ochiqlik siyosatini davom ettirish partiyamizning saylovoldi dasturida asosiy maqsadlardan biridir».

Shuningdek, partiya raisi A. Hayitov ish beruvchi...

2024-yil 27-oktabrdagi saylovlar oldidan tashkil etilgan siyosiy partiya raislari debatida «Milliy tiklanish» demokratik paytiyasi raisi ajrimlar, harbiy xizmat, o‘zbek tili rivoji kabi masalalarga e’tibor qaratdi. Debat bir necha telekanallarda jonli efirda namoyish etildi.

«Nafaqat ayollar va erkaklar, balkim 18 yoshga to‘lgan, biroq oliy ta’lim muassasalariga o’qishga kira olmagan yoshlarning barchasi majburiy harbiy xizmatni o‘tashi kerak».

«O‘zbek tili rivojlana olmasdan ortda qolib ketmoqda, Shu sababli «Davlat tili to‘g‘risidagi qonun»ni yangi tahrirda qabul qilishni ta’minlaymiz. Hammamiz o‘z milliy o‘zbek tilimizni rivojlantirmasak, davlat tili bo‘yicha qonunchilik atrofida barchamiz birlashmasak qonun qonunligicha qolib ketaveradi va...

Rossiyalik siyosatchi Andrey Klimov Alisher Qodirov Rossiya tashqi ishlar vazirligi rasmiysiga bergan javobiga munosabat bildirdi. Bu haqda Lenta.ru ma’lum qildi.

Klimovning ta’kidlashicha, millatlararo munosabatlar juda nozik masaladir.

«Men har qanday voqea haqida darhol bunday ohangda gapirishga qarshiman. O‘qituvchining bu qilgan ishi hech bo‘lmaganda jinoyat, balki undan ham jiddiyroq. Vitse-spikerning aytganlari hayratlanarli. Bunday voqealar buning uchun unumli zamin. O‘ylaymanki, o‘qituvchi deyish qiyin bo‘lgan bu ayol hech qanday geosiyosiy voqealar haqida o‘ylamagan. Ehtimol, ba’zi maishiy omillar bunga ta’sir qilgan bo‘lishi ham mumkin. Keling, bu masalani rasmiy kanallar orqali qanday hal qilishimizni ko‘rib chiqaylik», qo‘shimcha qildi u.

Toshkentda «Turkiy davlatlar iqtisodiyoti» kitobiga bag‘ishlangan davra suhbati bo‘lib o‘tdi. Unda turli turkiy mamlakatlardan 35 nafar olim mintaqaning so‘nggi 10-yildagi iqtisodiy holatini tahlil qildi. Bu haqda Iqtisodiy tadqiqotlar va islohotlar markazi Kursiv Uzbekistan’ga ma’lum qildi.

Davra suhbatining maqsadi — turkiy davlatlar o‘rtasidagi hamkorlikni muhokama qilish, fikr almashish va mintaqa iqtisodiyotini rivojlantirish yo‘llarini topishdan iborat. Tayanch mavzu: «Turkiy dunyo. 2040-yilga nigoh».

Iqtisodiy tadqiqotlar va islohotlar markazi direktori doktor Obid Hakimov kitobni turkiy makonning iqtisodiy dinamikasini tushunish uchun muhim deb hisoblaydi. Shuningdek, u O‘zbekiston va Ozarbayjon o‘rtasidagi savdoni $1 milliardga yetkazish salohiyatini o‘rganish maqsadida Markaz delegatsiyasining Ozarbayjonga tashrifini eslatib o‘tdi.

CAERC ijrochi...

Ukraina sudi Alisher Usmonovga tegishli USM holdingining aktivlarini, jumladan, temir ruda mahsulotlari va IT-kompaniyani musodara qildi. Kompaniya esa bu qarorni javobsiz qolmasligini ma’lum qildi, deya xabar berdi RBK nashri.

Ma’lum qilinishicha, USM’ning press-relizida, aktivlarning noqonuniy ravishda to‘silib, ikki yildan ortiq vaqt davomida Ukraina hududida saqlanganligi qayd etilgan. Bundan tashqari, kompaniya Rossiya Ukrainaga bostirib kirishidan oldin «Metalloinvest» temir rudalarini Ukraina orqali xalqaro bozorlarga yetkazib bergan.

Shundan so‘ng mamlakat hukumati yetkazib berishni to‘xtatdi va mahsulotlarni «har qanday qonuniy asoslarsiz» musodara qildi. 25-sentabrda Ukraina oliy anti-korrupsiya sudi Adliya vazirligining Usmonov aktivlarini milliylashtirish bo‘yicha da’vosini qondirdi.

Davlat foydasiga 4,5 milliard rubldan ortiq...

27-sentabr kuni O‘zbekiston Respublika valyuta birjasida dollarning rasmiy narxi 21,06 so‘mga pasaydi va 12 715,42 so‘mni tashkil qildi.

Moliya institutlari dollarni 12 655 – 12 700 so‘mdan xarid qilishmoqda va 12 740 – 12 800 so‘mdan sotishmoqda.

Eslatib o‘tamiz, 26-sentabr kuni mamlakatda AQSh valyutasining narxi  21,17 so‘mga tushgan edi.

2024-yilning may oyi oxiri iyun oyining boshlarida Xitoydagi eng yangi atom suvosti kemasi chokkani ma’lum bo‘ldi. Bu haqda The Wall Street Journal (WSJ) nashri xabar berdi.

Qayd etilishicha, Chjou tipidagi suvosti kemasi o‘z turidagi birinchi suvosti kemasi hisoblanadi. Ushbu kema Vuachang kemasozlik zavodida China State Shipbuilding Corp tomonidan yasalgan.

Planet Labs sun’iy yo‘ldosh suratlariga tayanilsa, suvosti kemasi oxirgi marta may oyining oxirida Yanszi daryosida ko‘ringan.

Shundan so‘ng, iyun oyi boshida kemani daryo tubidan ko‘tarish uchun kranlar cho‘kish joyiga yetib kelgan. Mazkur holat Xitoy rasmiylari tomonidan sir saqlangan.

Avvalroq Kursiv Uzbekistan Xitoy 70 yil deganda pensiya yoshini ko‘tarishni reja...

O‘zbekistonda Chotqol va Ugam daryolari to‘g‘onlar bilan yopildi, u yerda GESlarning qurilishi esa ekotizimga tahdid solmoqda. Bu haqda YUNESKO va Tabiatni muhofaza qilish xalqaro ittifoqi (TMXI) ning qo‘shma missiyasi «G‘arbiy Tyan-Shan» transchegaraviy Butunjahon tabiiy merosi obyektining holatini baholash uchun Qozog‘iston, Qirg‘iziston va O‘zbekistonga tashrifida so‘z bordi.

O‘zbekistonda Butunjahon merosi obyektiga kirgan Chotqol va Ugom daryolari allaqachon to‘g‘on bilan yopilgan. «Chegara bilmas daryolar» ekspertlari hozir buldozerlar va ekskavatorlar Ugom daryosi o‘zanini buzib, sun’iy kanal qurish va uni betonlayotganini aniqladi.

“O‘zbekistonning Qirg‘izistondagi Butunjahon merosi uchastkasida GES va avtotrassa barpo etishdagi ehtimoliy ishtirokiga kelsak, bu YUNESKOning Umumjahon madaniy...

UzAuto Motors Tbilisida Chevrolet brendi ostida yangi dilerlik markazini ochdi hamda rasmiy sotuvlarga start berdi. Bu haqda kompaniya matbuot xizmati xabar berdi.  

Ma’lum qilinishicha, kompaniyaning Gruziyadagi rasmiy dileri «Strada Motors» MChJ bo‘ldi. Jamiyat Chevrolet avtomobillarini sotish va ularga texnik xizmat ko‘rsatish bo‘yicha barcha xizmatlarni taqdim etadi.

«Chevrolet brendining mahalliy bozorga kirib kelishi Gruziya yo‘llari uchun mos avtomobillarni xarid qilish imkonini berib, haydovchilarga mamlakat bo‘ylab qulay harakatlanishni ta’minlaydi», deydi «Strada Motors» MChJ bosh direktori Zurab Gvazava.

Joriy yilning 25-avgust kuni Chevrolet avtomobillarining birinchi partiyasi Asakadagi zavoddan Gruziyaga jo‘nab ketgan edi.

Avvalroq Kursiv Uzbekistan Raqobat...

Toshkent xalqaro aeroportida bojxona xodimlari yo‘lovchilardan birini kuchli ta’sir qiluvchi dori vositalarini olib kirishga uringan vaqtida to‘xtatib qoldi. Bu haqda «Toshkent-AERO» ixtisoslashtirilgan bojxona kompleksi axborot xizmati xabar berdi.    

Ma’lum qilinishicha, fuqaroga tegishli sumka belgilangan tartibda ko‘zdan kechirilganda uning ichidan 200 dona Neurica NT nomli dori borligi aniqlandi. Mazkur doir vositasi markaziy bojxona laboratoriyasi ekspertizasidan o‘tkazilgan. Natijada mahsulot tarkibida kuchli ta’sir qiluvchi pregabalin moddasi borligi aniqlangan.

Qonunchilikka ko‘ra, pregabalin muomalasi noqonuniy hisoblanib cheklov qo‘yilgan hamda kuchli ta’sir qiluvchi moddalar ro‘yxatiga kiritilgan.

Ma’lumot uchun, joriy yilning o‘tgan davri davomida «Toshkent-AERO» ixtisoslashtirilgan bojxona kompleksi tomonidan 30 ta kontrabanda va bojxona qonun...

«Gazprom Neft» rahbari Aleksandr Dyukov kompaniyaning O‘zbekistonda yonilg‘i quyish shoxobchalari tarmog‘ini qurish haqida ma’lum qildi. Bu haqda TASS nashri xabar berdi.

«Hozirda O‘zbekistonda yana bir qator loyihalarni amalga oshirish imkoniyatlarini, jumladan, o‘z brendimiz ostida avtomobillarga yonilg‘i quyish shoxobchalari tarmog‘ini barpo etish masalasini muhokama qilmoqdamiz», deya ta’kidladi kompaniyasi rahbari.

Bundan tashqari, kompaniya O‘zbekiston bilan uglevodorodlarni qidirish va qazib olish texnologiyalari sohasida hamkorlikni davom ettirish niyatida.

Avvalroq Kursiv Uzbekistan Gazprom va Qozog‘iston O‘zbekistonga gaz yetkazib berishga kelishib olishgani haqida yozgan edi.

Osiyo taraqqiyot banki (OTB) ta’limni moliyalashtirish bo‘yicha xalqaro jamg‘arma (IFFed) bilan kelishuv imzoladi. Bu haqda bank matbuot xizmati xabar berdi.

Qayd etilishicha, mazkur kelishuv Osiyo-Tinch okeani mintaqasidagi daromadi o‘rtacha daromaddan past bo‘lgan mamlakatlarga ta’lim uchun yangi imtiyozli moliyalashtirish uchun kamida $500 mln miqdorida mablag‘ ajratish imkonini beradi.

«Ta’lim zamonaviy, farovon va inklyuziv jamiyatning asosidir va biz IFFed bilan hamkorlik haqida e’lon qilishdan mamnunmiz», dedi OTBning Sektorlar va mavzular bo‘yicha vitse-prezidenti Fotima Yasmin.

Hozirgi vaqtda Bangladesh, Hindiston, Mo‘g‘uliston, Pokiston, Papua-Yangi Gvineya, Filippin, Shri-Lanka, Timor-Leste, O‘zbekiston va Vyetnam mamlakatlarida IFFEd tomonidan moliyalashtirish imkoniyati mavjud.