Yangiliklar

Coincapmarket platformasi ma’lumotlariga ko‘ra, joriy yilning 5-dekabr kuni Toshkent vaqti bilan soat 10:30 da bitkoin narxi $103 mingdan oshdi.

Shunigdek, Coinindeks platformasida taqdim etilgan ma’lumotlarda ham xuddi shu vaqtda bitkoin narxlari $103 mindan oshganini ko‘rish mumkin. So‘nggi 24 soat ichida kriptovalyutasi qiymati deyarli 7 foizga o‘sdi.

Boshqa turdagi kriptovalyutalar turli dinamikani ko‘rsatmoqda. Masalan, Toshkent vaqti bilan soat 10:30 da Ethereum $3,8 mingdan oshdi va tez orada $4 mingga yetishi mumkin, bir kunda ETH taxminan 6 foizga qimmatlashdi.

Eslatib o‘tamiz, avvalroq Kursiv Uzbekistan bitkoin narxi $93 mingdan pasaygani haqida...

AQSh prezidenti Donald Tramp NASA rahbari lavozimiga milliarder, Shift4 Payments kompaniyasining asoschisi Jared Ayzekmanni nomzod sifatida ko‘rsatdi. Bu haqda u o‘zining Truth’dagi sahifasida ma’lum qildi.

Trampning ma’lum qilishicha, Ayzekmanning kosmosga bo‘lgan ishtiyoqi, astronavtlik tajribasi va ilmiy izlanishlarni kengaytirishdagi maqsadlari uni ushbu lavozim uchun ideal nomzodga aylantiradi.

Ayzekman esa bu u uchun katta sharaf ekanini ta’kidlab, kosmosning kelajakdagi imkoniyatlariga urg‘u berdi. U ikkinchi kosmik asr endi boshlanayotganini va kosmosning ishlab chiqarish, biotexnologiyalar va energiya manbalarini qidirish sohasida ulkan salohiyatga ega ekanini qayd etdi.

41 yoshli Ayzekman SpaceX kompaniyasining Polaris Dawn missiyasida ishtirok etgan va ushbu tadqiqot loyihasini moliyalashtirgan. Uning boyligi...

Bugun, 5-dekabr kunidan Chevrolet Onix va Tracker avtomobillari yanada arzonlashdi. Chevrolet Onix uchun chegirma 19 mln so‘mga, Tracker uchun esa 29 mln so‘mga oshirildi.

Bu chegirmalar 8-dekabr Konstitutsiya bayrami va Yangi yil arafasida qilingan chegirmalar hisoblanadi. Aksiyada avtombil soni cheklangan.

Eslarib o‘tamiz, oldingi chegirmalar Onix uchun 15 mln so‘m bo‘lsa, Tracker uchun esa 22 mln so‘m edi.

Avvalroq Kursiv Uzbekistan UzAuto Motors shartnoma olingan Cobalt uchun to‘lov muddati 2-dekabrgacha amal qilishini yozgan edi.

Alisher Usmonov o‘ziga qarshi joriy etilgan sanksiyalarning Xalqaro qilichbozlik federatsiyasiga (FIE) ta’sir qilmasligi uchun tashkilot prezidenti vazifasini ixtiyoriy ravishda to‘xtatishga qaror qilganini ma’lum qildi. Bu haqda RIA Novosti xabar bermoqda.

Eslatib o‘tamiz, 30-noyabr kuni Toshkentda o‘tkazilgan qurultoyda Alisher Usmonov ko‘pchilikning ovozi bilan Xalqaro qilichbozlik federatsiyasi (FIE) prezidenti etib saylangan edi.

Avvalroq Kursiv Germaniya prokuraturasi Usmonovga nisbatan tergovni to‘xtatgani haqida yozgan edi.

Bugun, 5-dekabr kuni O‘zbekiston bo‘ylab tuman tushadi, biroq yog‘ingarchilik kuzatilmaydi. O‘rtacha havo harorati 3-8 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi va tuman tushadi. Kunduzi havo 4-6 daraja iliq, kechasi esa 1 daraja sovuq bo‘ladi.

Tog‘li hududlarda bulutli bo‘ladi, yomg‘ir va qor yog‘ishi ehtimoli bor. Kunduzi 0-5 daraja iliq, kechga kelib 1-6 daraja sovuq bo‘ladi.

Shavkat Mirziyoyev farmoni bilan yuqori lavozimlarga yangi tayinlovlar amalga oshirildi. Bu haqda O‘zA ma’lum qildi.

Unga ko‘ra, Ruslanbek Davletov ijtimoiy-siyosiy, diniy-ma’rifiy va yoshlar masalalari bo‘yicha prezident maslahatchisi lavozimiga tayinlandi.

Abdusalom Azizov ushbu soha bo‘yicha maslahatchining yoshlar masalalari bo‘yicha o‘rinbosari, Suxrob Yusupov va Adxam Turdiyev esa maslahatchining boshqa yo‘nalishlar bo‘yicha o‘rinbosarlari etib belgilandi.

Bundan tashqari, Muzaffar Kamilov va Olim Saliyev o‘z lavozimlaridan boshqa ishga o‘tgani munosabati bilan lavozimidan ozod etildi.

Eslatib o‘tamiz, avvalroq O‘zbekiston bosh vaziri yordamchisi almashgan edi.

S&P Global Ratings O‘zbekistonning ijobiy kredit reytingi va kelgusi yillardagi dollar kursi prognozlarni e’lon qildi. Bu haqda S&P Global nashri o‘z rasmiy sahifasida ma’lum qildi.

Unga ko‘ra, o‘zbek so‘mining dollarga nisbatan kursi bosqichma-bosqich oshishi kutilmoqda: 2024-yil oxirida 12 950 so‘m, 2025-yilda 13 650 so‘m, 2026-yilda 14 300 so‘m va 2027-yilda 15 000 so‘mga yetishi taxmin qilinmoqda.

Bu o‘zgarishlar mamlakat iqtisodiyotining barqaror o‘sishi va tashqi iqtisodiy sharoitlarga bog‘liq hisoblanadi.

Eslatib o‘tamiz, avvalroq O‘zbekiston iqtisodiyoti o‘rtacha 5,6% o‘sish sur’atini saqlab qolishi kutilayotgani haqida yozgan edik.

S&P Global Ratings O‘zbekistonning xalqaro va milliy valyutadagi uzoq muddatli suveren kredit reytingini «BB-/B» darajasida tasdiqladi. Tahlil S&P Global rasmiy veb-saytida e’lon qilindi.

Unga ko‘ra, O‘zbekiston iqtisodiyoti 2024-2027-yillar davomida o‘rtacha 5,6% o‘sish sur’atini saqlab qolishi kutilmoqda. Bu asosan davlat investitsiyalari va xususiy iste’mol bilan qo‘llab-quvvatlanadi.

Agentlik O‘zbekistonning davlat qarzi yalpi ichki mahsulotga nisbatan o‘rtacha 39% darajasida qolishini, tashqi qarzlarning ko‘pchiligi imtiyozli shartlarda rasmiy kreditorlarga to‘g‘ri kelishini ta’kidladi. Shu bilan birga, tashqi va byudjet taqchilliklarining nazorat ostida qisqarishi kutilmoqda.

O‘zbekiston hukumati energiya tariflarini oshirish, davlat subsidiyalarini qisqartirish va iqtisodiyotni modernizatsiya qilish kabi islohotlarni davom ettirmoqda. Bu islohotlar orqali 2027-yilgacha byudjet...

Shavkat Mirziyoyev va Xalqaro atom energiyasi agentligi bosh direktori Rafael Grossi uchrashuvida O‘zbekiston va XAEA o‘rtasidagi hamkorlikni rivojlantirish masalalari muhokama qilindi. Bu haqda prezident matbuot xizmati ma’lum qildi.

Unga ko‘ra, O‘zbekiston XAEA a’zosi sifatida 1994-yildan beri 40 dan ortiq qo‘shma loyihani amalga oshirib, texnik ko‘makdan foydalanib kelmoqda. Hozirda yadro fanlari, tibbiyot, qishloq xo‘jaligi va ekologiya sohalarida 5 loyiha ustida ish olib borilmoqda.

Uchrashuvda xalqaro konferensiyalar tashkil etish, yuqori malakali kadrlar tayyorlash va «tinch atom» sohasini rivojlantirish bo‘yicha yangi yo‘l xaritasi tasdiqlandi. Bu tadbir O‘zbekistonning atom energiyasidan tinch maqsadlarda foydalanish yo‘nalishida global hamkorlikni mustahkamlashga intilayotganini ko‘rsatadi.

Eslatib o‘tamiz, avvalroq prezident...

Noyabr oyida yangilangan Jahon shaxmat federatsiyasi (FIDE) reytingidagi kuchli 100 shaxmatchi orasida 5 nafar o‘zbekistonlik grossmeysterlarimiz o‘z o‘rnini band etdi. Reyting FIDE rasmiy veb-saytida e’lon qilindi.

Unga ko‘ra, eng yuqori natija Nodirbek Abdusattorovga tegishli bo‘lib, u 2777 ball bilan 6-o‘rinni egalladi.

Shuningdek, Rustam Qosimjonov 2685 ball bilan 43-o‘rinda, Javohir Sindarov va Shamsiddin Vohidov mos ravishda 2682 va 2681 ball bilan 46- va 47-o‘rinlarda qayd etildi.

Nodirbek Yaqubboyev esa 2668 ball bilan 60-o‘ringa o‘z nomini yozdirib qo‘ydi.

Eslatib o‘tamiz, avvalroq O‘zbekiston futbol terma jamoasi jahon reytingida yuqorilagan edi.

O‘zbekistonda mahkumlarni kuzatish uchun mo‘ljallangan elektron brasletlar ishlab chiqarish yo‘lga qo‘yiladi. Bu haqda O‘zA agentligi xabar berdi.

Mazkur brasletlar va ularga mos dasturiy ta’minot Respublika kriminalistika ilmiy-tadqiqot instituti tomonidan ishlab chiqilgan.

Joriy yilning aprel oyida elektron brasletlar mamlakatda sinovdan o‘tkazilgani haqida ma’lumot berilgan edi. Ularni bosqichma-bosqich joriy etish ishlari shu yilning oxiriga qadar yakunlanishi rejalashtirilgan.

Avvalroq Kursiv Uzbekistan nashri O‘zbekistonning 3,6 ming mahallasida jinoyatchilik yo‘qligi haqida yozgan edi.

Bashar al-Assad muxolifat va isyonchilarga qarshi kurashda Isroildan yordam so‘radi, deb xabar berdi Elaph arab portali.

Isroil hukumati Suriyada yuz berayotgan voqealar Isroilga tegishli emasligini aytdi.

Bundan tashqari, Isroil Asadga Eron va ushbu Islom Respublikasi tarafdori bo‘lgan kuchlarga mamlakatni tark etish uchun murojaat qilishni maslahat berdi.

Eslatib o‘tamiz, 2024-yil noyabr oyi oxirida Suriyada terrorchilik guruhlari faollashgan edi. Dekabrga kelib, «Hayat Tahrir ash-Sham» ekstremistik tashkiloti Suriyaning ikkinchi yirik shahri Aleppo aeroportini egallab oldi.

Avvalroq Kursiv Uzbekistan AQSh va BAA Suriyaga nisbatan sanksiyalarni bekor qilish masalasini muhokama qilayotgani haqida yozgan

Microsoft kompaniyasi sobiq rahbari Bill Geyts bayram oldi dam olish kunlarida o‘qish uchun bir nechta kitoblarni tavsiya qildi.

Geyts o‘z tavsiyalarida asosan to‘rtta kitobni nomini sanagan. Ta’kidlanishicha, ushbu kitoblar atrof-muhitni tushunishga yordam beradi. Ro‘yxatdagi beshinchi kitob esa tennis ixlosmandlari uchun.

Ushbu kitoblar orasidagi ikki kitob kelajakka va sun’iy intellektning rivojlanishi, ta’limning o‘zgartirayotganiga bag‘ishlangan. Ro‘yxatdagi to‘rtinchi kitob esa butunlay hozirgi zamonga bag‘ishlangan.

«Ishqning tugallanmagan tarixi», Doris Kerns Gudvin

Kitob Dorisning vafot etgan turmush o‘rtog‘i (eri) bilan hayotiga bag‘ishlangan, u Kennedi va Jonson prezidentlarining siyosat bo‘yicha mutaxassisi va og‘zaki nutq yozuvchisi bo‘lgan, bu esa AQShning eng...

Yandex Uzbekistan kompaniyasi «Saxovatli noyabr» aksiyasi yakunlarini e’lon qildi. To‘plangan 189 mln so‘m mablag‘ni «Ona uyi», «Teach for Uzbekistan», «ONA» va «Sharoit Plus» xayriya tashkilotlariga yo‘naltirdi. Bu haqda kompaniya Kursiv Uzbekistan’ga ma’lum qildi.

Aksiya davomida foydalanuvchilar juma kunlari Yandex Go xizmatlaridan foydalanib bunga o‘z hissasini qo‘shish imkoniyatiga ega bo‘ldi. Har 10 km yo‘l uchun kompaniya 50 so‘m ajratdi, ovqat yetkazib berish xizmatida esa har bir 60 minglik buyurtma uchun 500 so‘m mablag‘ yo‘naltirildi.

Avvalroq Kursiv Uzbekistan Navoiy viloyatida Yandex Go xizmati ishga tushirilgani haqida yozgan edi.

4-dekabr kuni O‘zbekiston Respublikasi valyuta birjasida AQSh dollarining o‘rtacha qiymati 12,39 so‘mga kamayib, 12 813,04 so‘mni tashkil etdi.

Banklarda dollar fuqarolardan 12 750 – 12 800 so‘mdan xarid qilinmoqda va ularga 12 820 – 12 885 so‘mdan sotilmoqda.

Eslatib o‘tamiz, mamlakatda 3-dekabr kuni ushbu valyuta deyarli 13 so‘mga arzonlashgan edi.

Ijtimoiy tarmoqlarda 7-dekabrdan boshlab Xivaga yuqori tezlikdagi «Afrosiyob» poyezdlari qatnovi boshlangani haqida xabarlar tarqaldi. Biroq bu ma’lumotlar haqiqatga mos emas, deb xabar bermoqda «O‘zbekiston temir yo‘llari» matbuot xizmati.

Ta’kidlanishicha, Buxoro – Urganch – Xiva temir yo‘l uchastkasini elektrlashtirish ishlari doirasida «Afrosiyob» poyezdi sinov tariqasida harakatlangan. Bu sinov yangi yo‘nalishni tekshirish va infratuzilmaning tayyorligini baholash maqsadida o‘tkazilgan.

Eslatib o‘tamiz, avvalroq Kursiv Uzbekistan Toshkentdan Samarqandga qo‘shimcha elektropoyezd qatnovi yo‘lga qo‘yilgani haqida xabar bergan edi.

Oʻzbekistonlik futbolchi Abbosbek Fayzullayev faoliyatini Faransiyaning «Monako» klubida davom ettirishi mumkin.

Maʼlum qilinishicha, Liga 1 klubi SSKA yarim himoyachisi uchun taxminan 15 million yevro taklif qilishga tayyor. Shu bilan birga, Moskva klubi Fayzullayevni qishki transfer oynasiga qoʻyib yubormoqchi emas.

Shuningdek, futbolchiga Ispaniyaning «Real Sosyedad» klubi ham qiziqish bildirmoqda.

Eslatib oʻtamiz, Fayzullayevning SSKA bilan shartnomasi 2026-yil iyuniga qadar amal qiladi. 21 yoshli yarim himoyasi joriy mavsumda RPLda 15 ta oʻyin oʻtkazib, 2 ta gol va 3 ta golli uzatmani amalga oshirdi.

Avvalroq Kursiv Uzbekistan yana bir o‘zbekistonlik futbolchi Abduqodir Husanovga Angliyaning top klublari qiziqish bildirayotgani haqida xabar bergan...

Davlat xaridlarida ishlab chiqaruvchilarni qo‘llab-quvvatlash hamda ularga keng imkoniyatlar yaratish bo‘yicha PQ-417-son prezident qarori qabul qilindi.

Qarorga ko‘ra, 2025-yil 1-yanvardan ishlab chiqaruvchilar tomonidan o‘zlari ishlab chiqargan tovarlarni taklif etish bo‘yicha ochiq va shaffof ishlab chiqaruvchilar ekotizimi joriy qilinadi. Ya’ni, davlat buyurtmachilari va ishlab chiqaruvchilar o‘rtasida, ishlab chiqaruvchilar o‘rtasida o‘zaro kooperatsiya aloqalarini o‘rnatish imkoniyatini yaratish.

Shuningdek, «B2B» va «B2C» formatida «marketpleys» shaklidagi erkin savdo maydonchasini tashkil etish tizimi joriy etiladi. Ushbu yo‘nalishda ma’sul tashkilot sifatida Iqtisodiyot va moliya vazirligi belgilanadi.

Bundan tashqari, «davlat xaridlari – biznesga ko‘mak» tamoyili asosida «tadbirkorbay» ishlash tizimi yo‘lga qo‘yiladi.

Ayrim tadbirkor ishlab...

Xalqaro baholash dasturi TIMSS 2023 natijalariga ko‘ra, O‘zbekiston maktab o‘quvchilari matematika va tabiiy fanlar bo‘yicha past ko‘rsatkichlarni qayd etdi. Bu haqda Maktabgacha va maktab ta’limi vazirligi xabar berdi.

4-sinf o‘quvchilari natijalari

O‘zbekistonlik 4-sinf o‘quvchilari tabiiy fanlar savodxonligi bo‘yicha 412 ball to‘plab, ishtirokchi 58 ta davlat ichida 54-o‘rinni egalladi. Matematika savodxonligi bo‘yicha esa 443 ball bilan 50-o‘ringa joylashdi.

Qizlar tabiiy fanlar yo‘nalishida 414 ball to‘plab, o‘g‘il bolalarga (409 ball) nisbatan yaxshiroq natija ko‘rsatgan. Matematika yo‘nalishida ham qizlar (446 ball) o‘g‘il bolalardan (440 ball) yuqori natijaga ega bo‘ldi.

8-sinf o‘quvchilari natijalari

8-sinf o‘quvchilarining matematik savodxonlik bo‘yicha o‘rtacha...

O‘zbekiston maktablarida qishki ta’til 14 kun davom etadi.

Ta’til 28-dekabrda boshlanib, 10-yanvargacha davom etadi. 11-yanvar kuni respublika maktablarida III chorak darslari boshlanadi.

Eslatib o‘tamiz, avvalroq Kursiv Uzbekistan nashri o‘zbekistonliklar 2024-yil dekabr oyida necha kun dam olishi haqida xabar bergan edi.

Deyarli 100 ming ishchi Volkswagen zavodlarida norozilik namoyishida ishtirok etgan. Bu haqda Reuters agentligi xabar berdi.

Namoyishchilar rahbariyatning maoshlarni qisqartirish va Yevropadagi eng yirik avtomobil ishlab chiqaruvchi korxonalarni yopish rejalariga rozi emasligini bildirgan.

Shuningdek, IG Metall kasaba uyushmasi ma’lumotlariga ko‘ra, norozilikda Germaniya bo‘ylab to‘qqizta zavodda 98,6 mingdan ziyod ishchilar ishtirok etdi. Shundan so‘ng Volkswagen o‘zining 87 yillik tarixida birinchi marta xarajatlarni qisqartirish va foydani oshirish maqsadida Germaniyadagi zavodlarni yopish bilan tahdid qildi.

«Bu protestlarning birinchi va kuchli zarbasi edi, Volkswagen nihoyat o‘zining dahshatli rejalaridan voz kechishi kerak, aks holda bizning hamkasblarimiz to‘g‘ri...

4 – 11-dekabr kunlari poytaxtdagi Sergeli tumanining ayrim mahallalarida elektr ta’minoti vaqtincha to‘xtatiladi. Bu haqda «Toshkent shahar elektr tarmoqlari» MCHJ matbuot xizmati ma’lum qildi.

Unga ko‘ra, uzilishlar «Teplichnaya» podstansiyasida amalga oshirilayotgan modernizatsiya ishlari, jumladan, eskirgan elektr qurilmalarini yangilash va yuklamani teng taqsimlash bilan bog‘liq.

Vaqtinchalik uzilishlar Nomdanak, Sultonobod, Xonobod, Xonobodtepa, Xontepa, Eski Jaloyir, Ko‘xnaqumariq, Ziyolilar, Eshonbuloq, Izzatli, Sadoqat, Shukrona, Xalqobod, Madaniyat, Qushqorgon, Asrobod va Kengmakon mahallalarda kuzatiladi.

Ma’lumot uchun, modernizatsiya ishlari belgilangan vaqtdan oldin tugatilishi ham mumkin.

Eslatib o‘tamiz, avvalroq poytaxt jamoat transporti 24 soatlik rejimga o‘tkazilishi mumkinligi haqida yozgan edik.

2024-yilda «Paxtakor» futbol klubining xarajatlari 100 mlrd soʻm atrofida boʻldi. Bu haqda Toshkentda boʻlib oʻtgan matbuot anjumanida jamoa raisi Jahongir Ortiqxoʻjayev ma’lum qildi, deb xabar bermoqda Kursiv Uzbekistan muxbiri.

Ortiqxoʻjayevning soʻzlariga koʻra, 2025-yilda smeta oshadi, sababi tez orada «Paxtakor» stadioni rekonstruksiyasi boshlanadi. Shuningdek, u «Paxtakor» umuman moliyaviy jihatdan foyda keltirmasligini aytib oʻtdi.

«Kimdir shahrimizning bosh jamoasini moliyalashtirishi kerak-ku, bizni yoshligimiz bu jamoa bilan oʻtgan. Imkonimiz boricha yordam beryapmiz. Oʻzi umuman dunyo boʻyicha 10 – 15 klub futboldan foyda qilsa kerak. Qolganlari esa yoʻq. Oʻzbekistonda futbol foyda keltirishiga ishonmayman», – deydi u.

Eslatib oʻtamiz, klub portugaliyalik...

2024-yil oktabr holatiga ko‘ra, O‘zbekistonda xo‘roz va tovuqlar soni 101,9 mln boshni tashkil etdi. Bu ikki yil avvalgiga nisbatan 10,4 foizga ko‘pdir.

Shu bilan birga, respublikaning har bir fuqarosiga o‘rtacha uchta tovuq to‘g‘ri keladi.

Eslatib o‘tamiz, 2024-yil oktabr oyi boshidagi holatga ko‘ra, O‘zbekiston aholisi 37 mln kishini tashkil qildi.

Avvalroq Kursiv Uzbekistan nashri Yaponiya O‘zbekistonda chorvachilikni rivojlantirish uchun $200 mln ajratishi haqida yozgan edi.