Yangiliklar

Akfa Group kompaniyasi Amerika Qo‘shma Shtatlarining Kentukki shtatida yirik ishlab chiqarish majmuasini qurishni boshladi. Loyiha qiymati $600 millionni tashkil etadi. Bu haqda kompaniya asoschisi Jahongir Ortiqxo‘jayev «O‘zbekiston 24» telekanaliga bergan intervyusida ma’lum qildi.

Unga ko‘ra, yangi zavodda alyuminiy mahsulotlari, avtomobil butlovchi qismlari, quyosh batareyalari va derazalar uchun ehtiyot qismlar ishlab chiqarish yo‘lga qo‘yiladi.

«Bu yerda alyuminiy, avtomobil va oynalar uchun ehtiyot qismlar ishlab chiqaradigan fabrikani boshladik. Birinchi bosqichda $105 millionlik investitsiya jalb qilinmoqda. Umuman olganda, loyiha qiymati $600 millionni tashkil etadi», – dedi Ortiqxo‘jayev.

Kompaniya loyihani turk hamkorlari bilan birgalikda amalga oshirmoqda. Qurilish yakunlangach, majmua...

2025-yil yanvar – sentabr oylarida O‘zbekistonga xorijdan jami 3,2 million dona mobil telefon keltirildi. Bu haqda Milliy statistika qo‘mitasi xabar berdi.

Ta’kidlanishicha, ularning umumiy qiymati $370,8 millionni tashkil etadi. Mazkur ko‘rsatkich o‘tgan yilning shu davriga nisbatan 219,9 ming dona yoki 7,4 foizga ko‘p.

Import hajmi boʻyicha yetakchilikda hali ham Xitoy saqlanib qolmoqda. Mamlakatdan jami 2,5 mln dona telefon yetkazib berilgan. Shuningdek, Vyetnamdan 619,2 ming, BAAdan 65,3 ming, Hindistondan 31,8 ming va Koreyadan 4,9 ming dona telefon keltirilgan.

Bundan boshqa davlatlardan olib kirilgan telefonlar 2,2 ming donani tashkil etgan.

Avvalroq 2025-yilning yanvar – iyun oylarida Oʻzbekistonga 1,9 million dona mobil...

Rossiya hukumati sanoat siyosati to‘g‘risidagi qonunga o‘zgartish kiritib, 2026-yildan texnologik yig‘im tizimini joriy etishni rejalashtirmoqda. Bu haqda mamlakatning qator nashrlari xabar bermoqda.

Ta’kidlanishicha, yig‘imdan tushgan mablag‘lar mamlakatda radioelektronika va mikroelektronika sohasini rivojlantirish uchun ishlatiladi. Yig‘imni to‘lovchilar qatoriga ham importyorlar, ham mahalliy ishlab chiqaruvchilar kiradi. Ular ishlab chiqarish darajasidan qat’iy nazar, to‘lovni amalga oshiradi. Texnologik yig‘im avvaliga ichki ishlab chiqaruvchilarning ulushi past bo‘lgan mahsulot turlari uchun qo‘llaniladi.

Mahsulotlar ro‘yxatini hukumat bosqichma-bosqich tasdiqlaydi, dastlab yig‘im faqat tayyor mahsulotlarga tatbiq etiladi. Har bir mahsulot uchun alohida stavka belgilanadi, biroq eng qimmat mahsulotlar uchun yig‘im 5000 rubldan oshmaydi. Yangi tizimning maqsadi ishlab chiqaruvchilar...

8-noyabr kuni Xitoy ikki orbital uchishni amalga oshirdi va yillik umumiy uchishlar sonini 70 ga yetkazdi. Bu haqda Payload Space ma’lum qildi.

CASC kompaniyasi Long March 11 raketasi orqali Shiyan-32 sun’iy yo‘ldoshlarini orbitaga chiqardi, xususiy CAS Space esa Chutian-2 tajribaviy apparatlarini past orbitaga uchirdi. Bu natija Xitoyga 2024-yilgi rekordini (68 ta muvaffaqiyatli uchish) yangilash imkonini berdi.

Shunga qaramay, AQSh hali ham bu borada yetakchilik qilmoqda: noyabr boshigacha u yerda 160 dan ortiq orbital uchish amalga oshirilgan, ulardan 140 dan ortig‘i SpaceX raketalari hisobiga to‘g‘ri keladi.

Jahon miqyosida 2025-yil orbital uchishlar soni bo‘yicha tarixiy rekordga tenglashdi: yil davomida...

Tijorat banklari 11-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

Toyota 2027 – 2028-yillarda tverdotana batareyalarni (SSB) seriyali mashinalarga o‘rnatishni boshlashini tasdiqladi. Bu haqda Autoblog xabar bermoqda.

Ta’kidlanishicha, u 40 yilgacha xizmat qilishi mumkin. Hozirgi batareyalar o‘n yil atrofida 90 foiz sig‘imini saqlay oladi. Yangi SSB texnologiyasi esa bir dona batareya bilan to‘rt avlod mashinaga teng xizmat muddatini beradi. Shu orqali ishlab chiqarish miqdori kamayadi, ekologik zarar esa keskin tushadi.

Tverdotana texnologiyasining asosiy ustunligi suyuq yonuvchan elektrolitning o‘rniga to‘liq qattiq moddaning ishlatilishidir. Bu yechim xavfsizlikni oshiradi, qizish va yong‘in xavfini kamaytiradi, energiya zichligini esa ko‘taradi. Natijada batareyalar kichikroq, yengilroq, quvvatliroq bo‘ladi. Ular 1000 km dan ortiq masofa bosishi mumkin.

«SMA systema xususiy bandlik agentligi» MChJga joriy yilning 10-aprelida berilgan xorijda ishga joylashtirish litsenziyasi 2025-yil 5-noyabrdan bekor qilindi. Bu haqda Migratsiya agentligi xabar berdi.

«Xususiy bandlik agentliklari to‘g‘risida»gi Qonunga muvofiq, endilikda ushbu MChJ xorijga ishga joylashtirish bo‘yicha xizmat ko‘rsata olmaydi.

Migratsiya agentligi fuqarolardan mazkur agentlik bilan bog‘liq murojaat yoki shikoyatlarni 20-noyabrga qadar Migratsiya agentligining 71 202 33 55 (711) raqamlariga bildirishlari mumkinligini qo‘shimcha qildi.

Avvalroq Migratsiya agentligi taklifi bilan xorijga tashkilot orqali ishlash uchun ketayotgan fuqarolarni himoya qiluvchi ixtiyoriy sugʻurta tizimi joriy etilish xabar qilingandi.

Yangi tartibga koʻra, sugʻurta kompaniyalariga migrantlar uchun imtiyozli tariflar va maxsus sugʻurta mahsulotlarini...

Samsung Galaxy S26 Pro bekor qilindi, uning o‘rniga Galaxy S26 chiqishi ma’lum bo‘ldi. Bu haqda Android Headlines xabar bermoqda.

Yangi ma’lumotlarga ko‘ra, Galaxy S26 o‘lchamlari 149,5 × 71,6 × 7,24 mm bo‘ladi. Kamera chiqishi bilan qalinlik 10,44 mm.ga yetadi. Oldingi prototip Galaxy S26 Pro – biroz ixchamroq bo‘lgan: 149,3 × 71,4 × 6,96 mm, kamera bilan 10,23 mm. Shunday qilib, final versiya taxminan 0,28 mm ga qalinlashgan. Taqqoslash uchun, hozirgi Galaxy S25 146,9 × 70,5 × 7,2 mm o‘lchamga ega.

Manbalarga ko‘ra, o‘lchamning biroz ortishi ichki korpusni yaxshilash yoki kamera stabilizatsiyasi tizimini optimallashtirish bilan bog‘liq.

Eslatib o‘tamiz, Kursiv Uzbekistan...

Samsung Galaxy S26 Ultra old kamera teshigi 4 mmga yetadi va ekran ramkasi biroz kengayadi. Bu haqda insayder Ice Universe ma’lum qildi.

Unga ko‘ra, old kamera ko‘rish burchagining 85° ga oshirilishi orqali guruh selfilari uchun ko‘proq maydon hosil bo‘ladi.

Old kamera texnikasi S25 Ultra bilan bir xil bo‘lib, yangi model ekran va ramka dizayni bilan yangi avlod Xitoy flagmanlariga yaqinlashadi. Galaxy S26 Ultra foydalanuvchilarga yanada kengroq ko‘rinish va yuqori sifatli selfilar imkonini beradi.

Galaxy S26 telefonlari 2026-yil fevralda sotuvga chiqadi, S26 Ultra esa barcha bozorlarda Snapdragon 8 Elite Gen 5 chipi bilan taqdim etiladi.

Eslatib o‘tamiz, avvalroq Samsung Galaxy...

Apple kompaniyasi iPhone’larni shaxsiy shifokorga aylantirishni rejalashtirmoqda. Buning uchun yangi Health ilovasi funksiyalari joriy etiladi, deya yozmoqda Bloomberg.

Yangi ilova Health+ xizmatini taklif qiladi, unda foydalanuvchilarga sog‘likni kuzatishda yordam beruvchi SI-agent bo‘ladi. Agar xizmat muvaffaqiyatli amalga oshirilsa, Apple sog‘liqni saqlash sohasida SI-chatbotlar bo‘yicha yetakchi texnologik kompaniyalardan biriga aylanishi mumkin.

Apple Health+ foydalanuvchilarga shaxsiylashtirilgan SI maslahatlari, sog‘liq bo‘yicha ekspertlarning foydali videolari va hayot tarzini yaxshilash bo‘yicha tavsiyalarni taqdim etadi.

Shuningdek, xizmat ovqatlanishni kuzatish funksiyasini ham o‘z ichiga oladi va mavjud bo‘lsa, Apple Watch ma’lumotlari bilan integratsiya qilinadi.

Eslatib o‘tamiz, avvalroq iPhone’da sun’iy yo‘ldosh orqali xabar yuborish imkoniyati paydo bo‘lishi haqida...

Nissan AQSh bozorida Sentra sedanining to‘qqizinchi avlodini taqdim etdi. Bu haqda ITHome nashri ma’lum qildi.

Model avvalgi platforma va 2,0 litrli benzinli dvigatelni saqlagan holda to‘liq yangilangan dizayn va zamonaviy interyerga ega bo‘ldi. Dvigatel 149 ot kuchiga ega va variator bilan ishlaydi.

Mashina S, SV, SR va SL to‘rt komplektatsiyada taklif etiladi, narxi $23,6 mingdan $29,2 minggacha. Dinamik ko‘rinishi V-shaklidagi radiator panjarasi, tor LED faralar va sport detallari bilan ajralib turadi.

Salonida Nissan Connect multimediya tizimi, 12,3 dyuymli markaziy ekran, 7 dyuymli raqamli panel, simsiz Apple CarPlay va Android Auto mavjud. Flagman SL komplektatsiyasida ProPilot Assist, moslashuvchan kruiz-kontrol, aqlli...

Rossiyaning Lukoil kompaniyasi Iroqdagi West Qurna-2 neft konida «fors-major» holatini e’lon qildi. Bu haqda Reuters agentligi xabar berdi.

Reuters’ga ko‘ra, Lukoil Iroq neft vazirligiga rasmiy xat yuborib, «fors-major» sababli kon faoliyatini davom ettira olmasligini bildirgan. Uning xorijdagi aktivlarini Shveysariyaning Gunvor kompaniyasiga sotish urinishlari ham AQSh Moliya departamenti noroziligi sababli muvaffaqiyatsiz tugagan.

West Qurna-2 Basra portidan 65 km shimoli-g‘arbda joylashgan, Iroqning jami neft ishlab chiqarishining qariyb 9 foizini tashkil etadi va hozirda kuniga 480 ming barrel neft chiqaradi. Agar «fors-major» sabablarini olti oy ichida bartaraf etish imkoni bo‘lmasa, Lukoil loyihani tark etishi mumkin.

Sanksiyalar tufayli Iroq davlat neft kompaniyasi SOMO...

Mamlakatda kasaba uyushmalari tizimini rivojlantirish, xodimlarning huquq va manfaatlarini himoya qilish, ularni ijtimoiy qo‘llab-quvvatlash hamda fuqarolik jamiyatini mustahkamlash yo‘lidagi samarali faoliyati uchun bir guruh soha vakillari davlat mukofotlari bilan taqdirlandi. Bu haqda davlat rahbari matbuot xizmati ma’lum qildi.

«Fidokorona xizmatlari uchun» ordeni bilan – O‘zbekiston kasaba uyushmalari Federatsiyasining Toshkent viloyati Kengashi raisi Fayziyeva Sayyora Mavlyanovna mukofotlandi.

«Mehnat shuhrati» ordeni bilan – O‘zbekiston temiryo‘lchilari va transport quruvchilari kasaba uyushmasi Respublika Kengashi raisi Sabirov Kutlimurat taqdirlandi.

«Do‘stlik» ordeni esa sohada uzoq yillik mehnati va ijtimoiy faolligi uchun sakkiz nafar mutaxassisga topshirildi, jumladan, Abdualimov Eshmirza Uralovich, Akberdiyev Abdug‘ofur Bektoshevich, Axmedov Isak Nabiyevich

Slovakiyada ikki poyezd to‘qnashdi, 2026-yildan davlat tibbiyot muassasalarida besh kunlik ish haftasi joriy qilinadi — 10-noyabrning eng muhim hodisalari Kursiv Uzbekistan dayjestida.

Slovakiyada ikki poyezd to‘qnashuvi sodir bo‘ldi

9-noyabr kechasi Slovakiyaning g‘arbiy qismida, Bratislava yaqinidagi Pezinok shahrida ikki poyezd to‘qnashdi. Bu haqda Reuters agentligi ma’lum qildi.

Ichki ishlar vaziri Matus Sutaj Estokning bayonotiga ko‘ra, hodisada 11 kishi og‘ir jarohat olib, shifoxonaga yotqizildi, yana bir necha kishi yengil jarohat olgan. Poyezdlarda jami taxminan 800 kishi bo‘lgan, ularning ko‘pchiligi talabalar bo‘lgani aytilmoqda.

Tailand – Malaziya chegarasida Rohingya qochqinlari qayig‘i halokatga uchradi

Tailand va Malaziya chegarasida Rohingya qochqinlarini tashigan qayiq...

11-noyabr kuni O‘zbekistonda havo o‘zgaruvchan bo‘ladi, yog‘ingarchilik kutilmaydi, shamol sharqdan esadi. Harorat kechasi 0–7° iliq, kunduzi 8–20° iliq bo‘ladi. Bu haqda «O‘zgidromet» agentligi ma’lum qildi.

Burger King’ning birinchi restoranlari O‘zbekistonda bir oy – bir yarim oy ichida ochilishi kutilmoqda. Bu haqda Oʻzbekiston 24 kanaliga International Beverages Tashkent kompaniyasi asoschisi Shuhrat Ergashov ma’lum qildi.

Unga ko‘ra, mazkur kompaniya Burger King’ni mamlakatga jalb qilmoqda. Uning aytishicha, yangi bozorlarga chiqishdan oldin kompaniya odatda raqobatchilar, masalan, McDonald’s mavjudligini baholaydi. Kutilishicha, bir yarim oy ichida birinchi nuqtalar ishga tushadi va vaqt o‘tishi bilan restoranlar butun mamlakat bo‘ylab ochilishi rejalashtirilgan.

Ma’lumot uchun, Burger King 1954-yilda AQShning Florida shtatida tashkil etilgan global tezkor ovqatlanish tarmog‘idir. U Restaurant Brands International Inc. (RBI) kompaniyasi tomonidan boshqariladi. 2024-yilda uning global savdosi 5,4 % ga oshgan.

Hindiston poytaxti Nyu-Dehli shahrining zich aholi yashaydigan tumanida Qizil qal’a yaqinida portlash yuz berdi. Bu haqda CNN agentligi ma’lum qildi.

Shahar politsiyasining ma’lum qilishicha, kamida sakkiz kishi halok bo‘ldi, 11 kishi jarohat oldi.

Portlash avtomobilda sodir bo‘lgan va uning sababi hozircha ma’lum emas. Yong‘in natijasida oltita transport vositasi va uchta autoriksha yonib ketgan. Ammo yong‘in o‘chirish guruhlari tomonidan nazoratga olindi.

Ma’lumot uchun, Qizil qal’a (Lal Qila) XVII asr Mug‘allar davriga oid qal’a bo‘lib, eski shaharda joylashgan va yil davomida sayyohlar tomonidan ziyorat qilinadi.

Eslatib o‘tamiz, avvalroq Indoneziyadagi maktab masjidida portlash yuz bergan edi.

Foxconn (Hon Hai Precision Industry) Hyustonda Nvidia serverlarini ishlab chiqarishda inson shaklidagi robotlarni sinovdan o‘tkazishni rejalashtirmoqda. Bu haqda Digital Trends ma’lum qildi.

Kompaniya raisi Yang Liu ma’lum qilishicha, dastlabki pilot loyihani keyingi olti oy ichida ishga tushirish ko‘zda tutilgan.

Ma’lumot uchun, Foxconn dunyodagi eng yirik shartnoma asosidagi elektronika ishlab chiqaruvchilardan biri bo‘lib, ilgari sanoat robotlaridan keng foydalangan. Yangi loyiha esa Nvidia Isaac GR00T N modeliga asoslangan robotlar yordamida server ishlab chiqarishni avtomatlashtirishga qaratilgan. Maqsad — SI serverlari ishlab chiqarish uchun yetakchi smart-fabrika standartini yaratish va mavjud infratuzilmani katta o‘zgarishsiz ishlatish.

Hozircha robotlarning qaysi operatsiyalarni bajarishi va ishchi xodimlar bilan...

Chery kompaniyasi yangi Tiggo 8 (5-avlod) krossoverini Xitoy ichki bozorida rasman taqdim etdi. Bu haqda ITHome nashri ma’lum qildi.

Avval faqat oldindan buyurtma asosida taklif qilingan avtomobil, ochiq savdolar bilan arzonlashdi: boshlang‘ich Comfort komplektatsiyasi 92,9 ming yuan ($13 mingdan ziyod), eng yuqori Flagship esa 122,9 ming yuan ($17.2 mingdan ziyod) turadi.

Model uzunligi 4749 mm, g‘ildirak bazasi 2825 mm, dizayni ikki xil: biri Tiggo 8 Plus uslubida, ikkinchisi katta olti burchakli radiator panjarasi bilan Audi krossoverlarini eslatadi. Bazaviy jihozlarga teri salon, 360° kamera, kalitsiz kirish, ikki zonali iqlim nazorati kiradi.

Texnik jihatdan krossover 1,6 litrli 200 ot kuchiga ega...

Xitoy Savdo vazirligi AQShga galliy, germaniy va antimon eksportiga qo‘yilgan taqiqni 2026-yil 27-noyabrgacha vaqtincha bekor qildi. Bu haqda Politico nashri ma’lum qildi.

Unga ko‘ra, qaror ikki davlat o‘rtasidagi savdo tangliklarining yumshashi ortidan qabul qilindi. Ushbu materiallar yarimo‘tkazgichlar, smartfonlar, kompyuter texnologiyalari hamda harbiy tizimlar – elektron urush, kuzatuv va raketa tizimlarida ishlatiladi.

Pekin o‘tgan yili bu moddalarga cheklovlar kiritgan edi. Endilikda cheklovlar to‘xtatilib, eksport jarayoni soddalashtirilmoqda. Xitoy prezidenti Si Szinpin va AQSh prezidenti Donald Tramp yaqinda boj tariflarini pasaytirish va ayrim savdo cheklovlarini bir yilga yumshatishga kelishib olgan edi.

Eslatib o‘tamiz, avvalroq Avstraliya sanksiyalarga qaramay Rossiya neftini import qilayotgani haqida...

Avstraliya Rossiya neftiga qarshi sanksiyalar joriy etganiga qaramay, Singapur orqali Rossiya yonilg‘isini import qilayotgani ma’lum bo‘ldi. «The Guardian» nashrining xabariga ko‘ra, mamlakat 2023-yildan buyon 3 mln tonnadan ortiq Rossiya neft mahsulotlarini xarid qilgan.

Rossiyadan kelayotgan millionlab tonna yonilg‘i Singapurdagi Jurong porti orqali o‘tadi. Ushbu portning bir qismi Avstraliyaning «Macquarie» investitsiya bankiga tegishli bo‘lib, u Rossiya neftining qayta ishlanishi va qayta eksport qilinadigan asosiy tugunlardan biri hisoblanadi.

Avstraliya uchinchi davlatlar orqali neft mahsulotlarini sotib olishi qonun doirasida bo‘lsa-da, amalda Rossiya neft sanoatini va Kremlning budjet tushumlarini qo‘llab-quvvatlaydi.

Rasmiy ma’lumotlarga ko‘ra, 2023-yil boshidan Avstraliya import qilayotgan yonilg‘ining qariyb choragi Singapurdan kelgan...

«Navoiyuran» DK 2025-yilning 9 oyi yakunlari bo‘yicha 3,7 trln so‘m sof foyda qayd etdi. Bu haqda kompaniya saytida ma’lum qilindi.

Ushbu ko‘rsatkich o‘tgan yilning shu davriga nisbatan 28,6 foiz ko‘pdir. III chorakda korxonaning sof foydasi yillik hisobda 149,2 foiz o‘sib, 1,9 trln so‘mga yetdi.

Kompaniya moliyaviy bozordagi faol ishtirokini ham kengaytirmoqda. 2025-yil iyun oyida «Navoiyuran» London fond birjasida $300 mln.lik yevrobondlarni 5 yil muddatga, 6,7 foizlik past kupon stavkasi bilan muvaffaqiyatli joylashtirgan edi. 2026-yilning ikkinchi yarmida esa xalqaro va mahalliy fond bozorlarida 10 – 15 foiz aksiyalarini joylashtirib IPO o‘tkazish rejalashtirilmoqda.

Uran bozori so‘nggi oylar davomida keskin faollashdi. Narxlar...

Rossiyaning Sankt-Peterburg shahrida migrantlarning taksida ishlashiga doir taqiq kuchga kirganidan so‘ng shaharda taksi xizmatlari narxlari 30 foizgacha oshdi. Bu haqda «Fontanka.ru» nashri o‘tkazgan monitoring natijalariga tayanib, xabar berdi.

Jurnalistlar «Yandeks Taksi» orqali bir xil yo‘nalishlarda safar narxlarini taqqoslaganda, ayrim yo‘nalishlarda farq 3,2 foizdan 32,5 foizgacha bo‘lgan. Masalan, Primorskiy tumaniga borish 761 rubl o‘rniga 1009 rublni tashkil etgan. Bu orada ayrim foydalanuvchilar ilovada Haydovchilar yetarli emas degan ogohlantirish xabarini olishgan.

«Yandeks Taksi» ma’muriyati ma’lum qilishicha, yangi taqiq sabab shaharda faol haydovchilar soni 12 foizga kamayadi. Bu 4 mingdan ortiq kishi ish joyini yo‘qotishi mumkin degani. Mutaxassislar esa bu holat shundoq...

SAIC Audi Xitoy bozoriga mo‘ljallangan Audi E5 Sportback modeli bilan yangi rekord o‘rnatdi. Bu haqda CarNewsChina xabar bermoqda.

Elektromobil Ridge Circuit tog‘ trassasida 01 daqiqa 42 soniya 99 millisoniya natija bilan harakatlanib, yangi vaqt ko‘rsatkichiga erishdi. E5 Sportback hatto Lotus Emira modelini ortda qoldirdi va umumiy reytingda uchinchi o‘ringa chiqdi. Undan oldinda faqat Porsche Taycan GT Weissach Package va Xiaomi SU7 Ultra turibdi.

Ridge Circuit 2024-yilda ochilgan va Osiyodagi birinchi tog‘ trassasi hisoblanadi. Uning uzunligi 2,42 km, 31 ta burilish va 71 metr balandlik farqiga ega. Trassa tekis emas, tabiiy relyef asosida qurilgan.

Audi’ning yangi natijasi modelning bozorga chiqishidan...