Yangiliklar

Magistratura va doktoranturaga qabul qilishda xorijiy tilni bilish to‘g‘risidagi sertifikat talabiga o‘zgartishlar kiritildi. Bu haqda bugun, 8-may kuni Oliy ta’lim, fan va innovatsiyalar vazirligida boʻlib oʻtgan matbuot anjumanida ma’lum qilindi.

Qayd etilishicha, ta’lim dasturini xorijiy tilda yakunlagan talabalar uchun sertifikat talabi bekor qilinadi.

Shuningdek, soha xususiyatidan kelib chiqib madaniyat, san’at, sport, ta’lim, sog‘liqni saqlash, ishlab chiqarish, muhandislik ishi, qishloq xo‘jaligi, veterinariya, arxitektura va qurilish, fizika va tabiiy fanlar, transport xizmatlari yo‘nalishlari bo‘yicha sertifikat talabi bir pog‘ona pastga, ya’ni B1 darajasiga tushiriladi.

Sertifikat talabi xorijiy tillar yo‘nalishlarida C1 darajada, aniq fanlar, biologiya, matematika, huquq, jurnalistika, axborot-kommunikatsiya texnologiyalari va iqtisodiyot...

Bugun, 8-may kuni O‘zbekiston prezidenti Rossiya poytaxti Moskvaga keldi, deb xabar beradi davlat rahbari matbuot xizmati.

Davlat rahbarini «Vnukovo» aeroportida rasmiy shaxslar, jumladan, Rossiya Bosh vaziri oʻrinbosari – sanoat va savdo vaziri vazifasini bajaruvchi Denis Manturov kutib oldi.

O‘zbekiston prezidenti Oliy Yevroosiyo iqtisodiy kengashi majlisida va Ikkinchi jahon urushidagi g‘alabaning 79 yilligida ishtirok etadi. Shuningdek, tashrif dasturi bo‘yicha qator muhim uchrashuvlar o‘tkazadi.

Avvalroq «Kursiv» Shavkat Mirziyoyev urush faxriylarining holidan xabar olgani haqida fotoreportaj qilgan edi.

Toshkent shahrida, 2024-yil 6-may kuni InterContinental mehmonxonasida Yunusobod Business City loyihasi taqdimoti boʻlib oʻtdi. Tadbirda shaharni rivojlantirishning istiqbolli loyihalariga sarmoya kiritishni rejalashtirgan ishbilarmon doiralar vakillari yigʻildi.

Loyiha Oʻzbekiston prezidenti Shavkat Mirziyoyevning 2019-yildagi qaroriga muvofiq yaratilgan boʻlib, poytaxt tadbirkorlik infratuzilmasini rivojlantirishning yangi yoʻnalishi hisoblanadi.

Taqdimotda Toshkent shahar hokimi oʻrinbosari Sharof Rahmonov soʻzga chiqdi. Uning aytishicha, amalga oshirilayotgan loyihaning umumiy maydoni 44,5 gektarni tashkil etadi. Hokim oʻrinbosarining aytishicha, dastur poytaxtni investorlar, sayyohlar va mahalliy aholi uchun yanada jozibador qilish uchun zarur.

Taqdimot davomida ishtirokchilar g‘oyani amalga oshirishning asosiy xususiyatlari, afzalliklari va investitsiya imkoniyatlarini muhokama qilishdi. Yunusobod Business City — Toshkent shahrining Yunusobod...

8-may kuni O‘zbekiston Respublika valyuta birjasida dollarning o‘rtacha tortilgan qiymati 11,01 so‘mga ko‘tarildi va 12 695,00 so‘mni tashkil qildi.

Bugun davlatning tijorat banklari AQSh valyutasini 12 625 – 12 675 so‘mdan xarid qilishmoqda va 12 700 – 12 740 so‘mdan sotishmoqda.

Eslatib o‘tamiz, 7-may kuni dollarning o‘rtacha narxi qariyb 36 so‘mga o‘sgan edi.

Davlat granti asosida oʻqigan bitiruvchilarning oʻqishni tugatgandan keyin 3 yil ishlab berish majburiyati bekor qilinadi. Bu haqda bugun, 8-may kuni Oliy ta’lim, fan va innovatsiyalar vazirligida boʻlib oʻtgan matbuot anjumanida ma’lum qilindi.

Ma’lum qilinishicha, davlat granti talabalar uchun ta’lim granti va ijtimoiy-ragʻbatlantiruvchi grant shaklida ajratiladi. Bunda ta’lim granti talabalarga bir oʻquv yili uchun ajratiladi hamda 1-kursda oʻqishga kirish natijalari boʻyicha, 2-kursdan boshlab reyting koʻrsatkichlari boʻyicha eng yuqori ball toʻplagan talabalarga ajratiladi.

Shuningdek, oʻqishga kirish uchun minimal oʻtish bali 2 bosqichda oshirilib, sogʻliqni saqlash, huquq, biznes va boshqaruv yoʻnalishlari uchun – 94,5 ball, boshqa yoʻnalishlar uchun – 75,6 ball etib...

Amerika Qo‘shma Shtatlari (AQSh) butun dunyodan migrantlar va investorlarni jalb qilishda davom etmoqda. AQSh immigratsiya tizimi murakkab bo‘lib, eng yaxshi immigratsiya yo‘lini tanlash va soliq majburiyatlarini oldindan rejalashtirish uchun individual yondashuvni talab qiladi. Shu sababdan, Henley & Partners ma’lumotiga ko‘ra, investitsiya jalb qilish orqali AQShda yashash ruxsatnomasini olish mumkin bo‘ladi.

EB-5 investitsiya immigratsiya dasturi

EB-5 investitsiya dasturi investorlarga AQShda doimiy rezident identifikatsiya kartasi – green karta egasiga aylanish imkonini beradi.

Chet el fuqarosi AQShdagi har qanday investitsiya loyihasiga $1,05 mln yoki agar loyiha qishloq xo‘jaligi yoki ishsizlik yuqori bo‘lgan hududlarda bo‘lsa, $800 ming miqdorida sarmoya kiritishi kerak. Shuningdek...

Oʻzbekiston prezidenti Shavkat Mirziyoyev Markaziy harbiy klinik gospitalida davolanayotgan Ikkinchi jahon urushi qatnashchilari holidan xabar oldi. Bu haqda prezident matbuot xizmati xabar berdi.

Mirziyoyev shifoxonada davolanayotgan urush faxriylari bilan suhbatlashdi.

«Islohotlar natijasi eng quyiga, har bir xonadonga kirib borishini istaymiz. Rejalarimiz ham katta. Hamma jipslashsa, birgalikda harakat qilsa, oʻylagan niyatlarimizga tezroq yetishamiz. Sizdek nuroniylarning duolari bunda bizga madadkor boʻladi. Sizlarning hayotingiz iroda, jasorat maktabi, gaplaringiz yoshlarga ibrat», dedi davlat rahbari.

Eslatib oʻtamiz, 2023-yilda mamlakatimizda 174 nafar Ikkinchi jahon urushi qatnashchisi istiqomat qilgan. Joriy yilda ularning har biriga 20 million soʻmdan mablagʻ ajratiladi.

Oʻtgan yili mukofotlar miqdori 18 million soʻmni...

Henley & Partners kompaniyasi New World Wealth tahliliy kompaniyasi bilan birgalikda «Dunyodagi eng boy shaharlar – 2024» hisobotini taqdim qildi.

Unga koʻra, Amerika Qoʻshma Shtatlarining 11 ta shahri millionerlar yashashi boʻyicha dunyoning Top-50 ta shahri roʻyxatidan joy oldi. 2024-yilgi dunyo reytingida 1-oʻrinni Nyu-York egalladi. Shahar aholisining umumiy boyligi hozirgi kunda $3 trilliondan koʻproqni tashkil qiladi. Bugungi kunda Nyu-Yorkda 349 500 millioner, 744 senti-millioner hamda 60 milliarder istiqomat qiladi.

Ikkinchi oʻrindan Amerikaning yana bir shahri San-Fransisko (305 700 millioner) joy oldi. Kuchli uchlikni Yaponiya poytaxti Tokio (298 300 millioner) yakunlab berdi.

Avvalroq «Kursiv» Oʻzbekiston kambagʻal davlatlar reytingida nechanchi oʻrinda ekanligi...

«O‘zagrosug‘urta» sug‘urta kompaniyasining birinchi chorakda ko‘rgan zarari 3,9 mlrd so‘mni tashkil qildi.

Sug‘urtalovchi o‘tgan yilning yanvar-mart oylarini 1,4 mlrd so‘m zarar bilan yakunladi. Joriy yilning birinchi choragida tushum 29,8 mlrd so‘mni tashkil etdi. Bu 2023-yilning shu davriga nisbatan kamroq (deyarli 32 milliard).

«O‘zagrosug‘urta» 1997-yilda tashkil etilgan bo‘lib, jismoniy va yuridik shaxslarga yuzdan ortiq sug‘urta xizmatlarini ko‘rsatadi. 2021-yilning yozidan boshlab sugʻurta kompaniyasi Uzinsurance brendi ostida xizmatlar koʻrsatib kelmoqda.

O‘zbekiston prezidenti Shavkat Mirziyoyevning farmoniga ko‘ra, kelgusi yilning birinchi choragiga qadar sug‘urtalovchining 94,5 foiz ulushi xalqaro bozorda ochiq kimoshdi savdosiga qo‘yiladi.

Avvalroq «Kursiv» 2024-yilning yanvar-mart oylarida «Ohangaronsement»ning zarari qariyb 120 mlrd...

Toshkent metropolitenida xotin-qizlar elektropoyezd mashinistligi boʻyicha ish boshlaydi. Bu haqda metropoliten axborot xizmati xabar berdi.

Qayd etilishicha, elektropoyezd mashinistligida ishlash xohishi boʻlgan xotin-qizlar uchun tashkil etilgan maxsus oʻquv kurslari boshlangan.

Hozirgi kunda kursantlarga mutaxassis xodimlar tomonidan nazariy bilimlar berilmoqda.

Avvalroq «Kursiv» Oʻzbekiston ayollariga avtobus va yuk mashinalarini boshqarishga ruxsat berilgani haqida xabar bergan edi.

Netflix striming xizmati «Wednesday» serialning ikkinchi faslini suratga olish ishlari boshlanganini e’lon qildi, deb xabar berdi Forbes.

Ikkinchi mavsumning birinchi epizodini taniqli kinorejissor va ssenariy muallifi Tim Byorton boshqaradi. Serialning yangi mavsumida Stiv Bushemi, Billi Payper, Joanna Lamli, Frensis O’Konnor, Jonas Suotamo va boshqa aktyorlar suratga tushadi.

«Wednesday» — Amerika qoʻrqinchli komediya seriali. Syujet g‘ayritabiiy kuchlarga ega Uensdey Addamsning voyaga yetishiga qaratilgan.

Avvalroq «Kursiv» Kventin Tarantino «Kinotanqidchi» filmini suratga olish fikridan qaytgani haqida yozgan edi.

Toshkent shahrining Yashnobod tumanida 8-may kuni yong‘in sodir bo‘ldi, deb xabar berdi poytaxt Favqulodda vaziyatlar boshqarmasi matbuot xizmati.

Yong‘in soat 11:25 da Muxtor Ashrafiy ko‘chasida joylashgan mebel sexida sodir bo‘lgan. Favqulodda vaziyatga qarshi kurashish uchun 11 ta maxsus guruh yuborildi.

«Hozirda yong‘inni o‘chirish ishlari davom etmoqda», deyiladi xabarda.

Boshqarma ma’lumotlariga koʻra, hodisa oqibatida hech kim jabrlanmagan.

Avvalroq «Kursiv» 10-aprel kuni Toshkentdagi «Yangiobod» bozorida yong‘in sodir bo‘lgani haqida yozgan edi.

Oʻzbekiston prezidenti Shavkat Mirziyoyev Gʻalaba bogʻiga tashrif buyurib, «Matonat madhiyasi» yodgorligi poyiga gul qoʻydi. Davlat rahbari matbuot xizmati marosimdan fotoreportajni namoyish qildi.

Eslatib o‘tamiz, 8-may, chorshanba kuni Toshkent shahrining markaziy ko‘chalari bo‘ylab Mudofaa vazirligi qoʻshinlari harbiy boʻlinmalarining namoyishkorona piyoda yurishlari tashkil etiladi.

1-may holatiga koʻra, Oʻzbekistonda 274,7 mingta yakka tartibdagi tadbirkor faoliyat koʻrsatmoqda. Bu haqda Davlat soliq qoʻmitasi (DSQ) xabar berdi.

Qayd etilishicha, ularning 83,5 foizi qat’iy belgilangan miqdorda daromad soligʻi toʻlaydi. Shuningdek, tadbirkorlarning yana 15,5 foizi aylanmadan olinadigan soliq, 1 foizi esa QQS toʻlaydi.

Yakka tartibdagi tadbirkorlarning koʻpchiligi chakana savdo bilan shugʻullanadi (131,4 ming). Tadbirkorlarning 23 ming nafari hunarmand, 28,4 ming nafari maishiy xizmat koʻrsatish hamda 91 ming nafari boshqa sohalarda faoliyat ko‘rsatib kelmoqda.

Avvalroq «Kursiv» Oʻzbekistonda joriy yilning 1-aprelidan boshlab oʻzini oʻzi ish bilan ta’minlagan fuqarolarning yillik daromadi 100 million soʻmdan oshsa, ularni soliqqa tortish tartibi 4 foiz stavkada belgilanishi haqida...

O‘zbekiston suv xo‘jaligi vaziri Shavkat Hamroyev mintaqadagi suv resurslari bilan bog‘liq vaziyatga izoh berdi. Uning so‘zlariga ko‘ra, joriy yilda yog‘ingarchilik tufayli Amudaryo va Sirdaryoda suv hajmi yuqori bo‘ladi.

«Darhaqiqat, 5 ta davlat suv limitlarini o‘zaro kelishadi. Oxirgi yig‘ilishimiz Chimkentda bo‘lib o‘tdi. Unda suv havzalaridagi suv holati muhokama qilindi. Bu yilgi yog‘ingarchiliklar natijasida Amudaryo va Sirdaryo daryolarida suv hajmi yaxshi bo‘lishi bashorat qilinyapti. Hozirgi holatda o‘tgan yilgi daraja kutilyapti. Ko‘p yillik me’yorlarga nisbatan esa Sirdaryoda 85 – 90 foiz, Amudaryoda 90 – 95 foizgacha suv bo‘lishi bashorat qilinmoqda. Bugungi kunda suv omborlarimizda o‘tgan yilga nisbatan 1,5 milliard kub...

Chorshanba kuni ertalab dunyoda neft narxi OPEK+ mamlakatlari neft ishlab chiqarishni ko‘paytirish imkoniyatini ko‘rib chiqishi haqidagi ma’lumotlar fonida pasaymoqda, deb xabar bermoqda «Trading Economics» portali.

Shunday qilib, Brent neftining fyucherslari 0,89 foizga tushib ketdi, narxi bir barrel uchun $82,8 tashkil etdi. WTI 0,96 foizga tushib, $78 tashkil qildi. Bu oxirgi ikki oy uchun minimal narxdir.

Benzin narxi ham pasaymoqda.

Bir kun avval OPEK+ davlatlari vakillari 2024-yilning ikkinchi yarmida neft qazib olish siyosati to‘g‘risida qaror qabul qilish uchun 1-iyun kuni yig‘ilishlari haqida ma’lumot paydo bo‘lgan edi. Mamlakatlar o‘rtasidagi amaldagi kelishuv yoz boshida tugaydi.

Birjada Caterpillar (1,91 foiz), Visa...

Aprel oyi yakunlariga koʻra, Oʻzbekiston xalqaro zaxiralarning umumiy qoldigʻi $918 mlnga koʻpayib, $35,1 mlrdni tashkil qildi. Bu haqda Markaziy bank xabar bermoqda.

Unga koʻra, zaxiralarning valyuta qismi mart oyi yakunlariga qaraganda $238,6 mlnga kamayib, $8 mlrdni tashkil qildi.

Zaxira ko‘payishining asosini tashkil qilgan oltinning hajmi oʻtgan oyga qaraganda oʻzgarishsiz 11,5 mln troy unsiya miqdorda saqlanib qoldi. Lekin oltin narxining keskin qimmatlashi sabab mart oyiga qaraganda $1,16 mlrdga oshirib, $26,5 mlrd tashkil qildi.

Maʼlumot uchun, Markaziy bank tomonidan 1-aprel holatiga koʻra, 5 grammlik oltin narxi 4717000 soʻmni tashkil qilgan boʻlsa, 30-aprel holatiga kelib 4901000 soʻmdan sotildi. Ushbu ma’lumotlardan...

8-may kuni soat 10:41 holatiga ko‘ra Lacetti modeli avtomobili bo‘yicha 4500 shartnoma tuzildi, deb xabar beradi UzAutoMotors matbuot xizmati.

Hozirda Damas-2 D-2 Style Plus modeli uchun shartnomalar mavjud, biroq mashinani darhol olib ketish imkoni bo‘lmaydi. Xaridor o‘z navbatini kutishi kerak.

Eslatib o‘tamiz, UzAuto Motors kompaniyasi avtomobillarni xarid qilish bo‘yicha shartnoma tuzish xizmatini ko‘rsatuvchi botlar va kanallar tarqalib ketgani haqida ogohlantirdi.

Avvalroq «Kursiv» O‘zbekistonda Kia K5 narxi oshgani haqida yozgan edi.

«Air India» aviakompaniyasining Dehlidan Chikagoga bo‘lgan AI-127 reysi Toshkentga yo‘naltirildi, deb xabar berdi «Novosti Tashkentskogo Neba» nomli Telegram-kanali.

Ekipaj yo‘lovchining sog‘lig‘i yomonlashgani sababli samolyotni Toshkentga qo‘ndirishga qaror qildi.

Aeroportga shifokorlar va tez yordam mashinasi yetkazildi.

Avvalroq «Kursiv» mart oyida kuchli qor tufayli Samarqand aeroportiga uch samolyot qo‘na olmagani haqida yozgan edi.

UzAuto Motors kompaniyasi bugun, 8-may kuni avtomobillarni xarid qilish bo‘yicha shartnoma tuzish xizmatini ko‘rsatuvchi botlar va kanallar tarqalib ketgani haqida ogohlantirdi. Bayonot tashkilotning Telegram-kanalida e’lon qilingan.

Kompaniya boshqa resurslarda shartnoma tuzmaslikni so‘raydi.

«Kompaniya shubhali xizmatlardan foydalanmaslikni qat’iy tavsiya qiladi. savdo.uzavtosanoat.uz onlayn shartnoma tizimi barcha uchun mutlaqo bepul va tizimda hech kim uchun qandaydir alohida kirishni ta’minlaydigan imkon mavjud emas», deyiladi bayonotda.

UzAuto Motors uchinchi tomon resurslaridagi foydalanuvchilarning shaxsiy ma’lumotlari firibgarlik sxemalari uchun ishlatilishi mumkinligini ta’kidladi.

Eslatib o‘tamiz, bugun, 8-may kuni soat 10:00 da kompaniya Lacetti sotib olish bo‘yicha shartnomalarni ochdi.

O‘zbekistonning Namangan viloyati To‘raqo‘rg‘on tumanida faoliyat yurituvchi «Gold Fresh fruits» korxonasi gilos yig‘ishni boshladi, deb xabar berdi «Namanganskaya Pravda» gazetasi.

Korxonaning viloyatda 650 gektarga yaqin bog‘i bor. Yil oxirigacha 1,5 ming tonna gilos yetishtirish va eksport qilish rejalashtirilgan.

Ular mevalarni Rossiya, Xitoy, Janubiy Koreya, Amerika Qo‘shma Shtatlari, Birlashgan Arab Amirliklari, Indoneziya, Malayziya va Polshaga sotishmoqchi.

Avvalroq «Kursiv» 2024-yilning birinchi choragida O‘zbekiston sabzavot va mevalari eksporti hajmi 375,3 ming tonnani tashkil qilgani haqida xabar bergan edi.

Amerikaning Apple texnologik kompaniyasi yangi iPad Pro planshetining taqdimotini oʻtkazdi. Qurilma protsessorning soʻnggi versiyasi — M4 chipi bilan jihozlangan boʻlib, u sun’iy intellekt (SI) bilan bogʻliq muammolarni hal qilishga moʻljallangan. Bu haqda Bloomberg nashri xabar bermoqda.

Bundan tashqari, iPad Pro yanada yupqaroq qilib ishlanib, planshet Ultra Retina XDR OLED ekraniga ega. Apple 2018-yildan beri birinchi marta oʻzining Pro qurilmalar qatorini yangiladi.

Shuningek, kompaniya yana bir planshet modeli iPad Airʼni ham taqdim etdi. Qurilma M2 chip, koʻproq xotira hamda kattaroq ekranga ega. Ikkala model uchun ham asosiy xotira 128 gigabayt, maksimali 1 terabaytni tashkil qiladi.

11 dyuymli Air modeli...

Qozog‘istonda 18 yoshgacha va 22 yoshgacha bo‘lgan sportchilar o‘rtasida boks bo‘yicha qit’a birinchiligi yakunlandi. O‘zbekiston terma jamoasi umumjamoa hisobida uchinchi o‘rinni egalladi, deb xabar berdi Milliy olimpiya qo‘mitasi (MOQ).

O‘zbekiston bokschilari jami 20 ta medalni qo‘lga kiritishga muvaffaq bo‘lishdi, shundan to‘rttasi oltin. Bundan tashqari, terma jamoa hisobida oltita kumush va o‘nta bronza medali bor.

Eslatib o‘tamiz, mart oyida o‘zbek bokschilari «Great Silk Way» turnirida 16 ta medalni qo‘lga kiritgan.

Bugun, 8-may kuni Qoraqalpog‘iston Respublikasi, Xorazm, Buxoro va Navoiy viloyatlarida qisqa muddatli yomg‘ir yog‘adi va momaqaldiroq bo‘lishi mumkin. Kuchli shamol oqibatida chang-to‘zon ko‘tarilishi mumkin. Havo harorati 30-35 daraja iliq bo‘ladi, deb xabar beradi «O‘zgidromet».

Poytaxtda quyoshli va quruq ob-havo kuzatiladi. Kunduzi havo harorati 31-33 daraja issiq bo‘ladi va kechasi 16-18 daraja iliq bo‘ladi.

Togʻli hududlarda havo harorati biroz bulutli boʻladi. Togʻlar tepaligida qor koʻchishi xavfi bor. Havo harorati kunduzi 12-17 iliq va kechasi 7-12 daraja iliq bo‘ladi.